Ja̰ 13
13
Jesu na ər bi tɨ tomni ɗa̰y ugu
1Toni barita pya̰ tɨ Pak ɓə an, Jesu una ɓə lula sul ne ər ɓə dunya̰ nɨm tɨ saal tɨ ər Ba ndɔ tɨ ndog. Ər bi ne ər ka a kum tɨ dunya̰, ər ɓə a kumkar marway dunya̰ mu tɨ tong. 2Gorne Jesu a na ər bi a ti tɨ tudi mu na jeel gɨna, Sidan na lal wur tɨ Judas, Iskariot, Simo̰ na ɓa̰ hul tɨ Jesu sul sula. 3Jesu una ɓari ɓə ər o̰ tɨ Ndɨla ndɔ, la ər ɓə duga saal tɨ Ndɨla ndɔ. Ta ər una ɓə ər Ba naa gɨ ər mum gun tɨ ər daa la. 4Gorne a wo wa̰y tudi gɨna, Jesu o̰ tɨ ndal, ər jul ər ngɔmi ne ər wur tɨ paa sul la, ər so sər ər ɓəw na ər tuu. 5La ər bɛ ndu tɨ mbla hul ər ɗolɔ tɨ ər bi ɗa̰y ugu la ər pla na sər ne wo tɨ ər tuu. 6Gorne ər an tɨ Simo̰ Piyɛr sul gɨna, Simo̰ Piyɛr ɓiri ər: «Yim, Baali, pay əm ɓə ən ɗa̰y ugu la a?» 7Jesu duga gɨ ər: «Ndogle əm una wa̰y ne ən wo kar ji lo, lɛ əm ɓə ji una ɗa̰y tɨ plaa.» 8Piyɛr ja gɨ ər: «M, m! Əm ɓə ən ɗa̰y ugu lo bad!» Jesu duga gɨ ər: «Jo ən ugu əm ɗa̰y lo a, əm ɓə wa̰y tina tɨ ən daa lo la.» 9Simo̰ Piyɛr ja gɨ ər: «Jo tɨ in gɨna, əm ɓə ən ɗa̰y ugu ngoy lo, lɛ ən dəgɨ la ən sul la!» 10Jesu duga gɨ ər: «Wo ne hum teni ɓə duga hum cam lo, lɛ ər ɓə ər ɗa̰y jo ugu ngoy, kəysul ər ndula gun ndeeri teni. Yḭ ndɔ ndeeri teni, lɛ tɨ yḭ gun lo.»
11Jesu una wo ne ɓə ər sul sula, nejo ər ja jaa ne ɓə: «Yḭ gun i ndɔ ndeeri lo.»
12Gorne Jesu tong ər bi na ɗa̰y ugu gɨna, ər duga ər wur ər ngɔmi la ər ti tɨ tudi mu na a. Gɨna ər ja gɨ a ɓə: «Pay yḭ una wa̰y ne ən ka gɨ i a? 13Yḭ soon ən “Wo tɨ wa̰y ɓla la Baali” la, tɨ ɗa̰ygor, kəysul yin tɨ i Wo tɨ wa̰y ɓla la i Baali la. 14Jo yin, Wo tɨ wa̰y ɓla la, i Baali la, ən ugu i ɗa̰y gɨna, yḭ kaw i ɓə peer ɗa̰y ugu la. 15Kəysul tɨ wa̰y tɨ ɓla nɨ yḭ ka na peer kuna ən ka na i la. 16Ən ja gɨ i tɨ bayri, wo tɨ cida tɨ ɗəng ura ər Baali lo la, ta wo tɨ tomni tɨ ɗəng ura ər Baali lo la. 17Gḛy tɨ kwi le, i ndula ɓə i laar jo yḭ ka wa̰y ne yin ɓla gɨ i. 18Ən ja jaa ne tuna i sul gun lo. Ən una bi ton ən ɛr a. Lɛ ka jaa ne a kya̰ tɨ Maktub hul toni ɓə: wo ne wur ər daa na ən ɓudu tɨ lway hul yiga bəgri naa gɨ ən.#13.18 Psa 41.10 19Ən ja gɨ i jaa ne toni barita ka mum ne wo peer kar hina. Gorne mum ne an gɨna, yḭ ɓə hul kula ɓə yin tɨ wo ne ən ti na ji. 20Ən ja gɨ i tɨ bayri: Wo ne par wo ne ən toon ər tɨ ər ndɔ, tɨ yin jo ər par ən tɨ ər ndɔ. La wo ne par ən tɨ ər ndɔ, par wo ne toon ən tɨ ər ndɔ la.»
