Luk 24
24
Jesu na duga tɨm jili
Mat 28.1-10; Mrk 16.1-8; Ja̰ 20.1-10
1Aad na gaan cɔg, aa si tɨ ngalɨm sul na nɨɨm ne a tang na mum ne uun ndinimani ne a kaaw. 2A ləg kura ne a hul na ngalɨm mu ɓɨrgɨ na taal teni. 3A wur tɨ ngalɨm hul, lɛ a ten Baali Jesu na ulu lo. 4A una wa̰y ne a ɓə ilgɨ tɨ sul lo, lɛ tɨ daamu, bi ɓərgɨ tɨ ndidi wag tɨ a sul, a wur ngɔmi ne ɓɔr kar-kar. 5Ayri ɗəng ka a, la a wur a ji tɨ lɔr. Bi ɓərgɨ ne ja gɨ a: «Kəyjaa jo yḭ wo tɨ wo ne ti jili jablə tɨ bi tɨ ulu daan a? 6Ər wo le lo, lɛ ər duga ər ti jili. Yḭ jani i ho̰ni tɨ jaa ne ər ja gɨ i toni tɨ nəgri sul tɨ Galile pi. 7Ər ja ɓə: “Ndini ne bi ɓə Yin, Wo Ɓa̰ nɨm tɨ bi tɨ ɓijim kar daa. Ka a ɗɨb ən tɨ tɨla tɨ tərgɨ sul la na ɗa̰y tɨ tedi hul gɨna, ən ɓə duga tɨm jili.”» 8Gɨna aa jani a ho̰ni tɨ jaa ne Jesu jaa toni. 9Gorne a duga tɨ ngalɨm sul gɨna, a jul mum gun ne a ləg lɔ gɨ Jesu na bi tɨ wa̰y edɨ dɔkɔmɛ kar kede la bi gun ne si tɨ Jesu lɔ. 10Aa ton tɨ Mari, ii tɨ Magdala la, Ja̰n la, Mari, Jak na na̰ la. Aa tapeer ne si na kaw jaa gɨ Jesu na bi tɨ wa̰y edɨ jaa ne la. 11Lɛ Jesu na bi tɨ wa̰y edɨ laa jaa ne, a ka na jaa ɓəji, a ko aa ne hul lo. 12Lɛ Pyɛr o̰ na yaal, ər si tɨ ngalɨm sul. Gorne ər goni a, ər ləg sər ne a bini na ər ulu ngoy. Gɨna Piyɛr duga tɨ gə̰y la, wa̰y ne ka paa ɓɔr ər ji nari.
Ul tɨ Emayus
Mrk 16.12-13
13Na ɗa̰y ɗay, Jesu na bi tɨ wa̰y edɨ tɨ ndidi so ul a si tɨ lɔr ne ndil ɓə Emayus, ɓag na Jerusalɛm lɛm kelengɨ#24.13 Kelengɨ tɨ wa̰y tɨ lɛm na un ne ti ɓag na paa. dɔkɔmɛ kar kede. 14A wo ja jaa tuna mum gun ne ka paa sul. 15La gorne a wo ja jaa la, a wo paa gaglə la gɨna, Jesu hina tɨ a ndɔ ər so ul na a la. 16A ləg ər, lɛ a lɛm ər una lo. 17Jesu ɓiri a: «Kəy wa̰y jo yḭ wo paa gaglə tɨ sul tɨ ul sul a?» A lor tɨ gor la a ka a ji tɨ ndemni la. 18Ne ɓudu, ndil ɓə Klehopas duga gɨ ər: «Yim tɨ wo ɓudu ne əm ti tɨ Jerusalɛm lɛ əm una wa̰y ne ka paa na ɗa̰y ne lo a?» 19La ər ɓiri a: «Tɨ kəy a?» A duga gɨ ər: «Wa̰y ne an tɨ Jesu wo tɨ Najarɛt sul. Ər tɨ Ndɨla na nebi ne ɗəng nari. Ər ka mum ne ɓɔrji la ər ja jaa na dwari tɨ Ndɨla kwi la, tɨ bi gun kwi la. 20Yi bi tɨ hima ɓina na woom la, i woom la, a nɨm ər tɨ bi daa ka a kay jaa tɨ ulu tɨ ər sul la ta a ɗɨb ər tɨ tɨla tərgɨ sul la. 21La tɨ yḭr jo yini kay i hul tɨ ər sul ɓə ər ɓə Israhel jul tɨ ər peer tɨ pɛni daa. Lɛ na ɗa̰y tɨ tedi#24.21 Juyb-a tapeer ilgɨ ɓə jo wo uy a ər ndo̰yngɨ ti tɨ ər ndɔ ɗa̰y tɨ tedi, ɗa̰y ton bəgri, a ilgɨ ɓə wo ɓə duga tɨm jili cam lo. kakamle teni jo, wa̰y ne ka paa. 22Tɨ kuri aa tapeer ne tɨ i daan ja jaa ne ɓɔr i ji nari. A o̰ na gan cɔg, a si tɨ ngalɨm sul, 23lɛ gorne a ten ər ulu lo gɨna, a duga a hina a jul gɨ i lɔ ɓə malayka-a wag tɨ a sul, la a ja gɨ a ɓə ər duga ər tɨ jili. 24Bi tapeer tɨ i daan si tɨ ngalɨm sul la a ten mum gun kuna aa ne ja, lɛ yḭr gɨna, a ləg ər lo.»
