ಲುಕ 11
11
ಪ್ರಾಥನಾನಾ ಹುತಿ ಯೆಸು ಕದಲ
(ಮತ್ತಾಯ 6:9-15)
1ಯಕ್ಕದಿನ ಯೆಸು ಯಕ್ಕ ಜ಼ಗಾಪರ ಪ್ರಾಥನಾ ಕರಾಡೊತೊ ಪ್ರಾಥನಾ ಕರಿನ ಮುಗಸ್ತಾಮಾ, ತಿನಾ ಶಿಷ್ಯಾವೊಮಾನೊ ಯಕ್ಲೊ ಯೆಸುನೆ"ಸ್ವಾಮಿ ಯೊಹಾನ ತಿನಾ ಶಿಷ್ಯಾವೊನೆ ಪ್ರಾಥನಾ ಕರಾನು ಶಿಕ್ಲಾಯಲ ಲಿಂಗತ, ಹಮೊನೆಬಿ ಪ್ರಾಥನಾ ಕರಾನು ಶಿಕ್ಲಾ ಕದ್ಯೊ.
2ತೆ ವಾತೆ ಯೆಸು ತಿನೆ ತುಮೆ ಅಮ್ಮ ಪ್ರಾಥನಾ ಕರೊ ಬಾ,
ತಾರು ನಾಮ ಕೆಳಾಮಾಬಿ ಪರಿಶುದ್ಧ ವ್ಹೈ ಕೈನ ಕವೈಲಿವಾದೆ.
ತಾರೊ ರಾಜ್ಯ ಆವಾದೆ.
3ಹಮಾರು ದಿನ್ನೆನು ಅನ್ನ ದಿನ್ನೆಬಿ ದೆ
4ಹಮೊನೆ ತಪ್ಪ ಕರಲವಾಲಾನೆ ಹಮೆ ಮಾಫ
ಕರಲ ಲಿಂಗತ ಹಮಾರು ಪಾಪೊ ಮಾಫ ಕರ
ಹಮೊನೆ ಶೊದನೆಮಾ ಪಾಡುನಕೊ.
ಛೊಡ್ಯಾವಾಚಿ ಪ್ರಾಥನಾ ಕರೊ
(ಮತ್ತಾಯ 7:7-11)
5ಯೆಸು ತ್ಯುನೊನೆ ಸು ಕದ್ಯೊ ಕದ್ಯಾಮ ತುಮೊಮಾನೊ ಯಕ್ಲಾನೆ ದೊಸ್ತ ಛೆ ಕೈನ ತಿಳದಿಲಿಯೆ. ಯಕ್ಕ ದಿನ್ನ ರಾತೆ ತಿನಾ ದೊಸ್ತನಾ ಘರೆ ಗೈನ ತಿನೆ ಮಾರು ದೊಸ್ತ ಮನೆ ಮಳಾನಾ ಹುತಿ ತೆ ಘನ್ನಾ ದುರತೊ ಮಾರಾ ಘರೆ ಆಯೊಸ. 6ತೆನೈಸೊ ಮಾರಾ ದೊಸ್ತನೆ ಖಾವಾನೆ ಅನ್ನ ಮಕನ ನತ್ತಿ. 7ತೆ ಘರಮಾ ರ‍್ಹಯಲ ದೊಸ್ತ ಅನ್ನ ಪುಚ್ಚಾ಼ಲಾನೆ "ತು ಗೈಪಡ! ಮನೆ ತ್ರಾಸ ದ್ಯು ನಕೊ! ಬಾಕಲ ಘಾಲ್ಲಿ ಪಾಡ್ಯೊಸ! ಮಿಬಿ ವರಿ ಮಾರಿ ದಿಕ್ರಿ ಕ್ಹುರೈ ಪಡ್ಯಾಸ, ಮಿ ಉಟಿನ ರೊಕ್ಲಾ ನೈ ದೆತೊ "ಕದ್ಯೊ. 8ಕ್ಹಾಲಿ ತ್ಯುನಿ ದೊಸ್ತಿ ಯಕಜ಼ ತಿನೆ ಉಟಿನ ರೊಕ್ಲಾ ದಿವಾನು ವೃಕ್ಹು ಕರತು ನೈ ಕೈನ ತುಮೊನೆ ಕೌಸ. ತೆ ಹಗ್ಲೆಲ್ಲಾ ಪುಚ್ತೊ಼ ರ‍್ಹಯ್ಯೊಮ, ತೆ ಉಟಿನ ಚಾ಼ಯೆ ಥಯಲ ರೊಕ್ಲಾ ಕ್ಹರಿಮಾಜ಼ ದಿವಸ. 9ತಿನಾಹುತಿ ಮಿ ತುಮೊನೆ ಕೌಸ, ಮಾಂಗಿಲಿವೊ ತುಮೊನೆ ಮಳಸ. ಹುಡ್ಕೊ ತೆಳಾಮಾ ತುಮೊನೆ ಕ್ಹಾಪ್ಡಸ. ವಜಾ಼ಡೊ ತೆಳಾಮಾ ತುಮಾರಾ ಹುತಿ ಬಾಕಲ ಕಾಡಸ. 10ಹೊ ಛೊಡ್ಯಾವಾಚಿ ಮಾಂಗಾಲಾನೆ ಮಳಸ, ಹುಡ್ಕಾಲಾನೆ ಕ್ಹಾಪ್ಡಸ, ವಜಾ಼ಡಾಲಾನೆ, ತಿನಾ ಹುತಿ ಬಾಕಲ ಕಾಡಸ. 11ತುಮೊಮಾ ಕೆಕ್ಕಲಾ ಜ಼ನಾ ಬಾ ಥಯಾಸ? ತಮಾರಾ ಬಚ್ಚಾ಼ ಮಚ್ಲಿ಼ ಮಾಂಗ್ಯಾಮ, ತುಮೆ ತಿನೆ ಕ್ಹಾಪ ದಿವೊಸಿಸು ನೈ! 12ತುಮಾರಾ ಬಚ್ಚಾ಼ ಇಂಡು ಮಾಂಗ್ಯಾಮ ಇಚ್ಚಿ ದಿವೊಸಿಸು? ನೈ! 13ತುಮೆ ಬಿಜಾ಼ವೊಲಿಂಗತ ಕೆಟ್ಟ ರ‍್ಹಯಾತಬಿ ತುಮಾರಾ ಬಚ್ಚಾ಼ವೊನೆ ಚೊ಼ಕೊಜ಼ ದಿವೊಸಿ, ತಿನಾಲಿಂಗತಜ಼ ಸ್ವರ್ಗಮಾ ರ‍್ಹಯಲ ತುಮಾರೊ ಬಾ ಬಿ ತುಮೆ ಮಾಂಗಿಲಿವಾನೆ ಪವಿತ್ರ ಆತ್ಮಾ ಕ್ಹರಿಮಾಜ಼ ದಿವಸ, ಕದ್ಯೊ.
ಯೆಸುನಿ ತಾಕತ ಕ್ಹುದಾಕಂತಿ ಆಯಲ ವ್ಹೈ
(ಮತ್ತಾಯ 12:22-30; ಮಾರ್ಕ 3:20-27)
14ಯಕ್ಕ ಸಲಾ ಯೆಸು ಮುಕಿ ಕೆಟ್ಟ ಆತ್ಮಾ ಧರಲವಾಲಾನೆ ಛೊಡಾವಾಡ್ಯೊತೊ. ತೆ ಕೆಟ್ಟ ಆತ್ಮಾ ತೆ ಮನಕ್ಹಾನಾ ಅಂಗಮಾತೊ ಭಾರು ಆತಾಮಾ ತೆ ಮನಕ್ಹ ಬೊಲ್ಯೊ. ಎ ದೆಕಲ ಮನಕ್ಹೊ ಘಾಬ್ರಾಥಯಾ. 15ತಿಮಾನಾ ದಕ್ಹಾ ಮನಕ್ಹೊ ಎ ಕೆಟ್ಟ ಆತ್ಮಾವೊನೊ ಅದಿಕಾರಿ ಥಯಲವಾಲೊ ಬೆಲ್ಜೆಬೊಲನಿ ತಾಕತ ಕ್ಹೊ ಛೊಡಾವಾಸ ಕದ್ಯಾ.
