VPOM 28
28
1Housoeh las Isak gas Yakop lyis khi yoeus shvmanh dyei uhjyangh, Nvng Khanan lonyi vyoeus. 2Padan Aram mas nah ungwes dah uwus Bethuel yhen mha lvnyap loh aq. Houmha nah ungwes dah mungs Laban dah lonyi dvyuk yuk loh yoeus aq. 3Yomzains Mangso ka nvng lyis shvmanh dyei las nvng lyis jebais los nhang lha dius nyau zainsmuh bweh nhang bas jungh. 4Mangso Abraham lyis dyei las gvshih nvng boengh duot nyeis dah, haih mau nah vso vlho bweh das xiklyis nvng lyis eq, nah vnyau vshih lyis eq, Abraham dah shvmanh nyang dyei bas jungh, ge taiq kat.#Vpm 17.4-8 5Housoeh Isak gas Yakop lyis nhang kat las, Yakop gas Padan Aram mas nyeis, nyang yahge Esau ungwes Rebeka dah mungs, Aramean dius Bethuel dah lo Laban jyank mas loh.
Esau Gohtoeu Nyi Doms Yoeus
6Housoeh Isak Yakop lyis shvmanh dyei las Padan Aram mau mas yhensain nyhiq e yoeus bas jungh ge nhang kat zis eq, nyang lyis shvmanh dyei uhlyis Khanan lonyi ma yoh yoeus, ge tung toh zis eq: 7Yakop gas ungwes uwus domsyos gyo las Padan Aram pheh loh. 8Nyah uwus Isak gas Khanan lonyi ma o zis Esau seq lyis, 9Nyang Ishmael jyank loh las, nyizains aiq yuk thoq lyis gohtoeu Abraham dah gungs mas yaus Ishmael lo, Nebaiot dah nhamhmuh Mahalat lyis yoeus.
Bethel mas Yakop Yhetmoq
10Yakop gas Besheba masyah thuq las Haran pheh loh. 11Nyang dvjoqyos#28.11 dvjoqyos nghuot ya gyingshang joqyos mas jweh lyis buiswvng goeus yvmvyah houmha nyens ku das ge, luk dvlom kui khoeuq las yhet. 12Nyah yhetmoq mas yoeuh aq, nyeisjvng mas zvmlhangh dvkoeuq thung zis mau lyis thuk toh. Mangso dah loeuswons bang eq houmha doq gyoh tsain kuot nyeis.#Yoh 1.51 13Yoeuh aq, Yhensain ka zvmlhangh thyoh mas yap las, Ngos gas Yhensain nah vphauh Abraham dah Mangso, nah uwus Isak dah Mangso nghuot. Gvshih hai nvng yhet joq mau, nvng lyis eq, nah vnyau vshih lyis eq ngos dyei das.#Vpm 13.14-15 14Nah vnyau vshih gas nyeisjvng mas tsohmop teh je los das; Nvng gas buisthuq buiswvng, mautsung mautyi dyos loh das las, nvng yahge nah vnyau vshih gvng mas nyeisjvng thoq mas dius nyau khanghmuh jebais los dah shvmanh tsain yoh das.#Vpm 12.3, 22.18 15Yoeuh aq, ngos nvng yah dvgeh nghuot; nvng loh cho khanghmuh mas ngos chank gomh das; ngos nvng lyis haih mau mas doms shwih los das: ngos nvng yah chap toh thanghchvp ma nyuk dvchank ngos nvng lyis ma toh tyamp, ge taiq.
16Yakop yhet soh los las, Heimha Yhensain jyoengh nyeis nyvng zis ngos ma seq, ge. 17Nyang gas gyuk zoh lyis yah, Joqyos haih zis gas svsoh gyuk chank bos nyvng. Haih joqyos gas gohtoeu ma nghuot. Yhensain dah yhen yahge maukhung dah khomh dwang dvnghuot nyvng, ge.
18Yakop gas noq yah toq las, nyang khoeuq yhet dah luk lyis zains teh cuk lho lha, phauh nyang paiq khyvlyis hauh zains thyoh mas coeu huot kat. 19Nyang hauh joqyos lyis Bethel#28.19 Bethel ge zis Hebre pheh Mangso dah yhen, ge dah vjyuk bos. ge eq nyhink toh. Xikpheh gas hauh wus lyis Luza dvge. 20Yakop houmha nyhen toh zis gas, Mangso nyang ngos yah dvgeh nyeis las, gvshih ngos suh e cho mha ngos lyis gomh dyei zis yah, zo das wom yahge wuot das dyimis dyei las, 21ngos ngah uwus yhen mha nyenstap zis yah doms jweh los shoq Yhensain, ngah Mangso duot dyei lyis gas, 22Hai ngos phu cuk dah luk eq Mangso dah yhen duot das. Nvng ngos lyis dyei zis dvnganh masyah ciboms dvboms ngos nvng lyis jyoengh dyei das, ge.
Currently Selected:
VPOM 28: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.
