Svun Mateo 17
17
Ja' li' yaloj ti iyac' xojobal ti Jesuse ti iyil oxvo' yajchanc'ope
(Mc 9.2-13; Lc 9.28-36)
1Ti c'alal i'ech vaquib c'ac'ale. Ti Jesuse ibat ta jp'ej toyol vits stuquic xchi'uc li Pedroe, li Jacoboe, xchi'uc li Juan yits'in Jacoboe. 2Tey sq'uelojic ijel ti Jesuse. Iyac' xojobal li sate, co'ol c'u cha'al xojobal c'ac'al, li sc'u'e isacub, co'ol c'u cha'al luz. 3Ja'o iyilic ti Moisese xchi'uc ti Eliase, tey chlo'ilajic xchi'uc ti Jesuse. 4Ti Pedroe ja' yech iyalbe ti Jesuse:
—Cajval, ¡toj lec ti li'otique! Mi chac'ane, ta jmeltsanticotic oxp'ejuc na ta sucbil yanal te'; jp'ej avu'un, jp'ej yu'un Moisés, jp'ej yu'un Elías ―xi.
5Ti c'alal yolel chlo'ilaj li Pedroe, ja'o ital lumal toc, sac taj mec xojobal, ibut'ij scotolic. Tey ta toque ja' o oy much'u ic'opoj, xi iyale: «Li'i ja' Jch'amal, jc'anoj tajmec, bats'i jun co'on yu'un. A'yiic me li c'usitic chayalbeique.» ―Xi.
6C'alal iya'iic chac taje, li yajchanc'optaque ispatan sbaic ta lum ixi'ic ta jmec. 7Ti Jesuse inopoj ech'el, itijatic, ja' yech i'albatic chac li'i:
―Licanic, mu xaxi'ic ―x'utatic.
8C'alal istoy satique, mu xa much'u yan tey iyilic, ja' xa no'ox stuc ti Jesuse.
9Ti c'alal iyalic tal ta vitse, i'albatic yu'un ti Jesuse:
—Mu to me much'u xavalbeic ya'i ti c'usi avilique. Ja'to me xavalic a'yuc ti c'alal cha'cuxiemon xa'ox vo'on ti Xch'amal crixchano li c'ote ―x'utatic yu'un ti Jesuse.
10Li yajchanc'optaque isjac'beic ti Jesuse:
—¿C'u yu'un ti chalic li jchanubtasvanejetic ta smantaltac Rioxe ti ba'yi chtal ti Eliase? ―Xutic.
11Itac'av ti Jesuse:
—Melel ti ja' ba'yi ta xtal ti Eliase. Yu'un ja' ba'yi chtal slecubtas scotol. 12Chacalbe ava'iic, ti Eliase i'ay xa, pero muc xojtiquinic. Li crixchanoetique ispasbeic ti c'usi isc'an yo'onique, ismilic. Ja' no'ox yech chismilic uc, vo'on ti Xch'amal crixchano li c'ote ―x'utatic yu'un ti Jesuse.
13Yech'o un ti yajchanc'optaque ja' iyul o ta sjolic ti ja' sc'oplal Juan j'ac'-ich'vo' ti c'usi iyal ti Jesuse.
Ja' li' yaloj ti isloq'uesbe pucuj ta yo'on jun crem ti Jesuse
(Mc 9.14-29; Lc 9.37-43)
14Ti c'alal ic'otic yo' bu tsobol epal crixchanoetique, ja' o tey inopoj ech'el jun vinic, isquejan sba ta stojol ti Jesuse, —xi iyalbee:
15―Cajval, c'uxubinbon li jcreme, yu'un staoj tup'-ic', toj abol sba tajmec; ep ta ech'el ic'ot ta c'oc', ep ta ech'el ip'aj ta vo'. 16Iquic'be tal lavajchanc'optaque, pero muc' xcol yu'unic ―xut ti Jesuse.
17Ti Jesuse itac'av:
—¡Li vo'oxuque chopol ajolic, mu xa ch'unic tajmec! ¿C'u to sjalil tsc'an ti li' chajchi'inoxuque? ¿C'u to sjalil tsc'an chajts'icbeic? Ic'becon tal li creme ―xi.
18Ti Jesuse iyut loq'uel ti pucuje. Iloc' ta stojol li creme. Ora ilecub.
19Ti yajchanc'optaque, ts'acal to isjac'beic ta mucul ti Jesuse:
—¿C'u yu'un ti muc' xloc' cu'unticotic li pucuje? ―Xutic.
20Itac'av ti Jesuse:
—Yu'un mu to bu lec ach'unojic. Ta melel chacalbeic, ti oyuc jset'uc xch'unojel avo'onic jp'ejuc ta bec' mustisyae, xu' chavalbeic li vits li'i: “Loc'an ech'el li'toe batan le'toe” mi xavutique ta xloc' ech'el. Scotol xu' avu'unic ti yechuque —x'utatic yu'un ti Jesuse.
