Matyo 20
20
Jaa lar tuna bi tɨ damnar cida kar
1Ndɨla na waan wag paa na Baali tɨ gə̰y ne wag na gaan cɔg ər to bi ər bɛ tɨ damnar waal hul. 2A laa paa mu tɨ gursu tɨ cida tɨ ɗa̰y ɓudu sul, la ər ton a tɨ ər damnar waal hul. 3Gorne ər duga ər wag tɨ bayri na lula doso gɨna, ər ten bi ne ti tɨ bayri bla cida kar, 4la ər ja gɨ a: «Yḭ si tɨ ən damnar waal hul ɓə ən ɓə gɨ i gursu tɨ cida naa na ul mu kuna i peer la.» 5A si tɨ waal hul la. Ər duga ər wag tɨ bayri cam na tili daan la, na jeel la, ər to bi ər bay tɨ waal hul kuna ne la. 6Mu tɨ tong gɨna, ər wag ər ten bi lor tɨ bayri cam, gɨna, ər ɓiri a: «Kəyjaa yḭ lor tɨ le na lula sul gun bla cida kar a?» 7A duga gɨ ər: «I lor bla kəysul, wo ɓudu in naa gɨ i cida tɨ kar lo.» Ər duga gɨ a: «Yḭ si, i ka cida tɨ ən damnar waal hul.»
8«Na jeel, Baali wo tɨ damnar ja gɨ ər wo tɨ mum ɓaw: “Əm soon bi tɨ cida kar la əm naa gɨ jakaw ər gursu tɨ cida. Əm ɗolɔ tɨ bi ne hina lɔ tɨ pla marway əm tong mu tɨ bi ne hina toni sul.” 9Bi ton si tɨ waal na lula tɨ luni tɨ jeel ten gursu tɨ cida tɨ tili ɓudu la. 10Gorne bi ne si tɨ cida kar toni mani hina, a ilgɨ ɓə a ɓə gursu tina dɨbla, lɛ jakaw ten gursu tɨ ɗa̰y ɓudu tɨ cida la. 11Gorne a ten gursu gɨna, a cḛy a ndɔ tɨ Baali sul. 12A jaa ɓə: “Bi ne hina tɨ bəgri ka cida na lula ɓudu ngoy lɛ əm ka gɨ a wa̰y ɓudu kuna yini ne i hina na gaan la i ka cida na ɓɔr ɗa̰y ɓudu tɨ lula daan.” 13Lɛ Baali ja gɨ wo ɓudu tɨ a daan: “Ən paa kɔr, ən ka gɨ əm ɓijim lo, pay yi laa paa mu tɨ gursu tɨ cida tɨ tili ɓudu sul lo a? 14Ko əm wa̰y lɛ əm si. Ən ɓə gɨ wo ne tong i lɔ wa̰y naa kuna əm maan no̰ la. 15Yin na ul mu tɨ wa̰y kar na ən wa̰y tɨ tina kuna ən hul taam lo a? Ɓee əm ka wuri tɨ ən sul kəysul yin tɨ wo tɨ ɓari kar a?” 16La Jesu duga ja gɨ a kuna ne, bi tɨ ɓəgri mani ɓə duga tɨm bi tɨ toni mani la, bi tɨ toni mani ɓə duga tɨm bi tɨ ɓəgri mani.»
Jesu ja jaa tuna ər ulu la ər wag ngalɨm la cam
Mrk 10.32-34; Luk 18.31-34
17Tɨ ul sul tɨ saal tɨ Jerusalɛm, Jesu so ər bi tɨ wa̰y edɨ dɔkɔmɛ kar sap jak ər ja gɨ a jaa tɨ ul sul: 18«Ndogle, yi wo saal tɨ Jerusalɛm, a ɓə yin, Wo Ɓa̰ sul sula gɨ woom tɨ bi tɨ hima ɓina la bi tɨ gṵ hul ɓla la naa. A ɓə jaa tɨ ulu kay tɨ ən sul. 19A ɓə ən nɨm tɨ bi tɨ Ndɨla una lo daa nɨ a ɓə ən siri kar la, a ɓə ən ɗɨb na ngar la, ta a ɓə ən ɗɨb tɨ tɨla tɨ tərgɨ sul la, lɛ ɗa̰y tɨ tedi mani gɨna, ən ɓə wag tɨ ngalɨm.»
