متّی 26
26
یِسُوع کُوں سُولی اُتے ٹَنگݨ دی سازش
(رَلدا مِلدا حوالہ: مرقس 14:1-2؛ لُوقا 22:1-2؛ یُوحنّا 11:45-53)
1جیویں ای یِسُوع ایہ سارئیں ڳالھیں سِکھا ݙتیاں تاں اپݨے شاگِردئیں کُوں آکھیا، 2”تُساں ڄاݨدو جو ݙُو ݙینہہ بعد فسح دی عید شروع تھی ویسی اُوں ویلے اِبنِآدم یعنی مَیکُوں سُولی اُتے ٹَنگݨ کیتے حوالے کر ݙِتا ویسی۔“ 3وَل وَݙّے مذہبی پیشوا اَتے قوم دے وَݙیرے، مذہبی اَڳواݨ کائِفا دے مَحل اِچ کٹھے تھئے، 4اَتے صلاح کیتی جو یِسُوع کُوں چالاکی نال پکڑوا کرائیں جان کنُوں مار ݙِتا وَنڄے۔ 5اَتے آکھیا، ”ایہ عید اِچ نَئیِں تِھیوَݨا چاہیدا تاں جو عوام اِچ فساد نہ پئے وَنڄے۔“
ہِک تریمت دا یِسُوع کُوں عطر لاوَݨا
(رَلدا مِلدا حوالہ: مرقس 14:3-9؛ یُوحنّا 12:1-8)
6یِسُوع وستی بَیتعَنِّیاہ اِچ شمعُون دے گھر آیا جَینکُوں کوڑھ دی بیماری کنُوں شِفا مِلی ہَئی۔ 7یِسُوع کھاݨا کھاوݨ کیتے ٻیٹھا اَتے ہِک تریمت اَئی جَیندے کولھ سنگمَرمَر دے عِطردان اِچ ٻَہُوں قیمتی عِطر ہَئی، اُوں عِطر کُوں یِسُوع دے سِر اُتے وِیٹ ݙِتا۔ 8شاگِرد ایہ ݙیکھ کرائیں ناراض تھئے اَتے آکھݨ لڳے،”اِتنا قیمتی عِطر کیوں ضائع کر ݙِتا ڳئے؟ 9اِینکُوں تاں ٻَہُوں پیسیں دا ویچ کرائیں اُنہیں پیسیں نال غریبیں دی مدد کر سڳدے ہاسے۔“ 10اَتے یِسُوع ایہ ڄاݨدے ہوئیں اُنہیں کُوں آکھیا، ”تُساں اِینکُوں کیوں تنگ کریندے ہِوے؟ اِیں تریمت تاں میݙے نال چَنڳائی کیتی ہے؛ 11غریب لوک تاں ہمیشاں تُہاݙے کولھ ہوسِن پئے، پَر مَیں تُہاݙے کولھ ہمیشاں نہ رَہساں، 12سچّی ڳالھ تاں ایہ ہے جو اِیں میݙے بدن اُتے عِطر وِیٹ کرائیں میݙے دفن دی تیاری کیتی ہے۔ 13مَیں تُہاکُوں سچّ اَہداں جو ساری دُنیاں اِچ جِتھاں وی خُوشخبری دا پرچار کیتا ویسی اُتھاں اِیں تریمت دے اِیں کَم کُوں وی یاد کیتا ویسی۔“
یِسُوع کُوں پکڑواوَݨ دی سازش
(رَلدا مِلدا حوالہ: مرقس 14:10-11؛ لُوقا 22:3-6)
14اِیندے بعد اُنہیں ٻارھاں اِچوں ہِک خاص شاگِرد جَیندا ناں یہُوداہ اِسکریُوتی ہَئی وَݙّے مذہبی پیشوائیں کولھ ڳیا 15اُوں آکھیا، ”جے مَیں اُونکُوں تُہاݙے حوالے کر ݙیواں تاں مَیکُوں کیا ݙیسو؟“ اُنہیں اُونکُوں چاندی دے تَریہہ سِکّے تول کرائیں ݙے ݙِتے۔ 16اَتے اِیندے بعد او اُونکُوں پکڑاوَݨ دا موقع ڳولݨ لڳ پِیا۔
یِسُوع اپݨے شاگِردئیں نال فسح دا کھاݨا کھندِن
(رَلدا مِلدا حوالہ: مرقس 14:12-21؛ لُوقا 22:7-13، 21-23؛ یُوحنّا 13:21-30)
17بغیر خمیر والی روٹی دی عید دے پہلے ݙینہہ شاگِردئیں یِسُوع دے کولھ آ کرائیں پُچھیا، ”تُوں کِتھاں چاہندیں جو تیݙے کیتے فسح کھاوَݨ دی تیاری کروں؟“ 18اُوں جواب ݙِتا، ”شہر اِچ فلاں بندے کولھ وَنڄو اَتے اُونکُوں آکھو اُستاد اَہدا پئے جو میݙا مقرر تھِیا ویلا نیڑے آ ڳئے، مَیں اپݨے شاگِردئیں دے نال فسح دی عید دا کھاݨا تیݙے گھر اِچ کھاوَݨ اَوساں۔“ 19شاگِردئیں اُونویں کیتا جیویں یِسُوع اُنہیں کُوں آکھیا ہا اَتے اُنہیں فسح دی عید دا کھاݨا تیار کیتا۔
