Svun Mateo 24
24
Ja' li' yaloj ti iyal ti Jesuse ti ta sta yora ta xlomesat li muc'ta temploe
(Mc 13.1-2; Lc 21.5-6)
1C'alal iloc' xa'ox ech'el ta templo ti Jesuse, c'alal yolel xa'ox chanav ech'ele, li yajchanc'optaque inopojic ech'el tey iyac'beic yil ti c'ux'elan meltsanbil li temploe. 2I'albatic yu'un ti Jesuse:
—¿Mi avilic xa scotol c'ux'elan? Ta melel chacalbeic, ti tsta yora chich' lomesel scotole. Mu xa bu cajal chcom jp'ejuc ton ta sba li yan tonetique ―x'utatic yu'un ti Jesuse.
Ja' li' yaloj ti c'usitic ta to xtal ti c'alal po'ot xa'ox xlaj li balamile
(Mc 13.3-23; Lc 21.7-24; 17.22-24)
3Ti c'alal tey chotol ta vits Olivotic ti Jesuse, li yajchanc'optaque inopojic ech'el, yu'un oy c'usi tsc'an tsjac'beic ta stuquic:
―¿C'usi ora ch-c'ot ta pasel li c'usi avale, c'usitic seña ti c'alal po'ot xa'ox xacha'sut tale xchi'uc c'alal ch-laj li balamile? ―Xutic.
4Itac'av ti Jesuse:
—P'ijanic me, mu me much'u xa slo'loic. 5Yu'un ep ti much'utic chtale, “vo'on Cristoon”, xiic. Ep crixchanoetic ta slo'loic. 6C'alal chava'iic ti chlic milbail ta yantic nacione xchi'uc ti oy much'u chalic ti ta xa xlic milbaile, mu me xaxi'ic o. Yu'un ch-c'ot ono'ox ta pasel yech, pero ma'uc to yora chlaj li balamile. 7Ta to xlic scrontain sbaic nación xchi'uc yantic nacionetic, ta to scrontain sbaic jyu'eletic xchi'uc yantic jyu'eletic. Ta xtal vi'nal, ta x'ech' niquel ta buyuc no'ox. 8Scotol taje sliqueb to vocol.
9»Ta xa aq'ueic entrucal, chavich'ic ilbajinel xchi'uc chavich'ic milel. Scotol li yantic nacionetique mu xa sc'anic, chavich'ic p'ajel ta scoj ti avich'ojicon ta muq'ue. 10C'alal ch-c'ot yorail chac taje, ep much'utic chicta sbaic ta yich'el ta muc' ti cajvaltique. Ti much'utic chicta sbaique, chopol xa chilic ti much'utic mu xicta sbaique. Ja' xa ch-ac'vanic entrucal. 11Ta to xtal ep j'alc'opetic yilel. Ep ta tslo'loic li crixchanoetique. 12Ch-epaj li c'usitic chopole, ep ti much'utic chicta sbaic ta sc'anel li xchi'ilique. 13Pero ti much'utic chcuch yu'unic li ilbajinele, mi mu xicta o sbaic ti c'u sjalil cuxulique, ja' ta xcuxiic ta sbatel osil. 14Ba'yi chvinaj ta sjunlej balamil li sc'oplal coltael yu'un ti Cristoe xchi'uc ti tspasvan ta mantale. Mi iya'iic xa scotol li nacionetique, ja' o xa chlaj li balamile ―x'utatic.
15»Ti c'alal xavilic ti chich' soquesel scotol li c'usitic oy ta yut temploe, chac c'u cha'al iyal onox ti Daniel yaj'alc'op Rioxe,—Li much'u tsq'uel li c'usi tsibabil yu'un li Daniele, ac'u ya'ibe lec smelol—, 16ti much'utic tey nacalic ta Judeae ac'u jatavicuc ech'el ta te'tic; 17ti much'u tey ox ta sjol snae, mu xa me xyal stam c'usuc yu'un; 18ti much'utic teyic ox ta yabtel ta yosilique, mu xa me ya'uc sut stam spimilc'u'ic. 19¡Toj abol sbaic tajmec li antsetic ti much'utic ja' o oy xch'utique xchi'uc ti much'utic ta to xchu'un yolique! 20C'oponic Riox ti mu me ja'uc o yorail sictic xchi'uc sc'ac'alil chacuxic ti c'alal xajatavique; 21yu'un tsots tajmec li vocol ta xtale. Muc' bu x'ech' o yech ta spasel balamil, ja'to chtal. Ti c'alal x'ech'e, mu xa bu chtal noxtoc. 22Ti ch-jalijuc tajmec li vocole, muc' much'u cuxul ch-com ti yechuque. Pero ta scoj ti sc'anoj tajmec ti much'utic st'ujoj ti Rioxe. Muc'bu chjalij li vocole.
