João 18
18
Ca quep cocon Jeju
Mateus 26.47-56; Marcos 14.43-52; Lucas 22.47-53
1Pi' pin iri na ca tomi' con Cote ca ne, maji ta ac caparut na, hwerehwet mama' ac urut na. Wirico Jeju ma', warut pain ca taxipa' urut con quem, xom tacaracam' mama' ac urut pain na taparain com ma', ca Cedrom caca oro wari' ma'. Je ca pe ne totain oliva ma', pain xijein cacarain ma'. Xuruxut xuruxut hwet ac urut pain na. 2Judas ma', co quep xiho' ton nonon oro taramaxicon pain ca quep xun cocon ma', wara querec pin' nain totain oliva ca to urut ma'. Xi om ne ca wara cut in to taxipa' ara xujuxut pain i ma' con Jeju pane. 3Je ca mao cain totain oliva Judas. O qui' nonon oro soldado cocon oro guarda ma', wiricoco oro taramaxicon nucucun oro sacerdote cocon oro fariseu co hwet jun nonon ma'. Cut nanain naran nucucun je mam' mixita xi' caca quem.
4Jeju ma', taxi' nain oro carawa ca ara ton non. Je ca xut hwet tococwa ma'. Tomi' querec ac tococwa na: Ma' co pirao' hwe quem tata.
5Jeju co maqui' nain Nazaré ta ac caca na.
Wata' cwa' ira ac ca na.
Jao jao ma' nonon Judas ma', co quep xiho' ton nonon oro taramaxicon pain ca quep xun cocon ma'. 6Wata' ta iri na Jeju ne, camara' in mama' ac cacain na macan' pain waracocon.
7Tomi' querec mami' ac tococwa na: Ma' co pirao' hwe ma' quem?
Jeju co maqui' nain Nazaré ta ac caca na quem.
8Wata' ta xuhu' ne ira ac tococwa na. Mo ta wata' ne co pirao' hwe ma', miri'om ac huhun tara co taxipa' nanapa' cwa', ta quep huhun me ta ac tococwa na.
9Tomi' nain i ma' Jeju, ma' ta hwet pin ne i cara ca tomi' ta' pain ca tomi' ton Te ne na pain ca om ca pan' ara'am camain' caca co mi' mapa' pane ta Te con Cote ca ne.
10An nain cote ne quit Simão Pedro. Coc xicot ac cain na, wara ca' na co taramaja mi' e' non sacerdote co iri' taramaxicon ma', Malco na wixicon. Ton tapit pin ac cain na taraxicon ma', pain iri' curucun ma'.
11Om na, joc corom pin rain cote ne quit nem pain jajinain ma' ta Pedro ac con na Jeju. Cain' cain' xima quem ac con na. Noc inain xiton Te pain ca jain jain ra capa' pain ca mi' pin ra capa' ra? Om ca noc inain ton ta. Na e' na pain ca tomi' ha' ton, na e' na pain ca jain jain ta' pain ca mi' pin ta' ta' ca', xi wirico ara ca co jain jain ra napa' ta na ca tomi' con ma'.
Ca o mi' cocon con Anás Jeju
12Quep ac cocon na Jeju. Mo nana: Oro soldado con taramaxicon nucucun ma', oro guarda co querec wet nanain cote ne xiricon Iri' Jam ma' quem. Quep nonon, pao' pe ac cocon na quem. 13An mi' cain' ac cocon na con Anás. Taxicam panxita' non Caifás Anás. Wirico Caifás co sacerdote co iri' taramaxicon pain cara pane, pain cawaxi' ca mi' pin qui' ca Jeju pane. 14Wirico co wara tomi' ca' nonon oro taramaxicon nuxut pain ca judeu urut pane: Hohot napari' pain ca mi' pin xica' pe ca wari' ta. Mi' pin caho' tarapari', mi' pin caho' totoron oro win ma' nexi' cwa' quem, ac i ma' na ca tomi' cocon pane.
