Gié 2
2
Habé ga Kumu kai orang gogé
1Kiddin ga wolé go Péntékot ba bbal na, kalang ga bo cindi mam danga yaué kiddin ga pena lé dé. 2Kobegépadda ké jé nô main kal go osi kain, yaga a dang ’erga won kulu go ké ba jom kené lé. 3Ké sol henga bosindé jom ca kema goni goni a duroigé main tua do belelem kain. 4Ké won dang Habé ga Kumu kai mam, ké osum yo kual dang kebu go ddang go Habé ba gelgé yo.
5Juib ga pena ga meré Kumu ga ba saga a ca gesong ga delinya mam jom wo Jorsalem. 6Kiddin ga ké ba jé nô lé na, kalang combu yau, ké sol kagelokemo, cawa kema goni goni jé ca ké wa yo kual danga kebu goi. 7Ké piong muro ked ked, ké sol kagelokemo, ké yé wa: Sela, kalang ga wa yo kual lé kua na, nia ga Galali mam ’eno ga? 8Kema goni goni a duroina wa jo kualang kebu goi go wo kainya mena ga? 9Kalang ga pena a duroina na, ké saga ca gesong ga Parté, dang Médé, dang Elam, dang kalang ga Mésopotami, dang Judé, dang Kapados, dang Pont, dang Asi. 10Dang Prigi, dang Pampili, dang Ejibté, dang gesong ga Libi ’yoab dang Serén. Ga pena saga a Rom bu’. 11Ga Juib dang ké ga ba belé gusugé Juib, dang kalang ga Krét, dang ga Arab, na mam jé ké wa yo kual dang kebu guana, go gié go gumu go Kumu koi. 12Ké mam sol kagelokemo, ké ’eridé, ké ’enger gusugé wa: Kual lé toia mena ga? 13Ga pena lé kalang ga bo cindi lé bbojo. Ké yé wa: Céré koiegé.
Piér dorgé kalang combu kual
14Kardené Piér kang pajerong ga gié ga moac ca pena sai ’eré dang. Piér soi dang osu, ddi yégé kalang ga yaué combu wa: Keng ga Juib dang kalang ga jomé Jorsalem mam, ga jageng kual go ’enung wa yogeng dang nai ddara. 15Kalang lé kua kuia dang céré main keng wa ’eremang caigé kain ’eno, cawa na habenya go bandu dé. 16Ama cakcak kua sera to kual go cogelé kebu go Kumu koi Joél ba yei.
17Kumu yé wa: Duro wolé toi do karé na,
henga da lé main kain.
’Enung da bé Habé gang ca kalang mam,
Karndegeng ga bainyong dang karndegeng ga kandu,
Ka cogel kebu go Kumu koi.
Marné ka sol henga ga ddain da ser toiné,
Kalang gageng ga hadeldong na, soné da légé.
18Cindi a duro wolé lé na, ’enunga bé Habé gang,
Ca kang ga gié, bainyong dang kandu,
Ka cogel kebu go Kumu koi.
19’Enung da gel henga ga kagelokemo a dang,
Dang gié go dono go kagelokemo dugo ca gesong kua.
Kebar, dang tua, dang meddalin do gesa toi da lé.
20Tumo wolé go Bagulong koi go da ’erga na,
Teba da belé delem bua,
Kederé da belé yilé main kebar kain bu’,
Wolé lé na, na wolé go gumu go hormo bbani ’eno.
21Duro wolé lé na, kema goni goni goa té Bagulong gusondi na, ddia minyé.
22Keng ga Israél, ga jageng kual go ’enung wa yogeng, Jésu go Nasarat, ddia kema go Kumu ba gel hendé doi waldong wang, ca gié goi go dono go kagelokemo go ddi ba lei, dang henga ga gelé ga ddi ba gelgé a duroigeng main keng gang ba solang kain. 23Kema lé go keng ba yomé go kalang ga isindong ba bbobeli ca sia go adegelé ca deddei na, na Kumu banga nyané kual lé ca henga ga kederei ba dargé tumu din. 24Ama Kumu beliang cindi a duro ga maré, ddi pori a duro gelé go cin go maré koi, cawa maré bbal ca narei dang dono doi ’eno. 25Cawa Dabid yé kual goi, ddi yé wa:
’Enung sol Bagulong tumang waindo waindo,
Cawa ddi wo ca kuabang go barua,
Ca ’enunga yoré ’eno.
