ಮಾರ್ಕ್ 5

ಭುತ್ ದರ್ಲ್ಯಾಲ್ಯಾಲಾ ಯೇಸುನಿ ಬರ ಕೆಲ್ಯಾಲ

(ಮತ್ತಾಯ್ 8:28-34; ಲುಕ್ 8:26-39)

1ಮಂಗ್ ಯೇಸು ಆನಿ ತ್ಯಚ಼ ಶಿಶಾ ಗಲಿಲಾಯ್ ಸಮಿಂದೋರಾಚೆ ಪಲಿಕ್ಡ ಗೆನೆಜ಼ರೆತ್ ಸಿಮತ್ ಆಲ. 2ಆನಿ ತ್ಯೊ ವ್ಹಡಿತ್ನಿ ಬಾಹಿರ್ ಯತಾನಾಸ್, ಲಾಗಿರ್ ಲಾಗ್‍ಲ್ಯಾಲಾ ಯೊಕ್ ಮಾನುಸ್ ಮಸುರ್ಡಿತ್ನಿ ತ್ಯಚೆ ಮೊರ‍್ಹ ಆಲಾ. 3ತ್ಯೊ ಮಸುರ್ಡಿತ್ನಿ ರಾಥ್ಯಾಲಾ, ತ್ಯಲಾ ಬಾಂದುನ್ ಗಾಲಾಯಾ ಕುನಾಲಾ ಶಕ್ಯಾ ನವ್ಥಿ. ತ್ಯಲಾ ಸಾಕ್ಳಿನಿ ಬ್ಯಾಂದ್ಲಾ ತರಿ ಉಪೆಗ್ ವ್ಹಯಿತ್ ನವ್ಥ. ಬಾಂದುನ್ ಗ್ಯಾತ್ಲಾ ಖರ. ಸಗ್‍ಳ್ಯಾ ತುಡುನ್ ಟ್ಯಾಕ್‍ಲ್ಯಾ.

4ಲೊಕಾಂಚಾನಿ ಖುಬ್ ಖೆಪಾ ತ್ಯಚ಼ ಹಾತ್ ಪ್ಯಾ ಸಾಕ್‌ಳ್ಯಾಂಚಾನಿ ಬ್ಯಾಂದ್ಲ ಹುತ್ತ. ಫನ್ ತ್ಯನಿ ತ್ಯಾ ಸಗ್‍ಳ್ಯಾ ತುಡುನ್ ಟ್ಯಾಕ್‍ಲ್ಯಾ. ತ್ಯಲಾ ದರ್‌ಥ್ಯಾಲಾ ಪೈಲ್ ವಾನ್ ತಿಥ ಕೊನ್ ನವ್ಥಾ. 5ತ್ಯೊ ಖಾಯಿಮ್ ರ‍್ಯಾತ್ದಿಸ್ ಗುಢ್ಯಾವ್ನಿ ಗಬ್ಹಿತ್ನಿ ವರ್ಡತ್ ರಾಹಿತಾ ಆನಿ ದೋಂಡ್ಯಾನಿ ಆಪ್ಲ ಆಂಗ್ ಜಿ಼ಜ್ರು಼ನ್ ಗಿಹಿತಾ.

6ತ್ಯನಿ ಯೇಸುಲಾ ದುರ್ನಿ ಬಗುನ್ ಪಳತ್ ಆಲಾ ಆನಿ ತ್ಯಚೆ ಮೊರ‍್ಹ ನಡ್ಗ ಟಿಕ್ವುನ್ ಪಡ್ಲಾ: 7ಆನಿ ಜೊ಼ರಾನಿ ವರ್ಡುನ್, “ಯೇಸು ಪರಮೇಶ್ವರಾಚಾ ಲೇಕಾ, ಮಾಜಿ ಕ್ಯಾಳ್ಜಿ ತುಲಾ ಕಾ? ದೇವಾಶಪತ್ ಮನಾ ಜಾ಼ಚ಼್ ಕರು ನಕೊ” ಮನ್ಲಾ. 8(ಕಾ ಮನ್‌ಲ್ಯಾವ ಯೇಸು ತ್ಯಲಾ, “ಲಾಗಿರಾ ಹ್ಯಾ ಮಾನ್ಸಾಲಾ ಸುಡುನ್ ಬಾಹಿರ್ ಯೇ” ಮನ್ಹಿತಾ).

9ತವಾ ಯೇಸುನಿ ತ್ಯಲಾ, “ತುಜ಼ ನಾವ್ ಕ್ಯಾ? ಮನ್ಹುನ್ ಇಚಾರ್ಲ.

