Luk 1
1
1Bajandung Tiopil, kalang combu osum gesau ka pasé henga ga ba lé a duroina. 2Ka pasé henga ga tumu din ga kalang ga ba sol henga lang cindegé ba yena kain bua, na ké ga Kumu ba sigé ca doré kual lé bu’. 3Ama cakcak kua na, ’enung angel henga ga ba lé toigang duro mam. Tiopil go hormo nain, ’enung ’erem ca pasein henga lé kua pena pena mam. 4’Enung lé main kainya ca ji bbala solé gelé go cindi go ké ba gelinyang nai lé toi.
Kangito go Kumu koi yé kual ca wo go Jâ go disé kalang to kang koi
5A duro saman do kelma go Judé Hérod toi na, go tibé Kumu wo kené, gusondi Sakari, ddia duro beram do ga tibé Kumu ga a to moin go Abia kai, tamdi gusanda Elisabét, toa a to moin go gumu go tibé Kumu Aron toi. 6Ké ca’ ka kalang ga geddang tumu Kumu, ké kobu so go Bagulong koia kerab bua, dang kual goni goni mam go ddi ba yégé bu’. 7Ama ké wa kié ’eno cawa Elisabét na morni, ké ca’ ddegeléga nain ’enda.
8Wolé go pena Sakari wo kiddin ga lo gié goi go tibé tumu Kumu, cawa na wolé goi go lo kang berem doi. 9Ca hada do ga tibé Kumu togé na, garmé ’yom kobi ca kondia andang duro kulu go Bagulong koi ca ’ulé henga ga ddowa tuna ca dandang do tibé Kumu. 10Kiddin ga ddi wa ’ulé henga ga ddowa tuna a kulu na, kalang ga geddang mam yau dong wa olé. 11Kangito go Bagulong koi gel gusi cin Sakari, ddi ’eré ca kobi go barua dur dandang do ’ulé tibé go ddowa tuna. 12Kiddin ga Sakari ba soli na, ddaindi ali bem, ddi lé muro bbani ’eno. 13Ama kangito lé yei wa: Sakari ji lo muro ’eno cawa Kumu jé olé goin, tamdin Elisabét da woin kurong, jia tei gusondi Jâ. 14Gusin da mowin combu, kalang combu gusugé da mougé ca wo goi bu’. 15Cawa ddia belé kema go gumu tumu Bagulong, ddi go so sur kangndo ’eno bua, kau céré goni goni ’eno bu’. Kiddin ga ka woii na, ddia wonang Habé ga Kumu kai. 16Ddia jigang ga Israél combu gusu Bagulong Kumu gogé. 17Ddia ’yé tumu Kumu dang habé ga dono ga go cogelé kebu go Kumu koi Eli kai, ca daié karangang bainderégé bua, kalang ga ca asua na, ddia belegé kalang ga nadurong ga geddang bua, ddia dai kalang pena ca Bagulong bu’.
18Ama Sakari yei kangito go Kumu koi lé wa: Kual lé kua da lé cindia mena ga? Cawa ’enung hal ’enda, tamdung kau ddegela combu bu’. 19Kangito go Kumu koi lé jogu yei wa: Na ’enung Gabriél go ’eré tumu Kumu ca loi gié, ddi gigeng ca ’enunga yain Nô do Ddari lé kua. 20Ama kual go ’enung ba yein ca henga la da lé na, ji bu cindi ca kual guang lé ’eno, na ca ma jia dduguré, ji go bbalé yo kual ’eno bera henga lé da lé jua.
21A kiddin lé na kalang ga geddang jom am Sakari bera ké sol kagelokemo, cawa ddi ’eré suguddong a duro kulu kiddin ga ’ulé tibé gang. 22Ama kiddin ga ddi ba andegang dong na, ddi bbala yogé kual ’eno, kalang lé sol ca henga boii cindi wo kené a duro kulu kiddin ga tibé gang, ddi gelga kobi, ddi ji dduguré.
23Kiddin ga Sakari wolé goi go lo gié duro kulu go yaué go Kumu koi ba bbal na, ddi jogu ’yé tai. 24Kardené tamdi Elisabét ’yé kur, to wosu guso dang kur lé kederé bai, to yé wa: 25Sela, henga ga Bagulong ba lang nang, cakcak kua na, ddi dar ca doré dasi cang cong tumu kalang.
Kangito go Kumu koi yé kual ca wo go Jésu koi
26Duro kederé go jis na, Kumu gi kangito Gabriél duro gulong go gumu go Galali go ké ba tei Nasarat. 27Gusu turmo do tembali, toa kema go ké ba tei Josép go a to moin go kelma Dabid koi ’yojandi, tembali lé gusanda Maram. 28Kangito go Kumu koi andong ta, ddi ya wa: ’Enung lé waigi, mé do Kumu ba lang né wai bua, Bagulong wo kenang né bu’. 29Maram ddaindo alo, to yor muro ca kual lé, to ’engeri wa: Ji lenga waigi wa do main kain ga? 30Kangito go Kumu koi ya wa: Maram mé lo muro ’eno, cawa Kumu lé olumang né. 31Mé da ’yé kur, mé da wo kurong, mé da tei gusondi Jésu. 32Ddia belé kema go gumu, ka teia Kumu go dang go ddo wal Kurondi, Bagulong Kumu da bi termala main go ddi ba biang moindi Dabid kain. 33Ddia di termala ca ga Israél waindo waindo bera kuddum, termala doi toa do karé wo ’eno.
34Maram yei kangito go Kumu koi lé wa: Henga lé da lé main kain mena ga? Cawa ’enunga tembali dé.
35Kangito go Kumu koi lé jogu ya wa: Habé ga Kumu kai da gesin cé, Kumu go dang go ddo wal dono doi da bburogé main tunu kain. Na ca ma Kurong go arin carara go mé da woi lé na, ka teia Kumu Kurondi. 36Temdé Elisabét do hali do ké ba ta do morni, to ’yé kurong go barua kur goi, cakcak kua toanga kederé jis. 37Cawa a gusu Kumu na, henga mam bbala balé.
38Kardené Maram yei wa: ’Enunga tembali do gié do Bagulong toi, ddai ddi lang nang main go ji ba yang kain, kangito go Kumu koi lé dda, ddi ’yé.
Maram ’yé solé Elisabét
39A duro wolé lé na, Maram sai kala cab wal giyong suada ’yé gulong go gumu go ca kubung a ca gesong ga Judé. 40To andong ta Sakari gulong, to la Elisabét waigi. 41Kiddin ga Elisabét ba jé waigi do Maram toa na, kurong go a kedera sai dang hubbug, Elisabét wonang Habé ga Kumu kai. 42To soi noa osu, to yé wa: Kumu si busu wo cé ddi kamdé kandu mam, busu doi lé da jom ca kurong go mé da woi bu’. 43’Enunga wang ma, Bagulondang ’yoi sai ’erga tang ga? 44Cawa kiddin ga ’enung ba jé waigi dué na, kurong go kedereng sai dang hubbug dang gusu mowa. 45Kual go Bagulong koi go ba yeang nai na, mé bu cindi cai ca na, da ser toiné, mé danga gusu mowa.
Kera go Maram kua
46Kardené Maram yé wa:
Keudung debain gemyai do Bagulong toi bua,
47Ddaindung wonang gusu mowa ca Kumu ba minyeng bu’.
48Ddi ’erem cang ddar ca ’enung toi do gié do jual lumag lumag
Sela, cakcak kua bera tumu, kalang mam da tenga do busu.
49Cawa Kumu go dono go ddo mam lé henga ga walia cang.
50Ké ga merei na, ddi sola nyageigé waindo waindo.
51Ddi lé gié go dono, dang dono do telai,
Kalang gang ddainya do pidé gusugé na, ddi ddasindégé cong.
52Ddi nonguldé kermeleng a ca pogerong gagé cong.
Ddi nyim kalang ga jali lumag lumag sigé cainé.
53Ddi wondé kalang ga kurang dang henga ga ddaderong,
Ddi ddé kalang ga lainyong ’yé kobegé kalin.
54Ddi ’erga ca jégena koi go gié Israél,
Ddi guiabang kebu goi go doré go ca olum doi ’eno.
55Ddi lé Abraham kang karndi olum lé waindo waindo bera kuddum,
Main ddi ba dorgang moinderana kebu kain.
56Maram jom gusu Elisabét main kederé subu kain, kardené to boi ca jogu ’yé ta.
Wo go Jâ go disé kalang to kang koi
57Kiddin ga Elisabét wolé gua go wo bbal na, to wo kurong. 58Kiddin ga kamdo dang kalndo ba jé ca Bagulong na lé olum do tungu dang na na, gusugé mougé nain daiang na. 59Kiddin ga wolé go margem ba bbal na, ké ’yé ca walé kurong lé mandeli, ké dar ca ka togoi gusondiang gusong go bai koi Jakari. 60Ama ’yoi yé waldong wang na kain ’eno, ga tegaia Jâ. 61Ama ké ya wa: A duro kalndé na, kema go ké ba tei gusondi go main kain wo ’eno.
62Ké geli bai tibenégé ca kondia dar ca ka tega kurondi gusondia mena ga? 63Jakari olga kandia bi bbela go pasé, ddi pasu gusondi Jâ, ké mam sol kagelokemo. 64Kobipadda Jakari kebi hangong, kelindi purong, ddi yé kual, ddi osum debainyé Kumu. 65Muro lé kalang ga duro gulong mam, nô lé aju ca gesong ga a ca kubung go Judé mam bu’. 66Ké mam ga ba jé kual lé na, ké ’enger gusugé wa: Kurong go wusin lé ddain da bela wang ga? Na cindi dono do Bagulong toi wo kenang nai.
Kera go Jakari koi
67Jakari go kurong bai lé wonang Habé ga Kumu kai, ddi cogel kebu go Kumu koi, ddi yé wa:
68Debainyé na Bagulong Kumu go Israél kogé,
Cawa ddi ’erga ca toré kalang gai.
69Ddi bena go minyana go dono,
A to moin go koi go gié, kelma Dabid koi.
70Kua, na kual go ddi ba yagai tumu din,
a kebu ga cogelé kebu gai ga arin carara.
71Ddi dor kebu ca ddia da tuarna a kuaba kalang gana ga tebena.
Dang dono do kalang mam ga ba kainya togé.
72Ddi sol moinderana nyageigé,
Ddi ’erem ca kebu goi go doré go arin carara lé.
73Cawa Kumu bbesé gusiang moindena Abraham.
74Ca ddia toarna a kuaba kalang gana ga tebena.
Ca na lai gié basé muro.
75Ca na bel arin carara dang geddang tumoi,
A duro wolé mam go nang cindena.
76Ji kurandang, ka teinya go cogelé kebu go Kumu go dang go ddo wal koi.
Cawa jia ’yé tumu Bagulong ca nyané giyong goi.
77Ca gelegé kalang gai ga ddia minyégé bua,
Ddia burogé isinwa dogé bu’.
78Cawa Kumu guana sol nyageina, ddi lana olum bu’,
Ddi ’engu arinwa do pena a caina dang,
gené main arinwa do teba toa do ba andegang kain.
79Ca arinwa kalang ga jomé duro delem dang tunu do temai toa.
Ca pogé guandena a duro giyong go jalua juam.
80Kurong lé malgu bua, habei sué osu bu’. Ddi jom duro gada bera teba doi do gelé gusi cin kalang ga Israél bbal ba.
Currently Selected:
Luk 1: TNG1978
Highlight
Share
Copy
Want to have your highlights saved across all your devices? Sign up or sign in
© Alliance biblique universelle (United Bible Societies) 1978.
Luk 1
1
1Bajandung Tiopil, kalang combu osum gesau ka pasé henga ga ba lé a duroina. 2Ka pasé henga ga tumu din ga kalang ga ba sol henga lang cindegé ba yena kain bua, na ké ga Kumu ba sigé ca doré kual lé bu’. 3Ama cakcak kua na, ’enung angel henga ga ba lé toigang duro mam. Tiopil go hormo nain, ’enung ’erem ca pasein henga lé kua pena pena mam. 4’Enung lé main kainya ca ji bbala solé gelé go cindi go ké ba gelinyang nai lé toi.
Kangito go Kumu koi yé kual ca wo go Jâ go disé kalang to kang koi
5A duro saman do kelma go Judé Hérod toi na, go tibé Kumu wo kené, gusondi Sakari, ddia duro beram do ga tibé Kumu ga a to moin go Abia kai, tamdi gusanda Elisabét, toa a to moin go gumu go tibé Kumu Aron toi. 6Ké ca’ ka kalang ga geddang tumu Kumu, ké kobu so go Bagulong koia kerab bua, dang kual goni goni mam go ddi ba yégé bu’. 7Ama ké wa kié ’eno cawa Elisabét na morni, ké ca’ ddegeléga nain ’enda.
8Wolé go pena Sakari wo kiddin ga lo gié goi go tibé tumu Kumu, cawa na wolé goi go lo kang berem doi. 9Ca hada do ga tibé Kumu togé na, garmé ’yom kobi ca kondia andang duro kulu go Bagulong koi ca ’ulé henga ga ddowa tuna ca dandang do tibé Kumu. 10Kiddin ga ddi wa ’ulé henga ga ddowa tuna a kulu na, kalang ga geddang mam yau dong wa olé. 11Kangito go Bagulong koi gel gusi cin Sakari, ddi ’eré ca kobi go barua dur dandang do ’ulé tibé go ddowa tuna. 12Kiddin ga Sakari ba soli na, ddaindi ali bem, ddi lé muro bbani ’eno. 13Ama kangito lé yei wa: Sakari ji lo muro ’eno cawa Kumu jé olé goin, tamdin Elisabét da woin kurong, jia tei gusondi Jâ. 14Gusin da mowin combu, kalang combu gusugé da mougé ca wo goi bu’. 15Cawa ddia belé kema go gumu tumu Bagulong, ddi go so sur kangndo ’eno bua, kau céré goni goni ’eno bu’. Kiddin ga ka woii na, ddia wonang Habé ga Kumu kai. 16Ddia jigang ga Israél combu gusu Bagulong Kumu gogé. 17Ddia ’yé tumu Kumu dang habé ga dono ga go cogelé kebu go Kumu koi Eli kai, ca daié karangang bainderégé bua, kalang ga ca asua na, ddia belegé kalang ga nadurong ga geddang bua, ddia dai kalang pena ca Bagulong bu’.
18Ama Sakari yei kangito go Kumu koi lé wa: Kual lé kua da lé cindia mena ga? Cawa ’enung hal ’enda, tamdung kau ddegela combu bu’. 19Kangito go Kumu koi lé jogu yei wa: Na ’enung Gabriél go ’eré tumu Kumu ca loi gié, ddi gigeng ca ’enunga yain Nô do Ddari lé kua. 20Ama kual go ’enung ba yein ca henga la da lé na, ji bu cindi ca kual guang lé ’eno, na ca ma jia dduguré, ji go bbalé yo kual ’eno bera henga lé da lé jua.
21A kiddin lé na kalang ga geddang jom am Sakari bera ké sol kagelokemo, cawa ddi ’eré suguddong a duro kulu kiddin ga ’ulé tibé gang. 22Ama kiddin ga ddi ba andegang dong na, ddi bbala yogé kual ’eno, kalang lé sol ca henga boii cindi wo kené a duro kulu kiddin ga tibé gang, ddi gelga kobi, ddi ji dduguré.
23Kiddin ga Sakari wolé goi go lo gié duro kulu go yaué go Kumu koi ba bbal na, ddi jogu ’yé tai. 24Kardené tamdi Elisabét ’yé kur, to wosu guso dang kur lé kederé bai, to yé wa: 25Sela, henga ga Bagulong ba lang nang, cakcak kua na, ddi dar ca doré dasi cang cong tumu kalang.
Kangito go Kumu koi yé kual ca wo go Jésu koi
26Duro kederé go jis na, Kumu gi kangito Gabriél duro gulong go gumu go Galali go ké ba tei Nasarat. 27Gusu turmo do tembali, toa kema go ké ba tei Josép go a to moin go kelma Dabid koi ’yojandi, tembali lé gusanda Maram. 28Kangito go Kumu koi andong ta, ddi ya wa: ’Enung lé waigi, mé do Kumu ba lang né wai bua, Bagulong wo kenang né bu’. 29Maram ddaindo alo, to yor muro ca kual lé, to ’engeri wa: Ji lenga waigi wa do main kain ga? 30Kangito go Kumu koi ya wa: Maram mé lo muro ’eno, cawa Kumu lé olumang né. 31Mé da ’yé kur, mé da wo kurong, mé da tei gusondi Jésu. 32Ddia belé kema go gumu, ka teia Kumu go dang go ddo wal Kurondi, Bagulong Kumu da bi termala main go ddi ba biang moindi Dabid kain. 33Ddia di termala ca ga Israél waindo waindo bera kuddum, termala doi toa do karé wo ’eno.
34Maram yei kangito go Kumu koi lé wa: Henga lé da lé main kain mena ga? Cawa ’enunga tembali dé.
35Kangito go Kumu koi lé jogu ya wa: Habé ga Kumu kai da gesin cé, Kumu go dang go ddo wal dono doi da bburogé main tunu kain. Na ca ma Kurong go arin carara go mé da woi lé na, ka teia Kumu Kurondi. 36Temdé Elisabét do hali do ké ba ta do morni, to ’yé kurong go barua kur goi, cakcak kua toanga kederé jis. 37Cawa a gusu Kumu na, henga mam bbala balé.
38Kardené Maram yei wa: ’Enunga tembali do gié do Bagulong toi, ddai ddi lang nang main go ji ba yang kain, kangito go Kumu koi lé dda, ddi ’yé.
Maram ’yé solé Elisabét
39A duro wolé lé na, Maram sai kala cab wal giyong suada ’yé gulong go gumu go ca kubung a ca gesong ga Judé. 40To andong ta Sakari gulong, to la Elisabét waigi. 41Kiddin ga Elisabét ba jé waigi do Maram toa na, kurong go a kedera sai dang hubbug, Elisabét wonang Habé ga Kumu kai. 42To soi noa osu, to yé wa: Kumu si busu wo cé ddi kamdé kandu mam, busu doi lé da jom ca kurong go mé da woi bu’. 43’Enunga wang ma, Bagulondang ’yoi sai ’erga tang ga? 44Cawa kiddin ga ’enung ba jé waigi dué na, kurong go kedereng sai dang hubbug dang gusu mowa. 45Kual go Bagulong koi go ba yeang nai na, mé bu cindi cai ca na, da ser toiné, mé danga gusu mowa.
Kera go Maram kua
46Kardené Maram yé wa:
Keudung debain gemyai do Bagulong toi bua,
47Ddaindung wonang gusu mowa ca Kumu ba minyeng bu’.
48Ddi ’erem cang ddar ca ’enung toi do gié do jual lumag lumag
Sela, cakcak kua bera tumu, kalang mam da tenga do busu.
49Cawa Kumu go dono go ddo mam lé henga ga walia cang.
50Ké ga merei na, ddi sola nyageigé waindo waindo.
51Ddi lé gié go dono, dang dono do telai,
Kalang gang ddainya do pidé gusugé na, ddi ddasindégé cong.
52Ddi nonguldé kermeleng a ca pogerong gagé cong.
Ddi nyim kalang ga jali lumag lumag sigé cainé.
53Ddi wondé kalang ga kurang dang henga ga ddaderong,
Ddi ddé kalang ga lainyong ’yé kobegé kalin.
54Ddi ’erga ca jégena koi go gié Israél,
Ddi guiabang kebu goi go doré go ca olum doi ’eno.
55Ddi lé Abraham kang karndi olum lé waindo waindo bera kuddum,
Main ddi ba dorgang moinderana kebu kain.
56Maram jom gusu Elisabét main kederé subu kain, kardené to boi ca jogu ’yé ta.
Wo go Jâ go disé kalang to kang koi
57Kiddin ga Elisabét wolé gua go wo bbal na, to wo kurong. 58Kiddin ga kamdo dang kalndo ba jé ca Bagulong na lé olum do tungu dang na na, gusugé mougé nain daiang na. 59Kiddin ga wolé go margem ba bbal na, ké ’yé ca walé kurong lé mandeli, ké dar ca ka togoi gusondiang gusong go bai koi Jakari. 60Ama ’yoi yé waldong wang na kain ’eno, ga tegaia Jâ. 61Ama ké ya wa: A duro kalndé na, kema go ké ba tei gusondi go main kain wo ’eno.
62Ké geli bai tibenégé ca kondia dar ca ka tega kurondi gusondia mena ga? 63Jakari olga kandia bi bbela go pasé, ddi pasu gusondi Jâ, ké mam sol kagelokemo. 64Kobipadda Jakari kebi hangong, kelindi purong, ddi yé kual, ddi osum debainyé Kumu. 65Muro lé kalang ga duro gulong mam, nô lé aju ca gesong ga a ca kubung go Judé mam bu’. 66Ké mam ga ba jé kual lé na, ké ’enger gusugé wa: Kurong go wusin lé ddain da bela wang ga? Na cindi dono do Bagulong toi wo kenang nai.
Kera go Jakari koi
67Jakari go kurong bai lé wonang Habé ga Kumu kai, ddi cogel kebu go Kumu koi, ddi yé wa:
68Debainyé na Bagulong Kumu go Israél kogé,
Cawa ddi ’erga ca toré kalang gai.
69Ddi bena go minyana go dono,
A to moin go koi go gié, kelma Dabid koi.
70Kua, na kual go ddi ba yagai tumu din,
a kebu ga cogelé kebu gai ga arin carara.
71Ddi dor kebu ca ddia da tuarna a kuaba kalang gana ga tebena.
Dang dono do kalang mam ga ba kainya togé.
72Ddi sol moinderana nyageigé,
Ddi ’erem ca kebu goi go doré go arin carara lé.
73Cawa Kumu bbesé gusiang moindena Abraham.
74Ca ddia toarna a kuaba kalang gana ga tebena.
Ca na lai gié basé muro.
75Ca na bel arin carara dang geddang tumoi,
A duro wolé mam go nang cindena.
76Ji kurandang, ka teinya go cogelé kebu go Kumu go dang go ddo wal koi.
Cawa jia ’yé tumu Bagulong ca nyané giyong goi.
77Ca gelegé kalang gai ga ddia minyégé bua,
Ddia burogé isinwa dogé bu’.
78Cawa Kumu guana sol nyageina, ddi lana olum bu’,
Ddi ’engu arinwa do pena a caina dang,
gené main arinwa do teba toa do ba andegang kain.
79Ca arinwa kalang ga jomé duro delem dang tunu do temai toa.
Ca pogé guandena a duro giyong go jalua juam.
80Kurong lé malgu bua, habei sué osu bu’. Ddi jom duro gada bera teba doi do gelé gusi cin kalang ga Israél bbal ba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Alliance biblique universelle (United Bible Societies) 1978.