VPOM 41
41
Yosep Hwankti Yhetmoq Pho
1Aiq zvn lai lyis Pharao yhetmoq moq zis gas, Yoeuh aq, nyang Nile lvng yvm mas yap joq. 2Hauh Nile lvng masyah coeu yungh dah noeupon nyhet doeu doq los las jeis yvm mas mhanh noeuh tsain zo nyeis. 3Hauh thang mha gohtoeu gyih thangh khuk dah noeupon nyhet doeu hauh Nile lvng masyah doms doq los las, nyeismhung thoq, vkhang nyeis dah noeu nvm mas tsain yap joq. 4Gyih thangh khuk dah noeupon nyhet doeu gas hau coeu yungh dah noeupon nyhet doeu lyis zo tyamp. Hauh uhlyis Pharao soh los. 5Nyang doms yhet las yhetmoq doms moq zis gas, Yoeuh aq, jyo dvpom mhayah mos las nyhink dah jyo nyhet nham shih los. 6Hauh thang lhyi ngis las buisthuq lyeis yah muot tangh tyamp dah jyosom nyhet nham eq shih los. 7Hauh jyosom nyhet nham ka mos las nyhink dah jyo nyhet nham lhyi nyhau tyamp. Hauh uhlyis Pharao soh los las yhetmoq nghuot zis seq. 8Nvp lyis Pharao gas chiq las Egutu mas dah hweq kat bang yahge joeui bos bang dvnganh khi tsainh toh las nyamoq lyis nyah yhetmoq taiq kyoh. Nghuot laus eq Pharao lyis yhetmoq seq pho dyei soeu hank eq ma bos.#Dan 2.2
9Hauh uhlyis zvbiq zom vgyis gas Pharao lyis, Ngos cu cho ngos khvnyhik rhen chah. 10Nvng ngah aiq yuk lyis nhaiqyo las, hauh zungh nhaiqbos yhen mha ngos yahge ohlhyoq piq uhjyung lyis lhunk toh. 11Hauh uhlyis ngah aiq yuk gas nyang koeuq nyang yah sen dah vjyuk bos yhetmoq dvnyens dvm lyis tsain moq. 12Ngah aiq yuk yah dvgeh zungh nhaiqbos dah jyeidwis Hebre loyvm dvyuk nyeis. Ngah aiq yuk hauh soeu lhyi taiq kyoh las, nyang gas ngah aiq yuk dah yhetmoq vjyuk lyis dvyuk yah dvyuk moq zis yah dvyhangteh pho dyei. 13Nyang pho zis yah dvyhangteh jus. Ngos gas vgus mas doms xauh kuot, ohlhyoq piq uhjyung gas lhangh tyamp zis xauh, ge taiq.
14Pharao gas Yosep lyis e shwih los nhang. Housoeh nyamoq gas nyeis khyung thung mhayah lvnyap phank kat. Nyang eq nhuotmi yuk, dyi thaiq las Pharao jyank mas wvng loh. 15Pharao gas Yosep lyis, Ngos yhetmoq moq, yhetmoq yoh pho dyei soeu dvyuk eq ma nyvng, nvng gas yhetmoq xauhgyo lyis hauh vjyuk daq pho ge zis ngos xauhgyo, ge taiq.
16Yosep Pharao lyis phuk taiq zis gas, Ngos ngah ehnyet yah yoh pho zis ma nghuot, Mangso ka Pharao lyis gis khyvlyis pho dyei bas jungh, ge.
17Housoeh las Pharao gas, Ngah yhetmoq mas yoeuh aq, ngos Nile lvng yvm mas yap joq. 18Hauh uhlyis coeu yungh dah noeupon nyhet doeu hauh Nile lvng masyah doq los las jeis yvm mas chungh noeuh tsain zo nyeis. 19Hauh thang lhyi gyih thangh khuk dah noeupon nyhet doeu doms doq los. Egutu mas hou iq ma yungh zis gas ngos dvlhain eq ma nyvng ku. 20Hau gyih thangh khuk dah noeupon jens gas xik lyis coeu dah noeupon nyhet doeu lyis zo tyamp. 21Housoeh zo tyamp thang lhyi, zo yvlyis eq hank ma seq kat. Hauh noeu gas vkhang vgus dvtsain gyih joq shih. Hauh uhlyis ngos soh los. 22Tsai, ngah yhetmoq mas ngos nyvng shih zis gas, Yoeuh aq, jyo dvpom mha mos las nyhink dah jyo nyhet nham bos dah vzains yuk los. 23Yoeuh aq, hauh thang lyis buisthuq lyeis muot yvmvyah ngis las kyuk dah jyosom nyhet nham bos dah vzains yuk los. 24Hauh jyosom nyhet nham ka jyomos nyhet nham lhyi nyhau tyamp. Ngos hai ngah yhetmoq hweq kat bang lyis taiq kyoh laus eq yoh pho dyei soeu dvyuk eq ma bos, ge Yosep lyis taiq kyoh.
25Yosep Pharao lyis taiq zis gas, Pharao moq dah yhetmoq gas dvcho dvnghuot; Mangso kuot das muh Pharao lyis chixoeuq. 26Coeu dah noeupon nyhet doeu gas nyhet zvn nghuot. Jyomos nyhet nham eq nyhet zvn nghuot; hauh yhetmoq gas dvcho dvnghuot. 27Hauh dah thang lhyi thuq los noeu gyih nyhet pon yahge buisthuq lyeis yah muot som dah jyosom nyhet nham eq nyhet zvn nghuot. 28Ngos nvng Pharao lyis taiq mes zis gas haih zis nghuot. Mangso kuot das muh Pharao lyis chixoeuq. 29Yoeuh aq, Egutu mau gonh jyo nyoshoq yoh zis nyhet zvn jweh das. 30Hauh thang lhyi phanghkhauq nyhet zvn gyoh los las Egutu mau mas yohzo yohshuk cho tohnyhik tyamp das. Hauh phanghkhauq gvng mas dvmau gonh dyoqbis tyamp das. 31Hauh phanghkhauq svsoh changh das yvmvyah xikpheh yohzo yohshuk cho lhyi hank eq ma seq lo shoq mus das. 32Pharao yhetmoq tsank moq zis gas, Mangso haih muh lyis nghamh thyet las lvnyap bweh los nhang das yvmvyah nghuot.
33Housoeh yvmvyah Pharao gas Egutu mau gonh mas joeui bos dah nhaiqbos dvyuk lyis khyen toeuq toh aq. 34Hauh thang lhyi Pharao gas dvmau gonh mas yoeuh das bang tsain toh las, Egutu mas yohzo dah nyhet zvn mas jyo oeng boms dvboms tsainh nhang aq. 35Nyamoq gas hau jweh los das yohzo zvn mas zis tsainh yung toh las, zokho bweh das xiklyis wugungs mas Pharao vmingh yah jyo tsainh kat toh bas jungh. 36Housoeh Egutu mas jweh los das phanghkhauq nyhet zvn gyo lyis hauh jyo ka dius xiklyis kat toh dah zokho jyo bweh das las phanghkhauq zvn mas munghdan yoh dyoq das zis ma nghuot, ge.
