João 2
2
Ca to' iri' comi uva pin cain com Jeju
13 pin iri na xec nein ne, ma' ac ca na wari' co an tam narima' ma', pain Caná ma', je i ma' wixinain cidade ma'. Pe nain Galileia Caná. Je ca pe cama jicon Jeju ma' quem. 2Harahap je nanaparut. Jeju, warut, ca' urut pain ca taxipa' urut con ca', mama' ac urut na.
3Pi' pin iri na comi uva ne, tomi' ac cama na jicon Jeju, tomi' non cawinacam: Pi' pin na comi uva ta non.
4Para tomi' mapa' ma' quem na' ac cam na. Om ca maqui' querec capa' xec nein ca an hwet mi' toton pain ca hwara' opa ne oro wari' cwa', pain ca ara tain ta' carawa ca om ara taxi' ne ca wari' wa ca'. Ac i ma' na ca tomi' cam jicon.
5Tomi' ac cama na, tomi' pan tata co taramaja mi' e' nonon co an tam narima' ma': Tomi' ha' jun pain oro ca ara je cuhu' ma' tata.
6Pain ca judeu urut ca', hohoc mam' taxipa' urut pain muxut pain ca cao' xi' nuxut. Je ca an to xine pain i ma' ca cam pe wa com ma'. Ma' 6 na. Ac tapaxi' paxi' na, mam' quep tapaxi' nanain pain pacun. Iri' horonain. Ac ca ma' 100 litro ne na ca moin' xica' pe nein.
7Tomi' pan ac ca na Jeju ma', tomi' nonon co taramaja to nanain i ma': Cam moin' jein com pain oro tapaxi' ma' nonon.
Cam moin' xo' ac cacain na.
8Cam wijimain ho' jein. Mi' querec jun pain co ma' co querec wet nain carawa ca cao' querec te iri' ca' ac cocon na.
Cam mi' wijimain ac cocon pain na.
9Toc querec ac cain na. Comi uva pin na com ta. Co taramaja to nanain i ma', taxi' nanain ca maqui' ne comi uva ma'. Co ma' co querec wet nain carawa ca cao' querec te caca ma' iri na ne, om ca taxi' cain. Je ca hap ra con co an tam narima' ma'. 10Tomi' ac con na: Cain' cain' xima quem? Oro wari' ma', cam mi' cain' taxipa' nanain comi uva ca awi tamana. Toc toc ma'am pin iri nana co toc nanain ma' ne, cam mi' ac tococwa na pain comi uva ca om awi homa. Wum iri na ne, cam mi' cain' main ca om awi homa nein, aram aram cam mi' ac main na ca awi tamana nein ca' na ca tomi' ca ma'.
11Je win an hwet pe cain ca hwara' opa nucun Jeju pane, pain ca ara cain ca om ara taxi' ne ca wari' wa pane. An hwet pe pe nain pain Caná pain Galileia pane. Ara iri nain ne, an hwet pe ac cain na ca awi tamana nucun pain ca Iri' Jam nucun. Howa ac urut con na pain ca taxipa' urut con ca'.
12Mama' ac urut pain na Cafarnaum ma'. Mo urut: Jeju ma'. Jicon ma'. Xurucun ma'. Warut pain ca taxipa' urut con ca' quem. Mama' mama' pi' pin urut pain Cafarnaum. Om ca tocwan ne xec nein ca to urut pain i cain.