26Na ca ma ddaindunga béré hér bua,
’Enung yé kualang gusu mowa bu’,
Gusunga todero, kau ’enung jom danga tugoié,
27Cawa jia ddé keudung duro ligiam ’eno,
Ji go ddo koin go arin carara osinyé ’eno.
28Ji gelung giyong go oré jomang cindung.
Gusung da mowung nain ca jianga nang.
29Karmeng, ddang yegeng kual go moindena Dabid koi waldong wang: Ddi ma, ké ’embei, kemgané gai wo kené duroina bera labegé. 30Ddia go cogelé kebu go Kumu koi, Kumu bbesé gusi, ddi dori kebu ca ddia da ai kema pena a to moin goi belei kelma main ddi bang kain. 31Dabid sol henga ga ddain da lé, na ca ma ddi yé kual go belé go Krist koi goang cindi a duro ga maré. Ddi yé wa:
Ké go ddoi ligiam ’eno,
Gusi go osinyé ’eno bering.
32Kumu bela Jésu lé a duro ga maré kua, ni mam na ga yo hendé doi. 33Ké aii dang a Kumu kobi go barua, Ba bi Habé gai ga arin carara main ddi ba dori kebu caigé lé, ddi sai begagé caini, kua na henga ga keng wa solegang cindegeng bua, keng wa jogang semaigeng cakcak kua bu’. 34Cawa Dabid bang naia dang ni ’eno, ama ddi yé wa:
Bagulong yei Bagulondang wa:
Ji jima ca kuabang go barua,
35Bera ’enung da jogu kalang gain ga tebena main bendem go candé gondin kain.
36Dda ga Israél mam sela carara, na Jésu lé go keng ba bbobeli ca sia go adegelé ma, Kumu beleia ddi Bagulong dang Krist.
37Kiddin ga ké ba jé kual lé main kain na, ddaindigé algé. Ké ’enger Piér kang pajerong ga gié kané: Karmeni nia la mena ga? 38Piér jogu yégé wa: Ga begageng kebegeng, kema goni goni kau, dda ké disi to kang dang Jésu Krist gusondi ca ké buraga isinwa dogeng, kardené Kumu da begeng Habé gai ga arin carara kalin. 39Cawa kebu go doré go Kumu koi, na caigeng dang karndegeng bua, dang ké mam ga ba jom suguddong has ga Bagulondena Kumu da tégé bu’.
40Piér yégé kual go ddang combu, ddi géjegé, ddi yégé wa: Ga minyu gusugeng a duro kalang ga ba kaiyong lé kua. 41Kalang combu a duroigé ga ba ’yé kual go Piér koi na, ké desegé to kang. A duro wolé lé na, kalang ga bu cindi bé cainé main dubu subu kain. 42Ké gom gelé go pajerong ga gié kogé geddang bua, ké lé dandang dang gusugé, dang bodelé go wo bua, dang olé bu’.
Kalang ga bo cindi jomé gogé
43Ca gié go dono go kagelokemo, dang henga ga gelé combu ga pajerong ga gié ba léga na, kema goni goni kau muro lei. 44Ga bo cindi mam ké yau pena bua, ké dai henga gagé mam pena bu’. 45Ké keldé yagé gogé dang henga gagé ga kobegé cong, ké gosindégé duroigé mam, kema goni goni kau wai bbal ca nyagé doi. 46Ké gom yaué waindo waindo duro kulu go yaué go Kumu koi bua, ké didé do ta gusugé gulong dang gusu mowa bua, dang ddainya pena bu’. 47Ké debain Kumu bua, kalang mam kederégé ’yégé bua, Bagulong bégé kalang ga wai minyé caigé waindo waindo bu’.
Currently Selected:
Gié 2: TNG1978
Highlight
Share
Copy
Want to have your highlights saved across all your devices? Sign up or sign in
© Alliance biblique universelle (United Bible Societies) 1978.