20شام ویلے یِسُوع ٻارھاں خاص شاگِردئیں دے کٹھے کھاݨا کھاوَݨ ٻیٹھا۔ 21جݙّاں او کھاݨا کَھندے پئے ہَن تے اُوں آکھیا، ”مَیں تُہاکُوں سچّ اَہداں جو تُہاݙے اِچوں ہِک مَیکُوں پکڑوا ݙیسی۔“ 22شاگِرد ایہ سُݨ کرائیں ٻَہُوں ݙُکھی تھئے اَتے واری واری اُوں کنُوں پُچھݨ لڳے، ”اَے خُداوند! او مَیں تاں نَئیِں؟“ 23یِسُوع جواب ݙِتا،”جَیں میݙے نال پیالے اِچ گِراں ٻوڑیے اُوہو مَیکُوں پکڑوا ݙیسی۔ 24اِبنِآدم یعنی مَیں تاں جیویں میݙے کیتے پاک کلام اِچ لکھیا لاتھے، مَرساں، پَر اُوں بندے تے افسوس ہے جَیندی وجہ کنُوں مَیں پکڑوایا وینداں،اُوں بندے کیتے چَنڳاں ہوندا جے او پیدا ای نہ تھِیندا۔“
25وَل یُہوداہ جیرھا اُونکُوں پکڑواوَݨ کُوں ہَئی، فوراً آکھیا، ”اُستاد! مَیں تاں نِمی؟“ یِسُوع اُونکُوں جواب ݙِتا، ”تَیں تاں آپ آکھ ݙِتے۔“
عشائے ربّانی
(رَلدا مِلدا حوالہ: مرقس 14:22-26؛ لُوقا 22:14-20؛ 1-کرنتھیوں 11:23-25)
26جیرھے ویلے شاگِرد کَھندے ٻیٹھے ہَن تاں یِسُوع روٹی چا کرائیں شُکرانے دی دُعا مَنگی اَتے اُونکُوں تَڑور کرائیں شاگِردئیں کُوں ݙیندئیں ہوئیں آکھیا، ”ایہ گھِنو اَتے کھاؤ ایہ میݙا بدن ہے۔“ 27وَل پیالہ چا کرائیں شُکرانے دی دُعا منگی اَتے شاگِردئیں کُوں ݙیندئیں ہوئیں آکھیا، ”تُساں سارے اِیندے اِچوں پیو۔ 28ایہ میݙے عہد دا او خون ہے جیرھا ٻَہُوں سارئیں کیتے وہایا ویندے، تاں جو اُنہیں دے گُناہیں کُوں مُعاف کیتا وَنڄے۔ 29مَیں تُہاکُوں اَہداں جو اَنگور دا رَس اُوں ݙینہہ تَئیِں نہ پِیساں جݙّاں تَئِیں تُساں میݙے اَسمانی باپ دی بادشاہی اِچ میݙے نال نہ ہوسو۔“ 30اَتے خُدا دی حمدوثنا کرَݨ دے بعد او زَیتُون دے پہاڑ دو لڳے ڳئے۔
پطرس دے اِنکار دی پیشینگوئی
(رَلدا مِلدا حوالہ: مرقس 14:27-31؛ لُوقا 22:31-34؛ یُوحنّا 13:36-38)
31اِیندے بعد یِسُوع اپݨے شاگِردئیں کُوں آکھیا، ”تُساں اَڄ رات ای مَیکُوں چھوڑ کرائیں بَھڄ ویسو کیوں جو پاککلام اِچ لِکھیا لاتھے،
’مَیں آڄڑی کُوں مَریساں اَتے اَڄڑ دیاں بِھیݙاں کھِنݙو کھانݙ تھی ویسِن۔‘
32پَر مَیں اپݨے زندہ تھِیوَن دے بعد تُہاݙے کنُوں پہلے صوبہ گلِیل دو ویساں۔“ 33پطرس اُونکُوں آکھیا، ”بھانویں سارے تَیکُوں چھوڑ کرائیں بَھڄ وَنڄن پَر مَیں کݙاہیں تَیکُوں نہ چھوڑیساں۔“ 34یِسُوع اُونکُوں آکھیا، ”مَیں تَیکُوں سچّ اَہداں جو ہِیں رات کُکُڑ دے بانڳ ݙیوَݨ کنُوں پہلے تُوں ترائے واری میݙا اِنکار کریسیں۔“ 35پطرس جواب اِچ آکھیا، ”کَینا، بھانویں مَیکُوں تیݙے کٹھے مَرݨا ای پووے تاں وَل وی مَیں تیݙا اِنکار نہ کریساں۔“ اَتے سارے شاگِردئیں وی اِیویں آکھیا۔
یِسُوع گتسِمنی باغ اِچ دُعا منگدِن
(رَلدا مِلدا حوالہ: مرقس 14:32-42؛ لُوقا 22:39-46)
36اِیندے بعد یِسُوع اپݨے شاگِردئیں دے کٹھے ہِک باغ اِچ آیا جَیندا ناں گتسِمنی ہا اَتے اُوں شاگِردئیں کُوں آکھیا، ”تُساں اِتھائیں ٻَہہ وَنڄو اَتے مَیں دُعا منگݨ کیتے اَڳوں ویندا پِیاں۔“ 37وَل اُوں پطرس اَتے زبدی دے ݙُوہائیں پُتریں کُوں نال گھِدا اَتے او ݙُکھی اَتے پریشان تھِیوَن لڳا۔ 38اِیندے بعد یِسُوع اُنہیں کُوں آکھیا، ”میݙے دِل اِچ اِتنا ݙُکھ ہے جو مَیں مرݨ آلا ہاں اَتے تُساں اِتھائیں کھڑو اَتے میݙے کٹھے جاگدے رَہو۔“ 39اَتے اِیندے بعد کُجھ اَڳوں وَنڄ کرائیں یِسُوع مُونہہ دے بھرنے زمین اُتے ڈھہہ کرائیں اِیویں دُعا منگی، ”اَے میݙے باپ! جے تھی سڳے تاں ایہ پیالہ مَیں کنُوں ٹل وَنڄے وَل وی میݙی نَئیِں بلکہ تیݙی مرضی پوری تِھیوے۔“ 40دُعا منگݨ دے بعد او شاگِردئیں دو وَل آیا اَتے ݙِٹھا جو او سُتے پَئیِن اَتے اُوں پطرس کنُوں پُچھیا، ”کیا تُساں گَھنٹہ کَھن وی میݙے کٹھے جاگ نا سڳئے؟ 