23»Yech'o un, mi oy much'u chayalbeique: “Q'uelavilic li' xa li Cristoe”, “Tey xa tajtoe”, mi xayutique, mu me xa ch'unic. 24Yu'un ta ono'ox xtalic ti much'utic tsp'is sbaic ta Cristoe xchi'uc ti much'utic tsp'isbaic ta j'alc'ope. Chac' ta ilel slequilal syu'elalic, tspasic ti c'usitic muc' much'u xu' yu'un spasele, ja' ch-lo'lovanic o. Ti xu'uc yu'unique ta tslo'lo ya'iic uc ti much'utic t'ujbilique. 25P'ijanic me un, ba'yi me lacalbeic scotol. 26Yech'o un, ti mi oy much'u chayalbeique, “tey xa ta xocol balamil li Cristoe”, mi xayutique, mu me xba aq'uelic. “Tey xa ta yut na”, mi oy much'u xayutic noxtoque, mu me xa ch'unic. 27Yu'un ti c'alal xicha'sut tal vo'on ti Xch'amal crixchano li c'ote, co'ol c'u cha'al sactsevul ti xlebluj ta loq'ueb c'ac'ale, ti chvinaj to ech'el c'alal maleb c'ac'ale. 28Co'ol xchi'uc ti c'alal oy bu stsob sba xuleme, yu'un oy c'usi tey chamem.
Ja' li' yaloj ti c'u x'elan ti c'alal xcha'sut tal ti Cajvaltic Jesucristoe
(Mc 13.24-37; Lc 21.25-36; 17.26-30; 12.41-48)
29»Ti c'alal xlaj ech'uc scotol li vocoletic lacalbeique, ja'o chmac sat li c'ac'ale ch-ic'ub osil, mu xa xac' xojobal li jch'ulme'tique. Li c'analetic ta vinajele ta xlaj p'ajuc yalel tal. Chnic scotol li c'usitic oy syu'el ta vinajele. 30Ja'o ta xvinaj tal seña ta vinajel ti chital vo'on ti Xch'amal crixchano li c'ote. Scotol ti jaytos crixchanoetic oy ta sjunlej balamile ta x'oq'uic ta xi'el. Ta xilic chiyaltal ta ba toc ta vinajel xchi'uc jlequilal jyu'elal vo'on ti Xch'amal crixchano li c'ote. 31Tsots ch-oc' corneta noxtoc, ja'o ta jtac tal caj-angeltac yu'un ja' chtal stsobic ta xchanjechel balamil scotol ti much'utic jt'ujoje.
32»Ja' q'uelic c'u x'elan li ic'uxe: Ti c'alal x'unenaj li sni'e xchi'uc ti c'alal ta sq'uexp'unaj li yanale, ja' chavilic o ti ch-och xa li vo'tique. 33Ja' no'ox yech noxtoc ti c'alal chavilic ti chlaj c'otuc li c'usitic icale, ja' chvinaj o ti chicha'sut xa tale. 34Ta melel chacalbeic, ti oy to'ox cuxul jlom ti much'utic cuxul lavie ti c'alal xlaj c'otuc ta pasel li c'usitic lacalbeique. 35Li vinajel balamile chlaj onox. Yan li c'usitic chcale, mu xch'ay sc'oplal.
36»Ti c'usi ora chicha'sut tale muc' much'u sna', mi ja'uc ti angeletic ta vinajele, mi ja'uc li vo'one mu jna' uc. Stuc no'ox sna'oj ti Jtote.
37»Ti c'alal xi cha'sutal vo'on ti Xch'amal crixchano li c'ote, ja' yech ch-c'ot ta pasel chac c'u cha'al ic'ot ti c'alal cuxul to'ox ti Noee. 38C'alal mu to'ox chtal ti nojele, jun yo'on ive'ic, iyuch'ic vo', inupunic, iyac' ta nupunel stsebic. Pero c'alal ital ti nojele, c'alal i'och ta barco ti Noee, ja' to tey quechel icom scotol ti c'usitic tspasique. 39Muc' xch'unic ti chtal nojele. Ja'to ixch'unic c'alal itale, pero muc' xa xcolic, icham scotolic. Ja' no'ox yech c'alal xicha'sut tal vo'on ti Xch'amal crixchano li c'ote. 40Mi oy cha'vo' vinic ti tsobol ch-abtejique, jun chich' iq'uel ech'el, jun chcom. 41Mi oy cha'vo' ants ti tsobol chjuch'unique, jun chich' iq'uel ech'el, jun chcom.
