Matfei 16
16
Iisusas prižmitäh tunnusmerkii
(Mark. 8:11-13; Luk. 12:54-56)
1Iisusan luo tuldih fariseit da saddukeit, kudamat tahtottih oppie Hänen mielii da kyzyttih, gu Häi ozuttas heile mintahto tunnusmerkin taivahaspäi. 2No Iisus vastai heile: «[Ehtäl työ sanotto: ‘Rodieu hyvä siä, taivas on ruskei’, 3a huondeksel: ‘Tänäpäi rodieu paha siä, taivas on pilvine da ruskei ku veri.’ Taivastu työ maltatto lugie, no etto ellendä nygösty aigua.] 4Tämä paha da Jumalan hyllännyh polvi prižmiy minus tunnusmerkii, no sille ei anneta muudu merkii, ku vai moine, mittuine rodih Jonale.» Sit Häi jätti heidy sih da lähti iäre.
Iisus käsköy vardoijakseh fariseiloin da saddukeiloin opastandoi
(Mark. 8:14-21)
5Hyö tuldih kohturannale, no opastujat unohtettih ottua leibiä kerale. 6Sit Iisus sanoi heile: «Olgua varuksis. Vardoikkuattokseh fariseiloin da saddukeiloin muijotestu.» 7Opastujat sanottih toine toizele: «Myöhäi emmo ottanuh leibiä!» 8Iisus ellendi heijän mielet da sanoi: «Työ vähäuskozet! Mindäh työ pagizetto vai sidä, gu teil ei ole leibiä? 9Viego työ etto ellendännyh? Ettogo musta niilöi viitty leibiä, kudamis täydyi viijele tuhandele? I min viršii palua työ keräittö? 10A net seiččie leibiä, kudamis rodih kylläl n՚elläle tuhandele? Da min viršii palua työ keräittö silloi? 11Kuibo työ etto ellendä: en minä paissuh teile leibäh näh? Vardoikkuattokseh fariseiloin da saddukeiloin muijotestu.» 12Sit hyö ellendettih: ei Häi käskenyh vardoijakseh leibytaiginan muijotestu, a fariseiloin da saddukeiloin opastandoi.
Pedri pidäy Iisussua Hristosannu
(Mark. 8:27-30; Luk. 9:18-21)
13Konzu Iisus tuli Hilipän Kesarien lohkole, Häi kyzyi opastujil: «Ken rahvahan mieles on Ristikanzan Poigu?» 14Hyö vastattih: «Erähien mieles – Iivan Ristii, toizien mieles – Il՚l՚u, vie erähien – Jeremii libo kudaitahto toine Jumalan iänenkandajis.» 15«A työ kui duumaičetto?» kyzyi Iisus. «Ken minä olen teijän mieles?» 16Simon-Pedri vastai: «Sinä olet Messii, elävän Jumalan Poigu.» 17Iisus sanoi hänele: «Ozakas olet sinä, Simon, Jonan poigu. Tädä sinule ei avannuh ristikanzan mieli, a avai minun Tuatto, kudai on taivahis. 18I minä sanon sinule: sinä olet Pedri, Kallivo, i tälle kallivole minä pystytän oman uskojien kanzukunnan. Uadun vägi ei voita sidä. 19Minä annan sinule avaimet sit veriäs, kudai vedäy Taivahallizen valdah. Min sinä sivot mual, se roih sivottu taivahas, i min sinä piästät välläle mual, se roih piästetty taivahis.» 20Sit Häi kieldi opastujii sanelemas kelletahto sih niškoi, ku Häi on Messii.
Iisus enzi kerran pagizou omah kuolendah näh
(Mark. 8:31-33; Luk. 9:22)
21Täs lähtijen Iisus rubei pagizemah opastujile, gu Hänel pidäy mennä Jerusalimah i tirpua äijy gor՚ua rahvahan vahnimien, ylimäzien pappiloin da zakonanopastajien käzis. Händy tapetah, no kolmandennu päivänny Häi nouzou kuollieloispäi. 22Pedri vedi Händy bokkah da rubei ebiämäh: «Piästä Jumal! Anna nikonzu ei rodei Sinule nengostu, Ižändy!» 23No Häi kiändyi Pedrih päi da sanoi: «Mene iäre, sattan! Sinä tahtot, ku minä öntästyzin. Sinul ei olla Jumalan mielet, a ollah ristikanzoin mielet!»
Opastujat astutah Iisusale jälles
(Mark. 8:34-9:1; Luk. 9:23-27)
24Iisus sanoi omile opastujile: «Ken ku tahtonou astuo minule jälles, häi kieldävykkäh omas ičes, otakkah oman ristan da astukkah minule peräh. 25Kačo, ken rippuu omas henges, se menettäy sen, a ken menettäy oman hengen minun täh, se suau sen. 26Midäbo hyviä on ristikanzale, ku häi suannou kaiken muailman, a hengen menetännöy? Ongo moine hindu, kudamal ristikanzu voibi lunnastua oman hengen? 27Ristikanzan Poigu tulou Tuattah taivahallizes väis da valgies omien anheliloinke, i sit maksau kaikile heijän ruadoloi myöte. 28Toven sanon teile: erähät täs seizojis ei kuolta, kuni ei nähtä Ristikanzan Poigua tulemas suarinnu.»