16ಬಿಜಾ಼ ದಕ್ಹಾ ಮನಕ್ಹೊ ಯೆಸುನೆ ಪರಿಕ್ಷಾ ಲಿವಾನಾ ಹುತಿ ತು ಕ್ಹುದಾಕಂತೊ ಮಾಂಗಿಲಿನ ಯಕ್ಕ ಸುಚಕ ಕಾರಯೊ ಕರಿನ ದೆಕಾಡ ಕದ್ಯಾ. 17ತೆನೈಸೊ ಯೆಸು ತ್ಯುನಿಯೊ ವಿಚಾರ ತಿಳ್ದಿನ ತ್ಯುನೊನೆ "ಫುಟಿ ಗಯಲ ವರಿ ತಿನಾ ವಿರುದ್ದ ತೆಜ಼ ಲಡಾಯಿ ಕರಾನು ರಾಜ್ಯ ಹಾಳ ಥೈ ಜಾ಼ವಸ, ಯಕ್ಕ ಕುಟುಂಬಮಾ ಭೆದ ಭಾವ ರ‍್ಹಯುಮ ತೆ ಕುಟುಂಬ ಉಗರತು ನೈ. 18"ತಿನಾಲಿಂಗತಜ಼ ಸೈತಾನ ತಿನಾ ವಿರುದ್ದ ತೆಜ಼ ಲಡಾಯಿ ಕರಲಿದ್ಯುಮ, ತಿನು ಯಕ್ಕ ಅದಿಕಾರ ಕಿಮ ಉಗ್ರಸ? ಬೆಲ್ಜೆಬೊಲನಾ ತಾಕತ ಕ್ಹು ಮಿ ಕೆಟ್ಟ ಆತ್ಮಾ ಛೊಡಾವಸ ಕೈನ ತುಮೆ ಕವಾಡ್ಯಾಸ್ತೊ. 19ಮಿ ಬೆಲ್ಜೆಬೊಲನಿ ತಾಕತಕ್ಹು ಕೆಟ್ಟ ಆತ್ಮಾವೊ ಛೊಡಾವಾನು ರ‍್ಹಯುಮ ತಮಾರಾ ಮನಕ್ಹೊ ಕೆಟ್ಟ ಆತ್ಮಾ ಕೈ ತಾಕತಕ್ಹು ಛೊ಼ಡಾವಸ? ತಮಾರಾ ಸ್ವಂತ ಮನಕ್ಹೊ ತುಮೊನೆ ತಪ್ಪ ಕರಾಲಾ ವ್ಹೈಕೈನ ಕವಸ್ತೊ. 20ತೆನೈಸೊ ಮಿ ಕೆಟ್ಟ ಆತ್ಮಾವೊನೆ ಕ್ಹುದಾನಿ ತಾಕತ ಕ್ಹು ಛೊಡಾವಾಡ್ಯುಸ್ತೊ ಕ್ಹುದಾನಿ ರಾಜ್ಯ ತುಮಾರಾ ಕ್ಹಾಮಿ ಐಸ ಕೈನ ಎಜ಼ ಸಾಕ್ಷಿ ವ್ಹೈ.
21ಯಕ್ಲೊ ತಾಕತವಾಲೊ ಲಡಾಯಿನು ಕ್ಹಾರು ಸಾಮನ ಅಂಗಪರ ಘಾಲ್ಲಿನ ತಿನು ಘರ ಕೈದತೊ ರ‍್ಹತಾಮಾ ತಿನು ಘರಮಾನು ಸಾಮನ ವಾಗಾತಿ ರ‍್ಹವಸ, 22ತೆನೈಸೊ ತಿತ್ತಿಬಿ ತಾಕತವಾಲೊ ಐನ ತಿನೆ ಸೊಲ್ಸಿನ್ ಪಾಚಲ್ತೊ ತೆ ಪೈಲಾನೊ ಮನಕ್ಹ ಬರೊಕ್ಹೊ ಮ್ಹೆಲ್ಲಿದಲ ತೆ ಲಡಾಯಿನು ಸಾಮನ ಕಾಳ್ಳಿನ ತೆ ಚೊ಼ರಿಕರಲ ಕ್ಹಾರು ವಾಟಿನ ದಿವಸ,
23ಮಾರಾ ಕ್ಹಾತೆ ನೈ ರ‍್ಹಯಲವಾಲೊ ಮನೆ ವಿರುದ್ದ ವ್ಹೈ. ಮಾರಾ ಕ್ಹಾತೆ ನೈ ಮಳಲವಾಲೊ ಜು಼ದಾ ಕರಾವಾಲೊ ವ್ಹೈ.
ಕೆಟ್ಟ ಆತ್ಮಾ ಫ್ಹರಿನ ಆಯಲ
(ಮತ್ತಾಯ 12:43-45)
24"ಕೆಟ್ಟ ಆತ್ಮಾ ಯಕ್ಕ ಮನಕ್ಹಮಾತಿ ಭಾರಿ ಆಯಲ್ಪರ ಅರಾಮ ಕರಾನೆ ಜ಼ಗಾ ಹುಡ್ಕತಿ ಪಾನಿ ನೈಸೊ ಜ಼ಗಾ ಫರಸ, ತೆನೈಸೊ ತಿನೆ ಅರಾಮ ಕರಾನೆ ಜ಼ಗಾ ನೈ ಮಳ್ತಾಮಾ ತೆ ಫರಿನ ಮಿ ರ‍್ಹಯಲ ಪೈಲಾನಾ ಮನಕ್ಹನಾ ಅಂಗಮಾ ವರಿ ಜೌ಼ಸ ಕೈನ ಕೈಲಿವಸ. 25ತೆ ಮನಕ್ಹಕನ ಫರಿನ ಆತಾಮಾ ತೆ ಘರ (ಮನಕ್ಹ) ವಾಗಾತಿ ಥಯಲ ದೆಕಿನ. 26ತೆ ಕೆಟ್ಟ ಆತ್ಮಾ ಗೈನ ತಿತ್ತಿಬಿ ಕೆಟ್ಟ ರ‍್ಹಯಲ ಬಿಜಿ಼ಯೊ ಕ್ಹಾತ ಕೆಟ್ಟ ಆತ್ಮಾವೊನೆ ಬಲೈಲಿನ ಆವಸ. ತೆ ಕೆಟ್ಟ ಆತ್ಮಾ ತೆ ಮನಕ್ಹನಾ ಅಂಗಮಾ ಹೊಕ್ಕಕಿನ ತ್ಯಾಜ಼ ರ‍್ಹವಸ. ತೆಳಾಮಾ ತೆ ಮನಕ್ಹನೆ ಪೈಲಾತಿಬಿ ಹೆಚ್ಕಿ ತ್ರಾಸ ಥಾವಸ ಕದ್ಯೊ.
ಕ್ಹರಿನಿ ಖುಶಿ
27ಯೆಸು ಎ ವಾತೊ ಕತೊ ರ‍್ಹತಾಮಾ ಯಕ್ಕ ಬಾಕ್ಡಿ ಯೆಸುನೆ ತುನೆ ಜ಼ನ್ನಿನ ರಾಕಲವಾಲಿ ಧನೈ ವ್ಹೈ. ಕೈನ ಕದಿ.
28ಯೆಸು ತಿನೆ, ಕ್ಹುದಾನಿಯೊ ವಾತೊ ಐಕಿನ ತಿನೆ ಕರೆಟ್ಟ ಚಾ಼ಲಾಲಾ ಧನೈ ವ್ಹೈ ಕದ್ಯೊ.
ಹಮೊನೆ ಸಾಕ್ಷಿ ದೆ!
