Pogsiog Nang 13
13
Barnabasap Saulusap wepsiekti pogsieka
1Saulusap Barnabasap samoro yarek li as Antiokhia Yesusag sikne aro seneragtop nimi winil dalamek nimi anabiag Allahri yubu silimu tiptop nimi Allah yubu tibin nenero ambatsirop nimi wamek. Allahri yubu silimu tipto tibin nenero ambatsirop nimi taneko sina, Barnabasap, Simeon si nhon Nigerap#13:1 Kosarek yubuag “piringe” aro alamek., mog so'o Kirene nimi nhon si Lukiusap, Saulusap, Menahemap wamek. Menahem ponekona yubu sia leropne Herodesap nhon mo'obahiekpa, Herodes elkae Menahem wamog. Sin Allahri yubu silimu tiptop nimi wamekti, as Antiokhia nimi Yesusag sikne aro seneragtop nimiap nhon winil dalamek. 2Ik nhon sum kwaneng ten koma nu Saelba Uhiropne omeklamek nimi yeplamsiekti wamekpa, Allah Eldamne Yame Walinge nenekori yubu lebog. Yubu lelamogti, “Nari samenag, ‘Uanun,’ sembanori Barnabasap Saulusap, ‘Nari sae tarikti, nari awe tolamtukang,’ aro wepto pipsinori yoplamsin. A'un Antiokhia nimiri sinag ambatsimundi, ‘Ot Allahri, “Undo-undo tolamturom,” selenge aghabog tolamturom,’ aro sin phende wepsimundi pogsululom,” aro ambatsiog.
3Wene aro Allahri ambatsiogpa, nen kwaneng tero koma Allahag molona moloro wameka Saulusap Barnabasap nongag sae palilamsiekti, “Allahri awe tol pururom,” aro pogsiek.
Barnabasap Saulusap mag alip toman agha Siprus pireka
4Allah Eldamne Yame Walingeri Barnabasap Saulusap pogsiogpa, pirekti as Seleukia pin togha kabongag agha mag alip toman pirekti, mag laut longo kanektop mog so'o Siprus pirek. 5Pirekti as Salamis anekoa Yahudi nimiri Allah yubu lero winirop aeag agha Allah yubu ambarelamsirek. Allah yubu ambarelamsirekti wamdekpa, nimi nhon sina Yohanes Markus ponekori sin phende yeplamsiog. 6As Salamisa heng walelingkirobag sip mag abolag wameka lambaekti, Siprus so'o ina agha heng purukul pirobag sip palamekti, as nhon mag abolag heng purukul pirobag sip si Pafos piek. As Pafos piekag aneko nimi nhon sina Baryesus#13:6 Yahudi yubuag “Yesua elme” aro “Baryesus” aro si engelamek. Yahudinge haiptaek.
Baryesus Yahudinge ponekori, “Allahri yubu silimu tipto ambarelamsin,” aro orolena yubu lero mema mili lero phalamog. 7Baryesus poneko elkae Siprus so'o saelbamogne nimi nubunge sina Sergius wamog. Nimi nubunge mog so'o eneko saelbamogne sina Sergius, si nhon Paulus, poneko wana hekto wamogti, “Barnabasap Saulusapti Allah yubu amoro ambarelamsirangne ka'ebanun. Enero payahilulom,” aro nimi pogsiogpa, Sergius Paulus wamoghag Barnabasap Saulusap payahiek. 8Payahiekpa Allah yubu ambarelamsirek aghana, mema mili lero pharopne Baryesus wamog. Baryesus poneko sin nimiri yubuag, “Mema mili leropne,” aro Elimas si engelamek. Elimas ponekori sin abenekoag yubu toraplamsiogti, “Nimi nubunge mog so'o saelbamogne ponekori Yesusag sikne aro wana piplul kom,” aro mema mili lero ulamogne ponekori Sergiusti seneragna sao kauplolamog. 9Sao kauplolamogpa, Allahri Eldamne Yame Walingeri Saulus nongag to'opto wa'ina mikipne paiamogpa, mema ulamogne Elimas poneko yop-yoba kembaog. Yop-yoba kembaogti Saulus, el babe si nhon Paulus ponekori yubu lelamogti, 10“An phia sikini nubunge saog uro wamlam. Wanaag malingeog seneraglamlamdi, yubu orolenange og lelamlam. Nimi nhondi wana porogne lero uropne ni karong alamlamdi, ‘Nari aisange,’ aro iriktangto ulamlam. Nu Saelba Uhiropne poneko sembe porog uro ambarelamsin aghana, sengkwanekto nenelamlam. Undo ulamlamne limnep kom te? 11Nu Saelba Uhiropne poneko saeri wene, ‘An opkenun,’ aro yalamlange wene tiboghae. Haing uroba wapmendi, heng tingiro wareropne ologha babe imna koma wapmen paghabog, ik etpare talul,” aro ambarog.
Wene aro Paulusti ambarelamog abeneko nimi eneko haing uro toa saogne marukul aogpa, “Nimiri sae saelbanukang,” aro sale wihi-wihi palamog. 12Undo unuaogne sembe Siprus mog so'o wamekag saelbamogne nimi nubunge poneko kembaogti, “Barnabasap Paulusapti imap so'oap Saelba Uhiropne sembe mane agha sik uro ambarelamsirang,” aro Yesusag sikne aro wana palilamog.
As Antiokhia Pisidia so'oag yingkiekti, Paulusti Allah yubu ambatsiogha
13Wameka Paulus elkaboap as Pafos laplobi agha mag alip toman agha piek. Mag alip toman agha piekne, ag kabongag kerekaekpa, “Phoanari ko'oro pabalamlul,” aro kerektoba towalengkaekti, mag alip toman agha piekti, as si nhon Perga Pamfilia so'oag piek. Piekti Yohanes Markus poneko sin Perga laplobi agha as Yerusalem samoro yaog. 14Samoro yaogpa, sin taneko Perga phibom agha piekti, as Antiokhia Pisidia so'oag yingkiek.#13:14 As si Antiokhia phende wamdek aghana, as Antiokhia Pisidia so'oag wamogne a'ero, as Antiokhia samenag Yesusti yubu ka'ero neleplamek nimi alniro, “Kristen nimi,” alamekag Siria so'oag wamogne babe a'ero (Ulameka 11:26). Yingkiekti wamekpa, Sabat sum taogpa, Yahudi nimiri Allah yubu lero winirop aeag wa'iekti pukamek. 15Wa'iekti pukamekpa, Allahri samenag arukahiog yubu Musari mome toro pibogneap, Allahri yubu silimu tiptop nangdi mome toro pibek yubuap sangkaekti ambarelamsiek. Mome sangkaekti ambatsiekti, wa'amogto pibek. Wa'amogto pibekti, Allah yubu lero winirop ae salerop nang tanekori nimi nhon poghekpa, Paulusap Barnabasap hailamsiogti, “Nangkabo, a'undi nimi tane sembe wana mikip nembahinep yubu wamla tanena, sektumundi yubu ambatsururom,” seog.
16Wene seogpa, Paulus sekogti, sae la'abatsiogti, yubu lelamogti, “Israel nimi nangkabo, yog nimiri Allah yubu sunsunum uro ul palamlom nimi babe nangkabo, nari lemnunne nene ka'eamlulom. 17Allahri samenag agha nu Israel nimi paia ulamsiogne ponekori nu Israel nimi nunisa yabo samenag wepsiogpa, mog so'o Mesira yanan nimi saog uro wamek aghana, ‘Maikno taukang,’ aro nubu nembahiog. Maikno nembahiogti, el sae mikipne nenekori saelbamsiogti, mog so'o Mesira enero poa lambahiog.#Keluaran - Lambaeka 1:7; 12:51 18Poa lambahiogpa, pai aldesag wamekti, sindi mali-malia maikno ulamek. Malinge ulamekpa, ‘Opsinun,’ sembaog aghana, wana pail ingkina wamog paghabog, hengkun tai puka tau puka ulamogha hengkun teng nhon epto naualbare (40) taog. 19Hengkun teng nhon epto naualbare taogpa Allahri, ‘Kanaan so'o Israel nimi sisa nimiag tatsinun,’ aro Kanaan so'oag wamek nimi sisa saekpare tane Allahri oro luknubahiog. Oro luknubahiogpa, Israel nimi lelnero ngai talamek. 20Anam ngai tan komag Israel nimi sikinisag Israel poneko el maboap samenag Mesir yingkina wamek. Wamekpa hengkun teng ao tarabare eptopneap (450) palamogpa, Israel ponekori mangaroba mangarobari mangkahiekne Mesir so'o laplobi agha Kanaan so'o lelnero ngai taek.
Ngai taekti, nimi nubunang tam lelekto kemero kareptop nimi Allahri sekililamsiogti poglamsiog. Israel nimi sembe tam lelekto kemero kareptop nimi komoptobag nena Samuel sekirog. Samuel ponekona Allahri yubu silimu tiptopne wamog. 21Samuel wamog li enekoag Israel nimiri, ‘Yubu sia leropne nubunge saelbamsilulne nhon sekitsimenba towalengkibukapti,’ alamek.
Israel nimiri wene alameka ka'ebaogti, Israel elme Benyamin mangaroba mangarobari mangkahiek nimi agha nimi nhon Allahri webogne Kish elme Saul poneko sekirogpa towalengkibek. Towalengkibekpa Israel nimi saelbamsiogti, hengkun tai puka tau puka ulamogha teng nhon epto naualbare (40) taogpa, Saul tebaog. 22Saul tebaogpa, el lunumna Daud Allahri sekirogpa, Israel nimiri, ‘Nu sembe yubu sia lero saelbamsilul,’ aro towalengkibek. Daud sembe Allahri samenag sikne lag nenero ambarelamsiogti, ‘Na Allahri wanaag seneragna sunsunum uro Isai elme Daudti babe seneraglamla. Nari yeng senenne ni sunsunum uro ulamlulne na el,’ aro Allahri wene seog. 23Daud poneko sembe Allahri, ‘Daudti mangaroba pere agha Israel nimi taulbahinepne nhon mangap talul,’ aro Allahri salag pibog.#1 Tawarikh - Ukuma 17:11-14 Salag pibogne poneko Yesus sembe lebog. 24El anam yanep peramag Israel nimi ni wamek nimi tanekoag Yohanesti yubu ambarelamsiogti, ‘A'un malia seneragto ulamlomne laplobi agha Allahri senenne saelbapmun tanena, maghag pelengkipsinun,’ aro ambarelamsiog. 25Yohanes ponekori Israel nimi yubu ambarelamsiogha komobanep sum peram taogpa, eldi yubu ambarelamsiogti, ‘A'undi na sembe etne senelamnelom? A'undi, “El yalul,” aro nang-nangalamlomne poneko na wamna kom. Na sam yano aghana, el poneko amik yalul. El mikip sirikne yaleba, na nimi ologne wamnangeri eldi yan wangana haing lopnepne babe nanap sunurop kom,’ aro Yohanesti samenag ambatsiog,” aro Paulusti ambarelamsiog.
26Wene aro Paulusti ambarelamsiogti, “Nangkabo, Abrahamdi mangaroba wamapne babe, Allah yubu sunsunum uro ul palamlom nimi yogne tane wamlomne babe, samenag Allahri nunag, ‘Nimi taulba uhinepne yalul,’ aro salag pibog yubu sunsunum uro poghol aogpa yaog. 27Allahri, ‘Nimi taulba uhinepne yalul,’ seogne poneko Yesus yaog aghana, Yerusalem nimiap, sikini yabo sin saelbamsiek nang tanekoapti Yesus el nong babe, eldi yubu babe wa'eplamek. El poneko sembe tam karebaekti, ‘Tebalul,’ seekne neneko samenag Allahri, ‘Sik uro yabilul,’ aro el uro wamog. El uro wamogpa, Allahri yubu silimu tiplamek nangdi samenag elag amik uro yabilulne sembe mome toro palilamek. Mome toro palilamekpa, samenag agha wene babe Allah yubu lerop sum Sabat sum talamlaba, nu Yahudi nimi niri mome toro palilamek yubu eneko sop-sop lelamapti ka'elamap. Allahri yubu silimu tiptop nangdi mome toro palilamek yubu eneko Yerusalem wamek nangdi babe ka'elamek aghana, seneraglamek komdi, Allah yubuag, ‘Ulamukang,’ aro ambatsiekne neneko sunsunum uro, ‘Tebalul,’ aro tam karebaek. 28‘Tebalul,’ aro tam karebaek nena, nimiri el sembe sik uro, ‘Malia uao,’ senep kom aghana, Roma nimi nubunge Yahudi nimi wamek mog so'o salehiropne Pilatusag, ‘Ya'ag oplulam,’ aro molbaek. 29Samenag Allahri el sembe ambatsiog yubu mome toro pibeka sunsunum uro kalag sipto obek. Nimiri el kalag agha pelengkaekti, kirik hogtoba lomag wirikil wa'iek. 30Wirikil wa'iekti piekpa, nimi teptobag wamog aghana, Allahri nimi teptopne nusamag agha el poneko kamag nembaog. 31Kamag nembaogpa, elap nhon Galilea agha Yerusalem palamek nimi ik maikno ua ulamek nimi taneko whingag lag tangom, tognop tangom alamog. El haingdi ibek nimi tanekori wene ane, ‘Nuri haingdi ibubu,’ aro ora nimiag sikne lag nenero ambarelamsiang. 32-33Wene ane nen tipto ambarelamsiap nena, ‘Samenag nunisa yaboag Allahri salag pibogne neneko wene uro palamla,’ aro yubu walinge neneko wene ane a'unag ambarelamsiap. Sindi mangarobari mangaroba mangkahiekne wene wamapne nuri haingag agha Allahri Yesus kamag nembaog. Undo kamag nembaogti, Allahri samenag, ‘Uanun,’ aro salag pibogne sunsunum uro wene nuri haingag agha uaog. Nunisag yabori samenag Allah omekto sepna siplamekti, sepna phendepneag Allahri yubu lebogne agha mome toro pibog. Mome toro pibog nena,
‘Anna na Name.
Na sumene andi nai tan,’
aro mome toro pibog.#Sepna 2:7 34Allahri Yesus nimi teptopne wameka anabiag agha kamag nembaogpa, ‘So'oag agha ya'ag nong polbalul kom,’ aro Allah yubu lemnunne nene mome toro pibog. Mome toro pibog nena,
‘ “Nandamne wanaag agha Daud sembe walia uanun,” aro
salag pipsinge sik uro uanun.
Daud sembe salag lero pipsinge
a'unag tipto tatsinun,’
aro mome toro pibog.#Yesaya 55:3
35Sepna nhon babe siplamogti, mome toro pibog nena,
‘Anenge arukna sol walinge poneko so'oag agha polbalul kom,’
aro mome toro pibog.#Sepna 16:10 36‘Polbalul kom,’ aro mome toro pibog aghana, Daud poneko el kamag uro wamog liag Allahri seneropne wali uro ulamogti, sabal taogti tebaog. Tebaogpa ili yabo teptoba pibekag aneko tobongol piekpa polbaog. 37Undo unuaog aghana, Yesus poneko Allahri kamag nembaog. Daud polbaog saog uro polbaog kom,” aro ambarelamsiog.
38-39Paulusti wene aro ambarelamsiogti, “Nangkabo, ‘El Yesus poneko wamogti, ulamogne pere agha Allahri a'undi malia ulamlomne tam wailag nembalul,’ aro ambarelamsinne a'un ekon uro wamnep kom. Samenag Allahri aruksirop yubu Musaag ambarelamogpa, mome toro pibog. Aghana Musari aruksirop yubu mome toro pibogne saelban aghana, malia uan tanena, Allahri nu sembe, ‘Wana porogne,’ sembanep kom. Aghana nimi etneri Yesusag sikne aro wana palilamleba, nimi enekori malia uropne tam wailag nembi agha, Allahri nimi eneko sembe, ‘Wana porogne,’ sembalul alamna.
