Svun Marcos 2
2
Ja' li' yaloj ti itsatsub yoc sc'ob ti jun vinique
(Mt 9.1-8; Lc 5.17-26)
1Ts'acal to c'alal i'ech' jayib c'ac'ale, ti Jesuse isut ta Capernaúm. Ti c'alal iya'iic ti tey xa ta nae, 2Istsob sbaic ech'el epal crixchanoetic yo' bu ti Jesuse. Mu xa x'ochic o li ti'nae. Ti Jesuse tey lic yal a'yuc li lequil ach' c'ope. 3Ta chanvo' yajval tey sq'uechojic c'otel ta pop jun vinic, yu'un ch'abal yip jun yoc sc'ob. 4Ta scoj ti ep tajmec li crixchanoetique muc' sta ochel sbeic yo' bu ti Jesuse, solel imuyic ta bana, ixch'ojic jset' yo' bu stuq'uil ti Jesuse, isyalesic xchi'uc spop li jchamele. 5Ti c'alal iyil ti Jesuse ti xch'unojic ti oy syu'ele, xi iyalbe li much'u ipe:
―Jch'amal, ac'bilot xa pertonal yu'un lamule ―xut.
6Tey chotajtic jayvo' ti much'utic ta xchanubtasvanic ta smantaltac Rioxe. Ja' yech isnopic chac li'i: 7«¿C'u yu'un ti bats'i x'elan chale? Li c'usi chale ta ch-chopol c'opta o ti Rioxe. Yu'un ja' no'ox Riox xu' chac' pertonal ta scuenta li mulile.» Xi ta yo'onic 8Ti Jesuse yiloj ti c'usi isnopique, yech'o un ja' yech iyalbe chac li'i:
―¿C'u yu'un ti x'elan chanopique? —Xut. 9¿C'usi ti más c'un ta albel li vinic ch'abal yip yoc sc'obe: “Mi ja' ti ac'bilot xa pertonal yu'un lamule”, o mi ja' ti “lican tamo ech'el la pope xanavan ti ch-cutique”? 10Vo'on ti Xch'amal crixchano li c'ote chcac' avilic ti vo'on tsots quich'oj cabtel li' ta sba balamile ti xu' ch-cac' pertonale, ―x'utatic.
Yech'o un ja' yech iyalbe li much'u alubem yoc sc'obe:
11―Vo'on chacalbe, lican, tamo ech'el lapope, batan ta ana ―x'utat yu'un Jesús ti vinique.
12Ora ilic li jchamele, istam li spope, ta bail ta satil iloc' ech'el teyo'e. Ti x'elan ic'ot ta pasele xch'ayet xa o yo'onic scotolic xchi'uc iyich'ic o ta muc' ti Rioxe, ja' yech iyalic chac li'i:
―Muc' bu xquiltic o yech xc'ot ta pasel ti x'elan ispase ―xiic.
Ja' li' yaloj ti i'iq'ue yu'un Jesús ti Levie
(Mt 9.9-13; Lc 5.27-32)
13Ts'acal to ibat noxtoc ta ti'nab ti Jesuse. Li crixchanoetique, inopojic ech'el, ti Jesuse tey ichanubtasvan. 14C'alal chanav ech'el ti Jesuse tey iyil li Leví screm Alfeoe, tey chotol ta xchotleb yo' bu tsc'anbe li sloc' c'usiticuque, ja' yech iyalbe chac li'i:
―La', batic ―xut.
Li Levie va' xi ech'el ba xchi'in ti Jesuse.
15C'alal tey yolel chve' ta sna Leví ti Jesuse, tey ep jc'an-loc'-c'usiticuc xchi'uc ti much'utic más chopol c'usitic tspasique, ixchol sbaic ta mexa scotolic xchi'uc ti Jesuse xchi'uc ti yajchanc'optaque, yu'un ep ti much'utic isnap'letaic ech'ele. 16Tey jayvo' ti much'utic ta xchanubtasvanic ta smantaltac Rioxe ti ochemic ta fariseoale, c'alal iyilic ti tsobol chve' xchi'uc jc'an-loc'-c'usiticuc ti Jesuse, xchi'uc ti much'utic más chopol c'usitic tspasique, ijac'batic li yajchanc'optaque:
―¿C'u yu'un lavajchanubtasvanejique ti tsobol chve' xchi'uc li jc'an-loc'-c'usiticuque xchi'uc li much'utic más chopol c'usitic tspasique? ―X'utatic.