(ಮತ್ತಾಯ 12:38-42; ಮಾರ್ಕ 8:12)
29ಮನಕ್ಹೊ ಗುಂಪ ಥೈನ ಆತಾಮಾ ಯೆಸು ತ್ಯುನೊನೆ ಸು ಕವಾನು ಚಾಲು ಕರ‍್ಯೊ ಕದ್ಯಾಮ ಎ ಕೆಟ್ಟ ಸಂತತಿಜ಼ ವ್ಹೈ. ಸುಚಕ ಕಾರಯೊ ದೆಕುಸ ಕವಾಡ್ಯೊಸ. ತೆನೈಸೊ ಯೊನನಿ ಜಿವಿತ್ಮಾ ದೆಕಾನೆ ಮಳಲ ಸುಚಕ ಕಾರ‍್ಯೊ ಬಿಜಾ಼ವೊನೆ ಕಿನೆಜ಼಼ ದೆಕಾನೆ ಮಳತು ನೈ, 30ನಿನೆವಿಮಾ ರ‍್ಹಯಲ ಮನಕ್ಹೊನೆ ಯೊನ ಯಕ್ಕ ಸುಚನೆ ರ‍್ಹಯಲ ಲಿಂಗತ ಹೊತೊ. ತಿನಾ ಲಿಂಗತಜ಼ ಎ ಕಾಲ್ನಾ ಮನಕ್ಹೊನೆ ಮನಕ್ಹನೊ ದಿಕ್ರೊ ವಳಕ ಥಯೊಸ. 31ನ್ಯಾಯ ತಿರಪನಾ ದಿನಮಾ ದಕ್ಕಷಿಣ ದೆಶನಿ ರಾಣಿ ಎ ಖಾಂದಾನ್ನಾ ಕ್ಹಾತೆ ಉಟಿನ ಹುಬ್ರೈನ ಇವ್ನೆ ಅಪರಾದಿ ವ್ಹೈ ಕೈನ ಕವಸ. ಕಾಕದ್ಯಾಮ ಘನ್ನಿ ದುರತಿ ಐನ ಸೊಲೊಮೊನನಿಯೊ ಗ್ಯಾನಿಯೊ ವಾತೊ ಐಕಿನ ವರಿ ತಿಳದಿಲಿವಾನೆ ಐ. ವರಿಬಿ ಮಿ ತುಮೊನೆ ಸು ಕೌಸ ಕದ್ಯೊ ಕದ್ಯಾಮ ಮಿ ಸೊಲೊಮೊನತಿ ಬಿ ಘನ್ನಿ ಗ್ಯಾನವಾಲೊ (ಯೆಸು) ವ್ಹೈ. 32ನ್ಯಾಯ ತಿರಪನಾ ದಿನಮಾ ನಿನೆವೆ ಗಾಮವಾಲಾ ಎ ಸಂತ್ತತಿವಾಲಾವೊನ ಕ್ಹಾತೆ ತ್ಯುನೊನೆ ಅಪರಾದಿ ವ್ಹೈ ಕೈನ ಕವಾಲೊ ಯೊನ ಕದಲ ಕ್ಹುದಾನಿಯೊ ವಾತೊ ಐಕಿನ ತೆ ಗಾಮನಾ ಮನಕ್ಹೊ ತ್ಯುನಾ ಪಾಪನೆ ಪಶ್ಚಾತಾಪ ಪಡಿನ. ಕ್ಹುದಾ ಬಗಲ ಫರಯಾ. ತೆನೈಸೊ ಮಿ ಪ್ರವಾದಿ ಥಯಲ ಯೊನ ತಿಬಿ (ಯೆಸು) ಮ್ಹೊಟೊ ವ್ಹೈ.
ಜಗತ್ನೆ ಉಜಾಲು ಥೈನ ರ‍್ಹವೊ
(ಮತ್ತಾಯ 5:15; 6:22-23)
33ಕುನ್ನಬಿ ದಿವ್ವೊ ಲಗಾಡಿ ಸಾಮನ್ಮಾ ನೈತೊ ಬಿಜಿ ಜ಼ಗಾಮಾ ಝಾಕಿನ ಮ್ಹೆಲ್ತಾ ನೈ ಮ್ಹೈ ಆವಾಲಾವೊನೆ ಉಜಾಲು ಪಡಾ ಹುತಿ ದಿವ್ವೊ ಲೈನ ಗೊಡಿಪರ ಮ್ಹೆಲಸ. 34ತಾರಾ ಡೊಳಾ ತಾರಾ ಅಂಗನೆ ಉಜಾಲು ಥಯಾಸ. ತಾರಾ ಡೊಳಾ ಸಿದಾರ‍್ಹತಾಮಾ ತಿನಾ ಲಿಂಗತ ತಾರು ಅಂಗ ಉಜಾಲಾ ಲಿಂಗತ ರ‍್ಹವಸ. ತೆ ಕೆಟ್ಟ ರ‍್ಹಯೊಮ ತಿನಾಲಿಂಗತ ಅಂಗಬಿ ಅಂದಾರಾ ಲಿಂಗತ ರ‍್ಹವಸ. ತಿನಾ ಹುತಿ ತಾರಾಮಾ ರ‍್ಹಯಲ ಉಜಾಲು ಅಂದಾರು ಥೈಯುಸು ದೆಕ. 35ತಾರು ಅಂಗ ಪುರಾ ಉಜಾಲು ರ‍್ಹಯುಮ ಯಕ್ಕ ಬಗಲಬಿ ಅಂದಾರು ರ‍್ಹಯುಮ ದಿವ್ವಾನು ಉಜಾಲು ಪಡಿನ ತುನೆ ಉಜಾಲು ದಿವಾನಾ ಕಾಲಮಾ ಕಿಮ ತಿಮ್ಮಜ಼ ತೆ ಪುರಾ ಉಜಾಲು ಥೈನ ರ‍್ಹವಸ ಕದ್ಯೊ. 36ತಾರು ಪುರಾ ಅಂಗ ಉಜಾಲು ರ‍್ಹೈಮ ತಾರಾ ಅಂಗನಾ ಕಯಾಜ಼ ಭಾಗನೆ ಅಂದಾರು ರ‍್ಹತು ನೈ. ಇನಾಹುತಿ ಕ್ಹಾರು ಉಜಾಲು ಥೈನಜ಼ ರ‍್ಹವಸ ಕಿನಾ ಲಿಂಗತ ಕದ್ಯಾಮ ದಿವ್ವೊ ಉಜಾಲು ದಿನ್ನ ಕ್ಹಾರಿ ಬಗಲ ಉಜಾಲು ಥೈನ ರ‍್ಹವಸ.
ಯೆಸು ಫರಿಸಾಯರೊನೆ ತಾಕಿತ ಕರಲ
(ಮತ್ತಾಯ 23:1-36; ಮಾರ್ಕ 12:38-40; ಲುಕ 20:45-47)
37ತೆ ಬೊಲ್ತೊ ರ‍್ಹತಾಮಾ ಯಕ್ಲೊ ಫರಿಸಾಯರವಾಲೊ ಯೆಸುನೆ ಖಾವಾನೆ ಆ ಕೈನ ಮಾಂಗಿಲೆತಾಮಾ ತೆ ಮ್ಹೈ ಗೈನ ಖಾವಾನಾ ಹುತಿ ಬೈಟ್ಯೊ. 38ಯೆಸು ತಿನಾ ಹತೊ ಧ್ವಲಿದ್ಯಾವಾಚಿ ಖಾವಾನೆ ಬೈಟಲ ದೆಕಿನ ತೆ ಫರಿಸಾಯರ ವಾಲೊ ಘಾಬ್ರೊಥಯೊ. 39ಯೆಸು ಫರಿಸಾಯರನೆ ತುಮೆ ತಾಂಬಿಯಾ ವರಿ ವಾಟ್ಕಾ ಭಾರಾತು ಯಕ್ಕಜ಼ ಧವೊಸಿ. ತೆನೈಸೊ ತುಮಾರು ಮ್ಹೈನು ಮೊಸಕ್ಹು ಕೆಟ್ಟ ಕ್ಹು ಭರಿ ಗಯುಸ. 40ತುಮೆ ಗ್ಯಾನ ನೈಸೊ ವಾಲಾ ವ್ಹೈ! ಮನಕ್ಹನೆ ಭಾರಾತೊಬಿ ಮ್ಹೈತೊಬಿ ಕರಲವಾಲೊ ಕ್ಹುದಾಜ಼ ವ್ಹೈ. 41ತಿನಾ ಹುತಿ ಸಾಮನ್ಮಾ ರ‍್ಹಯಲ ಖಾವಾನು ಅನ್ನ ಗರಿಬೊನೆ ದಿವೊ ತೆಳಾಮಾ ತುಮೆ ಪುರಾ ಶುದ್ಧ ಥಾವೊಸಿ. 42ಫರಿಸಾಯರೊ, ತುಮಾರಿ ಗತಿ ಮಿ ಸು ಕೌ! ತುಮೆ ಕ್ಹುದಾನೆ ತುಮೊಕನ ರ‍್ಹಯಲ ಹರಿ ಯಕಮಾ ಲಾಸ್ಟುನೊ ವಾಟೊ ದಿವೊಸಿ. ತುಮಾರಾ ಖೆತರಮಾ ಬೆಳ್ದಾನು ಮರುಗ, ಸದಾಪು ಹಜು಼ನ ಘನ್ನಿಯೊ ತರಕಾರಿಯೊ ಮಾ ಲಾಸ್ಟನೊ ವಾಟೊ ದಿವೊಸಿ. ವರಿ ಬಿಜಾ಼ವೊನೆ ನ್ಯಾಯ ತಿರಸಾನು ಕ್ಹುದಾನೆ ಮಯಾಕರಾನು ಇಕ್ಹರಿಪಾಡ್ಯಾಸ. ತುಮೆ ಪೈಲಾ ಕ್ಹುದಾನೆ ದಿವಾನು ಪೈಲಾ ದಿವೊ ವರಿ ಕ್ಹಾರಾವೊನೆ ಮಯಾಕರಾನು ಪೈಲಾ ಕರೊ. 43ಫರಿಸಾಯರೊ ತುಮಾರಿ ಗತಿ ಮಿ ಸು ಕೌ,ಸಭಾಮಂದಿರಮಾ ಖಾಸ ಜ಼ಗಾವೊಪರ ವಾನಿಯಾನಿ ವರಿ ವಾಟ್ಪರ ಮನಕ್ಹೊ ತುಮೊನೆ ಪಗೆ ಪಡಾನು ತುಮೊನೆ ಘನ್ನು ಚೊ಼ಕು ವ್ಹೈ. 44ತುಮೆ ಬುಜ್ಜೈ಼ಗಯಲ ಮಜಾ಼ರೊ ಲಿಂಗತ ವ್ಹೈ. ಮನಕ್ಹೊ ತುಮೆ ಮಜಾ಼ರೊ ನ್ಹವೈ ಕೈನ ತಿಳ್ದಿನ ತುಮೊಪರ ಚಾ಼ಲಸ.