40Ane sembe, samenag Allahri yubu silimu tiptopneri mome toro pibekne saog uro, ‘Nunag uro yabileag,’ aro a'undam nimi yae togtangto wamlulom. 41Allahri yubu silimu tiptopne nhondi mome toro pibog nena,
‘Wene wamlom ko'o ene, “Nari uanun,” sembanea uanun.
A'unag tibin nenero ambatsiika babe a'undi sik sembalulom komne webanun.
Allahri yubu seneragtop kom nimi, wali uro tiboghamsut!
Lo'om aro tiboglapmundi, nari yubu ka'eapmun kom tanena tebalulom!’
aro mome toro pibog,” aro Paulusti komopto ambatsiog.#Habakuk 1:5
42Paulusti yubu ambatsiogti, Barnabasap lanalamdekpa, nimi tanekori, “Sumene yubu ambatsilamne nen tipto amik Sabat sum babe yingkina ambarel ahirurom,” aro molbahiek. 43Allah yubu lero winirop aeag winil dalamek nimi taneko lambaekti, Yahudi sisa nimiap, Yahudi sisa kom nimi Allah omektop nimi taek nimiap maiknori Paulusap Barnabasap nelepto palamek. Sin amik palamekpa, sin phenderi nimi taneko olnoro wenelamsirekti, “Allahri wana a'unag yorolamsilneag ya'ag meptangto wamlulom,” aro ambarelamsirek.
44Wene aro ambarelamsirekti wamdekpa, Sabat sum eneko peram taogpa, as aneko nimi ni wa'al aloa saog uro, nimi maikno, “Nu Saelba Uhiropneri yubu nunag tipto ambatsurukangne ka'ebaukap,” aro yalamek. 45Nimi maikno yalameka Yahudi nimiri ipsiekti, “Sindi ambarelamsirek yubu nimi maiknori ka'elamang,” aro wana mali senelamsiekti, u kwa'en pa'alamsiekti, “A'undi lelamdomne orolenange lelamdom,” aro Paulus san tiliplamek.
46Wene aro san tiliplamekpa, Paulusap Barnabasapti log kom uro ambarelamsirekti, “Nangkabo, Allah yubu Yesus pere agha sunup taogne a'un Yahudi sisa nimi samenag nuri ambatsinepneog wamla.#Roma 1:16; 2:9-10 Nuri ora sisa nimiag samenag ambatsinep kom wamo. Nuri a'un samenag yubu walinge ene ambarelamsinam aghana, ya'ag kamag nenehirop yubu eneko ka'ebi agha a'undam nimiri, ‘Nunap sunsunum kom,’ aro tam karebaom. A'un Yahudi nimi tane wamlomne yubu ene tolamlom kom ane sembe, nuri Yahudi sisa kom nimiag yubu walinge nene ambarel phukap. 47Nu Saelba Uhiropne ponekori nunag arukto samenag yubu pibog nena,
‘ “Yahudi sisa kom nimi tala-tala wamang nimi sembe an whea walinge saog uro wamlulam,” aro sekitkehiba,
andi nimi so'oag sirikag-sirikag wamangneag pimendi, mog so'oag nimi taulbahinepne sembe el nembahilulam,’
aro mome toro pibog.#Yesaya 49:6 Mome ane sunsunum uro Yahudi sisa kom nimiag yubu walinge nene ambarel phukap,” aro Paulusti ambatsiog.
48Wene aro ambatsiogpa, Yahudi sisa kom nimi tanekori ka'ebi agha wana awi uro nu Saelba Uhiropne Yesusti yubu paliag nenero wali ka'elamek. Allahri samenag, “Ya'ag kamag wamlulom,” aro wepsiog nimi tanekori wali ka'elamekti, Yesusag sikne aro wana palilamek. 49Nu Saelba Uhiropneri yubu sabo taogpa, mog so'o anekoag tala-tala wamek nimi taneko ka'ebaek.
Paulus elkaboap as Ikonium pieka
50Nimi taneko Yesus yubu ka'elamekpa, Yahudi nimiri, “Paulusap, Barnabasap nu karongdi, nuri asag agha yag lambitsukap,” aro ulamek. As anekoag Allah omeklamek kelabo sikinin yabo saog uro wamek kelaboap, nimi nubunangap taneko Yahudi nimi tanekori yubu yangaro wana tolamsiek. Wana tolamsiekti, nimi maikno sikin sip tangto, “Paulusap, Barnabasap opsukap,” aro malia ulamsiekti, as anekoag agha yag lambahiek. 51Yag lambahiekpa, Paulusap Barnabasap lanalamdekti, sindi yanag so'o ubun wamogne, “As aneko Allahri opsinepne sembe el uro wamukang,” aro so'o ubun lupto pelengel obongkia as Ikonium pirek.#Matius 10:14; Markus 6:11; Lukas 9:5; Lukas 10:11 52Laplobi agha pirek aghana, ambarelamsirek yubu ka'ero neleplamek nimi as Antiokhia wamek nimi tanekori samenag Yesusag sikne aro seneraglamek. Wamekpa Allahri Eldamne Yame Walinge sin nongag to'opto wa'ina palilamsiogpa, wana awi uro wamek.
Currently Selected:
Pogsiog Nang 13: kklKOS
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
Pogsiog Nang 13
13
Barnabasap Saulusap wepsiekti pogsieka
1Saulusap Barnabasap samoro yarek li as Antiokhia Yesusag sikne aro seneragtop nimi winil dalamek nimi anabiag Allahri yubu silimu tiptop nimi Allah yubu tibin nenero ambatsirop nimi wamek. Allahri yubu silimu tipto tibin nenero ambatsirop nimi taneko sina, Barnabasap, Simeon si nhon Nigerap#13:1 Kosarek yubuag “piringe” aro alamek., mog so'o Kirene nimi nhon si Lukiusap, Saulusap, Menahemap wamek. Menahem ponekona yubu sia leropne Herodesap nhon mo'obahiekpa, Herodes elkae Menahem wamog. Sin Allahri yubu silimu tiptop nimi wamekti, as Antiokhia nimi Yesusag sikne aro seneragtop nimiap nhon winil dalamek. 2Ik nhon sum kwaneng ten koma nu Saelba Uhiropne omeklamek nimi yeplamsiekti wamekpa, Allah Eldamne Yame Walinge nenekori yubu lebog. Yubu lelamogti, “Nari samenag, ‘Uanun,’ sembanori Barnabasap Saulusap, ‘Nari sae tarikti, nari awe tolamtukang,’ aro wepto pipsinori yoplamsin. A'un Antiokhia nimiri sinag ambatsimundi, ‘Ot Allahri, “Undo-undo tolamturom,” selenge aghabog tolamturom,’ aro sin phende wepsimundi pogsululom,” aro ambatsiog.
3Wene aro Allahri ambatsiogpa, nen kwaneng tero koma Allahag molona moloro wameka Saulusap Barnabasap nongag sae palilamsiekti, “Allahri awe tol pururom,” aro pogsiek.
Barnabasap Saulusap mag alip toman agha Siprus pireka
4Allah Eldamne Yame Walingeri Barnabasap Saulusap pogsiogpa, pirekti as Seleukia pin togha kabongag agha mag alip toman pirekti, mag laut longo kanektop mog so'o Siprus pirek. 5Pirekti as Salamis anekoa Yahudi nimiri Allah yubu lero winirop aeag agha Allah yubu ambarelamsirek. Allah yubu ambarelamsirekti wamdekpa, nimi nhon sina Yohanes Markus ponekori sin phende yeplamsiog. 6As Salamisa heng walelingkirobag sip mag abolag wameka lambaekti, Siprus so'o ina agha heng purukul pirobag sip palamekti, as nhon mag abolag heng purukul pirobag sip si Pafos piek. As Pafos piekag aneko nimi nhon sina Baryesus#13:6 Yahudi yubuag “Yesua elme” aro “Baryesus” aro si engelamek. Yahudinge haiptaek.
Baryesus Yahudinge ponekori, “Allahri yubu silimu tipto ambarelamsin,” aro orolena yubu lero mema mili lero phalamog. 7Baryesus poneko elkae Siprus so'o saelbamogne nimi nubunge sina Sergius wamog. Nimi nubunge mog so'o eneko saelbamogne sina Sergius, si nhon Paulus, poneko wana hekto wamogti, “Barnabasap Saulusapti Allah yubu amoro ambarelamsirangne ka'ebanun. Enero payahilulom,” aro nimi pogsiogpa, Sergius Paulus wamoghag Barnabasap Saulusap payahiek. 8Payahiekpa Allah yubu ambarelamsirek aghana, mema mili lero pharopne Baryesus wamog. Baryesus poneko sin nimiri yubuag, “Mema mili leropne,” aro Elimas si engelamek. Elimas ponekori sin abenekoag yubu toraplamsiogti, “Nimi nubunge mog so'o saelbamogne ponekori Yesusag sikne aro wana piplul kom,” aro mema mili lero ulamogne ponekori Sergiusti seneragna sao kauplolamog. 9Sao kauplolamogpa, Allahri Eldamne Yame Walingeri Saulus nongag to'opto wa'ina mikipne paiamogpa, mema ulamogne Elimas poneko yop-yoba kembaog. Yop-yoba kembaogti Saulus, el babe si nhon Paulus ponekori yubu lelamogti, 10“An phia sikini nubunge saog uro wamlam. Wanaag malingeog seneraglamlamdi, yubu orolenange og lelamlam. Nimi nhondi wana porogne lero uropne ni karong alamlamdi, ‘Nari aisange,’ aro iriktangto ulamlam. Nu Saelba Uhiropne poneko sembe porog uro ambarelamsin aghana, sengkwanekto nenelamlam. Undo ulamlamne limnep kom te? 11Nu Saelba Uhiropne poneko saeri wene, ‘An opkenun,’ aro yalamlange wene tiboghae. Haing uroba wapmendi, heng tingiro wareropne ologha babe imna koma wapmen paghabog, ik etpare talul,” aro ambarog.
Wene aro Paulusti ambarelamog abeneko nimi eneko haing uro toa saogne marukul aogpa, “Nimiri sae saelbanukang,” aro sale wihi-wihi palamog. 12Undo unuaogne sembe Siprus mog so'o wamekag saelbamogne nimi nubunge poneko kembaogti, “Barnabasap Paulusapti imap so'oap Saelba Uhiropne sembe mane agha sik uro ambarelamsirang,” aro Yesusag sikne aro wana palilamog.
