Markus 11

Inorumat si Yisus so Yirusalim

(Mat 21:1-11; Luk 19:28-40; Yns 12:12-19)

1Nokologa' nosiro so bandar Bitpagi so Bulud Jaitun, orani yo so Yirusalim, suuo yo ni Yisus duo mompomaid Niyo ri popogulu, 2om kodawi yo Niyo nu, “Ian kou yo so kampung so sunduron muyu no. Kologa' kou yo po nai, kosiou kou nu ido anak nu koladai mogos-kogos, dai po insan ogondaran. Uyadi muyu koladai oono, mongowit tuui. 3Bang duaton kou nu lobuw nu, ‘Kuraan muyu ka nu ono?’ koo, sombuti muyu ya nu, ‘Kuwai pomokayan nu Tuhan,#11:3 Tuhan; intawa: songapan. om niuli' ya niyo osikap,’ koo ya muyu ya,” koo.

4Momponowo yo duo mompomaid Niyo iiri, om nokosiou-o sono nu koladai mogos-kogos so pintu nu waloi so imbing nu lalan, om uyadi yo nosiro. 5Mongoduato yo lobuw mundii-dii ri so nosiro nu, “Nokuro ka su uyadan muyu koladai oono?” koo.

6Sombuti yo nosiro lobuw-i nu soko iri nikodau ni Yisus so nosiro ri. Potuudi yo sono nosiro nu lobuw-i mongowit nu koladai-i. 7Nokologa' nosiro dii si Yisus, lopiki yo nosiro likud nu koladai-i nu sabung nosiro ri om gumondaro yo Iyo. 8Osuang lobuw nopokokar nu sabung nosiro so lolanan ni Yisus,#11:8: Winaal nosiro soko ono so' mongorumat so si Yisus mongowaid nu adat nosiro ong lumoga' lobuw kipangkat. om wokon-i nopokanat nu raan nu kayu oiyau po. 9Lobuw suang manou-panou so pinoguluan om so tinoudian Niyo ri songgonsok-gonsok nu,

“Royowon-o Kinoringan!

Oborokatan-o Iyo, ono sinuu'

nu TUHAN Kinoringan-o!

10Oborokatan-o pogkuosaan Niyo

so sunduron tu,

pogkuosaan ni Raja Daud,

iri aki toko ri!

Royowon-o Kinoringan

so polak Niyo so surga!”

koo nosiro.#Lgu 118:25-26

11Nokologa' yo po si Yisus so Yirusalim, mosuwo yo Iyo so Waloi Maayo nu Kinoringan-i. Minonomburorou Iyo so pililiwut-i, nga pagka tumuong-o, miano yo Iyo om mompomaid Niyo ri so Bitania.

Minonumpa si Yisus nu puun nu nunuk

(Mat 21:18-19)

12Susuab-i, laid nosiro manou-panou kiat so Bitania, winitilon si Yisus. 13Orawu' po, nokosiou Iyo nu nunuk, oguwun roun-i. Miano yo sono Iyo so puun-i, mongimpa' nu kibua' ko' d'ado. Nga, nokologa' Iyo, d'ado ya nosiou Niyo nu bua', sondiang ko roun-o, so' iya iiri okon po ko poomubua'an nu nunuk. 14Indadi, sumpai yo sono Niyo nu, “Kiat kosiono d'ado yo sono lobuw kookan nu bua' mu no!” koo. Norongou-a nu ongo mompomaid Niyo ri tinangar Niyo iiri.

Minasuw si Yisus so Waloi Maayo

nu Kinoringan

(Mat 21:12-17; Luk 19:45-48; Yns 2:13-22)

