متّی 14
14
یُوحنّا بپتِسمہ ݙیوَݨ آلے دی شہادت
(رَلدا مِلدا حوالہ: مرقس 6:14-29؛ لُوقا 9:7-9)
1اُوں ویلے صوبہ گلِیل دے چُوتھائی مُلک دے حاکم ہیرودیس اِنتپاس یِسُوع بارے سُݨیا، 2اَتے اُوں اپݨے دربارئیں کُوں آکھیا،”ایہ یُوحنّا بپتِسمہ ݙیوَݨ آلا ہے جیرھا مَر کرائیں زندہ تھئے، اِیں وجہ کنُوں اُونکُوں ایہ مُعجِزے کرَݨ دی طاقت مِلی ہے۔“ 3اِیں کنُوں پہلے ہیرودیس اِنتپاس اپݨے بِھرا ہیرودیس فِلپس دی ذال ہیرودیاس دے آکھݨ تے یُوحنّا بپتِسمہ ݙیوَݨ آلے کُوں پکڑوا کرائیں جیل اِچ ڈَھکی پِیا ہا، 4کیوں جو یُوحنّا بپتِسمہ ݙیوَݨ آلے، ہیرودیس اِنتپاس کُوں ہٹکیا ہا جو اُونکُوں اپݨے بِھرا دے جِیندِیں جی اپݨی بھڄائی کُوں رکھݨ جائز کَینی۔ 5اَتے ہیرودیس اِنتپاس، یُوحنّا کُوں قتل تاں کرَݨ چاہندا ہا پَر او لوکیں کنُوں اِیں ڳالھوں ݙَردا ہا جو یُوحنّا بپتِسمہ ݙیوَݨ آلے کُوں نبی سمجھدے ہَن۔ 6پَر ہیرودیس اِنتپاس دی سالگِرہ دے ݙینہہ ہیرودیاس دی دِھی اُنہیں دے وِچالے نَچ تے ہیرودیس اِنتپاس کُوں ٻَہُوں خُش کیتا ہا، 7اِیں کیتے اُوں قَسم چا کرائیں اُوندے نال وعدہ کیتا،”جو جیرھا کُجھ وی تُوں منگسیں مَیں تَیکُوں ݙیساں۔“ 8تاں اپݨی ماء دے سِکھاوَݨ تے دِھی آکھیا،”مَیکُوں یُوحنّا بپتِسمہ ݙیوَݨ آلے دا سِر ہُݨیں تھال اِچ منگوا ݙے۔“ 9اَتے ایہ سُݨ کرائیں بادشاہ ݙُکھی تھِیا پَر کیوں جو اُوں اپݨے مہمانیں دے سامݨے قَسم چاتی ہَئی، اُوں اُونویں کرَݨ دا حُکم ݙے ݙِتا، 10اَتے جیل اِچ یُوحنّا دا سِر کَپ ݙِتا۔ 11اَتے سِر تھال اِچ رکھ کرائیں اندر گھِن آئے اَتے چُھوہِر کُوں ݙے ݙِتا اَتے او اُونکُوں اپݨی ماء کولھ گھِن ڳئی۔ 12اَتے یُوحنّا دے شاگِرد آ کرائیں اُوندی میّت گھِن ڳئے اَتے اُونکُوں دفن کر ݙِتا اَتے وَنڄ کرائیں یِسُوع کُوں ݙسایا۔
ہزاریں لوکیں کُوں کھاݨا کھواوَݨ دا مُعجزہ
(رَلدا مِلدا حوالہ: مرقس 6:33-44؛ لُوقا 9:10-17؛ یُوحنّا 6:1-14)
13جݙّاں یِسُوع ایہ خبر سُݨی تاں اُتھوں اَنجھ تھی کرائیں ٻیڑی اُتے چڑھ ٻیٹھا اَتے کہیں بَربیابان دو لڳا ڳیا اَتے لوک ایہ سُݨ کرائیں ہر شہر کنُوں ٹُردے اُوندے پِچھُوں ڳئے۔ 14اُوں ٻیڑی اِچوں لَہہ کرائیں ٻَہُوں وَݙّی بِھیڑ ݙِٹھی اَتے اُونکُوں اُنہیں تے ترس آیا تاں اُوں اُنہیں دے بیماریں کُوں شِفا ݙِتی۔ 15شام ویلے یِسُوع دے شاگِرد اُوندے کولھ آئے اَتے آکھیا،”ایہ ٻَہُوں ویران جاہ ہے اَتے ݙینہہ لَہہ ڳئے۔ اِنہیں لوکیں کُوں ٹور ݙیو تاں جو ایہ نال دی وستی اِچ وَنڄ کرائیں اپݨے کھاوَݨ کیتے کُجھ مُل گھِنݨ۔“ 16یِسُوع اُنہیں کُوں آکھیا، ”اِنہیں کُوں نہ بھیڄو بلکہ تُساں اِنہیں کیتے کھاوَݨ دا بندوبست کرو۔“ 17اُنہیں یِسُوع کُوں جواب ݙِتا، ”ساݙے کولھ تاں صرف ݙُو مچھیاں اَتے پنج روٹیاں ہِن۔“ 18اُوں آکھیا، ”روٹیاں اَتے مچھیاں میݙے کولھ گھِن آؤ۔“ 19اَتے بِھیڑ کُوں گھاہ تے ٻَہوَݨ دا حُکم ݙِتا اَتے یِسُوع پنج روٹیاں اَتے ݙُو مچھیاں چا کرائیں، اَسمان دو ݙیہدئیں ہوئیں خُدا دا شکر کیتا، وَل اُوں روٹیاں بَھن بَھن کرائیں خاص شاگِردئیں کُوں ݙے ݙتیاں اَتے شاگِردئیں اِنہیں کُوں لوکیں اِچ وَنݙا ݙِتا۔ 20اَتے سارئیں لوکیں رَڄ کرائیں کھادا اَتے شاگِردئیں بچے پئے روٹی دے ٹُکڑیں نال ٻارھاں ٹوکریاں بھریاں۔ 21اَتے اُوں بِھیڑ اِچ تریمتیں اَتے ٻالیں دے علاوہ اَندازاً پنج ہزار مَرد ہَن۔
یِسُوع جھیل دے پاݨی اُتے ٹُردے
(رَلدا مِلدا حوالہ: مرقس 6:45-52؛ یُوحنّا 6:15-21)
22اَتے اِیندے فوراً بعد یِسُوع شاگِردئیں کُوں ٻیڑی اِچ ٻِلہا کرائیں اپݨے کنُوں پہلے جھیل دے پار وَنڄن دا آکھیا تاں جو او لوکیں کُوں ٹور گھِنے۔ 23بھِیڑ کُوں ٹورݨ دے بعد او دُعا کرَݨ کیتے کلھا پہاڑ اُتے چڑھ ڳیا اَتے شام تھِیوَن تَئِیں او اُتھاں کلھا ریہا۔ 24اَڄاں ٻیڑی پتݨ کنُوں ٻَہُوں پَرے جھیل دے اَدھ اِچ ہَئی اَتے مخالف ہوا گُھلݨ دی وجہ کنُوں ٻَہُوں لوڈے کھندی وَدی ہَئی۔ 25اَتے اَسور ویلے یِسُوع پاݨی اُتے ٹُردا ہویا اُنہیں دے کولھ آیا۔ 26جݙّاں شاگِردئیں اُونکُوں جھیل اُتے ٹُردے ݙِٹھا تاں او ݙَر کرائیں چیکاں مَریندئیں ہوئیں آکھݨ لڳ پئے،”بھُوت ہے، بھُوت!“ 27یِسُوع فوراً اُنہیں کُوں آکھیا، ”ترسلّا رکھو مَیں ہاں، نہ ݙَرو۔“ 28ایہ سُݨ کرائیں پطرس جواب ݙِتا، ”اَے خُداوند! جے تُوں ہَئیِں تاں مَیکُوں پاݨی اُتے ٹُر کرائیں اپݨے کولھ آوَݨ دا حُکم ݙے۔“ 29یِسُوع جواب ݙِتا، ”لَہہ آ“ اَتے پطرس ٻیڑی اِچوں لَہہ کرائیں پاݨی اُتے ٹُردا ہویا یِسُوع دو وَنڄن لڳا۔ 30پَر جیرھے ویلے اُوں تیز ہوا اُتے غور کیتا تاں ݙَر ڳیا اَتے ٻُݙݨ لڳا تاں چِیک کرائیں آکھݨ لڳ،”اَے خُداوند! مَیکُوں بچا۔“ 31یِسُوع اُوں ویلے اپݨا ہَتھ اَڳوں وَدھا کرائیں اُونکُوں پکڑ گھِدا اَتے آکھیا! ”اَے بےیقینا! تَیں کیوں شک کیتے؟“ 32جیرھے ویلے یِسُوع اَتے پطرس ٻیڑی اُتے چڑھے تاں ہوا رُک ڳئی۔ 33اَتے ٻیڑی اِچ سارئیں اُونکُوں سِجدہ کیتا اَتے آکھیا، ”ساکُوں یقین ہے جو تُوں خُدا دا پُتر ہَئیِں۔“
یِسُوع شہر گنیسرت اِچ بیماریں کُوں شِفا ݙیندِن
(رَلدا مِلدا حوالہ: مرقس 6:53-56)
34اَتے او جھیل دے پار وَنڄ کرائیں شہر گنیسرت دے علاقے اِچ پُڄ ڳئے۔ 35اَتے اُوں جاہ دے لوکیں یِسُوع کُوں سُنڄاݨ گھِدا اَتے اُنہیں چَودھار علاقیئیں اِچ ایہ خبر بھیڄ ݙِتی اَتے لوک اپݨے سارے مریضیں کُوں اُوندے کولھ گھِن آئے۔ 36اَتے اُنہیں یِسُوع دی مِنّت کیتی جو او اُنہیں دے بیماریں کُوں صرف اپݨے چولے دے پَلو کُوں ہَتھ لاوَݨ ݙیوے۔ اَتے جَیں وی اُوندے چولے کُوں ہَتھ لا گھِدا اُونکُوں شِفا مِل ڳئی۔
Currently Selected:
متّی 14: سرائیکی
Highlight
Share
Copy
Want to have your highlights saved across all your devices? Sign up or sign in
متّی دی راہِیں اِنجِیل
سرائیکی بولی اِچ
Gospel of Matthew in Common Saraiki (Test edition for limited distribution)
Copyright © 2023 The Pakistan Bible Society
All rights reserved Gospel of Matthew, in Common Saraiki (Test edition for limited distribution) Copyright © 2023 by The Pakistan Bible Society
Typesetting: CAP Department, Pakistan Bible Society
PUBLISHER: THE PAKISTAN BIBLE SOCIETY
متّی 14
14
یُوحنّا بپتِسمہ ݙیوَݨ آلے دی شہادت
(رَلدا مِلدا حوالہ: مرقس 6:14-29؛ لُوقا 9:7-9)
1اُوں ویلے صوبہ گلِیل دے چُوتھائی مُلک دے حاکم ہیرودیس اِنتپاس یِسُوع بارے سُݨیا، 2اَتے اُوں اپݨے دربارئیں کُوں آکھیا،”ایہ یُوحنّا بپتِسمہ ݙیوَݨ آلا ہے جیرھا مَر کرائیں زندہ تھئے، اِیں وجہ کنُوں اُونکُوں ایہ مُعجِزے کرَݨ دی طاقت مِلی ہے۔“ 3اِیں کنُوں پہلے ہیرودیس اِنتپاس اپݨے بِھرا ہیرودیس فِلپس دی ذال ہیرودیاس دے آکھݨ تے یُوحنّا بپتِسمہ ݙیوَݨ آلے کُوں پکڑوا کرائیں جیل اِچ ڈَھکی پِیا ہا، 4کیوں جو یُوحنّا بپتِسمہ ݙیوَݨ آلے، ہیرودیس اِنتپاس کُوں ہٹکیا ہا جو اُونکُوں اپݨے بِھرا دے جِیندِیں جی اپݨی بھڄائی کُوں رکھݨ جائز کَینی۔ 5اَتے ہیرودیس اِنتپاس، یُوحنّا کُوں قتل تاں کرَݨ چاہندا ہا پَر او لوکیں کنُوں اِیں ڳالھوں ݙَردا ہا جو یُوحنّا بپتِسمہ ݙیوَݨ آلے کُوں نبی سمجھدے ہَن۔ 6پَر ہیرودیس اِنتپاس دی سالگِرہ دے ݙینہہ ہیرودیاس دی دِھی اُنہیں دے وِچالے نَچ تے ہیرودیس اِنتپاس کُوں ٻَہُوں خُش کیتا ہا، 7اِیں کیتے اُوں قَسم چا کرائیں اُوندے نال وعدہ کیتا،”جو جیرھا کُجھ وی تُوں منگسیں مَیں تَیکُوں ݙیساں۔