ಮತ್ತಾಯ 21
21
ಯೇಸು ರಾಜಾ಼ನಿಘೋಣಿ ಯೆರೂಸಲೇಮ್ಮ ಗಯೋತೆ
(ಮಾರ್ಕ 11:1-11; ಲೂಕ 19:28-40; ಯೋಹಾನ 12:12-19)
1ಯೇಸು ಅಜು಼ ಇನ ಶಿಷ್ಯರ್‌ ಯೆರೂಸಲೇಮ್‌ನ ಖನ್ನೆ-ಖನ್ನೆ ಐನ್, ಆಲಿವ್ ಪಹಾಡ್‌ಕನ ಛಾ಼ತೆ ಬೆತ್ಫಗೆ ಕರಿ ಗಾಮ್‌ಕನ ಆಯಾ. ತದೆ ಯೇಸುನೆ ಇನ ಬೇ ಶಿಷ್ಯರ್‌ನ ಬುಲೈನ್, 2“ತುಮಾರ ಖ್ಹಾಮ್ಣೆ ಛಾ಼ತೆ ಗಾಮ್ಮ ಜಾ಼ವೊ, ಜಾ಼ತಸ್‌ನ ಹಿಜ್ಜಾ಼ ಭಂದೈರ‍್ಹೀಶೆತೆ ಗಧೇಡಾನ ಅಜು಼ ಇನಜೋ಼ಡೆ ಛಾ಼ತೆ ಇನ ಚೆಲ್ಕಾನ ದೇಕ್‌ಶು; ಯೋ ಭೇನ ಛೋ಼ಡಿಲಿನ್, ಮಾರಕನ ಲ್ಯಾವೊ. 3ಕೋಣ್‌ತೋಬಿ ತುಮೂನ ಶಾತ್‌ತೋಬಿ ಬೋಲ್ಯೂತೊ, ‘ಪ್ರಭುನ ಆ ಹೋಣುಕಸ್; ಅಜು಼ ಒಗ್ಗಿಸ್‌ಮ ಯೋ ಅನ ಮೋಕ್ಲಿದಿಶೆ’ ಕರಿ ಬೋಲೊ” ಕರಿ ಬೋಲಿನ್ ಮೋಕ್‌ಲ್ಯೊ.
4ಏಕ್‌ ಪ್ರವಾದೀನ ಮ್ಹೋಡವಾಟೆ ಬೋಲಾಯೋತೆ ವಾತೆ ಚಾ಼ಲಾನಖ್ಹಾಜೆ ಅಮ್ ಹುಯೂತೆ: ಯೋ ವಾತೆ ಶಾತ್ ಕತೊ,
5ಚೀಯೋನ್ ನಂಗರ‍್ನ ಬೋಲೊ,
ದೇಕ್ ತಾರೊ ರಾಜ಼ ತಾರಕನ ವಳ್ಯಾವಸ್,
ಯೋ ಖ್ಹುದ್‌ನ ಝು಼ಕೈಲೀನ್, ಗಧೇಡಾಪರ್ ಬೇಶಿನ್,
ಒಹೊ, ಗಧೇಡಾನ ಚೆಲ್ಕಪರ್‌ ಬೇಶಿನ್ ವಳ್ಯಾವಸ್’ ಕರಿ ಬೋಲಾನುಸ್.
6ತದೆ ಶಿಷ್ಯರ್‌ ಜೈ಼ನ್, ಯೇಸುನೆ ಇವ್ಣುನ ಬೋಲ್ಯೋತೆ ಇಮ್ಮಸ್ ಕರ‍್ಯು. 7ಇವ್ಣೆ ಗಧೇಡಾನ ಅಜು಼ ಗಲ್‌ಢ ಚೆಲ್ಕಾನ ಲೈನ್‌, ಇನಪರ್ ಇವ್ಣ ಲುಂಗ್ಡಾವ್‍ನ ನಾಖ್ಯು. ಯೇಸು ಇನಾಪರ್ ಚ಼ಢೀನ್ ಬೇಶಿಗಯೊ. 8ತದೆ ಅದ್ಮಿನಿ ಝೂ಼ಂಡ್‌ಮ ಥೂತೆ ಘಣು ಅದ್ಮಿ ಇವ್ಣ ಲುಂಗ್ಡಾವ್‍ನ ವಾಟ್‌ಪರ್ ಬಿಛಾ಼ಯು, ಬಿಜು಼ ಥೋಡಾನೆ ಝಾ಼ಡಾನಿ ಡಾಳಿಯೇನ ಕತ್ರಿಲೈನ್, ವಾಟ್‌ಪರ್ ನಾಖ್ಯು. 9ಯೇಸುನ ಖ್ಹಾಮ್ಣೆ ಅಜು಼ ಪೀಠೆ ಝೂ಼ಂಡ್‌ಥಿ ವಳ್ಯುಜಾ಼ತುಥೂತೆ ಅದ್ಮಿಖ್ಹಾರು, “ದಾವೀದ್‌ನ ಛಿಯ್ಯಾನ ಸ್ತುತಿಹುವ್ವಾದೆ! ಪ್ರಭು ದೇವ್ನ ನಾಮ್‌ಪರ್‌ ಆವಾಳಾನ ಆಶೀರ್ವಾದ್‌ ಹುವಾದೆ! ಉಪ್ಪರ್‌ಲ್ಯ ಲೋಕಾಮ ದೇವ್ನ ಧನ್ಯವಾದ್ ಹುವಾದೆ!” ಕರಿ ಚಿಕ್‌ರ‍್ಯು.
10ಯೇಸು ಯೆರೂಸಲೇಮ್‌ನ ಜಾ಼ವಾದಿನ್, ಯೋ ಖ್ಹಯೇರ್ ಅಖ್ಖುಸ್ ಚಿಕ್ರಾಣ್ ಪಡೀನ್, “ಆ ಕೋಣ್?” ಕರಿ ಅದ್ಮಿಖ್ಹಾರು ಪುಛಾ಼ಯು.
11ತದೆ ಯೋ ಅದ್ಮಿನಿ ಝೂ಼ಂಡ್‌ನೆ, “ಆ ಪ್ರವಾದಿ ಹುಯಿರ‍್ಹೋತೆ ಯೇಸು, ಆ ಗಲಿಲಾಯಾನು ನಜ಼ರೇತ್‌ವಾಳೊ” ಕರಿ ಜವಾಬ್‌ ದಿದು.
ಯೇಸು ಮಂದಿರ್‌ಮ ಗಯೋತೆ
(ಮಾರ್ಕ 11:15-19; ಲೂಕ 19:45-48; ಯೋಹಾನ 2:13-22)
12ಯೇಸು ಮಂದಿರ್‌ಮ ಜೈ಼ನ್, ಹಿಜ್ಜಾ಼ ವೇಚ಼ವಾಳ ಅಜು಼ ಲ್ಯವಾಳ ತಮಾಮ್‌ ಅದ್ಮಿನ ಭಾರ್ ನಖ್ಹಾಡಿದಿದೊ. ಪೈಶಾ ತೋಡಾವಾನು ಧಂದೊ ಕರಾವಾಳಾನ ಅಜು಼ ಪರ‍್ಯಾವೊ ವೇಚ಼ವಾಳಾನು ಮೇಜ್‌ನ ರಡ್‌ಕೈನಾಖಿದಿದೊ. 13ಅಜು಼ ಇವ್ಣ ಖ್ಹಾರಾನ, “ದೇವ್ನೆ ಬೋಲ್ಯೋತೆ ಇಮ್‌, ‘ಮಾರಿ ಮಂದಿರ್‌ ಪ್ರಾರ್ಥನೇನು ಘರ್ ಕರಿ ಬೋಲೈಲಿಶೆ’ ಕರಿ ವಚನ್‌ಮ ಲೀಖೈರ‍್ಹೂಸ್‌ನಿ ಕತೋಬಿ ತುಮೆ ಇನ ಚೋ಼ರ್‌ನಿ ಲಪಾನಿ ಘವಿ ಕರುಕರಸ್!” ಕರಿ ಬೋಲ್ಯೊ.