Ca tomi' ximao ca Pedro pain ca om ca querec pin' ton Jeju ta ca
Mateus 26.69-70; Marcos 14.66-68; Lucas 22.54-57
15Ja' ja' ac urut con na Jeju. Wata', Pedro, ca' urut, ja' ja' ac urut con na. Wara querec pin' inon sacerdote co iri' taramaxicon ma'. Je ca na capa' pain ca corom wi ta' con Jeju. Corom mao ac tain na ca tao' caho' nein xiricon taramaxicon. 16Pedro ma' iri na ne, om ca corom ca. Hwet pe na, xat pe ho' nain man ca corom ac wa ma'. Wata' iri na pain ca querec pin' ton sacerdote co iri' taramaxicon ma' ne, in hwet ac tain na manain xirim ma', tomi' ac tam na xojam' co querec wet nain ma'. Hohot na pain ca corom ca co cwa' quem ac tam na con Pedro, ma'e ac cama na, corom ra ac con na quem. 17Tomi' querec ac con na: Om ca taxipa' mon co ma' co quep wa ma' ra non.
Om na, om ca taxipa' ton ta ac cam na.
18Oro guarda cocon co taramaja mi' nonon taramaxicon ma', wara caraho' nanain xe, xi capin' ara caca ta. Coco' coco' mam' pin nanain, nonoc ac cacain na. Xat pe ho' nonon Pedro ma'. Nonoc ac cain na quem.
Ca tomi' querec con Jeju sacerdote co iri' taramaxicon
19Tomi' querec ac con na Jeju co ma' co sacerdote co iri' taramaxicon ma': Ma' wari' co taxipa' nenem? Ma' carawa ca pijim' momon quem non.
20Tomi' ac con na: Tama' pijim' pijim' xam' inonon oro wari' pane. Taraju taraju pi' pin nanapa'. Tama' pijim' pe inain oro ca cut in to taxipa' caca ma', je pain oro xirim ca cut in to taxipa' xijexi' pain ca judeu iri' ca', je pain cote ne xiricon Iri' Jam ma' quem. Om ca pijim' noc xa camain' ta' quem ac ca na. 21Para tomi' querec mapa' ma' quem ac con na. Tomi' querec ximomon oro wari' co taraju nanapa' ma'. Xi taxi' ara cacain ca pijim' ne ta na ca tomi' con ma'.
22Tomi' iri nain i ma' ne, wap ac cain tocon na guarda co xat pe nain i ma'. Tomi' xo' ximon sacerdote co iri' taramaxicon ta non.
23Cain' ca om tomi' xo' ta' quem ac con na. Mo ta tomi' pan tem ta', tomi' hwet rain ca em' ne ta. Mo xi om tomi' iri'o' ta', je i ma' xira ca wap qui' mapa'. Ane tomi' iri'o' ta' ne na ca tomi' con ma'.
24O mi' jun con Caifás ma', co sacerdote co iri' taramaxicon ma' ac ca na Anás, an mao ac cocon na oro guarda. Pao' pe cara nonon.
Ca tomi' ximao mami' ca Pedro pain ca om ca querec pin' ton Jeju ta ca
Mateus 26.71-75; Marcos 14.69-72; Lucas 22.58-62
25Nonoc nonoc wet nain xe Pedro ma'. Tomi' querec ac cocon na: Om ca taxipa' mon Jeju quem ra nonon.
Om na, om ca taxipa' ton ta ac ca na.
26Pe nain i ma' co nari non co wac tapit ca taraxicon Pedro ma' quem. Taramaja mi' e' non sacerdote co iri' taramaxicon ma'. Tomi' ac con na Pedro: Ac ca querec xim na pain ca quep urut con Jeju pain totain oliva ma'. Ac ca pe ho' mon na quem na ca tomi' con ma'.
27Om na ta mami' ac ca na Pedro quem.
Aca ac ca na me.
Ca tomi' querec con Jeju Pilatos
28Iri' xo' xec pin na. Oro taramaxicon nuxut pain ca judeu urut ma', maji ta, paca' ac cacain na xiricon Caifás ma', an mao ac cocon na Jeju pain xiricon taramaxicon nucucun oro romano. Ane om corom caca ne. Tomi' ca' xucucun: Mo ta corom mama' xin xiricon tatirim cwa', em' pin ac iri' tara, om ac ne tara ca na capari' pain ca cao' xin carawa nein ca tomi' querec te nexi' pain xec nein Páscoa ca' nana. Je ca hwerehwet to ca' cacain xiricon taramaxicon.
29Hwet qui' ac ca na Pilatos. Xut hwet ac tococwa na, tomi' querec ac tococwa na: Pan tem na hun co cwa' ra? Ma' carawa ca ara ca quem na ca tomi' querec tococwa ma'.
