Luka 21
21
Həmte nggamsatə a vədə
(Markus 12.41-44)
1Yesu a maddə diingɨn a naa ji-gɨnətə dɨ ɗɨkdə kaɓa taa a vor kpaa luu həmtə a vor Kwa-Shafe. 2Nda naa itɨ meti nggamsati nji-poriti mgban dɨ ɗɨkdə penetə kpe a hangɨn. 3Nda sa atɨ, “Diyalə na dɨ boyownə, sa nggamsate a vədən pɨrgə hɨnggə myee mbiɗi kat. 4Gəkɨlə minə kat a nggɨla ɓyeləng dɨ vor gɨnətɨ darən a vədən həmti. Shezə nggamsate taa asə kaarə, kat ka poritə darə ngga nggura nzɨ sa ngga gə kan gə nzaa vɨratə a vədən.”
Sɨgbəshi kpawtɨ vɨratə
(Matta 24.1-28; Markus 13.1-23)
5Imi dɨ vor lagbe dan a nidə vor Kwa-Shafe ta humwa faree mya nwoshe kaarən, ka fawna mya ɗa a sɨtɨ Shafəngɨn ka shee ɓwaare a vədərən gə le da Həmɨnpwa. Yesu a sarən, 6“Aa hwun naa farengɨn 'ye kat, fəre nee dɨ shi, nagi farati hiɗə aa dɨ mbiɗi a kangə nə itə, mya fəl sɨbonggye haa a bəə həlkəkət.”
7Imi a ɗiyən, “Nzə-kəndəshe, goɗinə shingɨn ɓa ɗa ɓə? Mɨnə sɨgbəshi shingɨn?”
8Nda luwa a sarən, “Bəmdə myensəwnə, ɓe ama aa vwakarəwnə. Gəkɨlə ɓwaare hananang ɓa shi a vor kwaka, tən ɓa sa atɨ, ‘Hɨnə Ma Həmɨnpwa a Yaɓwarən,’ tən ɓa mɨnaa sa atɨ, ‘Kpawtə fəre ɓa dɨ tɨla.’ Ɓe hwunaa mwakarən a koɗərən. 9Hwun kana kɨlə atɨ, vɨratɨnə ka vɨratɨrə nee dɨ pa-kawatə ka sə, nyatə maɗə waka ɓwaare, ɓe kala aa gəwnə. Gə ɓə nza mbak-mbak wule shingɨn kat a ɗa. Kat ka angɨn kpawtɨ fəre aa dɨ nza a shi ɗəng.”
10Nda mɨna sarən, “Ɓwaare dɨ njiya som-som ɓa markasə, həmye ɓa ndɨlkasə, myatə ɓa fuka, 11Njiya ɓa humuro hee som-som, myatə ɓa fuka, ootə ɓa pɨra. Shee ɓa ɗɨkdə ɓwaare təna gəə kala ka zərgi səkushipə gbake ɓa dɨma a vor pwa.
12“Sə kwaməte ɓa bəngrəwnə nə, mye ɓa tənəə dəwnə, mye ɓa kəttəwnə a gbəwnə a gbərəwe. Mye ɓa ɓashidəwnə a vəni kəndəshe, mye ɓa zə kəwnə a humwa həmye ka yə nggwamne gə ɓashitə, kat gə le de. 13Gə ləngɨn hwun ɓa ɗɨm humwatə hwuna takale a na a fərəngɨn. 14Bəmdə myensəwnə ɓe hwunaa ɗyengle gə la hwun ɓa boyo. 15Gə a fərəngɨn hɨn ɓa vəwnə lele ka la hwun ɓa boyo, ji-nyaagəwnə aa dɨ kanggəwnə a mbəwnə ka byelə a nə la hwun ɓa boyo. 16Nagi yə sɨnggəwnə ɓa kworəwnə, yə ji-nuwogəwnə ka myee dəwnə ka yə ndewegəwnə kat. Tən ɓa dɨmə kəwnə a mgbarəwnə a haa bwange a ɓəl imi dɨ vorsəwnə. 17Ɓwaare kat ɓa kwo nəngəwnə gə le de. 18Gə-angɨn asə aa dɨ gəwnə, nagi showo nəngəwnə nə asə aa dɨ gən nda yerə ɓaa. 19Ma kanyi dwat ndaa gbəkəyə, ɓa ɗɨm myente kaaru-kaaru.