Gié 2
2
Habé ga Kumu kai orang gogé
1Kiddin ga wolé go Péntékot ba bbal na, kalang ga bo cindi mam danga yaué kiddin ga pena lé dé. 2Kobegépadda ké jé nô main kal go osi kain, yaga a dang ’erga won kulu go ké ba jom kené lé. 3Ké sol henga bosindé jom ca kema goni goni a duroigé main tua do belelem kain. 4Ké won dang Habé ga Kumu kai mam, ké osum yo kual dang kebu go ddang go Habé ba gelgé yo.
5Juib ga pena ga meré Kumu ga ba saga a ca gesong ga delinya mam jom wo Jorsalem. 6Kiddin ga ké ba jé nô lé na, kalang combu yau, ké sol kagelokemo, cawa kema goni goni jé ca ké wa yo kual danga kebu goi. 7Ké piong muro ked ked, ké sol kagelokemo, ké yé wa: Sela, kalang ga wa yo kual lé kua na, nia ga Galali mam ’eno ga? 8Kema goni goni a duroina wa jo kualang kebu goi go wo kainya mena ga? 9Kalang ga pena a duroina na, ké saga ca gesong ga Parté, dang Médé, dang Elam, dang kalang ga Mésopotami, dang Judé, dang Kapados, dang Pont, dang Asi. 10Dang Prigi, dang Pampili, dang Ejibté, dang gesong ga Libi ’yoab dang Serén. Ga pena saga a Rom bu’. 11Ga Juib dang ké ga ba belé gusugé Juib, dang kalang ga Krét, dang ga Arab, na mam jé ké wa yo kual dang kebu guana, go gié go gumu go Kumu koi. 12Ké mam sol kagelokemo, ké ’eridé, ké ’enger gusugé wa: Kual lé toia mena ga? 13Ga pena lé kalang ga bo cindi lé bbojo. Ké yé wa: Céré koiegé.
Piér dorgé kalang combu kual
14Kardené Piér kang pajerong ga gié ga moac ca pena sai ’eré dang. Piér soi dang osu, ddi yégé kalang ga yaué combu wa: Keng ga Juib dang kalang ga jomé Jorsalem mam, ga jageng kual go ’enung wa yogeng dang nai ddara. 15Kalang lé kua kuia dang céré main keng wa ’eremang caigé kain ’eno, cawa na habenya go bandu dé. 16Ama cakcak kua sera to kual go cogelé kebu go Kumu koi Joél ba yei.
17Kumu yé wa: Duro wolé toi do karé na,
henga da lé main kain.
’Enung da bé Habé gang ca kalang mam,
Karndegeng ga bainyong dang karndegeng ga kandu,
Ka cogel kebu go Kumu koi.
Marné ka sol henga ga ddain da ser toiné,
Kalang gageng ga hadeldong na, soné da légé.
18Cindi a duro wolé lé na, ’enunga bé Habé gang,
Ca kang ga gié, bainyong dang kandu,
Ka cogel kebu go Kumu koi.
19’Enung da gel henga ga kagelokemo a dang,
Dang gié go dono go kagelokemo dugo ca gesong kua.
Kebar, dang tua, dang meddalin do gesa toi da lé.
20Tumo wolé go Bagulong koi go da ’erga na,
Teba da belé delem bua,
Kederé da belé yilé main kebar kain bu’,
Wolé lé na, na wolé go gumu go hormo bbani ’eno.
21Duro wolé lé na, kema goni goni goa té Bagulong gusondi na, ddia minyé.
22Keng ga Israél, ga jageng kual go ’enung wa yogeng, Jésu go Nasarat, ddia kema go Kumu ba gel hendé doi waldong wang, ca gié goi go dono go kagelokemo go ddi ba lei, dang henga ga gelé ga ddi ba gelgé a duroigeng main keng gang ba solang kain. 23Kema lé go keng ba yomé go kalang ga isindong ba bbobeli ca sia go adegelé ca deddei na, na Kumu banga nyané kual lé ca henga ga kederei ba dargé tumu din. 24Ama Kumu beliang cindi a duro ga maré, ddi pori a duro gelé go cin go maré koi, cawa maré bbal ca narei dang dono doi ’eno. 25Cawa Dabid yé kual goi, ddi yé wa:
’Enung sol Bagulong tumang waindo waindo,
Cawa ddi wo ca kuabang go barua,
Ca ’enunga yoré ’eno.
