Marku 15
15
Iisus Pilatan ies
(Matf. 27:1-2, 11-26; Luk. 23:1-5, 13-25; Iiv. 18:28-19:16)
1Aijoi huondeksel ylimäzet papit, rahvahan vahnimat da zakonanopastajat yhtes N՚evvokunnanke paistih keskenäh, sivottih Iisussua nuorih, vietettih iäres da annettih Pilatale.
2Pilat kyzyi Iisusal: «Oletgo sinä jevreilöin suari?» «Sinä sen sanoit», vastai Iisus. 3Sit ylimäzet papit viäritettih Händy äijis dielolois. 4Pilat kyzyi Hänel uvvessah: «Etgo nimidä vastua? Kuulethäi, mis kaikes sinuu viäritetäh.» 5No Iisus enämbi nimidä ei sanonuh vastah. Pilat diiviihes.
6Pruazniekan aigua Pilat ainos piästi välläle yhten kiiniotetun, sen, kedä pakittih piästiä rahvas. 7Sil kerdua oldih kiiniotetunnu valdoi vastah nossuot, kudamat hälyn aigua tapettih ristikanzu. Heijän joukos oli Varavvu-nimine mies. 8Rahvas tuldih Pilatan luo da sanottih, ku häi luadis muga, kui ennegi luadii. 9Pilat kyzyi: «Tahtottogo, minä piästän teile jevreilöin suarin?» 10Häi, näit, ellendi, ku ylimäzet papit vihattih Iisussua i sendäh annettih Händy hänen käzih. 11Ylimäzet papit yksikai kuhkutettih rahvasjoukkuo sanomah, ku häi piästäs välläle parembi Varavvan. 12Pilat vie kyzyi rahvahal: «Midäbo minul sit luadie jevreilöin suarile?» 13Hyö uvvessah kirruttih: «Nuagliče händy ristah!» 14«Midäbo pahua häi luadii?» kyzyi Pilat. No hyö vie enämbäl kirruttih: «Nuagliče händy ristah!»
15Pilat tahtoi luadie rahvahan mieldy myöte da piästi Varavvan, a Iisussua häi käski pergua, sit andoi nuaglittavakse ristah.
Iisus saldatoin nagrettavannu
(Matf. 27:27-31; Iiv. 19:2-3)
16Saldatat viettih Iisussua Pilatan taloin keskipihale da kučuttih kai saldattujoukko sih. 17Hyö pandih Hänen hardieloile muzavanruskei soba da punottih čökittäjis oksis venku i pandih se Hänele piäh. 18Sit hyö kirruttih Hänele: «Terveh, jevreilöin suari!» 19Hyö perrettih Händy kepil piädy vaste, sylgiettih Häneh, polvisteltihes da kumardeltihes Hänele. 20Kylläl nagrettuu, hyö otettih Hänen hardieloilpäi muzavanruskei soba, šuoritettih Händy Hänen omih sobih i lähtiettih viettämäh ristah nuaglittavakse.
Iisussua nuaglitah ristah
(Matf. 27:32-44; Luk. 23:26-43; Iiv. 19:17-27)
21Yksi mies ugodiihes astumah siiriči heis. Saldatat pandih händy kandamah Iisusan ristua. Se oli kirinielaine Simon, Aleksandran da Ruufan tuatto, kudai oli tulemas linnah. 22Saldatat viedih Iisus Golgofa-nimizele kohtale, kudai meijän kielel on Piäkul՚l՚ukkukohtu. 23Hyö tarittih Hänele viinua, kudamah oli sevoitettu miirua, no Häi ei ottanuh sidä. 24Sit hyö nuaglittih Händy ristah da keskenäh juattih Hänen sovat, pandih puikkoh, kelle mi puuttuu.
