ಮಾರ್ಕ 9
9
1ಅಜು಼ ಯೇಸುನೆ ಇವ್ಣುನ, “ತುಮೂನ ಖ್ಹಾಚಾಮ ಬೋಲುಸ್ಕಿ, ಹಾ ಭಿಯ್ಯಾತೆ ತುಮಾರಾಮ ಥೋಡು ಜ಼ಣು ದೇವ್ನಿ ರಾಜ್ಯ ಶಕತ್‍ಥಿ ಆವಾನು ದೇಖಾತೋಡಿ ಮರ್‌ಶೆಸ್ ಕೊಯ್ನಿ” ಕರಿ ಬೋಲ್ಯೊ.
ಯೇಸುನು ರೂಪ್ ಬದ್‌ಲ್ಯೂತೆ
(ಮತ್ತಾಯ 17:1-13; ಲೂಕ 9:28-36)
2ಛೊ಼ ದನ್ನ ಬಾದ್‌ಮ ಯೇಸುನೆ ಪೇತ್ರ, ಯಾಕೋಬ ಬಿಜು಼ ಯೋಹಾನ್ನ ಕೇಡೆ ಬುಲೈಲಿನ್ ಊಚಾ಼ ಪಹಾಡ್‌ಪರ್ ಗಯೊ. ಹಿಜ್ಜಾ಼ ಇವ್ಣುನ ಮ್ಹೆಂದಿನ್ ಕೋಣ್‌ಬಿ ಕೋ ಥೂನಿ. ಇವ್ಣ ಡೋಳಾನ ಖ್ಹಾಮ್ಣೇಸ್, ಯೇಸುನು ರೂಪ್ ಬದ್ಲಿಗಯು. 3ಯೇಸುನು ಪೆರ್ವಾಖ್ಹ್‌ಅಖ್ಖು ಧೋಳು ಫಟ್‌ ಹುಯಿನ್, ಝ಼ಮ್‌ಕಾಲಗ್ಯುಥು. ಜ಼ಮೀನ್‌ಪರ್ ಛಾ಼ತೆ ಕೆಹೊ ಧೋಬೀಬಿ ಎತ್ರೆ ಧೋಳು ಫಟ್‌ ಕರಾನ ಕೋ ಹುವ್ವಾನಿತೆ ಇಮ್‌ ಥು. 4ತದೆ ಎಲೀಯಬಿ ಮೋಶೆ ಯೇಸುನ ಜೋ಼ಡೆ ವಾತೆ ಬೋಲುಕರಾನು ಯೋ ತೀನ್ ಶಿಷ್ಯರ್‌ನೆ ದೇಖ್ಯ. 5ತದೆ ಪೇತ್ರನೆ ಯೇಸುನ, “ಗುರು, ಹಮೆ ಹಜ಼್ಜಸ್ ರ‍್ಹವಾನು ಅಛ್ಛು಼! ಹಮೆ ಹಜ್ಜಾ಼ ತೀನ್ ಡೇರಾ ಠೋಕೆಸ್, ಏಕ್‌ ತುನ, ಏಕ್‌ ಮೋಶೇನ ಅಜು಼ ಏಕ್‌ ಎಲೀಯನ” ಕರಿ ಬೋಲ್ಯೊ. 6ಶಾತ್ ಬೋಲ್‌ನು ಕರಿ ಮಾಲುಮ್‌ ಕೋ ಪಡ್ಯುನಿತೆ ಇನಾಖ್ಹಾಜೆ ಪೇತ್ರನೆ ಅಮ್ ಬೋಲ್ಯೊತೆ. ಶನಕತೊ ಇವ್ಣೆ ಘಣು ಡರೀರ‍್ಹುಥು.
7ಎತ್ರಾಸ್‌ಮ ವಾದ್‌ಳು ಐನ್ ಇವ್ಣಾಪರ್ ಢಪೈಗಯು. ಯೋ ವಾದ್ಳನ ಮಹಿಥು, “ಆ ಮಾರೊ ಪ್ಯಾರ್‌ನೊ ಛಿಯ್ಯೊ, ಅನಿ ವಾತೆನ ಖ್ಹಮ್‌ಜೊ಼!” ಕರಿ ಅವಾಜ಼್ ಆಯೊ. 8ಫಕ್‌ ಕರಿ ಇವ್ಣೆ ಅಶ್‌ಪೀಶ್‌ ದೇಖಾಖ್ಹತರ್, ಇವ್ಣಿ ಜೋ಼ಡ್ಮ ಯೇಸುನ ಮ್ಹೆಂದಿನ್ ಬಿಜು಼ ಕೋಣ್‌ಬಿ ಕೋ ಥೂನಿ.
9ಇವ್ಣೆ ಯೋ ಪಹಾಡ್‌ಪರ್‌ಥು ಉತ್ರಿನ್ ಆವಾನಿ ವಖ್ಹತ್‌ಮ ಯೇಸುನೆ ಇವ್ಣುನ, “ತುಮೆ ಹಮ್ಕೆ ದೇಖ್ಯಾತೆ ಇನ ಅದ್ಮಿನೊ ಛಿಯ್ಯೊ ಮರಿನ್‌ ಜಿವ್ತೊ ಹುಯಿನ್ ಉಠಿ ಆವಾತೋಡಿ, ಕಿನಾಬಿ ನಾ ಬೋಲ್‌ನು” ಕರಿ ಝೇತೈನ್‌ ಬೋಲ್ಯೊ.
10ಇವ್ಣೆ ಯೋ ವಾತೆನ ಮಾನಿಗಯು, ಕತೋಬಿ, “ಮರಿನ್‌ ಜಿವ್ತೊಹುಯಿನ್ ಉಠಾನು ಕತೊ ಶಾತ್?” ಕರಿ ಇವ್ಣ-ಇವ್ಣ ಮಹಿಸ್ ವಾತೆ ಬೋಲಾಲಗ್ಯ. 11ಅಜು಼ ಇವ್ಣೆ ಯೇಸುನ, “ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಖ್ಹಾರು ಎಲೀಯ ಅಗಾಡಿ ಆವಾನು ಜ಼ರೂರತ್ ಛಾ಼, ಕರಿ ಶನ ಬೋಲಾಸ್ತೆ?” ಕರಿ ಪುಛಾ಼ಯ.
12ತದೆ ಯೇಸುನೆ, “ಎಲೀಯ ಪಹಿಲೆ ಐನ್ ಖ್ಹಾರು ಖ್ಹವಾರ್‌ಶೇತೆ ಖ್ಹಾಚಸ್. ಕತೋಬಿ ಅದ್ಮಿನೊ ಛಿಯ್ಯಾನಿ ಬಾರೇಮ, “ಯೋ ಘಣು ಲತಾಡ ಪಡೀನ್ ಅದ್ಮಿಥಿ ಧಕೇಲೈಜಾ಼ಶೆ ಕರಿ ಲೀಖೈರ‍್ಹೂಸ್‌ನಿ, ಆ ಕಿಮ್? 13ಕತೋಬಿ ಮೇ ತುಮೂನ ಬೋಲೂಸ್ಕಿ, ಎಲೀಯ ಆಯೊ ಅಜು಼ ಇನಿ ಬಾರೇಮ ವಾಕ್ಯಾಮ ಲೀಖೈರ‍್ಹೂತೆ ಇಮ್‌ ಅದ್ಮಿಖ್ಹಾರು ಇವ್ಣ ಮನ್‌ಮ ಆಯುತೆ ಇಮ್‌ ಇನ ಖ್ಹತೈನ್ ಮಾರ‍್ಯು” ಕರಿ ಬೋಲ್ಯೊ.