30Mo xi om pan tem ca, om xi o mi' urut pum con ta ac cocon na.
31An mao pan jun ta ac tococwa na. Tomi' querec pan jun, am mam' hwein ca pan tem wa con. Win ne ca ara taxipa' hwe pain ca tomi' xo' xujuhu' pain ca taramaxicon nuhu' ma', pain ca judeu hwe ma' ac tococwa na.
Om na, to' pa' pan jun ta ac cocon na. Om ca to' pa' pin ac urut con. Xi tomi' narain ho' ara cacaparut pain ca to' pa' wa wari' oro win taramaxicon hwe pain ca romano hwe ma' nonon.
32Tomi' nanain i ma', ma' ta hwet pin ne ca wara tomi' pe nucun Jeju pane, pain ca tomi' mi' cain ca mi' pin ta' nucun pain ca tatatain mi' xun cocon pain pana#18.32 Pain cara pane, cocon oro judeu pane, ma' iri nana oro wari' co cono' pin tatara caca oro win ma' caca pain ca caracat tamana nucucun ne, to' taxipa' tata pain pacun, to' to' cono' taxipa' ac tococwa na, je curucucun pane. Oro romano ma' iri nana ne, tatatain mi' taxipa' nonon oro caracat pain pana, je curucucun pane quem..
33Corom mami' ac cain xiricon na Pilatos. Harahap je con Jeju ta ac tococwa na oro wari' nucun. Tomi' querec ac con na: Wum co iri' taramaxicon nucucun oro judeu cwa' ra non.
34Tara pum ac con na Jeju. Ca tomi' querec mapa' ma', maqui' nain ca coromicat nem ra? Maqui' non xucun wari' ra na ca tomi' con ma'.
35Xi judeu ta' ta ac ca na Pilatos. Wiricoco ara xi' nana oro win ma' nem cocon oro taramaxicon nucucun oro sacerdote co o mi' nanapa' pum ta ac con na. Ma' carawa ca ara ma quem ac con na.
36Om na, pain ca taramaxicon ta' ca', om ca an xiho' toton oro taramaxicon pain macan' ca' ac con na. Mo xi an xiho' toton oro taramaxicon pain macan' ca', quep xiho' ac cacapa' xira co taxipa' ta'. Narain ho' xirarapa' cocon oro taramaxicon nucucun oro judeu pain ca quep xim cacapa'. Ane om an xiho' toton oro taramaxicon pain macan' ca' ne na ca tomi' con ma'.
37Je ca tomi' xim ca', taramaxicon ma ma' ira ac con na.
Wum co tomi' pan nain i ma' ira, pain ca taramaxicon ma mapa' ma' ac con na. Je ca pan' ne ca pije' ne pane, je ca maqui' tain macan' pane. Tomi' hwet toton pain oro ca iri'o' wa oro wari' ta ina pane. Taraju wet nanapa' oro wari' co param nanain ca iri'o' wa quem na ca tomi' ca Jeju.
38Ma' tara wari' co taxi' nain ca iri'o' wa ra na ca tomi' querec ca Pilatos.
Ca mi' pin tara cocon Jeju
Tomi' iri nain i ma' Pilatos ne, hwet mao mami' ac ca na, tomi' ac cocon na oro taramaxicon nuxut pain ca judeu urut ca'. Om ca mam' camain' tain ca pan tem wa con ta nonon. 39Taraju wet xine e' ac cocon na. Pain oro cawaxi' pain xec nein Páscoa pane, param taxipa' mahu' pain ca pa hwet mi' xuhu' con wari' co tao' pe wa pain xirinain ca tao' to tao' to to wa ca'. Je ca tomi' xuhu' pain xocori ca' quem. Param mahu' pain ca pa hwet mi' xuhu' con co cwa' co taramaxicon ne hwe pain ca judeu hwe ma' ra na ca tomi' querec tococwa ma'.
40Merem ac caca na: Om na, noc urut con co ma' ta! Param urut con Barrabás ma'. Pa hwet mi' xut con Barrabás ta, ac i ma' na ca merem nucucun.
Barrabás ma', iri' caxicon pije' na, om ca tomi' ha' camain' cocon oro taramaxicon.