14ತದೆ ಕಾಣು ಅಜು಼ ಲಂಗ್ಡುಖ್ಹಾರು ಮಂದಿರ್‌ಮ ಇನಾಕನ ಆಯು, ಯೇಸುನೆ ಇವ್ಣುನ ಅಛ್ಛು಼ ಕರ‍್ಯೊ. 15ಕತೋಬಿ ಗಲ್‌ಢಯಾಜಕರ್‌ ಅಜು಼ ಮೋಶೆನಿ ವಚನ್ ಶಿಕಾಡವಾಳ ಶಾಸ್ತ್ರಿಯೇನೆ ಯೇಸುನೆ ಕರ‍್ಯೊತೆ ಆಶ್ಚರ್ಯನು ಕಾಮ್ನಖ್ಹಾರು ಅಜು಼ ದಾವೀದ್‌ನ ಛಿಯ್ಯಾನ ಸ್ತುತಿಹುವ್ವಾದೆ ಕರಿ ಮಂದಿರ್‌ಮ ಚಿಕ್ರುಕರ್ತುಥೂತೆ ಲಡ್ಕಾವ್ನ ದೇಖಿನ್, ಖೀಜ಼್‌ಖಾದು. 16ಇನಖ್ಹಾಜೆ ಇವ್ಣೆ ಯೇಸುನ, “ಅವ್ಣೆ ಬೋಲುಕರಾತೆ ಇನ ತೂ ಖ್ಹಮ್‌ಜು಼ಕರಾಸ್ಕಿ ಶು?” ಕರಿ ಪುಛಾ಼ವ್‌ತಾನ,
ಯೇಸುನೆ, “ಓಹೊ, ಖ್ಹಮ್‌ಜು಼ಕರೂಸ್, ‘ಅಡ್ಡಾಣಿ ಲಡ್ಕಾವ್ನ ಮ್ಹೋಡವಾಟೆ ಅಜು಼ ದೂದ್ ಪಿಯ್ಯಾವಾಳ ಲಡ್ಕಾವ್ನ ಮ್ಹೋಡವಾಟೆ ಸ್ತುತಿ ಕರಾಯೊ’ ಕರಿ ವಚನ್‌ಮ ಛಾ಼ತೆ ಇನ ತುಮೆ ಪಢ್ಯಾಕೊಯ್ನಿಕಿ ಶು?” ಕರಿ ಬೋಲ್ಯೊ.
17ಅನಕೇಡೆಥು ಯೇಸು ಇವ್ಣುನ ಮ್ಹೆಂದಿನ್, ಖ್ಹಯೇರ್‌ಥು ನಿಕ್ಳಿನ್, ಬೇಥಾನ್ಯ ಗಾಮ್ಮ ಐನ್, ಹಿಜ್ಜಾ಼ಸ್ ರಾತ್‌ ಕಾಡ್ಯೊ.
ಯೇಸುನೆ ಅಂಜೀರ್‌ನ ಝಾ಼ಡಾನ ಶಾಪ್ ದಿದೋತೆ
(ಮಾರ್ಕ 11:12-14,20-24)
18ತಿನವ್ಹಾಣೆ ಯೇಸು ಪಾಛೊ಼ಫರಿ ಯೆರೂಸಲೇಮ್‌ ಖ್ಹಯೇರ‍್ನ ಜಾ಼ವಾನಿ ವಖ್ಹತ್‌ಮ, ಯೇಸುನ ಭುಕ್‌ಲಾಗ್ಯು. 19ಇನೆ ವಾಟ್ನ ಶೇಡೆಏಕ್‌ ಅಂಜೀರ್‌ನ ಝಾ಼ಡಾನ ದೇಖಿನ್, ಇನಖನ್ನೆ ಜೈ಼ನ್, ಇನಾಮ ಖಲಿ ಪಾಂದ್‍ಡುಸ್ ಪಣ್ಕಿ, ಬಿಜು಼ ಶಾತ್ಬಿ ಕೋಥುಂತೆ ದೇಖಿನ್, “ಅನಾಪರ್‌ಥು ತೂ ಬಿಜು಼ ಕದೆಕದೇಬಿ ಪಂಡು ನಾ ಮ್ಹೇಲ್‌ನೂತೆ ಇಮ್‌ ಹುವಾದೆ!” ಕರಿ ಬೋಲ್ಯೊ. ತದ್‌ನು-ತದ್ದೇಸ್ ಯೋ ಅಂಜೀರ್‌ನು ಝಾ಼ಡು ಖ್ಹುಕೈಗಯು.
20ಶಿಷ್ಯರ್‌ನೆ ಅನ ದೇಖಿನ್, ಆಶ್ಚರ್ಯಖೈನ್, “ಅಂಜೀರ್‌ನು ಝಾ಼ಡ್ ಎಕ್ಕಸ್ ಘಡೀಮ ಖ್ಹುಕೈಗಯೂತೆ ಕಿಮ್?” ಕರಿ ಪುಛಾ಼ಯ.
21ಯೇಸುನೆ, “ತುಮುನ ಖ್ಹಾಚ ಬೋಲುಸ್, ತುಮೆ ಗುಮಾನಿ ಕರಾಕೊಂತೆ ಇಮ್‌ ವಿಶ್ವಾಸ್ ಕರ‍್ಯಾತೊ, ಮೇ ಆ ಅಂಜೀರ್‌ನ ಝಾ಼ಡಾನ ಕರ‍್ಯೊತೆ, ಇಮ್ಮಸ್, ತುಮೇಬಿ ಕರ್ಶು. ಅಜು಼ ಎತ್ರೆಸ್ ಕಾಹೆತೆ,ಆ ಪಹಾಡ್‌ನ, ‘ತೂ ಉಖ್‌ಡೈ ಜೈ಼ನ್, ದರ‍್ಯಾವ್‌ಮ ಪಡ್’ ಕರಿ ಬೋಲ್ಯಾತೋಬಿ ಯೋ ಉಶೆ. 22ತುಮೆ ನಂಬಿನ್, ಪ್ರಾರ್ಥನೆಮ ಶಾತ್ ಮಾಂಗೋಸ್‌ಕಿ ಯೋ ತುಮೂನ ಮಳ್‌ಶೆ” ಕರಿ ಬೋಲ್ಯೊ.
ಯೇಸುನಿ ಹಕ್‌ನಿ ಬಾರೇಮ ಪುಛಾ಼ಯೂತೆ
(ಮಾರ್ಕ 11:27-33; ಲೂಕ 20:1-8)
23ಯೇಸು ಪಾಛೊ಼ ಮಂದಿರ್‌ಮ ಐನ್, ವಚನ್ನ ಬೋಲಿದೆವ್‍ಕರಾನಿ ವಖ್ಹತ್‌ಮ, ಗಲ್‌ಢಯಾಜಕರ್‌ ಅಜು಼ ಶಾಣುಖ್ಹಾರು ಇನಾಕನ ಆಯಿನ್, “ತೂ ಖೆವಿ ಹಕ್‌ಥಿ ಆ ಖ್ಹಾರು ಕರುಕರಸ್? ಆ ಹಕ್ನ ತುನ ದಿದೂತೆ ಕೋಣ್?” ಕರಿ ಪುಛಾ಼ಯು.
