Yohanna 21
21
Yeso weɗa nhiinyanhiinyato a maa nseeya wa
1Ndiira maaso wa, Yeso ɓaarǝ yǝ weɗɗa ee usu emfǝɗkaa ɓǝsa, a kira aulaara Tibariya ya. 2Siman Bitrus, ma Toma, yaa ǝn yarsǝsǝ me, Em raɓ ɓa ya, ma Nataniyel, yaa yǝ fiɗsǝ Kana a put Galili wa, ma em Zabadi ɓa, ma ɗǝm ɓaata emfǝɗkaa raɓ, nsaad ɓǝ ke. 3Pa Siman Bitrus yǝɓǝ nkee me, “Nǝ ko konǝ ma nseeya,” pa ɓǝ nkee me, “Kǝ ndǝ ko ke.” Pa ɓǝ fiɗ ɓǝ kana a kurnyaamo, pa a pǝrtǝra sǝra ɓǝ ma mbuka ra.
4Naakǝn a ɗenda, Yeso yǝ nǝɗ a kira aulaara ra, pa emfǝɗkaa sǝɓa, ɓǝ maa men Yeso ra.
5Pa Yeso yǝɓǝ nkee me, “Sik ɓǝna, sǝ ma nsenyau?”
Ɓǝ kak ɓǝ nkee me, “Awo.”
6Yǝɓǝ nkee me, “Sǝ yaɓ langtanga sǝsa ma lau nem saya u kurnyaamo siso, sǝkǝ taa nsenya.” Pa ɓǝ tomsǝ maaso nga yǝ nkee ɓǝsǝ wa, ɓǝ nkaa ɓǝ wiinda, me nsenya ɓǝ masǝsa dem kwang.
7Pa aufǝɗke u Yeso yǝn yausǝsǝ kwang siya, yǝ nkee Bitrus me, “Nwa ǝn Ankundi!” nok kǝnso Siman Bitrus yǝ kurasǝ me, “Nwa ǝn Ankundi wa,” yǝ too laulaura ira, yǝ mbǝrkǝ a nkoora ira, me kayǝ ti ta, yǝ ham ɗaan a mbraa. 8Pa ɓaata emfǝɗkaa ɓǝ ko a han kurnyaamo ɓa, ko ɓǝn wiin langtanga siso kungsǝ ma nseeya, me kaɓǝ sem mǝbmǝb ma kira ra, yǝ nga nata pusa pu raɓ. 9Ɓǝ fiɗsǝ a ee mbraa ya wa, ɓǝ wǝr nweeta ara ta kǝnso, ma nsenya ɓoti, ma nkaadǝng ɗǝm.
10Pa Yeso yǝɓǝ nkee me, “Sausǝ ma nsenya u sǝ masǝ wa.”
11Siman Bitrus yǝ kana kurnyaamo kawa, yǝ wiin langtanga a kal mbraa ɓa, langtanga siso kungsǝ ma nsenya kwangkwang wa kansǝ 153, hana maaso ma nsenya kwangkwang siso, langtanga sǝsa nkaara. 12Pa Yeso yǝɓǝ nkee me, “Sau ndǝ se mbuseya a ɗenda ɓa.” Yaake sem a ɗaaso emfǝɗkaa sǝsa, yǝ nkaasǝ ya taa me, Ngǝn yamniu ra, Me ɓǝ maan me yǝn Ankundi. 13Yeso yǝ wo, yǝ too nkaadǝng sǝsa, yǝɓǝ na, yǝ tom maaso ɗǝm ma nsenya. 14Unwa ndǝ taatente wa, Yeso yǝ weɗasǝ ee usu a emfǝɗkaa ɓǝsa ni ɓa, a ndiira yǝ niisǝ a tiina wa.
Yeso ma Bitrus
15Ndiira ɓǝ feɗsǝ se mbuseya wa, Yeso yǝ nkee Siman Bitrus me, “Siman au Yohanna ya, ngǝn yaunǝ ma ɓongtǝra a faɗ ɓet ɓau?”
Yǝ kak, yǝ nkee me, “Ee nwa, Ankundi, ngǝ maan me nǝn yau ngǝ.”
Yeso yaa nkee me, “A nsee tǝmnkaa sǝna.”
16Yeso yǝ ɓaarǝ yǝ nkee me, “Siman au Yohanna ya, ngǝn yaunǝ ma ɓongtǝrau?”
Yǝ kak, yǝ nkee me, “Ee nwa, Ankundi, ngǝ maan me nǝn yau ngǝ.”
Yeso yaa nkee me, “A war tǝmnkaa sǝna.”
17A taatente yǝ ɓaarǝ yaa nkee me, “Siman au Yohanna ya, ngǝn yaunǝ ma ɓongtǝrau?”
Pa a ɗaa Bitrus me Yeso yǝ taasǝ taatǝn me, “Ngǝn yau nǝu?” Yǝ kak, yaa nkee me, “Ankundi ngǝ maa mbusan nsaad; ngǝ maan me nǝn yaungǝ.”