25Gɨna Jesu ja gɨ a: «Ɓəw, yḭ bi bla ilgɨ, yḭ tɨ laani tɨ hul kula tɨ jaa gun ne Ndɨla na nebi ja! 26Pay Krist, Wo ne Ndɨla ɛr ɓə pɛw tina kuna paa ne barita Ndɨla ɓə ər wur tɨ ər taan hul lo a?» 27La Jesu jul jaa lɔ ne ley tɨ Ndɨla Maktub hul tuna ər sul. Ər ɗolɔ na Maktub ne Moys kya̰, la na Ndɨla na nebi gun na Maktub la.
28Gorne a an ndog na lɔr ne a wo saal tɨ nin gɨna, Jesu ka kuna ər wo ɗira. 29Lɛ bi tɨ ndidi ne lor na ər a ja gɨ ər: «Ti na i, ɓə lula teni, syɛl tɨ ndog teni.» Jesu wur tɨ li hul tɨ na a tɨm. 30La ər ti tɨ tudi mu na a, ər ko mapa la gorne ər tong Ndɨla barka kar gɨna, ər ha̰w mapa la ər naa gɨ a la.
31Gɨna a ji təng la a una ər la, lɛ tɨ daamu, Jesu haam tɨ a kwi teni. 32La a ja gɨ peer: «Kuri, gorne ər wo gɨ i ja jaa tɨ ul sul la, ər jul gɨ jaa lɔ tɨ Ndɨla na maktub tuna ər sul, i hul sila ī lo a?» 33Na lula sul ne, a o̰, a duga, a si tɨ Jerusalɛm. A ten Jesu na bi tɨ wa̰y edɨ dɔkɔmɛ kar kede la bi ne tay peer na a la. 34A ji gun a ja gɨ bi tɨ wa̰y edɨ tɨ ndidi ne ɓə: «Kuri, Baali duga ti jili, ər ɓla ər ndula gɨ Simo̰.»
35Gɨna bi tɨ ndidi ne jul gɨ a wa̰y ne ka paa tɨ ul sul lɔ la ka waa ta a una na Jesu gorne ər ɓa̰an gɨ a mapa la.
Jesu ɓla ər ndula gɨ ər bi dɔkɔmɛ kar kede
36Jesu na bi tɨ wa̰y edɨ wo ja jaa ɗang in a, Jesu may wag tɨ a daan la ər ja gɨ a: «Yḭ ti na lapya.» 37Lɛ a o̰ kim-kim la a ayri ɗəng ka a, a ilgɨ ɓə a ləg wo tibri. 38Lɛ Jesu ja gɨ a: «Kəyjaa jo yḭ ilgɨ ti tugla lo a? Kəyjaa jo i hul dugun peer a? 39Yḭ ləg hura tawlu tɨ ən dəgɨ la tɨ ən ɗḛygɨ la, tɨ yin maan, yḭ do ən ndula i ləg, kəysul wo tibri na ya̰m lo la na, na uma lo la, kuna yḭ ləg na ən le.» 40Ər ja gɨ a jaa ne la ər ɓla gɨ a ər dəgɨ la ər ɗḛygɨ la. 41Jesu na bi tɨ wa̰y edɨ ndula laar a nari la ɓɔr a ji la. Tɨ laar ɗəng a ko ər hul lo ɗang. Gɨna Jesu ɓiri a: «Pay i na wa̰y tɨ tudi wo le a?» 42A naa gɨ ər ka tɨ penɨm ɓudu. 43Ər so la ər twi tɨ a ji la. 44La ər ja gɨ a: «Gorne ɗang ən ti na i toni, ən ja gɨ i jaa ne: “Jaa gun ne a kya̰ tɨ Moys na maktub tɨ gṵ hul la, tɨ Ndɨla na nebi na maktub hul la, tɨ maktub tɨ kwan hul tuna ən sul ɓə an.”» 45Gɨna ər təng a ji ka a una wa̰y ne a kya̰ tɨ Ndɨla na Maktub hul. 46La ər ja gɨ a: «Jaa ne a kya̰ jo le: Krist wo ne Ndɨla ɛr ər ɓə pɛw tina la