24ಯೇಸುನೆ ಇವ್ಣುನ, “ಮೇ ತುಮೂನ ಏಕ್‌ ಸವಾಲ್ ಪುಛಾ಼ವ್‍ಸ್, ತುಮೆ ಮನ ಜ಼ವಾಬ್ ದಿದಾತೊ, ಮೇ ಹಕ್‌ಥಿ ಆ ಖ್ಹಾರು ಕರುಸ್ ಕರಿ ತುಮೂನ ಬೋಲುಸ್. 25ಬ್ಯಾಪ್ತಿಸ್ಮ ದ್ಯವಾನಿ ಹಕ್ ಯೋಹಾನ್ನ ಕಿಜ್ಜಾ಼ಥಿ ಆಯಿ? ಪರಲೋಕ್‌ಥೀಕಿ, ನತರ್‌ಕಿ ಅದ್ಮಿಥಿ?” ಕರಿ ಪುಛಾ಼ಯೊ.
ತದೆ ಇವ್ಣೆ, “ದೇವ್‍ಥಿ ಆಯು ಕರಿ ಅಪ್ಣೆ ಬೋಲ್ಯಾತೊ, ‘ಇಮ್‍ಕತೊ, ತುಮೆ ಇನ ಶನ ನಂಬ್ಯಾಕೊಯ್ನಿ’ ಕರಿ ಅಪ್ಣುನ ಬೋಲ್‌ಶೆ. 26‘ಅದ್ಮಿಥಿ ಆಯು’ ಕರಿ ಬೋಲ್ಯಾತೊ, ಅಪ್ಣುನ ಅದ್ಮಿನೊ ಡರ್‌ ಛಾ಼” ಕರಿ ಇವ್ಣ-ಇವ್ಣ ಮಹಿಸ್ ಬೋಲಿಲಿದು. ಶನಕತೊ, ಯೋಹಾನ ಏಕ್‌ ಪ್ರವಾದಿ ಕರಿ ತಮಾಮ್‌ ಅದ್ಮಿ ಶಕ್‌ಕೊಂತೆ ಇಮ್‌ ನಂಬಿರಾಖ್ಯುಥು. 27ಇನಖ್ಹಾಜೆ ಇವ್ಣೆ, “ಹಮೂನ ಮಾಲುಮ್ ಕೊಯ್ನಿ” ಕರಿ ಯೇಸುನ ಜ಼ವಾಬ್ ದಿದು.
ತದೆ ಯೇಸುನೆ ಇವ್ಣುನ, “ಮೇಬಿ ಖೆವಿ ಹಕ್‌ಥಿ ಆ ಖ್ಹಾರು ಕರುಸ್ ಕರಿ ತುಮೂನ ಕೋ ಬೋಲೂನಿ” ಕರಿ ಬೋಲ್ಯೊ.
ಬೇ ಛಿಯ್ಯಾನಿ ಬಾರೇಮಾನು ಮತ್ಲಬ್‌ನಿ ಖೇಣಿ
28“ಕತೋಬಿ ತುಮೂನ ಕಿಮ್ ದೆಖಾವಸ್? ಏಕ್‌ ಅದ್ಮಿನ ಬೇ ಛಿಯ್ಯಾ ಥಾ. ಇನೆ ಇನ ಮೋಟಾ ಛಿಯ್ಯಾಕನ ಜೈ಼ನ್, ‘ಛಿಯ್ಯಾ, ಆಜ಼್ ತೂ ಜೈ಼ನ್, ದ್ರಾಕ್ಷಿನ ಬಾಗ್‌ಮ ಕಾಮ್ ಕರ್‌’ ಕರಿ ಬೋಲ್ತಾನ, 29ಇನೆ, ‘ಮೇ ಕೋ ಜ಼ವ್‍ನಿ’ ಕರಿ ಬೋಲೀನ್‌ಬಿ, ಬಾದ್‌ಮ ಮನ್ ಫರೈಲಿನ್, ಬಾಗ್‌ಮ ಗಯೊ. 30ಇನಕೇಡೆಥು ಬಾನೆ ನ್ಹಾನ ಛಿಯ್ಯಾಕನ ಜೈ಼ನ್, ಯೋಸ್ ವಾತೇನ ಬೋಲ್ಯೊ. ತದೆ ಇನೆ, ‘ಜ಼ವುಸ್‌ಲಾ ಬಾ’ ಕರಿ ಬೋಲಿನ್‌ಬಿ ಕೋಸ್‍ಗಯೋನಿ. 31ಇವ್ಣ ಭೇಮ ಬಾನಿ ಮರ್ಜಿನಿಘೋಣಿ ಚಾ಼ಲಿಲಿದುತೆ ಕೋಣ್?” ಕರಿ ಪುಛಾ಼ವ್‌ತಾನ,
ಇವ್ಣೆ, “ಮೋಟೊ ಛಿಯ್ಯೋಸ್” ಕರಿ ಬೋಲ್ಯು.
ತದೆ ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚ ಬೋಲುಸ್: ಶುಂಕ ಮಾಂಗವಾಳು ಅಜು಼ ಶೂಳೆ ತಯೇಡ ಖ್ಹಾರಿ ತುಮಾರೇಥಿ ಅಗಾಡಿ ದೇವ್ನಿ ರಾಜ್ಯಮ ಜಾ಼ಶೆ. 32ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ ತುಮಾರಕನ ಆಯಿನ್, ತುಮೂನ ಜಿವಾನೊ ಬರೋಬರ್‌ನ ಮಾರಗ್‌ನ ವತಾಳ್ಯೊ, ತೋಬಿ ತುಮೆ ಇನ ನಂಬ್ಯಾಕೊಯ್ನಿ; ಕತೋಬಿ ಶುಂಕ ಮಾಂಗವಾಳು ಅಜು಼ ವ್ಯಬಿಚಾರ್‌ ಕರವಾಳು ಖ್ಹಾರು ಇನ ನಂಬ್ಯು. ಅನ ದೇಖಿನ್‌ಬಿ ತುಮೆ ತುಮಾರು ಮನ್‍ಫರಾಯಕೊಯ್ನಿ, ಇನಾಬಿ ನಂಬ್ಯಾ ಕೊಯ್ನಿ.
