Matius 25
25
Salig-salig suat so opulu kororaa'an
1Mutongaro po si Yisus nu, “Kologa'an Ku, Anak nu Riniba, soko salig-salig iitu no. Opulu kororaa'an sumuung so muontun naanid nu politaan, om minompanou monangkom nu pongantin kusoi.#Luk 12:35 2Limo kiat so nosiro olowong, om wokon-i oilo. 3Limo olowong-i, minongowit-a nu politaan, nga dai minongawat#25:3: minongawat; intawa: minonangu nu inosak. 4Limo oilo ri, minongowit nu politaan om minongawat nu inosak. 5Pagka olaid kologa' pongantin kusoi-i, dinudu'on sono nosiro om nokoturuw.
6Tonga' yo nu awi om kuwai nai' bogotakan#25:6: bogotakan; intawa: bogonsokan nu, ‘Nokologa' yo pongantin kusoi-o! Songkomo toko yo,’ koo. 7Tumungago yo kororaa'an-i, monikit nu politaan nosiro ri. 8Mutongaro yo sono kororaa'an olowong-i so kororaa'an oilo ri nu, ‘Mokitaak kai po sabat nu inosak#25:8: inosak; intawa: minyak muyu no, mokipopoda' yo politaan mai tu,’ koo nosiro. 9Nga sumombuto yo kororaa'an oilo ri nu, ‘Dai kai koponaak so kou so' musuat-o itu so kai. Gaam nai' mian kou so kadai momoli,’ koo nosiro. 10Pagka soko iri, miano yo limo kororaa'an olowong-i so kadai momoli nu inosak. Dai po nokouli' nosiro, nokologa' yo pongantin kusoi-i. Limo kororaa'an oilo ri nga maido yo nu pongantin-i masuw so waloi puromi-romian-i om tutubo yo su pintu.
11Dai po olaid, nokologa' yo limo kororaa'an olowong-i. Momaawo yo nosiro nu, ‘Oo tuan, sukabi kai nu pintu!’ koo nosiro. 12Nga sumombuto yo pongantin kusoi iiri nu, ‘Dai ku kou otondu'an!’ koo iyo,” koo si Yisus.#Luk 13:25
13Ompusi yo ni Yisus salig-salig oono nu, “Ingat-ingat kou yo so' dai muyu oilaan runat loga'an Ku, Anak nu Riniba,” koo.
Salig-salig suat so tolu uripon
(Luk 19:11-27)
14Musolig-soligo po si Yisus nu, “Soko itu yo gama' ong mogkuasa yo Kinoringan soko raja, ono yo ido kusoi mokipopanou nu orawu'. Indadi nipongaarap sono niyo kiawi' orata' niyo no so tolu uripon niyo ri. 15Tinaakan niyo nu siin tolu uripon niyo iiri musuat nu koo'ilo nosiro. Ido ri limo noribu, koduo ri duo noribu om kotolu ri oribu, om mungkoyaso nai' iyo. 16Mudogango yo sono uripon tinaakan limo noribu ri, om kiuntung limo ya noribu. 17Koduo ri nga soko iri ya winaal, om kiuntung-a duo noribu. 18Nga uripon tinaakan oribu ri, minonguang nu tana' om lobongi yo niyo siin iiri.
19Tinu-tinu notoun kiat nu iri, nokouli' yo sono tuan nosiro ri om iapo yo niyo siin nipongaarap niyo so kouriponan niyo ri. 20Uripon tinaakan limo noribu ri, nopotaak so tuan nosiro no opulu noribu, inuyud monuturan nu, ‘Oo tuan, gulu ri, tinaakan mu aku limo noribu, kosiono kiuntung aku limo ya noribu,’ koo iyo. 21Mutongaro yo tuan-i nu, ‘Owarong om ototog ko sobana. Pagka owako pona nga opongoorapan ko ya, osuang nga opongoorapan ku ya ikau. Waid-o so aku mongirasa nu kosonangan ku!’ koo iyo. 22Lumogaa yo sono uripon koduo tinaakan nu siin duo noribu ri om mutongaro yo nu, ‘Tinaakan mu aku duo noribu, kosiono kiuntung aku duo ya noribu,’ koo iyo. 23Mutongaro yo tuan nosiro no nu, ‘Owarong om ototog ko sobana. Pagka owako pona nga opongoorapan ko ya, osuang nga opongoorapan ku ya ikau. Waid-o so aku mongirasa nu kosonangan ku!’ koo iyo. 24Lumogaa yo sono uripon kotolu tinaakan oribu ri om mutongaro yo nu, ‘Oo tuan, oilaan ku nu orampus ko. Okon ko dikau so tonoman nga imbua'on mu ya. 25Pagka lumaa' aku so ikau, nilobong ku siin mu iiri so tana'. Tudi yo siin mu ri,’ koo iyo. 26Mutongaro yo tuan-i nu, ‘Oraai om odoput ko! Oilaan mu yo nu mongimbua' aku so tonoman nu okon ko kosongapan ku. 27Makin nai' ong soko ono nga kopotutan nipoidam mu siin ku oono ri so biing su' aalap ku koimbagu maid nu bunga no ong kouli' aku yo,’ koo. 28Pagka soko iri, tongaro yo sono niyo kouriponan wokon-i nu, ‘Olapo muyu siin ku nai so iyo no om taaki muyu so uripon kuwai opulu noribu no. 29Waalon ku soko ono so' lobuw kuwai no yo, taakan po sampai bolabi, nga lobuw d'ado no, insan sabat nai so iyo no nga olapon koimbagu.#Mat 13:12; Mrk 4:25; Luk 8:18 30Om odai muyu lobuw d'ado kosuda-sudaan oono so kotuongan. Nai yo iyo tumangi' osonsara',’ koo tuan-i,” koo si Yisus.