Ja' li' yaloj ti xcha'ech'elal iyal ti chmile ti Jesuse
(Mc 9.30-32; Lc 9.43-45)
22Ti c'alal teyic ta Galileae, ja' yech i'albatic yu'un ti Jesuse:
—Vo'on ti Xch'amal crixchano li c'ote chi'aq'ue entrucal ta stojol crixchanoetic, 23chismilic; pero ta yoxibal c'ac'al chicha'cuxi ―x'utatic.
Ti c'alal iya'iic li yajchanc'optaque, iyat o yo'onic tajmec.
Ja' li' yaloj ti iyac' tojel aq'uel scuenta templo ti Jesuse
24Ti c'alal ic'otic ta Capernaúm xchi'uc yajchanc'optac ti Jesuse, tey ic'otic jayvo' jtsob tojel-aq'uel scuenta templo. Inopojic ech'el yo' bu li Pedroe, xi ijac'bate:
—¿Mi chac' li chib dracma li avajchanubtasvaneje? —X'utat.
25―Ta xac' ―xi li Pedroe.
C'alal i'och ta yut na li Pedroe, ja' ba'yi ic'oponat yu'un ti Jesuse:
―Simón, ¿c'usi chanop? ¿Much'u ta sc'anbe taq'uin li reyetic li' ta sba balamile: mi ja' tsc'anbe li svinictaque, o mi ja' tsc'anbe li yan crixchanoetique? ―X'utat.
26Itac'av li Pedroe:
—Ja' ta sc'anbe li yan crixchanoetique ―xi.
Itac'av ti Jesuse:
—Ti yechuc un bi mu persauc chaq'uic li svinictaque —xi. 27Pero yo' mu soc o sjolique, batan ta nab, tic'o ochel ta nab li ansuelo tsacob choye. Li primero choy chanit loq'uele, jach'bo li yee. Tey yumoj chata jsep estatero. Ich'o tal, ac'bo li much'utic ta stsobe. Tey batuc ta scuenta jcha'va'altic ―x'utat yu'un ti Jesuse.
Currently Selected:
Svun Mateo 17: LeqAC
Highlight
Share
Copy
Want to have your highlights saved across all your devices? Sign up or sign in
© Sociedad Biblica de Mexico AC
Svun Mateo 17
17
Ja' li' yaloj ti iyac' xojobal ti Jesuse ti iyil oxvo' yajchanc'ope
(Mc 9.2-13; Lc 9.28-36)
1Ti c'alal i'ech vaquib c'ac'ale. Ti Jesuse ibat ta jp'ej toyol vits stuquic xchi'uc li Pedroe, li Jacoboe, xchi'uc li Juan yits'in Jacoboe. 2Tey sq'uelojic ijel ti Jesuse. Iyac' xojobal li sate, co'ol c'u cha'al xojobal c'ac'al, li sc'u'e isacub, co'ol c'u cha'al luz. 3Ja'o iyilic ti Moisese xchi'uc ti Eliase, tey chlo'ilajic xchi'uc ti Jesuse. 4Ti Pedroe ja' yech iyalbe ti Jesuse:
—Cajval, ¡toj lec ti li'otique! Mi chac'ane, ta jmeltsanticotic oxp'ejuc na ta sucbil yanal te'; jp'ej avu'un, jp'ej yu'un Moisés, jp'ej yu'un Elías ―xi.
5Ti c'alal yolel chlo'ilaj li Pedroe, ja'o ital lumal toc, sac taj mec xojobal, ibut'ij scotolic. Tey ta toque ja' o oy much'u ic'opoj, xi iyale: «Li'i ja' Jch'amal, jc'anoj tajmec, bats'i jun co'on yu'un. A'yiic me li c'usitic chayalbeique.» ―Xi.
6C'alal iya'iic chac taje, li yajchanc'optaque ispatan sbaic ta lum ixi'ic ta jmec. 7Ti Jesuse inopoj ech'el, itijatic, ja' yech i'albatic chac li'i:
―Licanic, mu xaxi'ic ―x'utatic.
8C'alal istoy satique, mu xa much'u yan tey iyilic, ja' xa no'ox stuc ti Jesuse.
9Ti c'alal iyalic tal ta vitse, i'albatic yu'un ti Jesuse:
—Mu to me much'u xavalbeic ya'i ti c'usi avilique. Ja'to me xavalic a'yuc ti c'alal cha'cuxiemon xa'ox vo'on ti Xch'amal crixchano li c'ote ―x'utatic yu'un ti Jesuse.
