Gimpuunan 19
19
Ti Kadautan Suduma
1Madulum-dulum yi kay magras-ug duwa ka anghil sa Suduma. Tunda katpung matukawan si Lut sa may puwirtahan banwa. Igu nakitan ni Lut sida, tinmindug siya ag sinulang sida. Bag-u yinmuk-ub siya sa kanda atubangan bilang paggalang ag magkun, 2“Nu mahimu duy, paghapit dap kamu sa kang balay hampay makaugas kamu kanyu lulud ag ati dap kamu pag katurug taynguna pag yabi. Aldaw yi kamu surip pag parargu sa kanyu lakaw.” Dapat nagsagut sida, “Danga yi duy, ati yi lang kami sa parasyaran pag maturug taynguna pag yabi.” 3Dapat pinilit sida ni Lut, nakan kinmuyug yi lang sida sa kay balay. Nag-alistu manga karan-unun ag irinmun si Lut. Nagtama diman siya tinapay unman may pamadaka. Igu alistu yi, nanyapun yi sida.
4Pagka mahuwayan yi sida hampay maturug, rinmas-ug ti manga kalay-awan hanggan ti manga gurangun lalaki Suduma una naan ginan baliwa pag banwa, ag pinalibutan nida ti balay ni Lut. 5Tinawag nida si Lut ag pinaingana, “Naan yi kanmu manga manugsabang lalaki rinmas-ug taynguna pag yabi? Palwasan sida dahil gustu nimi sida ulidun.”
6Linmuwas si Lut sa kay balay hampay atubangun sida. Pagka nakalwas siya, susun niya tinalakpan kay sabian. 7Magkun siya sa kanda, “Manga kakilala, magpakihampang aku sa kanyu, danga niyu pagbuwata kanyu pag-isipun daut. 8Nu gustu niyu, may duwa aku ka anak daraga. Ipakaun niku sida sa kanyu ag bahala kamu nu hintay kanyu gustu buwatun sa kanda. Dapat danga niyu pag garawa inda pag duwa ka tawu, dahil manga manugsabang niku sida ag kailangan niku sida dahanan.” 9Dapat magkun ti manga tawu, “Day-uhan lang kawu sitaay, nakan si unu kawu hampay manpakialam sa kanmi? Pag-ighit kawu siyun! Barang mas subra waya kanmi buwatun sa kanmu kaysa kanda.” Bag-u itinulang nida si Lut. Pinmakarani mana sida sa may sabian hampay dautun inda, 10dapat binukasan inda duwa ka anghil ati sa sulud ginan ag linanit nida si Lut tag sa sulud, bag-u tinalakpan ti sabian. 11Binuta nida ti manga tawu sa luwas hampay balaw yi nida makitan ti sabian.
Pinaighit si Lut sa Suduma
12Magkun ti duwa ka anghil sa kan Lut, “Nu may manga anak waya kawu, ngatay manga umagad lalaki, ngatay manga katawuhan sa inda pag banwa, tabana nimu sida tanan ag pag-ighit yi kamu sitay ginan, 13dahil wasakun nimi inda pag banwa. Nasaydan Panginuun ti manga riklamu laban sa daut pag manga tawu. Nakan ipinadara niya kami hampay wasakun inda pag banwa.”
14Nakan inati ni Lut kay manga urumagadun#19:14 manga urumagadun: ngatay, manga umagad. lalaki ag sinabihan, “Kabisug pag-ighit yi kamu sitay ginan dahil rurisun Panginuun inda pag banwa.” Dapat unman sida nagbati, kanda isip maghakut wata si Lut.
15Pagka magrayaw-rayaw yi, dinaldali manga anghil si Lut pag-ighit yi sa banwa. Magkun sida, “Dali! Daran-a kanmu asawa hanggan asan kanmu duwa ka anak babayi, ag pag ginan yi kamu, hampay balaw kamu miminsan nu rurisun yi inda pag banwa.” 16Dayu waya mana man-ginan si Lut, dapat dahil sa pangaawa Panginuun sa kanda, inabat sida manga anghil ag dinara atag sa luwas banwa.