“ 8تاں اپݨی ماء دے سِکھاوَݨ تے دِھی آکھیا،”مَیکُوں یُوحنّا بپتِسمہ ݙیوَݨ آلے دا سِر ہُݨیں تھال اِچ منگوا ݙے۔“ 9اَتے ایہ سُݨ کرائیں بادشاہ ݙُکھی تھِیا پَر کیوں جو اُوں اپݨے مہمانیں دے سامݨے قَسم چاتی ہَئی، اُوں اُونویں کرَݨ دا حُکم ݙے ݙِتا، 10اَتے جیل اِچ یُوحنّا دا سِر کَپ ݙِتا۔ 11اَتے سِر تھال اِچ رکھ کرائیں اندر گھِن آئے اَتے چُھوہِر کُوں ݙے ݙِتا اَتے او اُونکُوں اپݨی ماء کولھ گھِن ڳئی۔ 12اَتے یُوحنّا دے شاگِرد آ کرائیں اُوندی میّت گھِن ڳئے اَتے اُونکُوں دفن کر ݙِتا اَتے وَنڄ کرائیں یِسُوع کُوں ݙسایا۔
ہزاریں لوکیں کُوں کھاݨا کھواوَݨ دا مُعجزہ
(رَلدا مِلدا حوالہ: مرقس 6:33-44؛ لُوقا 9:10-17؛ یُوحنّا 6:1-14)
13جݙّاں یِسُوع ایہ خبر سُݨی تاں اُتھوں اَنجھ تھی کرائیں ٻیڑی اُتے چڑھ ٻیٹھا اَتے کہیں بَربیابان دو لڳا ڳیا اَتے لوک ایہ سُݨ کرائیں ہر شہر کنُوں ٹُردے اُوندے پِچھُوں ڳئے۔ 14اُوں ٻیڑی اِچوں لَہہ کرائیں ٻَہُوں وَݙّی بِھیڑ ݙِٹھی اَتے اُونکُوں اُنہیں تے ترس آیا تاں اُوں اُنہیں دے بیماریں کُوں شِفا ݙِتی۔ 15شام ویلے یِسُوع دے شاگِرد اُوندے کولھ آئے اَتے آکھیا،”ایہ ٻَہُوں ویران جاہ ہے اَتے ݙینہہ لَہہ ڳئے۔ اِنہیں لوکیں کُوں ٹور ݙیو تاں جو ایہ نال دی وستی اِچ وَنڄ کرائیں اپݨے کھاوَݨ کیتے کُجھ مُل گھِنݨ۔“ 16یِسُوع اُنہیں کُوں آکھیا، ”اِنہیں کُوں نہ بھیڄو بلکہ تُساں اِنہیں کیتے کھاوَݨ دا بندوبست کرو۔“ 17اُنہیں یِسُوع کُوں جواب ݙِتا، ”ساݙے کولھ تاں صرف ݙُو مچھیاں اَتے پنج روٹیاں ہِن۔“ 18اُوں آکھیا، ”روٹیاں اَتے مچھیاں میݙے کولھ گھِن آؤ۔“ 19اَتے بِھیڑ کُوں گھاہ تے ٻَہوَݨ دا حُکم ݙِتا اَتے یِسُوع پنج روٹیاں اَتے ݙُو مچھیاں چا کرائیں، اَسمان دو ݙیہدئیں ہوئیں خُدا دا شکر کیتا، وَل اُوں روٹیاں بَھن بَھن کرائیں خاص شاگِردئیں کُوں ݙے ݙتیاں اَتے شاگِردئیں اِنہیں کُوں لوکیں اِچ وَنݙا ݙِتا۔ 20اَتے سارئیں لوکیں رَڄ کرائیں کھادا اَتے شاگِردئیں بچے پئے روٹی دے ٹُکڑیں نال ٻارھاں ٹوکریاں بھریاں۔ 21اَتے اُوں بِھیڑ اِچ تریمتیں اَتے ٻالیں دے علاوہ اَندازاً پنج ہزار مَرد ہَن۔
یِسُوع جھیل دے پاݨی اُتے ٹُردے
(رَلدا مِلدا حوالہ: مرقس 6:45-52؛ یُوحنّا 6:15-21)
22اَتے اِیندے فوراً بعد یِسُوع شاگِردئیں کُوں ٻیڑی اِچ ٻِلہا کرائیں اپݨے کنُوں پہلے جھیل دے پار وَنڄن دا آکھیا تاں جو او لوکیں کُوں ٹور گھِنے۔ 23بھِیڑ کُوں ٹورݨ دے بعد او دُعا کرَݨ کیتے کلھا پہاڑ اُتے چڑھ ڳیا اَتے شام تھِیوَن تَئِیں او اُتھاں کلھا ریہا۔ 24اَڄاں ٻیڑی پتݨ کنُوں ٻَہُوں پَرے جھیل دے اَدھ اِچ ہَئی اَتے مخالف ہوا گُھلݨ دی وجہ کنُوں ٻَہُوں لوڈے کھندی وَدی ہَئی۔ 25اَتے اَسور ویلے یِسُوع پاݨی اُتے ٹُردا ہویا اُنہیں دے کولھ آیا۔ 26جݙّاں شاگِردئیں اُونکُوں جھیل اُتے ٹُردے ݙِٹھا تاں او ݙَر کرائیں چیکاں مَریندئیں ہوئیں آکھݨ لڳ پئے،”بھُوت ہے، بھُوت!“ 27یِسُوع فوراً اُنہیں کُوں آکھیا، ”ترسلّا رکھو مَیں ہاں، نہ ݙَرو۔“ 28ایہ سُݨ کرائیں پطرس جواب ݙِتا، ”اَے خُداوند! جے تُوں ہَئیِں تاں مَیکُوں پاݨی اُتے ٹُر کرائیں اپݨے کولھ آوَݨ دا حُکم ݙے۔“ 29یِسُوع جواب ݙِتا، ”لَہہ آ“ اَتے پطرس ٻیڑی اِچوں لَہہ کرائیں پاݨی اُتے ٹُردا ہویا یِسُوع دو وَنڄن لڳا۔ 30پَر جیرھے ویلے اُوں تیز ہوا اُتے غور کیتا تاں ݙَر ڳیا اَتے ٻُݙݨ لڳا تاں چِیک کرائیں آکھݨ لڳ،”اَے خُداوند! مَیکُوں بچا۔“ 31یِسُوع اُوں ویلے اپݨا ہَتھ اَڳوں وَدھا کرائیں اُونکُوں پکڑ گھِدا اَتے آکھیا! ”اَے بےیقینا! تَیں کیوں شک کیتے؟“ 32جیرھے ویلے یِسُوع اَتے پطرس ٻیڑی اُتے چڑھے تاں ہوا رُک ڳئی۔ 33اَتے ٻیڑی اِچ سارئیں اُونکُوں سِجدہ کیتا اَتے آکھیا، ”ساکُوں یقین ہے جو تُوں خُدا دا پُتر ہَئیِں۔“
یِسُوع شہر گنیسرت اِچ بیماریں کُوں شِفا ݙیندِن
(رَلدا مِلدا حوالہ: مرقس 6:53-56)
34اَتے او جھیل دے پار وَنڄ کرائیں شہر گنیسرت دے علاقے اِچ پُڄ ڳئے۔ 35اَتے اُوں جاہ دے لوکیں یِسُوع کُوں سُنڄاݨ گھِدا اَتے اُنہیں چَودھار علاقیئیں اِچ ایہ خبر بھیڄ ݙِتی اَتے لوک اپݨے سارے مریضیں کُوں اُوندے کولھ گھِن آئے۔ 36اَتے اُنہیں یِسُوع دی مِنّت کیتی جو او اُنہیں دے بیماریں کُوں صرف اپݨے چولے دے پَلو کُوں ہَتھ لاوَݨ ݙیوے۔ اَتے جَیں وی اُوندے چولے کُوں ہَتھ لا گھِدا اُونکُوں شِفا مِل ڳئی۔
Currently Selected:
:
Highlight
Share
Copy
Want to have your highlights saved across all your devices? Sign up or sign in
متّی دی راہِیں اِنجِیل
سرائیکی بولی اِچ
Gospel of Matthew in Common Saraiki (Test edition for limited distribution)
Copyright © 2023 The Pakistan Bible Society
All rights reserved Gospel of Matthew, in Common Saraiki (Test edition for limited distribution) Copyright © 2023 by The Pakistan Bible Society
Typesetting: CAP Department, Pakistan Bible Society
PUBLISHER: THE PAKISTAN BIBLE SOCIETY