ಯೇಸುನೆ ಭೂತ್ ಧರಿರಾಖ್ಯುಥೂತೆ ಲಡ್ಕಾನ ಅಛ್ಛು಼ ಕರ‍್ಯೊತೆ
(ಮತ್ತಾಯ 17:14-20; ಲೂಕ 9:37-43)
14ಬಾದ್‌ಮ ಯೇಸುಬಿ ಇನ ತೀನ್ ಶಿಷ್ಯರ್‌, ಉಭ್‌ರ‍್ಯಾತೆ ಬಿಜ಼ ಶಿಷ್ಯರ್‌ಕನ ಐನ್, ಇವ್ಣ ಅಶ್‌ಪಿಶ್ ಅದ್ಮಿನಿ ಮೋಟಿ ಭೀಡ್‌ ಭರೈರ‍್ಹುತೆ ಅಜು಼ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರೀಮ ಥೋಡು ಜ಼ಣು ಇವ್ಣ ಜೋ಼ಡೆ ಅಬ್ಬಾಜ಼ಬ್ಬಿ ವಾತೆಕರುರಾತೆ ದೇಖ್ಯ. 15ಅಜು಼ ಇವ್ಣೆಖ್ಹಾರು ಯೇಸುನ ದೇಖಿನ್, ಘಣು ಆಶ್ಚರ್ಯಖಾದು, ಅಜು಼ ಇನಾಕನ ನಾಶಿ ಆಯಿ ಮಳಿನ್ ಖ್ಹಲಾಮ್ ಕರ‍್ಯು. 16ತದೆ ಯೇಸುನೆ ಇನ ಶಿಷ್ಯರ್‌ನ, “ಇವ್ಣ ಜೋ಼ಡೆ ಶಾತ್ ಅಬ್ಬಾಜ಼ಬ್ಬಿ ವಾತೆ ಕರುಕರ್ತಥಾತೆ?” ಕರಿ ಪುಛಾ಼ಯೊ.
17ತದೆ ಯೋ ಝೂ಼ಂಡ್‌ಮಾಥು ಏಕ್‌ ಜ಼ಣು, “ಗುರು, ಮಾರ ಛಿಯ್ಯಾನ ಏಕ್‌ ಮುಕ್ಕೊ ಭೂತ್#9:17 ಯೋ ಭೂತ್ ಮುಕ್ಕು ಕಾಹೆ. ಭೂತ್ ಧರಿರಾಖ್ಯುಥೂತೆ ಇನಾಖ್ಹಾಜೆ ಯೋ ಮುಕ್ಕೊ ಹುಯಿರ‍್ಹೋಥೊ ಧರಿರಾಖ್ಯುಸ್, ಇನಾಖ್ಹಾಜೆ ತಾರಕನ ಬುಲೈಲಾಯೊಥೊ. 18ಯೋ ಭೂತ್ ಕದೆ ಇನಾಪರ್‌ ಆಯುತೋಬಿ, ಇನ ಹೇಟ್‌ ರಡ್‌ಕೈದೇಸ್‌, ಬಿಜು಼ ಯೋ ಮ್ಹೋಡಾವಾಟೆ ಜ಼ಲ್‌ಭು#9:18 ಪೇಖ್ಹಟ್, ಥೂಕ್‌ ಕರೀಬಿ ಬೋಲಸ್ ಕಾಡ್ತೊಹುಯಿನ್‌, ಕರ್‌-ಕರ್‌ ದಾತ್‌ ಚಾ಼ವ್ತೊಹುಯಿನ್‌ ಅಕ್‌ಡೈಜಾ಼ಸ್‌. ಇನಾಮಾಥು ಯೋ ಭೂತ್‌ನ ಕಾಡೊ ಕರಿ ತಾರ ಶಿಷ್ಯರ್‌ನ ಬೋಲಿಲಿದೊ, ಕತೋಬಿ ಇವ್ಣ ಹಾತೆ ಕೋಹುಯುನಿ” ಕರಿ ಬೋಲ್ಯು.
19ತದೆ ಯೇಸುನೆ “ಏ ವಿಶ್ವಾಸ್‌ಕೊಂತೆ ಪಿಳ್ಗಿಯೆ! ಮೇ ಬಿಜು಼ ಕೆತ್ರ ದನ್ ತುಮಾರ ಜೋ಼ಡೆ ರ‍್ಹೇಣು? ಅಜು಼ ಕೆತ್ರ ದನ್ ತುಮೂನ ಖ್ಹಮಾಳ್‌ಣು? ಇನ ಮಾರಾಕನ ಬುಲೈಲ್ಯಾವೊ” ಕರಿ ಬೋಲ್ಯೊ.
20ಇವ್ಣೆ ಇನ ಯೇಸುಕನ ಬುಲೈಲಾಯು. ಯೇಸುನ ದೇಕ್ತಾಸ್‌ನ, ಯೋ ಭೂತ್ ಯೋ ಛೋ಼ಕ್ರಾನ ಧಡಾಶ ಮರಾವಲಗ್ಯು, ಯೋ ಛೋ಼ಕ್ರು ಜ಼ಮೀನ್‌ಪರ್ ಪಡೀನ್ ಮ್ಹೋಡಾವಾಟೆ ಜ಼ಲ್‌ಭು ಕಾಡ್ತುಹುಯಿನ್‌ ತರಪ್‌ಢಾಲಗ್ಯು. 21ಯೇಸು ಯೋ ಛೋ಼ಕ್ರಾನ ಬಾನ, “ಅನ ಆ ಭೂತ್ ಧರೀನ್ ಕೆತ್ರ ದನ್ ಹುಯ?” ಕರಿ ಪುಛಾ಼ವಖ್ಹತರ್,
ಇನೆ, “ಅಡ್ಡಾಣಿಪರಸ್‌ ಆಯುಥು; 22ಅಜು಼ ಅನ ಮಾರ‍್ನು ಕರಿ ಘಣಿ ಹಲ್ಲ ಆಗ್‌ಮಾಬಿ, ಪಾಣಿಮಾಬಿ ನಾಕ್ತುಥು. ತಾರ ಹಾತೆ ಶಾತ್ತೊಬಿ ಹೋತು ಉಶೇತೊ! ಹಮಾರಪರ್ ಗೋರ್‌ಕರೀನ್, ಮದತ್ ಕರ್‌” ಕರಿ ಬೋಲ್ಯು.
23ಯೇಸುನೆ ಇನ, “ತಾರ ಹಾತೆ ಹೋತು ಉಶೇತೊ! ಕರಿ ಬೋಲಾಸ್ ಕಿಶು? ನಂಬವಾಳಾನ ಖ್ಹಾರುಸ್‌ ಹುವಾಸ್” ಕರಿ ಬೋಲ್ಯೊ.
24ಇಮ್‌ ಬೋಲ್ತಾಸ್‌ನ ಯೋ ಛೋ಼ಕ್ರಾನ ಬಾನೆ, “ನಂಬುಸ್‌, ಮಾರಿ ವಿಶ್ವಾಸ್‌ಕಮ್‌ ಉಶೆತೋಬಿ, ಮದತ್‌ಕರ್‌” ಕರಿ ಚಿಕ್ರಿನ್ ಬೋಲ್ಯೊ.
25ತದೆ ಯೇಸುನೆ ಬಿಜೂ಼ಬಿ ಅದ್ಮಿನಿ ಝೂ಼ಂಡ್‌ ಇವ್ಣ ಭಣಿ ನಾಶಿ ಉಳ್ಯಾವತೆ ದೇಖಿನ್, ಯೋ ಭೂತ್‌ನ ಗುರ್‌ಕೈನ್, “ಏಯ್, ಭೈರಾ ಮುಕ್ಕಾಭೂತ್‌, ಅನ ಮ್ಹೆಂದಿನ್ ಭಾರ್‌ನಿಕಳ್‌, ಪಾಛು಼ ಅನ ನಾ ಧರ್‌ನು! ಕರಿ ಮೇ ತುನ ಹುಕುಮ್‌ ದೆವ್‌ಕರುಸ್” ಕರಿ ಬೋಲ್ಯೊ.
26ತದೆ ಯೋ ಭೂತ್ ಚಿಕ್ರಾಣ್ ಮ್ಹೇಲಿನ್, ಯೋ ಛೋ಼ಕ್ರಾನ ಧಡಾಶ ಮರೈನ್, ಇನ ಮಹಿತು ಭಾರ್‌ ನಿಕ್ಳಿಗಯು. ತದೆ ಯೋ ಛೋ಼ಕ್ರು ಮರ‍್ಯಾಹುಯಾನಿಘೋಣಿ ಪಡ್ಯುಥೂತೆ ದೇಖಿನ್ ಘಣ ಅದ್ಮಿನೆ, “ಆ ಮರಿಗಯು!” ಕರಿ ಬೋಲ್ಯು. 27ಕತೋಬಿ ಯೇಸುನೆ ಯೋ ಛೋ಼ಕ್ರಾನ ಹಾತ್ ಧರಿನ್ ಉಠಾಡ್‌ತಾಖ್ಹತರ್‌, ಯೋ ಉಠಿ ಭೀರಿಗಯು.