15Nokologa' yo sono nosiro so Yirusalim, om miano yo koimbagu si Yisus so Waloi Maayo nu Kinoringan. Susubo yo sono Niyo lobuw muwowoli-woli ri. Iniob Niyo su mija pongogonti'an nu siin om oogoman nu poowoli nu asang.#11:15: Pagka osuang porantau lumoga' so Waloi Maayo nu Kinoringan, poganti' sono nosiro nu siin su' kopongobarai nu sukai om momoli nu asang niusaa' so Kinoringan. 16Om ido pona koyuwan nga dai lila'an Niyo mongowit nu onu-onu ya tumalib so natad nu Waloi Maayo nu Kinoringan iiri. 17Montuduko yo Iyo nu lobuw dii ri nu, “Nokosurat-o so Buuk nu Kinoringan totongaron Niyo nu, ‘Waloi Ku no yo po nga poomogdu'aan nu kiawi' bansa,’ koo ri, nga inurug muyu sono nu sususutan nu moonakou,” koo si Yisus.#Yis 56:7; Yir 7:11

18Linumaa' sono so si Yisus ongo wowaidon nu imam om moomontuduk nu Ukum nokorongou nu tinangar Niyo ri, so' kiawi' lobuw-i nopudik nu pontudukan Niyo ri, om iri yo sono su pounayan nosiro modium nu kopatoi-patoi so Iyo.

19Mintutuong-i, lumobuso yo Iyo om mompomaid Niyo ri kiat so bandar iiri.

Pontudukan pinoinong so puun nu nunuk

(Mat 21:20-22)

20Susuab koimbagu ri, laid nosiro tumalib so puun nu nunuk-i, siowi nosiro su nolonot-o sampai so wakat-i. 21Noondoman sono ni Pitrus nourug nu runat nokotalib-i. Mutongaro yo sono iyo so si Yisus nu, “Oo Guru! Siowi po bo nunuk sinumpaan Mu no ri nga linumonot-o!” koo.

22-23Sumombuto yo si Yisus nu, “Bang otoroido kou nai' poimaid, kopomaal kou ya nu soko winaal Ku oono. Om okon ko ono ya, nga koponuu' kou po nu bulud iitu no nu, ‘Kakat-o su bulud om tobung so raat-o,’ koo, om tantu ourug-a ono.#Mat 17:20; 1 Kur 13:2 24Ono yo ko' ondomo muyu yo itu nu bang mogdu'a kou nu mindamo, poimaid kou yo nu onu yo po indomoon muyu taakan kou ya nu Kinoringan. 25Om bang mogdu'a kou om kakal po mungot kou so inong lobuw, ompuno muyu po laid lobuw oono, su' kou nga ompunon-a nu Kinoringan so surga. [ 26Nga bang dai kou mongampun nu lobuw kikoraayan so kou, Amo muyu so surga no nga dai ya mongampun so kou,” koo.]#Mat 6:14-15

Si Yisus so Waloi Maayo nu Kinoringan

(Mat 21:23-27; Luk 20:1-8)

27Mululio po nosiro so Yirusalim. Laid ni Yisus manou-panou tumutuk so natad nu Waloi Maayo nu Kinoringan-i, lumogaa yo dii so Iyo ongo wowaidon nu imam, moomontuduk nu Ukum, om wowaidon nu lobuw Yaudi ri, 28mongoduat nu, “Isai ka so kopogboya'an Mu momaal nu kiawi' oono? Isai su minonuu' so Ikau momaal nu ono?” koo.

29Sumombuto yo Iyo nu, “Aku nga mongoduat-a so kou. Bang osombutan muyu ya, sombutan Ku nai' kou. 30Isai so kopogboya'an ni Yuanis mongodiu' nu lobuw, Kinoringan ko' lobuw?” koo.

31Muupokato yo sono nosiro ong onu nisambut nu, “Bang tongaron toko nu, ‘Kiat so Kinoringan,’ koo toko, sombutan Niyo nu, ‘Bang soko ono nokuro su dai kou poimaid so iyo?’ koo ono. 32Nga bang tongaron toko nu, ‘Kiat so lobuw,’ koo toko, lobuw suang su kolaa'an toko, so' nosiro kiawi' monokod nu si Yuanis-o po poo'abar nu Kinoringan,” koo. 33Pagka soko iri, sombuti yo nosiro nu, “Dai mai oilaan,” koo.

Mutongaro yo sono si Yisus nu, “Bang soko ono, Aku nga dai ya mongaabar so kou nu inungkiaton nu kopogboya'an Ku momaal nu kiawi' oono,” koo.

Currently Selected:

Markus 11: TomPWPgLgPn

Highlight

Copy