17Pagka ati yi sida sa luwas banwa, magkun ti anghil,#19:17 ti anghil: sa Hibriyu, siya. “Palagiw kamu! Danga kamu mag-aliwliw, ngatay magpat-ung una naan atay sa karatagan! Palagiw kamu atabug sa bantud hampay balaw kamu mamatay!” 18Dapat sinmagut si Lut, “Panginuun, danga duy nimu aku pagpaatiha sa bantud. 19Kinaawaan nimu aku ag pinakakitan kaayadan sa panab-anan pagribri sa kang buhi. Dapat arayu duy ti bantud; barang matakdan aku kadamhakan ag mamatay bag-u di makaras-ug ati. 20Bantayi nimu ti diit pag banwa tid-ay sa unahan. Pihu maras-ug niku tida dahil arani lang. Mahimu aw siti yi lang aku pag umatag hampay maribri aku?” 21Nagsagut ti anghil, “Hu sigi, pasnu aku sa kanmu gustu; balaw niku rurisun tida pag banwa. 22Ta, pagpalagiw yi kamu atabug, dahil balaw waya niku mabuwat kang buwatun habang udwaya kamu nakaras-ug ati.”
Diit tunda pag banwa, nakan pag-ingarnan Suar.#19:22 Suar: sa Hibriyu, diit.
Ti Pagruris sa Suduma ag Gumura
23Magsinggit yi ti init kanda magras-ug ni Lut sa Suar. 24Kadaka pinauranan Panginuun maglabdaban asupri ti Suduma ag Gumura. 25Rinuris Panginuun ti duwa ka banwa hanggan ti buu karatagan. Namatay ti tanan mag-uli ati hanggan ti tanan tanum. 26Nan-aliwliw kay asawa ni Lut, nakan nagbaliw tulduk asin siya.
27Pagka surip, daldali nag-atag si Abraham sa rugar nu naan siya pag naghampang sa Panginuun. 28Binantayan niya ti Suduma ag Gumura, hanggan ti buu karatagan. Nakitan niya ti anus mag-atabug tungud ginan sa daga bilang ga anus ginan sa usa ka daka pag hurnu.
29Balaw nalimtan Diyus si Abraham igu rinuris niya ti manga banwa sa karatagan nu naan pag mag-uli si Lut, nakan irinibri dap niya si Lut hampay balaw siya maunu.
Ti Gimpuunan manga Muabita ag Amunita
30Dahil nadala si Lut mag-uli sa Suar, napahalin siya hanggan kay duwa ka anak daraga atabug sa bantud, ag ati sida pag nangulian sa lukib. 31Usa ka sirang, magkun ti panganay pag anak tag sa kay ari, “Gurangun yi kanta ama ag unman yi may iba ka lalaki atay ti mahimu nita maasawa hampay magkaanak kita parihu sa palakaw tawu una naan sa kalibutan. 32Mayad waya painman nita kanta ama intus tugka sa malangu siya; bag-u mangulid kita sa kanya hampay magkaanak kita sa panab-anan niya.” 33Nakan sa tunda pag yabi, linangu nida kanda ama. Bag-u nangulid ti panganay pag anak sa kay ama. Dapat dahil sa subra langu si Lut, unman niya namalayan nu hintay ti nangyari.
34Pagka surip, magkun ti panganay sa kay ari, “Nangulid yi aku kis-ab yabi sa kanta ama. Ag taynguna pag yabi kanta maan siya languhun, ag kawu maan ti pag-ulid sa kanya hampay kita duwa magkaanak sa panab-anan niya.” 35Nakan sa tunda pag yabi, kanda maan ngani linangu kanda ama ag kay ari maan pag anak ti nangulid sa kanya. Dapat dahil sa subra langu, unman diman namalayan ni Lut nu hintay ti nangyari.
36Sa katida pag paraan, namuduy ti duwa ka anak ni Lut sa panab-anan niya. 37Rinmas-ug ti udas, nanganak lalaki ti panganay ag iningarnan niya Muab.#19:37 Muab: Mahimu kay ibug sabihun, ginan sa kang ama. Siya ti gimpuunan linahi Muabita. 38Nanganak diman lalaki kay ari ag iningarnan niya Bin Ami.#19:38 Bin Ami: Kay ibug sabihun, anak niku katawuhan. Siya ti gimpuunan linahi Amunita.