28ಯೇಸು ಘರ್‌ಮ ಆವಾದಿನ್, ಎಕ್ಲೋಸ್ ರ‍್ಹಾವಾನಿ ವಖ್ಹತ್‌ಮ, ಇನ ಶಿಷ್ಯರ್‌ನೆ, “ಯೋ ಭೂತ್‌ನ ಕಾಡಾನ ಹಮಾರೇಥಿ ಶನ ಕೋ ಹುಯೂನಿ?” ಕರಿ ಯೇಸುನ ಪುಛಾ಼ಯು.
29ತದೆ ಯೇಸುನೆ, “ಆ ಜಾ಼ತ್ನು ಭೂತ್‌ನ, ಪ್ರಾರ್ಥನೆಥೀಸ್ ಪಣ್ಕಿ ಬಿಜು಼ ಶನೇಥೀಬಿ ಕಾಡಾನ ಕೋ ಹುವಾನಿ”#9:29 ಗ್ರೀಕ್‌ನು ಥೋಡು ವಾಕ್ಯಾನು ಭಾಗ್‌ಮ ‘ಪ್ರಾರ್ಥನೆ ಅಜು಼ ಉಪವಾಸ್‌ಥಿ’ ಕರಿ ಛಾ಼ ಕರಿ ಬೋಲ್ಯೊ.
ಯೇಸುನೆ ಇನಿ ಮರಣ್ಣಿ ಬಾರೇಮ ಪಾಛೊ಼ ಬೋಲ್ಯೊತೆ
(ಮತ್ತಾಯ 17:22-23; ಲೂಕ 9:43-45)
30ಯೇಸುಬಿ ಇನು ಶಿಷ್ಯರ್‌ ಹಿಜ್ಜಾ಼ಥು ನಿಕ್ಳಿನ್ ಗಲಿಲಾಯ ತಬರ್‌ಖಾಮಾಕರಿ ವಳ್ಯಜಾ಼ತಾಥ. ಯೋ ಕಿಜ಼್ಜಾ ಛಾ಼ ಕರಿ ಕಿನಾಬಿ ನಾ ಮಾಲುಮ್‌ಪಡ್ಣು ಕರಿ ಯೇಸುನ ದಿಲ್ಮ ಥು. 31ಶನಕತೊ ಯೇಸು ಇನ ಶಿಷ್ಯರ್‌ನ ಬೋಲಿ ದೇತೊಹುಯಿನ್, “ಅದ್ಮಿನ ಛಿಯ್ಯಾನ, ಇನ ಮಾರಿನಾಖವಾಳಾನ ಹಾತ್‌ಮ ದೆವೈಜಾಶೆ, ಇವ್ಣೆ ಇನ ಮಾರಿನಾಕ್‌ಶೆ. ಕತೋಬಿ ಮರೀನ್ ತೀನ್ ರೋಜ಼್ ಕೇಡೆ, ಯೋ ಪಾಛೊ಼ ಜಿವ್ತೊ ಹುಯಿನ್ ಉಠಿ ಆವ್‌ಶೆ” ಕರಿ ಬೋಲ್ಯೊ.
32ಕತೋಬಿ ಇವ್ಣೆ ಯೋ ವಾತೆನ ಪರ್‌ಖ್ಯುಕೊಯ್ನಿ, ಅಜು಼ ಇನಿ ಬಾರೇಮ ಯೇಸುನ ಪುಛಾ಼ವನಾಬಿ ಡರಿಗಯು.
ಅಖ್ಖೇಥಿ ಮೋಟು ಕೋಣ್?
(ಮತ್ತಾಯ 18:1-5; ಲೂಕ 9:46-48)
33ಇವ್ಣೆ ಕಪೆರ್ನೌಮ್ ಗಾಮ್ಮ ಆಯ. ಅಜು಼ ಯೇಸು ಘರ್‌ಮ ರ‍್ಹವಾನಿ ವಖ್ಹತ್‌ಮ, ಇನ ಶಿಷ್ಯರ್‌ನ, “ತುಮೆ ವಾಟ್‌ಪರ್ ತುಮಾರ ತುಮಾರಸ್‌ಮ ಶಾತ್ ಅಬ್ಬಾಜ಼ಬ್ಬಿ ವಾತೆ ಕರುಕರ್ತಥಾತೆ?” ಕರಿ ಫುಛಾ಼ಯೊ.
34ಕತೋಬಿ ಇವ್ಣೆ ಜವಾಬ್‌ ಕೋ ದಿದೂನಿ, ಶನಕತೊ ಇವ್ಣೆ ವಾಟ್‌ಪರ್, ಅಖ್ಖೇಥಿ ಮೋಟೊ ಕೋಣ್ ಕರಿ ಇವ್ಣ-ಇವ್ಣಾಮ ಅಬ್ಬಾಜ಼ಬ್ಬಿ ವಾತೆ ಕರುಕರ್ತಥ. 35ಯೇಸು ಬೇಶಿನ್, ಇನ ಭಾರ‍ಜ಼ಣ ಶಿಷ್ಯರ್‌ನ ಬುಲೈನ್ ಇವ್ಣುನ, “ತುಮಾರಮ ಕೋಣ್‌ತೋಬಿ ಅಖ್ಖಾಮ ಅಗಾಡಿ ರ‍್ಹೇವ್ಣುಕರಿ ಉಶೇತೊ ಇನು ಯೋ ಅಖ್ಖೇಥಿ ಪಾಛ಼್‌ಲ್ಯೊ ಹೋಣು ಅಜು಼ ಅಖ್ಖಾನೊ ಸೇವಕ್ ಹುಯಿರ‍್ಹೇವ್ಣು” ಕರಿ ಬೋಲ್ಯೊ. 36ಅಜು಼ ಇನೆ ಏಕ್‌ ಅಡ್ಡಾಣಿ ಲಡ್ಕಾನ ಬುಲೈನ್ ಶಿಷ್ಯರ್‌ನ ಇಚ಼್‌ಮ ಭೀರಖಾಡಿನ್‌, ಇನ ಬಥೈನ್‌ ಇವ್ಣುನ, 37“ಕೋಣ್‌ತೋಬಿ ಮಾರ ನಾಮ್‌ಪರ್‌ ಅಮ್ನ ಅಡ್ಡಾಣಿ ಲಡ್ಕಾಮ ಏಕ್‌ನ ಮಳೈಲಿದೊತೊ, ಯೋ ಮನ ಮಳೈ ಲ್ಯಾವದಾಖ್ಹಲ್, ಅಜು಼ ಕೋಣ್‌ತೋಬಿ ಮನ ಮಳೈಲಿದೊತೊ, ಮನಾಸ್ ಕಾಹೆತೆ ಮನ ಮೋಕ್‌ಲ್ಯೊತೆ ಇನಾಬಿ ಮಳೈಲ್ಯಾವದಾಖ್ಹಲ್‌” ಕರಿ ಬೋಲ್ಯೊ.
ಅಪ್ಣುನ ಕೋಣ್ ದುಶ್‌ಮನ್‌ ಕರಾಕೊಯ್ನಿಕಿ ಇವ್ಣೆ ಅಪ್ಣಾಸ್‌ ಭಣಿವಾಳು ಹುಯಿರ‍್ಹೂಸ್
(ಲೂಕ 9:49-50)
38ತದೆ ಯೋಹಾನನೆ ಯೇಸುನ, “ಗುರು, ಕೋಣ್‌ಕಿ ಏಕ್‌ ಜ಼ಣು ತಾರು ನಾಮ್ ಬೋಲಿನ್ ಭೂತ್ ನಖ್ಹಾಡುಕರ್ತುಥೂತೆ ಹಮೆ ದೇಖಿನ್, ಯೋ ಅಪ್ಣ ಭಣಿವಾಳು ಕಾಹೆತೆ ಇನಖ್ಹಾಜೆ, ಇನ ಭಿರಾಕಡ್, ಕರಿ ಬೋಲ್ಯ” ಕರಿ ಬೋಲ್ಯೊ.