41جاگدے رَہو اَتے دُعا منگدے رَہو تاں جو اَزمائش اِچ نہ پوؤ کیوں جو تُہاݙا رُوح تاں اِیویں کرَݨ چاہندے پَر تُہاݙا جسم کمزور ہے۔“ 42اَتے ݙُوجھی واری وَل اُوں وَنڄ کرائیں دُعا مَنگی، ”اَے میݙے باپ! جے ایہ پیالہ میݙے پیتے بغیر نَئیِں ٹل سڳدا تے وَل تیݙی مرضی پوری تِھیوے۔“ 43جݙّاں او واپس وَلیا تے وَلا ݙٹھا جو اُوندے شاگِرد سُتے پَئیِن کیوں جو اُنہیں دیاں اَکھیں نیندر کنُوں نُوٹیندیاں ویندیاں ہَن۔ 44اَتے او اُنہیں کُوں وَلا چھوڑ کرائیں لڳا ڳیا اَتے تریجھی واری اِیہا دُعا کیتی۔ 45اِیندے بعد یِسُوع شاگِردئیں کولھ آیا اَتے اُنہیں کُوں آکھیا، ”تُساں ہُݨ تَئیِں سُتے اَتے اَرام کریندے پئے ہِوے؟ ݙیکھو او ویلا آ ڳئے جو اِبنِآدم یعنی مَیں گُناہگاریں دے حوالے کیتا وَنڄاں۔ 46اُٹھو آؤ ڄلُوں، ݙیکھو مَیکُوں دُشمن دے حوالے کرَݨ آلا آ ڳئے۔“
یِسُوع دی گرفتاری
(رَلدا مِلدا حوالہ: مرقس 14:43-50؛ لُوقا 22:47-53؛ یُوحنّا 18:3-12)
47یِسُوع ایہ ڳالھ کریندا ای پِیا ہا جو یہُوداہ جیرھا ٻارھاں خاص شاگِردئیں اِچوں ہِک ہا، پُڄ ڳیا اَتے اُوندے کٹھے ٻَہُوں وَݙّی بھِیڑ ہَئی جنہیں اپݨے ہَتھیں اِچ تلواراں اَتے سوٹے چاتے ہِوے ہَن، اُنہیں کُوں وَݙّے مذہبی پیشوائیں اَتے قوم دے وَݙّیرئیں بھیڄیا ہا۔ 48اَتے اُوں پکڑواوَݨ آلے اُنہیں کُوں ایہ نِشانی ݙِتی ہَئی،”جَینکُوں مَیں چُمساں اُوہو یِسُوع ہوسی، اُونکُوں پکڑ گھِناہے۔“ 49اَتے یہُوداہ سیدھا یِسُوع کولھ آیا اَتے آکھیا،”اُستاد! سلام“ اَتے اُونکُوں چُمیا۔ 50اَتے یِسُوع اُونکُوں آکھیا، ”سنگتی! تُوں جیرھے کَم کیتے اِتھاں اَئیں، اُوہو کر،“ اِیندے بعد اُنہیں یِسُوع کُوں پکڑ کرائیں گرفتار کر گھِدا۔ 51ایہ ݙیکھ کرائیں یِسُوع دے شاگِردئیں اِچوں ہِک شاگِرد اپݨی تلوار چِھک کرائیں مذہبی اَڳواݨ دے ٻاہنے اُتے وار کیتا اَتے اُوندا کَن کَپ ݙِتا۔ 52یِسُوع اُونکُوں آکھیا، ”اپݨی تلوار کُوں میان اِچ رکھ گھِن کیوں جو جیرھے وی تلوار چَیندِن او تلوار نال مَرسِن۔ 53یا کیا تُوں ایہ نَئیِں سمجھدا جو مَیں اپݨے اَسمانی باپ کُوں دَرخاست کراں تاں او میݙے کیتے ہزاراں فرِشتئیِں دا لشکر بھیڄ ݙیسی؟ 54وَل پاک کلام اِچ لکھیاں ڳالھیں کیویں پوریاں تھِیسن؟“
55اونجھے ویلے یِسُوع بھِیڑ کُوں آکھیا، ”کیا مَیں کُوئی مجرم ہاں جو تُساں تلواراں اَتے سوٹے چا کرائیں مَیکُوں پکڑݨ کیتے آئے ہِوے؟ مَیں تاں روز ہَیکل اِچ ٻَہہ کرائیں تعلیم ݙِیندا ریہاں پَر تُساں مَیکُوں نَئیِں پکڑیا۔ 56ہُݨ ایہ سب کُجھ اِیں کیتے تھِیندا پئے جو نبیئیں دے صحیفیئیں اِچ لکھیاں ڳالھیں پوریاں تھِیوَن۔“
ایہ سُݨ کرائیں اُوندے سارے شاگِرد اُونکُوں چھوڑ کرائیں بَھڄ ڳئے۔
یِسُوع دی مذہبی عدالت اِچ پیشی
(رَلدا مِلدا حوالہ: مرقس 14:53-65؛ لُوقا 22:54-55، 63-71؛ یُوحنّا 18:13-14، 19-24)