ಶಾಸ್ತ್ರಿಯೊನೆ ಯೆಸು ಕದಲ
45ಎ ಕ್ಹಾರು ಕದಲ ಐಕಿನ ಧರಮ ಉಪದೆಶ ಕವಾಲೊ ಯಕ್ಲೊ ಯೆಸುನೆ ಭೊದಕ ತು ಎವಾತೊ ಕವಾಕ್ಹು ಹಮಾರಾ ಮನಕ್ಹೊನೆ ಬೆಜ್ಜಾರ ಕರಲ ಲಿಂಗತ ಥಯುಸ ಕತಾಮಾ ಯೆಸು.
46ಧರಮ ಉಪದೆಶ ಕರಾಲಾವೊ, ತುಮಾರಿ ಗತಿ ಮಿ ಸು ಕೌ? ತುಮೆ ಮನಕ್ಹೊ ನೈ ಪಾಲ್ಸಾನಾ ನಿಯಮೊ ತ್ಯುನೊನೆ ಪಾಲ್ಸಾನಾ ಕವೊಸಿತೊ ವರಿ ಎ ನಿಯಮೊ ಪಾಲ್ಸುಜ಼ ಕೈನ ಮನಕ್ಹೊನೆ ವತ್ತಾಯ ಕರೊಶಿತೊ. ಮತ್ರಾ ತುಮೆ ತೆ ನಿಯಮೊ ಪಾಲಸ್ತಾ ನೈ ತೊ. 47ತುಮಾರಿ ಗತಿ ಸು ಕೌ! ತುಮೆ ಪ್ರವಾದಿಯೊನೆ ಮಜಾರೊ ಭಾಂದೊಶಿ. ತೆನೈಸೊ ಪ್ರವಾದಿನೆ ಮಾರೆಲ ವಾಲಾ ತುಮಾರಾ ಬಾಪೊಜ಼ ವ್ಹೈ! 48ಅನಾ ಹುತಿ ತುಮಾರಾ ಬಾಪೊ ಕರಲ ಕಾಮೊ ತುಮೆ ವಪ್ಪಿಲಿದ್ಯಾಸ ಮನಕ್ಹೊನೆ ದೆಕಾಡೊಸಿ. ತ್ಯುನೆ ಪ್ರವಾದಿಯೊನೆ ಖಲಾಸ ಕರಿಪಾಡ್ಯಾ. ತುಮೆ ತೆಜ಼ ಪ್ರವಾದಿಯೊನಿಯೊ ಮಜಾ಼ರೊ ಭಾಂದೊಸಿ! 49ತಿನಾ ಹುತಿ ಕ್ಹುದಾನು ಗ್ಯಾನ ಸು ಕವಸ ಕದ್ಯಾಮ,ಮಿ ಮಾರಾ ಪ್ರವಾದಿಯೊನೆ ವರಿ ಅಪೊಸ್ತಲೊನೆ ಮೊಕ್ಕಲುಸ. ಮಾರಾ ದಕ್ಹಾ ಪ್ರವಾದಿಯೊನೆ ವರಿ ಅಪೊಸ್ತಲೊನೆ ಕೆಟ್ಟ ಮನಕ್ಹೊನಾ ಹತ್ಮಾ ಮರಿ ಜಾ಼ವಸ ವರಿ ದಕ್ಹಾಜ಼಼ನಾ ಕಷ್ಟಮಾ ಪಡಸ. 50ತಿನಾಹುತಿ ದುನಿಯಾ ಶುರುತಿಬಿ ಮರಲ ಕ್ಹಾರಾ ಪ್ರವಾದಿಯೊನೆ ಕಾರಣ ಥಯಲ ಎ ಕಾಲನಾ ಮನಕ್ಹೊ ತುಮೆ ಶಿಕ್ಷಾನೆ ಗುರಿ ಥಾವೊಸಿ. 51ಹೆಬಲನೆ ಮಾರಲ ಹುತಿ ಜಕರಿಯಾನೆ ಮಾರಲಹುತಿ ತುಮೊನೆ ಶಿಕ್ಷಾ ಮಳಸ. ಜಕರಿಯಾನೆ, ಬಲಿದಿವಾನಿ ಜ಼ಗಾ ವರಿ ದೆವಾಲಯನಾ ವಚ್ಮಾ಼ ಖಲಾಸ ಕರಾಯಾ. ಹೊ ಇವ್ನೊನೆ ಮಾರಲ ಹುತಿ ತುಮೊನೆ ಶಿಕ್ಷಾ ಮಳಸ. 52ಧರಮ ಉಪದೆಶ ಕರಾಲಾ ತುಮಾರಿ ಗತಿ ಮಿ ಸು ಕೌ! ಕ್ಹುದಾನಾ ಹುತಿ ತುಮೊನೆ ಗ್ವತ್ತ ಛೆ ವರಿಬಿ ತುಮೆ ತುಮಾರು ತುಮೆಜ಼ ಕರೊಶಿ. ಮನಕ್ಹೊಕನ ಕ್ಹುದಾನಾ ಹುತಿ ಕತಾಬಿ ನೈ ಶಿಕ್ಕಲಾತಾಬಿ ನೈ "ಕೈನ ಯೆಸು ಕದ್ಯೊ.
53ಯೆಸು ತ್ಯಾಂತೊ ಜಾ಼ತಾಮಾ ಧರಮ ಕರೊ ಕವಾಲಾ ವರಿ ಫರಿಸಾಯರೊ ಯೆಸುನೆ ವರಿ ದಕ್ಹಾ ತ್ರಾಸ ಕರಾನು ಚಾಲು ಕರ‍್ಯಾ. ತ್ಯುನೆ ಯೆಸುನೆ ಘನಿಯೊ ವಾತೊಮಾ ಪ್ರಶ್ನೆ ಪುಚಾ಼ನು ಚಾಲು ಕರ‍್ಯಾ.
54ಯೆಸುನೆ ವಾತೊಮಾ ಧರಿಯೆ ಕೈನ ವಿಚಾರ ಕರಲೆತಾ, ಯೆಸು ಸುಬಿ ತಪ್ಪ ಕಸ ಕೈನ ಬಿಜು಼-ಬಿಜು಼ ಕವಾಡಾತಾ.
