Lucas 19
19
Zaqueu co cut in taxipa' oro imposto
1Jeju cocon oro wari' co ja' ja' nonon ma', tan' mama' ac cacain na cidade pain Jericó. Xuruxut tiquin' ca' ac cacain na oro xirinain. 2Pe nain Jericó wari' co caramaju. Zaqueu na wixicon. Zaqueu ma', taramaxicon pe ho' nonon co cut in taxipa' nanain oro imposto cocon oro wari'. 3Querec ton Jeju ta paxi' na, ane om querec ac con ne. Xi hwara' ca ta. Iri' wixicon wari' na. Oro wari' co querec xun Jeju nana ma', tac caho' nonon. 4Je ca mo tiquin' mao cain wana ca mao ta' ca Jeju ma', piri' pe ac cain na caji panaji figo ma'. Ma' ta ha' capa' pain ca querec ton ca', pain ca xut tiquin' ca' capa' pain wana ca' na ca coromicat nucun.
5Hwet pin iri non Jeju ne, noro piri' ac ca na, tomi' ac con na: Zaqueu. Quiji' hap ra e'. Xi na e' ara capa' pain ca pe ho' xim pain xurum pain xec ca' non. 6Quiji' hap ac ca na, maji ta ac con na. Tomi' querec te non quem.
7Oro wari' co querec nonon Jeju pain ca hwet con Zaqueu ma', tomi' ximama' tomi' ximama' pi' pin ac caca na. Cain' cain' xira quem? Pe ho' a xiron co caracat ta nana.
8Ane tequi' pe ca Zaqueu ne, tomi' ac con na Taramaxicon nexi': Taraju wet ne e' Taramaxicon ac con na. Oro caramaju ca', an to ni an to ni tain, 2 tara ca an to ni nein pata'. Wirain ca pe ho' xim napa', an xiho' tarain wirain ca mi' toton oro wari' co ximin nana ma', co om nonon carawa. Oro wari' co an noc xa ta' pane quem, pain ca cut noc xa 100 tain dinheiro nucun xucun pane, cut in mi' 400 ac ton pain tara. Pain ca cut noc xa 1.000 tain dinheiro nucun xucun pane quem, cut in mi' 4.000 ac ton pain tara quem na ca tomi' pe con ma'.
9Tomi' ac ca na Jeju: Zaqueu cocon oro ca nari nucun cwa', to' witan pin tata pain xec ca'. Howa an xiho' ara xi' non hwanana nexi' Abraão quem. 10Je ca maqui' ta' ca' ac ca na. Wata' pain ca Iri' Wari' ta' ca', hwet inonon oro wari' co an xiho' nonon Zaqueu cwa', co ac ca pan' ara'am caca na pain ca to ni ca' cocon Iri' Jam. Ma' ta pirao' toton, ma' ta to' witan toton ta inonon na ca tomi' tococwa ma'.
Ca pijim' joc mam' mi' tococwa con taramaxicon pain ca in qui' nucun
Mateus 25.14-30
11Taraju nonon Jeju oro wari' ma', pain ca tomi' ac i ma' ca ma'. Coromicat ca' nana: Wa' mao iri tarain Jerusalém ne, taramaxicon hap pin ac ca tara ta nonon. Coromicat ac i ma' nana, xi om ne ca wixicam pin ara cacain Jerusalém ma'. Je ca pijim' joc mam' mi' tococwa con taramaxicon cocon co taramaja mi' nonon ma'. 12Ca' na ca pijim' nucun: Ma' na wari' co hwara' opa ma'. Hwet ton iri' taramaxicon pain xijein macan' pain pira ta ac ca na. Ma' ta mi' capa' pain ca taramaxicon pe ho' toton oro win ma' ne cwa' ta na. Taramaxicon pin iri ta' ne, in qui' ac ta' tara ta na. 13Mao ta' iri na ne, tomi' mam' ac tococwa na co taramaja mi' e' nonon ma'. Ma' 10 nana co harahap je ca ma'. Mi' ac tococwa na pain moeda nein ouro#19.13 Cote ne dinheiro na moeda nein ouro. Wari' co taramaja mi' non xucun wari' ma', mo xi ma' 100 ne xec pain ca momon taramaja mi' con ma', an xica' pe ac cain xira moeda nein ouro.. Mi' xica' pe mi' xica' pe xam' tata pain. Tomi' ac tococwa na: Mam' taramaja xo' jein dinheiro ca mi' xuhu' ca'. Mam' taramaja mam' taramaja, aram aram in hwet ac xuhu' tara pain ca wara mam' taramaja hwara' pin hwein ta tata. Mao ac ca na.