39ತದೆ ಯೇಸುನೆ, “ಇನ ನಕೊ ಭಿರಾಖಡೊ, ಮಾರ ನಾಮ್‌ಪರ್‌ ಅದ್ಭುತ್‌ ಕರೀನ್ ಏಕ್‌ದಮ್ ಮಾರಿ ಬಾರೇಮ ಖರಾಬ್ ಬೋಲಾನ ಕಿನಾಬಿ ಕೋ ಹುವಾನಿ. 40ಅಪ್ಣಪರ್ ದಾವೊ#9:40 ದುಶ್‌ಮನ್‌ ಕರಾಕೊಂತೆ ನತರ್‌ಕಿ ವಹೇರ್‌ ಕರಾಕೊಯ್ನಿತೆ ಇವ್ಣೆ ಅಪ್ಣಾಸ್‌ ಭಣಿವಾಳು ಹುಯಿರ‍್ಹೂಸ್ ಕರಿ ಮತ್‌ಲಬ್ ಕರಾಕೊಂತೆ ಇವ್ಣೆ ಅಪ್ಣಾಸ್‌ ಭಣಿವಾಳ ಹುಯಿರ‍್ಹುಸ್‍. 41ಮೇ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ಕ್ರಿಸ್ತಭಣಿವಾಳ ಕರಿ, ಕೋಣ್‌ತೋಬಿ ಏಕ್‍ಜ಼ಣೊ ತುಮೂನ ಏಕ್‌ ತಾಂಬ್ಯೊ ಪಾಣಿ ಪಿಯ್ಯಾನು ದಿದುತೋಬಿ, ಇವ್ಣುನ ಮಳ್‌ಶೆತೆ ಇನಾಮ್ ಛು಼ಕ್‌ಶೆಸ್‌ ಕೊಯ್ನಿ”.
ಪಾಪ್‌ಮ ಚ಼ಲಾವವಾಳಾನ ಝೇತಾವ್ಣಿ
(ಮತ್ತಾಯ 18:6-9; ಲೂಕ 17:1-2)
42ಅಜು಼ ಕೋಣ್‌ತೋಬಿ ಮನ ನಂಬವಾಳ ಆ ನ್ಹಾನಾವ್‍ಮ ಏಕ್‌ನಿ ವಿಶ್ವಾಸ್ ಮಾರಪರ್‌ಥು ತುಟಿ ಜಾ಼ವಾನಿಘೋಣಿ ಕರ‍್ಯೂತೊ, ಯೋ ಅದ್ಮಿನ ಘಲೆಂಡ ಕೇಡೆ ಮೋಟೊ ಘಟ್ಟಿನೊ ಬಂಡೊ#9:42 ಯೋ ಕಾಲಾಮ ಗಧೇಡಾ ಕೇಡೆ ಮೋಟೊ ಘಟ್ಟಿನೊ ಬಂಡೊ ಭಾಂದಿನ್ ದಳ್‌ತೂಥು, ಯೋ ಬಂಡೊ ಕಮ್‌ಶಿಕಮ್ ಬೇ ಖ್ಹೊ ಕಿಲೊಥೀಬಿ ಜಾ಼ಖ್ಹತ್ ರ‍್ಹೇತೂಥು. ಭಾಂದೀನ್‌ ದರ‍್ಯಾವ್‌ಮ ನಾಖಿ ದಿದುತೋಬಿ ಇನ ಅಛ್ಛು಼ಸ್. 43ಅತ್ರೇಸ್ ಕಾಹೆತೆ, ತಾರೊ ಹಾತ್ ತುನ ಪಾಪ್‌ಮ ಖ್ಹಪ್‌ಡಾವ್‌ತೊ ಉಶೇತೊ ಇನ ಕತ್ರಿ ನಾಖಿದೆ; 44#9:44 44 ನು ವಚನ್ ಗ್ರೀಕ್‌ನು ಥೋಡು ವಾಕ್ಯಾನು ಭಾಗ್‌ಮ ಕೊಯ್ನಿ, ಆ ವಚನ್ 48 ನು ವಚನ್ನಿ ಘೋಣಿ ರ‍್ಹೇಸ್.ಬೇ ಹಾತ್ ರಾಖಿನ್ ಕದೇಬಿ ಉಝಾ಼ವಾನಿ ಕಾಹೆತೆ ಆಗ್ ಹುಯಿರ‍್ಹೀತೆ ನರಕ್ಮ ಪಡಾಥೀಬಿ, ಹಾತ್‌ಕೊಂತೆ ಹರ್‌ಹಮೇಶ ರ‍್ಹವಾನಿ ಜಿ಼ಂದ್‌ಗಿ ಜಾ಼ವಾನು ತುನ ಅಶೇಲ್. 45ಅಜು಼ ತಾರೊ ಗೋಡೊ ತುನ ಪಾಪ್‌ಮ ಖ್ಹಪ್‌ಡಾವ್‌ತೊ ಉಶೇತೊ ಇನ ಕತ್ರಿ ನಾಖಿದೆ; 46#9:46 46 ನು ವಚನ್ ಗ್ರೀಕ್‌ನು ಥೋಡು ವಾಕ್ಯಾನು ಭಾಗ್‌ಮ ಕೊಯ್ನಿ, ಆ ವಚನ್ 48 ನು ವಚನ್ನಿ ಘೋಣಿ ರ‍್ಹೇಸ್.ಬೇ ಗೋಡ ರ‍್ಹೀನ್ ನರಕ್ಮ ಪಡಾಥೀಬಿ ಲಂಗ್ಡೊ ಹುಯಿನ್ ಹರ್‌ಹಮೇಶ ರ‍್ಹವಾನಿ ಜಿ಼ಂದ್‌ಗೀಮ ಜಾ಼ವಾನು ತುನ ಅಶೇಲ್. 47ತಾರೊ ಡೋಳೊ ತುನ ಪಾಪ್‌ಮ ಖ್ಹಪ್‌ಡವಾನು ಉಶೇತೊ, ಇನ ಕಚ಼್‌ಕೋರಿ ಕಾಡಿ ಫೇಕಿದೆ! ಬೇ ಡೋಳ ರ‍್ಹೀನ್ ನರಕ್ಮ ಪಡಾಥೀಬಿ ಎಕ್ಕಸ್ ಡೋಳೊ ರ‍್ಹೀನ್ ದೇವ್ನಿ ರಾಜ್ಯಮ ಜಾ಼ವಾನು ತುನ ಅಶೇಲ್. 48ನರಕ್ಮ ಇವ್ಣುನ ಕಲ್ಡಾವಾಳೊ ಕೀಡೊ ಮರ್‌ಶೆಸ್ ಕೊಯ್ನಿ, ಇವ್ಣುನ ಬಳಾತೆ ಆಗ್ ಉಝಾ಼ವ್‌ಶೆಸ್‌ ಕೊಯ್ನಿ.
49ಬಲಿ ದೆವಾನು ರಾಛಾ಼ನ ಮೀಟ್‌ಥಿ ಪಾಕ್ ಕರಾತೆ ಇಮ್‌, ಹರೇಕ್ ಅದ್ಮಿ ಆಗ್‌ಥಿ ಪಾಕ್ ಉಶೆ.
50ಮೀಟ್‌ ಏಕ್‌ ಅಛ್ಛು಼ ರಾಛು಼ಸ್; ಕತೋಬಿ ಮೀಟಸ್‌ ಫಿಕ್ಕು ಹುಯಿಗುತೊ, ಇನ ತುಮೆ ಕಿಮ್ ಮೀಟ್‌ಣು ಲಜ಼ತ್‌ ದ್ಯವಾನ ಉಶೆ?
ತುಮಾರಮ ಮೀಟ್‍ನಿಘೋಣಿ ಏಕ್‌ಥಿ-ಏಕ್‌ ಮಾನಿರ‍್ಹವಾಳಹುಯಿನ್ ಸಮಾಧಾನ್‌ಥಿ ರ‍್ಹವೊ.
Currently Selected:
ಮಾರ್ಕ 9: NTWVe23
Highlight
Share
Copy
Want to have your highlights saved across all your devices? Sign up or sign in
The New Testament in Waghri Language © The Word for the World International and Waghri Translation Samiti, Karnataka, 2023.