Yeso yaa nkee me, “A nsee tǝmnkaa sǝna. 18Nǝn nkee ngǝ ɓongtǝra, fer ngǝsǝ auwe ngeek wa, ngǝn nkaa ngǝ tung luktu nkweerange, ngǝ ko a han tǝngǝsǝ ɓa; pa me ngǝ nkoon, kǝngǝ mal nema sǝnga, yaake ɓol yǝ ngǝ tung luktu, ɗǝm yǝ ngǝn kosǝ a han ngǝn yaura ɓa.” 19Yeso yǝ nkee mbusǝsa maaso, me yǝ weɗa nkamǝra woɗɗo Bitrus kiya tom wa, u kiyaa too ɗǝnda Kaa ra wa. Pa yaa nkee me, “Nǝ ɓǝɗǝ!”
20Pa Bitrus yǝ kǝrtǝ, yǝ wǝr aufǝɗke Yeso yǝn yausǝsǝ kwang siya, yǝn ɓǝɗ ɓǝn ɓǝɗǝ. Ən sase yaa yǝ kǝksǝ a mabiri Yeso wa, a fer se mbuseya mbukamsa taɗko wa. Ən sase yǝ taasǝ Yeso me, “Ankundi yaa kiyǝ ngǝ fang nǝu?” 21Pa Bitrus wǝrsǝsǝ wa, yǝ taa Yeso me, “Ankundi, Eɗ ɗa kau?”
22Yeso kak, yaa nkee me, “Me nǝ yau me yǝ tom ma huurtu ndub me nǝ kangan, mbu nteengǝ mbiu? Nwaango nǝ ɓǝɗǝ.” 23A ɗuura mbusǝsa ra, mara sǝra a nweesǝ a ɓaata ɓisa me, aufǝɗke sisi usu yǝ woɗɗa. Pa Yeso nkee me aufǝɗke sisi yǝ woɗɗa ra. Ɓǝ Yeso yǝ nkeesǝ ɓa, yǝ nkee me, “Me nǝ yau me yǝ tom ma huurtu ndub me nǝ kangan, mbu nteengǝ mbiu?”
24Unwa ndǝ aufǝɗke, yaa yǝ nkeesǝ mara a duura mbusǝsa ya yǝ nyorsǝ ya. Tǝ maan me mbusǝsa ǝn ɓongtǝra.
25Yeso yǝ tom mbusa ɓolɓol ɗǝm. Me ka mbusǝsa nsaad ɓaa nyoron, kama a taa han ka nhii likarkar isa a put ntaadi wa ɓa ra.
Currently Selected:
Yohanna 21: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
Yohanna 21
21
Yeso weɗa nhiinyanhiinyato a maa nseeya wa
1Ndiira maaso wa, Yeso ɓaarǝ yǝ weɗɗa ee usu emfǝɗkaa ɓǝsa, a kira aulaara Tibariya ya. 2Siman Bitrus, ma Toma, yaa ǝn yarsǝsǝ me, Em raɓ ɓa ya, ma Nataniyel, yaa yǝ fiɗsǝ Kana a put Galili wa, ma em Zabadi ɓa, ma ɗǝm ɓaata emfǝɗkaa raɓ, nsaad ɓǝ ke. 3Pa Siman Bitrus yǝɓǝ nkee me, “Nǝ ko konǝ ma nseeya,” pa ɓǝ nkee me, “Kǝ ndǝ ko ke.” Pa ɓǝ fiɗ ɓǝ kana a kurnyaamo, pa a pǝrtǝra sǝra ɓǝ ma mbuka ra.
4Naakǝn a ɗenda, Yeso yǝ nǝɗ a kira aulaara ra, pa emfǝɗkaa sǝɓa, ɓǝ maa men Yeso ra.
5Pa Yeso yǝɓǝ nkee me, “Sik ɓǝna, sǝ ma nsenyau?”
Ɓǝ kak ɓǝ nkee me, “Awo.”
6Yǝɓǝ nkee me, “Sǝ yaɓ langtanga sǝsa ma lau nem saya u kurnyaamo siso, sǝkǝ taa nsenya.” Pa ɓǝ tomsǝ maaso nga yǝ nkee ɓǝsǝ wa, ɓǝ nkaa ɓǝ wiinda, me nsenya ɓǝ masǝsa dem kwang.
7Pa aufǝɗke u Yeso yǝn yausǝsǝ kwang siya, yǝ nkee Bitrus me, “Nwa ǝn Ankundi!” nok kǝnso Siman Bitrus yǝ kurasǝ me, “Nwa ǝn Ankundi wa,” yǝ too laulaura ira, yǝ mbǝrkǝ a nkoora ira, me kayǝ ti ta, yǝ ham ɗaan a mbraa. 8Pa ɓaata emfǝɗkaa ɓǝ ko a han kurnyaamo ɓa, ko ɓǝn wiin langtanga siso kungsǝ ma nseeya, me kaɓǝ sem mǝbmǝb ma kira ra, yǝ nga nata pusa pu raɓ. 9Ɓǝ fiɗsǝ a ee mbraa ya wa, ɓǝ wǝr nweeta ara ta kǝnso, ma nsenya ɓoti, ma nkaadǝng ɗǝm.