14Ane noc cocon oro win ma' ca ne. Noc nonon pain ca taramaxicon pin ta' ca ma'. Je ca tomi' xo' xucucun: Tora' paric xuxun oro win ma' nexi' cwa'. Hwet ac cocon tara iri' taramaxicon cwain, tomi' ac cocon tara: Noc urut con pain ca taramaxicon pe ho' caparut win ma' nuxut pum ta totoron, tomi' ac i ma' totoron iri' taramaxicon cwain ta nana.
15Ane miri'om pan tococwa ne. Taramaxicon pe ho' roron ta ac con win ma' nucucun na iri' taramaxicon cwain. In mao ac cain na macaracon. Wa' mao iri na ne, harahap je ac tococwa na co taramaja mi' e' nonon ma', co wara mi' ca pain dinheiro cara pane. Ma' ta taxi' toton pain ca taramaja nucucun ta tata. Am mam' taramaja mam' taramaja hwara' pin cacain quem tata.
16Co tomi' cain' ca ma', xut hwet ac con na. Taramaxicon ne ac con na. Moeda nein ouro ca mi' mapa' pane, mam' taramaja mam' taramaja hwara' pin inain. Ma' 10 pin ac capa' na quem na ca tomi' con ma'.
17Awi na ta, awi na ca taramaja nem ta ac con na taramaxicon nucun. Mam' taramaja xo' main wijimain dinheiro ne cara pane. Mi' ac xim tara pain ca taramaxicon wa ta. Ma' 10 tara cidade ca taramaxicon pe ra xim ta non.
18Xut hwet ac con na xucun ma'. Taramaxicon ne ac con na. Moeda nein ouro ca mi' mapa' pane, mam' taramaja mam' taramaja hwara' pin inain. Ma' 5 pin ac capa' na quem na ca tomi' con ma'.
19Awi na ta ac con na taramaxicon nucun. Mi' xim pain ca taramaxicon wa quem. Ma' 5 tara cidade ca taramaxicon pe ra xim ta non.
20Xut hwet ac con na xucun ma', co taramaja mi' e' non ma'. Taramaxicon ne ac con na. Main ca' moeda nein ouro ca mi' mapa' pane. An pe xo' inain, wiric pa' inain con pawiricon wom. 21Xi jin' ara xim ta. Mo ta pan' am ca' capa' dinheiro nucun taramaxicon ne ca', mana' ac capa' tara, ac i ma' na ca coromicat ta' pum pane. Om ara xi' na ca xiram pa' taxi' ma ta. An xiho' mon wari' co mene taxipa' nain caramaxicon xucun wari'. An xiho' mon wari' co top nain caramaji totacon xucun wari' ma' quem na ca tomi' ximao ca ma'.
22Taramaja mi' xo' ximapa' ta caxicon pije' ac con na taramaxicon nucun. Wap mip xim ta. Win ne ca tomi' mapa' ca', pain ca om ca xiram pa' taxi' ma ta mapa' ca', om ta xiram pa' xim pain ca wap mip xim quem. Taxi' mapa' pain ca om xiram pa' taxi' ta' ca'. Taxi' mapa' pain ca mene taxipa' tain caramaxicon xucun wari'. Taxi' mapa' pain ca an xiho' ton wari' co top nain caramaji totacon xucun wari' quem. 23Je xi an pe xo' main moeda ne pain banco quem? In qui' iri xita' ne, cut mi' ac cacapa' pain xira wara jaminain je xocori ca cut mami' caca pain ca mam' taramaja cacain quem na ca pan to' cain taraxicon.
24Tomi' ac tococwa na co coco' to nanain i ma': An ca' jun pain moeda nein ouro ca mi' ton pane, mi' ac hun pain tara co ma' 10 non ma' na ca tomi' tococwa ma'.
25Cain' cain' xima quem taramaxicon nuxut ac cocon na. Wara ma' 10 ara xi' non ta nonon.
26Om na, je ca tomi' xuhu' ca' ac tococwa na. Wari' co taramaja xo' ma', co win xumu nain ca taramaja nucun ca mi' ton ca', mi' tiquin' ac ton pain tara ca taramaja wa. Wari' co om taramaja xo' ma' iri na ne, co om win xumu nain ca taramaja nucun ca mi' ton ca', an ca' ac ton pain tara ca taramaja nucun ta. Tomi' iri'o' inuhu' ta na ca tomi' tococwa ma'. 27Tomi' ac tococwa na cocon co noc nonon pain ca taramaxicon pe ho' cocon ma': Cut qui' jujun ta. To' parapa' pin jujun. Coco' ja' pan xine cocon. Ma' ta querec xuhu' pain ca to' parapa' pin huhun ta tata. Ac i ma' na ca pijim' cocon Jeju ma'.
Ca wa' mao cain Jerusalém Jeju
Mateus 21.1-11; Marcos 11.1-11; João 12.12-19
28Pi' pin iri na ca pijim' nucun Jeju ne, xuruxut xuruxut tiquin' ac caca na pain ca mama' xin cacain Jerusalém. O na Jeju, xuruxut nanain waracon co taxipa' ca ma' quem. 29Wixicam pin iri nanain ca paric to ne xirim pain Betfagé ma' ne, je pain Betânia ma', ca to ja' pan nain pacun ma', ca Pacun Nein Oliveira caca oro wari' ma', tomi' ac tococwa na co taxipa' ca ma'. Ma' 2 nana co tomi' ca ma'. 30Mama' jein ca paric to ne xirim ma', ca querec hwe ma'. Hwet pin iri jein ne, mam' ac hwein tara wijimain burro ca tucu pan wa ma', ca om xao pe querec camain' wa ma'. Tacom' hot jein, an qui' ac hwein tara ta. 31Mo ta ma' i ma' pahu' quem cuhu' wari' ma', mo ta para tacom' hot hwein quem cuhu', tomi' ac hun tara: Om na, param inain na Taramaxicon nuxut ta ac hun tara na ca tomi' tococwa ma'.
32Mama' ac caca na, mam' ac cacain na wijimain burro ma'. Win ne ca wara tomi' ca Jeju ma'. 33Tacom' hot iri nanain ne, tomi' querec ac cocon na oro waximain: Para tacom' hot hwein wijimain burro ca' quem nana.
34Om na, param inain na Taramaxicon nuxut ta ac caca na. Ma, an mao jein ta ac caca na.
35An mi' ac cocon pain na Jeju ma', cum xo' ac cacain na xonein con womicocon quem. Xao pe rain ta ac cocon na#19.35 Je ca xirao' pe ca profeta con Jeju pain cara pane. Ca' na ca xirao' pe nucun: Taraju wet je oro wari' nein Jerusalém! Hwet nuhu' taramaxicon nuhu' ta! Om ca xec xec ca, xao pe pe nain xonein wijimain burro, ac i ma' na ca xirao' pe ca profeta pane.. 36Xao pe nain wijimain burro Jeju ma', tiquin' mao ac ca na. Ca tiquin' mao ca ma', ca cum xo' cocon womicocon pain wana oro wari' ma' quem#19.36 Cum xo' iri nonon womicocon pain wana oro wari' ne, ac i ma' na ca an hwet mi' cocon pain ca in ac cocon ma', je pain ca tomi' querec te tamana cocon ma'. . 37Wixicam pin iri nain wana ca quiji' mao nain Pacun Nein Oliveira ma' ne, tomi' querec te tomi' querec te pi' pin ac caca na oro wari' co taxipa' nonon Jeju ma'. Mija nana, om ca paric camain' caca. Merem ac caca na: Awi tamana na Iri' Jam ta nana. Xi mija ara ne oro ca ara ca Jeju ma', ca querec caca ma', pain ca ara cain oro ca om ara taxi' ne ca wari' wa ma'. 38Merem ca' nana: Tomi' querec te xun taramaxicon cwa', co mam' maqui' nain ca hwara' opa nucun Iri' Jam cwa'. Mana' mana' om pin napari' Iri' Jam. Tomi' querec te tomi' querec te pi' pin nonon Iri' Jam oro co to nanain iri' pawin cain quem na ca merem caca oro wari' ma'.
39Ma' nana oro fariseu co coco' to ho' nonon oro wari' ma' quem. Tomi' ac cocon na Jeju: Taramaxicon co ca' na taxipa' capijacon Iri' Jam. Tomi' in pin ximomon co taxipa' ma ta nonon. Om ara xi' na ca taraju hohot cocon ca taramaxicon ma ta cocon Jeju ta.
40Om na ta ac tococwa na. Mo xi tacana to caca co taxipa' ta' cwa', pain ca tomi' querec te tamana cacapa' ca', merem pan ac ne xira oro pacun pain ca tomi' hwet nein ca tomi' querec te nein pata' ta na ca tomi' tococwa ma'.
Ca aca ca Jeju pain ca xiram pa' cocon oro wari' co to nanain Jerusalém
41Wixicam pin ac cacain na Jerusalém. Querec iri nain oro xirim Jeju ne, aca ac ca na, xi xiram pa' ara tococwa co to nanain ta. 42Wa inuhu' me ac tococwa na. Mo xi ma' ne xumuhu' pain xec ca', mo xi querec pin' hwein carawa ca to' om pin tain nain ca toron ne xumuhu' ma'. Ane om na mami' cuhu' pain xocori ca' ne. Xi howa je na hwe ta. Ac ca om ne na tucuhu', ac ca joc xim xihwe na pain ca querec pin' hwein quem. 43Ame hwe e', main maqui' tara oro xec pain ca hwet cucuhu' oro co noc nunuhu' ma'. Mam' tao' caho' ac cuhu' tara pain cote ne pana pain macan', coco' coco' mam' ac cucuhu' tara quem. Om ta jein mama' ac hwe cocon. 44Corom hwet ac cucuhu' tara, om ta xiram pa' camain' cucuhu', to' parapa' pin tuturuhu'. Wahu', mana panxihwe ma' quem, to' parapa' to' parapa' pi' pin ac cucuhu' tara. Om ta to wet xica' pe camain' ne oro pacun nein oro xuruhu' ma' quem, to' pa horohot pi' pin tatarain ta. Xi querec pin' hun Iri' Jam pain ca to' witan xim paxi' cuhu' pata' ta na ca tomi' tococwa pain ca aca nucun.
Ca tomi' jein hwerehwet pin tococwa co vender to nanain carawa pain cote ne xiricon Iri' Jam
Mateus 21.12-17; Marcos 11.15-19
45Corom mao ac cain na ca tao' caho' nein cote ne xiricon Iri' Jam Jeju ma'. Tomi' jein hwerehwet pin ac tococwa na co vender nanain carawa ca tom tain' xi' caca oro wari'. 46Tomi' carapita ac tococwa na. Ca' na ca xirao' pe xine ca tomi' nucun Iri' Jam pain capijacon ta: Cote ne xuru ca', je tara ca tomi' to cacapa' oro wari' cwa' ta na ca xirao' pe nein con. Wahu' iri na ne, ara em' pin hwein. Ara xiricocon oro wari' co an noc xa taxipa' nanain carawa pin hwein ta na ca tomi' carapita tococwa ma'.
47Jeju ma', pijim' pe nain ca tao' caho' nein cote ne xiricon Iri' Jam pain oro xijein xec. Je ca ca' na to tococwa pain capijacon Iri' Jam oro wari'. Oro taramaxicon ma' iri nana ne, to' pa' pin xun nonon. Oro taramaxicon nucucun oro sacerdote ma', cocon oro co ca' na taxipa' nanain ca xirao' nucun Moisés ma' quem, cocon oro xucucun taramaxicon nucucun oro judeu ma' quem, to' pa' pin xun paxi' nonon Jeju. 48Ane om ha' cocon ne. Xi om ne ca jain jain pan ara cocon oro wari' pain ca tama' taraju xixin na cocon pain ca pijim' nucun ta.
