Gimpuunan 29
29
Nakaras-ug si Hakub sa Balay ni Laban
1Naparargu si Hakub sa kay maglakaw tugka sa nakaaput siya sa daga manga taga butlakan. 2May nakitan siya usa ka bubun ati sa mapadang ag siyun sa kay saruy may tulu ka manada karanidu magpahari, dahil siyun pag magbuul danum ti manga tawu pag-ipainum sa kanda manga karanidu. Tunda pag bubun pag takluban daka pag batu. 3Pagtipunun dapu manga manug-alaga karanidu ti tanan karanidu bag-u di nida pag ipagulung ti batu matakluban sa bubun. Bag-u nu matapus nida mapainman kanda manga karanidu, pagtakluban maan nida ti bubun.
4Taynguna, nagpaingana si Hakub sa manga manug-alaga karanidu, “Taga naan kamu?” Sinmagut sida, “Taga Haran duy.” 5Nagpaingana gid maan si Hakub, “Kilala aw niyu si Laban kay laki ni Nahur?” Sinmagut sida, “Hu, kilala duy nimi.” 6Nagpaingana waya gid si Hakub, “Kumusta yi duy siya?” Sinmagut sida, “Mayad diman. Bantayi nimu, magras-ug kay anak si Rakil ataytabug kaibahan kanda manga karanidu.” 7Magkun si Hakub sa kanda, “Maaga waya duy ag udwaya kay udas hampay tipunun ti manga karanidu, mayad siguru painman dap sida ag paharaban maan.” 8Sinmagut sida, “Unman nimi tunda mabuwat nu unman tipunun dap ti tanan karanidu. Nu atay yi ti tanan, siyun di nimi pag ipagulung ti taklub batu hampay sida painmun.” 9Magbagaw waya si Hakub sa kanda pagka rinmas-ug si Rakil dara ti manga karanidu niya ama, dahil siya ti manugbantay inda. 10Igu nakitan ni Hakub si Rakil kay anak niya bapa ni Laban, kaibahan ti manga karanidu ni Laban, napakarani siya sa bubun ag ipinagulung ti batu ag pinainman niya ti manga karanidu niya bapa ni Laban. 11Bag-u hinagkung niya si Rakil ag nanlumi sa kabayaan. 12Magkun siya sa kan Rakil, “Kan Ribika aku pag anak, nakan bapa aku nimu ama.” Palagiw nuli si Rakil ag nantultul sa kay ama. 13Igu nadnugan ni Laban asan si Hakub kay bapa niya sa kan Ribika, susun niya sinulang inda. Hinagkung niya ag inarkan si Hakub bag-u dinara sa kay balay. Ag ati itinultul ni Hakub sa kan Laban ti tanan nangyari. 14Magkun si Laban sa kanya, “Ungud gid magkadugu kita.”
Nagsirbi si Hakub sa kan Laban dahil sa Kanda ni Rakil ag ni Liya
Pagkalawuy usa ka bulan kay magpirmaminti ni Hakub sa kanda ni Laban, 15magkun si Laban sa kanya, “Balaw mayad magtarabahu kawu sa kangku sa unman may upa dahil kawu kang bapa. Sabiha sa kangku nu hintay kanmu gustu kang ibayad sa kanmu.”
16May duwa ka anak daraga si Laban. Si Liya kay panganay ag si Rakil kay arian. 17Marapuy-rapuy#29:17 Marapuy-rapuy: ngatay, Marinu. kay mata ni Liya, dapat mas marinu si Rakil hanggan kay histuda niya bilug. 18Dahil magkaibug si Hakub sa kan Rakil, magkun siya tag kan Laban, “Mansirbi aku sa kanmu sa sulud pitu ka timpu nu ipakaun nimu sa kangku si Rakil bilang asawa.”
19Sinmagut si Laban, “Mayad waya ngani kawu ti maasawa niya kaysa iba ka lalaki. Pagpirmi yi lang kawu sitaay.” 20Nakan nagsirbi si Hakub sa kan Laban sa sulud pitu ka timpu hampay maasawa niya si Rakil. Dahil sa pagmahal niya sa kan Rakil, ga pira lang ka sirang sa kanya ti pitu ka timpu.
21Pagkalawuy pitu ka timpu, magkun si Hakub sa kan Laban, “Natupad yi niku kang pagsirbi sa kanmu, nakan pakan-an yi nimu sa kangku si Rakil hampay man-amut yi kami.”
22Nagpasnu ngani si Laban, nakan naghanda siya karan-an ag binan-awan niya ti tanan tawu sa ati pag rugar. 23Dapat igu yabi, sa halip si Rakil ti darahun ni Laban sa kan Hakub, si Liya ngap kay dinara. Ag nangulid si Hakub sa kan Liya. 24(Ipinakaun ni Laban sa kan Liya ti suruguun niya babayi si Silpa hampay kay suruguun.)
25Pagka sa sunud pag sirang, naalaman ni Hakub si Liya maaw kay kaulid. Nakan ngani inatihan niya si Laban ag sinabihan, “Hayga binwat nimu inda sa kangku? Nagsirbi aku sa kanmu hampay maasawa niku si Rakil. Hayga pinaumang nimu aku?”