Ca tomi' jein hwerehwet pin tococwa co vender to nanain carawa pain cote ne xiricon Iri' Jam
Mateus 21.12-17; Marcos 11.15-19; Lucas 19.45-48
13Wixicam pin ac ne na xec nein Páscoa ma'#2.13 Páscoa na wixinain xec nein ca tomi' querec te xucucun oro judeu pain ca mam' pe wet cocon oro hwanana nucucun pain ca to' witan ca' tococwa pain Egito pain cara pane., je i ma' xec nein ca tomi' querec te wi urut pain ca judeu urut ca'. Je ca mama' xin Jerusalém ta caparut Jeju ma', mama' ac urut na. 14Corom mao iri nain ca tao' caho' nein cote ne xiricon Iri' Jam Jeju ma' ne, querec ac tococwa na oro wari' co vender nanain boi pain ovelha con xucu'. Querec ac tococwa na co xao to to nanain pana ca meo to cacain oro xijein dinheiro ma' quem#2.14Oro sacerdote pain cote ne xiricon Iri' Jam pane, noc tamana nanain dinheiro nucucun oro romano pain dinheiro nucucun oro grego, xi xirao' pe ara cacain jamicon wari' pain ta nana. Noc nain i ma' Iri' Jam ta nana. Je ca taramaja to cacain ca tao' caho' nein cote ne xiricon Iri' Jam caram ma' co meo nanain oro xijein dinheiro ma' quem. Maqui' iri nana oro wari' co tom tain' mi' xun nonon pain carawa Iri' Jam ne, co cut xin nanain boi pain ovelha con xucu' ma', cut ca' ac tococwa na pain dinheiro nucucun tatirim, mi' in hwet ac tococwa pain na iri' dinheiro nein cote ne xiricon Iri' Jam. Ha' ac tococwa na pain ca mam' cut cacain carawa ca tom tain' xin caca pane. Oro co meo nanain dinheiro ma', mixein tamana nana quem. Horon iri na dinheiro nucucun tatirim ca cut caca ma' ne, mi' in hwet wijimain e' ac cacain na dinheiro nein cote ne xiricon Iri' Jam ma' quem. . 15Querec iri tata ne, an ac cain na macon, tucu xo' ac cain na, mam' weo hwerehwet pin ac tococwa na, mam' weo hwerehwet pin ac cain na ovelha pain boi quem. Joc camara' pin ac cain na pana ca taramaja to caca caram ma' co meo taxipa' nanain dinheiro ma', camara' wawaran mama' ac ne na moeda nucucun pain macan' quem. 16Tomi' ac tococwa na co vender nonon xucu' ma': Cut hwerehwet pi' pin jun. Waraju maho' jein xiricon Te ta. Xi xirinain vender vender pe wa carawa ne ta tata.
17Warut pain ca taxipa' urut con ca', mam' pe wet ac urut pain na capijacon Iri' Jam ca xirao' pe ca taramaxicon Davi cara pane. Ca' na ca xirao' nein ca mam' pe wet urut ca':
Om ca noc camain' tain xurum ta Te Iri' Jam.
Jain jain tamana inain.
To' ara napa' ca jain jain tamana tain xurum ta.
Ac ca to' pa' xim capa' na.
Ac i ma' na ca xirao' nein.
18Tomi' querec ac cocon na Jeju oro taramaxicon: Ma' co mi' nem pain ca weo hwerehwet pin momon oro wari' pain boi pain ovelha ca'? Am Iri' Jam ca co tomi' nem ma'. An hwet pe rain ca hwara' opa nem ma', pain ca ara main carawa ca om ara taxi' ne ca wari' wa ma'. Ma' ta querec pin' xut pum pain ca tomi' quem Iri' Jam ta na ca tomi' cocon ma'.
19Om na, to' pa horohot pin jein cote ne xiricon Iri' Jam ca' ac tococwa na. 3 pin iri tara xec nein ne, quep mami' ac tain tara ta na ca tomi' tococwa ma'.
20Cain' cain' xima quem ac cocon na. Xi quep hap cacain co taramaja nanain pane ta. Ma' 46 na cawaxi' pain ca taramaja cacain pane. 3 e' tara xec pain ca quep mami' hap main ra na ca tomi' cocon ma'.
21Ane om tomi' mi' cain cote ne xiricon Iri' Jam Jeju ne. Tomi' mi' xucun pain curucun. 22E' mami' iri na ne, mam' pe wet ac urut na pain ca taxipa' urut con ca', mam' pe wet urut pain ca tomi' nucun pain ca tomi' mi' cain curucun pain cote ne xiricon Iri' Jam pane. Iri'o' na xin ca xirao' pe xine capijacon Iri' Jam ma', pain ca e' mami' ta' ca Jeju ma', iri'o' na ca tomi' nucun Jeju pane quem urut, howa ac urut con na.
Ca taxi' cain ca coromicat nucucun oro wari' Jeju
23Pe pe wet nain Jerusalém Jeju pain oro xec nein Páscoa ma', pain ca tomi' querec te wi urut pain ca judeu urut ca'. Mija pin nana oro wari' co howa nonon quem. Howa nonon, xi om ne ca querec ara cacain oro ca ara ca pain ca an hwet pe cain ca hwara' opa nucun pain ca ara cain oro carawa ca om ara taxi' ne ca wari' wa ma'. 24Howa urut pum paxi' nonon, ane tara pahu' ta'a pan cocon Jeju ne. Xi querec pin' ara cain ca wari' wa ta. 25Om ca ma' xirapa' na con wari' co tomi' hwet non pain ca coromicat nucucun oro wari' quem, om na. Taxi' pan tata, taxi' ximao nain ca coromicat nucucun oro wari' ta.