Currently Selected:
João 18: TBPN
Highlight
Share
Copy
Want to have your highlights saved across all your devices? Sign up or sign in
Copyright 2023 Missão Novos Tribos do Brasil
João 18
18
Ca quep cocon Jeju
Mateus 26.47-56; Marcos 14.43-52; Lucas 22.47-53
1Pi' pin iri na ca tomi' con Cote ca ne, maji ta ac caparut na, hwerehwet mama' ac urut na. Wirico Jeju ma', warut pain ca taxipa' urut con quem, xom tacaracam' mama' ac urut pain na taparain com ma', ca Cedrom caca oro wari' ma'. Je ca pe ne totain oliva ma', pain xijein cacarain ma'. Xuruxut xuruxut hwet ac urut pain na. 2Judas ma', co quep xiho' ton nonon oro taramaxicon pain ca quep xun cocon ma', wara querec pin' nain totain oliva ca to urut ma'. Xi om ne ca wara cut in to taxipa' ara xujuxut pain i ma' con Jeju pane. 3Je ca mao cain totain oliva Judas. O qui' nonon oro soldado cocon oro guarda ma', wiricoco oro taramaxicon nucucun oro sacerdote cocon oro fariseu co hwet jun nonon ma'. Cut nanain naran nucucun je mam' mixita xi' caca quem.
4Jeju ma', taxi' nain oro carawa ca ara ton non. Je ca xut hwet tococwa ma'. Tomi' querec ac tococwa na: Ma' co pirao' hwe quem tata.
5Jeju co maqui' nain Nazaré ta ac caca na.
Wata' cwa' ira ac ca na.
Jao jao ma' nonon Judas ma', co quep xiho' ton nonon oro taramaxicon pain ca quep xun cocon ma'. 6Wata' ta iri na Jeju ne, camara' in mama' ac cacain na macan' pain waracocon.
7Tomi' querec mami' ac tococwa na: Ma' co pirao' hwe ma' quem?
Jeju co maqui' nain Nazaré ta ac caca na quem.
8Wata' ta xuhu' ne ira ac tococwa na. Mo ta wata' ne co pirao' hwe ma', miri'om ac huhun tara co taxipa' nanapa' cwa', ta quep huhun me ta ac tococwa na.
9Tomi' nain i ma' Jeju, ma' ta hwet pin ne i cara ca tomi' ta' pain ca tomi' ton Te ne na pain ca om ca pan' ara'am camain' caca co mi' mapa' pane ta Te con Cote ca ne.
10An nain cote ne quit Simão Pedro. Coc xicot ac cain na, wara ca' na co taramaja mi' e' non sacerdote co iri' taramaxicon ma', Malco na wixicon. Ton tapit pin ac cain na taraxicon ma', pain iri' curucun ma'.
11Om na, joc corom pin rain cote ne quit nem pain jajinain ma' ta Pedro ac con na Jeju. Cain' cain' xima quem ac con na. Noc inain xiton Te pain ca jain jain ra capa' pain ca mi' pin ra capa' ra? Om ca noc inain ton ta. Na e' na pain ca tomi' ha' ton, na e' na pain ca jain jain ta' pain ca mi' pin ta' ta' ca', xi wirico ara ca co jain jain ra napa' ta na ca tomi' con ma'.
Ca o mi' cocon con Anás Jeju
12Quep ac cocon na Jeju. Mo nana: Oro soldado con taramaxicon nucucun ma', oro guarda co querec wet nanain cote ne xiricon Iri' Jam ma' quem. Quep nonon, pao' pe ac cocon na quem. 13An mi' cain' ac cocon na con Anás. Taxicam panxita' non Caifás Anás. Wirico Caifás co sacerdote co iri' taramaxicon pain cara pane, pain cawaxi' ca mi' pin qui' ca Jeju pane. 14Wirico co wara tomi' ca' nonon oro taramaxicon nuxut pain ca judeu urut pane: Hohot napari' pain ca mi' pin xica' pe ca wari' ta. Mi' pin caho' tarapari', mi' pin caho' totoron oro win ma' nexi' cwa' quem, ac i ma' na ca tomi' cocon pane.