20“Hwun kana naa ji-pakawatə shi ka nyatə, takadə Urshelima, hwuna leyə atɨ hɨnggə Urshelima ɓa dɨ mbəə. 21A fərəngɨn, myee a vor njiya Yawudiya, a təna gyeɓə a nggɨrə nə mogye. Myee mgban a vor Urshelima, a təna gyeɓə a dɨmə. Mirə mgban a kaake ɓe tənaa yə gyaɓa a mɨna dɨ hwoɗye. 22Gə fərəngɨnə fərə yedi-kɨtta Həmɨnpwa ɓətɨya kpalye a doro vor Malɨmtɨ Ɗəmɗəmtə ɓa naa. 23Kək! A fərəngɨn sɨtɨ mandye ka wape ɓa otɨrən, sə mgban ka 'ye ka ji-kpalamye dɨ shəw dərən. Ɓwaare ɓa tənə kɨr-kɨr a fərəngɨn a nagi ndo haa, gəkɨlə Həmɨnpwa ɗa yedi-kɨttə ka myee dan. 24Mya ɓəl imi ka sungwa, imi mgban mya muɗə kaarən a vɨre som-som a kɨsawne. Myee aa lee Həmɨnpwa ɓa woyo nə Urshelima baa a zə fəra gətɨ darən ɓa mbədə.
Mɨnata Nze da Ɓwaara
(Matta 24.29-31; Markus 13.24-27)
25“Zərgi səkushipe ɓa ɗa a nə fəre, ka likɨtə, ka tyekəlye. Ɓwaare vɨratə kat ɓa pɨrə vor tukuttə gə hawa dɨ tawa ka karame a nə gbɨnuwtɨ sɨkorən, ka ɗogoli hawa dɨ maɗa ka haɓye dɨ nə gbɨnuwongɨn. 26Kala ɓa gə ɓwaare baa tən ta mbərhe gə sa ɓa ɗa, gəkɨlə gətɨ vɨratə ɓa humuro, tyekəlye ɓa fwaka dɨ pwa. 27A fərəngɨn də tən ɓa shea nee hɨn Nze da Ɓwaara dɨ janga dɨ vor pərɓye ka gətə ka fukatɨ gbaktə. 28Hwun kana naa shingɨn tiya dɨ ɗa, kangəm kpəkəkə, hwuna maddə nəngəwnə a pwa, gəkɨlə mbə səwnə tɨla.”
Byelə səɗe a nə kada nggwale
(Matta 24.32-35; Markus 13.28-31)
29Nda ɗarən zərgi le a sarən, “Niyəmdə kada nggwale ka mbiɗitɨ kade kat. 30Kade kana tiya manatə, hwuna leyə atɨ ɓoole janga. 31Sə mgban hwun kana naa sɨgbəshi shingɨn, hwuna leyə atɨ həmne da Həmɨnpwa ɓa dɨ tɨla.
32“Diyalə na dɨ boyownə, imi a vɨra wanetɨnə aa dɨ mbərə a pɨrə ɓaa anda shinə na boyo kat aa ɗa kat. 33Pwa ka njiya ɓa pɨrə, shezə ləməgye de aa dɨ ga pɨrə ɓaa.
Fyel-kwakye a nə nzaa gɨratə
34“Bəmdə myensəwnə, hwuna ɗyangale ɓe hwunaa pɨrə ɨlshi vɨratə ka soɓwe ta kpashi ka ɗyengle a nə shi vɨratɨnə, baa fərəngɨn a shi hwunaa leyə, pasa ma mya kɨsə penge. 35Gəkɨlə sə fərəngɨn ɓa shi nə myee kat a vor vɨratə. 36Nzam ka ɗaasɨtə, hwun ta gɨra ta hiwi gə hwuna mbəgə sa ɓa ɗa a fərəngɨn, gə hwuna mba kangtə a humwashi Hɨn Nze da Ɓwaara.”
37Fərə-fərə Yesu nee a vor Kwa-Shafe dɨ kəndəshe, ka kaade nda dɨ dɨmə a zə nə Motɨ Kade Zetun, də nda dɨ bə baa haa a kɨɗa. 38Ɓwaare a dɨ dɨma ka haa kpit-kpit a paya a Kwa-Shafe gə təna kɨltən.