ದ್ರಾಕ್ಷಿನ ಬಾಗ್‌ನ ವಾರ್‌ನ ಕರಿರಾಖವಾಳಾನಿ ಬಾರೇಮಾನಿ ಮತ್ಲಬ್‌ನಿ ಖೇಣಿ
(ಮಾರ್ಕ 12:1-12; ಲೂಕ 20:9-19)
33“ಬಿಜೇಕ್ ಮತ್ಲಬ್‌ನಿ ಖೇಣಿನ ಖ್ಹಮ್‌ಜೊ಼: ಏಕ್‌ ಜ಼ಮೀನ್‌ದಾರ್ ಥೊ. ಇನೆ ಇನಿ ಜ಼ಮೀನ್‌ಮ ದ್ರಾಕ್ಷಿನೊ ಬಾಗ್‌ನ ಬಣೈನ್, ಇನ ಅಶ್‌ಪಿಶ್ ವಾಡ್‌ಗಿ ನಖೈನ್, ದ್ರಾಕ್ಷಿನೊರಖ್ಹ್ ಕಾಡಾನಖ್ಹಾಜೆ ಖಾಡ್ ಖೋಂದೈನ್, ಕಾವ್ಲಿನಖ್ಹಾಜೆ ಅಟ್‌ಲೊ ಭಂದಾಯೊ. ಅನಕೇಡೆಥು ಯೋ ಬಾಗ್‌ನ ಇನೆ ವಾರ್‌ನ ಕರಾವಾಳನ ಹಾತ್‌ಮ ದೀನ್, ದೇಖ್ಹ್‌ಪರ್ ಚ಼ಲೆಗಯೊ ಕರಿ ಯೇಸುನೆ ಬೋಲ್ಯೊ. 34ಪಂಡಾ ತೋಡಾನಿ ವಖ್ಹತ್ ಆವಾದಿನ್, ಇನ ಆವ್ಣುತೆ ಭಾಗ್‌ ಲ್ಯವಾನಖ್ಹಾಜೆ ಯೋ ವಾರ್‌ನ ಕರಿರಾಖವಾಳಕನ ಇನ ಆಳ್‌ನ ಖ್ಹಾರು ಮೋಕ್‌ಲ್ಯೊ. 35ಕತೋಬಿ ಯೋ ವಾರ್‌ನ ಕರಿರಾಖವಾಳಾವ್‍ನೆ ಇನ ಆಳ್‌ನ ಖ್ಹಾರು ಧರೀನ್, ಏಕ್‌ನ ಮಾರ‍್ಯು, ಬಿಜೇಕ್‌ನ ಮಾರಿಸ್‌ನಾಖ್ಯು, ಅಜು಼ ಏಕ್‌ನ ಬಂಡಾ ಫೇಕಿನ್ ಮಾರ‍್ಯು. 36ಯೋ ಬಾಗ್‌ನ ಯಜಮಾನ್ನೆ ಪಾಛೊ಼ ಅಗಾಡಿ ಮೋಕ್‌ಲ್ಯೋಥೋತೆ ಇನೇಥಿಬಿ ಜಾ಼ಖ್ಹತ್ ಆಳ್‌ನ ಖ್ಹಾರು ಮೋಕ್‌ಲ್ಯೊ. ವಾರ್‌ನ ಕರಿರಾಖವಾಳನೆ ಇವ್ಣುನಾಬಿ ಇಮ್ಮಸ್ ಕರ‍್ಯು. 37ಬಾದ್‌ಮ, ‘ಮಾರ ಛಿಯ್ಯಾನ ತೋಬಿ ಮರ್ಯಾದಿ ದಿಶೆ’ ಕರಿ ಬೋಲಿನ್, ಇನ ಛಿಯ್ಯಾನ ಇವ್ಣಾಕನ ಮೋಕ್‌ಲ್ಯೊ. 38ಕತೋಬಿ ಯೋ ವಾರ್‌ನ ಕರಿರಾಖವಾಳು ಖ್ಹಾರು ಇನ ಛಿಯ್ಯಾನ ದೇಖಿನ್, ‘ಆಸ್ ಮಾಲಿಕ್‌ನೊ ಛಿಯ್ಯೊ, ಆವೊ, ಅನ ಮಾರಿನಾಖಿದಿಯ್ಯೆ, ತದೆ ಇನು ಶೊತ್ ಅಪ್ಣು ಹುಯಿಜಾ಼ಶೆ’ ಕರಿ ಇವ್ಣ-ಇವ್ಣಾಮ ವಾತೆ ಬೋಲಿಲೀನ್, 39ಇನ ಧರೀನ್, ದ್ರಾಕ್ಷಿನ ಬಾಗ್‌ಥಿ ಭಾರ್ ಫೇಕಿನ್, ಇನ ಮಾರಿನಾಖ್ಯು.
40ಇಮ್‍ಕತೊ, ದ್ರಾಕ್ಷಿನೊ ಬಾಗ್‌ನೊ ಯಜಮಾನ್ ಆವಾದಿನ್, ಯೋ ವಾರ್‌ನ ಲೀರಾಖ್ಯುಥೂತೆ ಇವ್ಣುನ ಶಾತ್ ಕರ್ಶೆ?” ಕರಿ ಯೇಸುನೆ ಇವ್ಣುನ ಪುಛಾ಼ಯೊ.
41ಇವ್ಣೆ ಇನ, “ಯೋ ಖರಾಬ್ ಅದ್ಮಿ ಖ್ಹಾರಾನ ಮಾರಿನಾಖಿದೀನ್, ಖ್ಹುಗ್ಗೀನ ದನ್ಮ ಇನು ವಾಟೊ ಬರೋಬರ್‌ಥಿ ದ್ಯವಾಳ ಬಿಜ಼ ವಾರ್‌ನ ಕರಾವಾಳಾನ ಇನ ಬಾಗ್‌ನ ದಿಶೆ” ಕರಿ ಜವಾಬ್‌ ದಿದು.
42ಯೇಸುನೆ ಇವ್ಣುನ,
“ಘರ್ ಭಾಂದಾವಾಳು ನಕೊಕರಿ ಧಕೇಲೈ ಗಯೋತೆ ಬಂಡೋಸ್,
ಅಖ್ಖೇಥಿ ಹೋಣುತೆ ಕೋಣಾನೊ ಬಂಡೊ ಹುಯೊ.
‘ಆ ಪ್ರಭುನೇಸ್ ಕರ‍್ಯೊತೆ,
ಆ ಅಪ್ಣ ಡೋಳಾಮ ಆಶ್ಚರ್ಯ ದೆಖಾವಸ್!’ ಕರಿ ಧರ್ಮಶಾಸ್ತ್ರಮ ಛಾ಼ತೆ ತುಮೆ ಕದೆತೋಬಿ ಪಢ್ಯಾಕೊಯ್ನಿಕಿ ಶು?
43ಇನಖ್ಹಾಜೇಸ್ ಮೇ ತುಮೂನ ಬೋಲುಸ್ಕಿ: ದೇವ್ನಿ ರಾಜ್ಯನ ತುಮಾರಕಂಥು ಕಾಡಿಲೀನ್, ದೇವ್ನಿ ಮರ್ಜಿನಿಘೋಣಿ ಚಾ಼ಲಾಸ್ತೆ ಅದ್ಮಿನ ದೆವಾವ್‌ಶೆ. 44ಆ ಬಂಡಾಪರ್ ಪಡಾವಾಳು ಟುಕ್‌ಡಾ-ಟುಕ್‌ಡಾ ಹುಯಿಜಾ಼ಶೆ; ಅಜು಼ ಆ ಬಂಡೊ ಕಿನಾಪರ್ ಪಡಾಸ್ಕಿ, ಇವ್ಣುನ ಬುಕ್‍ನು-ಬುಕ್‍ನು ಕರಿನಾಕ್‌ಶೆ” ಕರಿ ಬೋಲ್ಯೊ.
45ಗಲ್‌ಢಯಾಜಕರ್‌ ಅಜು಼ ಫರಿಸಾಯರ್‌ನೆ ಯೇಸುನೆ ಬೋಲ್ಯೋತೆ ಮತ್ಲಬ್‌ನಿ ಖೇಣಿಯೇನ ಖ್ಹಮ್‌ಜಿನ್‌, ಆ ಅಪ್ಣೀಸ್‌ ಬಾರೇಮ ಬೋಲ್ಯೋತೆ ಕರಿ ಮಾಲುಮ್ ಕರಿಲೀನ್, 46ಇನ ಧರ್‌ನು ಕರಿ ಕರ‍್ಯು. ಕತೋಬಿ ಅದ್ಮಿಖ್ಹಾರು ಯೇಸುನ ಪ್ರವಾದಿ ಕರಿ ಮಾನಿರಾಖ್ಯುಥೂತೆ ಇನಖ್ಹಾಜೆ ಅದ್ಮಿಥಿ ಡರಿಗಯು.
Currently Selected:
ಮತ್ತಾಯ 21: NTWVe23
Highlight
Share
Copy
Want to have your highlights saved across all your devices? Sign up or sign in
The New Testament in Waghri Language © The Word for the World International and Waghri Translation Samiti, Karnataka, 2023.