Jebede ɓimi na jaa ɓiri
Mrk 10.35-45; Luk 22.24-47
20Gɨna Jebede ɓimi na̰ kori tɨ Jesu ndɔ na ər ɓimi tɨ ndidi la. Ər ha̰w ər ɗa̰y tɨ Jesu kwi tɨ ər wa̰y paa ɓiri. 21Jesu ja gɨ ər: «Kəyjo əm taam a?» Ii duga gɨ ər: «Əm naa əm gṵ ka ən ɓimi tɨ ndidi ne lor le, ɓudu ti tɨ əm lɨma sul la, ɓudu tɨ əm gɨlay sul la.» 22Jesu duga gɨ ər: «Yḭ una wa̰y ne i ɓiri ji lo. Yḭ lɛm ham tɨ pɛw ne yin wo yḭḭ, yḭḭ, bla a?» A duga gɨ ər: «Yini ɓə lɛm yḭḭ bla.» 23Jesu ja gɨ a: «M, yḭ ɓə ham tɨ pɛw yḭḭ na ən bla, lɛ tuna tɨm tɨ ən lɨma sul la, ən gɨlay sul la gɨna, ən lɛm ən gṵ sula lo. Un ne ən Ba par sul gɨ bi ne ər par a sul toni.»
24Gorne Jesu na bi tɨ wa̰y edɨ ton dɔkɔmɛ laa jaa ne gɨna, a ndula laar a lo tɨ a ɓungɨ tɨ ndidi sul. 25Gɨna Jesu soon a gun tɨ ər ndɔ ər ja gɨ a: «Yḭ una ɓari ɓə woom ti tɨ a bi sul na dwari la bi nii ton ti tɨ ya̰ sul ka dwari tɨ a sul la. 26Lɛ ɓə tɨm kuna paa ne tɨ i daan lo. Wo ne taam tɨm ɗəng tɨ i daan gɨna, ka ər ti wo tɨ gɨ ər peer cida kar. 27La jo wo taam tɨm wo tɨ toni mani tɨ i daan gɨna, ka ər ti i ha̰r. 28Kəysul, yin, Wo Ɓa̰ ən hina ka bi ka gɨ ən cida lo, lɛ ən hina gɨ bi cida kar la, ən so ən ndula ən naa tɨ bi dɨbla nina.»
Jesu nen bi ji nina tɨ ndidi
Mrk 10.46-52; Luk 18.35-43
29Gorne Jesu wag tɨ lɔr tɨ Jeriko, bi dɨbla so ul tɨ ər lɔ. 30Bi ji nina tɨ ndidi ne ti tɨ ul taal laa ɓə Jesu wo ɗira na ul ne gɨna, a ɗolɔ tɨ ngɔr kar ɓə: «Baali, Dabid na ɓa̰ ka, ləg i jindemni!» 31Lɛ bi meer-a la a kway gɨ a un tɨ ngɔr kar. Lɛ a ka ngɔr ura ne toni: «Baali, Dabid na ɓa̰ kaa, əm ləg i jindemni!» 32La Jesu lor tɨ gor, ər soon a la ər ɓiri a: «Kəyjo yḭ taam ɓə ən ka gɨ i a?» 33A duga gɨ ər: «Baali, ka i ji duga ləg un.» 34Jesu ləg a jindemni, ər do a ji. Tɨ daamu, bi ji nina ləg un la a si tɨ Jesu lɔ la.
Currently Selected:
Matyo 20: nie
Highlight
Share
Copy
Want to have your highlights saved across all your devices? Sign up or sign in
© 2023, ATALTRAB
Matyo 20
20
Jaa lar tuna bi tɨ damnar cida kar
1Ndɨla na waan wag paa na Baali tɨ gə̰y ne wag na gaan cɔg ər to bi ər bɛ tɨ damnar waal hul. 2A laa paa mu tɨ gursu tɨ cida tɨ ɗa̰y ɓudu sul, la ər ton a tɨ ər damnar waal hul. 3Gorne ər duga ər wag tɨ bayri na lula doso gɨna, ər ten bi ne ti tɨ bayri bla cida kar, 4la ər ja gɨ a: «Yḭ si tɨ ən damnar waal hul ɓə ən ɓə gɨ i gursu tɨ cida naa na ul mu kuna i peer la.» 5A si tɨ waal hul la. Ər duga ər wag tɨ bayri cam na tili daan la, na jeel la, ər to bi ər bay tɨ waal hul kuna ne la. 6Mu tɨ tong gɨna, ər wag ər ten bi lor tɨ bayri cam, gɨna, ər ɓiri a: «Kəyjaa yḭ lor tɨ le na lula sul gun bla cida kar a?» 7A duga gɨ ər: «I lor bla kəysul, wo ɓudu in naa gɨ i cida tɨ kar lo.» Ər duga gɨ a: «Yḭ si, i ka cida tɨ ən damnar waal hul.»
8«Na jeel, Baali wo tɨ damnar ja gɨ ər wo tɨ mum ɓaw: “Əm soon bi tɨ cida kar la əm naa gɨ jakaw ər gursu tɨ cida. Əm ɗolɔ tɨ bi ne hina lɔ tɨ pla marway əm tong mu tɨ bi ne hina toni sul.” 9Bi ton si tɨ waal na lula tɨ luni tɨ jeel ten gursu tɨ cida tɨ tili ɓudu la. 10Gorne bi ne si tɨ cida kar toni mani hina, a ilgɨ ɓə a ɓə gursu tina dɨbla, lɛ jakaw ten gursu tɨ ɗa̰y ɓudu tɨ cida la. 11Gorne a ten gursu gɨna, a cḛy a ndɔ tɨ Baali sul. 12A jaa ɓə: “Bi ne hina tɨ bəgri ka cida na lula ɓudu ngoy lɛ əm ka gɨ a wa̰y ɓudu kuna yini ne i hina na gaan la i ka cida na ɓɔr ɗa̰y ɓudu tɨ lula daan.” 13Lɛ Baali ja gɨ wo ɓudu tɨ a daan: “Ən paa kɔr, ən ka gɨ əm ɓijim lo, pay yi laa paa mu tɨ gursu tɨ cida tɨ tili ɓudu sul lo a? 14Ko əm wa̰y lɛ əm si. Ən ɓə gɨ wo ne tong i lɔ wa̰y naa kuna əm maan no̰ la. 15Yin na ul mu tɨ wa̰y kar na ən wa̰y tɨ tina kuna ən hul taam lo a? Ɓee əm ka wuri tɨ ən sul kəysul yin tɨ wo tɨ ɓari kar a?” 16La Jesu duga ja gɨ a kuna ne, bi tɨ ɓəgri mani ɓə duga tɨm bi tɨ toni mani la, bi tɨ toni mani ɓə duga tɨm bi tɨ ɓəgri mani.»
Jesu ja jaa tuna ər ulu la ər wag ngalɨm la cam
Mrk 10.32-34; Luk 18.31-34
17Tɨ ul sul tɨ saal tɨ Jerusalɛm, Jesu so ər bi tɨ wa̰y edɨ dɔkɔmɛ kar sap jak ər ja gɨ a jaa tɨ ul sul: 18«Ndogle, yi wo saal tɨ Jerusalɛm, a ɓə yin, Wo Ɓa̰ sul sula gɨ woom tɨ bi tɨ hima ɓina la bi tɨ gṵ hul ɓla la naa. A ɓə jaa tɨ ulu kay tɨ ən sul. 19A ɓə ən nɨm tɨ bi tɨ Ndɨla una lo daa nɨ a ɓə ən siri kar la, a ɓə ən ɗɨb na ngar la, ta a ɓə ən ɗɨb tɨ tɨla tɨ tərgɨ sul la, lɛ ɗa̰y tɨ tedi mani gɨna, ən ɓə wag tɨ ngalɨm.»
