Ja̰ 18
18
Əli par Jesu
Mat 26.47-56; Mrk 14.43-50; Luk 22.47-53
1Gorne Jesu ja jaa ne tong gɨna, ər ɗen na ər bi tɨ larɨm tɨ Sedro̰ tapaa. Tɨ un ne, waal paa wo tɨ un ne. Ər si tɨ nin na ər bi. 2Judas ne tɨ wo tɨ ər sul sula kaw una un ne la, kəysul Jesu a na ər bi tɨ wa̰y edɨ a si tɨ nin yɔd. 3Judas si hina na əli dɨbla na lampa la laa njel la tɨ a daa. Tɨ bi tɨ hima ɓina woom la, Parisyḛ-a la, bi tɨ gṵ hul ɓla la, jo a toon a. 4Jesu una wa̰y ne wo paa kar tuna ər sul gun gɨna, ər tung a kwi ər ɓiri a: «Ja jo i wo ər taam a?» 5Əli-a duga gɨ ər: «Jesu tɨ Najarɛt jo yini wo ər taam.» Jesu duga gɨ a: «Tɨ yin jo ən le.» Judas wo tɨ Jesu sul sula kaw wo tɨ ɗay la. 6Gorne Jesu ja gɨ a: «Tɨ yin jo ən le» gɨna, a duga na a bəgri la a tɨbɨn. 7Jesu ɓiri a lahul tɨ ndidi mani: «Ja jo i wo ər taam a?» A duga gɨ ər: «Jesu tɨ Najarɛt jo i wo ər taam.» 8Jesu duga gɨ a: «Ən ja gɨ i toni teni, jo tɨ yin jo i wo ən taam gɨna, yḭ nɨm bi ton ka a si.»
9Kuna ne, ja ne wag tɨ Jesu ja toni tɨ kuri. Ər ja ɓə: «Ən Ba, wo ɓudu tɨ bi ton əm naa gɨ ən daan haam lo.» 10Simo̰ Piyɛr na kaskar tɨ daa, ər jul kaskar ər jani na wo tɨ hima ɓina ɗəng na wo tɨ cida ər jul ər tulɔ tɨ lɨma. Wo tɨ cida ne ndil ɓə Malkus. 11Lɛ Jesu ja gɨ Piyɛr: «Əm wur əm kaskar tɨ gor. Əm taam ɓə ndu tɨ pɛw ne ən ba naa gɨ ən, ən ka yḭḭ lo a?»
Jesu wo tɨ Han kwi
12Gɨna əli hari na a bi nii tɨ a sul la, bi ton wo Juyb-a na woom ɓaw la par Jesu. A ɓəw ər na suwal. 13A si na ər tɨ Han maan bari. Yḭr tɨ Kayip na mo̰. Na an ne, Kayip tɨ wo tɨ hima ɓina ɗəng. 14Tɨ Kayip jo peer Juyb-a na woom ɓə: «Wo ɓudu na ulu bi dɨbla jaa golgo.» 15Simo̰ Piyɛr la wo tɨ tomni paa la, a an Jesu lɔ. Wo tɨ hima bɛ ɗəng una Jesu na wo paa ne ɓari. Tɨ nejo ər lɛm wur na Jesu tɨ wo tɨ hima bɛ ɗəng na jaal hul. 16Lɛ Piyɛr gə̰y tɨ bayri, ndog na jaal mu. Gɨna Jesu na wo paa, ne wo tɨ hima ɓina ɗəng una ər wag tɨ jaal hul. Ər ja jaa na ii ne wo jaal mu ɓaw ka Piyɛr wur tɨ jaal hul la. 17Ii ja gɨ Piyɛr ɓə: «Yim tɨ ɓər ne na wo paa lo a?» Piyɛr duga gɨ ər: «M-m, tɨ yin lo.»
18Bi tɨ cida la əli bi tɨ un ɓaw a kaaw laa, a ti tɨ mu kəysul tiɛr ka nari. Piyɛr kaw si ti tɨ laa mu na a la.
Wo tɨ hima ɓina ɗəng ɓiri Jesu jaa
Mat 26.59-66; Mrk 14.55-64; Luk 22.66-71
19Wo tɨ hima ɓina ɗəng ɓiri Jesu jaa tuna ər bi tɨ wa̰y edɨ sul la mum ne ər ɓla gɨ bi la. 20Jesu duga gɨ ər: «Ən ja gɨ bi gun tɨ bayri. Ən ɓla gɨ bi mum tɨ a ləgɨ tɨ paa tina la, tɨ Juyb-a na Ndɨla na ləgɨ hul la yɔd. Ən waal ən ndɔ ɗa̰y ɓudu lo. 21Kəyjaa əm ɓiri ən jaa ne a? Jaa gun ton ən ja, əm ɓiri bi ton laa ən jaa ɓə a una jaa ne ən ja gɨ a ɓari.» 22Gorne Jesu ja jaa ne gɨna, eli paa ɗɨb ər tɛmtaal la ja gɨ ər: «Tɨ kuna paa ne jo əm duga gɨ wo tɨ hima ɓina ja a?» 23Jesu duga gɨ ər: «Jo ən ja jaa ɓijim gɨna, əm ɓla gɨ ən jaa ɓijim ne ən ja. Lɛ jo ən ja jaa ndinimani gɨna, kəyja əm ɗɨb ən a?»
24Gɨna Han toon Jesu tɨ Kayip ndɔ na swaal tɨ ər daa.
Piyɛr sulɔ Jesu sul cam
Mat 26.71-75; Mrk 14.69-70; Luk 22.58-62
25Na lula sul ne, Simo̰ Piyɛr ti tɨ laa mu tɨ jaal hul. A ɓiri ər jaa cam: «Yim kaw, əm tɨ ɓər ne na wo paa la lo a?» Lɛ Piyɛr duga gɨ a: «M-m, tɨ yin lo.» 26Wo tɨ hima ɓina ɗəng na wo tɨ cida paa wo tɨ ɗay. Ər tɨ wo ne Piyɛr jul ər tulɔ na kaskar na paa nimni. Ər ja gɨ Piyɛr: «Kuri tɨ yim jo ən ləg əm na Jesu tɨ waal hul lo a?» 27Lɛ Piyɛr sulɔ cam: «M-m, tɨ yin lo.» La twar ɗo togɨm.
Jesu wo tɨ Pilat kwi
Mat 27.1-2,11-14; Mrk 15.1-5; Luk 23.1-5
28Na gaan cɔg, eli-a par Jesu tɨ Kayip maan a si na ər tɨ guberno̰ ndɔ. Bi ton si na ər wur tɨ bang hul lo kəysul a taam a ndɔ lɔblə na loni lo tɨ wa̰y tɨ Pak tudi. 29Nejo guberno̰ Pilat may o̰ hina ər ten a tɨ bang mu. La ər ɓiri a: «Kəy jaa jo yḭ kay tɨ ɓər ne sul a?» 30A duga gɨ ər: «Jo ɓər ne ka ɓijim lo gɨna, yini ɓə na ər hina lo.» 31Gɨna, Pilat ja gɨ a: «Yḭ may ko ər i tung jaa tɨ ər sul na i gṵ hul.» A duga gɨ ər: «Yini na ul mu tɨ wo humna lo.»