Currently Selected:
ಲುಕ 11: NTSrr23
Highlight
Share
Copy
Want to have your highlights saved across all your devices? Sign up or sign in
The New Testament in Sikkiligar Language © The Word for the World International and Sikkiligar Bhasha Samiti, Madhya Pradesh, 2023
ಲುಕ 11
11
ಪ್ರಾಥನಾನಾ ಹುತಿ ಯೆಸು ಕದಲ
(ಮತ್ತಾಯ 6:9-15)
1ಯಕ್ಕದಿನ ಯೆಸು ಯಕ್ಕ ಜ಼ಗಾಪರ ಪ್ರಾಥನಾ ಕರಾಡೊತೊ ಪ್ರಾಥನಾ ಕರಿನ ಮುಗಸ್ತಾಮಾ, ತಿನಾ ಶಿಷ್ಯಾವೊಮಾನೊ ಯಕ್ಲೊ ಯೆಸುನೆ"ಸ್ವಾಮಿ ಯೊಹಾನ ತಿನಾ ಶಿಷ್ಯಾವೊನೆ ಪ್ರಾಥನಾ ಕರಾನು ಶಿಕ್ಲಾಯಲ ಲಿಂಗತ, ಹಮೊನೆಬಿ ಪ್ರಾಥನಾ ಕರಾನು ಶಿಕ್ಲಾ ಕದ್ಯೊ.
2ತೆ ವಾತೆ ಯೆಸು ತಿನೆ ತುಮೆ ಅಮ್ಮ ಪ್ರಾಥನಾ ಕರೊ ಬಾ,
ತಾರು ನಾಮ ಕೆಳಾಮಾಬಿ ಪರಿಶುದ್ಧ ವ್ಹೈ ಕೈನ ಕವೈಲಿವಾದೆ.
ತಾರೊ ರಾಜ್ಯ ಆವಾದೆ.
3ಹಮಾರು ದಿನ್ನೆನು ಅನ್ನ ದಿನ್ನೆಬಿ ದೆ
4ಹಮೊನೆ ತಪ್ಪ ಕರಲವಾಲಾನೆ ಹಮೆ ಮಾಫ
ಕರಲ ಲಿಂಗತ ಹಮಾರು ಪಾಪೊ ಮಾಫ ಕರ
ಹಮೊನೆ ಶೊದನೆಮಾ ಪಾಡುನಕೊ.
ಛೊಡ್ಯಾವಾಚಿ ಪ್ರಾಥನಾ ಕರೊ
(ಮತ್ತಾಯ 7:7-11)
5ಯೆಸು ತ್ಯುನೊನೆ ಸು ಕದ್ಯೊ ಕದ್ಯಾಮ ತುಮೊಮಾನೊ ಯಕ್ಲಾನೆ ದೊಸ್ತ ಛೆ ಕೈನ ತಿಳದಿಲಿಯೆ. ಯಕ್ಕ ದಿನ್ನ ರಾತೆ ತಿನಾ ದೊಸ್ತನಾ ಘರೆ ಗೈನ ತಿನೆ ಮಾರು ದೊಸ್ತ ಮನೆ ಮಳಾನಾ ಹುತಿ ತೆ ಘನ್ನಾ ದುರತೊ ಮಾರಾ ಘರೆ ಆಯೊಸ. 6ತೆನೈಸೊ ಮಾರಾ ದೊಸ್ತನೆ ಖಾವಾನೆ ಅನ್ನ ಮಕನ ನತ್ತಿ. 7ತೆ ಘರಮಾ ರ‍್ಹಯಲ ದೊಸ್ತ ಅನ್ನ ಪುಚ್ಚಾ಼ಲಾನೆ "ತು ಗೈಪಡ! ಮನೆ ತ್ರಾಸ ದ್ಯು ನಕೊ! ಬಾಕಲ ಘಾಲ್ಲಿ ಪಾಡ್ಯೊಸ! ಮಿಬಿ ವರಿ ಮಾರಿ ದಿಕ್ರಿ ಕ್ಹುರೈ ಪಡ್ಯಾಸ, ಮಿ ಉಟಿನ ರೊಕ್ಲಾ ನೈ ದೆತೊ "ಕದ್ಯೊ. 8ಕ್ಹಾಲಿ ತ್ಯುನಿ ದೊಸ್ತಿ ಯಕಜ಼ ತಿನೆ ಉಟಿನ ರೊಕ್ಲಾ ದಿವಾನು ವೃಕ್ಹು ಕರತು ನೈ ಕೈನ ತುಮೊನೆ ಕೌಸ. ತೆ ಹಗ್ಲೆಲ್ಲಾ ಪುಚ್ತೊ಼ ರ‍್ಹಯ್ಯೊಮ, ತೆ ಉಟಿನ ಚಾ಼ಯೆ ಥಯಲ ರೊಕ್ಲಾ ಕ್ಹರಿಮಾಜ಼ ದಿವಸ. 9ತಿನಾಹುತಿ ಮಿ ತುಮೊನೆ ಕೌಸ, ಮಾಂಗಿಲಿವೊ ತುಮೊನೆ ಮಳಸ. ಹುಡ್ಕೊ ತೆಳಾಮಾ ತುಮೊನೆ ಕ್ಹಾಪ್ಡಸ. ವಜಾ಼ಡೊ ತೆಳಾಮಾ ತುಮಾರಾ ಹುತಿ ಬಾಕಲ ಕಾಡಸ. 10ಹೊ ಛೊಡ್ಯಾವಾಚಿ ಮಾಂಗಾಲಾನೆ ಮಳಸ, ಹುಡ್ಕಾಲಾನೆ ಕ್ಹಾಪ್ಡಸ, ವಜಾ಼ಡಾಲಾನೆ, ತಿನಾ ಹುತಿ ಬಾಕಲ ಕಾಡಸ. 11ತುಮೊಮಾ ಕೆಕ್ಕಲಾ ಜ಼ನಾ ಬಾ ಥಯಾಸ? ತಮಾರಾ ಬಚ್ಚಾ಼ ಮಚ್ಲಿ಼ ಮಾಂಗ್ಯಾಮ, ತುಮೆ ತಿನೆ ಕ್ಹಾಪ ದಿವೊಸಿಸು ನೈ! 12ತುಮಾರಾ ಬಚ್ಚಾ಼ ಇಂಡು ಮಾಂಗ್ಯಾಮ ಇಚ್ಚಿ ದಿವೊಸಿಸು? ನೈ! 13ತುಮೆ ಬಿಜಾ಼ವೊಲಿಂಗತ ಕೆಟ್ಟ ರ‍್ಹಯಾತಬಿ ತುಮಾರಾ ಬಚ್ಚಾ಼ವೊನೆ ಚೊ಼ಕೊಜ಼ ದಿವೊಸಿ, ತಿನಾಲಿಂಗತಜ಼ ಸ್ವರ್ಗಮಾ ರ‍್ಹಯಲ ತುಮಾರೊ ಬಾ ಬಿ ತುಮೆ ಮಾಂಗಿಲಿವಾನೆ ಪವಿತ್ರ ಆತ್ಮಾ ಕ್ಹರಿಮಾಜ಼ ದಿವಸ, ಕದ್ಯೊ.
ಯೆಸುನಿ ತಾಕತ ಕ್ಹುದಾಕಂತಿ ಆಯಲ ವ್ಹೈ
(ಮತ್ತಾಯ 12:22-30; ಮಾರ್ಕ 3:20-27)
14ಯಕ್ಕ ಸಲಾ ಯೆಸು ಮುಕಿ ಕೆಟ್ಟ ಆತ್ಮಾ ಧರಲವಾಲಾನೆ ಛೊಡಾವಾಡ್ಯೊತೊ. ತೆ ಕೆಟ್ಟ ಆತ್ಮಾ ತೆ ಮನಕ್ಹಾನಾ ಅಂಗಮಾತೊ ಭಾರು ಆತಾಮಾ ತೆ ಮನಕ್ಹ ಬೊಲ್ಯೊ. ಎ ದೆಕಲ ಮನಕ್ಹೊ ಘಾಬ್ರಾಥಯಾ. 15ತಿಮಾನಾ ದಕ್ಹಾ ಮನಕ್ಹೊ ಎ ಕೆಟ್ಟ ಆತ್ಮಾವೊನೊ ಅದಿಕಾರಿ ಥಯಲವಾಲೊ ಬೆಲ್ಜೆಬೊಲನಿ ತಾಕತ ಕ್ಹೊ ಛೊಡಾವಾಸ ಕದ್ಯಾ.
