Yohanna 10
10
An wanda ya ma kur tǝmnka usu
1“Nǝn nkeesǝ ɓongtǝra, yaa yǝ kansǝ a kuru ma inntii ra ya, pa yǝ taa ma lau nkaara wa ya, yǝn nkwii, ɗǝm yǝn tang mbusa. 2Yaa yǝ kansǝ ma inntii ya, ǝn sase an wanda tǝmnkaa ya. 3An ware yǝn wil inntii an wanda tǝmnkaa ya, tǝmnkaa ɗǝm ɓǝn kura kwar usu. Yǝn yar tǝmnkaa isa ma ɗǝnda, ɗǝm yǝɓǝ kwak ɓǝ fiɗ ntaadi. 4Me yǝ hik ɓǝn ntaadin nsaad, yǝkǝ ko a wii ɓoso, tǝmnkaa isa ɓaa ɓǝɗǝ, me ɓǝ maa kwar usun. 5Pa ɓǝ fǝta ɓǝɗ weeke ra, ɓong, ɓǝkǝ moon ndiira me ɓǝ maa kwar wee wa ra.” 6Yeso yǝ nkee ɓeta mǝɗkǝrasǝra, pa ɓǝ maa mbu yǝ sensǝ ɓa ra.
7Me maaso Yeso yǝ ɓaarǝ yǝ nkee ɗǝm me, “Nǝn nkeesǝ ɓongtǝra, nǝn inntii han kan tǝmnkaa ɓa ya. 8Nsaad ɓaa ɓǝ nkaanǝsǝ kano ɓa ya, pa ɓǝn nkwiiya ma ɓan ngwel ɗǝɗa ɓa. 9Nase nǝn inntii sisi. Yaa yǝ yausǝ yǝ kan ma lau waano ya, kiya taa kon nkweera wa. 10Nkwii usu yǝn wo me yǝ tang mbusa, yǝ toɗ ɓeta ɗǝm yǝ tom tǝblǝra. Pa waano nǝ wo me ɓǝ taa huurtu, ɗǝm ɓǝ taa kungsǝ kungsǝ.
11“Nǝn an wanda u yaɓ wa ya. An wanda u yaɓ wa ya, yǝn na huurtu usu me tǝmnkaasǝsa. 12Yaa ɓaa toosǝsǝ too me yǝ war wanda ya, ǝn an tǝmnka ya ra. Me maaso, me yǝ wǝr kurkutu ǝn wowo, kiya moon, yǝ lee tǝmnkaasǝsa, yǝ faɗ mbusa. Kurkutu siso, kiya ma tǝmnkaasǝsa yǝɓǝ nsaatǝ. 13Yaa ɓaa toosǝsǝ too sisi, yǝ mon yaa faɗ ɓisa me mbuka nteesǝ ma tǝmnkaasǝsa ra.
14“Nǝn an wanda u yaɓ wa ya, nǝ maa tǝmnkaa sǝnan ɗǝm tǝmnkaa sǝna ɓǝ maanǝn, 15nga paane yǝ maanǝsǝ wa, nase kǝn nǝ maa paanen. Nǝ na huurtu waano me tǝmnkaasǝsa. 16Nǝ ma ɓaata tǝmnkaa ɗǝm u ɓǝ sem a kur wa ra wa. Tomon ɗat, nǝ ɓǝn wo a ham ɓa kǝn. Ɓosa kǝn, ɓǝkǝ kura kwar nwaano, kǝɓǝ tom kuru fin, an wanda ya fin. 17Mbu kwasǝ paane yǝn yaunǝsǝ ɓa, yǝn yaunǝ me nǝ na huurtu waano, ɗǝm nǝ ɓaarǝ nǝ too a kang a nani. 18Yaake sem kǝn kiya too wa ra, pa nǝ na ma yauwo waano. Nǝ ma kwangto kǝna tii wa, ɗǝm nǝ ma kwangto kǝna too wa. U nwa ndǝ mbu Paane yǝ nkeesǝ me nǝ tom ɓa, ɗǝm nǝ konon.”
19A ɗuura mara Yeso yǝ nkeesǝ sǝra, ɓaa Yahudawa ɓa ɗuuti ɓose aa ɓaarǝ aa ɓaa ɗǝm. 20Ɓaata dem ɓǝ nkee me, “Yǝ ma wis nsaamse wa ɗǝm yǝ paran. Ndǝn kurasǝ men mbiu?”
21Ɓaata ɗǝm ɓǝn nkee me, “U nwa ǝn kanmǝra yaa yǝsǝ ma wis nsaamse wa ya ra. Yaa yǝsǝ ma wis nsaamese wa ya, kiyǝ nkaa yǝ wil nuuwa ntaarau?”