Pongukuman so pongoowi'an nu wonuo tu
31Mutongaro po si Yisus nu, “Bang mululi' Aku, Anak nu Riniba soko raja, maid nu ongo susuu'on Ku, Aku yo sono su mogkuasa.#Mat 16:27; 19:28 32Kiawi' bansa impugon sono so tiningkuangon Ku om popupinigon Ku duo tumpuk, soko moongipat popupinig nu dumba om kambing. 33Lobuw mongowaid nu koinginan nu Kinoringan, impugon Ku umpak so wanan om wokon umpak so gibang. 34Mutangar Aku sono so lobuw umpak so wanan Ku no nu, ‘Tuui kou yo su lobuw binorokatan nu Kinoringan. Asuw kou yo so Pogkuosaan Niyo. Nopili' kou yo kiat nu nowangun wonuo tu ri nu poimaid so Aku, 35so' iya nu winitilon Aku, pinookan muyu Aku, iya linugangon, pinoinum muyu Aku. Iya d'ado pinolakan Ku, pinopolak muyu Aku so waloi muyu. 36Iya d'ado pokakas Ku, tinaakan muyu Aku nu pokakas. Laid Ku morosakit, inipatan muyu Aku, om laid Ku so jiil, inondaa muyu ya Aku,’ k'Aku.
37Sumambut sono ongo lobuw oono nu, ‘Oo Tuhan! Sombiya ka kinosiowan mai so Ikau winitilon, linugangon, om pinookan pinoinum mai sono Ikau? 38Sombiya kinosiowan mai so Ikau d'ado pokakas om d'ado polakan? Sombiya pinomaawan mai so Ikau poindakod so waloi mai, om tinaakan mai Ikau nu pokakas? 39Sombiya kinosiowan mai so Ikau morosakit intawa nojiil, om sombiya inipatan mai Ikau?’ koo. 40Sumambut Aku sono nu, ‘Ondomo muyu ya iya muyu monabang nu lobuw d'ado pangkat, koorotian nowaal muyu yo ono suat so Aku,’ k'Aku.
41Opupus ono, tongaron Ku sono lobuw umpak so gibang Ku no nu, ‘Pulaiw kou yo su lobuw odouraka. Subo kou yo so apui dai moda' sinodia' nu Wowaidon nu Moinat om ongo susuu'on niyo no so kou, 42so' iya Ku winitilon dai muyu Aku pinookan. Iya Ku linugangon dai muyu Aku pinoinum, 43iya Ku d'ado pinolakan, dai muyu Aku pinopolak so waloi muyu, iya d'ado pokakas Ku, dai muyu Aku tinaakan nu pokakas, laid Ku morosakit-i, dai muyu Aku inipatan, om laid Ku so jiil, dai muyu Aku inondaa,’ k'Aku so nosiro. 44Sumambut sono nosiro so Aku nu, ‘Sombiya ka kinosiowan mai so Ikau winitilon, linugangon, d'ado pokakas, d'ado polakan, morosakit intawa nojiil, om dai mai Ikau tinabang?’ koo nosiro. 45Sumambut Aku so nosiro nu, ‘Ondomo muyu ya iya muyu dai monabang nu lobuw d'ado pangkat, koorotian dai kou ya monabang so Aku,’ k'Aku. 46Ongo lobuw oono ukumon nu ukuman musingkolaid, nga ongo lobuw mongowaid nu koinginan nu Kinoringan, koirasa nu kowiawan osanang musingkolaid,” koo si Yisus.#Dan 12:2
Currently Selected:
Matius 25: TomPWPgLgPn
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
Matius 25
25
Salig-salig suat so opulu kororaa'an
1Mutongaro po si Yisus nu, “Kologa'an Ku, Anak nu Riniba, soko salig-salig iitu no. Opulu kororaa'an sumuung so muontun naanid nu politaan, om minompanou monangkom nu pongantin kusoi.#Luk 12:35 2Limo kiat so nosiro olowong, om wokon-i oilo. 3Limo olowong-i, minongowit-a nu politaan, nga dai minongawat#25:3: minongawat; intawa: minonangu nu inosak. 4Limo oilo ri, minongowit nu politaan om minongawat nu inosak. 5Pagka olaid kologa' pongantin kusoi-i, dinudu'on sono nosiro om nokoturuw.