57جنہیں یِسُوع کُوں پکڑیا ہا او اُونکُوں مذہبی اَڳواݨ کائِفا کولھ گھِن ڳئے جِتھاں شرع دے عالم اَتے قوم دے وَݙّیرے کٹھے ہَن۔ 58اَتے پطرس وی پَرے کنُوں یِسُوع دے پِچھُوں مذہبی اَڳواݨ دے ویہڑے تَئیِں پُڄ ڳیا اَتے اندروں آ کرائیں نوکریں دے نال ٻَہہ ڳیا جو ݙیکھے کیا تھِیندے۔ 59وَݙّے مذہبی پیشوائیں اَتے وَݙّی مذہبی عدالت دے سارے رُکن یِسُوع دے خلاف کُوڑی گواہیاں ڳولیندے پئے ہَن جو اُونکُوں موت دی سزا ݙِیواوَݨ۔ 60ٻَہُوں سارے کُوڑے گواہ سامݨے آئے پَر اِینجھی گواہی کُوئی نہ مِلی اَتے اِیندے بعد ݙُو بندے سامݨے آئے۔ 61اَتے ایہ ڳالھ آکھی جو اِیں آکھیئے،”مَیں ہَیکل کُوں ڈھا کرائیں ترائے ݙیہاڑیں اِچ وَلا بݨا سڳداں۔“ 62وَل مذہبی اَڳواݨ کھڑے تھی کرائیں آکھیا، ”کیا تُوں کُوئی جواب نہ ݙیسیں؟ ایہ کیا گواہیاں ہِن جو ایہ لوک تیݙے خلاف ݙیندے پَئیِن؟“ 63پَر یِسُوع چُپ ریہا تاں مذہبی اَڳواݨ اُوں کنُوں ہِک ٻِیا سوال کیتا، ”مَیں تَیکُوں زندہ خُدا دی قَسم ݙے کرائیں پُچھداں جو کیا تُوں خُدا دا پُتر مسِیحا ہَئیِں؟“ 64یِسُوع اُونکُوں جواب ݙِتا، ”تَیں آپ آکھ ݙِتے اَتے مَیں تُساں سارئیں کُوں ݙسینداں جو تُساں اِبنِآدم یعنی مَیکُوں قادرِ مُطلِق دے سَڄے ہَتھ ٻیٹھا اَتے اَسمان دے بَدلئیں اُتے اَندا ݙیکھسو۔“ 65ایہ سُݨ کرائیں مذہبی اَڳواݨ اپݨا چولا پاڑ گھِدا اَتے آکھیا، ”اِیں کُفر اَلائے ہُݨ ساکُوں ٻئے گواہیں دی لوڑ کَینی تُساں آپ سُݨ گھِدے جو اِیں کُفر اَلوائے۔ 66ہُݨ تُہاݙی کیا صلاح ہے؟“ اُنہیں جواب ݙِتا، ”اِینکُوں موت دی سزا مِلݨی چاہیدی ہے۔“ 67وَل یِسُوع دے چہرے تے تُھکاں سَٹیاں اَتے اُونکُوں مُکّے مارے اَتے کُجھ لوکیں اُونکُوں چماٹاں مار کرائیں، 68آکھیا، ”اَے مسِیحا! ساݙے کیتے نبوت کر، ݙسا جو تَیکُوں کئیں ماریئے۔“
پطرس اِنکار کریندے
(رَلدا مِلدا حوالہ: مرقس 14:66-72؛ لُوقا 22:56-62؛ یُوحنّا 18:15-18، 25-27)
69اَتے پطرس ٻاہر ویہڑے اِچ ٻیٹھا ہا اَتے ہِک ٻاہنی اُوندے کولھ اَئی اَتے آکھیا، ”تُوں وی صوبہ گلِیل دے یِسُوع دے نال ہاویں۔“
70پَر پطرس اُنہیں سارئیں دے سامݨے ایہ آکھ کرائیں یِسُوع دا اِنکار کیتا، ”مَیں نَئیِں ڄاݨدا جو تُوں کیا ڳالھ کریندی پَئیں۔“ 71اَتے جݙّاں او ٻاہر وَنڄن آلے دَروازے دو ویندا پِیا ہا تاں اُتھاں ہِک ٻئی ٻاہنی پطرس کُوں ݙِٹھا اَتے نال کھڑے ہوئے لوکیں کُوں آکھیا، ”ایہ بندہ وی یِسُوع ناصری دے نال ہَئی۔“
72اَتے ݙُوجھی واری پطرس قَسم چا کرائیں اِنکار کیتا، ”مَیں اِیں بندے کُوں نَئیِں ڄاݨدا۔“
73کُجھ دیر بعد اُتھاں کھڑے کُجھ لوکیں پطرس دے کولھ آ کرائیں آکھیا، ”تیݙی ٻولی کنُوں صاف پتا لڳدے جو بیشک تُوں وی اُنہیں اِچوں ہَئیِں۔“
74ایہ سُݨ کرائیں پطرس ایہ آکھ کرائیں قَسم چاتی، ”میݙے اُتے لعنت ہووے جے مَیں کُوڑ مَریندا ہوواں، مَیں تاں اِیں بندے کُوں نَئیِں ڄاݨدا۔“
اَتے اونجھے ویلے کُکُڑ بانڳ ݙِتی، 75اَتے پطرس کُوں یِسُوع دی او ڳالھ یاد اَئی جیرھی یِسُوع اُونکُوں آکھی ہَئی،”کُکُڑ دے بانڳ ݙیوَݨ کنُوں پہلے تُوں ترائے واری ایہ آکھسیں جو تُوں مَیکُوں نَئیِں ڄاݨدا۔“ او ٻاہر نِکل ڳیا اَتے ٻُک ٻُک روندا ریہا۔
Currently Selected:
متّی 26: سرائیکی
Highlight
Share
Copy
Want to have your highlights saved across all your devices? Sign up or sign in
متّی دی راہِیں اِنجِیل
سرائیکی بولی اِچ
Gospel of Matthew in Common Saraiki (Test edition for limited distribution)
Copyright © 2023 The Pakistan Bible Society
All rights reserved Gospel of Matthew, in Common Saraiki (Test edition for limited distribution) Copyright © 2023 by The Pakistan Bible Society
Typesetting: CAP Department, Pakistan Bible Society
PUBLISHER: THE PAKISTAN BIBLE SOCIETY
متّی 26
26
یِسُوع کُوں سُولی اُتے ٹَنگݨ دی سازش
(رَلدا مِلدا حوالہ: مرقس 14:1-2؛ لُوقا 22:1-2؛ یُوحنّا 11:45-53)
1جیویں ای یِسُوع ایہ سارئیں ڳالھیں سِکھا ݙتیاں تاں اپݨے شاگِردئیں کُوں آکھیا، 2”تُساں ڄاݨدو جو ݙُو ݙینہہ بعد فسح دی عید شروع تھی ویسی اُوں ویلے اِبنِآدم یعنی مَیکُوں سُولی اُتے ٹَنگݨ کیتے حوالے کر ݙِتا ویسی۔“ 3وَل وَݙّے مذہبی پیشوا اَتے قوم دے وَݙیرے، مذہبی اَڳواݨ کائِفا دے مَحل اِچ کٹھے تھئے، 4اَتے صلاح کیتی جو یِسُوع کُوں چالاکی نال پکڑوا کرائیں جان کنُوں مار ݙِتا وَنڄے۔ 5اَتے آکھیا، ”ایہ عید اِچ نَئیِں تِھیوَݨا چاہیدا تاں جو عوام اِچ فساد نہ پئے وَنڄے۔“
ہِک تریمت دا یِسُوع کُوں عطر لاوَݨا
(رَلدا مِلدا حوالہ: مرقس 14:3-9؛ یُوحنّا 12:1-8)
6یِسُوع وستی بَیتعَنِّیاہ اِچ شمعُون دے گھر آیا جَینکُوں کوڑھ دی بیماری کنُوں شِفا مِلی ہَئی۔ 7یِسُوع کھاݨا کھاوݨ کیتے ٻیٹھا اَتے ہِک تریمت اَئی جَیندے کولھ سنگمَرمَر دے عِطردان اِچ ٻَہُوں قیمتی عِطر ہَئی، اُوں عِطر کُوں یِسُوع دے سِر اُتے وِیٹ ݙِتا۔ 8شاگِرد ایہ ݙیکھ کرائیں ناراض تھئے اَتے آکھݨ لڳے،”اِتنا قیمتی عِطر کیوں ضائع کر ݙِتا ڳئے؟ 9اِینکُوں تاں ٻَہُوں پیسیں دا ویچ کرائیں اُنہیں پیسیں نال غریبیں دی مدد کر سڳدے ہاسے۔“ 10اَتے یِسُوع ایہ ڄاݨدے ہوئیں اُنہیں کُوں آکھیا، ”تُساں اِینکُوں کیوں تنگ کریندے ہِوے؟ اِیں تریمت تاں میݙے نال چَنڳائی کیتی ہے؛ 11غریب لوک تاں ہمیشاں تُہاݙے کولھ ہوسِن پئے، پَر مَیں تُہاݙے کولھ ہمیشاں نہ رَہساں، 12سچّی ڳالھ تاں ایہ ہے جو اِیں میݙے بدن اُتے عِطر وِیٹ کرائیں میݙے دفن دی تیاری کیتی ہے۔ 13مَیں تُہاکُوں سچّ اَہداں جو ساری دُنیاں اِچ جِتھاں وی خُوشخبری دا پرچار کیتا ویسی اُتھاں اِیں تریمت دے اِیں کَم کُوں وی یاد کیتا ویسی۔“
یِسُوع کُوں پکڑواوَݨ دی سازش
(رَلدا مِلدا حوالہ: مرقس 14:10-11؛ لُوقا 22:3-6)
14اِیندے بعد اُنہیں ٻارھاں اِچوں ہِک خاص شاگِرد جَیندا ناں یہُوداہ اِسکریُوتی ہَئی وَݙّے مذہبی پیشوائیں کولھ ڳیا 15اُوں آکھیا، ”جے مَیں اُونکُوں تُہاݙے حوالے کر ݙیواں تاں مَیکُوں کیا ݙیسو؟“ اُنہیں اُونکُوں چاندی دے تَریہہ سِکّے تول کرائیں ݙے ݙِتے۔ 16اَتے اِیندے بعد او اُونکُوں پکڑاوَݨ دا موقع ڳولݨ لڳ پِیا۔
یِسُوع اپݨے شاگِردئیں نال فسح دا کھاݨا کھندِن
(رَلدا مِلدا حوالہ: مرقس 14:12-21؛ لُوقا 22:7-13، 21-23؛ یُوحنّا 13:21-30)
17بغیر خمیر والی روٹی دی عید دے پہلے ݙینہہ شاگِردئیں یِسُوع دے کولھ آ کرائیں پُچھیا، ”تُوں کِتھاں چاہندیں جو تیݙے کیتے فسح کھاوَݨ دی تیاری کروں؟“ 18اُوں جواب ݙِتا، ”شہر اِچ فلاں بندے کولھ وَنڄو اَتے اُونکُوں آکھو اُستاد اَہدا پئے جو میݙا مقرر تھِیا ویلا نیڑے آ ڳئے، مَیں اپݨے شاگِردئیں دے نال فسح دی عید دا کھاݨا تیݙے گھر اِچ کھاوَݨ اَوساں۔“ 19شاگِردئیں اُونویں کیتا جیویں یِسُوع اُنہیں کُوں آکھیا ہا اَتے اُنہیں فسح دی عید دا کھاݨا تیار کیتا۔
20شام ویلے یِسُوع ٻارھاں خاص شاگِردئیں دے کٹھے کھاݨا کھاوَݨ ٻیٹھا۔ 21جݙّاں او کھاݨا کَھندے پئے ہَن تے اُوں آکھیا، ”مَیں تُہاکُوں سچّ اَہداں جو تُہاݙے اِچوں ہِک مَیکُوں پکڑوا ݙیسی۔“ 22شاگِرد ایہ سُݨ کرائیں ٻَہُوں ݙُکھی تھئے اَتے واری واری اُوں کنُوں پُچھݨ لڳے، ”اَے خُداوند! او مَیں تاں نَئیِں؟“ 23یِسُوع جواب ݙِتا،”جَیں میݙے نال پیالے اِچ گِراں ٻوڑیے اُوہو مَیکُوں پکڑوا ݙیسی۔ 24اِبنِآدم یعنی مَیں تاں جیویں میݙے کیتے پاک کلام اِچ لکھیا لاتھے، مَرساں، پَر اُوں بندے تے افسوس ہے جَیندی وجہ کنُوں مَیں پکڑوایا وینداں،اُوں بندے کیتے چَنڳاں ہوندا جے او پیدا ای نہ تھِیندا۔“
25وَل یُہوداہ جیرھا اُونکُوں پکڑواوَݨ کُوں ہَئی، فوراً آکھیا، ”اُستاد! مَیں تاں نِمی؟“ یِسُوع اُونکُوں جواب ݙِتا، ”تَیں تاں آپ آکھ ݙِتے۔“
عشائے ربّانی
(رَلدا مِلدا حوالہ: مرقس 14:22-26؛ لُوقا 22:14-20؛ 1-کرنتھیوں 11:23-25)
26جیرھے ویلے شاگِرد کَھندے ٻیٹھے ہَن تاں یِسُوع روٹی چا کرائیں شُکرانے دی دُعا مَنگی اَتے اُونکُوں تَڑور کرائیں شاگِردئیں کُوں ݙیندئیں ہوئیں آکھیا، ”ایہ گھِنو اَتے کھاؤ ایہ میݙا بدن ہے۔“ 27وَل پیالہ چا کرائیں شُکرانے دی دُعا منگی اَتے شاگِردئیں کُوں ݙیندئیں ہوئیں آکھیا، ”تُساں سارے اِیندے اِچوں پیو۔ 28ایہ میݙے عہد دا او خون ہے جیرھا ٻَہُوں سارئیں کیتے وہایا ویندے، تاں جو اُنہیں دے گُناہیں کُوں مُعاف کیتا وَنڄے۔ 29مَیں تُہاکُوں اَہداں جو اَنگور دا رَس اُوں ݙینہہ تَئیِں نہ پِیساں جݙّاں تَئِیں تُساں میݙے اَسمانی باپ دی بادشاہی اِچ میݙے نال نہ ہوسو۔“ 30اَتے خُدا دی حمدوثنا کرَݨ دے بعد او زَیتُون دے پہاڑ دو لڳے ڳئے۔
پطرس دے اِنکار دی پیشینگوئی
(رَلدا مِلدا حوالہ: مرقس 14:27-31؛ لُوقا 22:31-34؛ یُوحنّا 13:36-38)
31اِیندے بعد یِسُوع اپݨے شاگِردئیں کُوں آکھیا، ”تُساں اَڄ رات ای مَیکُوں چھوڑ کرائیں بَھڄ ویسو کیوں جو پاککلام اِچ لِکھیا لاتھے،
’مَیں آڄڑی کُوں مَریساں اَتے اَڄڑ دیاں بِھیݙاں کھِنݙو کھانݙ تھی ویسِن۔‘
32پَر مَیں اپݨے زندہ تھِیوَن دے بعد تُہاݙے کنُوں پہلے صوبہ گلِیل دو ویساں۔“ 33پطرس اُونکُوں آکھیا، ”بھانویں سارے تَیکُوں چھوڑ کرائیں بَھڄ وَنڄن پَر مَیں کݙاہیں تَیکُوں نہ چھوڑیساں۔“ 34یِسُوع اُونکُوں آکھیا، ”مَیں تَیکُوں سچّ اَہداں جو ہِیں رات کُکُڑ دے بانڳ ݙیوَݨ کنُوں پہلے تُوں ترائے واری میݙا اِنکار کریسیں۔“ 35پطرس جواب اِچ آکھیا، ”کَینا، بھانویں مَیکُوں تیݙے کٹھے مَرݨا ای پووے تاں وَل وی مَیں تیݙا اِنکار نہ کریساں۔“ اَتے سارے شاگِردئیں وی اِیویں آکھیا۔
یِسُوع گتسِمنی باغ اِچ دُعا منگدِن
(رَلدا مِلدا حوالہ: مرقس 14:32-42؛ لُوقا 22:39-46)
36اِیندے بعد یِسُوع اپݨے شاگِردئیں دے کٹھے ہِک باغ اِچ آیا جَیندا ناں گتسِمنی ہا اَتے اُوں شاگِردئیں کُوں آکھیا، ”تُساں اِتھائیں ٻَہہ وَنڄو اَتے مَیں دُعا منگݨ کیتے اَڳوں ویندا پِیاں۔“ 37وَل اُوں پطرس اَتے زبدی دے ݙُوہائیں پُتریں کُوں نال گھِدا اَتے او ݙُکھی اَتے پریشان تھِیوَن لڳا۔ 38اِیندے بعد یِسُوع اُنہیں کُوں آکھیا، ”میݙے دِل اِچ اِتنا ݙُکھ ہے جو مَیں مرݨ آلا ہاں اَتے تُساں اِتھائیں کھڑو اَتے میݙے کٹھے جاگدے رَہو۔“ 39اَتے اِیندے بعد کُجھ اَڳوں وَنڄ کرائیں یِسُوع مُونہہ دے بھرنے زمین اُتے ڈھہہ کرائیں اِیویں دُعا منگی، ”اَے میݙے باپ! جے تھی سڳے تاں ایہ پیالہ مَیں کنُوں ٹل وَنڄے وَل وی میݙی نَئیِں بلکہ تیݙی مرضی پوری تِھیوے۔“ 40دُعا منگݨ دے بعد او شاگِردئیں دو وَل آیا اَتے ݙِٹھا جو او سُتے پَئیِن اَتے اُوں پطرس کنُوں پُچھیا، ”کیا تُساں گَھنٹہ کَھن وی میݙے کٹھے جاگ نا سڳئے؟ 41جاگدے رَہو اَتے دُعا منگدے رَہو تاں جو اَزمائش اِچ نہ پوؤ کیوں جو تُہاݙا رُوح تاں اِیویں کرَݨ چاہندے پَر تُہاݙا جسم کمزور ہے۔“ 42اَتے ݙُوجھی واری وَل اُوں وَنڄ کرائیں دُعا مَنگی، ”اَے میݙے باپ! جے ایہ پیالہ میݙے پیتے بغیر نَئیِں ٹل سڳدا تے وَل تیݙی مرضی پوری تِھیوے۔“ 43جݙّاں او واپس وَلیا تے وَلا ݙٹھا جو اُوندے شاگِرد سُتے پَئیِن کیوں جو اُنہیں دیاں اَکھیں نیندر کنُوں نُوٹیندیاں ویندیاں ہَن۔ 44اَتے او اُنہیں کُوں وَلا چھوڑ کرائیں لڳا ڳیا اَتے تریجھی واری اِیہا دُعا کیتی۔ 45اِیندے بعد یِسُوع شاگِردئیں کولھ آیا اَتے اُنہیں کُوں آکھیا، ”تُساں ہُݨ تَئیِں سُتے اَتے اَرام کریندے پئے ہِوے؟ ݙیکھو او ویلا آ ڳئے جو اِبنِآدم یعنی مَیں گُناہگاریں دے حوالے کیتا وَنڄاں۔ 46اُٹھو آؤ ڄلُوں، ݙیکھو مَیکُوں دُشمن دے حوالے کرَݨ آلا آ ڳئے۔“
یِسُوع دی گرفتاری
(رَلدا مِلدا حوالہ: مرقس 14:43-50؛ لُوقا 22:47-53؛ یُوحنّا 18:3-12)
47یِسُوع ایہ ڳالھ کریندا ای پِیا ہا جو یہُوداہ جیرھا ٻارھاں خاص شاگِردئیں اِچوں ہِک ہا، پُڄ ڳیا اَتے اُوندے کٹھے ٻَہُوں وَݙّی بھِیڑ ہَئی جنہیں اپݨے ہَتھیں اِچ تلواراں اَتے سوٹے چاتے ہِوے ہَن، اُنہیں کُوں وَݙّے مذہبی پیشوائیں اَتے قوم دے وَݙّیرئیں بھیڄیا ہا۔ 48اَتے اُوں پکڑواوَݨ آلے اُنہیں کُوں ایہ نِشانی ݙِتی ہَئی،”جَینکُوں مَیں چُمساں اُوہو یِسُوع ہوسی، اُونکُوں پکڑ گھِناہے۔“ 49اَتے یہُوداہ سیدھا یِسُوع کولھ آیا اَتے آکھیا،”اُستاد! سلام“ اَتے اُونکُوں چُمیا۔ 50اَتے یِسُوع اُونکُوں آکھیا، ”سنگتی! تُوں جیرھے کَم کیتے اِتھاں اَئیں، اُوہو کر،“ اِیندے بعد اُنہیں یِسُوع کُوں پکڑ کرائیں گرفتار کر گھِدا۔ 51ایہ ݙیکھ کرائیں یِسُوع دے شاگِردئیں اِچوں ہِک شاگِرد اپݨی تلوار چِھک کرائیں مذہبی اَڳواݨ دے ٻاہنے اُتے وار کیتا اَتے اُوندا کَن کَپ ݙِتا۔ 52یِسُوع اُونکُوں آکھیا، ”اپݨی تلوار کُوں میان اِچ رکھ گھِن کیوں جو جیرھے وی تلوار چَیندِن او تلوار نال مَرسِن۔ 53یا کیا تُوں ایہ نَئیِں سمجھدا جو مَیں اپݨے اَسمانی باپ کُوں دَرخاست کراں تاں او میݙے کیتے ہزاراں فرِشتئیِں دا لشکر بھیڄ ݙیسی؟ 54وَل پاک کلام اِچ لکھیاں ڳالھیں کیویں پوریاں تھِیسن؟“
55اونجھے ویلے یِسُوع بھِیڑ کُوں آکھیا، ”کیا مَیں کُوئی مجرم ہاں جو تُساں تلواراں اَتے سوٹے چا کرائیں مَیکُوں پکڑݨ کیتے آئے ہِوے؟ مَیں تاں روز ہَیکل اِچ ٻَہہ کرائیں تعلیم ݙِیندا ریہاں پَر تُساں مَیکُوں نَئیِں پکڑیا۔ 56ہُݨ ایہ سب کُجھ اِیں کیتے تھِیندا پئے جو نبیئیں دے صحیفیئیں اِچ لکھیاں ڳالھیں پوریاں تھِیوَن۔“
ایہ سُݨ کرائیں اُوندے سارے شاگِرد اُونکُوں چھوڑ کرائیں بَھڄ ڳئے۔
یِسُوع دی مذہبی عدالت اِچ پیشی
(رَلدا مِلدا حوالہ: مرقس 14:53-65؛ لُوقا 22:54-55، 63-71؛ یُوحنّا 18:13-14، 19-24)