17Ti Jesuse iya'i ti c'usi iyalique, ja' yech iyalbe chac li'i:
―Ti much'utic lequique, mu c'u stu yu'unic jpoxtavanej; ja' no'ox ti much'utic ipique. Li vo'one ma'uc tal quic' ti much'utic ch'abal smulique. Ja' tal quic' ti much'utic oy smulique ―x'utatic yu'un ti Jesuse.
Ja' li' yaloj ti isjac'beic ti Jesuse ti c'u yu'un ti mu xicta yotic ti yajchanc'optaque
(Mt 9.14-17; Lc 5.33-39)
18C'alal ja' o yictaoj yotic li yajchanc'optac Juan j'ac'-ich'vo'e xchi'uc li jfariseoetique, oy jayvo' c'ot sjac'beic ti Jesuse:
―Li yajchanc'optac Juane xchi'uc li jfariseoetique ta xicta yotic, ¿C'u yu'un ti mu xicta yotic lavajchanc'optac li vo'ote? ―Xutic.
19Itac'av ti Jesuse:
―¿Mi stac xicta yotic xana'ic li much'utic ic'bilic ta q'uin nupunele ti c'alal tey to xchi'uquic li crem ta xnupune? Ti c'alal tey to xchi'uquic li jnupunel creme, mu xu xicta yotic. 20Pero tsta yora ti ch-iq'ue ech'el li jnupunel creme; ti mi ista sc'ac'alile ja' to xu' xicta yotic un bi.
21»Muc' much'u tspac'an ta ach' manta li c'a'c'u'ule. Yu'un li ach' mantae ta tsmuts, más xa chjat o li c'a'c'u'ule. 22Ja' chac c'u cha'al li ach' ya'lel uvae, muc' much'u ta xch'ol ta poco' nucul, ti mi ta xch'ol ta poco' nucule, ta xt'om li nucule, yech no'ox ta xmal, yech no'ox ta xch'ay noxtoc li yave. Li ach' ya'lel uvae ja' tsc'an ti ach' yav chich' ch'olel oe ―x'utatic yu'un ti Jesuse.
Ja' li' yaloj ti isc'asic jaychev trigo ta sc'ac'alil ta xcuxic li yajchanc'optac ti Jesuse
(Mt 12.1-8; Lc 6.1-5)
23C'alal ja' o sc'ac'alil ta xcuxique, ja' o tey i'ech' ta trigoaltic xchi'uc yajchanc'optac ti Jesuse, isc'asic jaychev trigo. 24Li jfariseoetique isjac'beic:
―¿C'u yu'un ti tsc'asic trigo ta sc'ac'alil ta jcuxtic lavajchanc'optaque ti ca'yojtic ti mu staq'ue? ―Xutic ti Jesuse.
25Ti Jesuse itac'av:
—¿Mi muc' bu aq'uelojic ta sc'op Riox ti c'usi ispas ti Davide ti c'alal ivi'naj xchi'uc ti xchi'iltac ta xanvile? 26Ti c'alal ja'o ochem ta totil paleal ti Abiatare. Ti Davide tey i'ochic ta sna ti Rioxe, istam sve' li ch'ul pan ti ac'bil ta stojol ti Rioxe, ti sc'oplal ja' no'ox xu' tsve'ic li paleetique; ti Davide iyac'be sve' ti much'utic tey xchi'uc ech'ele.
27Iyal noxtoc ti Jesuse:
―Li sc'ac'alil ta jcuxtique iyich' aq'uel ta scuenta slequilal li crixchanoe, pero ma'uc scuenta tspas ta mantal crixchano li c'ac'ale. 28Yech'o un vo'on ti Xch'amal crixchano li c'ote vo'on yajvalon li sc'ac'alil ta jcuxtique. X'utatic yu'un ti Jesuse.
Currently Selected:
Svun Marcos 2: LeqAC
Highlight
Share
Copy
Want to have your highlights saved across all your devices? Sign up or sign in
© Sociedad Biblica de Mexico AC
Svun Marcos 2
2
Ja' li' yaloj ti itsatsub yoc sc'ob ti jun vinique
(Mt 9.1-8; Lc 5.17-26)
1Ts'acal to c'alal i'ech' jayib c'ac'ale, ti Jesuse isut ta Capernaúm. Ti c'alal iya'iic ti tey xa ta nae, 2Istsob sbaic ech'el epal crixchanoetic yo' bu ti Jesuse. Mu xa x'ochic o li ti'nae. Ti Jesuse tey lic yal a'yuc li lequil ach' c'ope. 3Ta chanvo' yajval tey sq'uechojic c'otel ta pop jun vinic, yu'un ch'abal yip jun yoc sc'ob. 4Ta scoj ti ep tajmec li crixchanoetique muc' sta ochel sbeic yo' bu ti Jesuse, solel imuyic ta bana, ixch'ojic jset' yo' bu stuq'uil ti Jesuse, isyalesic xchi'uc spop li jchamele. 5Ti c'alal iyil ti Jesuse ti xch'unojic ti oy syu'ele, xi iyalbe li much'u ipe:
―Jch'amal, ac'bilot xa pertonal yu'un lamule ―xut.
6Tey chotajtic jayvo' ti much'utic ta xchanubtasvanic ta smantaltac Rioxe. Ja' yech isnopic chac li'i: 7«¿C'u yu'un ti bats'i x'elan chale? Li c'usi chale ta ch-chopol c'opta o ti Rioxe. Yu'un ja' no'ox Riox xu' chac' pertonal ta scuenta li mulile.» Xi ta yo'onic 8Ti Jesuse yiloj ti c'usi isnopique, yech'o un ja' yech iyalbe chac li'i:
―¿C'u yu'un ti x'elan chanopique? —Xut. 9¿C'usi ti más c'un ta albel li vinic ch'abal yip yoc sc'obe: “Mi ja' ti ac'bilot xa pertonal yu'un lamule”, o mi ja' ti “lican tamo ech'el la pope xanavan ti ch-cutique”? 10Vo'on ti Xch'amal crixchano li c'ote chcac' avilic ti vo'on tsots quich'oj cabtel li' ta sba balamile ti xu' ch-cac' pertonale, ―x'utatic.
Yech'o un ja' yech iyalbe li much'u alubem yoc sc'obe:
11―Vo'on chacalbe, lican, tamo ech'el lapope, batan ta ana ―x'utat yu'un Jesús ti vinique.
12Ora ilic li jchamele, istam li spope, ta bail ta satil iloc' ech'el teyo'e. Ti x'elan ic'ot ta pasele xch'ayet xa o yo'onic scotolic xchi'uc iyich'ic o ta muc' ti Rioxe, ja' yech iyalic chac li'i:
―Muc' bu xquiltic o yech xc'ot ta pasel ti x'elan ispase ―xiic.
Ja' li' yaloj ti i'iq'ue yu'un Jesús ti Levie
(Mt 9.9-13; Lc 5.27-32)
13Ts'acal to ibat noxtoc ta ti'nab ti Jesuse. Li crixchanoetique, inopojic ech'el, ti Jesuse tey ichanubtasvan. 14C'alal chanav ech'el ti Jesuse tey iyil li Leví screm Alfeoe, tey chotol ta xchotleb yo' bu tsc'anbe li sloc' c'usiticuque, ja' yech iyalbe chac li'i:
―La', batic ―xut.
Li Levie va' xi ech'el ba xchi'in ti Jesuse.
15C'alal tey yolel chve' ta sna Leví ti Jesuse, tey ep jc'an-loc'-c'usiticuc xchi'uc ti much'utic más chopol c'usitic tspasique, ixchol sbaic ta mexa scotolic xchi'uc ti Jesuse xchi'uc ti yajchanc'optaque, yu'un ep ti much'utic isnap'letaic ech'ele. 16Tey jayvo' ti much'utic ta xchanubtasvanic ta smantaltac Rioxe ti ochemic ta fariseoale, c'alal iyilic ti tsobol chve' xchi'uc jc'an-loc'-c'usiticuc ti Jesuse, xchi'uc ti much'utic más chopol c'usitic tspasique, ijac'batic li yajchanc'optaque:
―¿C'u yu'un lavajchanubtasvanejique ti tsobol chve' xchi'uc li jc'an-loc'-c'usiticuque xchi'uc li much'utic más chopol c'usitic tspasique? ―X'utatic.
17Ti Jesuse iya'i ti c'usi iyalique, ja' yech iyalbe chac li'i:
―Ti much'utic lequique, mu c'u stu yu'unic jpoxtavanej; ja' no'ox ti much'utic ipique. Li vo'one ma'uc tal quic' ti much'utic ch'abal smulique. Ja' tal quic' ti much'utic oy smulique ―x'utatic yu'un ti Jesuse.
Ja' li' yaloj ti isjac'beic ti Jesuse ti c'u yu'un ti mu xicta yotic ti yajchanc'optaque
(Mt 9.14-17; Lc 5.33-39)
18C'alal ja' o yictaoj yotic li yajchanc'optac Juan j'ac'-ich'vo'e xchi'uc li jfariseoetique, oy jayvo' c'ot sjac'beic ti Jesuse:
―Li yajchanc'optac Juane xchi'uc li jfariseoetique ta xicta yotic, ¿C'u yu'un ti mu xicta yotic lavajchanc'optac li vo'ote? ―Xutic.
19Itac'av ti Jesuse:
―¿Mi stac xicta yotic xana'ic li much'utic ic'bilic ta q'uin nupunele ti c'alal tey to xchi'uquic li crem ta xnupune? Ti c'alal tey to xchi'uquic li jnupunel creme, mu xu xicta yotic. 20Pero tsta yora ti ch-iq'ue ech'el li jnupunel creme; ti mi ista sc'ac'alile ja' to xu' xicta yotic un bi.
21»Muc' much'u tspac'an ta ach' manta li c'a'c'u'ule. Yu'un li ach' mantae ta tsmuts, más xa chjat o li c'a'c'u'ule. 22Ja' chac c'u cha'al li ach' ya'lel uvae, muc' much'u ta xch'ol ta poco' nucul, ti mi ta xch'ol ta poco' nucule, ta xt'om li nucule, yech no'ox ta xmal, yech no'ox ta xch'ay noxtoc li yave. Li ach' ya'lel uvae ja' tsc'an ti ach' yav chich' ch'olel oe ―x'utatic yu'un ti Jesuse.
Ja' li' yaloj ti isc'asic jaychev trigo ta sc'ac'alil ta xcuxic li yajchanc'optac ti Jesuse
(Mt 12.1-8; Lc 6.1-5)
23C'alal ja' o sc'ac'alil ta xcuxique, ja' o tey i'ech' ta trigoaltic xchi'uc yajchanc'optac ti Jesuse, isc'asic jaychev trigo. 24Li jfariseoetique isjac'beic:
―¿C'u yu'un ti tsc'asic trigo ta sc'ac'alil ta jcuxtic lavajchanc'optaque ti ca'yojtic ti mu staq'ue? ―Xutic ti Jesuse.
25Ti Jesuse itac'av:
—¿Mi muc' bu aq'uelojic ta sc'op Riox ti c'usi ispas ti Davide ti c'alal ivi'naj xchi'uc ti xchi'iltac ta xanvile? 26Ti c'alal ja'o ochem ta totil paleal ti Abiatare. Ti Davide tey i'ochic ta sna ti Rioxe, istam sve' li ch'ul pan ti ac'bil ta stojol ti Rioxe, ti sc'oplal ja' no'ox xu' tsve'ic li paleetique; ti Davide iyac'be sve' ti much'utic tey xchi'uc ech'ele.
27Iyal noxtoc ti Jesuse:
―Li sc'ac'alil ta jcuxtique iyich' aq'uel ta scuenta slequilal li crixchanoe, pero ma'uc scuenta tspas ta mantal crixchano li c'ac'ale. 28Yech'o un vo'on ti Xch'amal crixchano li c'ote vo'on yajvalon li sc'ac'alil ta jcuxtique. X'utatic yu'un ti Jesuse.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Biblica de Mexico AC