Ca tomi' ximao ca Pedro pain ca om ca querec pin' ton Jeju ta ca
Mateus 26.69-70; Marcos 14.66-68; Lucas 22.54-57
15Ja' ja' ac urut con na Jeju. Wata', Pedro, ca' urut, ja' ja' ac urut con na. Wara querec pin' inon sacerdote co iri' taramaxicon ma'. Je ca na capa' pain ca corom wi ta' con Jeju. Corom mao ac tain na ca tao' caho' nein xiricon taramaxicon. 16Pedro ma' iri na ne, om ca corom ca. Hwet pe na, xat pe ho' nain man ca corom ac wa ma'. Wata' iri na pain ca querec pin' ton sacerdote co iri' taramaxicon ma' ne, in hwet ac tain na manain xirim ma', tomi' ac tam na xojam' co querec wet nain ma'. Hohot na pain ca corom ca co cwa' quem ac tam na con Pedro, ma'e ac cama na, corom ra ac con na quem. 17Tomi' querec ac con na: Om ca taxipa' mon co ma' co quep wa ma' ra non.
Om na, om ca taxipa' ton ta ac cam na.
18Oro guarda cocon co taramaja mi' nonon taramaxicon ma', wara caraho' nanain xe, xi capin' ara caca ta. Coco' coco' mam' pin nanain, nonoc ac cacain na. Xat pe ho' nonon Pedro ma'. Nonoc ac cain na quem.
Ca tomi' querec con Jeju sacerdote co iri' taramaxicon
19Tomi' querec ac con na Jeju co ma' co sacerdote co iri' taramaxicon ma': Ma' wari' co taxipa' nenem? Ma' carawa ca pijim' momon quem non.
20Tomi' ac con na: Tama' pijim' pijim' xam' inonon oro wari' pane. Taraju taraju pi' pin nanapa'. Tama' pijim' pe inain oro ca cut in to taxipa' caca ma', je pain oro xirim ca cut in to taxipa' xijexi' pain ca judeu iri' ca', je pain cote ne xiricon Iri' Jam ma' quem. Om ca pijim' noc xa camain' ta' quem ac ca na. 21Para tomi' querec mapa' ma' quem ac con na. Tomi' querec ximomon oro wari' co taraju nanapa' ma'. Xi taxi' ara cacain ca pijim' ne ta na ca tomi' con ma'.
22Tomi' iri nain i ma' ne, wap ac cain tocon na guarda co xat pe nain i ma'. Tomi' xo' ximon sacerdote co iri' taramaxicon ta non.
23Cain' ca om tomi' xo' ta' quem ac con na. Mo ta tomi' pan tem ta', tomi' hwet rain ca em' ne ta. Mo xi om tomi' iri'o' ta', je i ma' xira ca wap qui' mapa'. Ane tomi' iri'o' ta' ne na ca tomi' con ma'.
24O mi' jun con Caifás ma', co sacerdote co iri' taramaxicon ma' ac ca na Anás, an mao ac cocon na oro guarda. Pao' pe cara nonon.
Ca tomi' ximao mami' ca Pedro pain ca om ca querec pin' ton Jeju ta ca
Mateus 26.71-75; Marcos 14.69-72; Lucas 22.58-62
25Nonoc nonoc wet nain xe Pedro ma'. Tomi' querec ac cocon na: Om ca taxipa' mon Jeju quem ra nonon.
Om na, om ca taxipa' ton ta ac ca na.
26Pe nain i ma' co nari non co wac tapit ca taraxicon Pedro ma' quem. Taramaja mi' e' non sacerdote co iri' taramaxicon ma'. Tomi' ac con na Pedro: Ac ca querec xim na pain ca quep urut con Jeju pain totain oliva ma'. Ac ca pe ho' mon na quem na ca tomi' con ma'.
27Om na ta mami' ac ca na Pedro quem.
Aca ac ca na me.
Ca tomi' querec con Jeju Pilatos
28Iri' xo' xec pin na. Oro taramaxicon nuxut pain ca judeu urut ma', maji ta, paca' ac cacain na xiricon Caifás ma', an mao ac cocon na Jeju pain xiricon taramaxicon nucucun oro romano. Ane om corom caca ne. Tomi' ca' xucucun: Mo ta corom mama' xin xiricon tatirim cwa', em' pin ac iri' tara, om ac ne tara ca na capari' pain ca cao' xin carawa nein ca tomi' querec te nexi' pain xec nein Páscoa ca' nana. Je ca hwerehwet to ca' cacain xiricon taramaxicon.
29Hwet qui' ac ca na Pilatos. Xut hwet ac tococwa na, tomi' querec ac tococwa na: Pan tem na hun co cwa' ra? Ma' carawa ca ara ca quem na ca tomi' querec tococwa ma'.