Ɓaa Yahudawa ɓa ɓǝ ɓisi Yeso
22Ən fer songra wa, a fer ɓan tomsǝ Mbukamsa ɗimoo kaa ɓaa soɓsǝ hit Kaa Urshalima wa me a tom ɗekɗek wa. 23Yeso yǝn leurǝ a filang Sulemanu wa, ɗaan a taanda hit ɓǝɗ Kaa Urshalima wa. 24Pa ɓaa Yahudawa ɓa ɓǝ leurǝ, ɓaa taa me, “Kǝngǝtǝ lee a teptepto ndub kauni? Me ngǝ Almaseho ǝtǝ nkee a talte.” 25Pa Yeso yǝɓǝ kak me, “Ai, nǝ weesǝ nkeesǝn, pa sǝ na ɓongtǝra ra. Mbu nsaad nhiinyanhiinya nǝn tomsǝ ma ɗǝnda Pane ra ɓa, yǝn weɗɗa me nǝn yamniu. 26Pa sǝ na ɓongtǝra ra, me sǝn tǝmnka sǝna ra. 27Tǝmnka sǝna ɓǝn kura kwar waano. Nǝ maa ɓǝn, ɗǝm ɓǝn ɓǝɗ nǝ. 28Nǝn na ɓǝ huurtu pakarese wa, ɗǝm ɓǝ pǝta woɗɗo ra, ɗǝm yaake yǝɓǝ kon a nem yaane ra. 29Paane, yaa yǝ nanǝsǝ tǝmnkaa ya, yǝ faɗ nsaad kwangton, yaake sem kǝn kiyaa kon a nem Paane ya ra. 30Niina ma Paane tǝ fin.”
31Pa ɓaa Yahudawa ɓa, ɓǝ ɓaarǝ ɓǝ haa ɗungate me ɓaa muɗkǝ. 32Pa Yeso yǝɓǝ kak me, “Nǝ weɗɗasǝ mbu nhiinyanhiinya ɓa dem, ɗǝm fiɗ a Paapa ni, yaa a ɗuura u nawa ra sǝn muɗkǝ nǝsǝu?”
33Ɓaa Yahudawa ɓa, ɓaa kak me, “Sem me a tinima yaɓ kǝma ngǝ tomsǝ wa ra, tǝn taasǝ me tǝngǝ muɗkǝ wa ra, pa me ngǝ tom tǝblǝra a ɗuura Kaa ra, ngase ngǝsǝn ete ya maɗ, pa ngǝn weɗɗa ɗuura ngaa keke ma Kaa.”
34Yeso yǝɓǝ kak me, “Sem nyorsǝ a Masaka waaso me, ‘Nǝ yarsǝ me sǝ em Kaa ɓa’? 35Ndǝ maan me likarkar mara Kaa ra yǝ paapara ra. Me Ankundi yǝ yar ɓaa ɓǝ kurasǝ mara ira ya me, ‘em Kaa ɓa,’ 36to, yaa nase yaa Paapa taunǝsǝ ya, ɗǝm yǝnǝ timi a put ntaadi wa ya, waso nǝ kan mara tǝblǝra rau a ɗuura Kaa ra, me nǝ nkeesǝ me, ‘Nǝ Au Kaa ya wau’? 37Me sem tinimsa Paane yǝn tomsǝ ma ndǝ siso nǝn tomsǝ wa ra, sǝ na ɓongtǝra ma niina ra. 38Pa me ndǝ siso nǝn tomsǝ wa, hana kasǝ na ɓongtǝra ma niina ra, yaa sǝ na ɓongtǝra ma tinimsa, me sǝ maa me, Paane yǝ ɗaan a nanii, nase kǝn, nǝ ɗaan a sanii.” 39Pa ɓǝ kǝr ɗǝɗa ɗǝm u kǝ ɓaa ma ra, pa yǝ fiɗ a nem ɓose. 40Pa Yeso yǝ kang a talle kira aulaara Urdun ra, a han Yohanna an tom baptisma ya, yǝ ntiisǝ yǝ tom baptisma ɓa, yǝ kaɗ kǝnso, 41pa ɓeta dem ɓǝ wo a sanii. Ɓǝ nkee me, “Yohanna yǝ pǝta tom mbu nhiinyanhiinya ka ra, pa nsaad mbu Yohanna yǝ nkeesǝ a ɗuura eɗ sisi ɓa ra, ǝn ndǝ ɓongtǝra.” 42Kǝnso ɓeta dem ɓǝ na ɓongtǝra ma Yeso.
