متّی 28
28
یِسُوع مُردئیں اِچوں زندہ تھِیندِن
(رَلدا مِلدا حوالہ: مرقس 16:1-10؛ لُوقا 24:1-12؛ یُوحنّا 20:1-10)
1سبت دے بعد آݙت دے ݙینہہ دھمی ویلے مریم مگدلینی اَتے ݙُوجھی مریم قبر کُوں ݙیکھݨ اَئیاں۔ 2اَتے ݙیکھو ہِک وَݙّا زلزلہ آیا کیوں جو خُدا دا فرِشتہ اَسمان کنُوں لَہہ آیا اَتے قبر دے کولھ آ کرائیں اُوں پَتھر کُوں ہِک پاسے ریڑھ ݙِتا اَتے اُوندے اُتے ٻَہہ ڳیا۔ 3اَتے اُوندی شکل بجلی وانگوں چَمکدار ہَئی اَتے اُوندا چولا بَرف وانگوں چِٹا ہَئی۔ 4اَتے اُوندے ݙَر کنُوں پہرے داریں کُوں کمبݨی چھُٹ ڳئی اَتے او مُردئیں وانگوں تھی ڳئے۔
5فرِشتے، تریمتیں کُوں آکھیا، ”تُساں نہ ݙَرو کیوں جو مَیکُوں پتا ہے جو تُساں یِسُوع کُوں ڳولیندیاں ہِوے جیرھا سُولی اُتے چڑھایا ڳیا ہا۔ 6او اِتھاں کَینی کیوں جو او اپݨے آکھݨ دے مطابق زندہ تھی ڳئے۔ آؤ ایہ جاہ ݙیکھو جِتھاں اُوندی میّت رکھی ڳئی ہَئی۔ 7اَتے ہُݨ جلدی نال اُوندے شاگِردئیں کُوں وَنڄ ݙساؤ جو او مُردئیں اِچوں زندہ تھی ڳئے اَتے تُہاݙے کنُوں پہلے صوبہ گلِیل دو ویندا پئے۔ اُتھاں تُساں یِسُوع کُوں ݙیکھسو، مَیں تُہاکُوں ساری ڳالھ ݙسا ݙِتی ہے اِینکُوں وِسار نہ ݙیوائے۔“
8اَتے او ݙَریاں ہوئیاں پَر ٻَہُوں خُش وی ہَن اَتے قبر کنُوں بھڄدیاں ڳئیاں جو اُوندے شاگِردئیں کُوں ݙساوِن۔
9اَتے ݙیکھو یِسُوع اُنہیں کُوں اچانک مِلیا اَتے سلام کیتا۔ وَل او تریمتیں اُوندے کولھ اَئیاں اَتے اُوندے اَڳوں جُھک کرائیں اُونکُوں سِجدہ کیتا۔ 10اَتے یِسُوع اُنہیں کُوں آکھیا، ”ݙَرو نہ، وَنڄو اَتے میݙے بِھراویں کُوں آکھو جو او صوبہ گلِیل دو لڳے وَنڄن اَتے او اُتھاں مَیکُوں ݙیکھسِن۔“
قبر دے پہرےداریں دا بیان
11جݙّاں او ویندیاں پِیاں ہَن تاں ݙیکھو پہرےداریں اِچوں کُجھ شہر اِچ وَنڄ کرائیں وَݙّے مذہبی پیشوائیں کُوں ساریاں ڳالھیں ݙسائیاں۔ 12اَتے وَݙّے مذہبی پیشوائیں، قوم دے وَݙّیرئیں نال کٹھے تھی کرائیں صلاح کیتی اَتے سپاہئیِں کُوں رشوت ݙے کرائیں آکھیا، 13جو”تُساں ایہ اَکھاہے جو اَساں رات کُوں سُتے پئے ہاسے اَتے اُوندے شاگِرد آ کرائیں اُوندی میّت چوری چا ڳئین۔“ 14اَتے جے ایہ خبر گورنر تَئیِں پُڄسِی تاں اَساں اُونکُوں سمجھا گھِنسوں اَتے تُہاکُوں فکر کرَݨ دی لوڑ کَینی۔
15اَتے اُنہیں رشوت گھِن کرائیں اُونویں کیتا جیویں اُنہیں کُوں کرَݨ دا آکھیا ڳیا ہا۔ اَتے ایہ ڳالھ اَڄ تَئیِں بنی اِسرائیل اِچ مشہور ہے۔
یِسُوع دا اپݨے شاگِردئیں تے ظاہر تھِیوَن
(رَلدا مِلدا حوالہ: مرقس 16:14-18؛ لُوقا 24:36-49؛ یُوحنّا 20:19-23؛ اعمال 1:6-8)