26Sinmagut si Laban, “Balaw ugali sitay sa kanmi rugar ti mag-una mag-asawa kay arian kaysa panganay. 27Alagda yi lang nimu matapus ti usa ka duminggu pagdaus niyu kasal ag ipakaun niku sa kanmu si Rakil, tunda nu mansirbi waya maan kawu sa kangku sa sulud pitu ka timpu.”
28Nagpasnu ngani si Hakub sa sinabi ni Laban. Pagkatapus usa ka duminggu pagdaus kasal nida ni Liya, ipinakaun ni Laban sa kan Hakub si Rakil. 29(Ipinakaun ni Laban sa kan Rakil ti suruguun niya babayi si Bilha hampay kay suruguun.) 30Nakan nangulid diman si Hakub sa kan Rakil. Mas mahal niya si Rakil kaysa kan Liya. Nagsirbi ngani si Hakub sa kan Laban sa sulud pitu waya maan ka timpu.
Kay manga Anak ni Hakub
31Nakitan Panginuun balaw mahal ni Hakub si Liya, nakan pinahintulutan niya magkaanak si Liya, dapat si Rakil unman. 32Namuduy si Liya ag nanganak lalaki ag iningarnan niya Rubin,#29:32 Rubin: Mahimu kay ibug sabihun, nakitan niya kang kakurian. dahil magkun siya, “Nakitan Panginuun kang kakurian, ag taynguna pihu mahalun yi aku niku asawa.”
33Namuduy maan siya ag nanganak usa maan ka lalaki. Magkun siya, “Pinakan-an maan aku Panginuun usa ka anak lalaki dahil nasaydan niya unman aku pagmahalun niku asawa.” Nakan iningarnan niya Simyun#29:33 Simyun: Mahimu kay ibug sabihun, nasaydan niya. ti lapsag.
34Namuduy gid maan si Liya ag nanganak usa waya ka lalaki. Magkun siya, “Taynguna, makaibahan yi niku kang asawa dahil tulu yi kanmi anak lalaki.” Nakan iningarnan niya Libi#29:34 Libi: Mahimu kay ibug sabihun, pinaglapit. ti lapsag.
35Namuduy gid maan si Liya ag nanganak usa maan ka lalaki. Magkun siya, “Taynguna, dayawun niku ti Panginuun.” Nakan iningarnan niya Huda#29:35 Huda: Mahimu kay ibug sabihun, dayawun siya. ti lapsag. Siyun ginan, unman yi siya nan-nganak.
Currently Selected:
Gimpuunan 29: HNN
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Gimpuunan 29
29
Nakaras-ug si Hakub sa Balay ni Laban
1Naparargu si Hakub sa kay maglakaw tugka sa nakaaput siya sa daga manga taga butlakan. 2May nakitan siya usa ka bubun ati sa mapadang ag siyun sa kay saruy may tulu ka manada karanidu magpahari, dahil siyun pag magbuul danum ti manga tawu pag-ipainum sa kanda manga karanidu. Tunda pag bubun pag takluban daka pag batu. 3Pagtipunun dapu manga manug-alaga karanidu ti tanan karanidu bag-u di nida pag ipagulung ti batu matakluban sa bubun. Bag-u nu matapus nida mapainman kanda manga karanidu, pagtakluban maan nida ti bubun.
4Taynguna, nagpaingana si Hakub sa manga manug-alaga karanidu, “Taga naan kamu?” Sinmagut sida, “Taga Haran duy.” 5Nagpaingana gid maan si Hakub, “Kilala aw niyu si Laban kay laki ni Nahur?” Sinmagut sida, “Hu, kilala duy nimi.” 6Nagpaingana waya gid si Hakub, “Kumusta yi duy siya?” Sinmagut sida, “Mayad diman. Bantayi nimu, magras-ug kay anak si Rakil ataytabug kaibahan kanda manga karanidu.” 7Magkun si Hakub sa kanda, “Maaga waya duy ag udwaya kay udas hampay tipunun ti manga karanidu, mayad siguru painman dap sida ag paharaban maan.” 8Sinmagut sida, “Unman nimi tunda mabuwat nu unman tipunun dap ti tanan karanidu. Nu atay yi ti tanan, siyun di nimi pag ipagulung ti taklub batu hampay sida painmun.” 9Magbagaw waya si Hakub sa kanda pagka rinmas-ug si Rakil dara ti manga karanidu niya ama, dahil siya ti manugbantay inda. 10Igu nakitan ni Hakub si Rakil kay anak niya bapa ni Laban, kaibahan ti manga karanidu ni Laban, napakarani siya sa bubun ag ipinagulung ti batu ag pinainman niya ti manga karanidu niya bapa ni Laban. 11Bag-u hinagkung niya si Rakil ag nanlumi sa kabayaan. 12Magkun siya sa kan Rakil, “Kan Ribika aku pag anak, nakan bapa aku nimu ama.” Palagiw nuli si Rakil ag nantultul sa kay ama. 13Igu nadnugan ni Laban asan si Hakub kay bapa niya sa kan Ribika, susun niya sinulang inda. Hinagkung niya ag inarkan si Hakub bag-u dinara sa kay balay. Ag ati itinultul ni Hakub sa kan Laban ti tanan nangyari. 14Magkun si Laban sa kanya, “Ungud gid magkadugu kita.”