ತ್ಯನಿ, “ಮಾಜ಼ ನಾವ್ ಹಿಂಡ್ ಕಾ ಮಂಜೆ ಆಮಿ ಖುಬ್ ಜ಼ನ ಲಾಗಿರ್ ಹಾವ್” ಮನ್ಹುನ್ ಉತ್ತರ್ ದಿಲಾ. 10ಆನಿ, “ಹ್ಯಾ ಜಾ಼ಗ್ಯಾವ್ನಿ ಲಾಗಿರಾನಾ ಗಾಲ್ವು ನಕೊಸ್” ಮನ್ಹುನ್ ತ್ಯೊ ಯೇಸುಲಾ ಮನ್ಹಿತಾ.

11ತಿಥ ಗುಢ್ಯಾಚೆ ಬಾಜೊ಼ಲಾ ಯೊಕ್ ಮೊಟಾ ಡುಕ್ರಾಂಚಾ಼ ಹಿಂಡ್ ಚ಼ರತ್ ಹುತ್ತಾ. 12ತವಾ ಲಾಗಿರಾಂಚಾನಿ ಯೇಸುಪ, “ಆಮಾನಾ ತ್ಯಾ ಡುಕ್ರಾತ್ನಿ ಲವುನ್ ದೇ ಆಮಿ ಡುಕ್ರಾತ್ನಿ ಜಾ಼ತಾವ್” ಮನ್ಹುನ್ ಇನಂತಿ ಕೆಲಿ. 13ಆನಿ ಯೇಸುನಿ ತ್ಯನಾ ಮೊಕಳ್ ದಿಲಿ; ತವಾ ತೀ ಲಾಗಿರ ಮಾನ್ಸಾತ್ನಿ ಬಾಹಿರ್ ಯವುನ್. ಡುಕ್ರಾತ್ನಿ ಬರ್ಲಿತ ತೀ ಡುಕ್ರ ಗುಢ್ಯಾವ್ನಿ ಉತ್ರುನ್ ದಾವ್ಹತ್ ಜಾ಼ವುನ್ ದರವ್ನಿ ಸಮಿಂದೋರಾತ್ ಪಡ್ಲಿತ ಆನಿ ಪಾನ್ಯಾತ್ ಬುಡುನ್ ಮಿಲಿತ ತೀ ಕಮಿಸ್ಕಮಿ ದೊನ್ ಹಾಜಾ಼ರ್ ಹುತ್ತಿತ.

14ಡುಕ್ರ ರ‍್ಯಾಕ್ನಾರ‍್ಯಾಂಚಾನಿ ಪಳತ್ ಜಾ಼ವುನ್ ಗಾವಾತಲ್ಯಾನಾ ಸೆತಾತ್‍ಲ್ಯಾನಾ ಜಾ಼ಲ್ಯಾಲಿ ಖಬರ್ ಸಾಂಗ್ಲಿ, ತವಾ ಕ್ಯಾ ಜಾ಼ಲ ಮನ್ಹುನ್ ಬಗಾಯಾ ಲೊಕ ತಿಥ ಆಲಿತ 15ಆನಿ ತ್ಯಾ ಲೊಕಾಂಚಾನಿ ಲಾಗಿರ್ ದರ್‌ಲ್ಯಾಲಾ ಮಾನುಸ್, ಶಾನಾ ವ್ಹವುನ್ ಚಾ಼ಂಗ್ಲ ಕಪ್ಡ ಗಾಲ್ಹುನ್ ಥಂಡ್ ಬಸ್‍ಲ್ಯಾಲಾ ಬಗುನ್ ಬಿಹ್ಯಾಲಿತ. 16ಲಾಗಿರ್ ದರ್‌ಲ್ಯಾಲ್ಯಾ ಮಾನ್ಸಾಚಿ ಆನಿ ಡುಕ್ರಾಂಚಿ ಹಾಕಿಗತ್ ಕುನಿ ಕುನಿ ಬಗ್ಲಿ ಹುತ್ತಿ ತ್ಯಂಚಾನಿ ಆಲ್ಯಾಲ್ಯಾ ಲೊಕಾನಾ ಸಾಂಗ್ಲಿ.

17ತವಾ ತೀ ಲೊಕ ಯೇಸುಲಾ, “ತು ಆಮಚಾ಼ ಗಾವ್ ಸುಡುನ್ ಜಾ಼” ಮನ್ಹುನ್ ಖುಬ್ ಇನಂತಿ ಕರಾಯಾಲಾಗ್ಲಿತ.