25Oli kolmas čuassu#15:25 Päivy da yö juattih kahtehtostu čuassuh. Kolmas čuassu, se meijän aijan mugah olis 8:n da 9:n välil huondeksel., konzu hyö nuaglittih Händy ristah. 26Ristah pandih kirjutus, kudai ozutti, mis Händy viäritettih: «Jevreilöin suari.» 27Hänenke nuaglittih ristah vie kaksi rozvuo, yksi Hänen oigiele puolele, toine – hurale. [ 28Muga stuanivuttih kirjutuksen sanat: «Händy pandih rozvoloin joukkoh.»]
29Siiričiastujat nagrettih Händy, lekutettih piädy da sanottih: «Aa, sinähäi voit levittiä muah jumalankoin da kolmes päiväs nostua sen! 30Piästä nygöi iččiedäs, heity ristaspäi!» 31Nenga nagrettih Händy i ylimäzet papit, zakonanopastajat da vahnimat. Hyö paistih keskenäh: «Toizii häi piästi, a iččiedäh ei voi piästiä. 32Messii, Izrail՚an suari heitykkäh nygöi ristaspäi, ku myö nägizimmö sen da uskozimmo häneh.» Kudamii nuaglittih ristah yhtes Iisusanke, netgi kirottih Händy.
Iisusan kuolendu
(Matf. 27:45-56; Luk. 23:44-49; Iiv. 19:28-30)
33Kuvvendel čuasul, puolenpäivän aigua, kaikel mual rodih pimei, da sidä pimiedy kesti yheksändeh čuassuh suate. 34Yheksändel čuasul Iisus kirgai äijäl: «Eloi, Eloi, lema sabahtani?» Meijän kielel se on: ‘Jumaloini, Jumaloini, mindäh Minuu hylgäit?’ 35Tämän kuultuu erähät sil kohtal olijois sanottih: «Kuulkua, häi kuččuu Il՚l՚ua.» 36Kenlienne juoksi, kastoi gupkan muigieh viinah, pani kepinpiäh, andoi Hänele juvva da sanoi: «Annas kačommo, tulougo Il՚l՚u ottamah händy alah.» 37No Iisus kirgai korgiel iänel i andoi hengen.
38Sit jumalankoin keskuszuavessi rebii kahtekse ylähänpäi alahah suate. 39Ku suanpiällikkö, kudai seizoi Iisusan vastalpäi, nägi, kui Häi hengähtih jälgimäzen kerran, sanoi: «Tämä mies tottu oli Jumalan Poigu!» 40Loitombazennu oli naiziigi sidä kaččomas. Heijän joukos oli i Magdalan Marija da nuoremban Juakoin da Josifan muamo Marija da Salomei. 41Jo Galileis hyö käveltih Iisusanke da avvutettih Hänele. Sie oli äijy muidugi naizii, kudamat tuldih Hänenke Jerusalimah.
Iisusan muahpanendu
(Matf. 27:57-61; Luk. 23:50-56; Iiv. 19:38-42)
42Oli jo ehty. I ku oli piätteniččy, suovatan valmistandupäivy, 43sih tuli arimatielaine Josif. Se oli počotas pietty mies, kudai kuului N՚evvokundah da vuotti ičegi Jumalan valdukundua. Häi rohkeni, meni Pilatan luo da kyzyi, voisgo ottua Iisusan rungu. 44Pilat diiviihes, ku tiijusti, Iisus jo kuoli. Häi kučui suanpiällikön da kyzyi: «Ongo Iisus jo kuolluh?» 45Ku häi tiijusti suanpiälliköl sen, häi andoi Josifale vallan ottua rungan. 46Josif osti palan paltinua, otti Iisusan ristaspäi, kiärii paltinah i pani kallivoh louhittuh kalmukoloh. Kalmukolonsuuh häi vieretti kiven. 47Magdalan Marija da Josifan muamo Marija kačottih, kunne Iisus pandih.