Yosep Egutu Mungh Zau
37Hauh cho ka Pharao yahge nyah jyeidwis jens xiklyis gis. 38Housoeh las Pharao gas, Heisoeh teh Mangso dyos bos dius gas yang khalhye yoh xo nyvng das lah, ge nyah jyeidwis jens lyis taiq. 39Pharao Yosep lyis taiq zis gas, Mangso ka nvng lyis haih muh dvnganh taiq kyoh goeus yvmvyah, nvng teh nhaiqbos las joeui bos soeu ma nyeis. 40Nvng ngah yhen guon soeu yoh duot das; nah dang yah dvyhangteh ngah dius jens dvnganhmoq lyis guon nhang das. Ngos nah thoq lyis zautank kyingh dvzes kuh das, ge.#Lgy 7.10 41Tsai, Pharao Yosep lyis taiq zis gas, Yoeuh aq, Egutu mau gonh thoq mas ngos nvng lyis toh, ge. 42Pharao gas nyah loq mas dah loqsoh loqkyop khyuot las Yosep loq mas kyop dyei. Phauhdap dyixing eq gvmhuot, xing jvngchoh eq nyah lainzain mas gvmhuot.#Dan 5.29 43Nyah thang mha dah hwankti nyang lhyingh aiq vlom mas ji nhang lha nyah xik pheh eq, phvluk zomh gyuis geh, ge tsain kaiq. Housoeh nyang lyis Egutu mau gonh thoq mas toh. 44Pharao gas, Ngos Pharao nghuot; housoeh las nah vmingh yah ma nghuot lyis Egutu mau gonh mas hank eq cha yoh kuot das zis ma nghuot, ge. 45Pharao gas Yosep lyis Zaphenat Panea ge nyhink. Ona wus phudyei Potiphera dah lonyi Asenat yah nyihwank dyei. Yosep eq Egutu dvmau gonh komh yenh.
46Yosep Egutu hwankti Pharao jyank masyah zau yoh uhlyis somhci zvn nghuot. Yosep gas Pharao xikkhonh masyah thuq las Egutu dvmau gonh komh yenh. 47Hau yohzo dah nyhet zvn gyo lyis jyo svsoh gis. 48Yosep gas nyhet zvn top Egutu mau mas dah zokho tsainh las, wus mas tsain toh. Wus vyvm vwi danh mas dah zokho jyo lyis gas nyang wus nyang mas tsain toh. 49Yosep gas thomh mas sihsho nyhoq jyo nyoshoq yung tsainh toh las ma yoh thoq suon lo las ma suon lo.
50Phanghkhauq gyoh zvn ma jweh shih lyis Ona wus phudyei Potiphera lonyi Asenat gas Yosep xiklyis yukgis lo aiq yuk khoeu dyei. 51Yosep gas, Ngos xauh dah nyungdaus cho yahge ngah Uwus yhen dvnganh yvlyis Mangso tohnyhik nhang goeus, ge nyah loxeih lyis Manase nyhink. 52Thang lhyi vyuk lyis gas, Ngos shohjyen xauh dah mau mas Mangso ngos lyis jebais nhang ge Ephraim#41.52 Ephraim ge zis Hebre pheh Lo jens dyei, ge vjyuk nghuot. nyhink.
53Gvshih Egutu mau mas yohzo zis nyhet zvn lai goeus. 54Hauh thang lhyi Yosep pho zis yah dvyhangteh panghkhauq nyhet zvn gas xi los goeus. Hauh uhlyis mau khanghmuh mas panghkhauq gyoh nyeis; nghuot laus eq Egutu mau gonh mas gas zonoms joq.#Lgy 7.11 55Gvshih Egutu mau gonh yah bang yuot lyis nyamoq gas Pharao jyank mas wom dung goeus ya, Pharao gas, Yosep jyank mas tsain e geh, nyang khasoeh taiq khasoeh namoq gyo geh, ge. Egutu dius dvnganh lyis tsain taiq kat.#Yoh 2.5 56Hau panghkhauq gas nyeisjvng gonh mas gyoh nyeis; hauh uhlyis Yosep gas wom jyi dvnganh phank las Egutu bang lyis ungh dyei nyeis. Phanghkhauq eq Egutu mau gonh zes changh los. 57Hauh panghkhauq gas mau khanghmuh mas svsoh changh yvmvyah, mau khanghmuh mas bang wom wis das ge Egutu mau, Yosep jyank mas tsain jweh los.
Currently Selected:
VPOM 41: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.
VPOM 41
41
Yosep Hwankti Yhetmoq Pho
1Aiq zvn lai lyis Pharao yhetmoq moq zis gas, Yoeuh aq, nyang Nile lvng yvm mas yap joq. 2Hauh Nile lvng masyah coeu yungh dah noeupon nyhet doeu doq los las jeis yvm mas mhanh noeuh tsain zo nyeis. 3Hauh thang mha gohtoeu gyih thangh khuk dah noeupon nyhet doeu hauh Nile lvng masyah doms doq los las, nyeismhung thoq, vkhang nyeis dah noeu nvm mas tsain yap joq. 4Gyih thangh khuk dah noeupon nyhet doeu gas hau coeu yungh dah noeupon nyhet doeu lyis zo tyamp. Hauh uhlyis Pharao soh los. 5Nyang doms yhet las yhetmoq doms moq zis gas, Yoeuh aq, jyo dvpom mhayah mos las nyhink dah jyo nyhet nham shih los. 6Hauh thang lhyi ngis las buisthuq lyeis yah muot tangh tyamp dah jyosom nyhet nham eq shih los. 7Hauh jyosom nyhet nham ka mos las nyhink dah jyo nyhet nham lhyi nyhau tyamp. Hauh uhlyis Pharao soh los las yhetmoq nghuot zis seq. 8Nvp lyis Pharao gas chiq las Egutu mas dah hweq kat bang yahge joeui bos bang dvnganh khi tsainh toh las nyamoq lyis nyah yhetmoq taiq kyoh. Nghuot laus eq Pharao lyis yhetmoq seq pho dyei soeu hank eq ma bos.#Dan 2.2
9Hauh uhlyis zvbiq zom vgyis gas Pharao lyis, Ngos cu cho ngos khvnyhik rhen chah. 10Nvng ngah aiq yuk lyis nhaiqyo las, hauh zungh nhaiqbos yhen mha ngos yahge ohlhyoq piq uhjyung lyis lhunk toh. 11Hauh uhlyis ngah aiq yuk gas nyang koeuq nyang yah sen dah vjyuk bos yhetmoq dvnyens dvm lyis tsain moq. 12Ngah aiq yuk yah dvgeh zungh nhaiqbos dah jyeidwis Hebre loyvm dvyuk nyeis. Ngah aiq yuk hauh soeu lhyi taiq kyoh las, nyang gas ngah aiq yuk dah yhetmoq vjyuk lyis dvyuk yah dvyuk moq zis yah dvyhangteh pho dyei. 13Nyang pho zis yah dvyhangteh jus. Ngos gas vgus mas doms xauh kuot, ohlhyoq piq uhjyung gas lhangh tyamp zis xauh, ge taiq.
14Pharao gas Yosep lyis e shwih los nhang. Housoeh nyamoq gas nyeis khyung thung mhayah lvnyap phank kat. Nyang eq nhuotmi yuk, dyi thaiq las Pharao jyank mas wvng loh. 15Pharao gas Yosep lyis, Ngos yhetmoq moq, yhetmoq yoh pho dyei soeu dvyuk eq ma nyvng, nvng gas yhetmoq xauhgyo lyis hauh vjyuk daq pho ge zis ngos xauhgyo, ge taiq.
16Yosep Pharao lyis phuk taiq zis gas, Ngos ngah ehnyet yah yoh pho zis ma nghuot, Mangso ka Pharao lyis gis khyvlyis pho dyei bas jungh, ge.