As Antiokhia Pisidia so'oag yingkiekti, Paulusti Allah yubu ambatsiogha
13Wameka Paulus elkaboap as Pafos laplobi agha mag alip toman agha piek. Mag alip toman agha piekne, ag kabongag kerekaekpa, “Phoanari ko'oro pabalamlul,” aro kerektoba towalengkaekti, mag alip toman agha piekti, as si nhon Perga Pamfilia so'oag piek. Piekti Yohanes Markus poneko sin Perga laplobi agha as Yerusalem samoro yaog. 14Samoro yaogpa, sin taneko Perga phibom agha piekti, as Antiokhia Pisidia so'oag yingkiek.#13:14 As si Antiokhia phende wamdek aghana, as Antiokhia Pisidia so'oag wamogne a'ero, as Antiokhia samenag Yesusti yubu ka'ero neleplamek nimi alniro, “Kristen nimi,” alamekag Siria so'oag wamogne babe a'ero (Ulameka 11:26). Yingkiekti wamekpa, Sabat sum taogpa, Yahudi nimiri Allah yubu lero winirop aeag wa'iekti pukamek. 15Wa'iekti pukamekpa, Allahri samenag arukahiog yubu Musari mome toro pibogneap, Allahri yubu silimu tiptop nangdi mome toro pibek yubuap sangkaekti ambarelamsiek. Mome sangkaekti ambatsiekti, wa'amogto pibek. Wa'amogto pibekti, Allah yubu lero winirop ae salerop nang tanekori nimi nhon poghekpa, Paulusap Barnabasap hailamsiogti, “Nangkabo, a'undi nimi tane sembe wana mikip nembahinep yubu wamla tanena, sektumundi yubu ambatsururom,” seog.
16Wene seogpa, Paulus sekogti, sae la'abatsiogti, yubu lelamogti, “Israel nimi nangkabo, yog nimiri Allah yubu sunsunum uro ul palamlom nimi babe nangkabo, nari lemnunne nene ka'eamlulom. 17Allahri samenag agha nu Israel nimi paia ulamsiogne ponekori nu Israel nimi nunisa yabo samenag wepsiogpa, mog so'o Mesira yanan nimi saog uro wamek aghana, ‘Maikno taukang,’ aro nubu nembahiog. Maikno nembahiogti, el sae mikipne nenekori saelbamsiogti, mog so'o Mesira enero poa lambahiog.#Keluaran - Lambaeka 1:7; 12:51 18Poa lambahiogpa, pai aldesag wamekti, sindi mali-malia maikno ulamek. Malinge ulamekpa, ‘Opsinun,’ sembaog aghana, wana pail ingkina wamog paghabog, hengkun tai puka tau puka ulamogha hengkun teng nhon epto naualbare (40) taog. 19Hengkun teng nhon epto naualbare taogpa Allahri, ‘Kanaan so'o Israel nimi sisa nimiag tatsinun,’ aro Kanaan so'oag wamek nimi sisa saekpare tane Allahri oro luknubahiog. Oro luknubahiogpa, Israel nimi lelnero ngai talamek. 20Anam ngai tan komag Israel nimi sikinisag Israel poneko el maboap samenag Mesir yingkina wamek. Wamekpa hengkun teng ao tarabare eptopneap (450) palamogpa, Israel ponekori mangaroba mangarobari mangkahiekne Mesir so'o laplobi agha Kanaan so'o lelnero ngai taek.
Ngai taekti, nimi nubunang tam lelekto kemero kareptop nimi Allahri sekililamsiogti poglamsiog. Israel nimi sembe tam lelekto kemero kareptop nimi komoptobag nena Samuel sekirog. Samuel ponekona Allahri yubu silimu tiptopne wamog. 21Samuel wamog li enekoag Israel nimiri, ‘Yubu sia leropne nubunge saelbamsilulne nhon sekitsimenba towalengkibukapti,’ alamek.
Israel nimiri wene alameka ka'ebaogti, Israel elme Benyamin mangaroba mangarobari mangkahiek nimi agha nimi nhon Allahri webogne Kish elme Saul poneko sekirogpa towalengkibek. Towalengkibekpa Israel nimi saelbamsiogti, hengkun tai puka tau puka ulamogha teng nhon epto naualbare (40) taogpa, Saul tebaog. 22Saul tebaogpa, el lunumna Daud Allahri sekirogpa, Israel nimiri, ‘Nu sembe yubu sia lero saelbamsilul,’ aro towalengkibek. Daud sembe Allahri samenag sikne lag nenero ambarelamsiogti, ‘Na Allahri wanaag seneragna sunsunum uro Isai elme Daudti babe seneraglamla. Nari yeng senenne ni sunsunum uro ulamlulne na el,’ aro Allahri wene seog. 23Daud poneko sembe Allahri, ‘Daudti mangaroba pere agha Israel nimi taulbahinepne nhon mangap talul,’ aro Allahri salag pibog.#1 Tawarikh - Ukuma 17:11-14 Salag pibogne poneko Yesus sembe lebog. 24El anam yanep peramag Israel nimi ni wamek nimi tanekoag Yohanesti yubu ambarelamsiogti, ‘A'un malia seneragto ulamlomne laplobi agha Allahri senenne saelbapmun tanena, maghag pelengkipsinun,’ aro ambarelamsiog. 25Yohanes ponekori Israel nimi yubu ambarelamsiogha komobanep sum peram taogpa, eldi yubu ambarelamsiogti, ‘A'undi na sembe etne senelamnelom? A'undi, “El yalul,” aro nang-nangalamlomne poneko na wamna kom. Na sam yano aghana, el poneko amik yalul. El mikip sirikne yaleba, na nimi ologne wamnangeri eldi yan wangana haing lopnepne babe nanap sunurop kom,’ aro Yohanesti samenag ambatsiog,” aro Paulusti ambarelamsiog.
26Wene aro Paulusti ambarelamsiogti, “Nangkabo, Abrahamdi mangaroba wamapne babe, Allah yubu sunsunum uro ul palamlom nimi yogne tane wamlomne babe, samenag Allahri nunag, ‘Nimi taulba uhinepne yalul,’ aro salag pibog yubu sunsunum uro poghol aogpa yaog. 27Allahri, ‘Nimi taulba uhinepne yalul,’ seogne poneko Yesus yaog aghana, Yerusalem nimiap, sikini yabo sin saelbamsiek nang tanekoapti Yesus el nong babe, eldi yubu babe wa'eplamek. El poneko sembe tam karebaekti, ‘Tebalul,’ seekne neneko samenag Allahri, ‘Sik uro yabilul,’ aro el uro wamog. El uro wamogpa, Allahri yubu silimu tiplamek nangdi samenag elag amik uro yabilulne sembe mome toro palilamek. Mome toro palilamekpa, samenag agha wene babe Allah yubu lerop sum Sabat sum talamlaba, nu Yahudi nimi niri mome toro palilamek yubu eneko sop-sop lelamapti ka'elamap. Allahri yubu silimu tiptop nangdi mome toro palilamek yubu eneko Yerusalem wamek nangdi babe ka'elamek aghana, seneraglamek komdi, Allah yubuag, ‘Ulamukang,’ aro ambatsiekne neneko sunsunum uro, ‘Tebalul,’ aro tam karebaek. 28‘Tebalul,’ aro tam karebaek nena, nimiri el sembe sik uro, ‘Malia uao,’ senep kom aghana, Roma nimi nubunge Yahudi nimi wamek mog so'o salehiropne Pilatusag, ‘Ya'ag oplulam,’ aro molbaek. 29Samenag Allahri el sembe ambatsiog yubu mome toro pibeka sunsunum uro kalag sipto obek. Nimiri el kalag agha pelengkaekti, kirik hogtoba lomag wirikil wa'iek. 30Wirikil wa'iekti piekpa, nimi teptobag wamog aghana, Allahri nimi teptopne nusamag agha el poneko kamag nembaog. 31Kamag nembaogpa, elap nhon Galilea agha Yerusalem palamek nimi ik maikno ua ulamek nimi taneko whingag lag tangom, tognop tangom alamog. El haingdi ibek nimi tanekori wene ane, ‘Nuri haingdi ibubu,’ aro ora nimiag sikne lag nenero ambarelamsiang. 32-33Wene ane nen tipto ambarelamsiap nena, ‘Samenag nunisa yaboag Allahri salag pibogne neneko wene uro palamla,’ aro yubu walinge neneko wene ane a'unag ambarelamsiap. Sindi mangarobari mangaroba mangkahiekne wene wamapne nuri haingag agha Allahri Yesus kamag nembaog. Undo kamag nembaogti, Allahri samenag, ‘Uanun,’ aro salag pibogne sunsunum uro wene nuri haingag agha uaog. Nunisag yabori samenag Allah omekto sepna siplamekti, sepna phendepneag Allahri yubu lebogne agha mome toro pibog. Mome toro pibog nena,
‘Anna na Name.
Na sumene andi nai tan,’
aro mome toro pibog.#Sepna 2:7 34Allahri Yesus nimi teptopne wameka anabiag agha kamag nembaogpa, ‘So'oag agha ya'ag nong polbalul kom,’ aro Allah yubu lemnunne nene mome toro pibog. Mome toro pibog nena,
‘ “Nandamne wanaag agha Daud sembe walia uanun,” aro
salag pipsinge sik uro uanun.
Daud sembe salag lero pipsinge
a'unag tipto tatsinun,’
aro mome toro pibog.#Yesaya 55:3
35Sepna nhon babe siplamogti, mome toro pibog nena,
‘Anenge arukna sol walinge poneko so'oag agha polbalul kom,’
aro mome toro pibog.#Sepna 16:10 36‘Polbalul kom,’ aro mome toro pibog aghana, Daud poneko el kamag uro wamog liag Allahri seneropne wali uro ulamogti, sabal taogti tebaog. Tebaogpa ili yabo teptoba pibekag aneko tobongol piekpa polbaog. 37Undo unuaog aghana, Yesus poneko Allahri kamag nembaog. Daud polbaog saog uro polbaog kom,” aro ambarelamsiog.
38-39Paulusti wene aro ambarelamsiogti, “Nangkabo, ‘El Yesus poneko wamogti, ulamogne pere agha Allahri a'undi malia ulamlomne tam wailag nembalul,’ aro ambarelamsinne a'un ekon uro wamnep kom. Samenag Allahri aruksirop yubu Musaag ambarelamogpa, mome toro pibog. Aghana Musari aruksirop yubu mome toro pibogne saelban aghana, malia uan tanena, Allahri nu sembe, ‘Wana porogne,’ sembanep kom. Aghana nimi etneri Yesusag sikne aro wana palilamleba, nimi enekori malia uropne tam wailag nembi agha, Allahri nimi eneko sembe, ‘Wana porogne,’ sembalul alamna.