Currently Selected:
Lucas 19: TBPN
Highlight
Share
Copy
Want to have your highlights saved across all your devices? Sign up or sign in
Copyright 2023 Missão Novos Tribos do Brasil
Lucas 19
19
Zaqueu co cut in taxipa' oro imposto
1Jeju cocon oro wari' co ja' ja' nonon ma', tan' mama' ac cacain na cidade pain Jericó. Xuruxut tiquin' ca' ac cacain na oro xirinain. 2Pe nain Jericó wari' co caramaju. Zaqueu na wixicon. Zaqueu ma', taramaxicon pe ho' nonon co cut in taxipa' nanain oro imposto cocon oro wari'. 3Querec ton Jeju ta paxi' na, ane om querec ac con ne. Xi hwara' ca ta. Iri' wixicon wari' na. Oro wari' co querec xun Jeju nana ma', tac caho' nonon. 4Je ca mo tiquin' mao cain wana ca mao ta' ca Jeju ma', piri' pe ac cain na caji panaji figo ma'. Ma' ta ha' capa' pain ca querec ton ca', pain ca xut tiquin' ca' capa' pain wana ca' na ca coromicat nucun.
5Hwet pin iri non Jeju ne, noro piri' ac ca na, tomi' ac con na: Zaqueu. Quiji' hap ra e'. Xi na e' ara capa' pain ca pe ho' xim pain xurum pain xec ca' non. 6Quiji' hap ac ca na, maji ta ac con na. Tomi' querec te non quem.
7Oro wari' co querec nonon Jeju pain ca hwet con Zaqueu ma', tomi' ximama' tomi' ximama' pi' pin ac caca na. Cain' cain' xira quem? Pe ho' a xiron co caracat ta nana.
8Ane tequi' pe ca Zaqueu ne, tomi' ac con na Taramaxicon nexi': Taraju wet ne e' Taramaxicon ac con na. Oro caramaju ca', an to ni an to ni tain, 2 tara ca an to ni nein pata'. Wirain ca pe ho' xim napa', an xiho' tarain wirain ca mi' toton oro wari' co ximin nana ma', co om nonon carawa. Oro wari' co an noc xa ta' pane quem, pain ca cut noc xa 100 tain dinheiro nucun xucun pane, cut in mi' 400 ac ton pain tara. Pain ca cut noc xa 1.000 tain dinheiro nucun xucun pane quem, cut in mi' 4.000 ac ton pain tara quem na ca tomi' pe con ma'.
9Tomi' ac ca na Jeju: Zaqueu cocon oro ca nari nucun cwa', to' witan pin tata pain xec ca'. Howa an xiho' ara xi' non hwanana nexi' Abraão quem. 10Je ca maqui' ta' ca' ac ca na. Wata' pain ca Iri' Wari' ta' ca', hwet inonon oro wari' co an xiho' nonon Zaqueu cwa', co ac ca pan' ara'am caca na pain ca to ni ca' cocon Iri' Jam. Ma' ta pirao' toton, ma' ta to' witan toton ta inonon na ca tomi' tococwa ma'.
Ca pijim' joc mam' mi' tococwa con taramaxicon pain ca in qui' nucun
Mateus 25.14-30
11Taraju nonon Jeju oro wari' ma', pain ca tomi' ac i ma' ca ma'. Coromicat ca' nana: Wa' mao iri tarain Jerusalém ne, taramaxicon hap pin ac ca tara ta nonon. Coromicat ac i ma' nana, xi om ne ca wixicam pin ara cacain Jerusalém ma'. Je ca pijim' joc mam' mi' tococwa con taramaxicon cocon co taramaja mi' nonon ma'. 12Ca' na ca pijim' nucun: Ma' na wari' co hwara' opa ma'. Hwet ton iri' taramaxicon pain xijein macan' pain pira ta ac ca na. Ma' ta mi' capa' pain ca taramaxicon pe ho' toton oro win ma' ne cwa' ta na. Taramaxicon pin iri ta' ne, in qui' ac ta' tara ta na. 13Mao ta' iri na ne, tomi' mam' ac tococwa na co taramaja mi' e' nonon ma'. Ma' 10 nana co harahap je ca ma'. Mi' ac tococwa na pain moeda nein ouro#19.13 Cote ne dinheiro na moeda nein ouro. Wari' co taramaja mi' non xucun wari' ma', mo xi ma' 100 ne xec pain ca momon taramaja mi' con ma', an xica' pe ac cain xira moeda nein ouro.. Mi' xica' pe mi' xica' pe xam' tata pain. Tomi' ac tococwa na: Mam' taramaja xo' jein dinheiro ca mi' xuhu' ca'. Mam' taramaja mam' taramaja, aram aram in hwet ac xuhu' tara pain ca wara mam' taramaja hwara' pin hwein ta tata. Mao ac ca na.
14Ane noc cocon oro win ma' ca ne. Noc nonon pain ca taramaxicon pin ta' ca ma'. Je ca tomi' xo' xucucun: Tora' paric xuxun oro win ma' nexi' cwa'. Hwet ac cocon tara iri' taramaxicon cwain, tomi' ac cocon tara: Noc urut con pain ca taramaxicon pe ho' caparut win ma' nuxut pum ta totoron, tomi' ac i ma' totoron iri' taramaxicon cwain ta nana.
15Ane miri'om pan tococwa ne. Taramaxicon pe ho' roron ta ac con win ma' nucucun na iri' taramaxicon cwain. In mao ac cain na macaracon. Wa' mao iri na ne, harahap je ac tococwa na co taramaja mi' e' nonon ma', co wara mi' ca pain dinheiro cara pane. Ma' ta taxi' toton pain ca taramaja nucucun ta tata. Am mam' taramaja mam' taramaja hwara' pin cacain quem tata.
16Co tomi' cain' ca ma', xut hwet ac con na. Taramaxicon ne ac con na. Moeda nein ouro ca mi' mapa' pane, mam' taramaja mam' taramaja hwara' pin inain. Ma' 10 pin ac capa' na quem na ca tomi' con ma'.
17Awi na ta, awi na ca taramaja nem ta ac con na taramaxicon nucun. Mam' taramaja xo' main wijimain dinheiro ne cara pane. Mi' ac xim tara pain ca taramaxicon wa ta. Ma' 10 tara cidade ca taramaxicon pe ra xim ta non.
18Xut hwet ac con na xucun ma'. Taramaxicon ne ac con na. Moeda nein ouro ca mi' mapa' pane, mam' taramaja mam' taramaja hwara' pin inain. Ma' 5 pin ac capa' na quem na ca tomi' con ma'.
19Awi na ta ac con na taramaxicon nucun. Mi' xim pain ca taramaxicon wa quem. Ma' 5 tara cidade ca taramaxicon pe ra xim ta non.
20Xut hwet ac con na xucun ma', co taramaja mi' e' non ma'. Taramaxicon ne ac con na. Main ca' moeda nein ouro ca mi' mapa' pane. An pe xo' inain, wiric pa' inain con pawiricon wom. 21Xi jin' ara xim ta. Mo ta pan' am ca' capa' dinheiro nucun taramaxicon ne ca', mana' ac capa' tara, ac i ma' na ca coromicat ta' pum pane. Om ara xi' na ca xiram pa' taxi' ma ta. An xiho' mon wari' co mene taxipa' nain caramaxicon xucun wari'. An xiho' mon wari' co top nain caramaji totacon xucun wari' ma' quem na ca tomi' ximao ca ma'.
22Taramaja mi' xo' ximapa' ta caxicon pije' ac con na taramaxicon nucun. Wap mip xim ta. Win ne ca tomi' mapa' ca', pain ca om ca xiram pa' taxi' ma ta mapa' ca', om ta xiram pa' xim pain ca wap mip xim quem. Taxi' mapa' pain ca om xiram pa' taxi' ta' ca'. Taxi' mapa' pain ca mene taxipa' tain caramaxicon xucun wari'. Taxi' mapa' pain ca an xiho' ton wari' co top nain caramaji totacon xucun wari' quem. 23Je xi an pe xo' main moeda ne pain banco quem? In qui' iri xita' ne, cut mi' ac cacapa' pain xira wara jaminain je xocori ca cut mami' caca pain ca mam' taramaja cacain quem na ca pan to' cain taraxicon.
24Tomi' ac tococwa na co coco' to nanain i ma': An ca' jun pain moeda nein ouro ca mi' ton pane, mi' ac hun pain tara co ma' 10 non ma' na ca tomi' tococwa ma'.
25Cain' cain' xima quem taramaxicon nuxut ac cocon na. Wara ma' 10 ara xi' non ta nonon.
26Om na, je ca tomi' xuhu' ca' ac tococwa na. Wari' co taramaja xo' ma', co win xumu nain ca taramaja nucun ca mi' ton ca', mi' tiquin' ac ton pain tara ca taramaja wa. Wari' co om taramaja xo' ma' iri na ne, co om win xumu nain ca taramaja nucun ca mi' ton ca', an ca' ac ton pain tara ca taramaja nucun ta. Tomi' iri'o' inuhu' ta na ca tomi' tococwa ma'. 27Tomi' ac tococwa na cocon co noc nonon pain ca taramaxicon pe ho' cocon ma': Cut qui' jujun ta. To' parapa' pin jujun. Coco' ja' pan xine cocon. Ma' ta querec xuhu' pain ca to' parapa' pin huhun ta tata. Ac i ma' na ca pijim' cocon Jeju ma'.
Ca wa' mao cain Jerusalém Jeju
Mateus 21.1-11; Marcos 11.1-11; João 12.12-19
28Pi' pin iri na ca pijim' nucun Jeju ne, xuruxut xuruxut tiquin' ac caca na pain ca mama' xin cacain Jerusalém. O na Jeju, xuruxut nanain waracon co taxipa' ca ma' quem. 29Wixicam pin iri nanain ca paric to ne xirim pain Betfagé ma' ne, je pain Betânia ma', ca to ja' pan nain pacun ma', ca Pacun Nein Oliveira caca oro wari' ma', tomi' ac tococwa na co taxipa' ca ma'. Ma' 2 nana co tomi' ca ma'. 30Mama' jein ca paric to ne xirim ma', ca querec hwe ma'. Hwet pin iri jein ne, mam' ac hwein tara wijimain burro ca tucu pan wa ma', ca om xao pe querec camain' wa ma'. Tacom' hot jein, an qui' ac hwein tara ta. 31Mo ta ma' i ma' pahu' quem cuhu' wari' ma', mo ta para tacom' hot hwein quem cuhu', tomi' ac hun tara: Om na, param inain na Taramaxicon nuxut ta ac hun tara na ca tomi' tococwa ma'.
32Mama' ac caca na, mam' ac cacain na wijimain burro ma'. Win ne ca wara tomi' ca Jeju ma'. 33Tacom' hot iri nanain ne, tomi' querec ac cocon na oro waximain: Para tacom' hot hwein wijimain burro ca' quem nana.
34Om na, param inain na Taramaxicon nuxut ta ac caca na. Ma, an mao jein ta ac caca na.
35An mi' ac cocon pain na Jeju ma', cum xo' ac cacain na xonein con womicocon quem. Xao pe rain ta ac cocon na#19.35 Je ca xirao' pe ca profeta con Jeju pain cara pane. Ca' na ca xirao' pe nucun: Taraju wet je oro wari' nein Jerusalém! Hwet nuhu' taramaxicon nuhu' ta! Om ca xec xec ca, xao pe pe nain xonein wijimain burro, ac i ma' na ca xirao' pe ca profeta pane.. 36Xao pe nain wijimain burro Jeju ma', tiquin' mao ac ca na. Ca tiquin' mao ca ma', ca cum xo' cocon womicocon pain wana oro wari' ma' quem#19.36 Cum xo' iri nonon womicocon pain wana oro wari' ne, ac i ma' na ca an hwet mi' cocon pain ca in ac cocon ma', je pain ca tomi' querec te tamana cocon ma'. . 37Wixicam pin iri nain wana ca quiji' mao nain Pacun Nein Oliveira ma' ne, tomi' querec te tomi' querec te pi' pin ac caca na oro wari' co taxipa' nonon Jeju ma'. Mija nana, om ca paric camain' caca. Merem ac caca na: Awi tamana na Iri' Jam ta nana. Xi mija ara ne oro ca ara ca Jeju ma', ca querec caca ma', pain ca ara cain oro ca om ara taxi' ne ca wari' wa ma'. 38Merem ca' nana: Tomi' querec te xun taramaxicon cwa', co mam' maqui' nain ca hwara' opa nucun Iri' Jam cwa'. Mana' mana' om pin napari' Iri' Jam. Tomi' querec te tomi' querec te pi' pin nonon Iri' Jam oro co to nanain iri' pawin cain quem na ca merem caca oro wari' ma'.