Currently Selected:
Gimpuunan 19: HNN
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Gimpuunan 19
19
Ti Kadautan Suduma
1Madulum-dulum yi kay magras-ug duwa ka anghil sa Suduma. Tunda katpung matukawan si Lut sa may puwirtahan banwa. Igu nakitan ni Lut sida, tinmindug siya ag sinulang sida. Bag-u yinmuk-ub siya sa kanda atubangan bilang paggalang ag magkun, 2“Nu mahimu duy, paghapit dap kamu sa kang balay hampay makaugas kamu kanyu lulud ag ati dap kamu pag katurug taynguna pag yabi. Aldaw yi kamu surip pag parargu sa kanyu lakaw.” Dapat nagsagut sida, “Danga yi duy, ati yi lang kami sa parasyaran pag maturug taynguna pag yabi.” 3Dapat pinilit sida ni Lut, nakan kinmuyug yi lang sida sa kay balay. Nag-alistu manga karan-unun ag irinmun si Lut. Nagtama diman siya tinapay unman may pamadaka. Igu alistu yi, nanyapun yi sida.
4Pagka mahuwayan yi sida hampay maturug, rinmas-ug ti manga kalay-awan hanggan ti manga gurangun lalaki Suduma una naan ginan baliwa pag banwa, ag pinalibutan nida ti balay ni Lut. 5Tinawag nida si Lut ag pinaingana, “Naan yi kanmu manga manugsabang lalaki rinmas-ug taynguna pag yabi? Palwasan sida dahil gustu nimi sida ulidun.”
6Linmuwas si Lut sa kay balay hampay atubangun sida. Pagka nakalwas siya, susun niya tinalakpan kay sabian. 7Magkun siya sa kanda, “Manga kakilala, magpakihampang aku sa kanyu, danga niyu pagbuwata kanyu pag-isipun daut. 8Nu gustu niyu, may duwa aku ka anak daraga. Ipakaun niku sida sa kanyu ag bahala kamu nu hintay kanyu gustu buwatun sa kanda. Dapat danga niyu pag garawa inda pag duwa ka tawu, dahil manga manugsabang niku sida ag kailangan niku sida dahanan.” 9Dapat magkun ti manga tawu, “Day-uhan lang kawu sitaay, nakan si unu kawu hampay manpakialam sa kanmi? Pag-ighit kawu siyun! Barang mas subra waya kanmi buwatun sa kanmu kaysa kanda.” Bag-u itinulang nida si Lut. Pinmakarani mana sida sa may sabian hampay dautun inda, 10dapat binukasan inda duwa ka anghil ati sa sulud ginan ag linanit nida si Lut tag sa sulud, bag-u tinalakpan ti sabian. 11Binuta nida ti manga tawu sa luwas hampay balaw yi nida makitan ti sabian.
Pinaighit si Lut sa Suduma
12Magkun ti duwa ka anghil sa kan Lut, “Nu may manga anak waya kawu, ngatay manga umagad lalaki, ngatay manga katawuhan sa inda pag banwa, tabana nimu sida tanan ag pag-ighit yi kamu sitay ginan, 13dahil wasakun nimi inda pag banwa. Nasaydan Panginuun ti manga riklamu laban sa daut pag manga tawu. Nakan ipinadara niya kami hampay wasakun inda pag banwa.”
14Nakan inati ni Lut kay manga urumagadun#19:14 manga urumagadun: ngatay, manga umagad. lalaki ag sinabihan, “Kabisug pag-ighit yi kamu sitay ginan dahil rurisun Panginuun inda pag banwa.” Dapat unman sida nagbati, kanda isip maghakut wata si Lut.
15Pagka magrayaw-rayaw yi, dinaldali manga anghil si Lut pag-ighit yi sa banwa. Magkun sida, “Dali! Daran-a kanmu asawa hanggan asan kanmu duwa ka anak babayi, ag pag ginan yi kamu, hampay balaw kamu miminsan nu rurisun yi inda pag banwa.” 16Dayu waya mana man-ginan si Lut, dapat dahil sa pangaawa Panginuun sa kanda, inabat sida manga anghil ag dinara atag sa luwas banwa.