VPOM 28
28
1Housoeh las Isak gas Yakop lyis khi yoeus shvmanh dyei uhjyangh, Nvng Khanan lonyi vyoeus. 2Padan Aram mas nah ungwes dah uwus Bethuel yhen mha lvnyap loh aq. Houmha nah ungwes dah mungs Laban dah lonyi dvyuk yuk loh yoeus aq. 3Yomzains Mangso ka nvng lyis shvmanh dyei las nvng lyis jebais los nhang lha dius nyau zainsmuh bweh nhang bas jungh. 4Mangso Abraham lyis dyei las gvshih nvng boengh duot nyeis dah, haih mau nah vso vlho bweh das xiklyis nvng lyis eq, nah vnyau vshih lyis eq, Abraham dah shvmanh nyang dyei bas jungh, ge taiq kat.#Vpm 17.4-8 5Housoeh Isak gas Yakop lyis nhang kat las, Yakop gas Padan Aram mas nyeis, nyang yahge Esau ungwes Rebeka dah mungs, Aramean dius Bethuel dah lo Laban jyank mas loh.
Esau Gohtoeu Nyi Doms Yoeus
6Housoeh Isak Yakop lyis shvmanh dyei las Padan Aram mau mas yhensain nyhiq e yoeus bas jungh ge nhang kat zis eq, nyang lyis shvmanh dyei uhlyis Khanan lonyi ma yoh yoeus, ge tung toh zis eq: 7Yakop gas ungwes uwus domsyos gyo las Padan Aram pheh loh. 8Nyah uwus Isak gas Khanan lonyi ma o zis Esau seq lyis, 9Nyang Ishmael jyank loh las, nyizains aiq yuk thoq lyis gohtoeu Abraham dah gungs mas yaus Ishmael lo, Nebaiot dah nhamhmuh Mahalat lyis yoeus.
Bethel mas Yakop Yhetmoq
10Yakop gas Besheba masyah thuq las Haran pheh loh. 11Nyang dvjoqyos#28.11 dvjoqyos nghuot ya gyingshang joqyos mas jweh lyis buiswvng goeus yvmvyah houmha nyens ku das ge, luk dvlom kui khoeuq las yhet. 12Nyah yhetmoq mas yoeuh aq, nyeisjvng mas zvmlhangh dvkoeuq thung zis mau lyis thuk toh. Mangso dah loeuswons bang eq houmha doq gyoh tsain kuot nyeis.#Yoh 1.51 13Yoeuh aq, Yhensain ka zvmlhangh thyoh mas yap las, Ngos gas Yhensain nah vphauh Abraham dah Mangso, nah uwus Isak dah Mangso nghuot. Gvshih hai nvng yhet joq mau, nvng lyis eq, nah vnyau vshih lyis eq ngos dyei das.#Vpm 13.14-15 14Nah vnyau vshih gas nyeisjvng mas tsohmop teh je los das; Nvng gas buisthuq buiswvng, mautsung mautyi dyos loh das las, nvng yahge nah vnyau vshih gvng mas nyeisjvng thoq mas dius nyau khanghmuh jebais los dah shvmanh tsain yoh das.#Vpm 12.3, 22.18 15Yoeuh aq, ngos nvng yah dvgeh nghuot; nvng loh cho khanghmuh mas ngos chank gomh das; ngos nvng lyis haih mau mas doms shwih los das: ngos nvng yah chap toh thanghchvp ma nyuk dvchank ngos nvng lyis ma toh tyamp, ge taiq.
16Yakop yhet soh los las, Heimha Yhensain jyoengh nyeis nyvng zis ngos ma seq, ge. 17Nyang gas gyuk zoh lyis yah, Joqyos haih zis gas svsoh gyuk chank bos nyvng. Haih joqyos gas gohtoeu ma nghuot. Yhensain dah yhen yahge maukhung dah khomh dwang dvnghuot nyvng, ge.
18Yakop gas noq yah toq las, nyang khoeuq yhet dah luk lyis zains teh cuk lho lha, phauh nyang paiq khyvlyis hauh zains thyoh mas coeu huot kat. 19Nyang hauh joqyos lyis Bethel#28.19 Bethel ge zis Hebre pheh Mangso dah yhen, ge dah vjyuk bos. ge eq nyhink toh. Xikpheh gas hauh wus lyis Luza dvge. 20Yakop houmha nyhen toh zis gas, Mangso nyang ngos yah dvgeh nyeis las, gvshih ngos suh e cho mha ngos lyis gomh dyei zis yah, zo das wom yahge wuot das dyimis dyei las, 21ngos ngah uwus yhen mha nyenstap zis yah doms jweh los shoq Yhensain, ngah Mangso duot dyei lyis gas, 22Hai ngos phu cuk dah luk eq Mangso dah yhen duot das. Nvng ngos lyis dyei zis dvnganh masyah ciboms dvboms ngos nvng lyis jyoengh dyei das, ge.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.