VPOM 12
12
Mangso Abraham lyis Lui
1Gvshih Abram lyis Yhensain taiq zis gas, Nah mau, nah buisnoms, nah uwus yhen mhayah thuq las ngos nvng lyis tuonh shet das mau mas loh aq.#Lgy 7.2-3; Heb 11.8 2Ngos nvng lyis diuszains nyau kuot das: ngos nvng lyis shvmanh dyei las nvng kuhxing das. Nvng masyah dius jens shvmanh yoh das.
3Nvng lyis shvmanh dyei soeu lhyi ngos shvmanh dyei das;#Gal 3.8
nvng lyis nhoengh soeu lhyi ngos nhoengh das.
Nvng masyah nyeisjvng thoq mas
dius nyau gas shvmanh tsain yoh das, ge.
4Housoeh Yhensain nyang lyis taiq zis yah dvyhangteh thuq loh. Lot eq nyang yah chank loh. Abram gas Haran masyah thuq uhlyis nyenhkyi nyhetci oeng zvn nghuot. 5Housoeh Abram gas nyah yhensain nyhiq Sarai, nyah vnoeuh dah lo Lot, zisyos dvnganh, Haran mau mas nyang yoh dah jyeidwis jens, nyah yhenbang dvnganh shwih las Khanan mau pheh thuq loh.
Housoeh nyamoq hauh mau mas jweh loh. 6Abram gas hauh mau suh lai las Shekem wuxom More ge joqyos wons zains khyei mha jweh: hauh uhlyis Khanan dius jens houmha nyeis. 7Yhensain eq Abram jyank mas thuq los las, Haih mau gas ngos nah vnyau vshih lyis dyei das, ge. Housoeh las nyang gas hauh joqyos mas nyang lyis thuq xoeuq dah Yhensain xiklyis phon ci.#Lgy 7.5; Gal 3.16 8Hou mhayah nyang Bethel buisthuq pheh dah jing mas tyungh loh las zvng lyis Bethel buisthuq pheh, Ai dah buiswvng pheh dah vjo mas kuot. Houmha eq Yhensain dah xiklyis phon ci lha Yhensain lhyi chungh paiq. 9Abram tsoq dyung yenh shih las Khanan mautyi pheh loh.
Abram Egutu Mas
10Gvshih hauh mau mas phanghkhauq gyoh los. Phanghkhauq svsoh changh yvmvyah Abram gas Egutu mau mas khau nyeis das ge e loh. 11Egutu mau ni los lyis Abram gas nyah yhensain nyhiq Sarai lyis, Nvng svsoh yungh dah vmesbih nghuot zis ngos seq. 12Housoeh las Egutu dius nvng lyis nyvng lyis, Heika nyah yhensain nyhiq nghuot ge ngos lyis sat las, nvng lyis gas vdwis toh das. 13Nvng ngah nhamhmuh nghuot oen taiq aq: housoeh nah gvng mas ngos sunghhuq das, nah gvng mas ngos kang luiq das, ge.#Vpm 20.2, 26.7 14Abram Egutu mas jweh lyis, hauh vmesbih svsoh yungh yvlyis Egutu dius jens nyvng. 15Hwankti Pharao dah zau jens eq nyang lyis nyvng las Pharao xikkhonh mas chungh kyoh. Housoeh hauh vmesbih lyis Pharao yhen mha shwih kat dyei. 16Pharao gas hauh vmesbih phauh Abram lyis yvng, noeu, mauhlyihzoe, jyeidwis vbusbih jyeidwis vmesbih jens, luzoe zains yahge gola-u tsain dyei.
17Abram yhensain nyhiq Sarai gvng mas Yhensain Pharao yahge nyah yhenbang lyis yomh khyoq. 18Housoeh las Pharao gas Abram lyis khi lha, Nvng ngos lyis cha kuot? Nyang nah yhensain nyhiq nghuot zis, ngos lyis chamus ma taiq? 19Nyang lyis ngah yhensain nyhiq shwih duot bas jungh ge nvng, nyang lyis nah nhamhmuh nghuot oen chamus taiq? Gvshih hai nah yhensain nyhiq lyis shwih yoeus las loh lo aq, ge. 20Pharao gas Abram cho nyah dius jens lyis vmingh dyei zis yah dvyhangteh, nyamoq gas Abram yahge nyah yhensain nyhiq lyis eq, nyang yah sen dah zisyos dvnganh yah eq mulas tsain nhang kat.
Currently Selected:
VPOM 12: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.