Nagsirbi si Hakub sa kan Laban dahil sa Kanda ni Rakil ag ni Liya
Pagkalawuy usa ka bulan kay magpirmaminti ni Hakub sa kanda ni Laban, 15magkun si Laban sa kanya, “Balaw mayad magtarabahu kawu sa kangku sa unman may upa dahil kawu kang bapa. Sabiha sa kangku nu hintay kanmu gustu kang ibayad sa kanmu.”
16May duwa ka anak daraga si Laban. Si Liya kay panganay ag si Rakil kay arian. 17Marapuy-rapuy#29:17 Marapuy-rapuy: ngatay, Marinu. kay mata ni Liya, dapat mas marinu si Rakil hanggan kay histuda niya bilug. 18Dahil magkaibug si Hakub sa kan Rakil, magkun siya tag kan Laban, “Mansirbi aku sa kanmu sa sulud pitu ka timpu nu ipakaun nimu sa kangku si Rakil bilang asawa.”
19Sinmagut si Laban, “Mayad waya ngani kawu ti maasawa niya kaysa iba ka lalaki. Pagpirmi yi lang kawu sitaay.” 20Nakan nagsirbi si Hakub sa kan Laban sa sulud pitu ka timpu hampay maasawa niya si Rakil. Dahil sa pagmahal niya sa kan Rakil, ga pira lang ka sirang sa kanya ti pitu ka timpu.
21Pagkalawuy pitu ka timpu, magkun si Hakub sa kan Laban, “Natupad yi niku kang pagsirbi sa kanmu, nakan pakan-an yi nimu sa kangku si Rakil hampay man-amut yi kami.”
22Nagpasnu ngani si Laban, nakan naghanda siya karan-an ag binan-awan niya ti tanan tawu sa ati pag rugar. 23Dapat igu yabi, sa halip si Rakil ti darahun ni Laban sa kan Hakub, si Liya ngap kay dinara. Ag nangulid si Hakub sa kan Liya. 24(Ipinakaun ni Laban sa kan Liya ti suruguun niya babayi si Silpa hampay kay suruguun.)
25Pagka sa sunud pag sirang, naalaman ni Hakub si Liya maaw kay kaulid. Nakan ngani inatihan niya si Laban ag sinabihan, “Hayga binwat nimu inda sa kangku? Nagsirbi aku sa kanmu hampay maasawa niku si Rakil. Hayga pinaumang nimu aku?”
26Sinmagut si Laban, “Balaw ugali sitay sa kanmi rugar ti mag-una mag-asawa kay arian kaysa panganay. 27Alagda yi lang nimu matapus ti usa ka duminggu pagdaus niyu kasal ag ipakaun niku sa kanmu si Rakil, tunda nu mansirbi waya maan kawu sa kangku sa sulud pitu ka timpu.”
28Nagpasnu ngani si Hakub sa sinabi ni Laban. Pagkatapus usa ka duminggu pagdaus kasal nida ni Liya, ipinakaun ni Laban sa kan Hakub si Rakil. 29(Ipinakaun ni Laban sa kan Rakil ti suruguun niya babayi si Bilha hampay kay suruguun.) 30Nakan nangulid diman si Hakub sa kan Rakil. Mas mahal niya si Rakil kaysa kan Liya. Nagsirbi ngani si Hakub sa kan Laban sa sulud pitu waya maan ka timpu.
Kay manga Anak ni Hakub
31Nakitan Panginuun balaw mahal ni Hakub si Liya, nakan pinahintulutan niya magkaanak si Liya, dapat si Rakil unman. 32Namuduy si Liya ag nanganak lalaki ag iningarnan niya Rubin,#29:32 Rubin: Mahimu kay ibug sabihun, nakitan niya kang kakurian. dahil magkun siya, “Nakitan Panginuun kang kakurian, ag taynguna pihu mahalun yi aku niku asawa.”
33Namuduy maan siya ag nanganak usa maan ka lalaki. Magkun siya, “Pinakan-an maan aku Panginuun usa ka anak lalaki dahil nasaydan niya unman aku pagmahalun niku asawa.” Nakan iningarnan niya Simyun#29:33 Simyun: Mahimu kay ibug sabihun, nasaydan niya. ti lapsag.
34Namuduy gid maan si Liya ag nanganak usa waya ka lalaki. Magkun siya, “Taynguna, makaibahan yi niku kang asawa dahil tulu yi kanmi anak lalaki.” Nakan iningarnan niya Libi#29:34 Libi: Mahimu kay ibug sabihun, pinaglapit. ti lapsag.
35Namuduy gid maan si Liya ag nanganak usa maan ka lalaki. Magkun siya, “Taynguna, dayawun niku ti Panginuun.” Nakan iningarnan niya Huda#29:35 Huda: Mahimu kay ibug sabihun, dayawun siya. ti lapsag. Siyun ginan, unman yi siya nan-nganak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines