VPOM 31
31
Yakop Laban Jyank masyah Phang
1Gvshih Laban dah lo jens gas, Ngamoq uwus dah zisyos joq ya joq zis Yakop yoeus tyamp goeus: uwus gvng mas nyang heinyhoq dis los, ge taiq zis Yakop xauhgyo. 2Yakop gas Laban nyoqnho lhyi yoeuh lyis eq xikpheh teh ma nghuot lo zis nyvng. 3Hauh uhlyis Yhensain ka Yakop lyis, Nah uwus moq nyeis jang, nah vhuh bang jyank mas doms loh aq: ngos nvng yah dvgeh nghuot das, ge.
4Housoeh las Yakop gas, yvng shvbeq nyeis pa mhayah Rakhel yahge Lea lyis khi nhang. 5Nyang nyamoq lyis taiq zis gas, Nah aiq yuk uwus dah nyoqnho ka ngah xikkhonh mas xikpheh teh ma nghuot lo zis ngos nyvng: nghuot laus eq ngah uwus moq dah Mangso ngos yah dvgeh nyeis. 6Nah aiq yuk uwus dah muh lyis ngos ngah yombos nyhoq phuqsoe goeus zis gas nah zomh nyang seq. 7Nah zomh uwus gas ngos lyis mhuih zo las ngah uhkung phauh dvci lhain thaiq tyamp dyei: nghuot laus eq ngos lyis lhoq somh das zis Mangso ma gyo. 8Vlhaih lhaih zis gas nah uhkung phauh nghuot bas jungh ge nyang taiq goeus ya, yvng shvbeq eq vlhaih lhaih zis kyingh tsain suot. Vkhyoh khyoh zis gas nah uhkung phauh nghuot bas jungh ge goeus ya, yvng shvbeq dvnganh vkhyoh khyoh zis tsain suot. 9Mangso ka nah zomh uwus dah gaunyhauq lyis yoeus las ngos lyis dyei.
10Hauh thang lhyi yvng shvbeq shi chank uhlyis ngos yoeuh lyis yoeuh aq, shi chank dah beqlus dvnganh gas vkywank vlhaih, vkhyoh tsain nghuot yvlyis ngos yhetmoq mas nyvng. 11Yhetmoq mas Mangso dah loeuswons soeu eq, Yakop eh, ge lui las, ngos eq, Ngos heimha nyeis oen goeus. 12Nyang gas, Yoeuh aq, beq shi chank dah vlus dvnganh gas vkywank, vlhaih, vkhyoh kyingh tsain nghuot: khasoeh ge lyis Laban nvng lyis kuot zis dvnganh ngos nyvng. 13Ngos gas nvng luk cuk, coeu huot las ngos lyis nyhen toh, Bethel mha dah Mangso nghuot. Nvng gvshih nyang haih mau masyah thuq las nah choq thyet mau pheh tauh loh aq, ge ngos lyis taiq, ge.#Vpm 28.18-22
14Rakhel yahge Lea gas, Ngah zomh dah xiklyis uwus yhen mhayah chah vso gvmboms xauh yoeus shih das lah? 15Nyang ngah zomh lyis lvbaus teh dvnghamh lo ma nghuot lhyeh? Nyang ngah zomh lyis ungh zo las hauh ngwis eq dvnganh dye yhung goeus. 16Housoeh las ngah zomh uwus jyank masyah Mangso yoeus dyei dah zisyos dvnganh gas ngah zomh xiklyis yahge ngah zomh lo jens xiklyis nghuot. Gvshih gas Mangso nvng lyis taiq ya taiq zis chank kuot lo aq, ge toeuh.
17Housoeh Yakop toq las nyah lo jens yahge nyah yhensain nyhiq jens lyis gola-u ji nhang. 18Padan Aram mas nyang yoh dah gaunyhauq khom dvnganh nyah xik pheh nhang lha, nyang yung toh dah zisyos dvnganh tsainh yoeus zis yah nyah uwus Isak nyeis dah Khanan mau pheh shwih thuq loh. 19Laban yvng mauh gom das ge gohyos thuq loh gyo lyis, Rakhel ka nyah uwus dah mangso lho khauh wons loh dyei. 20Yakop eq nyang phang das cho ma taiq taiq, Laban lyis yoh mhuih tyamp. 21Housoeh nyang gas zisyos dvnganh yah dvgeh phang lha, Uphrat lvng goeu lho lha Gilead boms pheh xoeu lha loh nyeis.
Laban Yakop Lyis Chank Khat
22Somh vnyeih lyis Yakop phang cho Laban lyis tsain taiq kyoh los. 23Nyang nyah boekyis lyis shwih las nyhet nyeih loh cho mha chank khat lyis Gilead boms mas loh duons. 24Nyenh lyis Mangso ka Laban jyank mas yhetmoq masyah thuq xoeuq las, Nvng Yakop lyis gis zis eq, gang zis eq ma taiq bas jungh zaih aq, ge. 25Laban gas Yakop lyis duons goeus: Yakop gas hauh boms mas nyah zvng kuot toh. Laban eq nyah boekyis yah dvgeh Gilead boms mas thoeng nyeis.
26Hauh uhlyis Laban gas Yakop lyis, Nvng ngos lyis mhuih khwangh las ngah jyank masyah phang zis yahge jeszan masyah nyhik shwih loh teh ngah lonyi tang lhyi khauh phang shwih loh zis gas cha kuot? 27Nvng ngah jyank masyah tsoeklo chamus phang? Nvng lyis gaus gaus yis yis toenk bat, khvlhank muot, lvkhyank kat las loh pont kat shoq nvng ngos lyis chamus ma taiq? 28Nvng ngah lonyi tang, ngah nyeilo jens lyis bvlot ma xauh tanh shoq chamus kuot? Gvshih nvng nhaiq ma bos khyvlyis kuot goeus. 29Ngos namoq lyis khasoeh kuot mes lyis yoh kuot, nghuot laus eq, vmvn nah uwus dah Mangso ka ngos lyis, Nvng Yakop lyis gis zis eq gang zis eq ma taiq bas jungh zaih aq ge taiq. 30Gvshih gas nvng nah uwus yhen mha jweh mes sat loh las, loh zis gas nghuot goeus jungh: nghuot laus eq nvng ngah mangso lho chamus khauh, ge.
31Yakop gas Laban lyis, Nvng nah lonyi tang lhyi lhuot shwih yoeus das zis ngos gyuk yvmvyah nghuot goeus. 32Yakop gas Rakhel hau mangso lho khauh los zis ma seq las, Nah mangso lho ka nvng hank jyank mas xo nyvng lyis, hauh soeu shei bas jungh: nah vyhang ngah jyank mas bos ya boekyis xikkhonh mas chixoeuq las yoeus aq, ge toeuh.
33Housoeh las Laban gas Yakop zvng, Lea zvng, jyeidwis aiq yuk zvng mas tsain wvng xo laus eq mangso lho ma nyvng. Lea zvng masyah thuq las Rakhel zvng mas eq wvng xo. 34Rakhel ka hauh mangso lho lhyi gola-u anhzoe khau mha yoeus kat las hauh thoq mas doq tsung toh. Laban gas zvng dvnganh yvmas dye lhau lhyi eq hauh yvlyis ma nyvng. 35Rakhel eq nyah uwus lyis, Uwus eh, ngos nah xikkhonh mas ma toq yvlyis nhaiq vyo, ngos mesmus, ge. Housoeh Laban gas phvra lho lhyi ma xo nyvng.
36Yakop gas nhaiqyo las Laban yah dyoq goh nyeis. Yakop Laban lyis taiq zis gas, Ngos cha shuot? Nvng ngos lyis hei iq yomkat las chank khat zis gas ngos nvng lyis chah yau bos? 37Nvng ngah vyhang dvnganh tyank yoeuh goeus, gvshih nah yhen mha vyhang dvja nyvng lhyeh? Gvshih ngah boekyis yahge nah boekyis xikkhonh mas toh aq, nyamoq yah phvtang jo mas dang thyet dyei bas jungh. 38Lai loh goeus aiqci zvn top ngos nah jyank mas nyeis: nah yvng shvbeq zains lo ma shot: nah beqlus eq ngos ma satzo. 39Yewus yah ngatzo yvlyis ngos nah jyank mas ma chi los, ngos dvsomh kham. Nyeih lyis khauh thyuk zis eq, nyenh lyis khauh thyuk zis eq nvng ngah jyank masyah jyen doq yoeus. 40Nyeih lyis buis lhap, nyenh lyis nghan bat zis xauh, ma yoh yhet. 41Housoeh ngos nah yhen mha aiqci zvn top nyeis khoq. Ngos nah lonyi tang xiklyis dvci nyei zvn, nah yvng shvbeq khom xiklyis khyuk zvn nvng lyis phuqsoe. Nghuot laus eq nvng ngah uhkung phauh dvci lhain thaiq tyamp dyei. 42Gvshih eq ngah uwus dah Mangso, Abraham dah Mangso, ngah uwus dah gyukwoms phauh nyang cho ngos yah ma nyeis lyis gas, nvng ngos lyis jyoengh gungskom nhang kat das: ngah yaukyenh cho yahge zwi khank las nyungdaus yvlyis Mangso nyvng yvmvyah vmvn nvng lyis nyho, ge.
Yakop yah Laban Jo Xamxonh
43Laban Yakop lyis phuk taiq zis gas, Haih nyelo jens gas ngah lonyi jens kyingh, haih loshang jens eq ngah nyeilo jens kyingh, yvng shvbeq phung eq ngah zis kyingh, nvng nyvng ya nyvng zis dvnganh ngah zis kyingh nghuot yvmvyah ngah lonyi jens, nyamoq khoeu dah lo jens lyis ngos shwih toh dais ma bos lo. 44Los aq, yah phvtang dang thanghchvp toh goh: Houka ngos yahge nah jo mas soh nyeis das kanghjyoeng duot joq bas jungh, ge. 45Housoeh las Yakop gas luk dvlom yoeus las zains cuk toh. 46Yakop gas nyah boekyis lyis lukzains kui los geh, ge. Nyamoq eq luk los tsain kui zungs toh. Hauh luk boms yvm mas nyamoq wom chomp zo. 47Laban gas hauh yvlyis Yegar Sahaduta ge nyhink. Yakop gas hauh yvlyis Galed ge nyhink. 48Laban gas, Khvnyhik haih luk boms gas ngos yahge nah jo mas kanghjyoeng duot joq, ge. Housoeh las hauh yvlyis Galed nyhink. 49Laban gas Mizpa#31.49 Mizpage zis Hebre pheh Zungh yoeuh dah joqyos masyah, ge. eq ge: khasoeh ge lyis yah phvtang gang thang lhyi ngos yahge nah jo mas Yhensain yoeuh nyeis bas jungh. 50Ngah lonyi tang lhyi nvng shoeuhshih lyis eq, ngah lonyi tang mha lai las nvng nyi doms yoeus lyis eq, yah phvtang mha dius kanghjyoeng ma bos, Mangso yah phvtang jo mas kanghjyoeng duot bas jungh, ge. 51Laban Yakop lyis taiq shih zis gas, Ngos yahge nah jo mas ngos cuk toh luk yahge lukboms lyis yoeuh aq: 52Ngos nvng lyis zan das zis haih lukboms yahge haih zains ma lai das; nvng eq ngos lyis zan das zis haih luk boms, haih zains ma yoh lai das, haih luk boms yahge haih zains gas kanghjyoeng duot joq bas jungh. 53Abraham dah Mangso, Nahor dah Mangso#31.53 Abraham gas Yakop dah vphauh, Nahor gas Laban dah vphauh tsain nghuot. nyah aiq yuk uwus dah Mangso ka yah phvtang jo mas dang thang thyet bas jungh, ge. Housoeh las Yakop gas nyah uwus Isak dah gyukwoms phauh nyang thang chank las maukhi. 54Yakop gas hauh boms mas phudyei las nyah boekyis lyis wom khi tsoh. Nyamoq eq wom zo las hauh nyens lyis hauh boms mas nyens tsain ku.
55Laban gas nungsnvp noq yah toq las nyah nyeilo jens, nyah lonyi tang lhyi bvlot tanh shvmanh dyei khoq las nyah joqyos pheh tauh loh.
Currently Selected:
VPOM 31: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.
VPOM 31
31
Yakop Laban Jyank masyah Phang
1Gvshih Laban dah lo jens gas, Ngamoq uwus dah zisyos joq ya joq zis Yakop yoeus tyamp goeus: uwus gvng mas nyang heinyhoq dis los, ge taiq zis Yakop xauhgyo. 2Yakop gas Laban nyoqnho lhyi yoeuh lyis eq xikpheh teh ma nghuot lo zis nyvng. 3Hauh uhlyis Yhensain ka Yakop lyis, Nah uwus moq nyeis jang, nah vhuh bang jyank mas doms loh aq: ngos nvng yah dvgeh nghuot das, ge.
4Housoeh las Yakop gas, yvng shvbeq nyeis pa mhayah Rakhel yahge Lea lyis khi nhang. 5Nyang nyamoq lyis taiq zis gas, Nah aiq yuk uwus dah nyoqnho ka ngah xikkhonh mas xikpheh teh ma nghuot lo zis ngos nyvng: nghuot laus eq ngah uwus moq dah Mangso ngos yah dvgeh nyeis. 6Nah aiq yuk uwus dah muh lyis ngos ngah yombos nyhoq phuqsoe goeus zis gas nah zomh nyang seq. 7Nah zomh uwus gas ngos lyis mhuih zo las ngah uhkung phauh dvci lhain thaiq tyamp dyei: nghuot laus eq ngos lyis lhoq somh das zis Mangso ma gyo. 8Vlhaih lhaih zis gas nah uhkung phauh nghuot bas jungh ge nyang taiq goeus ya, yvng shvbeq eq vlhaih lhaih zis kyingh tsain suot. Vkhyoh khyoh zis gas nah uhkung phauh nghuot bas jungh ge goeus ya, yvng shvbeq dvnganh vkhyoh khyoh zis tsain suot. 9Mangso ka nah zomh uwus dah gaunyhauq lyis yoeus las ngos lyis dyei.
10Hauh thang lhyi yvng shvbeq shi chank uhlyis ngos yoeuh lyis yoeuh aq, shi chank dah beqlus dvnganh gas vkywank vlhaih, vkhyoh tsain nghuot yvlyis ngos yhetmoq mas nyvng. 11Yhetmoq mas Mangso dah loeuswons soeu eq, Yakop eh, ge lui las, ngos eq, Ngos heimha nyeis oen goeus. 12Nyang gas, Yoeuh aq, beq shi chank dah vlus dvnganh gas vkywank, vlhaih, vkhyoh kyingh tsain nghuot: khasoeh ge lyis Laban nvng lyis kuot zis dvnganh ngos nyvng. 13Ngos gas nvng luk cuk, coeu huot las ngos lyis nyhen toh, Bethel mha dah Mangso nghuot. Nvng gvshih nyang haih mau masyah thuq las nah choq thyet mau pheh tauh loh aq, ge ngos lyis taiq, ge.#Vpm 28.18-22
14Rakhel yahge Lea gas, Ngah zomh dah xiklyis uwus yhen mhayah chah vso gvmboms xauh yoeus shih das lah? 15Nyang ngah zomh lyis lvbaus teh dvnghamh lo ma nghuot lhyeh? Nyang ngah zomh lyis ungh zo las hauh ngwis eq dvnganh dye yhung goeus. 16Housoeh las ngah zomh uwus jyank masyah Mangso yoeus dyei dah zisyos dvnganh gas ngah zomh xiklyis yahge ngah zomh lo jens xiklyis nghuot. Gvshih gas Mangso nvng lyis taiq ya taiq zis chank kuot lo aq, ge toeuh.
17Housoeh Yakop toq las nyah lo jens yahge nyah yhensain nyhiq jens lyis gola-u ji nhang. 18Padan Aram mas nyang yoh dah gaunyhauq khom dvnganh nyah xik pheh nhang lha, nyang yung toh dah zisyos dvnganh tsainh yoeus zis yah nyah uwus Isak nyeis dah Khanan mau pheh shwih thuq loh. 19Laban yvng mauh gom das ge gohyos thuq loh gyo lyis, Rakhel ka nyah uwus dah mangso lho khauh wons loh dyei. 20Yakop eq nyang phang das cho ma taiq taiq, Laban lyis yoh mhuih tyamp. 21Housoeh nyang gas zisyos dvnganh yah dvgeh phang lha, Uphrat lvng goeu lho lha Gilead boms pheh xoeu lha loh nyeis.