Currently Selected:
Luka 21: bcy
Highlight
Share
Copy
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Luka 21
21
Həmte nggamsatə a vədə
(Markus 12.41-44)
1Yesu a maddə diingɨn a naa ji-gɨnətə dɨ ɗɨkdə kaɓa taa a vor kpaa luu həmtə a vor Kwa-Shafe. 2Nda naa itɨ meti nggamsati nji-poriti mgban dɨ ɗɨkdə penetə kpe a hangɨn. 3Nda sa atɨ, “Diyalə na dɨ boyownə, sa nggamsate a vədən pɨrgə hɨnggə myee mbiɗi kat. 4Gəkɨlə minə kat a nggɨla ɓyeləng dɨ vor gɨnətɨ darən a vədən həmti. Shezə nggamsate taa asə kaarə, kat ka poritə darə ngga nggura nzɨ sa ngga gə kan gə nzaa vɨratə a vədən.”
Sɨgbəshi kpawtɨ vɨratə
(Matta 24.1-28; Markus 13.1-23)
5Imi dɨ vor lagbe dan a nidə vor Kwa-Shafe ta humwa faree mya nwoshe kaarən, ka fawna mya ɗa a sɨtɨ Shafəngɨn ka shee ɓwaare a vədərən gə le da Həmɨnpwa. Yesu a sarən, 6“Aa hwun naa farengɨn 'ye kat, fəre nee dɨ shi, nagi farati hiɗə aa dɨ mbiɗi a kangə nə itə, mya fəl sɨbonggye haa a bəə həlkəkət.”
7Imi a ɗiyən, “Nzə-kəndəshe, goɗinə shingɨn ɓa ɗa ɓə? Mɨnə sɨgbəshi shingɨn?”
8Nda luwa a sarən, “Bəmdə myensəwnə, ɓe ama aa vwakarəwnə. Gəkɨlə ɓwaare hananang ɓa shi a vor kwaka, tən ɓa sa atɨ, ‘Hɨnə Ma Həmɨnpwa a Yaɓwarən,’ tən ɓa mɨnaa sa atɨ, ‘Kpawtə fəre ɓa dɨ tɨla.’ Ɓe hwunaa mwakarən a koɗərən. 9Hwun kana kɨlə atɨ, vɨratɨnə ka vɨratɨrə nee dɨ pa-kawatə ka sə, nyatə maɗə waka ɓwaare, ɓe kala aa gəwnə. Gə ɓə nza mbak-mbak wule shingɨn kat a ɗa. Kat ka angɨn kpawtɨ fəre aa dɨ nza a shi ɗəng.”
10Nda mɨna sarən, “Ɓwaare dɨ njiya som-som ɓa markasə, həmye ɓa ndɨlkasə, myatə ɓa fuka, 11Njiya ɓa humuro hee som-som, myatə ɓa fuka, ootə ɓa pɨra. Shee ɓa ɗɨkdə ɓwaare təna gəə kala ka zərgi səkushipə gbake ɓa dɨma a vor pwa.
12“Sə kwaməte ɓa bəngrəwnə nə, mye ɓa tənəə dəwnə, mye ɓa kəttəwnə a gbəwnə a gbərəwe. Mye ɓa ɓashidəwnə a vəni kəndəshe, mye ɓa zə kəwnə a humwa həmye ka yə nggwamne gə ɓashitə, kat gə le de. 13Gə ləngɨn hwun ɓa ɗɨm humwatə hwuna takale a na a fərəngɨn. 14Bəmdə myensəwnə ɓe hwunaa ɗyengle gə la hwun ɓa boyo. 15Gə a fərəngɨn hɨn ɓa vəwnə lele ka la hwun ɓa boyo, ji-nyaagəwnə aa dɨ kanggəwnə a mbəwnə ka byelə a nə la hwun ɓa boyo. 16Nagi yə sɨnggəwnə ɓa kworəwnə, yə ji-nuwogəwnə ka myee dəwnə ka yə ndewegəwnə kat. Tən ɓa dɨmə kəwnə a mgbarəwnə a haa bwange a ɓəl imi dɨ vorsəwnə. 17Ɓwaare kat ɓa kwo nəngəwnə gə le de. 18Gə-angɨn asə aa dɨ gəwnə, nagi showo nəngəwnə nə asə aa dɨ gən nda yerə ɓaa. 19Ma kanyi dwat ndaa gbəkəyə, ɓa ɗɨm myente kaaru-kaaru.