Jebede ɓimi na jaa ɓiri
Mrk 10.35-45; Luk 22.24-47
20Gɨna Jebede ɓimi na̰ kori tɨ Jesu ndɔ na ər ɓimi tɨ ndidi la. Ər ha̰w ər ɗa̰y tɨ Jesu kwi tɨ ər wa̰y paa ɓiri. 21Jesu ja gɨ ər: «Kəyjo əm taam a?» Ii duga gɨ ər: «Əm naa əm gṵ ka ən ɓimi tɨ ndidi ne lor le, ɓudu ti tɨ əm lɨma sul la, ɓudu tɨ əm gɨlay sul la.» 22Jesu duga gɨ ər: «Yḭ una wa̰y ne i ɓiri ji lo. Yḭ lɛm ham tɨ pɛw ne yin wo yḭḭ, yḭḭ, bla a?» A duga gɨ ər: «Yini ɓə lɛm yḭḭ bla.» 23Jesu ja gɨ a: «M, yḭ ɓə ham tɨ pɛw yḭḭ na ən bla, lɛ tuna tɨm tɨ ən lɨma sul la, ən gɨlay sul la gɨna, ən lɛm ən gṵ sula lo. Un ne ən Ba par sul gɨ bi ne ər par a sul toni.»
24Gorne Jesu na bi tɨ wa̰y edɨ ton dɔkɔmɛ laa jaa ne gɨna, a ndula laar a lo tɨ a ɓungɨ tɨ ndidi sul. 25Gɨna Jesu soon a gun tɨ ər ndɔ ər ja gɨ a: «Yḭ una ɓari ɓə woom ti tɨ a bi sul na dwari la bi nii ton ti tɨ ya̰ sul ka dwari tɨ a sul la. 26Lɛ ɓə tɨm kuna paa ne tɨ i daan lo. Wo ne taam tɨm ɗəng tɨ i daan gɨna, ka ər ti wo tɨ gɨ ər peer cida kar. 27La jo wo taam tɨm wo tɨ toni mani tɨ i daan gɨna, ka ər ti i ha̰r. 28Kəysul, yin, Wo Ɓa̰ ən hina ka bi ka gɨ ən cida lo, lɛ ən hina gɨ bi cida kar la, ən so ən ndula ən naa tɨ bi dɨbla nina.»
Jesu nen bi ji nina tɨ ndidi
Mrk 10.46-52; Luk 18.35-43
29Gorne Jesu wag tɨ lɔr tɨ Jeriko, bi dɨbla so ul tɨ ər lɔ. 30Bi ji nina tɨ ndidi ne ti tɨ ul taal laa ɓə Jesu wo ɗira na ul ne gɨna, a ɗolɔ tɨ ngɔr kar ɓə: «Baali, Dabid na ɓa̰ ka, ləg i jindemni!» 31Lɛ bi meer-a la a kway gɨ a un tɨ ngɔr kar. Lɛ a ka ngɔr ura ne toni: «Baali, Dabid na ɓa̰ kaa, əm ləg i jindemni!» 32La Jesu lor tɨ gor, ər soon a la ər ɓiri a: «Kəyjo yḭ taam ɓə ən ka gɨ i a?» 33A duga gɨ ər: «Baali, ka i ji duga ləg un.» 34Jesu ləg a jindemni, ər do a ji. Tɨ daamu, bi ji nina ləg un la a si tɨ Jesu lɔ la.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, ATALTRAB