ಮಾರ್ಕ 9
9
1ಅಜು಼ ಯೇಸುನೆ ಇವ್ಣುನ, “ತುಮೂನ ಖ್ಹಾಚಾಮ ಬೋಲುಸ್ಕಿ, ಹಾ ಭಿಯ್ಯಾತೆ ತುಮಾರಾಮ ಥೋಡು ಜ಼ಣು ದೇವ್ನಿ ರಾಜ್ಯ ಶಕತ್‍ಥಿ ಆವಾನು ದೇಖಾತೋಡಿ ಮರ್‌ಶೆಸ್ ಕೊಯ್ನಿ” ಕರಿ ಬೋಲ್ಯೊ.
ಯೇಸುನು ರೂಪ್ ಬದ್‌ಲ್ಯೂತೆ
(ಮತ್ತಾಯ 17:1-13; ಲೂಕ 9:28-36)
2ಛೊ಼ ದನ್ನ ಬಾದ್‌ಮ ಯೇಸುನೆ ಪೇತ್ರ, ಯಾಕೋಬ ಬಿಜು಼ ಯೋಹಾನ್ನ ಕೇಡೆ ಬುಲೈಲಿನ್ ಊಚಾ಼ ಪಹಾಡ್‌ಪರ್ ಗಯೊ. ಹಿಜ್ಜಾ಼ ಇವ್ಣುನ ಮ್ಹೆಂದಿನ್ ಕೋಣ್‌ಬಿ ಕೋ ಥೂನಿ. ಇವ್ಣ ಡೋಳಾನ ಖ್ಹಾಮ್ಣೇಸ್, ಯೇಸುನು ರೂಪ್ ಬದ್ಲಿಗಯು. 3ಯೇಸುನು ಪೆರ್ವಾಖ್ಹ್‌ಅಖ್ಖು ಧೋಳು ಫಟ್‌ ಹುಯಿನ್, ಝ಼ಮ್‌ಕಾಲಗ್ಯುಥು. ಜ಼ಮೀನ್‌ಪರ್ ಛಾ಼ತೆ ಕೆಹೊ ಧೋಬೀಬಿ ಎತ್ರೆ ಧೋಳು ಫಟ್‌ ಕರಾನ ಕೋ ಹುವ್ವಾನಿತೆ ಇಮ್‌ ಥು. 4ತದೆ ಎಲೀಯಬಿ ಮೋಶೆ ಯೇಸುನ ಜೋ಼ಡೆ ವಾತೆ ಬೋಲುಕರಾನು ಯೋ ತೀನ್ ಶಿಷ್ಯರ್‌ನೆ ದೇಖ್ಯ. 5ತದೆ ಪೇತ್ರನೆ ಯೇಸುನ, “ಗುರು, ಹಮೆ ಹಜ಼್ಜಸ್ ರ‍್ಹವಾನು ಅಛ್ಛು಼! ಹಮೆ ಹಜ್ಜಾ಼ ತೀನ್ ಡೇರಾ ಠೋಕೆಸ್, ಏಕ್‌ ತುನ, ಏಕ್‌ ಮೋಶೇನ ಅಜು಼ ಏಕ್‌ ಎಲೀಯನ” ಕರಿ ಬೋಲ್ಯೊ. 6ಶಾತ್ ಬೋಲ್‌ನು ಕರಿ ಮಾಲುಮ್‌ ಕೋ ಪಡ್ಯುನಿತೆ ಇನಾಖ್ಹಾಜೆ ಪೇತ್ರನೆ ಅಮ್ ಬೋಲ್ಯೊತೆ. ಶನಕತೊ ಇವ್ಣೆ ಘಣು ಡರೀರ‍್ಹುಥು.
7ಎತ್ರಾಸ್‌ಮ ವಾದ್‌ಳು ಐನ್ ಇವ್ಣಾಪರ್ ಢಪೈಗಯು. ಯೋ ವಾದ್ಳನ ಮಹಿಥು, “ಆ ಮಾರೊ ಪ್ಯಾರ್‌ನೊ ಛಿಯ್ಯೊ, ಅನಿ ವಾತೆನ ಖ್ಹಮ್‌ಜೊ಼!” ಕರಿ ಅವಾಜ಼್ ಆಯೊ. 8ಫಕ್‌ ಕರಿ ಇವ್ಣೆ ಅಶ್‌ಪೀಶ್‌ ದೇಖಾಖ್ಹತರ್, ಇವ್ಣಿ ಜೋ಼ಡ್ಮ ಯೇಸುನ ಮ್ಹೆಂದಿನ್ ಬಿಜು಼ ಕೋಣ್‌ಬಿ ಕೋ ಥೂನಿ.
9ಇವ್ಣೆ ಯೋ ಪಹಾಡ್‌ಪರ್‌ಥು ಉತ್ರಿನ್ ಆವಾನಿ ವಖ್ಹತ್‌ಮ ಯೇಸುನೆ ಇವ್ಣುನ, “ತುಮೆ ಹಮ್ಕೆ ದೇಖ್ಯಾತೆ ಇನ ಅದ್ಮಿನೊ ಛಿಯ್ಯೊ ಮರಿನ್‌ ಜಿವ್ತೊ ಹುಯಿನ್ ಉಠಿ ಆವಾತೋಡಿ, ಕಿನಾಬಿ ನಾ ಬೋಲ್‌ನು” ಕರಿ ಝೇತೈನ್‌ ಬೋಲ್ಯೊ.
10ಇವ್ಣೆ ಯೋ ವಾತೆನ ಮಾನಿಗಯು, ಕತೋಬಿ, “ಮರಿನ್‌ ಜಿವ್ತೊಹುಯಿನ್ ಉಠಾನು ಕತೊ ಶಾತ್?” ಕರಿ ಇವ್ಣ-ಇವ್ಣ ಮಹಿಸ್ ವಾತೆ ಬೋಲಾಲಗ್ಯ. 11ಅಜು಼ ಇವ್ಣೆ ಯೇಸುನ, “ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಖ್ಹಾರು ಎಲೀಯ ಅಗಾಡಿ ಆವಾನು ಜ಼ರೂರತ್ ಛಾ಼, ಕರಿ ಶನ ಬೋಲಾಸ್ತೆ?” ಕರಿ ಪುಛಾ಼ಯ.
12ತದೆ ಯೇಸುನೆ, “ಎಲೀಯ ಪಹಿಲೆ ಐನ್ ಖ್ಹಾರು ಖ್ಹವಾರ್‌ಶೇತೆ ಖ್ಹಾಚಸ್. ಕತೋಬಿ ಅದ್ಮಿನೊ ಛಿಯ್ಯಾನಿ ಬಾರೇಮ, “ಯೋ ಘಣು ಲತಾಡ ಪಡೀನ್ ಅದ್ಮಿಥಿ ಧಕೇಲೈಜಾ಼ಶೆ ಕರಿ ಲೀಖೈರ‍್ಹೂಸ್‌ನಿ, ಆ ಕಿಮ್? 13ಕತೋಬಿ ಮೇ ತುಮೂನ ಬೋಲೂಸ್ಕಿ, ಎಲೀಯ ಆಯೊ ಅಜು಼ ಇನಿ ಬಾರೇಮ ವಾಕ್ಯಾಮ ಲೀಖೈರ‍್ಹೂತೆ ಇಮ್‌ ಅದ್ಮಿಖ್ಹಾರು ಇವ್ಣ ಮನ್‌ಮ ಆಯುತೆ ಇಮ್‌ ಇನ ಖ್ಹತೈನ್ ಮಾರ‍್ಯು” ಕರಿ ಬೋಲ್ಯೊ.