17Pagka ati yi sida sa luwas banwa, magkun ti anghil,#19:17 ti anghil: sa Hibriyu, siya. “Palagiw kamu! Danga kamu mag-aliwliw, ngatay magpat-ung una naan atay sa karatagan! Palagiw kamu atabug sa bantud hampay balaw kamu mamatay!” 18Dapat sinmagut si Lut, “Panginuun, danga duy nimu aku pagpaatiha sa bantud. 19Kinaawaan nimu aku ag pinakakitan kaayadan sa panab-anan pagribri sa kang buhi. Dapat arayu duy ti bantud; barang matakdan aku kadamhakan ag mamatay bag-u di makaras-ug ati. 20Bantayi nimu ti diit pag banwa tid-ay sa unahan. Pihu maras-ug niku tida dahil arani lang. Mahimu aw siti yi lang aku pag umatag hampay maribri aku?” 21Nagsagut ti anghil, “Hu sigi, pasnu aku sa kanmu gustu; balaw niku rurisun tida pag banwa. 22Ta, pagpalagiw yi kamu atabug, dahil balaw waya niku mabuwat kang buwatun habang udwaya kamu nakaras-ug ati.”
Diit tunda pag banwa, nakan pag-ingarnan Suar.#19:22 Suar: sa Hibriyu, diit.
Ti Pagruris sa Suduma ag Gumura
23Magsinggit yi ti init kanda magras-ug ni Lut sa Suar. 24Kadaka pinauranan Panginuun maglabdaban asupri ti Suduma ag Gumura. 25Rinuris Panginuun ti duwa ka banwa hanggan ti buu karatagan. Namatay ti tanan mag-uli ati hanggan ti tanan tanum. 26Nan-aliwliw kay asawa ni Lut, nakan nagbaliw tulduk asin siya.
27Pagka surip, daldali nag-atag si Abraham sa rugar nu naan siya pag naghampang sa Panginuun. 28Binantayan niya ti Suduma ag Gumura, hanggan ti buu karatagan. Nakitan niya ti anus mag-atabug tungud ginan sa daga bilang ga anus ginan sa usa ka daka pag hurnu.
29Balaw nalimtan Diyus si Abraham igu rinuris niya ti manga banwa sa karatagan nu naan pag mag-uli si Lut, nakan irinibri dap niya si Lut hampay balaw siya maunu.
Ti Gimpuunan manga Muabita ag Amunita
30Dahil nadala si Lut mag-uli sa Suar, napahalin siya hanggan kay duwa ka anak daraga atabug sa bantud, ag ati sida pag nangulian sa lukib. 31Usa ka sirang, magkun ti panganay pag anak tag sa kay ari, “Gurangun yi kanta ama ag unman yi may iba ka lalaki atay ti mahimu nita maasawa hampay magkaanak kita parihu sa palakaw tawu una naan sa kalibutan. 32Mayad waya painman nita kanta ama intus tugka sa malangu siya; bag-u mangulid kita sa kanya hampay magkaanak kita sa panab-anan niya.” 33Nakan sa tunda pag yabi, linangu nida kanda ama. Bag-u nangulid ti panganay pag anak sa kay ama. Dapat dahil sa subra langu si Lut, unman niya namalayan nu hintay ti nangyari.
34Pagka surip, magkun ti panganay sa kay ari, “Nangulid yi aku kis-ab yabi sa kanta ama. Ag taynguna pag yabi kanta maan siya languhun, ag kawu maan ti pag-ulid sa kanya hampay kita duwa magkaanak sa panab-anan niya.” 35Nakan sa tunda pag yabi, kanda maan ngani linangu kanda ama ag kay ari maan pag anak ti nangulid sa kanya. Dapat dahil sa subra langu, unman diman namalayan ni Lut nu hintay ti nangyari.
36Sa katida pag paraan, namuduy ti duwa ka anak ni Lut sa panab-anan niya. 37Rinmas-ug ti udas, nanganak lalaki ti panganay ag iningarnan niya Muab.#19:37 Muab: Mahimu kay ibug sabihun, ginan sa kang ama. Siya ti gimpuunan linahi Muabita. 38Nanganak diman lalaki kay ari ag iningarnan niya Bin Ami.#19:38 Bin Ami: Kay ibug sabihun, anak niku katawuhan. Siya ti gimpuunan linahi Amunita.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines