ಲುಕ್ 10
10
ಯೇಸುನಿ ಸತ್ತರಾವ ದೊನ್ ಜ಼ನಾನಾ ಲಾವುನ್ ದಿಲ್ಯಾಲ
1ಹ್ಯಾ ನಂತರ್ ಯೇಸುನಿ ಆನಿ ಸತ್ತರಾವ ದೊನ್ ಜ಼ನಾನಾ ನೆಮುನ್ ಕಚಾ ಕಚಾ ಗಾವಾತ್ ಕಚಾ ಕಚಾ ಜಾ಼ಗ್ಯಾವ ಯೇಸು ಆಪ್ನು ಸ್ವತಾ ಜಾ಼ಯಾಚಾ಼ ಹುತ್ತಾ. ತಿಥ ಆಂದಿಸ್ ದೊಗಾ ದೊಗಾನಾ ಲಾವುನ್ ದಿಲ. 2ತವಾ ಯೇಸು ತ್ಯನಾ, “ಪೀಕ್ ಖುಬ್, ಹಾ ಫನ್ ಕಾಮ್ಯಾರ ಥೊಡ ಹಾತ್ತ. ಪಿಕಾಚಾ ದನ್ಯಾನಿ ಆಪ್‌ಲ್ಯಾ ಪಿಕಾಸಾಟಿ ಕಾಮ್ಯಾರ ಲಾವುನ್ ದೇವಾವ ಮನ್ಹುನ್ ದೇವಾಪ ಮಾಗ್ನ ಕರಾ” ಮನ್ಲಾ. 3“ಜಾ಼ವಾ ಕೂಳಿಸನ್ಯಾತ್ನಿ ಬಕರಿ ಗ್ಯಾತ್‌ಲ್ಯಾಚೆಗತ್ ಮಿ ತುಮಾನಾ ಲಾವುನ್ ದೇತೊ ಬಗಾ. 4ಪೈಶಾಚಿ ಪಿಸ್ವಿ ಜು಼ಳ್ಹಿ ನಾಹಿತ ವ್ಹಾನಾ ಸಂಗ ಗಿಹುನಕೊಸಾ. ವಾಟವ ಕುನಾಲಾ ನಮಸ್ಕಾರ್ ಕರುನಕೊಸಾ.
5ಆನಿ ಕಚಾ ಯಕಾ ಗರ‍್ಹಾತ್ ಜಾ಼ಸಿಲಾ ತ್ಯಾ ಗರ‍್ಹಾತ್ ಸಮಾದಾನ್ ರಾಹುನಿ ಮನ್ಹಾ. 6ತಿಥ ಕೊನ್ ಸಮಾದಾನಾಚಾ಼ ಮಾನುಸ್ ಆಸ್ಲಾತ ತುಮಚಾ಼ ಸಮಾದಾನ್ ತ್ಯಚಿಪ ರಾಹಿಲ್, ನಸ್ಲಾತ ಪರತ್ ಯಯಿಲ್. 7ತ್ಯಚಾ ಗರ‍್ಹಾತ್ ವಸ್ತಿಲಾ ರಾಹುನ್ ತಿ ಕ್ಯಾ ದಿತಿಲ ತ್ಯ ಖಾವುನ್ ಪಿವುನ್ ರಾವ್ಹಾ ಕಾ ಮಂಜೆ ಆಳ್ ಆಪ್ಲೆ ಮಜು಼ರಿಲಾ ಯೊಗ್ಯ ಹಾ ಗರ‍್ಹ ಬದಲು ನಕೊಸಾ. 8ಕಚಾಬಿ ಗಾವಾತ್ ತುಮಿ ಗೆಲಾಸಾಕಿ ತ್ಯಂಚಾನಿ ತುಮಾನಾ ಹಾಕಟ್ಲತ ತಿ ತುಮಾನಾ ಕ್ಯಾ ವ್ಯಾಡ್ತಿಲ ತ್ಯ ಖಾವಾ.
9ತ್ಯಾತ್ ಕೊನ್ ದುಖನ್ಕರಿ ಹಾ ತ್ಯನಾ ಬರಿ ಕರಾ ಆನಿ ತ್ಯನಾ ದೇವಾಚ಼ ರಾಜ ತುಮ್ಚೆ ಜ಼ವಳ್ ಆಲ್ಯಾ ಮನ್ಹುನ್ ಸಾಂಗಾ.
10ಆನಿ ತುಮಿ ಕಚಾಬಿ ಗಾವಾತ್ ಗೆಲಾಸಾ ಆನಿ ತ್ಯಂಚಾನಿ ತುಮಾನಾ ಹಾಕಟ್ಲ ನಾಹಿತ ತಿತ್ಲೆ ಪಾಂದಿವ ಜಾ಼ವುನ್ ಆಸ ಮನ್ಹಾ. 11ಆಮ್ಚಾ ಪಾಯಾನಾ ಲಾಗ್‌ಲ್ಯಾಲಿ ತುಮ್ಚಾ ಗಾವಾಚಿ ಧುಳ್ಬಿ ತುಮ್ಚಿ ತುಮಾನಾಸ್ ಜಾ಼ಢುನ್ ಟ್ಯಾಕ್ತಾವ್ ಫನ್ ದೇವಾಚ಼ ರಾಜ ಜ಼ವಳ್ ಆಲ್ಯಾ ಹ್ಯ ಲಕ್ಶೆತ್ ಥೆವಾ ಮನ್ಹುನ್ ಸಾಂಗ್ಲ. 12ಮಿ ತುಮಾನಾ ಸಾಂಗ್ತೊ ತ್ಯಾ ನ್ಯಾಯಿ ನಿವ್ಡಾಚಾ ದಿಸಾದಿಸಿ ತಸಲ್ಯಾ ಗಾವಾಚಿ ಹಾಕಿಗತ್ ಸದೊಮ್ ಗಾವಾಚೆ ಹಾಕಿ ಗತಿವ್ನಿ ಕಠಿನ್ ವ್ಹಯಿಲ್ ಮನ್ಲಾ.
ಇಸ್ವಾಸ್ ನಸ್‍ಲ್ಯಾಲಿ ಗಾವ
(ಮತ್ತಾಯ್ 11:20-24)
13“ಖೊರಾಜಿನಿ, ಬೆತ್ಸಾಯಿದಾ ತುಜಿ಼ ದುರದೇಸ್ನಾ ಕ್ಯಾ ಸಾಂಗು; ಕಾ ಮಂಜೆ ತುಮ್ಚೆ ಮದ್ದಿ ಗಡಲ್ಯಾಲಿ ಪರಾಕ್ರಮಾಚಿ ಕಾಮ ತುರ್ ಆನಿ ಸಿದೊನಾತ್ನಿ ಗಡಲಿ ಆಸ್ಥಿತ ತ್ಯಂಚಾನಿ ತವಾಸ್ ಚಿಲಾಚ಼ ಗೊನ್ತಾ ಬಾಂದುನ್ ರಾಖ್ ಆಂಗಾವ ಗಿಹುನ್ ಬಸುನ್ ಪಶ್ಚಾತಾಪ್ ಪಡ್ಲಿ ಆಸ್ಥಿತ. 14ಹ್ಯಚಿಸ್ ಲಾಗುನ್ ನ್ಯಾಯಿ ನಿವ್ಡಾಚಾ ದಿಸಾತ್ ದೇವ್ ತುಮ್ಚೆ ಪರಾಸ್ ತುರ್ ಆನಿ ಸಿದೊನ್ ಗಾವಾಂಚಿವ ಕರ್ನಾದಾವಿಲ್.
15ಆನಿ ಕಪೆರ್ನೌಮ ತು ಪರಲೊಕಾತ್ ಚ಼ಡ್ಸಿಲ್ ಕ್ಯಾ? ನಾಹಿ! ತು ನರಕಾತ್ ಉತಾರ್ಸಿಲ್.
16ಕಚಾ಼ ತುಮ್ಚ಼ ಐಕ್ತೊ ತ್ಯೊ ಮಾಜ಼ ಐಕ್ತೊ ಆನಿ ಕಚಾ಼ ತುಮಾನಾ ನಾಖರ್ತೊ ತ್ಯೊ ಮನಾ ನಾಖರ್ತೊ ಆನಿ ಕಚಾ಼ ಮನಾ ನಾಖರ್ತೊ ತ್ಯೊ ಕಚಾನಿ ಮನಾ ಲಾವುನ್ ದಿಲ್ಯಾ ತ್ಯಲಾ ನಾಖರ್ತೊ” ಮನ್ಲಾ.
ಸತ್ತರಾವ ದೊನ್ ಜಾ಼ನ್ ಮಾಗಾರ ಆಲ್ಯಾಲ
17ಮಂಗ್ ತೆ ಸತ್ತರಾವ ದೊನ್ ಜಾ಼ನ್ ಆನಂದಾನಿ ಪರತ್ ಯವುನ್ ಮನ್ಲ, “ಪ್ರಭು ತುಜಾ ನಾವಾನಿ ಭುಥ ದಿಕಿಲ್ ಆಮ್ಚಾ ತಾಬ್ಯಾತ್ ರಾಥ್ಯಾತ. ”
18ತವಾ ಯೇಸು ತ್ಯನಾ ಮನ್ಲಾ, “ಸೈತಾನ್ ಪರಲೊಕಾತ್ನಿ ಇಜ಼ಚೆಗತ್ ಪಾಕ್ಕನ್ ಪಡ್‌ಲ್ಯಾಲ ಬಗಲ್ಯಾ. 19ಬಗಾ ಮಿ ತುಮಾನಾ ಸಾಪ್ ಆನಿ ಇಚು಼ ಹ್ಯನಾ ತುಡುವಾಯಾ ಆನಿ ವೈರಿಚಾ ಸಗ್‌ಳ್ಯಾ ಬಳಾವರ್ ಹಾಕ್ ದಿಲ್ಯಾ ತುಮಾನಾ ಕಾಯೇಕ್ ಅನ್ನೆವ್ ವ್ಹಯಿತ್ನಾಹಿ. 20ಫನ್ ಬುಥ ತುಮ್ಚಾ ತಾಬ್ಯಾತ್ ರಾಥ್ಯಾತ ಮನ್ಹುನ್ ಆನಂದ್ ವ್ಹವುನಕೊಸಾ ತುಮ್ಚಿ ನಾವ ಸ್ವರ್ಗಾತ್ ಲಿವ್‌ಲ್ಯಾಲಿ ಹಾತ್ತ ಹ್ಯಚಾ಼ ಆನಂದ್ ಕರಾ ಮನ್ಲಾ.
ಯೇಸುಲಾ ಜಾ಼ಲ್ಯಾಲಾ ಆನಂದ್
(ಮತ್ತಾಯ್ 11:25-27; 13:16-17)
21ತೆ ಗಟ್ಕಲಾ ಯೇಸು ಪವಿತ್ರ ಆತ್ಮಾಚೆ ಹೌಸನಿ ಮನ್ಲಾ, “ಬಾ ಸ್ವರ್ಗಾಚಾ ಆನಿ ಪ್ರತ್ವಿಚಾ ಪ್ರಭು ಮಿ ತುಲಾ ವವ್ಯಾಳ್ತೊ ಕಾ ಮಂಜೆ ಜ್ಞಾನಿ ಆನಿ ಶಿಕ್‌ಲ್ಯಾಲ್ಯಾಂಚಿಪ್ನಿ ಹ್ಯಾ ಗುಶ್ಟಿ ಗಪ್ ಥಿವುನ್ ತ್ಯಾ ತು ಕಾಯ್ ಸಿಕ್‌ಲ್ಯಾ ನಸ್‍ಲ್ಯಾಲ್ಯಾನಾ ಉಗ್ಡುನ್ ದಾವಾಚ಼ ತುಲಾ ಬರ ದಿಸ್ಲ ಮನ್ಹುನ್ ತುಲಾ ವವ್ಯಾಳ್ತೊ.
22ಮಾಜಾ ಬಾನಿ ಸಗ್ಳ ಮಾಜಾ ತಾಬ್ಯಾತ್ ದಿಲ್ಯಾ, ಲ್ಯೊಕ್ ಕೊನ್ ಹಾ ಹ್ಯ ಬಾ ವಾಚು಼ನ್ ಕುನಾಲಾ ಠಾವ ನಾಹಿ ಆನಿ ಬಾ ಕೊನ್ ಹಾ ಹ್ಯ ಲೇಕಾಲಾ ತ್ಯವ್ಡಸ್ ಠಾವ ಆನಿ ಕಚಾಲಾ ತ್ಯೊ ಉಗ್ಡುನ್ ದಾವಾಚಿ ಲೇಕಾಚಿ ಇಚ್ಚಾ ಆಸಲ್ ತ್ಯಚೆ ವಾಚು಼ನ್ ಕುನಾಲಾ ಠಾವ ನಾಹಿ” ಮನ್ಲಾ.
23ಯೇಸು ಶಿಶಾಂಚಿಕ್ಡ ಪರ್ತುನ್‍ ತೇ ಯಕಾನ್ಸಿ ಆಸ್ಥಾನಾ ತ್ಯನಾ ಕ್ಯಾ ಸಾಂಗ್ಲ ಮಂಜೆ “ಹ್ಯಾ ಗುಶ್ಟಿ ಬಗ್‌ತ್ಯಾಲ ತುಮಿ ಕ್ಯವ್ಡ ಬರ. ” 24ಹ್ಯಚಿಸ್ ಲಾಗುನ್ ತುಮಾನಾ ಸಾಂಗ್ತೊ ತುಮಿ ಬಗ್‌ತ್ಯಾಲಿ ಕಾಮ್ ಬಗನ್ಯಾಚಿ ಇಚಾ ಖುಬ್ ಪ್ರವಾದಿಂಚಾನಿ ಆನಿ ರಾಜಾಂಚಾನಿ ಕಿಲಿ ತರಿ ತ್ಯನಾ ಬಗಾಯಾ ಮಿಳಾಲಿ ನಾಹಿ ಆನಿ ತುಮಿ ಐಕಿತ್ ಹಾಸಾ ತ್ಯ ಐಕಾನ್ಯಾಚಿ ಇಚಾ ಕಿಲಿ ತರಿ ತ್ಯನಾ ಐಕಾಯಾ ಮಿಳಾಲ ನಾಹಿ.
ಚಾ಼ಂಗಲ್ಯಾ ಸಮಾರ‍್ಯಾಚಿ ಕ್ಯಾಯ್ನಿ
25ಮಂಗ್ ಬಗಾ ಯೊಕ್ ಶಾಸ್ತ್ರಿ ಉಬಾ ರಾಯ್ಲಾ ಆನಿ ಯೇಸುಚಿ ಪಾರಕ್ ಕರಾಯಾಸಾಟಿ ಮನ್ಲಾ, “ಪ್ರಭು, ಕ್ಯಾ ಕೆಲ್ಯಾವ ಮನಾ ಶಾಶ್ವತ್ ಜೀವನ್ ಮಿಳಲ್?
26ಯೇಸು ತ್ಯಲಾ “ಮೋಸೆಚಾ ಧರ್ಮ ಶಾಸ್ತಾರಾತ್ ಕ್ಯಾ ಲಿವ್‌ಲ್ಯಾಲ ಹಾ? ತು ಕ್ಯಾ ಸಮಜು಼ನ್ ಗೆತ್ಲಸ್? ಮನ್ಲಾ.
27ತವಾ ಶಾಸ್ತ್ರಿ, “ತು ತುಜಾ಼ ದೇವ್ ಪರಮೇಶ್ವರಾಚಿ ಪುರ‍್ಯಾ ಮನಾನಿ ಪುರ‍್ಯಾ ಜಿ಼ವಾನಿ ಪುರ‍್ಯಾ ಬಳಾನಿ ಆನಿ ಪುರ‍್ಯಾ ಮನಾನಿ ಮಾಯಾ ಕರ್ ಆನಿ ತುಜಿ಼ಗತ್ ತುಜಾ ಸೆಜಾರ‍್ಯಾಚಿ ಮಾಯಾ ಕರ್ ಆಸ ಲಿವಲ್ಯಾ” ಮನ್ಲಾ.
28ಯೇಸುನಿ ಶಾಸ್ತ್ರಿಲಾ, “ಉತ್ತರ್ ತು ಠಿಕ್ ದಿಲಾಸ್ ಮನ್ಲಾ. ಹ್ಯಚ಼್ ಕರ್ ಮಂಜೆ ಜ಼ಗಸಿಲ್” ಮನ್ಲಾ. 29ಫನ್ ಆಪ್ನು ನಿತಿವಂತ್ ಮನ್ಹುನ್ ಗಿಹ್ಯಾಚಿ ಇಚಾ ದರುನ್ ತ್ಯೊ ಯೇಸುಲಾ, “ಫನ್ ಮಾಜಾ಼ ಸೇಜಾ಼ರಿ ಕೊನ್? ಮನ್ಲಾ.
30ಯೇಸುನಿ ಉತ್ತರ್ ದಿಲಾ, ಯೊಕ್ ಮಾನುಸ್ ಯೆರುಸಲೇಮಿತ್ನಿ ಖಾಲ್ ಉತುರುನ್ ಯೆರಿಕೊಸ್ ಜಾ಼ಯಿತ್ ಆಸ್ಥಾನಾ ಚೊ಼ರಾಂಚಾ ಹಾತಾತ್ ಗಾವ್ಲಾ ತ್ಯಂಚಾನಿ ತ್ಯಚ಼ ಕಪ್ಡ ಕಾಡುನ್ ಗಿಹುನ್ ತ್ಯಲಾ ಮ್ಯಾರ್ಲಾ ಆನಿ ತ್ಯಲಾ ಆಡ್ಕಾಚಾ಼ ಮಾರುನ್ ಗೆಲಾ. 31ತವಾಸ್ ಯೊಕ್ ಯೆಹುದ್ಯ ಯಾಜಕ್ ತೆ ವಾಟನಿ ಖಾಲ್ ಜಾ಼ಯಿತ್ ಹುತ್ತಾ; ತ್ಯನಿ ತ್ಯಲಾ ಬಗುನ್ ದುಸರೆ ಬಾಜು಼ಕ್ನಿ ಗೆಲಾ. 32ತಸಾಸ್ ಯೊಕ್ ಲೆವಿ ತಿಥ ಆಲಾ ತ್ಯಲಾ ಬಗುನ್ ತ್ಯೊಬಿ ದುಸರೆ ಬಾಜು಼ಕ್ನಿ ಗೆಲಾ. 33ಫನ್ ಯೊಕ್ ಸಮಾರ‍್ಯಾ ಆಲಾ ತೆ ವಾಟನಿ ಯತಾನಾ ತ್ಯೊ ಹುತ್ತಾ ತಿಥ ಆಲಾ ಆನಿ ತ್ಯಲಾ ಬಗುನ್ ತ್ಯಚಿ಼ವ ತ್ಯಲಾ ಕರ್ನಾ ಆಲಿ. 34ತ್ಯೊ ಜ಼ವಳ್ ಜಾ಼ವುನ್ ತ್ಯಚಾ ಗಾವ್ಹಾನಾ ತ್ಯಾಲ್ ಆನಿ ದರಾಕ್ಶಿಚಾ ರಸ್ ಲಾವುನ್ ಬ್ಯಾಂದಲಾ ಆನಿ ತ್ಯಲಾ ಆಪ್‌ಲ್ಯಾ ಗಾಡ್ವಾವರ್ ಬಸ್ವುನ್ ದವಖಾನ್ಯಾತ್ ಆನ್ಲಾ ಆನಿ ತ್ಯಚಿ ಕ್ಯಾಳ್ಜಿ ಗಿತ್ಲಿ. 35ದುಸರೆ ದಿಸಿ ತ್ಯನಿ ದೊನ್ ರುಪಯಿ ಕಾಡುನ್ ದವಖನ್ಯಾತಲ್ಯಾ ರಕ್ಶಕಾಲಾ ದಿವುನ್ ಹ್ಯಚಿ ಕ್ಯಾಳ್ಜಿ ಘೇ ಆನಿ ಹ್ಯಚಿವ್ನಿ ? ಆಗಾವ್ ಖರ್ಚ಼ ಜಾ಼ಲ್ಯಾಲಾ ಮಿ ಪರತ್ ತುಲಾ ದೇತೊ” ಮನ್ಲಾ.
36ತವಾ ಯೇಸು “ತುಜಾ ಮನ್ಯಾನಿ ಚೊ಼ರಾಂಚಾ ಹಾತಾತ್ ಗಾವಲ್ಯಾಲ್ಯಾ ಮಾನ್ಸಾಚಾ಼ ಸೇಜಾ಼ರಿ ಹ್ಯಾ ತಿಗಾತ್ ಕೊನ್ ಜಾ಼ಲಾ?
37ತವಾ ಶಾಸ್ತ್ರಿ, “ತ್ಯಚಿ಼ವ ದಯಾ ದ್ಯಾವ್‌ಲ್ಯಾಲಾ” ಮನ್ಲಾ. ತವಾ ಯೇಸು ತ್ಯಲಾ “ಜಾ಼ ಆನಿ ತು ಬಿ ತಸಸ್ ಕರ್” ಮನ್ಲಾ.
ಯೇಸುನಿ ಮಾರ್ಥಾಲಾ ಆನಿ ಮರಿಯಾಲಾ ಭೆಟ್ ದಿಲ್ಯಾಲಿ
38ಮಂಗ್ ತೆ ಮೊರ‍್ಹ ಜಾ಼ಯಿತ್ ಆಸ್ಥಾನಾ ತ್ಯೊ ಯಕಾ ಗಾವಾತ್ ಆಲಾ ತವಾ ಮಾರ್ಥಾ ನಾವಾಚಿ಼ ಯೇಕ ಬಾಯಿಲ್ ಮಾನ್ಸಾನಿ ತ್ಯಲಾ ಆಪ್‌ಲ್ಯಾ ಗರ‍್ಹಾತ್ ಹಾಕಟ್ಲಾ. 39ತಿಲಾ ಮರಿಯಾ ನಾವಾಚಿ ಯೇಕ್ ಭನ್ ಹುತ್ತಿ ತಿ ಪ್ರಭುಚಾ ಪಾಯಾಕ್ಡ ಬಸುನ್ ತ್ಯಚ಼ ಬೊಲ್ನ ಐಕಿತ್ ರಾಹಿಲಿ. 40ತವಾ ಮಾರ್ಥಾಲಾ ಖುಬ್ ಕಾಮ್ ಲಾಗ್ಲ ಮನ್ಹುನ್ ತಿಚ಼ ತಾರಾಂಗನ್ ಜಾ಼ಲ ಆನಿ ತಿ ಮೊರ‍್ಹ ಯವುನ್, “ಪ್ರಭು ಮಾಜೆ ಭನ್ಹಿನಿ ಮಾಜಿವ ಯಕ್ಲಿವಸ್ ಕಾಮಾಚಾ಼ ಭಾರ್ ಟ್ಯಾಕ್ಲಾ ಹ್ಯ ತುಲಾ ಬರ ದಿಸ್ತ ಕ್ಯಾ? ಮನಾ ಮಜ಼ತ್ ಕರಾಯಾ ಸಾಂಗ್” ಮನ್ಲಿ. 41ಪ್ರಭು ತಿಲಾ, “ಮಾರ್ಥಾ ಮಾರ್ಥಾ ತು ಖುಬ್ ಗುಶ್ಟಿಂಚಿ ಯವಜ್ನಾ಼ ಆನಿ ಗಡಬಡ್ ಕರ್ತೆಸ್. 42ಫನ್ ಥೊಡ್ಯಾ ತ್ಯವ್‍ಡ್ಯಾಸ್ ಗುಶ್ಟಿ ಉಪೆಗಿಚಾ ಹಾತ್ತಾ. ಮರಿಯಾನಿ ಯೇಕುಸ್ ಚಾ಼ಂಗ್ಲಿ ನಿವುಡುನ್ ಗೆತ್ಲೆ ತಿ ತಿಚಿಪ್ನಿ ಕಾಡುನ್ ಗಿಹ್ಯಾ ವ್ಹನಾರ್ ನಾಹಿ” ಮನ್ಲಾ.
Currently Selected:
ಲುಕ್ 10: NTGMi23
Highlight
Share
Copy
Want to have your highlights saved across all your devices? Sign up or sign in
The New Testament in Gowli Marathi Language © The Word for the World International and Gowli Marathi Translation Samiti, Karnataka, 2023.
ಲುಕ್ 10
10
ಯೇಸುನಿ ಸತ್ತರಾವ ದೊನ್ ಜ಼ನಾನಾ ಲಾವುನ್ ದಿಲ್ಯಾಲ
1ಹ್ಯಾ ನಂತರ್ ಯೇಸುನಿ ಆನಿ ಸತ್ತರಾವ ದೊನ್ ಜ಼ನಾನಾ ನೆಮುನ್ ಕಚಾ ಕಚಾ ಗಾವಾತ್ ಕಚಾ ಕಚಾ ಜಾ಼ಗ್ಯಾವ ಯೇಸು ಆಪ್ನು ಸ್ವತಾ ಜಾ಼ಯಾಚಾ಼ ಹುತ್ತಾ. ತಿಥ ಆಂದಿಸ್ ದೊಗಾ ದೊಗಾನಾ ಲಾವುನ್ ದಿಲ. 2ತವಾ ಯೇಸು ತ್ಯನಾ, “ಪೀಕ್ ಖುಬ್, ಹಾ ಫನ್ ಕಾಮ್ಯಾರ ಥೊಡ ಹಾತ್ತ. ಪಿಕಾಚಾ ದನ್ಯಾನಿ ಆಪ್‌ಲ್ಯಾ ಪಿಕಾಸಾಟಿ ಕಾಮ್ಯಾರ ಲಾವುನ್ ದೇವಾವ ಮನ್ಹುನ್ ದೇವಾಪ ಮಾಗ್ನ ಕರಾ” ಮನ್ಲಾ. 3“ಜಾ಼ವಾ ಕೂಳಿಸನ್ಯಾತ್ನಿ ಬಕರಿ ಗ್ಯಾತ್‌ಲ್ಯಾಚೆಗತ್ ಮಿ ತುಮಾನಾ ಲಾವುನ್ ದೇತೊ ಬಗಾ. 4ಪೈಶಾಚಿ ಪಿಸ್ವಿ ಜು಼ಳ್ಹಿ ನಾಹಿತ ವ್ಹಾನಾ ಸಂಗ ಗಿಹುನಕೊಸಾ. ವಾಟವ ಕುನಾಲಾ ನಮಸ್ಕಾರ್ ಕರುನಕೊಸಾ.
5ಆನಿ ಕಚಾ ಯಕಾ ಗರ‍್ಹಾತ್ ಜಾ಼ಸಿಲಾ ತ್ಯಾ ಗರ‍್ಹಾತ್ ಸಮಾದಾನ್ ರಾಹುನಿ ಮನ್ಹಾ. 6ತಿಥ ಕೊನ್ ಸಮಾದಾನಾಚಾ಼ ಮಾನುಸ್ ಆಸ್ಲಾತ ತುಮಚಾ಼ ಸಮಾದಾನ್ ತ್ಯಚಿಪ ರಾಹಿಲ್, ನಸ್ಲಾತ ಪರತ್ ಯಯಿಲ್. 7ತ್ಯಚಾ ಗರ‍್ಹಾತ್ ವಸ್ತಿಲಾ ರಾಹುನ್ ತಿ ಕ್ಯಾ ದಿತಿಲ ತ್ಯ ಖಾವುನ್ ಪಿವುನ್ ರಾವ್ಹಾ ಕಾ ಮಂಜೆ ಆಳ್ ಆಪ್ಲೆ ಮಜು಼ರಿಲಾ ಯೊಗ್ಯ ಹಾ ಗರ‍್ಹ ಬದಲು ನಕೊಸಾ. 8ಕಚಾಬಿ ಗಾವಾತ್ ತುಮಿ ಗೆಲಾಸಾಕಿ ತ್ಯಂಚಾನಿ ತುಮಾನಾ ಹಾಕಟ್ಲತ ತಿ ತುಮಾನಾ ಕ್ಯಾ ವ್ಯಾಡ್ತಿಲ ತ್ಯ ಖಾವಾ.
9ತ್ಯಾತ್ ಕೊನ್ ದುಖನ್ಕರಿ ಹಾ ತ್ಯನಾ ಬರಿ ಕರಾ ಆನಿ ತ್ಯನಾ ದೇವಾಚ಼ ರಾಜ ತುಮ್ಚೆ ಜ಼ವಳ್ ಆಲ್ಯಾ ಮನ್ಹುನ್ ಸಾಂಗಾ.
10ಆನಿ ತುಮಿ ಕಚಾಬಿ ಗಾವಾತ್ ಗೆಲಾಸಾ ಆನಿ ತ್ಯಂಚಾನಿ ತುಮಾನಾ ಹಾಕಟ್ಲ ನಾಹಿತ ತಿತ್ಲೆ ಪಾಂದಿವ ಜಾ಼ವುನ್ ಆಸ ಮನ್ಹಾ. 11ಆಮ್ಚಾ ಪಾಯಾನಾ ಲಾಗ್‌ಲ್ಯಾಲಿ ತುಮ್ಚಾ ಗಾವಾಚಿ ಧುಳ್ಬಿ ತುಮ್ಚಿ ತುಮಾನಾಸ್ ಜಾ಼ಢುನ್ ಟ್ಯಾಕ್ತಾವ್ ಫನ್ ದೇವಾಚ಼ ರಾಜ ಜ಼ವಳ್ ಆಲ್ಯಾ ಹ್ಯ ಲಕ್ಶೆತ್ ಥೆವಾ ಮನ್ಹುನ್ ಸಾಂಗ್ಲ. 12ಮಿ ತುಮಾನಾ ಸಾಂಗ್ತೊ ತ್ಯಾ ನ್ಯಾಯಿ ನಿವ್ಡಾಚಾ ದಿಸಾದಿಸಿ ತಸಲ್ಯಾ ಗಾವಾಚಿ ಹಾಕಿಗತ್ ಸದೊಮ್ ಗಾವಾಚೆ ಹಾಕಿ ಗತಿವ್ನಿ ಕಠಿನ್ ವ್ಹಯಿಲ್ ಮನ್ಲಾ.
ಇಸ್ವಾಸ್ ನಸ್‍ಲ್ಯಾಲಿ ಗಾವ
(ಮತ್ತಾಯ್ 11:20-24)
13“ಖೊರಾಜಿನಿ, ಬೆತ್ಸಾಯಿದಾ ತುಜಿ಼ ದುರದೇಸ್ನಾ ಕ್ಯಾ ಸಾಂಗು; ಕಾ ಮಂಜೆ ತುಮ್ಚೆ ಮದ್ದಿ ಗಡಲ್ಯಾಲಿ ಪರಾಕ್ರಮಾಚಿ ಕಾಮ ತುರ್ ಆನಿ ಸಿದೊನಾತ್ನಿ ಗಡಲಿ ಆಸ್ಥಿತ ತ್ಯಂಚಾನಿ ತವಾಸ್ ಚಿಲಾಚ಼ ಗೊನ್ತಾ ಬಾಂದುನ್ ರಾಖ್ ಆಂಗಾವ ಗಿಹುನ್ ಬಸುನ್ ಪಶ್ಚಾತಾಪ್ ಪಡ್ಲಿ ಆಸ್ಥಿತ. 14ಹ್ಯಚಿಸ್ ಲಾಗುನ್ ನ್ಯಾಯಿ ನಿವ್ಡಾಚಾ ದಿಸಾತ್ ದೇವ್ ತುಮ್ಚೆ ಪರಾಸ್ ತುರ್ ಆನಿ ಸಿದೊನ್ ಗಾವಾಂಚಿವ ಕರ್ನಾದಾವಿಲ್.
15ಆನಿ ಕಪೆರ್ನೌಮ ತು ಪರಲೊಕಾತ್ ಚ಼ಡ್ಸಿಲ್ ಕ್ಯಾ? ನಾಹಿ! ತು ನರಕಾತ್ ಉತಾರ್ಸಿಲ್.
16ಕಚಾ಼ ತುಮ್ಚ಼ ಐಕ್ತೊ ತ್ಯೊ ಮಾಜ಼ ಐಕ್ತೊ ಆನಿ ಕಚಾ಼ ತುಮಾನಾ ನಾಖರ್ತೊ ತ್ಯೊ ಮನಾ ನಾಖರ್ತೊ ಆನಿ ಕಚಾ಼ ಮನಾ ನಾಖರ್ತೊ ತ್ಯೊ ಕಚಾನಿ ಮನಾ ಲಾವುನ್ ದಿಲ್ಯಾ ತ್ಯಲಾ ನಾಖರ್ತೊ” ಮನ್ಲಾ.
ಸತ್ತರಾವ ದೊನ್ ಜಾ಼ನ್ ಮಾಗಾರ ಆಲ್ಯಾಲ
17ಮಂಗ್ ತೆ ಸತ್ತರಾವ ದೊನ್ ಜಾ಼ನ್ ಆನಂದಾನಿ ಪರತ್ ಯವುನ್ ಮನ್ಲ, “ಪ್ರಭು ತುಜಾ ನಾವಾನಿ ಭುಥ ದಿಕಿಲ್ ಆಮ್ಚಾ ತಾಬ್ಯಾತ್ ರಾಥ್ಯಾತ. ”
18ತವಾ ಯೇಸು ತ್ಯನಾ ಮನ್ಲಾ, “ಸೈತಾನ್ ಪರಲೊಕಾತ್ನಿ ಇಜ಼ಚೆಗತ್ ಪಾಕ್ಕನ್ ಪಡ್‌ಲ್ಯಾಲ ಬಗಲ್ಯಾ. 19ಬಗಾ ಮಿ ತುಮಾನಾ ಸಾಪ್ ಆನಿ ಇಚು಼ ಹ್ಯನಾ ತುಡುವಾಯಾ ಆನಿ ವೈರಿಚಾ ಸಗ್‌ಳ್ಯಾ ಬಳಾವರ್ ಹಾಕ್ ದಿಲ್ಯಾ ತುಮಾನಾ ಕಾಯೇಕ್ ಅನ್ನೆವ್ ವ್ಹಯಿತ್ನಾಹಿ. 20ಫನ್ ಬುಥ ತುಮ್ಚಾ ತಾಬ್ಯಾತ್ ರಾಥ್ಯಾತ ಮನ್ಹುನ್ ಆನಂದ್ ವ್ಹವುನಕೊಸಾ ತುಮ್ಚಿ ನಾವ ಸ್ವರ್ಗಾತ್ ಲಿವ್‌ಲ್ಯಾಲಿ ಹಾತ್ತ ಹ್ಯಚಾ಼ ಆನಂದ್ ಕರಾ ಮನ್ಲಾ.
ಯೇಸುಲಾ ಜಾ಼ಲ್ಯಾಲಾ ಆನಂದ್
(ಮತ್ತಾಯ್ 11:25-27; 13:16-17)
21ತೆ ಗಟ್ಕಲಾ ಯೇಸು ಪವಿತ್ರ ಆತ್ಮಾಚೆ ಹೌಸನಿ ಮನ್ಲಾ, “ಬಾ ಸ್ವರ್ಗಾಚಾ ಆನಿ ಪ್ರತ್ವಿಚಾ ಪ್ರಭು ಮಿ ತುಲಾ ವವ್ಯಾಳ್ತೊ ಕಾ ಮಂಜೆ ಜ್ಞಾನಿ ಆನಿ ಶಿಕ್‌ಲ್ಯಾಲ್ಯಾಂಚಿಪ್ನಿ ಹ್ಯಾ ಗುಶ್ಟಿ ಗಪ್ ಥಿವುನ್ ತ್ಯಾ ತು ಕಾಯ್ ಸಿಕ್‌ಲ್ಯಾ ನಸ್‍ಲ್ಯಾಲ್ಯಾನಾ ಉಗ್ಡುನ್ ದಾವಾಚ಼ ತುಲಾ ಬರ ದಿಸ್ಲ ಮನ್ಹುನ್ ತುಲಾ ವವ್ಯಾಳ್ತೊ.
22ಮಾಜಾ ಬಾನಿ ಸಗ್ಳ ಮಾಜಾ ತಾಬ್ಯಾತ್ ದಿಲ್ಯಾ, ಲ್ಯೊಕ್ ಕೊನ್ ಹಾ ಹ್ಯ ಬಾ ವಾಚು಼ನ್ ಕುನಾಲಾ ಠಾವ ನಾಹಿ ಆನಿ ಬಾ ಕೊನ್ ಹಾ ಹ್ಯ ಲೇಕಾಲಾ ತ್ಯವ್ಡಸ್ ಠಾವ ಆನಿ ಕಚಾಲಾ ತ್ಯೊ ಉಗ್ಡುನ್ ದಾವಾಚಿ ಲೇಕಾಚಿ ಇಚ್ಚಾ ಆಸಲ್ ತ್ಯಚೆ ವಾಚು಼ನ್ ಕುನಾಲಾ ಠಾವ ನಾಹಿ” ಮನ್ಲಾ.
23ಯೇಸು ಶಿಶಾಂಚಿಕ್ಡ ಪರ್ತುನ್‍ ತೇ ಯಕಾನ್ಸಿ ಆಸ್ಥಾನಾ ತ್ಯನಾ ಕ್ಯಾ ಸಾಂಗ್ಲ ಮಂಜೆ “ಹ್ಯಾ ಗುಶ್ಟಿ ಬಗ್‌ತ್ಯಾಲ ತುಮಿ ಕ್ಯವ್ಡ ಬರ. ” 24ಹ್ಯಚಿಸ್ ಲಾಗುನ್ ತುಮಾನಾ ಸಾಂಗ್ತೊ ತುಮಿ ಬಗ್‌ತ್ಯಾಲಿ ಕಾಮ್ ಬಗನ್ಯಾಚಿ ಇಚಾ ಖುಬ್ ಪ್ರವಾದಿಂಚಾನಿ ಆನಿ ರಾಜಾಂಚಾನಿ ಕಿಲಿ ತರಿ ತ್ಯನಾ ಬಗಾಯಾ ಮಿಳಾಲಿ ನಾಹಿ ಆನಿ ತುಮಿ ಐಕಿತ್ ಹಾಸಾ ತ್ಯ ಐಕಾನ್ಯಾಚಿ ಇಚಾ ಕಿಲಿ ತರಿ ತ್ಯನಾ ಐಕಾಯಾ ಮಿಳಾಲ ನಾಹಿ.
ಚಾ಼ಂಗಲ್ಯಾ ಸಮಾರ‍್ಯಾಚಿ ಕ್ಯಾಯ್ನಿ
25ಮಂಗ್ ಬಗಾ ಯೊಕ್ ಶಾಸ್ತ್ರಿ ಉಬಾ ರಾಯ್ಲಾ ಆನಿ ಯೇಸುಚಿ ಪಾರಕ್ ಕರಾಯಾಸಾಟಿ ಮನ್ಲಾ, “ಪ್ರಭು, ಕ್ಯಾ ಕೆಲ್ಯಾವ ಮನಾ ಶಾಶ್ವತ್ ಜೀವನ್ ಮಿಳಲ್?
26ಯೇಸು ತ್ಯಲಾ “ಮೋಸೆಚಾ ಧರ್ಮ ಶಾಸ್ತಾರಾತ್ ಕ್ಯಾ ಲಿವ್‌ಲ್ಯಾಲ ಹಾ? ತು ಕ್ಯಾ ಸಮಜು಼ನ್ ಗೆತ್ಲಸ್? ಮನ್ಲಾ.
27ತವಾ ಶಾಸ್ತ್ರಿ, “ತು ತುಜಾ಼ ದೇವ್ ಪರಮೇಶ್ವರಾಚಿ ಪುರ‍್ಯಾ ಮನಾನಿ ಪುರ‍್ಯಾ ಜಿ಼ವಾನಿ ಪುರ‍್ಯಾ ಬಳಾನಿ ಆನಿ ಪುರ‍್ಯಾ ಮನಾನಿ ಮಾಯಾ ಕರ್ ಆನಿ ತುಜಿ಼ಗತ್ ತುಜಾ ಸೆಜಾರ‍್ಯಾಚಿ ಮಾಯಾ ಕರ್ ಆಸ ಲಿವಲ್ಯಾ” ಮನ್ಲಾ.
28ಯೇಸುನಿ ಶಾಸ್ತ್ರಿಲಾ, “ಉತ್ತರ್ ತು ಠಿಕ್ ದಿಲಾಸ್ ಮನ್ಲಾ. ಹ್ಯಚ಼್ ಕರ್ ಮಂಜೆ ಜ಼ಗಸಿಲ್” ಮನ್ಲಾ. 29ಫನ್ ಆಪ್ನು ನಿತಿವಂತ್ ಮನ್ಹುನ್ ಗಿಹ್ಯಾಚಿ ಇಚಾ ದರುನ್ ತ್ಯೊ ಯೇಸುಲಾ, “ಫನ್ ಮಾಜಾ಼ ಸೇಜಾ಼ರಿ ಕೊನ್? ಮನ್ಲಾ.
30ಯೇಸುನಿ ಉತ್ತರ್ ದಿಲಾ, ಯೊಕ್ ಮಾನುಸ್ ಯೆರುಸಲೇಮಿತ್ನಿ ಖಾಲ್ ಉತುರುನ್ ಯೆರಿಕೊಸ್ ಜಾ಼ಯಿತ್ ಆಸ್ಥಾನಾ ಚೊ಼ರಾಂಚಾ ಹಾತಾತ್ ಗಾವ್ಲಾ ತ್ಯಂಚಾನಿ ತ್ಯಚ಼ ಕಪ್ಡ ಕಾಡುನ್ ಗಿಹುನ್ ತ್ಯಲಾ ಮ್ಯಾರ್ಲಾ ಆನಿ ತ್ಯಲಾ ಆಡ್ಕಾಚಾ಼ ಮಾರುನ್ ಗೆಲಾ. 31ತವಾಸ್ ಯೊಕ್ ಯೆಹುದ್ಯ ಯಾಜಕ್ ತೆ ವಾಟನಿ ಖಾಲ್ ಜಾ಼ಯಿತ್ ಹುತ್ತಾ; ತ್ಯನಿ ತ್ಯಲಾ ಬಗುನ್ ದುಸರೆ ಬಾಜು಼ಕ್ನಿ ಗೆಲಾ. 32ತಸಾಸ್ ಯೊಕ್ ಲೆವಿ ತಿಥ ಆಲಾ ತ್ಯಲಾ ಬಗುನ್ ತ್ಯೊಬಿ ದುಸರೆ ಬಾಜು಼ಕ್ನಿ ಗೆಲಾ. 33ಫನ್ ಯೊಕ್ ಸಮಾರ‍್ಯಾ ಆಲಾ ತೆ ವಾಟನಿ ಯತಾನಾ ತ್ಯೊ ಹುತ್ತಾ ತಿಥ ಆಲಾ ಆನಿ ತ್ಯಲಾ ಬಗುನ್ ತ್ಯಚಿ಼ವ ತ್ಯಲಾ ಕರ್ನಾ ಆಲಿ. 34ತ್ಯೊ ಜ಼ವಳ್ ಜಾ಼ವುನ್ ತ್ಯಚಾ ಗಾವ್ಹಾನಾ ತ್ಯಾಲ್ ಆನಿ ದರಾಕ್ಶಿಚಾ ರಸ್ ಲಾವುನ್ ಬ್ಯಾಂದಲಾ ಆನಿ ತ್ಯಲಾ ಆಪ್‌ಲ್ಯಾ ಗಾಡ್ವಾವರ್ ಬಸ್ವುನ್ ದವಖಾನ್ಯಾತ್ ಆನ್ಲಾ ಆನಿ ತ್ಯಚಿ ಕ್ಯಾಳ್ಜಿ ಗಿತ್ಲಿ. 35ದುಸರೆ ದಿಸಿ ತ್ಯನಿ ದೊನ್ ರುಪಯಿ ಕಾಡುನ್ ದವಖನ್ಯಾತಲ್ಯಾ ರಕ್ಶಕಾಲಾ ದಿವುನ್ ಹ್ಯಚಿ ಕ್ಯಾಳ್ಜಿ ಘೇ ಆನಿ ಹ್ಯಚಿವ್ನಿ ? ಆಗಾವ್ ಖರ್ಚ಼ ಜಾ಼ಲ್ಯಾಲಾ ಮಿ ಪರತ್ ತುಲಾ ದೇತೊ” ಮನ್ಲಾ.
36ತವಾ ಯೇಸು “ತುಜಾ ಮನ್ಯಾನಿ ಚೊ಼ರಾಂಚಾ ಹಾತಾತ್ ಗಾವಲ್ಯಾಲ್ಯಾ ಮಾನ್ಸಾಚಾ಼ ಸೇಜಾ಼ರಿ ಹ್ಯಾ ತಿಗಾತ್ ಕೊನ್ ಜಾ಼ಲಾ?
37ತವಾ ಶಾಸ್ತ್ರಿ, “ತ್ಯಚಿ಼ವ ದಯಾ ದ್ಯಾವ್‌ಲ್ಯಾಲಾ” ಮನ್ಲಾ. ತವಾ ಯೇಸು ತ್ಯಲಾ “ಜಾ಼ ಆನಿ ತು ಬಿ ತಸಸ್ ಕರ್” ಮನ್ಲಾ.
ಯೇಸುನಿ ಮಾರ್ಥಾಲಾ ಆನಿ ಮರಿಯಾಲಾ ಭೆಟ್ ದಿಲ್ಯಾಲಿ
38ಮಂಗ್ ತೆ ಮೊರ‍್ಹ ಜಾ಼ಯಿತ್ ಆಸ್ಥಾನಾ ತ್ಯೊ ಯಕಾ ಗಾವಾತ್ ಆಲಾ ತವಾ ಮಾರ್ಥಾ ನಾವಾಚಿ಼ ಯೇಕ ಬಾಯಿಲ್ ಮಾನ್ಸಾನಿ ತ್ಯಲಾ ಆಪ್‌ಲ್ಯಾ ಗರ‍್ಹಾತ್ ಹಾಕಟ್ಲಾ. 39ತಿಲಾ ಮರಿಯಾ ನಾವಾಚಿ ಯೇಕ್ ಭನ್ ಹುತ್ತಿ ತಿ ಪ್ರಭುಚಾ ಪಾಯಾಕ್ಡ ಬಸುನ್ ತ್ಯಚ಼ ಬೊಲ್ನ ಐಕಿತ್ ರಾಹಿಲಿ. 40ತವಾ ಮಾರ್ಥಾಲಾ ಖುಬ್ ಕಾಮ್ ಲಾಗ್ಲ ಮನ್ಹುನ್ ತಿಚ಼ ತಾರಾಂಗನ್ ಜಾ಼ಲ ಆನಿ ತಿ ಮೊರ‍್ಹ ಯವುನ್, “ಪ್ರಭು ಮಾಜೆ ಭನ್ಹಿನಿ ಮಾಜಿವ ಯಕ್ಲಿವಸ್ ಕಾಮಾಚಾ಼ ಭಾರ್ ಟ್ಯಾಕ್ಲಾ ಹ್ಯ ತುಲಾ ಬರ ದಿಸ್ತ ಕ್ಯಾ? ಮನಾ ಮಜ಼ತ್ ಕರಾಯಾ ಸಾಂಗ್” ಮನ್ಲಿ. 41ಪ್ರಭು ತಿಲಾ, “ಮಾರ್ಥಾ ಮಾರ್ಥಾ ತು ಖುಬ್ ಗುಶ್ಟಿಂಚಿ ಯವಜ್ನಾ಼ ಆನಿ ಗಡಬಡ್ ಕರ್ತೆಸ್. 42ಫನ್ ಥೊಡ್ಯಾ ತ್ಯವ್‍ಡ್ಯಾಸ್ ಗುಶ್ಟಿ ಉಪೆಗಿಚಾ ಹಾತ್ತಾ. ಮರಿಯಾನಿ ಯೇಕುಸ್ ಚಾ಼ಂಗ್ಲಿ ನಿವುಡುನ್ ಗೆತ್ಲೆ ತಿ ತಿಚಿಪ್ನಿ ಕಾಡುನ್ ಗಿಹ್ಯಾ ವ್ಹನಾರ್ ನಾಹಿ” ಮನ್ಲಾ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Gowli Marathi Language © The Word for the World International and Gowli Marathi Translation Samiti, Karnataka, 2023.