57جنہیں یِسُوع کُوں پکڑیا ہا او اُونکُوں مذہبی اَڳواݨ کائِفا کولھ گھِن ڳئے جِتھاں شرع دے عالم اَتے قوم دے وَݙّیرے کٹھے ہَن۔ 58اَتے پطرس وی پَرے کنُوں یِسُوع دے پِچھُوں مذہبی اَڳواݨ دے ویہڑے تَئیِں پُڄ ڳیا اَتے اندروں آ کرائیں نوکریں دے نال ٻَہہ ڳیا جو ݙیکھے کیا تھِیندے۔ 59وَݙّے مذہبی پیشوائیں اَتے وَݙّی مذہبی عدالت دے سارے رُکن یِسُوع دے خلاف کُوڑی گواہیاں ڳولیندے پئے ہَن جو اُونکُوں موت دی سزا ݙِیواوَݨ۔ 60ٻَہُوں سارے کُوڑے گواہ سامݨے آئے پَر اِینجھی گواہی کُوئی نہ مِلی اَتے اِیندے بعد ݙُو بندے سامݨے آئے۔ 61اَتے ایہ ڳالھ آکھی جو اِیں آکھیئے،”مَیں ہَیکل کُوں ڈھا کرائیں ترائے ݙیہاڑیں اِچ وَلا بݨا سڳداں۔“ 62وَل مذہبی اَڳواݨ کھڑے تھی کرائیں آکھیا، ”کیا تُوں کُوئی جواب نہ ݙیسیں؟ ایہ کیا گواہیاں ہِن جو ایہ لوک تیݙے خلاف ݙیندے پَئیِن؟“ 63پَر یِسُوع چُپ ریہا تاں مذہبی اَڳواݨ اُوں کنُوں ہِک ٻِیا سوال کیتا، ”مَیں تَیکُوں زندہ خُدا دی قَسم ݙے کرائیں پُچھداں جو کیا تُوں خُدا دا پُتر مسِیحا ہَئیِں؟“ 64یِسُوع اُونکُوں جواب ݙِتا، ”تَیں آپ آکھ ݙِتے اَتے مَیں تُساں سارئیں کُوں ݙسینداں جو تُساں اِبنِآدم یعنی مَیکُوں قادرِ مُطلِق دے سَڄے ہَتھ ٻیٹھا اَتے اَسمان دے بَدلئیں اُتے اَندا ݙیکھسو۔“ 65ایہ سُݨ کرائیں مذہبی اَڳواݨ اپݨا چولا پاڑ گھِدا اَتے آکھیا، ”اِیں کُفر اَلائے ہُݨ ساکُوں ٻئے گواہیں دی لوڑ کَینی تُساں آپ سُݨ گھِدے جو اِیں کُفر اَلوائے۔ 66ہُݨ تُہاݙی کیا صلاح ہے؟“ اُنہیں جواب ݙِتا، ”اِینکُوں موت دی سزا مِلݨی چاہیدی ہے۔“ 67وَل یِسُوع دے چہرے تے تُھکاں سَٹیاں اَتے اُونکُوں مُکّے مارے اَتے کُجھ لوکیں اُونکُوں چماٹاں مار کرائیں، 68آکھیا، ”اَے مسِیحا! ساݙے کیتے نبوت کر، ݙسا جو تَیکُوں کئیں ماریئے۔“
پطرس اِنکار کریندے
(رَلدا مِلدا حوالہ: مرقس 14:66-72؛ لُوقا 22:56-62؛ یُوحنّا 18:15-18، 25-27)
69اَتے پطرس ٻاہر ویہڑے اِچ ٻیٹھا ہا اَتے ہِک ٻاہنی اُوندے کولھ اَئی اَتے آکھیا، ”تُوں وی صوبہ گلِیل دے یِسُوع دے نال ہاویں۔“
70پَر پطرس اُنہیں سارئیں دے سامݨے ایہ آکھ کرائیں یِسُوع دا اِنکار کیتا، ”مَیں نَئیِں ڄاݨدا جو تُوں کیا ڳالھ کریندی پَئیں۔“ 71اَتے جݙّاں او ٻاہر وَنڄن آلے دَروازے دو ویندا پِیا ہا تاں اُتھاں ہِک ٻئی ٻاہنی پطرس کُوں ݙِٹھا اَتے نال کھڑے ہوئے لوکیں کُوں آکھیا، ”ایہ بندہ وی یِسُوع ناصری دے نال ہَئی۔“
72اَتے ݙُوجھی واری پطرس قَسم چا کرائیں اِنکار کیتا، ”مَیں اِیں بندے کُوں نَئیِں ڄاݨدا۔“
73کُجھ دیر بعد اُتھاں کھڑے کُجھ لوکیں پطرس دے کولھ آ کرائیں آکھیا، ”تیݙی ٻولی کنُوں صاف پتا لڳدے جو بیشک تُوں وی اُنہیں اِچوں ہَئیِں۔“
74ایہ سُݨ کرائیں پطرس ایہ آکھ کرائیں قَسم چاتی، ”میݙے اُتے لعنت ہووے جے مَیں کُوڑ مَریندا ہوواں، مَیں تاں اِیں بندے کُوں نَئیِں ڄاݨدا۔“
اَتے اونجھے ویلے کُکُڑ بانڳ ݙِتی، 75اَتے پطرس کُوں یِسُوع دی او ڳالھ یاد اَئی جیرھی یِسُوع اُونکُوں آکھی ہَئی،”کُکُڑ دے بانڳ ݙیوَݨ کنُوں پہلے تُوں ترائے واری ایہ آکھسیں جو تُوں مَیکُوں نَئیِں ڄاݨدا۔“ او ٻاہر نِکل ڳیا اَتے ٻُک ٻُک روندا ریہا۔
Currently Selected:
:
Highlight
Share
Copy
Want to have your highlights saved across all your devices? Sign up or sign in
متّی دی راہِیں اِنجِیل
سرائیکی بولی اِچ
Gospel of Matthew in Common Saraiki (Test edition for limited distribution)
Copyright © 2023 The Pakistan Bible Society
All rights reserved Gospel of Matthew, in Common Saraiki (Test edition for limited distribution) Copyright © 2023 by The Pakistan Bible Society
Typesetting: CAP Department, Pakistan Bible Society
PUBLISHER: THE PAKISTAN BIBLE SOCIETY