Currently Selected:
Marku 15: LIVVI
Highlight
Share
Copy
Want to have your highlights saved across all your devices? Sign up or sign in
(c) Biblienkiännändyinstituuttu, Helsinki 2003
Marku 15
15
Iisus Pilatan ies
(Matf. 27:1-2, 11-26; Luk. 23:1-5, 13-25; Iiv. 18:28-19:16)
1Aijoi huondeksel ylimäzet papit, rahvahan vahnimat da zakonanopastajat yhtes N՚evvokunnanke paistih keskenäh, sivottih Iisussua nuorih, vietettih iäres da annettih Pilatale.
2Pilat kyzyi Iisusal: «Oletgo sinä jevreilöin suari?» «Sinä sen sanoit», vastai Iisus. 3Sit ylimäzet papit viäritettih Händy äijis dielolois. 4Pilat kyzyi Hänel uvvessah: «Etgo nimidä vastua? Kuulethäi, mis kaikes sinuu viäritetäh.» 5No Iisus enämbi nimidä ei sanonuh vastah. Pilat diiviihes.
6Pruazniekan aigua Pilat ainos piästi välläle yhten kiiniotetun, sen, kedä pakittih piästiä rahvas. 7Sil kerdua oldih kiiniotetunnu valdoi vastah nossuot, kudamat hälyn aigua tapettih ristikanzu. Heijän joukos oli Varavvu-nimine mies. 8Rahvas tuldih Pilatan luo da sanottih, ku häi luadis muga, kui ennegi luadii. 9Pilat kyzyi: «Tahtottogo, minä piästän teile jevreilöin suarin?» 10Häi, näit, ellendi, ku ylimäzet papit vihattih Iisussua i sendäh annettih Händy hänen käzih. 11Ylimäzet papit yksikai kuhkutettih rahvasjoukkuo sanomah, ku häi piästäs välläle parembi Varavvan. 12Pilat vie kyzyi rahvahal: «Midäbo minul sit luadie jevreilöin suarile?» 13Hyö uvvessah kirruttih: «Nuagliče händy ristah!» 14«Midäbo pahua häi luadii?» kyzyi Pilat. No hyö vie enämbäl kirruttih: «Nuagliče händy ristah!»
15Pilat tahtoi luadie rahvahan mieldy myöte da piästi Varavvan, a Iisussua häi käski pergua, sit andoi nuaglittavakse ristah.
Iisus saldatoin nagrettavannu
(Matf. 27:27-31; Iiv. 19:2-3)
16Saldatat viettih Iisussua Pilatan taloin keskipihale da kučuttih kai saldattujoukko sih. 17Hyö pandih Hänen hardieloile muzavanruskei soba da punottih čökittäjis oksis venku i pandih se Hänele piäh. 18Sit hyö kirruttih Hänele: «Terveh, jevreilöin suari!» 19Hyö perrettih Händy kepil piädy vaste, sylgiettih Häneh, polvisteltihes da kumardeltihes Hänele. 20Kylläl nagrettuu, hyö otettih Hänen hardieloilpäi muzavanruskei soba, šuoritettih Händy Hänen omih sobih i lähtiettih viettämäh ristah nuaglittavakse.
Iisussua nuaglitah ristah
(Matf. 27:32-44; Luk. 23:26-43; Iiv. 19:17-27)
21Yksi mies ugodiihes astumah siiriči heis. Saldatat pandih händy kandamah Iisusan ristua. Se oli kirinielaine Simon, Aleksandran da Ruufan tuatto, kudai oli tulemas linnah. 22Saldatat viedih Iisus Golgofa-nimizele kohtale, kudai meijän kielel on Piäkul՚l՚ukkukohtu. 23Hyö tarittih Hänele viinua, kudamah oli sevoitettu miirua, no Häi ei ottanuh sidä. 24Sit hyö nuaglittih Händy ristah da keskenäh juattih Hänen sovat, pandih puikkoh, kelle mi puuttuu.