16ಬಿಜಾ಼ ದಕ್ಹಾ ಮನಕ್ಹೊ ಯೆಸುನೆ ಪರಿಕ್ಷಾ ಲಿವಾನಾ ಹುತಿ ತು ಕ್ಹುದಾಕಂತೊ ಮಾಂಗಿಲಿನ ಯಕ್ಕ ಸುಚಕ ಕಾರಯೊ ಕರಿನ ದೆಕಾಡ ಕದ್ಯಾ. 17ತೆನೈಸೊ ಯೆಸು ತ್ಯುನಿಯೊ ವಿಚಾರ ತಿಳ್ದಿನ ತ್ಯುನೊನೆ "ಫುಟಿ ಗಯಲ ವರಿ ತಿನಾ ವಿರುದ್ದ ತೆಜ಼ ಲಡಾಯಿ ಕರಾನು ರಾಜ್ಯ ಹಾಳ ಥೈ ಜಾ಼ವಸ, ಯಕ್ಕ ಕುಟುಂಬಮಾ ಭೆದ ಭಾವ ರ‍್ಹಯುಮ ತೆ ಕುಟುಂಬ ಉಗರತು ನೈ. 18"ತಿನಾಲಿಂಗತಜ಼ ಸೈತಾನ ತಿನಾ ವಿರುದ್ದ ತೆಜ಼ ಲಡಾಯಿ ಕರಲಿದ್ಯುಮ, ತಿನು ಯಕ್ಕ ಅದಿಕಾರ ಕಿಮ ಉಗ್ರಸ? ಬೆಲ್ಜೆಬೊಲನಾ ತಾಕತ ಕ್ಹು ಮಿ ಕೆಟ್ಟ ಆತ್ಮಾ ಛೊಡಾವಸ ಕೈನ ತುಮೆ ಕವಾಡ್ಯಾಸ್ತೊ. 19ಮಿ ಬೆಲ್ಜೆಬೊಲನಿ ತಾಕತಕ್ಹು ಕೆಟ್ಟ ಆತ್ಮಾವೊ ಛೊಡಾವಾನು ರ‍್ಹಯುಮ ತಮಾರಾ ಮನಕ್ಹೊ ಕೆಟ್ಟ ಆತ್ಮಾ ಕೈ ತಾಕತಕ್ಹು ಛೊ಼ಡಾವಸ? ತಮಾರಾ ಸ್ವಂತ ಮನಕ್ಹೊ ತುಮೊನೆ ತಪ್ಪ ಕರಾಲಾ ವ್ಹೈಕೈನ ಕವಸ್ತೊ. 20ತೆನೈಸೊ ಮಿ ಕೆಟ್ಟ ಆತ್ಮಾವೊನೆ ಕ್ಹುದಾನಿ ತಾಕತ ಕ್ಹು ಛೊಡಾವಾಡ್ಯುಸ್ತೊ ಕ್ಹುದಾನಿ ರಾಜ್ಯ ತುಮಾರಾ ಕ್ಹಾಮಿ ಐಸ ಕೈನ ಎಜ಼ ಸಾಕ್ಷಿ ವ್ಹೈ.
21ಯಕ್ಲೊ ತಾಕತವಾಲೊ ಲಡಾಯಿನು ಕ್ಹಾರು ಸಾಮನ ಅಂಗಪರ ಘಾಲ್ಲಿನ ತಿನು ಘರ ಕೈದತೊ ರ‍್ಹತಾಮಾ ತಿನು ಘರಮಾನು ಸಾಮನ ವಾಗಾತಿ ರ‍್ಹವಸ, 22ತೆನೈಸೊ ತಿತ್ತಿಬಿ ತಾಕತವಾಲೊ ಐನ ತಿನೆ ಸೊಲ್ಸಿನ್ ಪಾಚಲ್ತೊ ತೆ ಪೈಲಾನೊ ಮನಕ್ಹ ಬರೊಕ್ಹೊ ಮ್ಹೆಲ್ಲಿದಲ ತೆ ಲಡಾಯಿನು ಸಾಮನ ಕಾಳ್ಳಿನ ತೆ ಚೊ಼ರಿಕರಲ ಕ್ಹಾರು ವಾಟಿನ ದಿವಸ,
23ಮಾರಾ ಕ್ಹಾತೆ ನೈ ರ‍್ಹಯಲವಾಲೊ ಮನೆ ವಿರುದ್ದ ವ್ಹೈ. ಮಾರಾ ಕ್ಹಾತೆ ನೈ ಮಳಲವಾಲೊ ಜು಼ದಾ ಕರಾವಾಲೊ ವ್ಹೈ.
ಕೆಟ್ಟ ಆತ್ಮಾ ಫ್ಹರಿನ ಆಯಲ
(ಮತ್ತಾಯ 12:43-45)
24"ಕೆಟ್ಟ ಆತ್ಮಾ ಯಕ್ಕ ಮನಕ್ಹಮಾತಿ ಭಾರಿ ಆಯಲ್ಪರ ಅರಾಮ ಕರಾನೆ ಜ಼ಗಾ ಹುಡ್ಕತಿ ಪಾನಿ ನೈಸೊ ಜ಼ಗಾ ಫರಸ, ತೆನೈಸೊ ತಿನೆ ಅರಾಮ ಕರಾನೆ ಜ಼ಗಾ ನೈ ಮಳ್ತಾಮಾ ತೆ ಫರಿನ ಮಿ ರ‍್ಹಯಲ ಪೈಲಾನಾ ಮನಕ್ಹನಾ ಅಂಗಮಾ ವರಿ ಜೌ಼ಸ ಕೈನ ಕೈಲಿವಸ. 25ತೆ ಮನಕ್ಹಕನ ಫರಿನ ಆತಾಮಾ ತೆ ಘರ (ಮನಕ್ಹ) ವಾಗಾತಿ ಥಯಲ ದೆಕಿನ. 26ತೆ ಕೆಟ್ಟ ಆತ್ಮಾ ಗೈನ ತಿತ್ತಿಬಿ ಕೆಟ್ಟ ರ‍್ಹಯಲ ಬಿಜಿ಼ಯೊ ಕ್ಹಾತ ಕೆಟ್ಟ ಆತ್ಮಾವೊನೆ ಬಲೈಲಿನ ಆವಸ. ತೆ ಕೆಟ್ಟ ಆತ್ಮಾ ತೆ ಮನಕ್ಹನಾ ಅಂಗಮಾ ಹೊಕ್ಕಕಿನ ತ್ಯಾಜ಼ ರ‍್ಹವಸ. ತೆಳಾಮಾ ತೆ ಮನಕ್ಹನೆ ಪೈಲಾತಿಬಿ ಹೆಚ್ಕಿ ತ್ರಾಸ ಥಾವಸ ಕದ್ಯೊ.
ಕ್ಹರಿನಿ ಖುಶಿ
27ಯೆಸು ಎ ವಾತೊ ಕತೊ ರ‍್ಹತಾಮಾ ಯಕ್ಕ ಬಾಕ್ಡಿ ಯೆಸುನೆ ತುನೆ ಜ಼ನ್ನಿನ ರಾಕಲವಾಲಿ ಧನೈ ವ್ಹೈ. ಕೈನ ಕದಿ.
28ಯೆಸು ತಿನೆ, ಕ್ಹುದಾನಿಯೊ ವಾತೊ ಐಕಿನ ತಿನೆ ಕರೆಟ್ಟ ಚಾ಼ಲಾಲಾ ಧನೈ ವ್ಹೈ ಕದ್ಯೊ.
ಹಮೊನೆ ಸಾಕ್ಷಿ ದೆ!