16اَتے یِسُوع دے یارھاں خاص شاگِرد صوبہ گلِیل دے اُوں پہاڑ دو لڳے ڳئے جَیندا یِسُوع اُنہیں کُوں حُکم ݙِتا ہا۔ 17اَتے اُنہیں یِسُوع کُوں ݙیکھ کرائیں اُونکُوں سِجدہ کیتا پَر اُنہیں اِچوں کُجھ شک وی کیتا۔ 18یِسُوع اُنہیں دے کولھ آ کرائیں آکھیا، ”اَسمان اَتے زمین دا کُل اِختیار مَیکُوں ݙے ݙِتا ڳئے۔ 19وَنڄو اَتے ساری قومیں کُوں شاگِرد بݨاؤ اَتے اُنہیں کُوں باپ، پُتر اَتے خُدا دے پاکرُوح دے ناں اِچ بپتِسمہ ݙیو۔ 20اَتے اُنہیں کُوں تعلیم ݙیو جو او اُنہیں سارئیں ڳالھیں تے عمل کرَݨ جنہیں دا مَیں تُہاکُوں حُکم ݙِتے اَتے ݙیکھو مَیں دُنیاں دے آخر تَئیِں ہمیشاں تُہاݙے نال ہاں۔“
Currently Selected:
متّی 28: سرائیکی
Highlight
Share
Copy
Want to have your highlights saved across all your devices? Sign up or sign in
متّی دی راہِیں اِنجِیل
سرائیکی بولی اِچ
Gospel of Matthew in Common Saraiki (Test edition for limited distribution)
Copyright © 2023 The Pakistan Bible Society
All rights reserved Gospel of Matthew, in Common Saraiki (Test edition for limited distribution) Copyright © 2023 by The Pakistan Bible Society
Typesetting: CAP Department, Pakistan Bible Society
PUBLISHER: THE PAKISTAN BIBLE SOCIETY
متّی 28
28
یِسُوع مُردئیں اِچوں زندہ تھِیندِن
(رَلدا مِلدا حوالہ: مرقس 16:1-10؛ لُوقا 24:1-12؛ یُوحنّا 20:1-10)
1سبت دے بعد آݙت دے ݙینہہ دھمی ویلے مریم مگدلینی اَتے ݙُوجھی مریم قبر کُوں ݙیکھݨ اَئیاں۔ 2اَتے ݙیکھو ہِک وَݙّا زلزلہ آیا کیوں جو خُدا دا فرِشتہ اَسمان کنُوں لَہہ آیا اَتے قبر دے کولھ آ کرائیں اُوں پَتھر کُوں ہِک پاسے ریڑھ ݙِتا اَتے اُوندے اُتے ٻَہہ ڳیا۔ 3اَتے اُوندی شکل بجلی وانگوں چَمکدار ہَئی اَتے اُوندا چولا بَرف وانگوں چِٹا ہَئی۔ 4اَتے اُوندے ݙَر کنُوں پہرے داریں کُوں کمبݨی چھُٹ ڳئی اَتے او مُردئیں وانگوں تھی ڳئے۔
5فرِشتے، تریمتیں کُوں آکھیا، ”تُساں نہ ݙَرو کیوں جو مَیکُوں پتا ہے جو تُساں یِسُوع کُوں ڳولیندیاں ہِوے جیرھا سُولی اُتے چڑھایا ڳیا ہا۔ 6او اِتھاں کَینی کیوں جو او اپݨے آکھݨ دے مطابق زندہ تھی ڳئے۔ آؤ ایہ جاہ ݙیکھو جِتھاں اُوندی میّت رکھی ڳئی ہَئی۔ 7اَتے ہُݨ جلدی نال اُوندے شاگِردئیں کُوں وَنڄ ݙساؤ جو او مُردئیں اِچوں زندہ تھی ڳئے اَتے تُہاݙے کنُوں پہلے صوبہ گلِیل دو ویندا پئے۔ اُتھاں تُساں یِسُوع کُوں ݙیکھسو، مَیں تُہاکُوں ساری ڳالھ ݙسا ݙِتی ہے اِینکُوں وِسار نہ ݙیوائے۔“
8اَتے او ݙَریاں ہوئیاں پَر ٻَہُوں خُش وی ہَن اَتے قبر کنُوں بھڄدیاں ڳئیاں جو اُوندے شاگِردئیں کُوں ݙساوِن۔