42»Vic'o me asatic a'yic no'ox me osil, yu'un mu xana'ic c'usi ora ch-cha'sutal la Vajvalique. 43Chacalbe ava'iic, li jun yajval nae, ti sna'ojuc jayib ora ac'ubal chtal li j'eleq'ue, ta xchabi li snae muc' bu chvay ti yech'uque. 44Ja' no'ox yech tsc'an chamalaicon no'ox, ac'u mi mu xana'ic c'usi ora chicha'sut tal vo'on ti Xch'amal crixchano li c'ote. Mu me ch'ayemuc avo'onic chul jtaoxuc.
Ja' li yaloj ti oy jlequil j'abtel xchi'uc chopol j'abtele
(Lc 12.41-48)
45»¿Much'u li jun j'abtel ti sjunul yo'on ch-abtej, ti sna' stuc'ulanel li abtele? Ja' ti much'u ch-ac'bat scuentain smac'linel li xchi'iltac ta abtel ti c'alal sta yora ve'ele. 46Toj jun yo'on ti c'alal yolel ch-abtej chul stael yu'un yajval li jun j'abtele. 47Ta melel chacalbeic, ta x'ac'bat scuentain scotol li c'usuc yu'un yajvale. 48Yan li much'u chopol sjol li j'abtele, mu to nan xtal li Cajvale xi tsnop 49chlic yut, chlic smaj li xchi'iltac ta abtele, ja' chba xchi'in ta ve'el ta uch' pox li jyacubeletique, 50ti c'alal muc'bu snopoj mi tsut xa tal li yajvale, li yajvale ja'o xa tsutal, 51chul ac'batuc tsots castico yu'un li yajvale, co'ol chich'ic castico xchi'uc ti much'utic yich'ojic ta muc' Riox ti ta alele, tey x'oq'ueletic, xc'uxuxet o yeic yu'un tsots castico chich'ic ―x'utatic yu'un ti Jesuse.
Currently Selected:
Svun Mateo 24: LeqAC
Highlight
Share
Copy
Want to have your highlights saved across all your devices? Sign up or sign in
© Sociedad Biblica de Mexico AC
Svun Mateo 24
24
Ja' li' yaloj ti iyal ti Jesuse ti ta sta yora ta xlomesat li muc'ta temploe
(Mc 13.1-2; Lc 21.5-6)
1C'alal iloc' xa'ox ech'el ta templo ti Jesuse, c'alal yolel xa'ox chanav ech'ele, li yajchanc'optaque inopojic ech'el tey iyac'beic yil ti c'ux'elan meltsanbil li temploe. 2I'albatic yu'un ti Jesuse:
—¿Mi avilic xa scotol c'ux'elan? Ta melel chacalbeic, ti tsta yora chich' lomesel scotole. Mu xa bu cajal chcom jp'ejuc ton ta sba li yan tonetique ―x'utatic yu'un ti Jesuse.
Ja' li' yaloj ti c'usitic ta to xtal ti c'alal po'ot xa'ox xlaj li balamile
(Mc 13.3-23; Lc 21.7-24; 17.22-24)
3Ti c'alal tey chotol ta vits Olivotic ti Jesuse, li yajchanc'optaque inopojic ech'el, yu'un oy c'usi tsc'an tsjac'beic ta stuquic:
―¿C'usi ora ch-c'ot ta pasel li c'usi avale, c'usitic seña ti c'alal po'ot xa'ox xacha'sut tale xchi'uc c'alal ch-laj li balamile? ―Xutic.
4Itac'av ti Jesuse:
—P'ijanic me, mu me much'u xa slo'loic. 5Yu'un ep ti much'utic chtale, “vo'on Cristoon”, xiic. Ep crixchanoetic ta slo'loic. 6C'alal chava'iic ti chlic milbail ta yantic nacione xchi'uc ti oy much'u chalic ti ta xa xlic milbaile, mu me xaxi'ic o. Yu'un ch-c'ot ono'ox ta pasel yech, pero ma'uc to yora chlaj li balamile. 7Ta to xlic scrontain sbaic nación xchi'uc yantic nacionetic, ta to scrontain sbaic jyu'eletic xchi'uc yantic jyu'eletic. Ta xtal vi'nal, ta x'ech' niquel ta buyuc no'ox. 8Scotol taje sliqueb to vocol.
9»Ta xa aq'ueic entrucal, chavich'ic ilbajinel xchi'uc chavich'ic milel. Scotol li yantic nacionetique mu xa sc'anic, chavich'ic p'ajel ta scoj ti avich'ojicon ta muq'ue. 10C'alal ch-c'ot yorail chac taje, ep much'utic chicta sbaic ta yich'el ta muc' ti cajvaltique. Ti much'utic chicta sbaique, chopol xa chilic ti much'utic mu xicta sbaique. Ja' xa ch-ac'vanic entrucal. 11Ta to xtal ep j'alc'opetic yilel. Ep ta tslo'loic li crixchanoetique. 12Ch-epaj li c'usitic chopole, ep ti much'utic chicta sbaic ta sc'anel li xchi'ilique. 13Pero ti much'utic chcuch yu'unic li ilbajinele, mi mu xicta o sbaic ti c'u sjalil cuxulique, ja' ta xcuxiic ta sbatel osil. 14Ba'yi chvinaj ta sjunlej balamil li sc'oplal coltael yu'un ti Cristoe xchi'uc ti tspasvan ta mantale. Mi iya'iic xa scotol li nacionetique, ja' o xa chlaj li balamile ―x'utatic.
15»Ti c'alal xavilic ti chich' soquesel scotol li c'usitic oy ta yut temploe, chac c'u cha'al iyal onox ti Daniel yaj'alc'op Rioxe,—Li much'u tsq'uel li c'usi tsibabil yu'un li Daniele, ac'u ya'ibe lec smelol—, 16ti much'utic tey nacalic ta Judeae ac'u jatavicuc ech'el ta te'tic; 17ti much'u tey ox ta sjol snae, mu xa me xyal stam c'usuc yu'un; 18ti much'utic teyic ox ta yabtel ta yosilique, mu xa me ya'uc sut stam spimilc'u'ic. 19¡Toj abol sbaic tajmec li antsetic ti much'utic ja' o oy xch'utique xchi'uc ti much'utic ta to xchu'un yolique! 20C'oponic Riox ti mu me ja'uc o yorail sictic xchi'uc sc'ac'alil chacuxic ti c'alal xajatavique; 21yu'un tsots tajmec li vocol ta xtale. Muc' bu x'ech' o yech ta spasel balamil, ja'to chtal. Ti c'alal x'ech'e, mu xa bu chtal noxtoc. 22Ti ch-jalijuc tajmec li vocole, muc' much'u cuxul ch-com ti yechuque. Pero ta scoj ti sc'anoj tajmec ti much'utic st'ujoj ti Rioxe. Muc'bu chjalij li vocole.
23»Yech'o un, mi oy much'u chayalbeique: “Q'uelavilic li' xa li Cristoe”, “Tey xa tajtoe”, mi xayutique, mu me xa ch'unic. 24Yu'un ta ono'ox xtalic ti much'utic tsp'is sbaic ta Cristoe xchi'uc ti much'utic tsp'isbaic ta j'alc'ope. Chac' ta ilel slequilal syu'elalic, tspasic ti c'usitic muc' much'u xu' yu'un spasele, ja' ch-lo'lovanic o. Ti xu'uc yu'unique ta tslo'lo ya'iic uc ti much'utic t'ujbilique. 25P'ijanic me un, ba'yi me lacalbeic scotol. 26Yech'o un, ti mi oy much'u chayalbeique, “tey xa ta xocol balamil li Cristoe”, mi xayutique, mu me xba aq'uelic. “Tey xa ta yut na”, mi oy much'u xayutic noxtoque, mu me xa ch'unic. 27Yu'un ti c'alal xicha'sut tal vo'on ti Xch'amal crixchano li c'ote, co'ol c'u cha'al sactsevul ti xlebluj ta loq'ueb c'ac'ale, ti chvinaj to ech'el c'alal maleb c'ac'ale. 28Co'ol xchi'uc ti c'alal oy bu stsob sba xuleme, yu'un oy c'usi tey chamem.
Ja' li' yaloj ti c'u x'elan ti c'alal xcha'sut tal ti Cajvaltic Jesucristoe
(Mc 13.24-37; Lc 21.25-36; 17.26-30; 12.41-48)
29»Ti c'alal xlaj ech'uc scotol li vocoletic lacalbeique, ja'o chmac sat li c'ac'ale ch-ic'ub osil, mu xa xac' xojobal li jch'ulme'tique. Li c'analetic ta vinajele ta xlaj p'ajuc yalel tal. Chnic scotol li c'usitic oy syu'el ta vinajele. 30Ja'o ta xvinaj tal seña ta vinajel ti chital vo'on ti Xch'amal crixchano li c'ote. Scotol ti jaytos crixchanoetic oy ta sjunlej balamile ta x'oq'uic ta xi'el. Ta xilic chiyaltal ta ba toc ta vinajel xchi'uc jlequilal jyu'elal vo'on ti Xch'amal crixchano li c'ote. 31Tsots ch-oc' corneta noxtoc, ja'o ta jtac tal caj-angeltac yu'un ja' chtal stsobic ta xchanjechel balamil scotol ti much'utic jt'ujoje.
32»Ja' q'uelic c'u x'elan li ic'uxe: Ti c'alal x'unenaj li sni'e xchi'uc ti c'alal ta sq'uexp'unaj li yanale, ja' chavilic o ti ch-och xa li vo'tique. 33Ja' no'ox yech noxtoc ti c'alal chavilic ti chlaj c'otuc li c'usitic icale, ja' chvinaj o ti chicha'sut xa tale. 34Ta melel chacalbeic, ti oy to'ox cuxul jlom ti much'utic cuxul lavie ti c'alal xlaj c'otuc ta pasel li c'usitic lacalbeique. 35Li vinajel balamile chlaj onox. Yan li c'usitic chcale, mu xch'ay sc'oplal.
36»Ti c'usi ora chicha'sut tale muc' much'u sna', mi ja'uc ti angeletic ta vinajele, mi ja'uc li vo'one mu jna' uc. Stuc no'ox sna'oj ti Jtote.
37»Ti c'alal xi cha'sutal vo'on ti Xch'amal crixchano li c'ote, ja' yech ch-c'ot ta pasel chac c'u cha'al ic'ot ti c'alal cuxul to'ox ti Noee. 38C'alal mu to'ox chtal ti nojele, jun yo'on ive'ic, iyuch'ic vo', inupunic, iyac' ta nupunel stsebic. Pero c'alal ital ti nojele, c'alal i'och ta barco ti Noee, ja' to tey quechel icom scotol ti c'usitic tspasique. 39Muc' xch'unic ti chtal nojele. Ja'to ixch'unic c'alal itale, pero muc' xa xcolic, icham scotolic. Ja' no'ox yech c'alal xicha'sut tal vo'on ti Xch'amal crixchano li c'ote. 40Mi oy cha'vo' vinic ti tsobol ch-abtejique, jun chich' iq'uel ech'el, jun chcom. 41Mi oy cha'vo' ants ti tsobol chjuch'unique, jun chich' iq'uel ech'el, jun chcom.
42»Vic'o me asatic a'yic no'ox me osil, yu'un mu xana'ic c'usi ora ch-cha'sutal la Vajvalique. 43Chacalbe ava'iic, li jun yajval nae, ti sna'ojuc jayib ora ac'ubal chtal li j'eleq'ue, ta xchabi li snae muc' bu chvay ti yech'uque. 44Ja' no'ox yech tsc'an chamalaicon no'ox, ac'u mi mu xana'ic c'usi ora chicha'sut tal vo'on ti Xch'amal crixchano li c'ote. Mu me ch'ayemuc avo'onic chul jtaoxuc.
Ja' li yaloj ti oy jlequil j'abtel xchi'uc chopol j'abtele
(Lc 12.41-48)
45»¿Much'u li jun j'abtel ti sjunul yo'on ch-abtej, ti sna' stuc'ulanel li abtele? Ja' ti much'u ch-ac'bat scuentain smac'linel li xchi'iltac ta abtel ti c'alal sta yora ve'ele. 46Toj jun yo'on ti c'alal yolel ch-abtej chul stael yu'un yajval li jun j'abtele. 47Ta melel chacalbeic, ta x'ac'bat scuentain scotol li c'usuc yu'un yajvale. 48Yan li much'u chopol sjol li j'abtele, mu to nan xtal li Cajvale xi tsnop 49chlic yut, chlic smaj li xchi'iltac ta abtele, ja' chba xchi'in ta ve'el ta uch' pox li jyacubeletique, 50ti c'alal muc'bu snopoj mi tsut xa tal li yajvale, li yajvale ja'o xa tsutal, 51chul ac'batuc tsots castico yu'un li yajvale, co'ol chich'ic castico xchi'uc ti much'utic yich'ojic ta muc' Riox ti ta alele, tey x'oq'ueletic, xc'uxuxet o yeic yu'un tsots castico chich'ic ―x'utatic yu'un ti Jesuse.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Biblica de Mexico AC