ər ɓə duga tɨm jili na ɗa̰y tɨ tedi hul la. 47A ɓə beel ɗula na ər ndil gɨ bi gun, a ɓə lɔ wur tɨ Jerusalɛm a ɓə gɨ bi jaa: “Yḭ yɛr i ɓijim tɨ kar, la Ndɨla hul ɓə ər ɗina tɨ i ɓijim sul.” 48Tɨ yḭ jo i lor tɨ mum ne ji tɨ gɨ bi lɔ jul. 49La yin, ən ɓə wa̰y ne ən ba ha̰w gṵ tɨ gɨ i naa tomni tɨ i sul. Yḭ gɨna, i ti tɨ lɔr ɗəng ne hul marway ɗa̰y ne dwari tɨ ndɨla ma̰n ɓə jir tɨ i sul.»
Jesu ɗɔl tɨ ndɨla sul
Mrk 16.19-20; Tom 1.9
50La Jesu wag na a teni tɨ ul tɨ saal ndog tɨ Betani, tɨ un ne, ər to ər daa tɨ ndal la ər jul ər mu tɨ a sul la. 51Gorne ər wo ər mu jul tɨ a sul ɗang gɨna, ər jul tɨ a daan la a ləg ər na ɗol ɓa̰ndḛ ndḛ tɨ ndɨla sul la. 52Ya̰ gɨna a yabu ər la a duga a si tɨ Jerusalɛm na ndula laar ɗəng la. 53Na ɗa̰y sul a tay peer tɨ Ndɨla li jaal hul, tɨ Ndɨla teen.
Currently Selected:
Luk 24: nie
Highlight
Share
Copy
Want to have your highlights saved across all your devices? Sign up or sign in
© 2023, ATALTRAB
Luk 24
24
Jesu na duga tɨm jili
Mat 28.1-10; Mrk 16.1-8; Ja̰ 20.1-10
1Aad na gaan cɔg, aa si tɨ ngalɨm sul na nɨɨm ne a tang na mum ne uun ndinimani ne a kaaw. 2A ləg kura ne a hul na ngalɨm mu ɓɨrgɨ na taal teni. 3A wur tɨ ngalɨm hul, lɛ a ten Baali Jesu na ulu lo. 4A una wa̰y ne a ɓə ilgɨ tɨ sul lo, lɛ tɨ daamu, bi ɓərgɨ tɨ ndidi wag tɨ a sul, a wur ngɔmi ne ɓɔr kar-kar. 5Ayri ɗəng ka a, la a wur a ji tɨ lɔr. Bi ɓərgɨ ne ja gɨ a: «Kəyjaa jo yḭ wo tɨ wo ne ti jili jablə tɨ bi tɨ ulu daan a? 6Ər wo le lo, lɛ ər duga ər ti jili. Yḭ jani i ho̰ni tɨ jaa ne ər ja gɨ i toni tɨ nəgri sul tɨ Galile pi. 7Ər ja ɓə: “Ndini ne bi ɓə Yin, Wo Ɓa̰ nɨm tɨ bi tɨ ɓijim kar daa. Ka a ɗɨb ən tɨ tɨla tɨ tərgɨ sul la na ɗa̰y tɨ tedi hul gɨna, ən ɓə duga tɨm jili.”» 8Gɨna aa jani a ho̰ni tɨ jaa ne Jesu jaa toni. 9Gorne a duga tɨ ngalɨm sul gɨna, a jul mum gun ne a ləg lɔ gɨ Jesu na bi tɨ wa̰y edɨ dɔkɔmɛ kar kede la bi gun ne si tɨ Jesu lɔ. 10Aa ton tɨ Mari, ii tɨ Magdala la, Ja̰n la, Mari, Jak na na̰ la. Aa tapeer ne si na kaw jaa gɨ Jesu na bi tɨ wa̰y edɨ jaa ne la. 11Lɛ Jesu na bi tɨ wa̰y edɨ laa jaa ne, a ka na jaa ɓəji, a ko aa ne hul lo. 12Lɛ Pyɛr o̰ na yaal, ər si tɨ ngalɨm sul. Gorne ər goni a, ər ləg sər ne a bini na ər ulu ngoy. Gɨna Piyɛr duga tɨ gə̰y la, wa̰y ne ka paa ɓɔr ər ji nari.
Ul tɨ Emayus
Mrk 16.12-13
13Na ɗa̰y ɗay, Jesu na bi tɨ wa̰y edɨ tɨ ndidi so ul a si tɨ lɔr ne ndil ɓə Emayus, ɓag na Jerusalɛm lɛm kelengɨ#24.13 Kelengɨ tɨ wa̰y tɨ lɛm na un ne ti ɓag na paa. dɔkɔmɛ kar kede. 14A wo ja jaa tuna mum gun ne ka paa sul. 15La gorne a wo ja jaa la, a wo paa gaglə la gɨna, Jesu hina tɨ a ndɔ ər so ul na a la. 16A ləg ər, lɛ a lɛm ər una lo. 17Jesu ɓiri a: «Kəy wa̰y jo yḭ wo paa gaglə tɨ sul tɨ ul sul a?» A lor tɨ gor la a ka a ji tɨ ndemni la. 18Ne ɓudu, ndil ɓə Klehopas duga gɨ ər: «Yim tɨ wo ɓudu ne əm ti tɨ Jerusalɛm lɛ əm una wa̰y ne ka paa na ɗa̰y ne lo a?» 19La ər ɓiri a: «Tɨ kəy a?» A duga gɨ ər: «Wa̰y ne an tɨ Jesu wo tɨ Najarɛt sul. Ər tɨ Ndɨla na nebi ne ɗəng nari. Ər ka mum ne ɓɔrji la ər ja jaa na dwari tɨ Ndɨla kwi la, tɨ bi gun kwi la. 20Yi bi tɨ hima ɓina na woom la, i woom la, a nɨm ər tɨ bi daa ka a kay jaa tɨ ulu tɨ ər sul la ta a ɗɨb ər tɨ tɨla tərgɨ sul la. 21La tɨ yḭr jo yini kay i hul tɨ ər sul ɓə ər ɓə Israhel jul tɨ ər peer tɨ pɛni daa. Lɛ na ɗa̰y tɨ tedi#24.21 Juyb-a tapeer ilgɨ ɓə jo wo uy a ər ndo̰yngɨ ti tɨ ər ndɔ ɗa̰y tɨ tedi, ɗa̰y ton bəgri, a ilgɨ ɓə wo ɓə duga tɨm jili cam lo. kakamle teni jo, wa̰y ne ka paa. 22Tɨ kuri aa tapeer ne tɨ i daan ja jaa ne ɓɔr i ji nari. A o̰ na gan cɔg, a si tɨ ngalɨm sul, 23lɛ gorne a ten ər ulu lo gɨna, a duga a hina a jul gɨ i lɔ ɓə malayka-a wag tɨ a sul, la a ja gɨ a ɓə ər duga ər tɨ jili. 24Bi tapeer tɨ i daan si tɨ ngalɨm sul la a ten mum gun kuna aa ne ja, lɛ yḭr gɨna, a ləg ər lo.»
25Gɨna Jesu ja gɨ a: «Ɓəw, yḭ bi bla ilgɨ, yḭ tɨ laani tɨ hul kula tɨ jaa gun ne Ndɨla na nebi ja! 26Pay Krist, Wo ne Ndɨla ɛr ɓə pɛw tina kuna paa ne barita Ndɨla ɓə ər wur tɨ ər taan hul lo a?» 27La Jesu jul jaa lɔ ne ley tɨ Ndɨla Maktub hul tuna ər sul. Ər ɗolɔ na Maktub ne Moys kya̰, la na Ndɨla na nebi gun na Maktub la.
28Gorne a an ndog na lɔr ne a wo saal tɨ nin gɨna, Jesu ka kuna ər wo ɗira. 29Lɛ bi tɨ ndidi ne lor na ər a ja gɨ ər: «Ti na i, ɓə lula teni, syɛl tɨ ndog teni.» Jesu wur tɨ li hul tɨ na a tɨm. 30La ər ti tɨ tudi mu na a, ər ko mapa la gorne ər tong Ndɨla barka kar gɨna, ər ha̰w mapa la ər naa gɨ a la.