ಮತ್ತಾಯ 21
21
ಯೇಸು ರಾಜಾ಼ನಿಘೋಣಿ ಯೆರೂಸಲೇಮ್ಮ ಗಯೋತೆ
(ಮಾರ್ಕ 11:1-11; ಲೂಕ 19:28-40; ಯೋಹಾನ 12:12-19)
1ಯೇಸು ಅಜು಼ ಇನ ಶಿಷ್ಯರ್‌ ಯೆರೂಸಲೇಮ್‌ನ ಖನ್ನೆ-ಖನ್ನೆ ಐನ್, ಆಲಿವ್ ಪಹಾಡ್‌ಕನ ಛಾ಼ತೆ ಬೆತ್ಫಗೆ ಕರಿ ಗಾಮ್‌ಕನ ಆಯಾ. ತದೆ ಯೇಸುನೆ ಇನ ಬೇ ಶಿಷ್ಯರ್‌ನ ಬುಲೈನ್, 2“ತುಮಾರ ಖ್ಹಾಮ್ಣೆ ಛಾ಼ತೆ ಗಾಮ್ಮ ಜಾ಼ವೊ, ಜಾ಼ತಸ್‌ನ ಹಿಜ್ಜಾ಼ ಭಂದೈರ‍್ಹೀಶೆತೆ ಗಧೇಡಾನ ಅಜು಼ ಇನಜೋ಼ಡೆ ಛಾ಼ತೆ ಇನ ಚೆಲ್ಕಾನ ದೇಕ್‌ಶು; ಯೋ ಭೇನ ಛೋ಼ಡಿಲಿನ್, ಮಾರಕನ ಲ್ಯಾವೊ. 3ಕೋಣ್‌ತೋಬಿ ತುಮೂನ ಶಾತ್‌ತೋಬಿ ಬೋಲ್ಯೂತೊ, ‘ಪ್ರಭುನ ಆ ಹೋಣುಕಸ್; ಅಜು಼ ಒಗ್ಗಿಸ್‌ಮ ಯೋ ಅನ ಮೋಕ್ಲಿದಿಶೆ’ ಕರಿ ಬೋಲೊ” ಕರಿ ಬೋಲಿನ್ ಮೋಕ್‌ಲ್ಯೊ.
4ಏಕ್‌ ಪ್ರವಾದೀನ ಮ್ಹೋಡವಾಟೆ ಬೋಲಾಯೋತೆ ವಾತೆ ಚಾ಼ಲಾನಖ್ಹಾಜೆ ಅಮ್ ಹುಯೂತೆ: ಯೋ ವಾತೆ ಶಾತ್ ಕತೊ,
5ಚೀಯೋನ್ ನಂಗರ‍್ನ ಬೋಲೊ,
ದೇಕ್ ತಾರೊ ರಾಜ಼ ತಾರಕನ ವಳ್ಯಾವಸ್,
ಯೋ ಖ್ಹುದ್‌ನ ಝು಼ಕೈಲೀನ್, ಗಧೇಡಾಪರ್ ಬೇಶಿನ್,
ಒಹೊ, ಗಧೇಡಾನ ಚೆಲ್ಕಪರ್‌ ಬೇಶಿನ್ ವಳ್ಯಾವಸ್’ ಕರಿ ಬೋಲಾನುಸ್.
6ತದೆ ಶಿಷ್ಯರ್‌ ಜೈ಼ನ್, ಯೇಸುನೆ ಇವ್ಣುನ ಬೋಲ್ಯೋತೆ ಇಮ್ಮಸ್ ಕರ‍್ಯು. 7ಇವ್ಣೆ ಗಧೇಡಾನ ಅಜು಼ ಗಲ್‌ಢ ಚೆಲ್ಕಾನ ಲೈನ್‌, ಇನಪರ್ ಇವ್ಣ ಲುಂಗ್ಡಾವ್‍ನ ನಾಖ್ಯು. ಯೇಸು ಇನಾಪರ್ ಚ಼ಢೀನ್ ಬೇಶಿಗಯೊ. 8ತದೆ ಅದ್ಮಿನಿ ಝೂ಼ಂಡ್‌ಮ ಥೂತೆ ಘಣು ಅದ್ಮಿ ಇವ್ಣ ಲುಂಗ್ಡಾವ್‍ನ ವಾಟ್‌ಪರ್ ಬಿಛಾ಼ಯು, ಬಿಜು಼ ಥೋಡಾನೆ ಝಾ಼ಡಾನಿ ಡಾಳಿಯೇನ ಕತ್ರಿಲೈನ್, ವಾಟ್‌ಪರ್ ನಾಖ್ಯು. 9ಯೇಸುನ ಖ್ಹಾಮ್ಣೆ ಅಜು಼ ಪೀಠೆ ಝೂ಼ಂಡ್‌ಥಿ ವಳ್ಯುಜಾ಼ತುಥೂತೆ ಅದ್ಮಿಖ್ಹಾರು, “ದಾವೀದ್‌ನ ಛಿಯ್ಯಾನ ಸ್ತುತಿಹುವ್ವಾದೆ! ಪ್ರಭು ದೇವ್ನ ನಾಮ್‌ಪರ್‌ ಆವಾಳಾನ ಆಶೀರ್ವಾದ್‌ ಹುವಾದೆ! ಉಪ್ಪರ್‌ಲ್ಯ ಲೋಕಾಮ ದೇವ್ನ ಧನ್ಯವಾದ್ ಹುವಾದೆ!” ಕರಿ ಚಿಕ್‌ರ‍್ಯು.
10ಯೇಸು ಯೆರೂಸಲೇಮ್‌ನ ಜಾ಼ವಾದಿನ್, ಯೋ ಖ್ಹಯೇರ್ ಅಖ್ಖುಸ್ ಚಿಕ್ರಾಣ್ ಪಡೀನ್, “ಆ ಕೋಣ್?” ಕರಿ ಅದ್ಮಿಖ್ಹಾರು ಪುಛಾ಼ಯು.
11ತದೆ ಯೋ ಅದ್ಮಿನಿ ಝೂ಼ಂಡ್‌ನೆ, “ಆ ಪ್ರವಾದಿ ಹುಯಿರ‍್ಹೋತೆ ಯೇಸು, ಆ ಗಲಿಲಾಯಾನು ನಜ಼ರೇತ್‌ವಾಳೊ” ಕರಿ ಜವಾಬ್‌ ದಿದು.
ಯೇಸು ಮಂದಿರ್‌ಮ ಗಯೋತೆ
(ಮಾರ್ಕ 11:15-19; ಲೂಕ 19:45-48; ಯೋಹಾನ 2:13-22)
12ಯೇಸು ಮಂದಿರ್‌ಮ ಜೈ಼ನ್, ಹಿಜ್ಜಾ಼ ವೇಚ಼ವಾಳ ಅಜು಼ ಲ್ಯವಾಳ ತಮಾಮ್‌ ಅದ್ಮಿನ ಭಾರ್ ನಖ್ಹಾಡಿದಿದೊ. ಪೈಶಾ ತೋಡಾವಾನು ಧಂದೊ ಕರಾವಾಳಾನ ಅಜು಼ ಪರ‍್ಯಾವೊ ವೇಚ಼ವಾಳಾನು ಮೇಜ್‌ನ ರಡ್‌ಕೈನಾಖಿದಿದೊ. 13ಅಜು಼ ಇವ್ಣ ಖ್ಹಾರಾನ, “ದೇವ್ನೆ ಬೋಲ್ಯೋತೆ ಇಮ್‌, ‘ಮಾರಿ ಮಂದಿರ್‌ ಪ್ರಾರ್ಥನೇನು ಘರ್ ಕರಿ ಬೋಲೈಲಿಶೆ’ ಕರಿ ವಚನ್‌ಮ ಲೀಖೈರ‍್ಹೂಸ್‌ನಿ ಕತೋಬಿ ತುಮೆ ಇನ ಚೋ಼ರ್‌ನಿ ಲಪಾನಿ ಘವಿ ಕರುಕರಸ್!” ಕರಿ ಬೋಲ್ಯೊ.