17Housoeh las Pharao gas, Ngah yhetmoq mas yoeuh aq, ngos Nile lvng yvm mas yap joq. 18Hauh uhlyis coeu yungh dah noeupon nyhet doeu hauh Nile lvng masyah doq los las jeis yvm mas chungh noeuh tsain zo nyeis. 19Hauh thang lhyi gyih thangh khuk dah noeupon nyhet doeu doms doq los. Egutu mas hou iq ma yungh zis gas ngos dvlhain eq ma nyvng ku. 20Hau gyih thangh khuk dah noeupon jens gas xik lyis coeu dah noeupon nyhet doeu lyis zo tyamp. 21Housoeh zo tyamp thang lhyi, zo yvlyis eq hank ma seq kat. Hauh noeu gas vkhang vgus dvtsain gyih joq shih. Hauh uhlyis ngos soh los. 22Tsai, ngah yhetmoq mas ngos nyvng shih zis gas, Yoeuh aq, jyo dvpom mha mos las nyhink dah jyo nyhet nham bos dah vzains yuk los. 23Yoeuh aq, hauh thang lyis buisthuq lyeis muot yvmvyah ngis las kyuk dah jyosom nyhet nham bos dah vzains yuk los. 24Hauh jyosom nyhet nham ka jyomos nyhet nham lhyi nyhau tyamp. Ngos hai ngah yhetmoq hweq kat bang lyis taiq kyoh laus eq yoh pho dyei soeu dvyuk eq ma bos, ge Yosep lyis taiq kyoh.
25Yosep Pharao lyis taiq zis gas, Pharao moq dah yhetmoq gas dvcho dvnghuot; Mangso kuot das muh Pharao lyis chixoeuq. 26Coeu dah noeupon nyhet doeu gas nyhet zvn nghuot. Jyomos nyhet nham eq nyhet zvn nghuot; hauh yhetmoq gas dvcho dvnghuot. 27Hauh dah thang lhyi thuq los noeu gyih nyhet pon yahge buisthuq lyeis yah muot som dah jyosom nyhet nham eq nyhet zvn nghuot. 28Ngos nvng Pharao lyis taiq mes zis gas haih zis nghuot. Mangso kuot das muh Pharao lyis chixoeuq. 29Yoeuh aq, Egutu mau gonh jyo nyoshoq yoh zis nyhet zvn jweh das. 30Hauh thang lhyi phanghkhauq nyhet zvn gyoh los las Egutu mau mas yohzo yohshuk cho tohnyhik tyamp das. Hauh phanghkhauq gvng mas dvmau gonh dyoqbis tyamp das. 31Hauh phanghkhauq svsoh changh das yvmvyah xikpheh yohzo yohshuk cho lhyi hank eq ma seq lo shoq mus das. 32Pharao yhetmoq tsank moq zis gas, Mangso haih muh lyis nghamh thyet las lvnyap bweh los nhang das yvmvyah nghuot.
33Housoeh yvmvyah Pharao gas Egutu mau gonh mas joeui bos dah nhaiqbos dvyuk lyis khyen toeuq toh aq. 34Hauh thang lhyi Pharao gas dvmau gonh mas yoeuh das bang tsain toh las, Egutu mas yohzo dah nyhet zvn mas jyo oeng boms dvboms tsainh nhang aq. 35Nyamoq gas hau jweh los das yohzo zvn mas zis tsainh yung toh las, zokho bweh das xiklyis wugungs mas Pharao vmingh yah jyo tsainh kat toh bas jungh. 36Housoeh Egutu mas jweh los das phanghkhauq nyhet zvn gyo lyis hauh jyo ka dius xiklyis kat toh dah zokho jyo bweh das las phanghkhauq zvn mas munghdan yoh dyoq das zis ma nghuot, ge.