6Tonga' yo nu awi om kuwai nai' bogotakan#25:6: bogotakan; intawa: bogonsokan nu, ‘Nokologa' yo pongantin kusoi-o! Songkomo toko yo,’ koo. 7Tumungago yo kororaa'an-i, monikit nu politaan nosiro ri. 8Mutongaro yo sono kororaa'an olowong-i so kororaa'an oilo ri nu, ‘Mokitaak kai po sabat nu inosak#25:8: inosak; intawa: minyak muyu no, mokipopoda' yo politaan mai tu,’ koo nosiro. 9Nga sumombuto yo kororaa'an oilo ri nu, ‘Dai kai koponaak so kou so' musuat-o itu so kai. Gaam nai' mian kou so kadai momoli,’ koo nosiro. 10Pagka soko iri, miano yo limo kororaa'an olowong-i so kadai momoli nu inosak. Dai po nokouli' nosiro, nokologa' yo pongantin kusoi-i. Limo kororaa'an oilo ri nga maido yo nu pongantin-i masuw so waloi puromi-romian-i om tutubo yo su pintu.
11Dai po olaid, nokologa' yo limo kororaa'an olowong-i. Momaawo yo nosiro nu, ‘Oo tuan, sukabi kai nu pintu!’ koo nosiro. 12Nga sumombuto yo pongantin kusoi iiri nu, ‘Dai ku kou otondu'an!’ koo iyo,” koo si Yisus.#Luk 13:25
13Ompusi yo ni Yisus salig-salig oono nu, “Ingat-ingat kou yo so' dai muyu oilaan runat loga'an Ku, Anak nu Riniba,” koo.
Salig-salig suat so tolu uripon
(Luk 19:11-27)
14Musolig-soligo po si Yisus nu, “Soko itu yo gama' ong mogkuasa yo Kinoringan soko raja, ono yo ido kusoi mokipopanou nu orawu'. Indadi nipongaarap sono niyo kiawi' orata' niyo no so tolu uripon niyo ri. 15Tinaakan niyo nu siin tolu uripon niyo iiri musuat nu koo'ilo nosiro. Ido ri limo noribu, koduo ri duo noribu om kotolu ri oribu, om mungkoyaso nai' iyo. 16Mudogango yo sono uripon tinaakan limo noribu ri, om kiuntung limo ya noribu. 17Koduo ri nga soko iri ya winaal, om kiuntung-a duo noribu. 18Nga uripon tinaakan oribu ri, minonguang nu tana' om lobongi yo niyo siin iiri.
19Tinu-tinu notoun kiat nu iri, nokouli' yo sono tuan nosiro ri om iapo yo niyo siin nipongaarap niyo so kouriponan niyo ri. 20Uripon tinaakan limo noribu ri, nopotaak so tuan nosiro no opulu noribu, inuyud monuturan nu, ‘Oo tuan, gulu ri, tinaakan mu aku limo noribu, kosiono kiuntung aku limo ya noribu,’ koo iyo. 21Mutongaro yo tuan-i nu, ‘Owarong om ototog ko sobana. Pagka owako pona nga opongoorapan ko ya, osuang nga opongoorapan ku ya ikau. Waid-o so aku mongirasa nu kosonangan ku!’ koo iyo. 22Lumogaa yo sono uripon koduo tinaakan nu siin duo noribu ri om mutongaro yo nu, ‘Tinaakan mu aku duo noribu, kosiono kiuntung aku duo ya noribu,’ koo iyo. 23Mutongaro yo tuan nosiro no nu, ‘Owarong om ototog ko sobana. Pagka owako pona nga opongoorapan ko ya, osuang nga opongoorapan ku ya ikau. Waid-o so aku mongirasa nu kosonangan ku!’ koo iyo. 24Lumogaa yo sono uripon kotolu tinaakan oribu ri om mutongaro yo nu, ‘Oo tuan, oilaan ku nu orampus ko. Okon ko dikau so tonoman nga imbua'on mu ya. 25Pagka lumaa' aku so ikau, nilobong ku siin mu iiri so tana'. Tudi yo siin mu ri,’ koo iyo. 26Mutongaro yo tuan-i nu, ‘Oraai om odoput ko! Oilaan mu yo nu mongimbua' aku so tonoman nu okon ko kosongapan ku. 27Makin nai' ong soko ono nga kopotutan nipoidam mu siin ku oono ri so biing su' aalap ku koimbagu maid nu bunga no ong kouli' aku yo,’ koo. 28Pagka soko iri, tongaro yo sono niyo kouriponan wokon-i nu, ‘Olapo muyu siin ku nai so iyo no om taaki muyu so uripon kuwai opulu noribu no. 29Waalon ku soko ono so' lobuw kuwai no yo, taakan po sampai bolabi, nga lobuw d'ado no, insan sabat nai so iyo no nga olapon koimbagu.#Mat 13:12; Mrk 4:25; Luk 8:18 30Om odai muyu lobuw d'ado kosuda-sudaan oono so kotuongan. Nai yo iyo tumangi' osonsara',’ koo tuan-i,” koo si Yisus.