14ತದೆ ಕಾಣು ಅಜು಼ ಲಂಗ್ಡುಖ್ಹಾರು ಮಂದಿರ್‌ಮ ಇನಾಕನ ಆಯು, ಯೇಸುನೆ ಇವ್ಣುನ ಅಛ್ಛು಼ ಕರ‍್ಯೊ. 15ಕತೋಬಿ ಗಲ್‌ಢಯಾಜಕರ್‌ ಅಜು಼ ಮೋಶೆನಿ ವಚನ್ ಶಿಕಾಡವಾಳ ಶಾಸ್ತ್ರಿಯೇನೆ ಯೇಸುನೆ ಕರ‍್ಯೊತೆ ಆಶ್ಚರ್ಯನು ಕಾಮ್ನಖ್ಹಾರು ಅಜು಼ ದಾವೀದ್‌ನ ಛಿಯ್ಯಾನ ಸ್ತುತಿಹುವ್ವಾದೆ ಕರಿ ಮಂದಿರ್‌ಮ ಚಿಕ್ರುಕರ್ತುಥೂತೆ ಲಡ್ಕಾವ್ನ ದೇಖಿನ್, ಖೀಜ಼್‌ಖಾದು. 16ಇನಖ್ಹಾಜೆ ಇವ್ಣೆ ಯೇಸುನ, “ಅವ್ಣೆ ಬೋಲುಕರಾತೆ ಇನ ತೂ ಖ್ಹಮ್‌ಜು಼ಕರಾಸ್ಕಿ ಶು?” ಕರಿ ಪುಛಾ಼ವ್‌ತಾನ,
ಯೇಸುನೆ, “ಓಹೊ, ಖ್ಹಮ್‌ಜು಼ಕರೂಸ್, ‘ಅಡ್ಡಾಣಿ ಲಡ್ಕಾವ್ನ ಮ್ಹೋಡವಾಟೆ ಅಜು಼ ದೂದ್ ಪಿಯ್ಯಾವಾಳ ಲಡ್ಕಾವ್ನ ಮ್ಹೋಡವಾಟೆ ಸ್ತುತಿ ಕರಾಯೊ’ ಕರಿ ವಚನ್‌ಮ ಛಾ಼ತೆ ಇನ ತುಮೆ ಪಢ್ಯಾಕೊಯ್ನಿಕಿ ಶು?” ಕರಿ ಬೋಲ್ಯೊ.
17ಅನಕೇಡೆಥು ಯೇಸು ಇವ್ಣುನ ಮ್ಹೆಂದಿನ್, ಖ್ಹಯೇರ್‌ಥು ನಿಕ್ಳಿನ್, ಬೇಥಾನ್ಯ ಗಾಮ್ಮ ಐನ್, ಹಿಜ್ಜಾ಼ಸ್ ರಾತ್‌ ಕಾಡ್ಯೊ.
ಯೇಸುನೆ ಅಂಜೀರ್‌ನ ಝಾ಼ಡಾನ ಶಾಪ್ ದಿದೋತೆ
(ಮಾರ್ಕ 11:12-14,20-24)
18ತಿನವ್ಹಾಣೆ ಯೇಸು ಪಾಛೊ಼ಫರಿ ಯೆರೂಸಲೇಮ್‌ ಖ್ಹಯೇರ‍್ನ ಜಾ಼ವಾನಿ ವಖ್ಹತ್‌ಮ, ಯೇಸುನ ಭುಕ್‌ಲಾಗ್ಯು. 19ಇನೆ ವಾಟ್ನ ಶೇಡೆಏಕ್‌ ಅಂಜೀರ್‌ನ ಝಾ಼ಡಾನ ದೇಖಿನ್, ಇನಖನ್ನೆ ಜೈ಼ನ್, ಇನಾಮ ಖಲಿ ಪಾಂದ್‍ಡುಸ್ ಪಣ್ಕಿ, ಬಿಜು಼ ಶಾತ್ಬಿ ಕೋಥುಂತೆ ದೇಖಿನ್, “ಅನಾಪರ್‌ಥು ತೂ ಬಿಜು಼ ಕದೆಕದೇಬಿ ಪಂಡು ನಾ ಮ್ಹೇಲ್‌ನೂತೆ ಇಮ್‌ ಹುವಾದೆ!” ಕರಿ ಬೋಲ್ಯೊ. ತದ್‌ನು-ತದ್ದೇಸ್ ಯೋ ಅಂಜೀರ್‌ನು ಝಾ಼ಡು ಖ್ಹುಕೈಗಯು.
20ಶಿಷ್ಯರ್‌ನೆ ಅನ ದೇಖಿನ್, ಆಶ್ಚರ್ಯಖೈನ್, “ಅಂಜೀರ್‌ನು ಝಾ಼ಡ್ ಎಕ್ಕಸ್ ಘಡೀಮ ಖ್ಹುಕೈಗಯೂತೆ ಕಿಮ್?” ಕರಿ ಪುಛಾ಼ಯ.
21ಯೇಸುನೆ, “ತುಮುನ ಖ್ಹಾಚ ಬೋಲುಸ್, ತುಮೆ ಗುಮಾನಿ ಕರಾಕೊಂತೆ ಇಮ್‌ ವಿಶ್ವಾಸ್ ಕರ‍್ಯಾತೊ, ಮೇ ಆ ಅಂಜೀರ್‌ನ ಝಾ಼ಡಾನ ಕರ‍್ಯೊತೆ, ಇಮ್ಮಸ್, ತುಮೇಬಿ ಕರ್ಶು. ಅಜು಼ ಎತ್ರೆಸ್ ಕಾಹೆತೆ,ಆ ಪಹಾಡ್‌ನ, ‘ತೂ ಉಖ್‌ಡೈ ಜೈ಼ನ್, ದರ‍್ಯಾವ್‌ಮ ಪಡ್’ ಕರಿ ಬೋಲ್ಯಾತೋಬಿ ಯೋ ಉಶೆ. 22ತುಮೆ ನಂಬಿನ್, ಪ್ರಾರ್ಥನೆಮ ಶಾತ್ ಮಾಂಗೋಸ್‌ಕಿ ಯೋ ತುಮೂನ ಮಳ್‌ಶೆ” ಕರಿ ಬೋಲ್ಯೊ.
ಯೇಸುನಿ ಹಕ್‌ನಿ ಬಾರೇಮ ಪುಛಾ಼ಯೂತೆ
(ಮಾರ್ಕ 11:27-33; ಲೂಕ 20:1-8)
23ಯೇಸು ಪಾಛೊ಼ ಮಂದಿರ್‌ಮ ಐನ್, ವಚನ್ನ ಬೋಲಿದೆವ್‍ಕರಾನಿ ವಖ್ಹತ್‌ಮ, ಗಲ್‌ಢಯಾಜಕರ್‌ ಅಜು಼ ಶಾಣುಖ್ಹಾರು ಇನಾಕನ ಆಯಿನ್, “ತೂ ಖೆವಿ ಹಕ್‌ಥಿ ಆ ಖ್ಹಾರು ಕರುಕರಸ್? ಆ ಹಕ್ನ ತುನ ದಿದೂತೆ ಕೋಣ್?” ಕರಿ ಪುಛಾ಼ಯು.