Currently Selected:
Matfei 16: LIVVI
Highlight
Share
Copy
Want to have your highlights saved across all your devices? Sign up or sign in
(c) Biblienkiännändyinstituuttu, Helsinki 2003
Matfei 16
16
Iisusas prižmitäh tunnusmerkii
(Mark. 8:11-13; Luk. 12:54-56)
1Iisusan luo tuldih fariseit da saddukeit, kudamat tahtottih oppie Hänen mielii da kyzyttih, gu Häi ozuttas heile mintahto tunnusmerkin taivahaspäi. 2No Iisus vastai heile: «[Ehtäl työ sanotto: ‘Rodieu hyvä siä, taivas on ruskei’, 3a huondeksel: ‘Tänäpäi rodieu paha siä, taivas on pilvine da ruskei ku veri.’ Taivastu työ maltatto lugie, no etto ellendä nygösty aigua.] 4Tämä paha da Jumalan hyllännyh polvi prižmiy minus tunnusmerkii, no sille ei anneta muudu merkii, ku vai moine, mittuine rodih Jonale.» Sit Häi jätti heidy sih da lähti iäre.
Iisus käsköy vardoijakseh fariseiloin da saddukeiloin opastandoi
(Mark. 8:14-21)
5Hyö tuldih kohturannale, no opastujat unohtettih ottua leibiä kerale. 6Sit Iisus sanoi heile: «Olgua varuksis. Vardoikkuattokseh fariseiloin da saddukeiloin muijotestu.» 7Opastujat sanottih toine toizele: «Myöhäi emmo ottanuh leibiä!» 8Iisus ellendi heijän mielet da sanoi: «Työ vähäuskozet! Mindäh työ pagizetto vai sidä, gu teil ei ole leibiä? 9Viego työ etto ellendännyh? Ettogo musta niilöi viitty leibiä, kudamis täydyi viijele tuhandele? I min viršii palua työ keräittö? 10A net seiččie leibiä, kudamis rodih kylläl n՚elläle tuhandele? Da min viršii palua työ keräittö silloi? 11Kuibo työ etto ellendä: en minä paissuh teile leibäh näh? Vardoikkuattokseh fariseiloin da saddukeiloin muijotestu.» 12Sit hyö ellendettih: ei Häi käskenyh vardoijakseh leibytaiginan muijotestu, a fariseiloin da saddukeiloin opastandoi.
Pedri pidäy Iisussua Hristosannu
(Mark. 8:27-30; Luk. 9:18-21)
13Konzu Iisus tuli Hilipän Kesarien lohkole, Häi kyzyi opastujil: «Ken rahvahan mieles on Ristikanzan Poigu?» 14Hyö vastattih: «Erähien mieles – Iivan Ristii, toizien mieles – Il՚l՚u, vie erähien – Jeremii libo kudaitahto toine Jumalan iänenkandajis.» 15«A työ kui duumaičetto?» kyzyi Iisus. «Ken minä olen teijän mieles?» 16Simon-Pedri vastai: «Sinä olet Messii, elävän Jumalan Poigu.» 17Iisus sanoi hänele: «Ozakas olet sinä, Simon, Jonan poigu. Tädä sinule ei avannuh ristikanzan mieli, a avai minun Tuatto, kudai on taivahis. 18I minä sanon sinule: sinä olet Pedri, Kallivo, i tälle kallivole minä pystytän oman uskojien kanzukunnan. Uadun vägi ei voita sidä. 19Minä annan sinule avaimet sit veriäs, kudai vedäy Taivahallizen valdah. Min sinä sivot mual, se roih sivottu taivahas, i min sinä piästät välläle mual, se roih piästetty taivahis.» 20Sit Häi kieldi opastujii sanelemas kelletahto sih niškoi, ku Häi on Messii.
Iisus enzi kerran pagizou omah kuolendah näh
(Mark. 8:31-33; Luk. 9:22)
21Täs lähtijen Iisus rubei pagizemah opastujile, gu Hänel pidäy mennä Jerusalimah i tirpua äijy gor՚ua rahvahan vahnimien, ylimäzien pappiloin da zakonanopastajien käzis. Händy tapetah, no kolmandennu päivänny Häi nouzou kuollieloispäi. 22Pedri vedi Händy bokkah da rubei ebiämäh: «Piästä Jumal! Anna nikonzu ei rodei Sinule nengostu, Ižändy!» 23No Häi kiändyi Pedrih päi da sanoi: «Mene iäre, sattan! Sinä tahtot, ku minä öntästyzin. Sinul ei olla Jumalan mielet, a ollah ristikanzoin mielet!»
Opastujat astutah Iisusale jälles
(Mark. 8:34-9:1; Luk. 9:23-27)
24Iisus sanoi omile opastujile: «Ken ku tahtonou astuo minule jälles, häi kieldävykkäh omas ičes, otakkah oman ristan da astukkah minule peräh. 25Kačo, ken rippuu omas henges, se menettäy sen, a ken menettäy oman hengen minun täh, se suau sen. 26Midäbo hyviä on ristikanzale, ku häi suannou kaiken muailman, a hengen menetännöy? Ongo moine hindu, kudamal ristikanzu voibi lunnastua oman hengen? 27Ristikanzan Poigu tulou Tuattah taivahallizes väis da valgies omien anheliloinke, i sit maksau kaikile heijän ruadoloi myöte. 28Toven sanon teile: erähät täs seizojis ei kuolta, kuni ei nähtä Ristikanzan Poigua tulemas suarinnu.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Biblienkiännändyinstituuttu, Helsinki 2003