Judas na Jesu sul sula
Mat 26.20-25; Mrk 14.17-21; Luk 22.21-23
21Gorne Jesu ja jaa ne tong gɨna, ər ilgɨ tɨ tugla lo la ər ja gɨ a ɓə: «Kuri, ən ja gɨ i tɨ bayri, wo ɓudu tɨ i daan ɓə ən sul sula.» 22Jesu na bi tɨ wa̰y edɨ ləg peer, lɛ a una wo ne ər ja jaa tuna ər sul lo. 23Jesu na wo ɓudu, ne ər ka ər kum nari, ti tɨ Jesu taal. 24Simo̰ Piyɛr ha̰w gɨ ər ji ka ər ɓiri ər «Pay tɨ jajo ər ja jaa ne tuna ər sul a?» 25Gɨna Jesu na wo tɨ tomni wur mu tɨ ər tulɔ lɔ ɓiri jaa: «Baali, əm ja gɨ i tɨ ja a?» 26Jesu duga gɨ ər: «Ən ɓə mapa taal wur tɨ ndog ji gɨ wo naa. Wo ne ən naa gɨ ər mapa gɨna, tɨ yḭr jo ər ɓə ən sul sula.» Jesu wur mapa tɨ ndog ji la ər naa gɨ Judas, Iskariot Simo̰ na ɓa̰. 27Gorne Judas ko mapa ne gɨna, sandaw, Sidan wur tɨ ər hul. Jesu ja gɨ Judas: «Əm ka wa̰y ne əm hul taam kar ara.» 28Wo ɓudu in tɨ wa̰y tudi mu una ja ji ne Jesu ja gɨ ər lo. 29Kum ne Judas jo tɨ wo tɨ a gursu ɓaw, bi tapeer ilgɨ ɓə Jesu wo gɨ ər ja tɨ wa̰y tɨ pya̰ kar lo le, ka ər naa gɨ bi tɨ ndemni wa̰y. 30Judas ko mapa tuy la ər o̰ ər wag sandaw tɨ bayri. Un tɨ siyɛl teni.
Gṵ hul ɓaani
31Gorne Judas wag gɨna, Jesu ja: «Ndogle, Ndɨla wur gɨ Wo Ɓa̰ taan la Ndɨla ten taan tɨ ər ndɔ la. 32Jo Wo Ɓa̰ wur taan tɨ Ndɨla sul gɨna, Ndɨla may wur taan tɨ sul la, ta ər ɓə taan wur tɨ ər ɓa̰ sul la. 33Ən ɓimi, ən ɓə na i tɨm ɗa̰y dɨbla cam lo, la yḭ ɓə ən taam. Lɛ ən ja gɨ i ndogle, jaa ne ən ja gɨ Juyb-a toni teni: “Yḭ lɛm saal tɨ un ne ən wo saal tɨ nin lo.” 34Ən naa gɨ i gṵ hul ɓaani: Yḭ ka peer kum. Yḭ ka peer kum kuna ən ka i ndula kum. 35Jo yḭ ka peer kum gɨna, bi gun ɓə una ɓə yḭ tɨ ən bi.»
Piyɛr na Jesu nɨm
Mat 26.31-35; Mrk 14.27-31; Luk 22.31-34
36Simo̰ Piyɛr ja gɨ Jesu: «Baali, əm wo saal tɨ ɓay a?» Jesu duga gɨ ər: «Əm lɛm saal tɨ ən lɔ tɨ un ne ən wo saal tɨ nin lo. Lɛ na ɗa̰y tɨ plaa barita, əm ɓə saal tɨ nin.» 37Piyɛr ja gɨ ər: «Baali, kəyja ən ɓə saal tɨ əm lɔ ndogle lo a? Ən ti ndog tɨ ən ndula naa əm jaa!» 38Jesu duga gɨ ər: «Tɨ kuri, əm ti ndog tɨ əm ndula naa ən jaa! Lɛ ndini ne ka ən jaa gɨ əm tɨ bayri ɓə, toni barita twar ɓə togum ɗula, əm ɓə ən sul sulɔ lahul tɨ tedi ɓə əm una ən lo.»
Currently Selected:
Ja̰ 13: nie
Highlight
Share
Copy
Want to have your highlights saved across all your devices? Sign up or sign in
© 2023, ATALTRAB
Ja̰ 13
13
Jesu na ər bi tɨ tomni ɗa̰y ugu
1Toni barita pya̰ tɨ Pak ɓə an, Jesu una ɓə lula sul ne ər ɓə dunya̰ nɨm tɨ saal tɨ ər Ba ndɔ tɨ ndog. Ər bi ne ər ka a kum tɨ dunya̰, ər ɓə a kumkar marway dunya̰ mu tɨ tong. 2Gorne Jesu a na ər bi a ti tɨ tudi mu na jeel gɨna, Sidan na lal wur tɨ Judas, Iskariot, Simo̰ na ɓa̰ hul tɨ Jesu sul sula. 3Jesu una ɓari ɓə ər o̰ tɨ Ndɨla ndɔ, la ər ɓə duga saal tɨ Ndɨla ndɔ. Ta ər una ɓə ər Ba naa gɨ ər mum gun tɨ ər daa la. 4Gorne a wo wa̰y tudi gɨna, Jesu o̰ tɨ ndal, ər jul ər ngɔmi ne ər wur tɨ paa sul la, ər so sər ər ɓəw na ər tuu. 5La ər bɛ ndu tɨ mbla hul ər ɗolɔ tɨ ər bi ɗa̰y ugu la ər pla na sər ne wo tɨ ər tuu. 6Gorne ər an tɨ Simo̰ Piyɛr sul gɨna, Simo̰ Piyɛr ɓiri ər: «Yim, Baali, pay əm ɓə ən ɗa̰y ugu la a?» 7Jesu duga gɨ ər: «Ndogle əm una wa̰y ne ən wo kar ji lo, lɛ əm ɓə ji una ɗa̰y tɨ plaa.» 8Piyɛr ja gɨ ər: «M, m! Əm ɓə ən ɗa̰y ugu lo bad!» Jesu duga gɨ ər: «Jo ən ugu əm ɗa̰y lo a, əm ɓə wa̰y tina tɨ ən daa lo la.» 9Simo̰ Piyɛr ja gɨ ər: «Jo tɨ in gɨna, əm ɓə ən ɗa̰y ugu ngoy lo, lɛ ən dəgɨ la ən sul la!» 10Jesu duga gɨ ər: «Wo ne hum teni ɓə duga hum cam lo, lɛ ər ɓə ər ɗa̰y jo ugu ngoy, kəysul ər ndula gun ndeeri teni. Yḭ ndɔ ndeeri teni, lɛ tɨ yḭ gun lo.»
11Jesu una wo ne ɓə ər sul sula, nejo ər ja jaa ne ɓə: «Yḭ gun i ndɔ ndeeri lo.»
12Gorne Jesu tong ər bi na ɗa̰y ugu gɨna, ər duga ər wur ər ngɔmi la ər ti tɨ tudi mu na a. Gɨna ər ja gɨ a ɓə: «Pay yḭ una wa̰y ne ən ka gɨ i a? 13Yḭ soon ən “Wo tɨ wa̰y ɓla la Baali” la, tɨ ɗa̰ygor, kəysul yin tɨ i Wo tɨ wa̰y ɓla la i Baali la. 14Jo yin, Wo tɨ wa̰y ɓla la, i Baali la, ən ugu i ɗa̰y gɨna, yḭ kaw i ɓə peer ɗa̰y ugu la. 15Kəysul tɨ wa̰y tɨ ɓla nɨ yḭ ka na peer kuna ən ka na i la. 16Ən ja gɨ i tɨ bayri, wo tɨ cida tɨ ɗəng ura ər Baali lo la, ta wo tɨ tomni tɨ ɗəng ura ər Baali lo la. 17Gḛy tɨ kwi le, i ndula ɓə i laar jo yḭ ka wa̰y ne yin ɓla gɨ i. 18Ən ja jaa ne tuna i sul gun lo. Ən una bi ton ən ɛr a. Lɛ ka jaa ne a kya̰ tɨ Maktub hul toni ɓə: wo ne wur ər daa na ən ɓudu tɨ lway hul yiga bəgri naa gɨ ən.#13.18 Psa 41.10 19Ən ja gɨ i jaa ne toni barita ka mum ne wo peer kar hina. Gorne mum ne an gɨna, yḭ ɓə hul kula ɓə yin tɨ wo ne ən ti na ji. 20Ən ja gɨ i tɨ bayri: Wo ne par wo ne ən toon ər tɨ ər ndɔ, tɨ yin jo ər par ən tɨ ər ndɔ. La wo ne par ən tɨ ər ndɔ, par wo ne toon ən tɨ ər ndɔ la.»
Judas na Jesu sul sula
Mat 26.20-25; Mrk 14.17-21; Luk 22.21-23
21Gorne Jesu ja jaa ne tong gɨna, ər ilgɨ tɨ tugla lo la ər ja gɨ a ɓə: «Kuri, ən ja gɨ i tɨ bayri, wo ɓudu tɨ i daan ɓə ən sul sula.» 22Jesu na bi tɨ wa̰y edɨ ləg peer, lɛ a una wo ne ər ja jaa tuna ər sul lo. 23Jesu na wo ɓudu, ne ər ka ər kum nari, ti tɨ Jesu taal. 24Simo̰ Piyɛr ha̰w gɨ ər ji ka ər ɓiri ər «Pay tɨ jajo ər ja jaa ne tuna ər sul a?» 25Gɨna Jesu na wo tɨ tomni wur mu tɨ ər tulɔ lɔ ɓiri jaa: «Baali, əm ja gɨ i tɨ ja a?» 26Jesu duga gɨ ər: «Ən ɓə mapa taal wur tɨ ndog ji gɨ wo naa. Wo ne ən naa gɨ ər mapa gɨna, tɨ yḭr jo ər ɓə ən sul sula.» Jesu wur mapa tɨ ndog ji la ər naa gɨ Judas, Iskariot Simo̰ na ɓa̰. 27Gorne Judas ko mapa ne gɨna, sandaw, Sidan wur tɨ ər hul. Jesu ja gɨ Judas: «Əm ka wa̰y ne əm hul taam kar ara.» 28Wo ɓudu in tɨ wa̰y tudi mu una ja ji ne Jesu ja gɨ ər lo. 29Kum ne Judas jo tɨ wo tɨ a gursu ɓaw, bi tapeer ilgɨ ɓə Jesu wo gɨ ər ja tɨ wa̰y tɨ pya̰ kar lo le, ka ər naa gɨ bi tɨ ndemni wa̰y. 30Judas ko mapa tuy la ər o̰ ər wag sandaw tɨ bayri. Un tɨ siyɛl teni.
Gṵ hul ɓaani
31Gorne Judas wag gɨna, Jesu ja: «Ndogle, Ndɨla wur gɨ Wo Ɓa̰ taan la Ndɨla ten taan tɨ ər ndɔ la. 32Jo Wo Ɓa̰ wur taan tɨ Ndɨla sul gɨna, Ndɨla may wur taan tɨ sul la, ta ər ɓə taan wur tɨ ər ɓa̰ sul la. 33Ən ɓimi, ən ɓə na i tɨm ɗa̰y dɨbla cam lo, la yḭ ɓə ən taam. Lɛ ən ja gɨ i ndogle, jaa ne ən ja gɨ Juyb-a toni teni: “Yḭ lɛm saal tɨ un ne ən wo saal tɨ nin lo.” 34Ən naa gɨ i gṵ hul ɓaani: Yḭ ka peer kum. Yḭ ka peer kum kuna ən ka i ndula kum. 35Jo yḭ ka peer kum gɨna, bi gun ɓə una ɓə yḭ tɨ ən bi.»
Piyɛr na Jesu nɨm
Mat 26.31-35; Mrk 14.27-31; Luk 22.31-34
36Simo̰ Piyɛr ja gɨ Jesu: «Baali, əm wo saal tɨ ɓay a?» Jesu duga gɨ ər: «Əm lɛm saal tɨ ən lɔ tɨ un ne ən wo saal tɨ nin lo. Lɛ na ɗa̰y tɨ plaa barita, əm ɓə saal tɨ nin.» 37Piyɛr ja gɨ ər: «Baali, kəyja ən ɓə saal tɨ əm lɔ ndogle lo a? Ən ti ndog tɨ ən ndula naa əm jaa!» 38Jesu duga gɨ ər: «Tɨ kuri, əm ti ndog tɨ əm ndula naa ən jaa! Lɛ ndini ne ka ən jaa gɨ əm tɨ bayri ɓə, toni barita twar ɓə togum ɗula, əm ɓə ən sul sulɔ lahul tɨ tedi ɓə əm una ən lo.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, ATALTRAB