25Oli kolmas čuassu#15:25 Päivy da yö juattih kahtehtostu čuassuh. Kolmas čuassu, se meijän aijan mugah olis 8:n da 9:n välil huondeksel., konzu hyö nuaglittih Händy ristah. 26Ristah pandih kirjutus, kudai ozutti, mis Händy viäritettih: «Jevreilöin suari.» 27Hänenke nuaglittih ristah vie kaksi rozvuo, yksi Hänen oigiele puolele, toine – hurale. [ 28Muga stuanivuttih kirjutuksen sanat: «Händy pandih rozvoloin joukkoh.»]
29Siiričiastujat nagrettih Händy, lekutettih piädy da sanottih: «Aa, sinähäi voit levittiä muah jumalankoin da kolmes päiväs nostua sen! 30Piästä nygöi iččiedäs, heity ristaspäi!» 31Nenga nagrettih Händy i ylimäzet papit, zakonanopastajat da vahnimat. Hyö paistih keskenäh: «Toizii häi piästi, a iččiedäh ei voi piästiä. 32Messii, Izrail՚an suari heitykkäh nygöi ristaspäi, ku myö nägizimmö sen da uskozimmo häneh.» Kudamii nuaglittih ristah yhtes Iisusanke, netgi kirottih Händy.
Iisusan kuolendu
(Matf. 27:45-56; Luk. 23:44-49; Iiv. 19:28-30)
33Kuvvendel čuasul, puolenpäivän aigua, kaikel mual rodih pimei, da sidä pimiedy kesti yheksändeh čuassuh suate. 34Yheksändel čuasul Iisus kirgai äijäl: «Eloi, Eloi, lema sabahtani?» Meijän kielel se on: ‘Jumaloini, Jumaloini, mindäh Minuu hylgäit?’ 35Tämän kuultuu erähät sil kohtal olijois sanottih: «Kuulkua, häi kuččuu Il՚l՚ua.» 36Kenlienne juoksi, kastoi gupkan muigieh viinah, pani kepinpiäh, andoi Hänele juvva da sanoi: «Annas kačommo, tulougo Il՚l՚u ottamah händy alah.» 37No Iisus kirgai korgiel iänel i andoi hengen.
38Sit jumalankoin keskuszuavessi rebii kahtekse ylähänpäi alahah suate. 39Ku suanpiällikkö, kudai seizoi Iisusan vastalpäi, nägi, kui Häi hengähtih jälgimäzen kerran, sanoi: «Tämä mies tottu oli Jumalan Poigu!» 40Loitombazennu oli naiziigi sidä kaččomas. Heijän joukos oli i Magdalan Marija da nuoremban Juakoin da Josifan muamo Marija da Salomei. 41Jo Galileis hyö käveltih Iisusanke da avvutettih Hänele. Sie oli äijy muidugi naizii, kudamat tuldih Hänenke Jerusalimah.
Iisusan muahpanendu
(Matf. 27:57-61; Luk. 23:50-56; Iiv. 19:38-42)
42Oli jo ehty. I ku oli piätteniččy, suovatan valmistandupäivy, 43sih tuli arimatielaine Josif. Se oli počotas pietty mies, kudai kuului N՚evvokundah da vuotti ičegi Jumalan valdukundua. Häi rohkeni, meni Pilatan luo da kyzyi, voisgo ottua Iisusan rungu. 44Pilat diiviihes, ku tiijusti, Iisus jo kuoli. Häi kučui suanpiällikön da kyzyi: «Ongo Iisus jo kuolluh?» 45Ku häi tiijusti suanpiälliköl sen, häi andoi Josifale vallan ottua rungan. 46Josif osti palan paltinua, otti Iisusan ristaspäi, kiärii paltinah i pani kallivoh louhittuh kalmukoloh. Kalmukolonsuuh häi vieretti kiven. 47Magdalan Marija da Josifan muamo Marija kačottih, kunne Iisus pandih.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Biblienkiännändyinstituuttu, Helsinki 2003