Currently Selected:
João 2: TBPN
Highlight
Share
Copy
Want to have your highlights saved across all your devices? Sign up or sign in
Copyright 2023 Missão Novos Tribos do Brasil
João 2
2
Ca to' iri' comi uva pin cain com Jeju
13 pin iri na xec nein ne, ma' ac ca na wari' co an tam narima' ma', pain Caná ma', je i ma' wixinain cidade ma'. Pe nain Galileia Caná. Je ca pe cama jicon Jeju ma' quem. 2Harahap je nanaparut. Jeju, warut, ca' urut pain ca taxipa' urut con ca', mama' ac urut na.
3Pi' pin iri na comi uva ne, tomi' ac cama na jicon Jeju, tomi' non cawinacam: Pi' pin na comi uva ta non.
4Para tomi' mapa' ma' quem na' ac cam na. Om ca maqui' querec capa' xec nein ca an hwet mi' toton pain ca hwara' opa ne oro wari' cwa', pain ca ara tain ta' carawa ca om ara taxi' ne ca wari' wa ca'. Ac i ma' na ca tomi' cam jicon.
5Tomi' ac cama na, tomi' pan tata co taramaja mi' e' nonon co an tam narima' ma': Tomi' ha' jun pain oro ca ara je cuhu' ma' tata.
6Pain ca judeu urut ca', hohoc mam' taxipa' urut pain muxut pain ca cao' xi' nuxut. Je ca an to xine pain i ma' ca cam pe wa com ma'. Ma' 6 na. Ac tapaxi' paxi' na, mam' quep tapaxi' nanain pain pacun. Iri' horonain. Ac ca ma' 100 litro ne na ca moin' xica' pe nein.
7Tomi' pan ac ca na Jeju ma', tomi' nonon co taramaja to nanain i ma': Cam moin' jein com pain oro tapaxi' ma' nonon.
Cam moin' xo' ac cacain na.
8Cam wijimain ho' jein. Mi' querec jun pain co ma' co querec wet nain carawa ca cao' querec te iri' ca' ac cocon na.
Cam mi' wijimain ac cocon pain na.
9Toc querec ac cain na. Comi uva pin na com ta. Co taramaja to nanain i ma', taxi' nanain ca maqui' ne comi uva ma'. Co ma' co querec wet nain carawa ca cao' querec te caca ma' iri na ne, om ca taxi' cain. Je ca hap ra con co an tam narima' ma'. 10Tomi' ac con na: Cain' cain' xima quem? Oro wari' ma', cam mi' cain' taxipa' nanain comi uva ca awi tamana. Toc toc ma'am pin iri nana co toc nanain ma' ne, cam mi' ac tococwa na pain comi uva ca om awi homa. Wum iri na ne, cam mi' cain' main ca om awi homa nein, aram aram cam mi' ac main na ca awi tamana nein ca' na ca tomi' ca ma'.
11Je win an hwet pe cain ca hwara' opa nucun Jeju pane, pain ca ara cain ca om ara taxi' ne ca wari' wa pane. An hwet pe pe nain pain Caná pain Galileia pane. Ara iri nain ne, an hwet pe ac cain na ca awi tamana nucun pain ca Iri' Jam nucun. Howa ac urut con na pain ca taxipa' urut con ca'.
12Mama' ac urut pain na Cafarnaum ma'. Mo urut: Jeju ma'. Jicon ma'. Xurucun ma'. Warut pain ca taxipa' urut con ca' quem. Mama' mama' pi' pin urut pain Cafarnaum. Om ca tocwan ne xec nein ca to urut pain i cain.