(ಮತ್ತಾಯ 12:38-42; ಮಾರ್ಕ 8:12)
29ಮನಕ್ಹೊ ಗುಂಪ ಥೈನ ಆತಾಮಾ ಯೆಸು ತ್ಯುನೊನೆ ಸು ಕವಾನು ಚಾಲು ಕರ‍್ಯೊ ಕದ್ಯಾಮ ಎ ಕೆಟ್ಟ ಸಂತತಿಜ಼ ವ್ಹೈ. ಸುಚಕ ಕಾರಯೊ ದೆಕುಸ ಕವಾಡ್ಯೊಸ. ತೆನೈಸೊ ಯೊನನಿ ಜಿವಿತ್ಮಾ ದೆಕಾನೆ ಮಳಲ ಸುಚಕ ಕಾರ‍್ಯೊ ಬಿಜಾ಼ವೊನೆ ಕಿನೆಜ಼಼ ದೆಕಾನೆ ಮಳತು ನೈ, 30ನಿನೆವಿಮಾ ರ‍್ಹಯಲ ಮನಕ್ಹೊನೆ ಯೊನ ಯಕ್ಕ ಸುಚನೆ ರ‍್ಹಯಲ ಲಿಂಗತ ಹೊತೊ. ತಿನಾ ಲಿಂಗತಜ಼ ಎ ಕಾಲ್ನಾ ಮನಕ್ಹೊನೆ ಮನಕ್ಹನೊ ದಿಕ್ರೊ ವಳಕ ಥಯೊಸ. 31ನ್ಯಾಯ ತಿರಪನಾ ದಿನಮಾ ದಕ್ಕಷಿಣ ದೆಶನಿ ರಾಣಿ ಎ ಖಾಂದಾನ್ನಾ ಕ್ಹಾತೆ ಉಟಿನ ಹುಬ್ರೈನ ಇವ್ನೆ ಅಪರಾದಿ ವ್ಹೈ ಕೈನ ಕವಸ. ಕಾಕದ್ಯಾಮ ಘನ್ನಿ ದುರತಿ ಐನ ಸೊಲೊಮೊನನಿಯೊ ಗ್ಯಾನಿಯೊ ವಾತೊ ಐಕಿನ ವರಿ ತಿಳದಿಲಿವಾನೆ ಐ. ವರಿಬಿ ಮಿ ತುಮೊನೆ ಸು ಕೌಸ ಕದ್ಯೊ ಕದ್ಯಾಮ ಮಿ ಸೊಲೊಮೊನತಿ ಬಿ ಘನ್ನಿ ಗ್ಯಾನವಾಲೊ (ಯೆಸು) ವ್ಹೈ. 32ನ್ಯಾಯ ತಿರಪನಾ ದಿನಮಾ ನಿನೆವೆ ಗಾಮವಾಲಾ ಎ ಸಂತ್ತತಿವಾಲಾವೊನ ಕ್ಹಾತೆ ತ್ಯುನೊನೆ ಅಪರಾದಿ ವ್ಹೈ ಕೈನ ಕವಾಲೊ ಯೊನ ಕದಲ ಕ್ಹುದಾನಿಯೊ ವಾತೊ ಐಕಿನ ತೆ ಗಾಮನಾ ಮನಕ್ಹೊ ತ್ಯುನಾ ಪಾಪನೆ ಪಶ್ಚಾತಾಪ ಪಡಿನ. ಕ್ಹುದಾ ಬಗಲ ಫರಯಾ. ತೆನೈಸೊ ಮಿ ಪ್ರವಾದಿ ಥಯಲ ಯೊನ ತಿಬಿ (ಯೆಸು) ಮ್ಹೊಟೊ ವ್ಹೈ.
ಜಗತ್ನೆ ಉಜಾಲು ಥೈನ ರ‍್ಹವೊ
(ಮತ್ತಾಯ 5:15; 6:22-23)
33ಕುನ್ನಬಿ ದಿವ್ವೊ ಲಗಾಡಿ ಸಾಮನ್ಮಾ ನೈತೊ ಬಿಜಿ ಜ಼ಗಾಮಾ ಝಾಕಿನ ಮ್ಹೆಲ್ತಾ ನೈ ಮ್ಹೈ ಆವಾಲಾವೊನೆ ಉಜಾಲು ಪಡಾ ಹುತಿ ದಿವ್ವೊ ಲೈನ ಗೊಡಿಪರ ಮ್ಹೆಲಸ. 34ತಾರಾ ಡೊಳಾ ತಾರಾ ಅಂಗನೆ ಉಜಾಲು ಥಯಾಸ. ತಾರಾ ಡೊಳಾ ಸಿದಾರ‍್ಹತಾಮಾ ತಿನಾ ಲಿಂಗತ ತಾರು ಅಂಗ ಉಜಾಲಾ ಲಿಂಗತ ರ‍್ಹವಸ. ತೆ ಕೆಟ್ಟ ರ‍್ಹಯೊಮ ತಿನಾಲಿಂಗತ ಅಂಗಬಿ ಅಂದಾರಾ ಲಿಂಗತ ರ‍್ಹವಸ. ತಿನಾ ಹುತಿ ತಾರಾಮಾ ರ‍್ಹಯಲ ಉಜಾಲು ಅಂದಾರು ಥೈಯುಸು ದೆಕ. 35ತಾರು ಅಂಗ ಪುರಾ ಉಜಾಲು ರ‍್ಹಯುಮ ಯಕ್ಕ ಬಗಲಬಿ ಅಂದಾರು ರ‍್ಹಯುಮ ದಿವ್ವಾನು ಉಜಾಲು ಪಡಿನ ತುನೆ ಉಜಾಲು ದಿವಾನಾ ಕಾಲಮಾ ಕಿಮ ತಿಮ್ಮಜ಼ ತೆ ಪುರಾ ಉಜಾಲು ಥೈನ ರ‍್ಹವಸ ಕದ್ಯೊ. 36ತಾರು ಪುರಾ ಅಂಗ ಉಜಾಲು ರ‍್ಹೈಮ ತಾರಾ ಅಂಗನಾ ಕಯಾಜ಼ ಭಾಗನೆ ಅಂದಾರು ರ‍್ಹತು ನೈ. ಇನಾಹುತಿ ಕ್ಹಾರು ಉಜಾಲು ಥೈನಜ಼ ರ‍್ಹವಸ ಕಿನಾ ಲಿಂಗತ ಕದ್ಯಾಮ ದಿವ್ವೊ ಉಜಾಲು ದಿನ್ನ ಕ್ಹಾರಿ ಬಗಲ ಉಜಾಲು ಥೈನ ರ‍್ಹವಸ.
ಯೆಸು ಫರಿಸಾಯರೊನೆ ತಾಕಿತ ಕರಲ
(ಮತ್ತಾಯ 23:1-36; ಮಾರ್ಕ 12:38-40; ಲುಕ 20:45-47)
37ತೆ ಬೊಲ್ತೊ ರ‍್ಹತಾಮಾ ಯಕ್ಲೊ ಫರಿಸಾಯರವಾಲೊ ಯೆಸುನೆ ಖಾವಾನೆ ಆ ಕೈನ ಮಾಂಗಿಲೆತಾಮಾ ತೆ ಮ್ಹೈ ಗೈನ ಖಾವಾನಾ ಹುತಿ ಬೈಟ್ಯೊ. 38ಯೆಸು ತಿನಾ ಹತೊ ಧ್ವಲಿದ್ಯಾವಾಚಿ ಖಾವಾನೆ ಬೈಟಲ ದೆಕಿನ ತೆ ಫರಿಸಾಯರ ವಾಲೊ ಘಾಬ್ರೊಥಯೊ. 39ಯೆಸು ಫರಿಸಾಯರನೆ ತುಮೆ ತಾಂಬಿಯಾ ವರಿ ವಾಟ್ಕಾ ಭಾರಾತು ಯಕ್ಕಜ಼ ಧವೊಸಿ. ತೆನೈಸೊ ತುಮಾರು ಮ್ಹೈನು ಮೊಸಕ್ಹು ಕೆಟ್ಟ ಕ್ಹು ಭರಿ ಗಯುಸ. 40ತುಮೆ ಗ್ಯಾನ ನೈಸೊ ವಾಲಾ ವ್ಹೈ! ಮನಕ್ಹನೆ ಭಾರಾತೊಬಿ ಮ್ಹೈತೊಬಿ ಕರಲವಾಲೊ ಕ್ಹುದಾಜ಼ ವ್ಹೈ. 41ತಿನಾ ಹುತಿ ಸಾಮನ್ಮಾ ರ‍್ಹಯಲ ಖಾವಾನು ಅನ್ನ ಗರಿಬೊನೆ ದಿವೊ ತೆಳಾಮಾ ತುಮೆ ಪುರಾ ಶುದ್ಧ ಥಾವೊಸಿ. 42ಫರಿಸಾಯರೊ, ತುಮಾರಿ ಗತಿ ಮಿ ಸು ಕೌ! ತುಮೆ ಕ್ಹುದಾನೆ ತುಮೊಕನ ರ‍್ಹಯಲ ಹರಿ ಯಕಮಾ ಲಾಸ್ಟುನೊ ವಾಟೊ ದಿವೊಸಿ. ತುಮಾರಾ ಖೆತರಮಾ ಬೆಳ್ದಾನು ಮರುಗ, ಸದಾಪು ಹಜು಼ನ ಘನ್ನಿಯೊ ತರಕಾರಿಯೊ ಮಾ ಲಾಸ್ಟನೊ ವಾಟೊ ದಿವೊಸಿ. ವರಿ ಬಿಜಾ಼ವೊನೆ ನ್ಯಾಯ ತಿರಸಾನು ಕ್ಹುದಾನೆ ಮಯಾಕರಾನು ಇಕ್ಹರಿಪಾಡ್ಯಾಸ. ತುಮೆ ಪೈಲಾ ಕ್ಹುದಾನೆ ದಿವಾನು ಪೈಲಾ ದಿವೊ ವರಿ ಕ್ಹಾರಾವೊನೆ ಮಯಾಕರಾನು ಪೈಲಾ ಕರೊ. 43ಫರಿಸಾಯರೊ ತುಮಾರಿ ಗತಿ ಮಿ ಸು ಕೌ,ಸಭಾಮಂದಿರಮಾ ಖಾಸ ಜ಼ಗಾವೊಪರ ವಾನಿಯಾನಿ ವರಿ ವಾಟ್ಪರ ಮನಕ್ಹೊ ತುಮೊನೆ ಪಗೆ ಪಡಾನು ತುಮೊನೆ ಘನ್ನು ಚೊ಼ಕು ವ್ಹೈ. 44ತುಮೆ ಬುಜ್ಜೈ಼ಗಯಲ ಮಜಾ಼ರೊ ಲಿಂಗತ ವ್ಹೈ. ಮನಕ್ಹೊ ತುಮೆ ಮಜಾ಼ರೊ ನ್ಹವೈ ಕೈನ ತಿಳ್ದಿನ ತುಮೊಪರ ಚಾ಼ಲಸ.