32Kuna ne, jaa ne Jesu ja toni tɨ kuri. Ər ja ɓə: a ɓə jaa kuri in tina tɨ kay tɨ ən sul tɨ ən humna lo. 33Pilat duga wur tɨ bang hul. Ər naa gṵ ka eli-a hina na Jesu tɨ ər ndɔ la ər ɓiri ər: «Pay yim tɨ Juyb-a na wa̰ay a?» 34Jesu duga gɨ ər: «Kəyjaa jo əm ɓiri ən jaa ne a? Pay yim mam jo əm ilgɨ tɨ jaa ne sul ɓee, tɨ bi jo ja gɨ əm a?» 35Pilat duga gɨ ər: «Yin tɨ Juyb a? Tɨ əm bi la bi tɨ hima ɓina na woom la jo a so əm sul a naa gɨ ən. Kəy jo əm ka gɨ a?» 36Jesu duga gɨ ər: «Ən waan, tɨ waan tɨ dunya̰ ne maan lo. Jo ən waan ti tɨ dunya̰ ne maan gɨna, ən bi tɨ cida ɓə sal muna tɨ ən sul. A ɓə Juyb-a na woom ul mu nɨm tɨ ən par lo. Lɛ, ən waan tɨ dunya̰ ne maan lo.» 37Pilat ɓiri ər: «Pay yim tɨ wa̰ay a?» Jesu duga gɨ ər: «Jo əm ja tɨ əm mu ɗay. Yin, a toy ən la, ən hina tɨ dunya̰ tɨ ja jaa tuna kuri sul. Wo ne una jaa kuri gɨna, ka ər laa jaa ne ən ja.» 38Pilat ɓiri Jesu: «Jaa kuri tɨ kəy a?»
Tɨ jaa ne ɓəgri gɨna, Pilat wag tɨ bang mu cam ər si ər ten Juyb-a tɨ bayri ər ja gɨ a: «Yin na jaa ɓudu tɨ kay tɨ ɓər ne sul lo. 39Lɛ kuna na an sul gɨna, ən nɨm gɨ i wo tɨ dangay ɓudu na pya̰ tɨ Pak kar, pay yḭ taam ɓə ən naa gɨ i Juyb-a na wa̰ay a?» 40Gɨna, a ɗolɔ tɨ ngor kar tɨ ndal: «M-m, yḭr lo! Yini taam ɓə əm nɨm Barabas jo tɨ ndal!» Barabas tɨ wo tɨ suga ne wo tɨ dangay hul na lula sul ne.
Currently Selected:
Ja̰ 18: nie
Highlight
Share
Copy
Want to have your highlights saved across all your devices? Sign up or sign in
© 2023, ATALTRAB
Ja̰ 18
18
Əli par Jesu
Mat 26.47-56; Mrk 14.43-50; Luk 22.47-53
1Gorne Jesu ja jaa ne tong gɨna, ər ɗen na ər bi tɨ larɨm tɨ Sedro̰ tapaa. Tɨ un ne, waal paa wo tɨ un ne. Ər si tɨ nin na ər bi. 2Judas ne tɨ wo tɨ ər sul sula kaw una un ne la, kəysul Jesu a na ər bi tɨ wa̰y edɨ a si tɨ nin yɔd. 3Judas si hina na əli dɨbla na lampa la laa njel la tɨ a daa. Tɨ bi tɨ hima ɓina woom la, Parisyḛ-a la, bi tɨ gṵ hul ɓla la, jo a toon a. 4Jesu una wa̰y ne wo paa kar tuna ər sul gun gɨna, ər tung a kwi ər ɓiri a: «Ja jo i wo ər taam a?» 5Əli-a duga gɨ ər: «Jesu tɨ Najarɛt jo yini wo ər taam.» Jesu duga gɨ a: «Tɨ yin jo ən le.» Judas wo tɨ Jesu sul sula kaw wo tɨ ɗay la. 6Gorne Jesu ja gɨ a: «Tɨ yin jo ən le» gɨna, a duga na a bəgri la a tɨbɨn. 7Jesu ɓiri a lahul tɨ ndidi mani: «Ja jo i wo ər taam a?» A duga gɨ ər: «Jesu tɨ Najarɛt jo i wo ər taam.» 8Jesu duga gɨ a: «Ən ja gɨ i toni teni, jo tɨ yin jo i wo ən taam gɨna, yḭ nɨm bi ton ka a si.»
9Kuna ne, ja ne wag tɨ Jesu ja toni tɨ kuri. Ər ja ɓə: «Ən Ba, wo ɓudu tɨ bi ton əm naa gɨ ən daan haam lo.» 10Simo̰ Piyɛr na kaskar tɨ daa, ər jul kaskar ər jani na wo tɨ hima ɓina ɗəng na wo tɨ cida ər jul ər tulɔ tɨ lɨma. Wo tɨ cida ne ndil ɓə Malkus. 11Lɛ Jesu ja gɨ Piyɛr: «Əm wur əm kaskar tɨ gor. Əm taam ɓə ndu tɨ pɛw ne ən ba naa gɨ ən, ən ka yḭḭ lo a?»
Jesu wo tɨ Han kwi
12Gɨna əli hari na a bi nii tɨ a sul la, bi ton wo Juyb-a na woom ɓaw la par Jesu. A ɓəw ər na suwal. 13A si na ər tɨ Han maan bari. Yḭr tɨ Kayip na mo̰. Na an ne, Kayip tɨ wo tɨ hima ɓina ɗəng. 14Tɨ Kayip jo peer Juyb-a na woom ɓə: «Wo ɓudu na ulu bi dɨbla jaa golgo.» 15Simo̰ Piyɛr la wo tɨ tomni paa la, a an Jesu lɔ. Wo tɨ hima bɛ ɗəng una Jesu na wo paa ne ɓari. Tɨ nejo ər lɛm wur na Jesu tɨ wo tɨ hima bɛ ɗəng na jaal hul. 16Lɛ Piyɛr gə̰y tɨ bayri, ndog na jaal mu. Gɨna Jesu na wo paa, ne wo tɨ hima ɓina ɗəng una ər wag tɨ jaal hul. Ər ja jaa na ii ne wo jaal mu ɓaw ka Piyɛr wur tɨ jaal hul la. 17Ii ja gɨ Piyɛr ɓə: «Yim tɨ ɓər ne na wo paa lo a?» Piyɛr duga gɨ ər: «M-m, tɨ yin lo.»
18Bi tɨ cida la əli bi tɨ un ɓaw a kaaw laa, a ti tɨ mu kəysul tiɛr ka nari. Piyɛr kaw si ti tɨ laa mu na a la.
Wo tɨ hima ɓina ɗəng ɓiri Jesu jaa
Mat 26.59-66; Mrk 14.55-64; Luk 22.66-71
19Wo tɨ hima ɓina ɗəng ɓiri Jesu jaa tuna ər bi tɨ wa̰y edɨ sul la mum ne ər ɓla gɨ bi la. 20Jesu duga gɨ ər: «Ən ja gɨ bi gun tɨ bayri. Ən ɓla gɨ bi mum tɨ a ləgɨ tɨ paa tina la, tɨ Juyb-a na Ndɨla na ləgɨ hul la yɔd. Ən waal ən ndɔ ɗa̰y ɓudu lo. 21Kəyjaa əm ɓiri ən jaa ne a? Jaa gun ton ən ja, əm ɓiri bi ton laa ən jaa ɓə a una jaa ne ən ja gɨ a ɓari.» 22Gorne Jesu ja jaa ne gɨna, eli paa ɗɨb ər tɛmtaal la ja gɨ ər: «Tɨ kuna paa ne jo əm duga gɨ wo tɨ hima ɓina ja a?» 23Jesu duga gɨ ər: «Jo ən ja jaa ɓijim gɨna, əm ɓla gɨ ən jaa ɓijim ne ən ja. Lɛ jo ən ja jaa ndinimani gɨna, kəyja əm ɗɨb ən a?»
24Gɨna Han toon Jesu tɨ Kayip ndɔ na swaal tɨ ər daa.
Piyɛr sulɔ Jesu sul cam
Mat 26.71-75; Mrk 14.69-70; Luk 22.58-62
25Na lula sul ne, Simo̰ Piyɛr ti tɨ laa mu tɨ jaal hul. A ɓiri ər jaa cam: «Yim kaw, əm tɨ ɓər ne na wo paa la lo a?» Lɛ Piyɛr duga gɨ a: «M-m, tɨ yin lo.» 26Wo tɨ hima ɓina ɗəng na wo tɨ cida paa wo tɨ ɗay. Ər tɨ wo ne Piyɛr jul ər tulɔ na kaskar na paa nimni. Ər ja gɨ Piyɛr: «Kuri tɨ yim jo ən ləg əm na Jesu tɨ waal hul lo a?» 27Lɛ Piyɛr sulɔ cam: «M-m, tɨ yin lo.» La twar ɗo togɨm.
Jesu wo tɨ Pilat kwi
Mat 27.1-2,11-14; Mrk 15.1-5; Luk 23.1-5
28Na gaan cɔg, eli-a par Jesu tɨ Kayip maan a si na ər tɨ guberno̰ ndɔ. Bi ton si na ər wur tɨ bang hul lo kəysul a taam a ndɔ lɔblə na loni lo tɨ wa̰y tɨ Pak tudi. 29Nejo guberno̰ Pilat may o̰ hina ər ten a tɨ bang mu. La ər ɓiri a: «Kəy jaa jo yḭ kay tɨ ɓər ne sul a?» 30A duga gɨ ər: «Jo ɓər ne ka ɓijim lo gɨna, yini ɓə na ər hina lo.» 31Gɨna, Pilat ja gɨ a: «Yḭ may ko ər i tung jaa tɨ ər sul na i gṵ hul.» A duga gɨ ər: «Yini na ul mu tɨ wo humna lo.»
32Kuna ne, jaa ne Jesu ja toni tɨ kuri. Ər ja ɓə: a ɓə jaa kuri in tina tɨ kay tɨ ən sul tɨ ən humna lo. 33Pilat duga wur tɨ bang hul. Ər naa gṵ ka eli-a hina na Jesu tɨ ər ndɔ la ər ɓiri ər: «Pay yim tɨ Juyb-a na wa̰ay a?» 34Jesu duga gɨ ər: «Kəyjaa jo əm ɓiri ən jaa ne a? Pay yim mam jo əm ilgɨ tɨ jaa ne sul ɓee, tɨ bi jo ja gɨ əm a?» 35Pilat duga gɨ ər: «Yin tɨ Juyb a? Tɨ əm bi la bi tɨ hima ɓina na woom la jo a so əm sul a naa gɨ ən. Kəy jo əm ka gɨ a?» 36Jesu duga gɨ ər: «Ən waan, tɨ waan tɨ dunya̰ ne maan lo. Jo ən waan ti tɨ dunya̰ ne maan gɨna, ən bi tɨ cida ɓə sal muna tɨ ən sul. A ɓə Juyb-a na woom ul mu nɨm tɨ ən par lo. Lɛ, ən waan tɨ dunya̰ ne maan lo.» 37Pilat ɓiri ər: «Pay yim tɨ wa̰ay a?» Jesu duga gɨ ər: «Jo əm ja tɨ əm mu ɗay. Yin, a toy ən la, ən hina tɨ dunya̰ tɨ ja jaa tuna kuri sul. Wo ne una jaa kuri gɨna, ka ər laa jaa ne ən ja.» 38Pilat ɓiri Jesu: «Jaa kuri tɨ kəy a?»
Tɨ jaa ne ɓəgri gɨna, Pilat wag tɨ bang mu cam ər si ər ten Juyb-a tɨ bayri ər ja gɨ a: «Yin na jaa ɓudu tɨ kay tɨ ɓər ne sul lo. 39Lɛ kuna na an sul gɨna, ən nɨm gɨ i wo tɨ dangay ɓudu na pya̰ tɨ Pak kar, pay yḭ taam ɓə ən naa gɨ i Juyb-a na wa̰ay a?» 40Gɨna, a ɗolɔ tɨ ngor kar tɨ ndal: «M-m, yḭr lo! Yini taam ɓə əm nɨm Barabas jo tɨ ndal!» Barabas tɨ wo tɨ suga ne wo tɨ dangay hul na lula sul ne.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, ATALTRAB