10Li yajchanc'optaque isjac'beic ti Jesuse:
—¿C'u yu'un ti chalic li jchanubtasvanejetic ta smantaltac Rioxe ti ba'yi chtal ti Eliase? ―Xutic.
11Itac'av ti Jesuse:
—Melel ti ja' ba'yi ta xtal ti Eliase. Yu'un ja' ba'yi chtal slecubtas scotol. 12Chacalbe ava'iic, ti Eliase i'ay xa, pero muc xojtiquinic. Li crixchanoetique ispasbeic ti c'usi isc'an yo'onique, ismilic. Ja' no'ox yech chismilic uc, vo'on ti Xch'amal crixchano li c'ote ―x'utatic yu'un ti Jesuse.
13Yech'o un ti yajchanc'optaque ja' iyul o ta sjolic ti ja' sc'oplal Juan j'ac'-ich'vo' ti c'usi iyal ti Jesuse.
Ja' li' yaloj ti isloq'uesbe pucuj ta yo'on jun crem ti Jesuse
(Mc 9.14-29; Lc 9.37-43)
14Ti c'alal ic'otic yo' bu tsobol epal crixchanoetique, ja' o tey inopoj ech'el jun vinic, isquejan sba ta stojol ti Jesuse, —xi iyalbee:
15―Cajval, c'uxubinbon li jcreme, yu'un staoj tup'-ic', toj abol sba tajmec; ep ta ech'el ic'ot ta c'oc', ep ta ech'el ip'aj ta vo'. 16Iquic'be tal lavajchanc'optaque, pero muc' xcol yu'unic ―xut ti Jesuse.
17Ti Jesuse itac'av:
—¡Li vo'oxuque chopol ajolic, mu xa ch'unic tajmec! ¿C'u to sjalil tsc'an ti li' chajchi'inoxuque? ¿C'u to sjalil tsc'an chajts'icbeic? Ic'becon tal li creme ―xi.
18Ti Jesuse iyut loq'uel ti pucuje. Iloc' ta stojol li creme. Ora ilecub.
19Ti yajchanc'optaque, ts'acal to isjac'beic ta mucul ti Jesuse:
—¿C'u yu'un ti muc' xloc' cu'unticotic li pucuje? ―Xutic.
20Itac'av ti Jesuse:
—Yu'un mu to bu lec ach'unojic. Ta melel chacalbeic, ti oyuc jset'uc xch'unojel avo'onic jp'ejuc ta bec' mustisyae, xu' chavalbeic li vits li'i: “Loc'an ech'el li'toe batan le'toe” mi xavutique ta xloc' ech'el. Scotol xu' avu'unic ti yechuque —x'utatic yu'un ti Jesuse.
Ja' li' yaloj ti xcha'ech'elal iyal ti chmile ti Jesuse
(Mc 9.30-32; Lc 9.43-45)
22Ti c'alal teyic ta Galileae, ja' yech i'albatic yu'un ti Jesuse:
—Vo'on ti Xch'amal crixchano li c'ote chi'aq'ue entrucal ta stojol crixchanoetic, 23chismilic; pero ta yoxibal c'ac'al chicha'cuxi ―x'utatic.
Ti c'alal iya'iic li yajchanc'optaque, iyat o yo'onic tajmec.
Ja' li' yaloj ti iyac' tojel aq'uel scuenta templo ti Jesuse
24Ti c'alal ic'otic ta Capernaúm xchi'uc yajchanc'optac ti Jesuse, tey ic'otic jayvo' jtsob tojel-aq'uel scuenta templo. Inopojic ech'el yo' bu li Pedroe, xi ijac'bate:
—¿Mi chac' li chib dracma li avajchanubtasvaneje? —X'utat.
25―Ta xac' ―xi li Pedroe.
C'alal i'och ta yut na li Pedroe, ja' ba'yi ic'oponat yu'un ti Jesuse:
―Simón, ¿c'usi chanop? ¿Much'u ta sc'anbe taq'uin li reyetic li' ta sba balamile: mi ja' tsc'anbe li svinictaque, o mi ja' tsc'anbe li yan crixchanoetique? ―X'utat.
26Itac'av li Pedroe:
—Ja' ta sc'anbe li yan crixchanoetique ―xi.
Itac'av ti Jesuse:
—Ti yechuc un bi mu persauc chaq'uic li svinictaque —xi. 27Pero yo' mu soc o sjolique, batan ta nab, tic'o ochel ta nab li ansuelo tsacob choye. Li primero choy chanit loq'uele, jach'bo li yee. Tey yumoj chata jsep estatero. Ich'o tal, ac'bo li much'utic ta stsobe. Tey batuc ta scuenta jcha'va'altic ―x'utat yu'un ti Jesuse.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Biblica de Mexico AC