Ca tomi' jein hwerehwet pin tococwa co vender to nanain carawa pain cote ne xiricon Iri' Jam
Mateus 21.12-17; Marcos 11.15-19; Lucas 19.45-48
13Wixicam pin ac ne na xec nein Páscoa ma'#2.13 Páscoa na wixinain xec nein ca tomi' querec te xucucun oro judeu pain ca mam' pe wet cocon oro hwanana nucucun pain ca to' witan ca' tococwa pain Egito pain cara pane., je i ma' xec nein ca tomi' querec te wi urut pain ca judeu urut ca'. Je ca mama' xin Jerusalém ta caparut Jeju ma', mama' ac urut na. 14Corom mao iri nain ca tao' caho' nein cote ne xiricon Iri' Jam Jeju ma' ne, querec ac tococwa na oro wari' co vender nanain boi pain ovelha con xucu'. Querec ac tococwa na co xao to to nanain pana ca meo to cacain oro xijein dinheiro ma' quem#2.14Oro sacerdote pain cote ne xiricon Iri' Jam pane, noc tamana nanain dinheiro nucucun oro romano pain dinheiro nucucun oro grego, xi xirao' pe ara cacain jamicon wari' pain ta nana. Noc nain i ma' Iri' Jam ta nana. Je ca taramaja to cacain ca tao' caho' nein cote ne xiricon Iri' Jam caram ma' co meo nanain oro xijein dinheiro ma' quem. Maqui' iri nana oro wari' co tom tain' mi' xun nonon pain carawa Iri' Jam ne, co cut xin nanain boi pain ovelha con xucu' ma', cut ca' ac tococwa na pain dinheiro nucucun tatirim, mi' in hwet ac tococwa pain na iri' dinheiro nein cote ne xiricon Iri' Jam. Ha' ac tococwa na pain ca mam' cut cacain carawa ca tom tain' xin caca pane. Oro co meo nanain dinheiro ma', mixein tamana nana quem. Horon iri na dinheiro nucucun tatirim ca cut caca ma' ne, mi' in hwet wijimain e' ac cacain na dinheiro nein cote ne xiricon Iri' Jam ma' quem. . 15Querec iri tata ne, an ac cain na macon, tucu xo' ac cain na, mam' weo hwerehwet pin ac tococwa na, mam' weo hwerehwet pin ac cain na ovelha pain boi quem. Joc camara' pin ac cain na pana ca taramaja to caca caram ma' co meo taxipa' nanain dinheiro ma', camara' wawaran mama' ac ne na moeda nucucun pain macan' quem. 16Tomi' ac tococwa na co vender nonon xucu' ma': Cut hwerehwet pi' pin jun. Waraju maho' jein xiricon Te ta. Xi xirinain vender vender pe wa carawa ne ta tata.
17Warut pain ca taxipa' urut con ca', mam' pe wet ac urut pain na capijacon Iri' Jam ca xirao' pe ca taramaxicon Davi cara pane. Ca' na ca xirao' nein ca mam' pe wet urut ca':
Om ca noc camain' tain xurum ta Te Iri' Jam.
Jain jain tamana inain.
To' ara napa' ca jain jain tamana tain xurum ta.
Ac ca to' pa' xim capa' na.
Ac i ma' na ca xirao' nein.
18Tomi' querec ac cocon na Jeju oro taramaxicon: Ma' co mi' nem pain ca weo hwerehwet pin momon oro wari' pain boi pain ovelha ca'? Am Iri' Jam ca co tomi' nem ma'. An hwet pe rain ca hwara' opa nem ma', pain ca ara main carawa ca om ara taxi' ne ca wari' wa ma'. Ma' ta querec pin' xut pum pain ca tomi' quem Iri' Jam ta na ca tomi' cocon ma'.
19Om na, to' pa horohot pin jein cote ne xiricon Iri' Jam ca' ac tococwa na. 3 pin iri tara xec nein ne, quep mami' ac tain tara ta na ca tomi' tococwa ma'.
20Cain' cain' xima quem ac cocon na. Xi quep hap cacain co taramaja nanain pane ta. Ma' 46 na cawaxi' pain ca taramaja cacain pane. 3 e' tara xec pain ca quep mami' hap main ra na ca tomi' cocon ma'.
21Ane om tomi' mi' cain cote ne xiricon Iri' Jam Jeju ne. Tomi' mi' xucun pain curucun. 22E' mami' iri na ne, mam' pe wet ac urut na pain ca taxipa' urut con ca', mam' pe wet urut pain ca tomi' nucun pain ca tomi' mi' cain curucun pain cote ne xiricon Iri' Jam pane. Iri'o' na xin ca xirao' pe xine capijacon Iri' Jam ma', pain ca e' mami' ta' ca Jeju ma', iri'o' na ca tomi' nucun Jeju pane quem urut, howa ac urut con na.
Ca taxi' cain ca coromicat nucucun oro wari' Jeju
23Pe pe wet nain Jerusalém Jeju pain oro xec nein Páscoa ma', pain ca tomi' querec te wi urut pain ca judeu urut ca'. Mija pin nana oro wari' co howa nonon quem. Howa nonon, xi om ne ca querec ara cacain oro ca ara ca pain ca an hwet pe cain ca hwara' opa nucun pain ca ara cain oro carawa ca om ara taxi' ne ca wari' wa ma'. 24Howa urut pum paxi' nonon, ane tara pahu' ta'a pan cocon Jeju ne. Xi querec pin' ara cain ca wari' wa ta. 25Om ca ma' xirapa' na con wari' co tomi' hwet non pain ca coromicat nucucun oro wari' quem, om na. Taxi' pan tata, taxi' ximao nain ca coromicat nucucun oro wari' ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright 2023 Missão Novos Tribos do Brasil