40Ane sembe, samenag Allahri yubu silimu tiptopneri mome toro pibekne saog uro, ‘Nunag uro yabileag,’ aro a'undam nimi yae togtangto wamlulom. 41Allahri yubu silimu tiptopne nhondi mome toro pibog nena,
‘Wene wamlom ko'o ene, “Nari uanun,” sembanea uanun.
A'unag tibin nenero ambatsiika babe a'undi sik sembalulom komne webanun.
Allahri yubu seneragtop kom nimi, wali uro tiboghamsut!
Lo'om aro tiboglapmundi, nari yubu ka'eapmun kom tanena tebalulom!’
aro mome toro pibog,” aro Paulusti komopto ambatsiog.#Habakuk 1:5
42Paulusti yubu ambatsiogti, Barnabasap lanalamdekpa, nimi tanekori, “Sumene yubu ambatsilamne nen tipto amik Sabat sum babe yingkina ambarel ahirurom,” aro molbahiek. 43Allah yubu lero winirop aeag winil dalamek nimi taneko lambaekti, Yahudi sisa nimiap, Yahudi sisa kom nimi Allah omektop nimi taek nimiap maiknori Paulusap Barnabasap nelepto palamek. Sin amik palamekpa, sin phenderi nimi taneko olnoro wenelamsirekti, “Allahri wana a'unag yorolamsilneag ya'ag meptangto wamlulom,” aro ambarelamsirek.
44Wene aro ambarelamsirekti wamdekpa, Sabat sum eneko peram taogpa, as aneko nimi ni wa'al aloa saog uro, nimi maikno, “Nu Saelba Uhiropneri yubu nunag tipto ambatsurukangne ka'ebaukap,” aro yalamek. 45Nimi maikno yalameka Yahudi nimiri ipsiekti, “Sindi ambarelamsirek yubu nimi maiknori ka'elamang,” aro wana mali senelamsiekti, u kwa'en pa'alamsiekti, “A'undi lelamdomne orolenange lelamdom,” aro Paulus san tiliplamek.
46Wene aro san tiliplamekpa, Paulusap Barnabasapti log kom uro ambarelamsirekti, “Nangkabo, Allah yubu Yesus pere agha sunup taogne a'un Yahudi sisa nimi samenag nuri ambatsinepneog wamla.#Roma 1:16; 2:9-10 Nuri ora sisa nimiag samenag ambatsinep kom wamo. Nuri a'un samenag yubu walinge ene ambarelamsinam aghana, ya'ag kamag nenehirop yubu eneko ka'ebi agha a'undam nimiri, ‘Nunap sunsunum kom,’ aro tam karebaom. A'un Yahudi nimi tane wamlomne yubu ene tolamlom kom ane sembe, nuri Yahudi sisa kom nimiag yubu walinge nene ambarel phukap. 47Nu Saelba Uhiropne ponekori nunag arukto samenag yubu pibog nena,
‘ “Yahudi sisa kom nimi tala-tala wamang nimi sembe an whea walinge saog uro wamlulam,” aro sekitkehiba,
andi nimi so'oag sirikag-sirikag wamangneag pimendi, mog so'oag nimi taulbahinepne sembe el nembahilulam,’
aro mome toro pibog.#Yesaya 49:6 Mome ane sunsunum uro Yahudi sisa kom nimiag yubu walinge nene ambarel phukap,” aro Paulusti ambatsiog.
48Wene aro ambatsiogpa, Yahudi sisa kom nimi tanekori ka'ebi agha wana awi uro nu Saelba Uhiropne Yesusti yubu paliag nenero wali ka'elamek. Allahri samenag, “Ya'ag kamag wamlulom,” aro wepsiog nimi tanekori wali ka'elamekti, Yesusag sikne aro wana palilamek. 49Nu Saelba Uhiropneri yubu sabo taogpa, mog so'o anekoag tala-tala wamek nimi taneko ka'ebaek.
Paulus elkaboap as Ikonium pieka
50Nimi taneko Yesus yubu ka'elamekpa, Yahudi nimiri, “Paulusap, Barnabasap nu karongdi, nuri asag agha yag lambitsukap,” aro ulamek. As anekoag Allah omeklamek kelabo sikinin yabo saog uro wamek kelaboap, nimi nubunangap taneko Yahudi nimi tanekori yubu yangaro wana tolamsiek. Wana tolamsiekti, nimi maikno sikin sip tangto, “Paulusap, Barnabasap opsukap,” aro malia ulamsiekti, as anekoag agha yag lambahiek. 51Yag lambahiekpa, Paulusap Barnabasap lanalamdekti, sindi yanag so'o ubun wamogne, “As aneko Allahri opsinepne sembe el uro wamukang,” aro so'o ubun lupto pelengel obongkia as Ikonium pirek.#Matius 10:14; Markus 6:11; Lukas 9:5; Lukas 10:11 52Laplobi agha pirek aghana, ambarelamsirek yubu ka'ero neleplamek nimi as Antiokhia wamek nimi tanekori samenag Yesusag sikne aro seneraglamek. Wamekpa Allahri Eldamne Yame Walinge sin nongag to'opto wa'ina palilamsiogpa, wana awi uro wamek.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.