10Pa Yeso yǝɓǝ nkee me, “Sausǝ ma nsenya u sǝ masǝ wa.”
11Siman Bitrus yǝ kana kurnyaamo kawa, yǝ wiin langtanga a kal mbraa ɓa, langtanga siso kungsǝ ma nsenya kwangkwang wa kansǝ 153, hana maaso ma nsenya kwangkwang siso, langtanga sǝsa nkaara. 12Pa Yeso yǝɓǝ nkee me, “Sau ndǝ se mbuseya a ɗenda ɓa.” Yaake sem a ɗaaso emfǝɗkaa sǝsa, yǝ nkaasǝ ya taa me, Ngǝn yamniu ra, Me ɓǝ maan me yǝn Ankundi. 13Yeso yǝ wo, yǝ too nkaadǝng sǝsa, yǝɓǝ na, yǝ tom maaso ɗǝm ma nsenya. 14Unwa ndǝ taatente wa, Yeso yǝ weɗasǝ ee usu a emfǝɗkaa ɓǝsa ni ɓa, a ndiira yǝ niisǝ a tiina wa.
Yeso ma Bitrus
15Ndiira ɓǝ feɗsǝ se mbuseya wa, Yeso yǝ nkee Siman Bitrus me, “Siman au Yohanna ya, ngǝn yaunǝ ma ɓongtǝra a faɗ ɓet ɓau?”
Yǝ kak, yǝ nkee me, “Ee nwa, Ankundi, ngǝ maan me nǝn yau ngǝ.”
Yeso yaa nkee me, “A nsee tǝmnkaa sǝna.”
16Yeso yǝ ɓaarǝ yǝ nkee me, “Siman au Yohanna ya, ngǝn yaunǝ ma ɓongtǝrau?”
Yǝ kak, yǝ nkee me, “Ee nwa, Ankundi, ngǝ maan me nǝn yau ngǝ.”
Yeso yaa nkee me, “A war tǝmnkaa sǝna.”
17A taatente yǝ ɓaarǝ yaa nkee me, “Siman au Yohanna ya, ngǝn yaunǝ ma ɓongtǝrau?”
Pa a ɗaa Bitrus me Yeso yǝ taasǝ taatǝn me, “Ngǝn yau nǝu?” Yǝ kak, yaa nkee me, “Ankundi ngǝ maa mbusan nsaad; ngǝ maan me nǝn yaungǝ.”
Yeso yaa nkee me, “A nsee tǝmnkaa sǝna. 18Nǝn nkee ngǝ ɓongtǝra, fer ngǝsǝ auwe ngeek wa, ngǝn nkaa ngǝ tung luktu nkweerange, ngǝ ko a han tǝngǝsǝ ɓa; pa me ngǝ nkoon, kǝngǝ mal nema sǝnga, yaake ɓol yǝ ngǝ tung luktu, ɗǝm yǝ ngǝn kosǝ a han ngǝn yaura ɓa.” 19Yeso yǝ nkee mbusǝsa maaso, me yǝ weɗa nkamǝra woɗɗo Bitrus kiya tom wa, u kiyaa too ɗǝnda Kaa ra wa. Pa yaa nkee me, “Nǝ ɓǝɗǝ!”
20Pa Bitrus yǝ kǝrtǝ, yǝ wǝr aufǝɗke Yeso yǝn yausǝsǝ kwang siya, yǝn ɓǝɗ ɓǝn ɓǝɗǝ. Ən sase yaa yǝ kǝksǝ a mabiri Yeso wa, a fer se mbuseya mbukamsa taɗko wa. Ən sase yǝ taasǝ Yeso me, “Ankundi yaa kiyǝ ngǝ fang nǝu?” 21Pa Bitrus wǝrsǝsǝ wa, yǝ taa Yeso me, “Ankundi, Eɗ ɗa kau?”
22Yeso kak, yaa nkee me, “Me nǝ yau me yǝ tom ma huurtu ndub me nǝ kangan, mbu nteengǝ mbiu? Nwaango nǝ ɓǝɗǝ.” 23A ɗuura mbusǝsa ra, mara sǝra a nweesǝ a ɓaata ɓisa me, aufǝɗke sisi usu yǝ woɗɗa. Pa Yeso nkee me aufǝɗke sisi yǝ woɗɗa ra. Ɓǝ Yeso yǝ nkeesǝ ɓa, yǝ nkee me, “Me nǝ yau me yǝ tom ma huurtu ndub me nǝ kangan, mbu nteengǝ mbiu?”
24Unwa ndǝ aufǝɗke, yaa yǝ nkeesǝ mara a duura mbusǝsa ya yǝ nyorsǝ ya. Tǝ maan me mbusǝsa ǝn ɓongtǝra.
25Yeso yǝ tom mbusa ɓolɓol ɗǝm. Me ka mbusǝsa nsaad ɓaa nyoron, kama a taa han ka nhii likarkar isa a put ntaadi wa ɓa ra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association