Laban Yakop Lyis Chank Khat
22Somh vnyeih lyis Yakop phang cho Laban lyis tsain taiq kyoh los. 23Nyang nyah boekyis lyis shwih las nyhet nyeih loh cho mha chank khat lyis Gilead boms mas loh duons. 24Nyenh lyis Mangso ka Laban jyank mas yhetmoq masyah thuq xoeuq las, Nvng Yakop lyis gis zis eq, gang zis eq ma taiq bas jungh zaih aq, ge. 25Laban gas Yakop lyis duons goeus: Yakop gas hauh boms mas nyah zvng kuot toh. Laban eq nyah boekyis yah dvgeh Gilead boms mas thoeng nyeis.
26Hauh uhlyis Laban gas Yakop lyis, Nvng ngos lyis mhuih khwangh las ngah jyank masyah phang zis yahge jeszan masyah nyhik shwih loh teh ngah lonyi tang lhyi khauh phang shwih loh zis gas cha kuot? 27Nvng ngah jyank masyah tsoeklo chamus phang? Nvng lyis gaus gaus yis yis toenk bat, khvlhank muot, lvkhyank kat las loh pont kat shoq nvng ngos lyis chamus ma taiq? 28Nvng ngah lonyi tang, ngah nyeilo jens lyis bvlot ma xauh tanh shoq chamus kuot? Gvshih nvng nhaiq ma bos khyvlyis kuot goeus. 29Ngos namoq lyis khasoeh kuot mes lyis yoh kuot, nghuot laus eq, vmvn nah uwus dah Mangso ka ngos lyis, Nvng Yakop lyis gis zis eq gang zis eq ma taiq bas jungh zaih aq ge taiq. 30Gvshih gas nvng nah uwus yhen mha jweh mes sat loh las, loh zis gas nghuot goeus jungh: nghuot laus eq nvng ngah mangso lho chamus khauh, ge.
31Yakop gas Laban lyis, Nvng nah lonyi tang lhyi lhuot shwih yoeus das zis ngos gyuk yvmvyah nghuot goeus. 32Yakop gas Rakhel hau mangso lho khauh los zis ma seq las, Nah mangso lho ka nvng hank jyank mas xo nyvng lyis, hauh soeu shei bas jungh: nah vyhang ngah jyank mas bos ya boekyis xikkhonh mas chixoeuq las yoeus aq, ge toeuh.
33Housoeh las Laban gas Yakop zvng, Lea zvng, jyeidwis aiq yuk zvng mas tsain wvng xo laus eq mangso lho ma nyvng. Lea zvng masyah thuq las Rakhel zvng mas eq wvng xo. 34Rakhel ka hauh mangso lho lhyi gola-u anhzoe khau mha yoeus kat las hauh thoq mas doq tsung toh. Laban gas zvng dvnganh yvmas dye lhau lhyi eq hauh yvlyis ma nyvng. 35Rakhel eq nyah uwus lyis, Uwus eh, ngos nah xikkhonh mas ma toq yvlyis nhaiq vyo, ngos mesmus, ge. Housoeh Laban gas phvra lho lhyi ma xo nyvng.