20“Hwun kana naa ji-pakawatə shi ka nyatə, takadə Urshelima, hwuna leyə atɨ hɨnggə Urshelima ɓa dɨ mbəə. 21A fərəngɨn, myee a vor njiya Yawudiya, a təna gyeɓə a nggɨrə nə mogye. Myee mgban a vor Urshelima, a təna gyeɓə a dɨmə. Mirə mgban a kaake ɓe tənaa yə gyaɓa a mɨna dɨ hwoɗye. 22Gə fərəngɨnə fərə yedi-kɨtta Həmɨnpwa ɓətɨya kpalye a doro vor Malɨmtɨ Ɗəmɗəmtə ɓa naa. 23Kək! A fərəngɨn sɨtɨ mandye ka wape ɓa otɨrən, sə mgban ka 'ye ka ji-kpalamye dɨ shəw dərən. Ɓwaare ɓa tənə kɨr-kɨr a fərəngɨn a nagi ndo haa, gəkɨlə Həmɨnpwa ɗa yedi-kɨttə ka myee dan. 24Mya ɓəl imi ka sungwa, imi mgban mya muɗə kaarən a vɨre som-som a kɨsawne. Myee aa lee Həmɨnpwa ɓa woyo nə Urshelima baa a zə fəra gətɨ darən ɓa mbədə.
Mɨnata Nze da Ɓwaara
(Matta 24.29-31; Markus 13.24-27)
25“Zərgi səkushipe ɓa ɗa a nə fəre, ka likɨtə, ka tyekəlye. Ɓwaare vɨratə kat ɓa pɨrə vor tukuttə gə hawa dɨ tawa ka karame a nə gbɨnuwtɨ sɨkorən, ka ɗogoli hawa dɨ maɗa ka haɓye dɨ nə gbɨnuwongɨn. 26Kala ɓa gə ɓwaare baa tən ta mbərhe gə sa ɓa ɗa, gəkɨlə gətɨ vɨratə ɓa humuro, tyekəlye ɓa fwaka dɨ pwa. 27A fərəngɨn də tən ɓa shea nee hɨn Nze da Ɓwaara dɨ janga dɨ vor pərɓye ka gətə ka fukatɨ gbaktə. 28Hwun kana naa shingɨn tiya dɨ ɗa, kangəm kpəkəkə, hwuna maddə nəngəwnə a pwa, gəkɨlə mbə səwnə tɨla.”
Byelə səɗe a nə kada nggwale
(Matta 24.32-35; Markus 13.28-31)
29Nda ɗarən zərgi le a sarən, “Niyəmdə kada nggwale ka mbiɗitɨ kade kat. 30Kade kana tiya manatə, hwuna leyə atɨ ɓoole janga. 31Sə mgban hwun kana naa sɨgbəshi shingɨn, hwuna leyə atɨ həmne da Həmɨnpwa ɓa dɨ tɨla.
32“Diyalə na dɨ boyownə, imi a vɨra wanetɨnə aa dɨ mbərə a pɨrə ɓaa anda shinə na boyo kat aa ɗa kat. 33Pwa ka njiya ɓa pɨrə, shezə ləməgye de aa dɨ ga pɨrə ɓaa.
Fyel-kwakye a nə nzaa gɨratə
34“Bəmdə myensəwnə, hwuna ɗyangale ɓe hwunaa pɨrə ɨlshi vɨratə ka soɓwe ta kpashi ka ɗyengle a nə shi vɨratɨnə, baa fərəngɨn a shi hwunaa leyə, pasa ma mya kɨsə penge. 35Gəkɨlə sə fərəngɨn ɓa shi nə myee kat a vor vɨratə. 36Nzam ka ɗaasɨtə, hwun ta gɨra ta hiwi gə hwuna mbəgə sa ɓa ɗa a fərəngɨn, gə hwuna mba kangtə a humwashi Hɨn Nze da Ɓwaara.”
37Fərə-fərə Yesu nee a vor Kwa-Shafe dɨ kəndəshe, ka kaade nda dɨ dɨmə a zə nə Motɨ Kade Zetun, də nda dɨ bə baa haa a kɨɗa. 38Ɓwaare a dɨ dɨma ka haa kpit-kpit a paya a Kwa-Shafe gə təna kɨltən.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.