30Mo xi om pan tem ca, om xi o mi' urut pum con ta ac cocon na.
31An mao pan jun ta ac tococwa na. Tomi' querec pan jun, am mam' hwein ca pan tem wa con. Win ne ca ara taxipa' hwe pain ca tomi' xo' xujuhu' pain ca taramaxicon nuhu' ma', pain ca judeu hwe ma' ac tococwa na.
Om na, to' pa' pan jun ta ac cocon na. Om ca to' pa' pin ac urut con. Xi tomi' narain ho' ara cacaparut pain ca to' pa' wa wari' oro win taramaxicon hwe pain ca romano hwe ma' nonon.
32Tomi' nanain i ma', ma' ta hwet pin ne ca wara tomi' pe nucun Jeju pane, pain ca tomi' mi' cain ca mi' pin ta' nucun pain ca tatatain mi' xun cocon pain pana#18.32 Pain cara pane, cocon oro judeu pane, ma' iri nana oro wari' co cono' pin tatara caca oro win ma' caca pain ca caracat tamana nucucun ne, to' taxipa' tata pain pacun, to' to' cono' taxipa' ac tococwa na, je curucucun pane. Oro romano ma' iri nana ne, tatatain mi' taxipa' nonon oro caracat pain pana, je curucucun pane quem..
33Corom mami' ac cain xiricon na Pilatos. Harahap je con Jeju ta ac tococwa na oro wari' nucun. Tomi' querec ac con na: Wum co iri' taramaxicon nucucun oro judeu cwa' ra non.
34Tara pum ac con na Jeju. Ca tomi' querec mapa' ma', maqui' nain ca coromicat nem ra? Maqui' non xucun wari' ra na ca tomi' con ma'.
35Xi judeu ta' ta ac ca na Pilatos. Wiricoco ara xi' nana oro win ma' nem cocon oro taramaxicon nucucun oro sacerdote co o mi' nanapa' pum ta ac con na. Ma' carawa ca ara ma quem ac con na.
36Om na, pain ca taramaxicon ta' ca', om ca an xiho' toton oro taramaxicon pain macan' ca' ac con na. Mo xi an xiho' toton oro taramaxicon pain macan' ca', quep xiho' ac cacapa' xira co taxipa' ta'. Narain ho' xirarapa' cocon oro taramaxicon nucucun oro judeu pain ca quep xim cacapa'. Ane om an xiho' toton oro taramaxicon pain macan' ca' ne na ca tomi' con ma'.
37Je ca tomi' xim ca', taramaxicon ma ma' ira ac con na.
Wum co tomi' pan nain i ma' ira, pain ca taramaxicon ma mapa' ma' ac con na. Je ca pan' ne ca pije' ne pane, je ca maqui' tain macan' pane. Tomi' hwet toton pain oro ca iri'o' wa oro wari' ta ina pane. Taraju wet nanapa' oro wari' co param nanain ca iri'o' wa quem na ca tomi' ca Jeju.
38Ma' tara wari' co taxi' nain ca iri'o' wa ra na ca tomi' querec ca Pilatos.
Ca mi' pin tara cocon Jeju
Tomi' iri nain i ma' Pilatos ne, hwet mao mami' ac ca na, tomi' ac cocon na oro taramaxicon nuxut pain ca judeu urut ca'. Om ca mam' camain' tain ca pan tem wa con ta nonon. 39Taraju wet xine e' ac cocon na. Pain oro cawaxi' pain xec nein Páscoa pane, param taxipa' mahu' pain ca pa hwet mi' xuhu' con wari' co tao' pe wa pain xirinain ca tao' to tao' to to wa ca'. Je ca tomi' xuhu' pain xocori ca' quem. Param mahu' pain ca pa hwet mi' xuhu' con co cwa' co taramaxicon ne hwe pain ca judeu hwe ma' ra na ca tomi' querec tococwa ma'.
40Merem ac caca na: Om na, noc urut con co ma' ta! Param urut con Barrabás ma'. Pa hwet mi' xut con Barrabás ta, ac i ma' na ca merem nucucun.
Barrabás ma', iri' caxicon pije' na, om ca tomi' ha' camain' cocon oro taramaxicon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright 2023 Missão Novos Tribos do Brasil