ಯೇಸುನೆ ಭೂತ್ ಧರಿರಾಖ್ಯುಥೂತೆ ಲಡ್ಕಾನ ಅಛ್ಛು಼ ಕರ‍್ಯೊತೆ
(ಮತ್ತಾಯ 17:14-20; ಲೂಕ 9:37-43)
14ಬಾದ್‌ಮ ಯೇಸುಬಿ ಇನ ತೀನ್ ಶಿಷ್ಯರ್‌, ಉಭ್‌ರ‍್ಯಾತೆ ಬಿಜ಼ ಶಿಷ್ಯರ್‌ಕನ ಐನ್, ಇವ್ಣ ಅಶ್‌ಪಿಶ್ ಅದ್ಮಿನಿ ಮೋಟಿ ಭೀಡ್‌ ಭರೈರ‍್ಹುತೆ ಅಜು಼ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರೀಮ ಥೋಡು ಜ಼ಣು ಇವ್ಣ ಜೋ಼ಡೆ ಅಬ್ಬಾಜ಼ಬ್ಬಿ ವಾತೆಕರುರಾತೆ ದೇಖ್ಯ. 15ಅಜು಼ ಇವ್ಣೆಖ್ಹಾರು ಯೇಸುನ ದೇಖಿನ್, ಘಣು ಆಶ್ಚರ್ಯಖಾದು, ಅಜು಼ ಇನಾಕನ ನಾಶಿ ಆಯಿ ಮಳಿನ್ ಖ್ಹಲಾಮ್ ಕರ‍್ಯು. 16ತದೆ ಯೇಸುನೆ ಇನ ಶಿಷ್ಯರ್‌ನ, “ಇವ್ಣ ಜೋ಼ಡೆ ಶಾತ್ ಅಬ್ಬಾಜ಼ಬ್ಬಿ ವಾತೆ ಕರುಕರ್ತಥಾತೆ?” ಕರಿ ಪುಛಾ಼ಯೊ.
17ತದೆ ಯೋ ಝೂ಼ಂಡ್‌ಮಾಥು ಏಕ್‌ ಜ಼ಣು, “ಗುರು, ಮಾರ ಛಿಯ್ಯಾನ ಏಕ್‌ ಮುಕ್ಕೊ ಭೂತ್#9:17 ಯೋ ಭೂತ್ ಮುಕ್ಕು ಕಾಹೆ. ಭೂತ್ ಧರಿರಾಖ್ಯುಥೂತೆ ಇನಾಖ್ಹಾಜೆ ಯೋ ಮುಕ್ಕೊ ಹುಯಿರ‍್ಹೋಥೊ ಧರಿರಾಖ್ಯುಸ್, ಇನಾಖ್ಹಾಜೆ ತಾರಕನ ಬುಲೈಲಾಯೊಥೊ. 18ಯೋ ಭೂತ್ ಕದೆ ಇನಾಪರ್‌ ಆಯುತೋಬಿ, ಇನ ಹೇಟ್‌ ರಡ್‌ಕೈದೇಸ್‌, ಬಿಜು಼ ಯೋ ಮ್ಹೋಡಾವಾಟೆ ಜ಼ಲ್‌ಭು#9:18 ಪೇಖ್ಹಟ್, ಥೂಕ್‌ ಕರೀಬಿ ಬೋಲಸ್ ಕಾಡ್ತೊಹುಯಿನ್‌, ಕರ್‌-ಕರ್‌ ದಾತ್‌ ಚಾ಼ವ್ತೊಹುಯಿನ್‌ ಅಕ್‌ಡೈಜಾ಼ಸ್‌. ಇನಾಮಾಥು ಯೋ ಭೂತ್‌ನ ಕಾಡೊ ಕರಿ ತಾರ ಶಿಷ್ಯರ್‌ನ ಬೋಲಿಲಿದೊ, ಕತೋಬಿ ಇವ್ಣ ಹಾತೆ ಕೋಹುಯುನಿ” ಕರಿ ಬೋಲ್ಯು.
19ತದೆ ಯೇಸುನೆ “ಏ ವಿಶ್ವಾಸ್‌ಕೊಂತೆ ಪಿಳ್ಗಿಯೆ! ಮೇ ಬಿಜು಼ ಕೆತ್ರ ದನ್ ತುಮಾರ ಜೋ಼ಡೆ ರ‍್ಹೇಣು? ಅಜು಼ ಕೆತ್ರ ದನ್ ತುಮೂನ ಖ್ಹಮಾಳ್‌ಣು? ಇನ ಮಾರಾಕನ ಬುಲೈಲ್ಯಾವೊ” ಕರಿ ಬೋಲ್ಯೊ.
20ಇವ್ಣೆ ಇನ ಯೇಸುಕನ ಬುಲೈಲಾಯು. ಯೇಸುನ ದೇಕ್ತಾಸ್‌ನ, ಯೋ ಭೂತ್ ಯೋ ಛೋ಼ಕ್ರಾನ ಧಡಾಶ ಮರಾವಲಗ್ಯು, ಯೋ ಛೋ಼ಕ್ರು ಜ಼ಮೀನ್‌ಪರ್ ಪಡೀನ್ ಮ್ಹೋಡಾವಾಟೆ ಜ಼ಲ್‌ಭು ಕಾಡ್ತುಹುಯಿನ್‌ ತರಪ್‌ಢಾಲಗ್ಯು. 21ಯೇಸು ಯೋ ಛೋ಼ಕ್ರಾನ ಬಾನ, “ಅನ ಆ ಭೂತ್ ಧರೀನ್ ಕೆತ್ರ ದನ್ ಹುಯ?” ಕರಿ ಪುಛಾ಼ವಖ್ಹತರ್,
ಇನೆ, “ಅಡ್ಡಾಣಿಪರಸ್‌ ಆಯುಥು; 22ಅಜು಼ ಅನ ಮಾರ‍್ನು ಕರಿ ಘಣಿ ಹಲ್ಲ ಆಗ್‌ಮಾಬಿ, ಪಾಣಿಮಾಬಿ ನಾಕ್ತುಥು. ತಾರ ಹಾತೆ ಶಾತ್ತೊಬಿ ಹೋತು ಉಶೇತೊ! ಹಮಾರಪರ್ ಗೋರ್‌ಕರೀನ್, ಮದತ್ ಕರ್‌” ಕರಿ ಬೋಲ್ಯು.
23ಯೇಸುನೆ ಇನ, “ತಾರ ಹಾತೆ ಹೋತು ಉಶೇತೊ! ಕರಿ ಬೋಲಾಸ್ ಕಿಶು? ನಂಬವಾಳಾನ ಖ್ಹಾರುಸ್‌ ಹುವಾಸ್” ಕರಿ ಬೋಲ್ಯೊ.
24ಇಮ್‌ ಬೋಲ್ತಾಸ್‌ನ ಯೋ ಛೋ಼ಕ್ರಾನ ಬಾನೆ, “ನಂಬುಸ್‌, ಮಾರಿ ವಿಶ್ವಾಸ್‌ಕಮ್‌ ಉಶೆತೋಬಿ, ಮದತ್‌ಕರ್‌” ಕರಿ ಚಿಕ್ರಿನ್ ಬೋಲ್ಯೊ.
25ತದೆ ಯೇಸುನೆ ಬಿಜೂ಼ಬಿ ಅದ್ಮಿನಿ ಝೂ಼ಂಡ್‌ ಇವ್ಣ ಭಣಿ ನಾಶಿ ಉಳ್ಯಾವತೆ ದೇಖಿನ್, ಯೋ ಭೂತ್‌ನ ಗುರ್‌ಕೈನ್, “ಏಯ್, ಭೈರಾ ಮುಕ್ಕಾಭೂತ್‌, ಅನ ಮ್ಹೆಂದಿನ್ ಭಾರ್‌ನಿಕಳ್‌, ಪಾಛು಼ ಅನ ನಾ ಧರ್‌ನು! ಕರಿ ಮೇ ತುನ ಹುಕುಮ್‌ ದೆವ್‌ಕರುಸ್” ಕರಿ ಬೋಲ್ಯೊ.
26ತದೆ ಯೋ ಭೂತ್ ಚಿಕ್ರಾಣ್ ಮ್ಹೇಲಿನ್, ಯೋ ಛೋ಼ಕ್ರಾನ ಧಡಾಶ ಮರೈನ್, ಇನ ಮಹಿತು ಭಾರ್‌ ನಿಕ್ಳಿಗಯು. ತದೆ ಯೋ ಛೋ಼ಕ್ರು ಮರ‍್ಯಾಹುಯಾನಿಘೋಣಿ ಪಡ್ಯುಥೂತೆ ದೇಖಿನ್ ಘಣ ಅದ್ಮಿನೆ, “ಆ ಮರಿಗಯು!” ಕರಿ ಬೋಲ್ಯು. 27ಕತೋಬಿ ಯೇಸುನೆ ಯೋ ಛೋ಼ಕ್ರಾನ ಹಾತ್ ಧರಿನ್ ಉಠಾಡ್‌ತಾಖ್ಹತರ್‌, ಯೋ ಉಠಿ ಭೀರಿಗಯು.