18ನಂತರ್ ಯೇಸು ವ್ಹಡಿತ್ ಚ಼ಡ್ತಾ ಆಸ್ಥಾನಾ, ಆಂದಿ ಲಾಗಿರ್ ದರ್‌ಲ್ಯಾಲಾ ಮಾನುಸ್ ತ್ಯಲಾ, “ಮನಾ ತುಜೆ ಸಂಗ ಯಯಾ ಹುಕುಮ್ ದೇ” ಮನ್ಹುನ್ ಇನಂತಿ ಕರಾಯಾ ಲಾಗ್ಲಾ. 19ಖರ ಯೇಸುನಿ ತ್ಯಲಾ ಯವು ದಿಲಾ ನಾಹಿ ತ್ಯಲಾ ಮನ್ಲಾ, ತು ತುಜಾ ಗರ‍್ಹಾತ್ ಆನಿ ತುಜಾ ಸೋಪ್‌ತ್ಯಾಂಚಿಪ ಜಾ಼ ಆನಿ; ಪ್ರಭುನಿ ತುಲಾಕೆಲ್ಯಾಲ ಉಪ್ಕಾರ್ ಆನಿ ತುಜಿವ ದ್ಯಾವ್‍ಲ್ಯಾಲಿ ದಯಾ ತ್ಯನಾ ಸಾಂಗ್. ”

20ತವಾ ತ್ಯೊ ನಿಗಾಲಾ ಆನಿ ಯೇಸುನಿ ಆಪ್‌ಲ್ಯಾಲಾ ಕೆಲ್ಯಾಲ ಉಪ್ಕಾರ್ ಆನಿ ದಯಾ ದೆಕಪೊಲಿಸ್ ಸಾಂಗಾಯಾ ಲಾಗ್ಲಾ; ತವಾ ಸಗ್‍ಳ್ಯಾನಾ ಆಜಾಬ್ ಜಾ಼ಲಾ.

ಯಾಯಿರಾಚಿ ಲೇಕ್ ಆನಿ ಯೇಸುಚಾ ಕಪ್‍ಡ್ಯಾನಾ ಹಾತ್ ಲ್ಯಾವ್‍ಲ್ಯಾಲಿ ಬಾಯಿಲ್ ಮಾನುಸ್

(ಮತ್ತಾಯ್ 9:18-26; ಲುಕ್ 8:40-56)

21ಮಂಗ್ ಯೇಸು ವ್ಹಡಿತ್ ಬಸುನ್ ಆನಿಕ್ ಸಮಿಂದೋರಾಚೆ ದಿಸ್‍ರೆ ಬಾಜೊ಼ಲಾ ಗೆಲಾ ತಿಥ ದರವ ಖುಬ್ ಲೊಕಾಂಚಾ಼ ಯೊಕ್ ಹಿಂಡ್ ತ್ಯಚೆ ಸರ್ಬೌತಾ ಜ಼ಮ್ಲಾ. 22ತವಾ ಸಬಾ ಮಂದಿರಾತ್ಲಾ ಅಧಿಕಾರಿ ಯಾಯಿರ್ ಮಂಥ್ಯಾಲಾ ತಿಥ ಆಲಾ, ಆನಿ ಯೇಸುಲಾ ಬಗುನ್ ತ್ಯಚಾ ಪಾಯಾತ್ ಪಡ್ಲಾ. 23ಆನಿ ಮಾಜಿ಼ ಲ್ಯಾಡ್ಕಿ ಲೇಕ್ ಮರ್ತೆ ತೀ ಜ಼ಗುನಿ ಮನ್ಹುನ್ ತು ಯವುನ್ ತಿಚಿವ ಹಾತ್ ಥೆವ್; ಮನ್ಹುನ್ ತ್ಯಲಾ ಖುಬ್ ಇನಂತಿ ಕರಾಯಾ ಲಾಗ್ಲಾ.

24ಯೇಸು ತ್ಯಚೆ ಸಂಗ ಗೆಲಾ, ಖುಬ್ ಲೊಕ ಯೇಸುಚೆ ಸಂಗ ಜಾ಼ಯಿತಿತ ಆನಿ ತ್ಯಲಾ ರಿಟಿತಿತ.

25ತಿಥ ಬಾರಾ ವರ್ಸ ಅಂಗಾವ್ನಿ ರಗಾತ್ ಜಾ಼ತ್ಯಾಲಾ ರೊಗ್ ಆಸ್‍ಲ್ಯಾಲಿ ಯೇಕ್ ಬಾಯಿಲ್ ಮಾನುಸ್ ಹುತ್ತಿ. 26ತಿನಿ ಖುಬ್ ದವಾಖಾನ ಕೆಲ್ತ ಆಪ್ಲಿಪ್ಲ ಸಗ್ಳ ಪೈಸ ಖರ್ಚ ಕೆಲ ಖರ ತಿಲಾ ಕಾಯ್‍ ಗುನ್ ಗಾವ್ಲಾ ನಾಹಿ ರೊಗ್ ಚಾ಼ವಾಳಾ ಹುತ್ತಾ.

27ತಿನಿ ಯೇಸುಚಿ ಖಬರ್ ಐಕ್ಲಿ, ಆನಿ ಲೊಕಾಂಚೆ ಮದ್ದಿ ಯೇಸುಚೆ ಮಾಗ ಆಲಿ. 28ತಿ ಆಪ್‌ಲ್ಯಾ ಮನಾತ್, “ಮಿ ತ್ಯಚಾ ಕಪ್‍ಡ್ಯಾನಾ ಹಾತ್ ಲ್ಯಾವ್ಲಾ ಪುರಾ ಮಿ ಬರಿ ವ್ಹನಾರ್” ಮನ್ಲಿ. ಆನಿ

29ತಿನಿ ತ್ಯಚಾ ಕಪ್‍ಡ್ಯಾಲಾ ಹಾತ್ ಲ್ಯಾವ್ಲಾ. ತವಾಸ್ ತಿಚಾ ಅಂಗಾವ್ನಿ ರಗಾತ್ ಜಾ಼ಯಾಚ಼ ಬಂದ್ ಜಾ಼ಲ, ತಿಚಾ ಮನಾಲಾ ಆಪ್‌ಲ್ಯಾಲಾ ಬರ ಜಾ಼ಲ ಮನ್ಹುನ್ ಸಮಾಜ಼್ಲ. 30ತವಾಸ್ ಯೇಸುಲಾ ಆಪ್ಲಿಪ್ಲ ಬಳ್ ಗೆಲ್ಯಾಲ ಸಮಾಜ಼್ಲ, ಆನಿ ಯೇಸುನಿ ಮಾಗಾರ ಪರ್ತುನ್ ಲೊಕಾನಾ, “ಮಾಜಾ ಕಪ್‍ಡ್ಯಾಲಾ ಕುನಿ ಹಾತ್ ಲ್ಯಾವ್‍ಲ್ಯಾಲಾ? ಮನ್ಹುನ್ ಇಚಾರ್ಲ.

31ತ್ಯಚ಼ ಶಿಶಾ ತ್ಯಲಾ ಮನ್ಲ, “ ಸಗ್ಳಿಕ್ನಿ ಲೊಕ ತುಲಾ ರೆಟ್ಯಾಲಿ ತು ಬಗತ್ಯೊಸ್ ಆನಿ ಕುನಿ ಮನಾ ಹಾತ್ ಲ್ಯಾವ್ಲಾ ಮನ್ಹೂ‍ನ್‍ ಕಾ ಇಚಾರ್ತೊಸ್?

32ಖರ ಯೇಸು ಹಾತ್ ಲ್ಯಾವ್‍ಲ್ಯಾಲಿಲಾ ಬಗಾಯಾ ವ್ಹಯಿ ಮನ್ಹುನ್ ಸರ್ಬೌರ್ ಪರ್ತುನ್ ಬಗ್ಲ. 33ತವಾ ತೀ ಬಾಯಿಲ್ ಮಾನುಸ್ ಆಪ್‌ಲ್ಯಾಲಾ ಜಾ಼ಲ್ಯಾಲ ಸಮಜು಼ನ್ ಬಿಹುನ್ ಮೊರ‍್ಹ ಯವುನ್ ಯೇಸುಚಾ ಪಾಯಾತ್ ಪಡುನ್ ಸಗ್ಳ ಖರ ಸಾಂಗ್ಲ. 34ಯೇಸು ತಿಲಾ ಮನ್ಲಾ, “ಲಿಕಿ ತುಜಾ ಇಸ್ವಾಸಾನಿ ತುಲಾ ಬರ ಜಾ಼ಲ್ಯಾ ಸಮಾದಾನಾನಿ ಜಾ಼ ಆನಿ ತುಜಾ ರೊಗಾತ್ನಿ ಸುಟ್ಕಿ ಹೋ” ಮನ್ಲಾ.

35ಯೇಸು ಹ್ಯ ಸಾಂಗಿತ್ ಆಸ್ಥಾನಾ ಸಬಾ ಮಂದಿರಾತ್ಲಾ ಅಧಿಕಾರಿ ಜಾ಼ಲ್ಯಾಲ್ಯಾ ಯಾಯಿರಾಚಾ ಗರ‍್ಹಾತ್ನಿ ಥೊಡಜಾ಼ನ್ ಯವುನ್, “ತುಜಿ ಲೇಕ್ ಮಿಲಿ ಆತಾ ಪ್ರಬುಲಾ ಕಶಾಲಾ ಕಾಂಬಿವ್ತೊಸ್? ಮನ್ಲಾ.

36ಖರ ಯೇಸುನಿ ತ್ಯಂಚ಼ ಬೊಲ್ನ ದೆನ್ಹಾತ್ ಗೆತ್ಲ ನಾಹಿ ಆನಿ ಸಬಾಮಂದಿರಾತ್‌ಲ್ಯಾ ಅಧಿಕಾರ‍್ಯಾಲಾ , “ಬಿಹು ನಕೊ, ಇಸ್ವಾಸ್ ತ್ಯವ್ಡಾಸ್‍ ರಾಹುನಿ” ಮನ್ಲಾ.

37ನಂತರ್ ಪೇತ್ರಾ, ಯಾಕೊಬ್, ಯಾಕೋಬಾಚಾ ಬಾಹು ಯೊಹಾನ್ ಹ್ಯನಾ ಸುಡುನ್ ಆನಿ ಕುನಾಲಾ ಆಪ್ಲೆ ಸಂಗ ಯವುದಿಲ ನಾಹಿ. 38ತೇ ಸಬಾಮಂದಿರಾತ್ಲಾ ಅಧಿಕಾರಿ ಜಾ಼ಲ್ಯಾಲ್ಯಾ ಯಾಯಿರಾಚಾ ಗರ‍್ಹಾತ್ ಆಲ, ತವಾ ಲೊಕ ಮೊಟ್ಯಾನಿ ರಡತ್ ತಳ್ಮಳತ್ ಗಾನ್ಹಾ ಕರ್ತ್ಯಾಲಿ ಬಗುನ್, 39ಯೇಸು ಆತ್ ಜಾ಼ವುನ್, “ತುಮಿ ಕಾ ರಡ್ತಾಸಾ? ಕಸ್ಯಾಲಾ ಯವ್ಡಾ ಗಾನ್ಹಾ ಕರ್ತಾಸಾ? ಪ್ಯೊರ್ ಮಿಲಿ ನಾಹಿ, ನಿಜ್ಲೆ಼” ಮನ್ಲಾ. 40ತವಾ ಲೊಕಾಂಚಾನಿ ತ್ಯ ಮಸ್ಕರಿ ಸಮಜು಼ನ್ ಹಾಸ್ಲಿತ.

ಫನ್ ಯೇಸುನಿ ತ್ಯನಾ ಸಗ್‍ಳ್ಯಾನಾ ಬಾಹಿರ್ ಗಾಲಿವ್ಲಿತ, ಆನಿ ಪುರಿಚಿ ಆಯಿ ಬಾಲಾ ಆನಿ ಆಪ್ಲೆ ಸಂಗ ಆಲ್ಯಾಲ್ಯಾನಾ ಗಿಹುನ್ ಆತ್ ಪ್ಯೊರ್ ಹುತ್ತಿ ತಿಥ ಗೆಲ. 41ಆನಿ ಪುರಿಚಾ಼ ಹಾತ್ ದರುನ್ ತಿಲಾ, “ತಲಿಥಾ ಕುಮ್!” ಮನ್ಲಾ. ಮಂಜೆ ಹ್ಯಚಾ಼ ಆರ್ಥ “ಬಾಯಾ ಉಟ್!” ಮನ್ಹುನ್.

42ತವಾಸ್ ತೀ ಪ್ಯೊರ್ ಉಠುನ್ ಚಾ಼ಲಾಯಾ ಲಾಗ್ಲಿ, ತಿ ಬಾರಾ ವರ್ಸಾಚಿ ಪ್ಯೋರ್, ಹ್ಯ ಬಗುನ್ ಲೊಕಾನಾ ಆಜಾಬ್ ಜಾ಼ಲಾ. 43ಮಂಗ್ ಯೇಸುನಿ ತ್ಯನಾ, “ಹ್ಯ ಕುನಾಲಾ ಸಾಂಗು ನಕೊಸಾ ಮನ್ಹುನ್ ಖಡ್ಯಾವುನ್ ಸಾಂಗುನ್ ತೆ ಪುರಿಲಾ “ಖಾಯಾ ದೇವಾ” ಮನ್ಹುನ್ ಸಾಂಗ್ಲ.

Currently Selected:

ಮಾರ್ಕ್ 5: NTGMi23

Highlight

Copy