Currently Selected:
Yohanna 10: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
Yohanna 10
10
An wanda ya ma kur tǝmnka usu
1“Nǝn nkeesǝ ɓongtǝra, yaa yǝ kansǝ a kuru ma inntii ra ya, pa yǝ taa ma lau nkaara wa ya, yǝn nkwii, ɗǝm yǝn tang mbusa. 2Yaa yǝ kansǝ ma inntii ya, ǝn sase an wanda tǝmnkaa ya. 3An ware yǝn wil inntii an wanda tǝmnkaa ya, tǝmnkaa ɗǝm ɓǝn kura kwar usu. Yǝn yar tǝmnkaa isa ma ɗǝnda, ɗǝm yǝɓǝ kwak ɓǝ fiɗ ntaadi. 4Me yǝ hik ɓǝn ntaadin nsaad, yǝkǝ ko a wii ɓoso, tǝmnkaa isa ɓaa ɓǝɗǝ, me ɓǝ maa kwar usun. 5Pa ɓǝ fǝta ɓǝɗ weeke ra, ɓong, ɓǝkǝ moon ndiira me ɓǝ maa kwar wee wa ra.” 6Yeso yǝ nkee ɓeta mǝɗkǝrasǝra, pa ɓǝ maa mbu yǝ sensǝ ɓa ra.
7Me maaso Yeso yǝ ɓaarǝ yǝ nkee ɗǝm me, “Nǝn nkeesǝ ɓongtǝra, nǝn inntii han kan tǝmnkaa ɓa ya. 8Nsaad ɓaa ɓǝ nkaanǝsǝ kano ɓa ya, pa ɓǝn nkwiiya ma ɓan ngwel ɗǝɗa ɓa. 9Nase nǝn inntii sisi. Yaa yǝ yausǝ yǝ kan ma lau waano ya, kiya taa kon nkweera wa. 10Nkwii usu yǝn wo me yǝ tang mbusa, yǝ toɗ ɓeta ɗǝm yǝ tom tǝblǝra. Pa waano nǝ wo me ɓǝ taa huurtu, ɗǝm ɓǝ taa kungsǝ kungsǝ.
11“Nǝn an wanda u yaɓ wa ya. An wanda u yaɓ wa ya, yǝn na huurtu usu me tǝmnkaasǝsa. 12Yaa ɓaa toosǝsǝ too me yǝ war wanda ya, ǝn an tǝmnka ya ra. Me maaso, me yǝ wǝr kurkutu ǝn wowo, kiya moon, yǝ lee tǝmnkaasǝsa, yǝ faɗ mbusa. Kurkutu siso, kiya ma tǝmnkaasǝsa yǝɓǝ nsaatǝ. 13Yaa ɓaa toosǝsǝ too sisi, yǝ mon yaa faɗ ɓisa me mbuka nteesǝ ma tǝmnkaasǝsa ra.
14“Nǝn an wanda u yaɓ wa ya, nǝ maa tǝmnkaa sǝnan ɗǝm tǝmnkaa sǝna ɓǝ maanǝn, 15nga paane yǝ maanǝsǝ wa, nase kǝn nǝ maa paanen. Nǝ na huurtu waano me tǝmnkaasǝsa. 16Nǝ ma ɓaata tǝmnkaa ɗǝm u ɓǝ sem a kur wa ra wa. Tomon ɗat, nǝ ɓǝn wo a ham ɓa kǝn. Ɓosa kǝn, ɓǝkǝ kura kwar nwaano, kǝɓǝ tom kuru fin, an wanda ya fin. 17Mbu kwasǝ paane yǝn yaunǝsǝ ɓa, yǝn yaunǝ me nǝ na huurtu waano, ɗǝm nǝ ɓaarǝ nǝ too a kang a nani. 18Yaake sem kǝn kiya too wa ra, pa nǝ na ma yauwo waano. Nǝ ma kwangto kǝna tii wa, ɗǝm nǝ ma kwangto kǝna too wa. U nwa ndǝ mbu Paane yǝ nkeesǝ me nǝ tom ɓa, ɗǝm nǝ konon.”
19A ɗuura mara Yeso yǝ nkeesǝ sǝra, ɓaa Yahudawa ɓa ɗuuti ɓose aa ɓaarǝ aa ɓaa ɗǝm. 20Ɓaata dem ɓǝ nkee me, “Yǝ ma wis nsaamse wa ɗǝm yǝ paran. Ndǝn kurasǝ men mbiu?”
21Ɓaata ɗǝm ɓǝn nkee me, “U nwa ǝn kanmǝra yaa yǝsǝ ma wis nsaamse wa ya ra. Yaa yǝsǝ ma wis nsaamese wa ya, kiyǝ nkaa yǝ wil nuuwa ntaarau?”