24ಯೇಸುನೆ ಇವ್ಣುನ, “ಮೇ ತುಮೂನ ಏಕ್‌ ಸವಾಲ್ ಪುಛಾ಼ವ್‍ಸ್, ತುಮೆ ಮನ ಜ಼ವಾಬ್ ದಿದಾತೊ, ಮೇ ಹಕ್‌ಥಿ ಆ ಖ್ಹಾರು ಕರುಸ್ ಕರಿ ತುಮೂನ ಬೋಲುಸ್. 25ಬ್ಯಾಪ್ತಿಸ್ಮ ದ್ಯವಾನಿ ಹಕ್ ಯೋಹಾನ್ನ ಕಿಜ್ಜಾ಼ಥಿ ಆಯಿ? ಪರಲೋಕ್‌ಥೀಕಿ, ನತರ್‌ಕಿ ಅದ್ಮಿಥಿ?” ಕರಿ ಪುಛಾ಼ಯೊ.
ತದೆ ಇವ್ಣೆ, “ದೇವ್‍ಥಿ ಆಯು ಕರಿ ಅಪ್ಣೆ ಬೋಲ್ಯಾತೊ, ‘ಇಮ್‍ಕತೊ, ತುಮೆ ಇನ ಶನ ನಂಬ್ಯಾಕೊಯ್ನಿ’ ಕರಿ ಅಪ್ಣುನ ಬೋಲ್‌ಶೆ. 26‘ಅದ್ಮಿಥಿ ಆಯು’ ಕರಿ ಬೋಲ್ಯಾತೊ, ಅಪ್ಣುನ ಅದ್ಮಿನೊ ಡರ್‌ ಛಾ಼” ಕರಿ ಇವ್ಣ-ಇವ್ಣ ಮಹಿಸ್ ಬೋಲಿಲಿದು. ಶನಕತೊ, ಯೋಹಾನ ಏಕ್‌ ಪ್ರವಾದಿ ಕರಿ ತಮಾಮ್‌ ಅದ್ಮಿ ಶಕ್‌ಕೊಂತೆ ಇಮ್‌ ನಂಬಿರಾಖ್ಯುಥು. 27ಇನಖ್ಹಾಜೆ ಇವ್ಣೆ, “ಹಮೂನ ಮಾಲುಮ್ ಕೊಯ್ನಿ” ಕರಿ ಯೇಸುನ ಜ಼ವಾಬ್ ದಿದು.
ತದೆ ಯೇಸುನೆ ಇವ್ಣುನ, “ಮೇಬಿ ಖೆವಿ ಹಕ್‌ಥಿ ಆ ಖ್ಹಾರು ಕರುಸ್ ಕರಿ ತುಮೂನ ಕೋ ಬೋಲೂನಿ” ಕರಿ ಬೋಲ್ಯೊ.
ಬೇ ಛಿಯ್ಯಾನಿ ಬಾರೇಮಾನು ಮತ್ಲಬ್‌ನಿ ಖೇಣಿ
28“ಕತೋಬಿ ತುಮೂನ ಕಿಮ್ ದೆಖಾವಸ್? ಏಕ್‌ ಅದ್ಮಿನ ಬೇ ಛಿಯ್ಯಾ ಥಾ. ಇನೆ ಇನ ಮೋಟಾ ಛಿಯ್ಯಾಕನ ಜೈ಼ನ್, ‘ಛಿಯ್ಯಾ, ಆಜ಼್ ತೂ ಜೈ಼ನ್, ದ್ರಾಕ್ಷಿನ ಬಾಗ್‌ಮ ಕಾಮ್ ಕರ್‌’ ಕರಿ ಬೋಲ್ತಾನ, 29ಇನೆ, ‘ಮೇ ಕೋ ಜ಼ವ್‍ನಿ’ ಕರಿ ಬೋಲೀನ್‌ಬಿ, ಬಾದ್‌ಮ ಮನ್ ಫರೈಲಿನ್, ಬಾಗ್‌ಮ ಗಯೊ. 30ಇನಕೇಡೆಥು ಬಾನೆ ನ್ಹಾನ ಛಿಯ್ಯಾಕನ ಜೈ಼ನ್, ಯೋಸ್ ವಾತೇನ ಬೋಲ್ಯೊ. ತದೆ ಇನೆ, ‘ಜ಼ವುಸ್‌ಲಾ ಬಾ’ ಕರಿ ಬೋಲಿನ್‌ಬಿ ಕೋಸ್‍ಗಯೋನಿ. 31ಇವ್ಣ ಭೇಮ ಬಾನಿ ಮರ್ಜಿನಿಘೋಣಿ ಚಾ಼ಲಿಲಿದುತೆ ಕೋಣ್?” ಕರಿ ಪುಛಾ಼ವ್‌ತಾನ,
ಇವ್ಣೆ, “ಮೋಟೊ ಛಿಯ್ಯೋಸ್” ಕರಿ ಬೋಲ್ಯು.
ತದೆ ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚ ಬೋಲುಸ್: ಶುಂಕ ಮಾಂಗವಾಳು ಅಜು಼ ಶೂಳೆ ತಯೇಡ ಖ್ಹಾರಿ ತುಮಾರೇಥಿ ಅಗಾಡಿ ದೇವ್ನಿ ರಾಜ್ಯಮ ಜಾ಼ಶೆ. 32ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ ತುಮಾರಕನ ಆಯಿನ್, ತುಮೂನ ಜಿವಾನೊ ಬರೋಬರ್‌ನ ಮಾರಗ್‌ನ ವತಾಳ್ಯೊ, ತೋಬಿ ತುಮೆ ಇನ ನಂಬ್ಯಾಕೊಯ್ನಿ; ಕತೋಬಿ ಶುಂಕ ಮಾಂಗವಾಳು ಅಜು಼ ವ್ಯಬಿಚಾರ್‌ ಕರವಾಳು ಖ್ಹಾರು ಇನ ನಂಬ್ಯು. ಅನ ದೇಖಿನ್‌ಬಿ ತುಮೆ ತುಮಾರು ಮನ್‍ಫರಾಯಕೊಯ್ನಿ, ಇನಾಬಿ ನಂಬ್ಯಾ ಕೊಯ್ನಿ.