Pongukuman so pongoowi'an nu wonuo tu
31Mutongaro po si Yisus nu, “Bang mululi' Aku, Anak nu Riniba soko raja, maid nu ongo susuu'on Ku, Aku yo sono su mogkuasa.#Mat 16:27; 19:28 32Kiawi' bansa impugon sono so tiningkuangon Ku om popupinigon Ku duo tumpuk, soko moongipat popupinig nu dumba om kambing. 33Lobuw mongowaid nu koinginan nu Kinoringan, impugon Ku umpak so wanan om wokon umpak so gibang. 34Mutangar Aku sono so lobuw umpak so wanan Ku no nu, ‘Tuui kou yo su lobuw binorokatan nu Kinoringan. Asuw kou yo so Pogkuosaan Niyo. Nopili' kou yo kiat nu nowangun wonuo tu ri nu poimaid so Aku, 35so' iya nu winitilon Aku, pinookan muyu Aku, iya linugangon, pinoinum muyu Aku. Iya d'ado pinolakan Ku, pinopolak muyu Aku so waloi muyu. 36Iya d'ado pokakas Ku, tinaakan muyu Aku nu pokakas. Laid Ku morosakit, inipatan muyu Aku, om laid Ku so jiil, inondaa muyu ya Aku,’ k'Aku.
37Sumambut sono ongo lobuw oono nu, ‘Oo Tuhan! Sombiya ka kinosiowan mai so Ikau winitilon, linugangon, om pinookan pinoinum mai sono Ikau? 38Sombiya kinosiowan mai so Ikau d'ado pokakas om d'ado polakan? Sombiya pinomaawan mai so Ikau poindakod so waloi mai, om tinaakan mai Ikau nu pokakas? 39Sombiya kinosiowan mai so Ikau morosakit intawa nojiil, om sombiya inipatan mai Ikau?’ koo. 40Sumambut Aku sono nu, ‘Ondomo muyu ya iya muyu monabang nu lobuw d'ado pangkat, koorotian nowaal muyu yo ono suat so Aku,’ k'Aku.
41Opupus ono, tongaron Ku sono lobuw umpak so gibang Ku no nu, ‘Pulaiw kou yo su lobuw odouraka. Subo kou yo so apui dai moda' sinodia' nu Wowaidon nu Moinat om ongo susuu'on niyo no so kou, 42so' iya Ku winitilon dai muyu Aku pinookan. Iya Ku linugangon dai muyu Aku pinoinum, 43iya Ku d'ado pinolakan, dai muyu Aku pinopolak so waloi muyu, iya d'ado pokakas Ku, dai muyu Aku tinaakan nu pokakas, laid Ku morosakit-i, dai muyu Aku inipatan, om laid Ku so jiil, dai muyu Aku inondaa,’ k'Aku so nosiro. 44Sumambut sono nosiro so Aku nu, ‘Sombiya ka kinosiowan mai so Ikau winitilon, linugangon, d'ado pokakas, d'ado polakan, morosakit intawa nojiil, om dai mai Ikau tinabang?’ koo nosiro. 45Sumambut Aku so nosiro nu, ‘Ondomo muyu ya iya muyu dai monabang nu lobuw d'ado pangkat, koorotian dai kou ya monabang so Aku,’ k'Aku. 46Ongo lobuw oono ukumon nu ukuman musingkolaid, nga ongo lobuw mongowaid nu koinginan nu Kinoringan, koirasa nu kowiawan osanang musingkolaid,” koo si Yisus.#Dan 12:2
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.