Ɓaa Yahudawa ɓa ɓǝ ɓisi Yeso
22Ən fer songra wa, a fer ɓan tomsǝ Mbukamsa ɗimoo kaa ɓaa soɓsǝ hit Kaa Urshalima wa me a tom ɗekɗek wa. 23Yeso yǝn leurǝ a filang Sulemanu wa, ɗaan a taanda hit ɓǝɗ Kaa Urshalima wa. 24Pa ɓaa Yahudawa ɓa ɓǝ leurǝ, ɓaa taa me, “Kǝngǝtǝ lee a teptepto ndub kauni? Me ngǝ Almaseho ǝtǝ nkee a talte.” 25Pa Yeso yǝɓǝ kak me, “Ai, nǝ weesǝ nkeesǝn, pa sǝ na ɓongtǝra ra. Mbu nsaad nhiinyanhiinya nǝn tomsǝ ma ɗǝnda Pane ra ɓa, yǝn weɗɗa me nǝn yamniu. 26Pa sǝ na ɓongtǝra ra, me sǝn tǝmnka sǝna ra. 27Tǝmnka sǝna ɓǝn kura kwar waano. Nǝ maa ɓǝn, ɗǝm ɓǝn ɓǝɗ nǝ. 28Nǝn na ɓǝ huurtu pakarese wa, ɗǝm ɓǝ pǝta woɗɗo ra, ɗǝm yaake yǝɓǝ kon a nem yaane ra. 29Paane, yaa yǝ nanǝsǝ tǝmnkaa ya, yǝ faɗ nsaad kwangton, yaake sem kǝn kiyaa kon a nem Paane ya ra. 30Niina ma Paane tǝ fin.”
31Pa ɓaa Yahudawa ɓa, ɓǝ ɓaarǝ ɓǝ haa ɗungate me ɓaa muɗkǝ. 32Pa Yeso yǝɓǝ kak me, “Nǝ weɗɗasǝ mbu nhiinyanhiinya ɓa dem, ɗǝm fiɗ a Paapa ni, yaa a ɗuura u nawa ra sǝn muɗkǝ nǝsǝu?”
33Ɓaa Yahudawa ɓa, ɓaa kak me, “Sem me a tinima yaɓ kǝma ngǝ tomsǝ wa ra, tǝn taasǝ me tǝngǝ muɗkǝ wa ra, pa me ngǝ tom tǝblǝra a ɗuura Kaa ra, ngase ngǝsǝn ete ya maɗ, pa ngǝn weɗɗa ɗuura ngaa keke ma Kaa.”
34Yeso yǝɓǝ kak me, “Sem nyorsǝ a Masaka waaso me, ‘Nǝ yarsǝ me sǝ em Kaa ɓa’? 35Ndǝ maan me likarkar mara Kaa ra yǝ paapara ra. Me Ankundi yǝ yar ɓaa ɓǝ kurasǝ mara ira ya me, ‘em Kaa ɓa,’ 36to, yaa nase yaa Paapa taunǝsǝ ya, ɗǝm yǝnǝ timi a put ntaadi wa ya, waso nǝ kan mara tǝblǝra rau a ɗuura Kaa ra, me nǝ nkeesǝ me, ‘Nǝ Au Kaa ya wau’? 37Me sem tinimsa Paane yǝn tomsǝ ma ndǝ siso nǝn tomsǝ wa ra, sǝ na ɓongtǝra ma niina ra. 38Pa me ndǝ siso nǝn tomsǝ wa, hana kasǝ na ɓongtǝra ma niina ra, yaa sǝ na ɓongtǝra ma tinimsa, me sǝ maa me, Paane yǝ ɗaan a nanii, nase kǝn, nǝ ɗaan a sanii.” 39Pa ɓǝ kǝr ɗǝɗa ɗǝm u kǝ ɓaa ma ra, pa yǝ fiɗ a nem ɓose. 40Pa Yeso yǝ kang a talle kira aulaara Urdun ra, a han Yohanna an tom baptisma ya, yǝ ntiisǝ yǝ tom baptisma ɓa, yǝ kaɗ kǝnso, 41pa ɓeta dem ɓǝ wo a sanii. Ɓǝ nkee me, “Yohanna yǝ pǝta tom mbu nhiinyanhiinya ka ra, pa nsaad mbu Yohanna yǝ nkeesǝ a ɗuura eɗ sisi ɓa ra, ǝn ndǝ ɓongtǝra.” 42Kǝnso ɓeta dem ɓǝ na ɓongtǝra ma Yeso.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association