VPOM 12
12
Mangso Abraham lyis Lui
1Gvshih Abram lyis Yhensain taiq zis gas, Nah mau, nah buisnoms, nah uwus yhen mhayah thuq las ngos nvng lyis tuonh shet das mau mas loh aq.#Lgy 7.2-3; Heb 11.8 2Ngos nvng lyis diuszains nyau kuot das: ngos nvng lyis shvmanh dyei las nvng kuhxing das. Nvng masyah dius jens shvmanh yoh das.
3Nvng lyis shvmanh dyei soeu lhyi ngos shvmanh dyei das;#Gal 3.8
nvng lyis nhoengh soeu lhyi ngos nhoengh das.
Nvng masyah nyeisjvng thoq mas
dius nyau gas shvmanh tsain yoh das, ge.
4Housoeh Yhensain nyang lyis taiq zis yah dvyhangteh thuq loh. Lot eq nyang yah chank loh. Abram gas Haran masyah thuq uhlyis nyenhkyi nyhetci oeng zvn nghuot. 5Housoeh Abram gas nyah yhensain nyhiq Sarai, nyah vnoeuh dah lo Lot, zisyos dvnganh, Haran mau mas nyang yoh dah jyeidwis jens, nyah yhenbang dvnganh shwih las Khanan mau pheh thuq loh.
Housoeh nyamoq hauh mau mas jweh loh. 6Abram gas hauh mau suh lai las Shekem wuxom More ge joqyos wons zains khyei mha jweh: hauh uhlyis Khanan dius jens houmha nyeis. 7Yhensain eq Abram jyank mas thuq los las, Haih mau gas ngos nah vnyau vshih lyis dyei das, ge. Housoeh las nyang gas hauh joqyos mas nyang lyis thuq xoeuq dah Yhensain xiklyis phon ci.#Lgy 7.5; Gal 3.16 8Hou mhayah nyang Bethel buisthuq pheh dah jing mas tyungh loh las zvng lyis Bethel buisthuq pheh, Ai dah buiswvng pheh dah vjo mas kuot. Houmha eq Yhensain dah xiklyis phon ci lha Yhensain lhyi chungh paiq. 9Abram tsoq dyung yenh shih las Khanan mautyi pheh loh.
Abram Egutu Mas
10Gvshih hauh mau mas phanghkhauq gyoh los. Phanghkhauq svsoh changh yvmvyah Abram gas Egutu mau mas khau nyeis das ge e loh. 11Egutu mau ni los lyis Abram gas nyah yhensain nyhiq Sarai lyis, Nvng svsoh yungh dah vmesbih nghuot zis ngos seq. 12Housoeh las Egutu dius nvng lyis nyvng lyis, Heika nyah yhensain nyhiq nghuot ge ngos lyis sat las, nvng lyis gas vdwis toh das. 13Nvng ngah nhamhmuh nghuot oen taiq aq: housoeh nah gvng mas ngos sunghhuq das, nah gvng mas ngos kang luiq das, ge.#Vpm 20.2, 26.7 14Abram Egutu mas jweh lyis, hauh vmesbih svsoh yungh yvlyis Egutu dius jens nyvng. 15Hwankti Pharao dah zau jens eq nyang lyis nyvng las Pharao xikkhonh mas chungh kyoh. Housoeh hauh vmesbih lyis Pharao yhen mha shwih kat dyei. 16Pharao gas hauh vmesbih phauh Abram lyis yvng, noeu, mauhlyihzoe, jyeidwis vbusbih jyeidwis vmesbih jens, luzoe zains yahge gola-u tsain dyei.
17Abram yhensain nyhiq Sarai gvng mas Yhensain Pharao yahge nyah yhenbang lyis yomh khyoq. 18Housoeh las Pharao gas Abram lyis khi lha, Nvng ngos lyis cha kuot? Nyang nah yhensain nyhiq nghuot zis, ngos lyis chamus ma taiq? 19Nyang lyis ngah yhensain nyhiq shwih duot bas jungh ge nvng, nyang lyis nah nhamhmuh nghuot oen chamus taiq? Gvshih hai nah yhensain nyhiq lyis shwih yoeus las loh lo aq, ge. 20Pharao gas Abram cho nyah dius jens lyis vmingh dyei zis yah dvyhangteh, nyamoq gas Abram yahge nyah yhensain nyhiq lyis eq, nyang yah sen dah zisyos dvnganh yah eq mulas tsain nhang kat.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.