28ಯೇಸು ಘರ್‌ಮ ಆವಾದಿನ್, ಎಕ್ಲೋಸ್ ರ‍್ಹಾವಾನಿ ವಖ್ಹತ್‌ಮ, ಇನ ಶಿಷ್ಯರ್‌ನೆ, “ಯೋ ಭೂತ್‌ನ ಕಾಡಾನ ಹಮಾರೇಥಿ ಶನ ಕೋ ಹುಯೂನಿ?” ಕರಿ ಯೇಸುನ ಪುಛಾ಼ಯು.
29ತದೆ ಯೇಸುನೆ, “ಆ ಜಾ಼ತ್ನು ಭೂತ್‌ನ, ಪ್ರಾರ್ಥನೆಥೀಸ್ ಪಣ್ಕಿ ಬಿಜು಼ ಶನೇಥೀಬಿ ಕಾಡಾನ ಕೋ ಹುವಾನಿ”#9:29 ಗ್ರೀಕ್‌ನು ಥೋಡು ವಾಕ್ಯಾನು ಭಾಗ್‌ಮ ‘ಪ್ರಾರ್ಥನೆ ಅಜು಼ ಉಪವಾಸ್‌ಥಿ’ ಕರಿ ಛಾ಼ ಕರಿ ಬೋಲ್ಯೊ.
ಯೇಸುನೆ ಇನಿ ಮರಣ್ಣಿ ಬಾರೇಮ ಪಾಛೊ಼ ಬೋಲ್ಯೊತೆ
(ಮತ್ತಾಯ 17:22-23; ಲೂಕ 9:43-45)
30ಯೇಸುಬಿ ಇನು ಶಿಷ್ಯರ್‌ ಹಿಜ್ಜಾ಼ಥು ನಿಕ್ಳಿನ್ ಗಲಿಲಾಯ ತಬರ್‌ಖಾಮಾಕರಿ ವಳ್ಯಜಾ಼ತಾಥ. ಯೋ ಕಿಜ಼್ಜಾ ಛಾ಼ ಕರಿ ಕಿನಾಬಿ ನಾ ಮಾಲುಮ್‌ಪಡ್ಣು ಕರಿ ಯೇಸುನ ದಿಲ್ಮ ಥು. 31ಶನಕತೊ ಯೇಸು ಇನ ಶಿಷ್ಯರ್‌ನ ಬೋಲಿ ದೇತೊಹುಯಿನ್, “ಅದ್ಮಿನ ಛಿಯ್ಯಾನ, ಇನ ಮಾರಿನಾಖವಾಳಾನ ಹಾತ್‌ಮ ದೆವೈಜಾಶೆ, ಇವ್ಣೆ ಇನ ಮಾರಿನಾಕ್‌ಶೆ. ಕತೋಬಿ ಮರೀನ್ ತೀನ್ ರೋಜ಼್ ಕೇಡೆ, ಯೋ ಪಾಛೊ಼ ಜಿವ್ತೊ ಹುಯಿನ್ ಉಠಿ ಆವ್‌ಶೆ” ಕರಿ ಬೋಲ್ಯೊ.
32ಕತೋಬಿ ಇವ್ಣೆ ಯೋ ವಾತೆನ ಪರ್‌ಖ್ಯುಕೊಯ್ನಿ, ಅಜು಼ ಇನಿ ಬಾರೇಮ ಯೇಸುನ ಪುಛಾ಼ವನಾಬಿ ಡರಿಗಯು.
ಅಖ್ಖೇಥಿ ಮೋಟು ಕೋಣ್?
(ಮತ್ತಾಯ 18:1-5; ಲೂಕ 9:46-48)
33ಇವ್ಣೆ ಕಪೆರ್ನೌಮ್ ಗಾಮ್ಮ ಆಯ. ಅಜು಼ ಯೇಸು ಘರ್‌ಮ ರ‍್ಹವಾನಿ ವಖ್ಹತ್‌ಮ, ಇನ ಶಿಷ್ಯರ್‌ನ, “ತುಮೆ ವಾಟ್‌ಪರ್ ತುಮಾರ ತುಮಾರಸ್‌ಮ ಶಾತ್ ಅಬ್ಬಾಜ಼ಬ್ಬಿ ವಾತೆ ಕರುಕರ್ತಥಾತೆ?” ಕರಿ ಫುಛಾ಼ಯೊ.
34ಕತೋಬಿ ಇವ್ಣೆ ಜವಾಬ್‌ ಕೋ ದಿದೂನಿ, ಶನಕತೊ ಇವ್ಣೆ ವಾಟ್‌ಪರ್, ಅಖ್ಖೇಥಿ ಮೋಟೊ ಕೋಣ್ ಕರಿ ಇವ್ಣ-ಇವ್ಣಾಮ ಅಬ್ಬಾಜ಼ಬ್ಬಿ ವಾತೆ ಕರುಕರ್ತಥ. 35ಯೇಸು ಬೇಶಿನ್, ಇನ ಭಾರ‍ಜ಼ಣ ಶಿಷ್ಯರ್‌ನ ಬುಲೈನ್ ಇವ್ಣುನ, “ತುಮಾರಮ ಕೋಣ್‌ತೋಬಿ ಅಖ್ಖಾಮ ಅಗಾಡಿ ರ‍್ಹೇವ್ಣುಕರಿ ಉಶೇತೊ ಇನು ಯೋ ಅಖ್ಖೇಥಿ ಪಾಛ಼್‌ಲ್ಯೊ ಹೋಣು ಅಜು಼ ಅಖ್ಖಾನೊ ಸೇವಕ್ ಹುಯಿರ‍್ಹೇವ್ಣು” ಕರಿ ಬೋಲ್ಯೊ. 36ಅಜು಼ ಇನೆ ಏಕ್‌ ಅಡ್ಡಾಣಿ ಲಡ್ಕಾನ ಬುಲೈನ್ ಶಿಷ್ಯರ್‌ನ ಇಚ಼್‌ಮ ಭೀರಖಾಡಿನ್‌, ಇನ ಬಥೈನ್‌ ಇವ್ಣುನ, 37“ಕೋಣ್‌ತೋಬಿ ಮಾರ ನಾಮ್‌ಪರ್‌ ಅಮ್ನ ಅಡ್ಡಾಣಿ ಲಡ್ಕಾಮ ಏಕ್‌ನ ಮಳೈಲಿದೊತೊ, ಯೋ ಮನ ಮಳೈ ಲ್ಯಾವದಾಖ್ಹಲ್, ಅಜು಼ ಕೋಣ್‌ತೋಬಿ ಮನ ಮಳೈಲಿದೊತೊ, ಮನಾಸ್ ಕಾಹೆತೆ ಮನ ಮೋಕ್‌ಲ್ಯೊತೆ ಇನಾಬಿ ಮಳೈಲ್ಯಾವದಾಖ್ಹಲ್‌” ಕರಿ ಬೋಲ್ಯೊ.
ಅಪ್ಣುನ ಕೋಣ್ ದುಶ್‌ಮನ್‌ ಕರಾಕೊಯ್ನಿಕಿ ಇವ್ಣೆ ಅಪ್ಣಾಸ್‌ ಭಣಿವಾಳು ಹುಯಿರ‍್ಹೂಸ್
(ಲೂಕ 9:49-50)
38ತದೆ ಯೋಹಾನನೆ ಯೇಸುನ, “ಗುರು, ಕೋಣ್‌ಕಿ ಏಕ್‌ ಜ಼ಣು ತಾರು ನಾಮ್ ಬೋಲಿನ್ ಭೂತ್ ನಖ್ಹಾಡುಕರ್ತುಥೂತೆ ಹಮೆ ದೇಖಿನ್, ಯೋ ಅಪ್ಣ ಭಣಿವಾಳು ಕಾಹೆತೆ ಇನಖ್ಹಾಜೆ, ಇನ ಭಿರಾಕಡ್, ಕರಿ ಬೋಲ್ಯ” ಕರಿ ಬೋಲ್ಯೊ.