31Gɨna a ji təng la a una ər la, lɛ tɨ daamu, Jesu haam tɨ a kwi teni. 32La a ja gɨ peer: «Kuri, gorne ər wo gɨ i ja jaa tɨ ul sul la, ər jul gɨ jaa lɔ tɨ Ndɨla na maktub tuna ər sul, i hul sila ī lo a?» 33Na lula sul ne, a o̰, a duga, a si tɨ Jerusalɛm. A ten Jesu na bi tɨ wa̰y edɨ dɔkɔmɛ kar kede la bi ne tay peer na a la. 34A ji gun a ja gɨ bi tɨ wa̰y edɨ tɨ ndidi ne ɓə: «Kuri, Baali duga ti jili, ər ɓla ər ndula gɨ Simo̰.»
35Gɨna bi tɨ ndidi ne jul gɨ a wa̰y ne ka paa tɨ ul sul lɔ la ka waa ta a una na Jesu gorne ər ɓa̰an gɨ a mapa la.
Jesu ɓla ər ndula gɨ ər bi dɔkɔmɛ kar kede
36Jesu na bi tɨ wa̰y edɨ wo ja jaa ɗang in a, Jesu may wag tɨ a daan la ər ja gɨ a: «Yḭ ti na lapya.» 37Lɛ a o̰ kim-kim la a ayri ɗəng ka a, a ilgɨ ɓə a ləg wo tibri. 38Lɛ Jesu ja gɨ a: «Kəyjaa jo yḭ ilgɨ ti tugla lo a? Kəyjaa jo i hul dugun peer a? 39Yḭ ləg hura tawlu tɨ ən dəgɨ la tɨ ən ɗḛygɨ la, tɨ yin maan, yḭ do ən ndula i ləg, kəysul wo tibri na ya̰m lo la na, na uma lo la, kuna yḭ ləg na ən le.» 40Ər ja gɨ a jaa ne la ər ɓla gɨ a ər dəgɨ la ər ɗḛygɨ la. 41Jesu na bi tɨ wa̰y edɨ ndula laar a nari la ɓɔr a ji la. Tɨ laar ɗəng a ko ər hul lo ɗang. Gɨna Jesu ɓiri a: «Pay i na wa̰y tɨ tudi wo le a?» 42A naa gɨ ər ka tɨ penɨm ɓudu. 43Ər so la ər twi tɨ a ji la. 44La ər ja gɨ a: «Gorne ɗang ən ti na i toni, ən ja gɨ i jaa ne: “Jaa gun ne a kya̰ tɨ Moys na maktub tɨ gṵ hul la, tɨ Ndɨla na nebi na maktub hul la, tɨ maktub tɨ kwan hul tuna ən sul ɓə an.”» 45Gɨna ər təng a ji ka a una wa̰y ne a kya̰ tɨ Ndɨla na Maktub hul. 46La ər ja gɨ a: «Jaa ne a kya̰ jo le: Krist wo ne Ndɨla ɛr ər ɓə pɛw tina la ər ɓə duga tɨm jili na ɗa̰y tɨ tedi hul la. 47A ɓə beel ɗula na ər ndil gɨ bi gun, a ɓə lɔ wur tɨ Jerusalɛm a ɓə gɨ bi jaa: “Yḭ yɛr i ɓijim tɨ kar, la Ndɨla hul ɓə ər ɗina tɨ i ɓijim sul.” 48Tɨ yḭ jo i lor tɨ mum ne ji tɨ gɨ bi lɔ jul. 49La yin, ən ɓə wa̰y ne ən ba ha̰w gṵ tɨ gɨ i naa tomni tɨ i sul. Yḭ gɨna, i ti tɨ lɔr ɗəng ne hul marway ɗa̰y ne dwari tɨ ndɨla ma̰n ɓə jir tɨ i sul.»
Jesu ɗɔl tɨ ndɨla sul
Mrk 16.19-20; Tom 1.9
50La Jesu wag na a teni tɨ ul tɨ saal ndog tɨ Betani, tɨ un ne, ər to ər daa tɨ ndal la ər jul ər mu tɨ a sul la. 51Gorne ər wo ər mu jul tɨ a sul ɗang gɨna, ər jul tɨ a daan la a ləg ər na ɗol ɓa̰ndḛ ndḛ tɨ ndɨla sul la. 52Ya̰ gɨna a yabu ər la a duga a si tɨ Jerusalɛm na ndula laar ɗəng la. 53Na ɗa̰y sul a tay peer tɨ Ndɨla li jaal hul, tɨ Ndɨla teen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, ATALTRAB