39Ma' nana oro fariseu co coco' to ho' nonon oro wari' ma' quem. Tomi' ac cocon na Jeju: Taramaxicon co ca' na taxipa' capijacon Iri' Jam. Tomi' in pin ximomon co taxipa' ma ta nonon. Om ara xi' na ca taraju hohot cocon ca taramaxicon ma ta cocon Jeju ta.
40Om na ta ac tococwa na. Mo xi tacana to caca co taxipa' ta' cwa', pain ca tomi' querec te tamana cacapa' ca', merem pan ac ne xira oro pacun pain ca tomi' hwet nein ca tomi' querec te nein pata' ta na ca tomi' tococwa ma'.
Ca aca ca Jeju pain ca xiram pa' cocon oro wari' co to nanain Jerusalém
41Wixicam pin ac cacain na Jerusalém. Querec iri nain oro xirim Jeju ne, aca ac ca na, xi xiram pa' ara tococwa co to nanain ta. 42Wa inuhu' me ac tococwa na. Mo xi ma' ne xumuhu' pain xec ca', mo xi querec pin' hwein carawa ca to' om pin tain nain ca toron ne xumuhu' ma'. Ane om na mami' cuhu' pain xocori ca' ne. Xi howa je na hwe ta. Ac ca om ne na tucuhu', ac ca joc xim xihwe na pain ca querec pin' hwein quem. 43Ame hwe e', main maqui' tara oro xec pain ca hwet cucuhu' oro co noc nunuhu' ma'. Mam' tao' caho' ac cuhu' tara pain cote ne pana pain macan', coco' coco' mam' ac cucuhu' tara quem. Om ta jein mama' ac hwe cocon. 44Corom hwet ac cucuhu' tara, om ta xiram pa' camain' cucuhu', to' parapa' pin tuturuhu'. Wahu', mana panxihwe ma' quem, to' parapa' to' parapa' pi' pin ac cucuhu' tara. Om ta to wet xica' pe camain' ne oro pacun nein oro xuruhu' ma' quem, to' pa horohot pi' pin tatarain ta. Xi querec pin' hun Iri' Jam pain ca to' witan xim paxi' cuhu' pata' ta na ca tomi' tococwa pain ca aca nucun.
Ca tomi' jein hwerehwet pin tococwa co vender to nanain carawa pain cote ne xiricon Iri' Jam
Mateus 21.12-17; Marcos 11.15-19
45Corom mao ac cain na ca tao' caho' nein cote ne xiricon Iri' Jam Jeju ma'. Tomi' jein hwerehwet pin ac tococwa na co vender nanain carawa ca tom tain' xi' caca oro wari'. 46Tomi' carapita ac tococwa na. Ca' na ca xirao' pe xine ca tomi' nucun Iri' Jam pain capijacon ta: Cote ne xuru ca', je tara ca tomi' to cacapa' oro wari' cwa' ta na ca xirao' pe nein con. Wahu' iri na ne, ara em' pin hwein. Ara xiricocon oro wari' co an noc xa taxipa' nanain carawa pin hwein ta na ca tomi' carapita tococwa ma'.
47Jeju ma', pijim' pe nain ca tao' caho' nein cote ne xiricon Iri' Jam pain oro xijein xec. Je ca ca' na to tococwa pain capijacon Iri' Jam oro wari'. Oro taramaxicon ma' iri nana ne, to' pa' pin xun nonon. Oro taramaxicon nucucun oro sacerdote ma', cocon oro co ca' na taxipa' nanain ca xirao' nucun Moisés ma' quem, cocon oro xucucun taramaxicon nucucun oro judeu ma' quem, to' pa' pin xun paxi' nonon Jeju. 48Ane om ha' cocon ne. Xi om ne ca jain jain pan ara cocon oro wari' pain ca tama' taraju xixin na cocon pain ca pijim' nucun ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright 2023 Missão Novos Tribos do Brasil