Yosep Egutu Mungh Zau
37Hauh cho ka Pharao yahge nyah jyeidwis jens xiklyis gis. 38Housoeh las Pharao gas, Heisoeh teh Mangso dyos bos dius gas yang khalhye yoh xo nyvng das lah, ge nyah jyeidwis jens lyis taiq. 39Pharao Yosep lyis taiq zis gas, Mangso ka nvng lyis haih muh dvnganh taiq kyoh goeus yvmvyah, nvng teh nhaiqbos las joeui bos soeu ma nyeis. 40Nvng ngah yhen guon soeu yoh duot das; nah dang yah dvyhangteh ngah dius jens dvnganhmoq lyis guon nhang das. Ngos nah thoq lyis zautank kyingh dvzes kuh das, ge.#Lgy 7.10 41Tsai, Pharao Yosep lyis taiq zis gas, Yoeuh aq, Egutu mau gonh thoq mas ngos nvng lyis toh, ge. 42Pharao gas nyah loq mas dah loqsoh loqkyop khyuot las Yosep loq mas kyop dyei. Phauhdap dyixing eq gvmhuot, xing jvngchoh eq nyah lainzain mas gvmhuot.#Dan 5.29 43Nyah thang mha dah hwankti nyang lhyingh aiq vlom mas ji nhang lha nyah xik pheh eq, phvluk zomh gyuis geh, ge tsain kaiq. Housoeh nyang lyis Egutu mau gonh thoq mas toh. 44Pharao gas, Ngos Pharao nghuot; housoeh las nah vmingh yah ma nghuot lyis Egutu mau gonh mas hank eq cha yoh kuot das zis ma nghuot, ge. 45Pharao gas Yosep lyis Zaphenat Panea ge nyhink. Ona wus phudyei Potiphera dah lonyi Asenat yah nyihwank dyei. Yosep eq Egutu dvmau gonh komh yenh.
46Yosep Egutu hwankti Pharao jyank masyah zau yoh uhlyis somhci zvn nghuot. Yosep gas Pharao xikkhonh masyah thuq las Egutu dvmau gonh komh yenh. 47Hau yohzo dah nyhet zvn gyo lyis jyo svsoh gis. 48Yosep gas nyhet zvn top Egutu mau mas dah zokho tsainh las, wus mas tsain toh. Wus vyvm vwi danh mas dah zokho jyo lyis gas nyang wus nyang mas tsain toh. 49Yosep gas thomh mas sihsho nyhoq jyo nyoshoq yung tsainh toh las ma yoh thoq suon lo las ma suon lo.
50Phanghkhauq gyoh zvn ma jweh shih lyis Ona wus phudyei Potiphera lonyi Asenat gas Yosep xiklyis yukgis lo aiq yuk khoeu dyei. 51Yosep gas, Ngos xauh dah nyungdaus cho yahge ngah Uwus yhen dvnganh yvlyis Mangso tohnyhik nhang goeus, ge nyah loxeih lyis Manase nyhink. 52Thang lhyi vyuk lyis gas, Ngos shohjyen xauh dah mau mas Mangso ngos lyis jebais nhang ge Ephraim#41.52 Ephraim ge zis Hebre pheh Lo jens dyei, ge vjyuk nghuot. nyhink.
53Gvshih Egutu mau mas yohzo zis nyhet zvn lai goeus. 54Hauh thang lhyi Yosep pho zis yah dvyhangteh panghkhauq nyhet zvn gas xi los goeus. Hauh uhlyis mau khanghmuh mas panghkhauq gyoh nyeis; nghuot laus eq Egutu mau gonh mas gas zonoms joq.#Lgy 7.11 55Gvshih Egutu mau gonh yah bang yuot lyis nyamoq gas Pharao jyank mas wom dung goeus ya, Pharao gas, Yosep jyank mas tsain e geh, nyang khasoeh taiq khasoeh namoq gyo geh, ge. Egutu dius dvnganh lyis tsain taiq kat.#Yoh 2.5 56Hau panghkhauq gas nyeisjvng gonh mas gyoh nyeis; hauh uhlyis Yosep gas wom jyi dvnganh phank las Egutu bang lyis ungh dyei nyeis. Phanghkhauq eq Egutu mau gonh zes changh los. 57Hauh panghkhauq gas mau khanghmuh mas svsoh changh yvmvyah, mau khanghmuh mas bang wom wis das ge Egutu mau, Yosep jyank mas tsain jweh los.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.