39ತದೆ ಯೇಸುನೆ, “ಇನ ನಕೊ ಭಿರಾಖಡೊ, ಮಾರ ನಾಮ್‌ಪರ್‌ ಅದ್ಭುತ್‌ ಕರೀನ್ ಏಕ್‌ದಮ್ ಮಾರಿ ಬಾರೇಮ ಖರಾಬ್ ಬೋಲಾನ ಕಿನಾಬಿ ಕೋ ಹುವಾನಿ. 40ಅಪ್ಣಪರ್ ದಾವೊ#9:40 ದುಶ್‌ಮನ್‌ ಕರಾಕೊಂತೆ ನತರ್‌ಕಿ ವಹೇರ್‌ ಕರಾಕೊಯ್ನಿತೆ ಇವ್ಣೆ ಅಪ್ಣಾಸ್‌ ಭಣಿವಾಳು ಹುಯಿರ‍್ಹೂಸ್ ಕರಿ ಮತ್‌ಲಬ್ ಕರಾಕೊಂತೆ ಇವ್ಣೆ ಅಪ್ಣಾಸ್‌ ಭಣಿವಾಳ ಹುಯಿರ‍್ಹುಸ್‍. 41ಮೇ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ಕ್ರಿಸ್ತಭಣಿವಾಳ ಕರಿ, ಕೋಣ್‌ತೋಬಿ ಏಕ್‍ಜ಼ಣೊ ತುಮೂನ ಏಕ್‌ ತಾಂಬ್ಯೊ ಪಾಣಿ ಪಿಯ್ಯಾನು ದಿದುತೋಬಿ, ಇವ್ಣುನ ಮಳ್‌ಶೆತೆ ಇನಾಮ್ ಛು಼ಕ್‌ಶೆಸ್‌ ಕೊಯ್ನಿ”.
ಪಾಪ್‌ಮ ಚ಼ಲಾವವಾಳಾನ ಝೇತಾವ್ಣಿ
(ಮತ್ತಾಯ 18:6-9; ಲೂಕ 17:1-2)
42ಅಜು಼ ಕೋಣ್‌ತೋಬಿ ಮನ ನಂಬವಾಳ ಆ ನ್ಹಾನಾವ್‍ಮ ಏಕ್‌ನಿ ವಿಶ್ವಾಸ್ ಮಾರಪರ್‌ಥು ತುಟಿ ಜಾ಼ವಾನಿಘೋಣಿ ಕರ‍್ಯೂತೊ, ಯೋ ಅದ್ಮಿನ ಘಲೆಂಡ ಕೇಡೆ ಮೋಟೊ ಘಟ್ಟಿನೊ ಬಂಡೊ#9:42 ಯೋ ಕಾಲಾಮ ಗಧೇಡಾ ಕೇಡೆ ಮೋಟೊ ಘಟ್ಟಿನೊ ಬಂಡೊ ಭಾಂದಿನ್ ದಳ್‌ತೂಥು, ಯೋ ಬಂಡೊ ಕಮ್‌ಶಿಕಮ್ ಬೇ ಖ್ಹೊ ಕಿಲೊಥೀಬಿ ಜಾ಼ಖ್ಹತ್ ರ‍್ಹೇತೂಥು. ಭಾಂದೀನ್‌ ದರ‍್ಯಾವ್‌ಮ ನಾಖಿ ದಿದುತೋಬಿ ಇನ ಅಛ್ಛು಼ಸ್. 43ಅತ್ರೇಸ್ ಕಾಹೆತೆ, ತಾರೊ ಹಾತ್ ತುನ ಪಾಪ್‌ಮ ಖ್ಹಪ್‌ಡಾವ್‌ತೊ ಉಶೇತೊ ಇನ ಕತ್ರಿ ನಾಖಿದೆ; 44#9:44 44 ನು ವಚನ್ ಗ್ರೀಕ್‌ನು ಥೋಡು ವಾಕ್ಯಾನು ಭಾಗ್‌ಮ ಕೊಯ್ನಿ, ಆ ವಚನ್ 48 ನು ವಚನ್ನಿ ಘೋಣಿ ರ‍್ಹೇಸ್.ಬೇ ಹಾತ್ ರಾಖಿನ್ ಕದೇಬಿ ಉಝಾ಼ವಾನಿ ಕಾಹೆತೆ ಆಗ್ ಹುಯಿರ‍್ಹೀತೆ ನರಕ್ಮ ಪಡಾಥೀಬಿ, ಹಾತ್‌ಕೊಂತೆ ಹರ್‌ಹಮೇಶ ರ‍್ಹವಾನಿ ಜಿ಼ಂದ್‌ಗಿ ಜಾ಼ವಾನು ತುನ ಅಶೇಲ್. 45ಅಜು಼ ತಾರೊ ಗೋಡೊ ತುನ ಪಾಪ್‌ಮ ಖ್ಹಪ್‌ಡಾವ್‌ತೊ ಉಶೇತೊ ಇನ ಕತ್ರಿ ನಾಖಿದೆ; 46#9:46 46 ನು ವಚನ್ ಗ್ರೀಕ್‌ನು ಥೋಡು ವಾಕ್ಯಾನು ಭಾಗ್‌ಮ ಕೊಯ್ನಿ, ಆ ವಚನ್ 48 ನು ವಚನ್ನಿ ಘೋಣಿ ರ‍್ಹೇಸ್.ಬೇ ಗೋಡ ರ‍್ಹೀನ್ ನರಕ್ಮ ಪಡಾಥೀಬಿ ಲಂಗ್ಡೊ ಹುಯಿನ್ ಹರ್‌ಹಮೇಶ ರ‍್ಹವಾನಿ ಜಿ಼ಂದ್‌ಗೀಮ ಜಾ಼ವಾನು ತುನ ಅಶೇಲ್. 47ತಾರೊ ಡೋಳೊ ತುನ ಪಾಪ್‌ಮ ಖ್ಹಪ್‌ಡವಾನು ಉಶೇತೊ, ಇನ ಕಚ಼್‌ಕೋರಿ ಕಾಡಿ ಫೇಕಿದೆ! ಬೇ ಡೋಳ ರ‍್ಹೀನ್ ನರಕ್ಮ ಪಡಾಥೀಬಿ ಎಕ್ಕಸ್ ಡೋಳೊ ರ‍್ಹೀನ್ ದೇವ್ನಿ ರಾಜ್ಯಮ ಜಾ಼ವಾನು ತುನ ಅಶೇಲ್. 48ನರಕ್ಮ ಇವ್ಣುನ ಕಲ್ಡಾವಾಳೊ ಕೀಡೊ ಮರ್‌ಶೆಸ್ ಕೊಯ್ನಿ, ಇವ್ಣುನ ಬಳಾತೆ ಆಗ್ ಉಝಾ಼ವ್‌ಶೆಸ್‌ ಕೊಯ್ನಿ.
49ಬಲಿ ದೆವಾನು ರಾಛಾ಼ನ ಮೀಟ್‌ಥಿ ಪಾಕ್ ಕರಾತೆ ಇಮ್‌, ಹರೇಕ್ ಅದ್ಮಿ ಆಗ್‌ಥಿ ಪಾಕ್ ಉಶೆ.
50ಮೀಟ್‌ ಏಕ್‌ ಅಛ್ಛು಼ ರಾಛು಼ಸ್; ಕತೋಬಿ ಮೀಟಸ್‌ ಫಿಕ್ಕು ಹುಯಿಗುತೊ, ಇನ ತುಮೆ ಕಿಮ್ ಮೀಟ್‌ಣು ಲಜ಼ತ್‌ ದ್ಯವಾನ ಉಶೆ?
ತುಮಾರಮ ಮೀಟ್‍ನಿಘೋಣಿ ಏಕ್‌ಥಿ-ಏಕ್‌ ಮಾನಿರ‍್ಹವಾಳಹುಯಿನ್ ಸಮಾಧಾನ್‌ಥಿ ರ‍್ಹವೊ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Waghri Language © The Word for the World International and Waghri Translation Samiti, Karnataka, 2023.