36Yakop gas nhaiqyo las Laban yah dyoq goh nyeis. Yakop Laban lyis taiq zis gas, Ngos cha shuot? Nvng ngos lyis hei iq yomkat las chank khat zis gas ngos nvng lyis chah yau bos? 37Nvng ngah vyhang dvnganh tyank yoeuh goeus, gvshih nah yhen mha vyhang dvja nyvng lhyeh? Gvshih ngah boekyis yahge nah boekyis xikkhonh mas toh aq, nyamoq yah phvtang jo mas dang thyet dyei bas jungh. 38Lai loh goeus aiqci zvn top ngos nah jyank mas nyeis: nah yvng shvbeq zains lo ma shot: nah beqlus eq ngos ma satzo. 39Yewus yah ngatzo yvlyis ngos nah jyank mas ma chi los, ngos dvsomh kham. Nyeih lyis khauh thyuk zis eq, nyenh lyis khauh thyuk zis eq nvng ngah jyank masyah jyen doq yoeus. 40Nyeih lyis buis lhap, nyenh lyis nghan bat zis xauh, ma yoh yhet. 41Housoeh ngos nah yhen mha aiqci zvn top nyeis khoq. Ngos nah lonyi tang xiklyis dvci nyei zvn, nah yvng shvbeq khom xiklyis khyuk zvn nvng lyis phuqsoe. Nghuot laus eq nvng ngah uhkung phauh dvci lhain thaiq tyamp dyei. 42Gvshih eq ngah uwus dah Mangso, Abraham dah Mangso, ngah uwus dah gyukwoms phauh nyang cho ngos yah ma nyeis lyis gas, nvng ngos lyis jyoengh gungskom nhang kat das: ngah yaukyenh cho yahge zwi khank las nyungdaus yvlyis Mangso nyvng yvmvyah vmvn nvng lyis nyho, ge.
Yakop yah Laban Jo Xamxonh
43Laban Yakop lyis phuk taiq zis gas, Haih nyelo jens gas ngah lonyi jens kyingh, haih loshang jens eq ngah nyeilo jens kyingh, yvng shvbeq phung eq ngah zis kyingh, nvng nyvng ya nyvng zis dvnganh ngah zis kyingh nghuot yvmvyah ngah lonyi jens, nyamoq khoeu dah lo jens lyis ngos shwih toh dais ma bos lo. 44Los aq, yah phvtang dang thanghchvp toh goh: Houka ngos yahge nah jo mas soh nyeis das kanghjyoeng duot joq bas jungh, ge. 45Housoeh las Yakop gas luk dvlom yoeus las zains cuk toh. 46Yakop gas nyah boekyis lyis lukzains kui los geh, ge. Nyamoq eq luk los tsain kui zungs toh. Hauh luk boms yvm mas nyamoq wom chomp zo. 47Laban gas hauh yvlyis Yegar Sahaduta ge nyhink. Yakop gas hauh yvlyis Galed ge nyhink. 48Laban gas, Khvnyhik haih luk boms gas ngos yahge nah jo mas kanghjyoeng duot joq, ge. Housoeh las hauh yvlyis Galed nyhink. 49Laban gas Mizpa#31.49 Mizpage zis Hebre pheh Zungh yoeuh dah joqyos masyah, ge. eq ge: khasoeh ge lyis yah phvtang gang thang lhyi ngos yahge nah jo mas Yhensain yoeuh nyeis bas jungh. 50Ngah lonyi tang lhyi nvng shoeuhshih lyis eq, ngah lonyi tang mha lai las nvng nyi doms yoeus lyis eq, yah phvtang mha dius kanghjyoeng ma bos, Mangso yah phvtang jo mas kanghjyoeng duot bas jungh, ge. 51Laban Yakop lyis taiq shih zis gas, Ngos yahge nah jo mas ngos cuk toh luk yahge lukboms lyis yoeuh aq: 52Ngos nvng lyis zan das zis haih lukboms yahge haih zains ma lai das; nvng eq ngos lyis zan das zis haih luk boms, haih zains ma yoh lai das, haih luk boms yahge haih zains gas kanghjyoeng duot joq bas jungh. 53Abraham dah Mangso, Nahor dah Mangso#31.53 Abraham gas Yakop dah vphauh, Nahor gas Laban dah vphauh tsain nghuot. nyah aiq yuk uwus dah Mangso ka yah phvtang jo mas dang thang thyet bas jungh, ge. Housoeh las Yakop gas nyah uwus Isak dah gyukwoms phauh nyang thang chank las maukhi. 54Yakop gas hauh boms mas phudyei las nyah boekyis lyis wom khi tsoh. Nyamoq eq wom zo las hauh nyens lyis hauh boms mas nyens tsain ku.
55Laban gas nungsnvp noq yah toq las nyah nyeilo jens, nyah lonyi tang lhyi bvlot tanh shvmanh dyei khoq las nyah joqyos pheh tauh loh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.