26Na ca ma ddaindunga béré hér bua,
’Enung yé kualang gusu mowa bu’,
Gusunga todero, kau ’enung jom danga tugoié,
27Cawa jia ddé keudung duro ligiam ’eno,
Ji go ddo koin go arin carara osinyé ’eno.
28Ji gelung giyong go oré jomang cindung.
Gusung da mowung nain ca jianga nang.
29Karmeng, ddang yegeng kual go moindena Dabid koi waldong wang: Ddi ma, ké ’embei, kemgané gai wo kené duroina bera labegé. 30Ddia go cogelé kebu go Kumu koi, Kumu bbesé gusi, ddi dori kebu ca ddia da ai kema pena a to moin goi belei kelma main ddi bang kain. 31Dabid sol henga ga ddain da lé, na ca ma ddi yé kual go belé go Krist koi goang cindi a duro ga maré. Ddi yé wa:
Ké go ddoi ligiam ’eno,
Gusi go osinyé ’eno bering.
32Kumu bela Jésu lé a duro ga maré kua, ni mam na ga yo hendé doi. 33Ké aii dang a Kumu kobi go barua, Ba bi Habé gai ga arin carara main ddi ba dori kebu caigé lé, ddi sai begagé caini, kua na henga ga keng wa solegang cindegeng bua, keng wa jogang semaigeng cakcak kua bu’. 34Cawa Dabid bang naia dang ni ’eno, ama ddi yé wa:
Bagulong yei Bagulondang wa:
Ji jima ca kuabang go barua,
35Bera ’enung da jogu kalang gain ga tebena main bendem go candé gondin kain.
36Dda ga Israél mam sela carara, na Jésu lé go keng ba bbobeli ca sia go adegelé ma, Kumu beleia ddi Bagulong dang Krist.
37Kiddin ga ké ba jé kual lé main kain na, ddaindigé algé. Ké ’enger Piér kang pajerong ga gié kané: Karmeni nia la mena ga? 38Piér jogu yégé wa: Ga begageng kebegeng, kema goni goni kau, dda ké disi to kang dang Jésu Krist gusondi ca ké buraga isinwa dogeng, kardené Kumu da begeng Habé gai ga arin carara kalin. 39Cawa kebu go doré go Kumu koi, na caigeng dang karndegeng bua, dang ké mam ga ba jom suguddong has ga Bagulondena Kumu da tégé bu’.
40Piér yégé kual go ddang combu, ddi géjegé, ddi yégé wa: Ga minyu gusugeng a duro kalang ga ba kaiyong lé kua. 41Kalang combu a duroigé ga ba ’yé kual go Piér koi na, ké desegé to kang. A duro wolé lé na, kalang ga bu cindi bé cainé main dubu subu kain. 42Ké gom gelé go pajerong ga gié kogé geddang bua, ké lé dandang dang gusugé, dang bodelé go wo bua, dang olé bu’.
Kalang ga bo cindi jomé gogé
43Ca gié go dono go kagelokemo, dang henga ga gelé combu ga pajerong ga gié ba léga na, kema goni goni kau muro lei. 44Ga bo cindi mam ké yau pena bua, ké dai henga gagé mam pena bu’. 45Ké keldé yagé gogé dang henga gagé ga kobegé cong, ké gosindégé duroigé mam, kema goni goni kau wai bbal ca nyagé doi. 46Ké gom yaué waindo waindo duro kulu go yaué go Kumu koi bua, ké didé do ta gusugé gulong dang gusu mowa bua, dang ddainya pena bu’. 47Ké debain Kumu bua, kalang mam kederégé ’yégé bua, Bagulong bégé kalang ga wai minyé caigé waindo waindo bu’.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Alliance biblique universelle (United Bible Societies) 1978.