ಶಾಸ್ತ್ರಿಯೊನೆ ಯೆಸು ಕದಲ
45ಎ ಕ್ಹಾರು ಕದಲ ಐಕಿನ ಧರಮ ಉಪದೆಶ ಕವಾಲೊ ಯಕ್ಲೊ ಯೆಸುನೆ ಭೊದಕ ತು ಎವಾತೊ ಕವಾಕ್ಹು ಹಮಾರಾ ಮನಕ್ಹೊನೆ ಬೆಜ್ಜಾರ ಕರಲ ಲಿಂಗತ ಥಯುಸ ಕತಾಮಾ ಯೆಸು.
46ಧರಮ ಉಪದೆಶ ಕರಾಲಾವೊ, ತುಮಾರಿ ಗತಿ ಮಿ ಸು ಕೌ? ತುಮೆ ಮನಕ್ಹೊ ನೈ ಪಾಲ್ಸಾನಾ ನಿಯಮೊ ತ್ಯುನೊನೆ ಪಾಲ್ಸಾನಾ ಕವೊಸಿತೊ ವರಿ ಎ ನಿಯಮೊ ಪಾಲ್ಸುಜ಼ ಕೈನ ಮನಕ್ಹೊನೆ ವತ್ತಾಯ ಕರೊಶಿತೊ. ಮತ್ರಾ ತುಮೆ ತೆ ನಿಯಮೊ ಪಾಲಸ್ತಾ ನೈ ತೊ. 47ತುಮಾರಿ ಗತಿ ಸು ಕೌ! ತುಮೆ ಪ್ರವಾದಿಯೊನೆ ಮಜಾರೊ ಭಾಂದೊಶಿ. ತೆನೈಸೊ ಪ್ರವಾದಿನೆ ಮಾರೆಲ ವಾಲಾ ತುಮಾರಾ ಬಾಪೊಜ಼ ವ್ಹೈ! 48ಅನಾ ಹುತಿ ತುಮಾರಾ ಬಾಪೊ ಕರಲ ಕಾಮೊ ತುಮೆ ವಪ್ಪಿಲಿದ್ಯಾಸ ಮನಕ್ಹೊನೆ ದೆಕಾಡೊಸಿ. ತ್ಯುನೆ ಪ್ರವಾದಿಯೊನೆ ಖಲಾಸ ಕರಿಪಾಡ್ಯಾ. ತುಮೆ ತೆಜ಼ ಪ್ರವಾದಿಯೊನಿಯೊ ಮಜಾ಼ರೊ ಭಾಂದೊಸಿ! 49ತಿನಾ ಹುತಿ ಕ್ಹುದಾನು ಗ್ಯಾನ ಸು ಕವಸ ಕದ್ಯಾಮ,ಮಿ ಮಾರಾ ಪ್ರವಾದಿಯೊನೆ ವರಿ ಅಪೊಸ್ತಲೊನೆ ಮೊಕ್ಕಲುಸ. ಮಾರಾ ದಕ್ಹಾ ಪ್ರವಾದಿಯೊನೆ ವರಿ ಅಪೊಸ್ತಲೊನೆ ಕೆಟ್ಟ ಮನಕ್ಹೊನಾ ಹತ್ಮಾ ಮರಿ ಜಾ಼ವಸ ವರಿ ದಕ್ಹಾಜ಼಼ನಾ ಕಷ್ಟಮಾ ಪಡಸ. 50ತಿನಾಹುತಿ ದುನಿಯಾ ಶುರುತಿಬಿ ಮರಲ ಕ್ಹಾರಾ ಪ್ರವಾದಿಯೊನೆ ಕಾರಣ ಥಯಲ ಎ ಕಾಲನಾ ಮನಕ್ಹೊ ತುಮೆ ಶಿಕ್ಷಾನೆ ಗುರಿ ಥಾವೊಸಿ. 51ಹೆಬಲನೆ ಮಾರಲ ಹುತಿ ಜಕರಿಯಾನೆ ಮಾರಲಹುತಿ ತುಮೊನೆ ಶಿಕ್ಷಾ ಮಳಸ. ಜಕರಿಯಾನೆ, ಬಲಿದಿವಾನಿ ಜ಼ಗಾ ವರಿ ದೆವಾಲಯನಾ ವಚ್ಮಾ಼ ಖಲಾಸ ಕರಾಯಾ. ಹೊ ಇವ್ನೊನೆ ಮಾರಲ ಹುತಿ ತುಮೊನೆ ಶಿಕ್ಷಾ ಮಳಸ. 52ಧರಮ ಉಪದೆಶ ಕರಾಲಾ ತುಮಾರಿ ಗತಿ ಮಿ ಸು ಕೌ! ಕ್ಹುದಾನಾ ಹುತಿ ತುಮೊನೆ ಗ್ವತ್ತ ಛೆ ವರಿಬಿ ತುಮೆ ತುಮಾರು ತುಮೆಜ಼ ಕರೊಶಿ. ಮನಕ್ಹೊಕನ ಕ್ಹುದಾನಾ ಹುತಿ ಕತಾಬಿ ನೈ ಶಿಕ್ಕಲಾತಾಬಿ ನೈ "ಕೈನ ಯೆಸು ಕದ್ಯೊ.
53ಯೆಸು ತ್ಯಾಂತೊ ಜಾ಼ತಾಮಾ ಧರಮ ಕರೊ ಕವಾಲಾ ವರಿ ಫರಿಸಾಯರೊ ಯೆಸುನೆ ವರಿ ದಕ್ಹಾ ತ್ರಾಸ ಕರಾನು ಚಾಲು ಕರ‍್ಯಾ. ತ್ಯುನೆ ಯೆಸುನೆ ಘನಿಯೊ ವಾತೊಮಾ ಪ್ರಶ್ನೆ ಪುಚಾ಼ನು ಚಾಲು ಕರ‍್ಯಾ.
54ಯೆಸುನೆ ವಾತೊಮಾ ಧರಿಯೆ ಕೈನ ವಿಚಾರ ಕರಲೆತಾ, ಯೆಸು ಸುಬಿ ತಪ್ಪ ಕಸ ಕೈನ ಬಿಜು಼-ಬಿಜು಼ ಕವಾಡಾತಾ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Sikkiligar Language © The Word for the World International and Sikkiligar Bhasha Samiti, Madhya Pradesh, 2023