9اَتے ݙیکھو یِسُوع اُنہیں کُوں اچانک مِلیا اَتے سلام کیتا۔ وَل او تریمتیں اُوندے کولھ اَئیاں اَتے اُوندے اَڳوں جُھک کرائیں اُونکُوں سِجدہ کیتا۔ 10اَتے یِسُوع اُنہیں کُوں آکھیا، ”ݙَرو نہ، وَنڄو اَتے میݙے بِھراویں کُوں آکھو جو او صوبہ گلِیل دو لڳے وَنڄن اَتے او اُتھاں مَیکُوں ݙیکھسِن۔“
قبر دے پہرےداریں دا بیان
11جݙّاں او ویندیاں پِیاں ہَن تاں ݙیکھو پہرےداریں اِچوں کُجھ شہر اِچ وَنڄ کرائیں وَݙّے مذہبی پیشوائیں کُوں ساریاں ڳالھیں ݙسائیاں۔ 12اَتے وَݙّے مذہبی پیشوائیں، قوم دے وَݙّیرئیں نال کٹھے تھی کرائیں صلاح کیتی اَتے سپاہئیِں کُوں رشوت ݙے کرائیں آکھیا، 13جو”تُساں ایہ اَکھاہے جو اَساں رات کُوں سُتے پئے ہاسے اَتے اُوندے شاگِرد آ کرائیں اُوندی میّت چوری چا ڳئین۔“ 14اَتے جے ایہ خبر گورنر تَئیِں پُڄسِی تاں اَساں اُونکُوں سمجھا گھِنسوں اَتے تُہاکُوں فکر کرَݨ دی لوڑ کَینی۔
15اَتے اُنہیں رشوت گھِن کرائیں اُونویں کیتا جیویں اُنہیں کُوں کرَݨ دا آکھیا ڳیا ہا۔ اَتے ایہ ڳالھ اَڄ تَئیِں بنی اِسرائیل اِچ مشہور ہے۔
یِسُوع دا اپݨے شاگِردئیں تے ظاہر تھِیوَن
(رَلدا مِلدا حوالہ: مرقس 16:14-18؛ لُوقا 24:36-49؛ یُوحنّا 20:19-23؛ اعمال 1:6-8)
16اَتے یِسُوع دے یارھاں خاص شاگِرد صوبہ گلِیل دے اُوں پہاڑ دو لڳے ڳئے جَیندا یِسُوع اُنہیں کُوں حُکم ݙِتا ہا۔ 17اَتے اُنہیں یِسُوع کُوں ݙیکھ کرائیں اُونکُوں سِجدہ کیتا پَر اُنہیں اِچوں کُجھ شک وی کیتا۔ 18یِسُوع اُنہیں دے کولھ آ کرائیں آکھیا، ”اَسمان اَتے زمین دا کُل اِختیار مَیکُوں ݙے ݙِتا ڳئے۔ 19وَنڄو اَتے ساری قومیں کُوں شاگِرد بݨاؤ اَتے اُنہیں کُوں باپ، پُتر اَتے خُدا دے پاکرُوح دے ناں اِچ بپتِسمہ ݙیو۔ 20اَتے اُنہیں کُوں تعلیم ݙیو جو او اُنہیں سارئیں ڳالھیں تے عمل کرَݨ جنہیں دا مَیں تُہاکُوں حُکم ݙِتے اَتے ݙیکھو مَیں دُنیاں دے آخر تَئیِں ہمیشاں تُہاݙے نال ہاں۔“
Currently Selected:
:
Highlight
Share
Copy
Want to have your highlights saved across all your devices? Sign up or sign in
متّی دی راہِیں اِنجِیل
سرائیکی بولی اِچ
Gospel of Matthew in Common Saraiki (Test edition for limited distribution)
Copyright © 2023 The Pakistan Bible Society
All rights reserved Gospel of Matthew, in Common Saraiki (Test edition for limited distribution) Copyright © 2023 by The Pakistan Bible Society
Typesetting: CAP Department, Pakistan Bible Society
PUBLISHER: THE PAKISTAN BIBLE SOCIETY