ದ್ರಾಕ್ಷಿನ ಬಾಗ್‌ನ ವಾರ್‌ನ ಕರಿರಾಖವಾಳಾನಿ ಬಾರೇಮಾನಿ ಮತ್ಲಬ್‌ನಿ ಖೇಣಿ
(ಮಾರ್ಕ 12:1-12; ಲೂಕ 20:9-19)
33“ಬಿಜೇಕ್ ಮತ್ಲಬ್‌ನಿ ಖೇಣಿನ ಖ್ಹಮ್‌ಜೊ಼: ಏಕ್‌ ಜ಼ಮೀನ್‌ದಾರ್ ಥೊ. ಇನೆ ಇನಿ ಜ಼ಮೀನ್‌ಮ ದ್ರಾಕ್ಷಿನೊ ಬಾಗ್‌ನ ಬಣೈನ್, ಇನ ಅಶ್‌ಪಿಶ್ ವಾಡ್‌ಗಿ ನಖೈನ್, ದ್ರಾಕ್ಷಿನೊರಖ್ಹ್ ಕಾಡಾನಖ್ಹಾಜೆ ಖಾಡ್ ಖೋಂದೈನ್, ಕಾವ್ಲಿನಖ್ಹಾಜೆ ಅಟ್‌ಲೊ ಭಂದಾಯೊ. ಅನಕೇಡೆಥು ಯೋ ಬಾಗ್‌ನ ಇನೆ ವಾರ್‌ನ ಕರಾವಾಳನ ಹಾತ್‌ಮ ದೀನ್, ದೇಖ್ಹ್‌ಪರ್ ಚ಼ಲೆಗಯೊ ಕರಿ ಯೇಸುನೆ ಬೋಲ್ಯೊ. 34ಪಂಡಾ ತೋಡಾನಿ ವಖ್ಹತ್ ಆವಾದಿನ್, ಇನ ಆವ್ಣುತೆ ಭಾಗ್‌ ಲ್ಯವಾನಖ್ಹಾಜೆ ಯೋ ವಾರ್‌ನ ಕರಿರಾಖವಾಳಕನ ಇನ ಆಳ್‌ನ ಖ್ಹಾರು ಮೋಕ್‌ಲ್ಯೊ. 35ಕತೋಬಿ ಯೋ ವಾರ್‌ನ ಕರಿರಾಖವಾಳಾವ್‍ನೆ ಇನ ಆಳ್‌ನ ಖ್ಹಾರು ಧರೀನ್, ಏಕ್‌ನ ಮಾರ‍್ಯು, ಬಿಜೇಕ್‌ನ ಮಾರಿಸ್‌ನಾಖ್ಯು, ಅಜು಼ ಏಕ್‌ನ ಬಂಡಾ ಫೇಕಿನ್ ಮಾರ‍್ಯು. 36ಯೋ ಬಾಗ್‌ನ ಯಜಮಾನ್ನೆ ಪಾಛೊ಼ ಅಗಾಡಿ ಮೋಕ್‌ಲ್ಯೋಥೋತೆ ಇನೇಥಿಬಿ ಜಾ಼ಖ್ಹತ್ ಆಳ್‌ನ ಖ್ಹಾರು ಮೋಕ್‌ಲ್ಯೊ. ವಾರ್‌ನ ಕರಿರಾಖವಾಳನೆ ಇವ್ಣುನಾಬಿ ಇಮ್ಮಸ್ ಕರ‍್ಯು. 37ಬಾದ್‌ಮ, ‘ಮಾರ ಛಿಯ್ಯಾನ ತೋಬಿ ಮರ್ಯಾದಿ ದಿಶೆ’ ಕರಿ ಬೋಲಿನ್, ಇನ ಛಿಯ್ಯಾನ ಇವ್ಣಾಕನ ಮೋಕ್‌ಲ್ಯೊ. 38ಕತೋಬಿ ಯೋ ವಾರ್‌ನ ಕರಿರಾಖವಾಳು ಖ್ಹಾರು ಇನ ಛಿಯ್ಯಾನ ದೇಖಿನ್, ‘ಆಸ್ ಮಾಲಿಕ್‌ನೊ ಛಿಯ್ಯೊ, ಆವೊ, ಅನ ಮಾರಿನಾಖಿದಿಯ್ಯೆ, ತದೆ ಇನು ಶೊತ್ ಅಪ್ಣು ಹುಯಿಜಾ಼ಶೆ’ ಕರಿ ಇವ್ಣ-ಇವ್ಣಾಮ ವಾತೆ ಬೋಲಿಲೀನ್, 39ಇನ ಧರೀನ್, ದ್ರಾಕ್ಷಿನ ಬಾಗ್‌ಥಿ ಭಾರ್ ಫೇಕಿನ್, ಇನ ಮಾರಿನಾಖ್ಯು.
40ಇಮ್‍ಕತೊ, ದ್ರಾಕ್ಷಿನೊ ಬಾಗ್‌ನೊ ಯಜಮಾನ್ ಆವಾದಿನ್, ಯೋ ವಾರ್‌ನ ಲೀರಾಖ್ಯುಥೂತೆ ಇವ್ಣುನ ಶಾತ್ ಕರ್ಶೆ?” ಕರಿ ಯೇಸುನೆ ಇವ್ಣುನ ಪುಛಾ಼ಯೊ.
41ಇವ್ಣೆ ಇನ, “ಯೋ ಖರಾಬ್ ಅದ್ಮಿ ಖ್ಹಾರಾನ ಮಾರಿನಾಖಿದೀನ್, ಖ್ಹುಗ್ಗೀನ ದನ್ಮ ಇನು ವಾಟೊ ಬರೋಬರ್‌ಥಿ ದ್ಯವಾಳ ಬಿಜ಼ ವಾರ್‌ನ ಕರಾವಾಳಾನ ಇನ ಬಾಗ್‌ನ ದಿಶೆ” ಕರಿ ಜವಾಬ್‌ ದಿದು.
42ಯೇಸುನೆ ಇವ್ಣುನ,
“ಘರ್ ಭಾಂದಾವಾಳು ನಕೊಕರಿ ಧಕೇಲೈ ಗಯೋತೆ ಬಂಡೋಸ್,
ಅಖ್ಖೇಥಿ ಹೋಣುತೆ ಕೋಣಾನೊ ಬಂಡೊ ಹುಯೊ.
‘ಆ ಪ್ರಭುನೇಸ್ ಕರ‍್ಯೊತೆ,
ಆ ಅಪ್ಣ ಡೋಳಾಮ ಆಶ್ಚರ್ಯ ದೆಖಾವಸ್!’ ಕರಿ ಧರ್ಮಶಾಸ್ತ್ರಮ ಛಾ಼ತೆ ತುಮೆ ಕದೆತೋಬಿ ಪಢ್ಯಾಕೊಯ್ನಿಕಿ ಶು?
43ಇನಖ್ಹಾಜೇಸ್ ಮೇ ತುಮೂನ ಬೋಲುಸ್ಕಿ: ದೇವ್ನಿ ರಾಜ್ಯನ ತುಮಾರಕಂಥು ಕಾಡಿಲೀನ್, ದೇವ್ನಿ ಮರ್ಜಿನಿಘೋಣಿ ಚಾ಼ಲಾಸ್ತೆ ಅದ್ಮಿನ ದೆವಾವ್‌ಶೆ. 44ಆ ಬಂಡಾಪರ್ ಪಡಾವಾಳು ಟುಕ್‌ಡಾ-ಟುಕ್‌ಡಾ ಹುಯಿಜಾ಼ಶೆ; ಅಜು಼ ಆ ಬಂಡೊ ಕಿನಾಪರ್ ಪಡಾಸ್ಕಿ, ಇವ್ಣುನ ಬುಕ್‍ನು-ಬುಕ್‍ನು ಕರಿನಾಕ್‌ಶೆ” ಕರಿ ಬೋಲ್ಯೊ.
45ಗಲ್‌ಢಯಾಜಕರ್‌ ಅಜು಼ ಫರಿಸಾಯರ್‌ನೆ ಯೇಸುನೆ ಬೋಲ್ಯೋತೆ ಮತ್ಲಬ್‌ನಿ ಖೇಣಿಯೇನ ಖ್ಹಮ್‌ಜಿನ್‌, ಆ ಅಪ್ಣೀಸ್‌ ಬಾರೇಮ ಬೋಲ್ಯೋತೆ ಕರಿ ಮಾಲುಮ್ ಕರಿಲೀನ್, 46ಇನ ಧರ್‌ನು ಕರಿ ಕರ‍್ಯು. ಕತೋಬಿ ಅದ್ಮಿಖ್ಹಾರು ಯೇಸುನ ಪ್ರವಾದಿ ಕರಿ ಮಾನಿರಾಖ್ಯುಥೂತೆ ಇನಖ್ಹಾಜೆ ಅದ್ಮಿಥಿ ಡರಿಗಯು.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Waghri Language © The Word for the World International and Waghri Translation Samiti, Karnataka, 2023.