Pogsiog Nang 16:25-26

Yan kalag a'aruro kauplopsiogpa wamekpa, ae inipna tom nusam taog. Paulusap Silasap abenekori Allahag molona mololamdekti, Allah omektop sepna seplamdekne nimi yogne kop aeag aneko wamek nimiri babe ka'elamsiek. Allah omektop sepna seplamdekpa ka'elamekpa, sa'uma nubunge nhon ulamog. Sa'uma ulamogti, ae eneko soro yangkaek kirik maptopne pot-porolamog. Yangan kirik maptopne pot-porolamogpa, ina siram kuptangto palamogpa, kop aeag tobongkamsiek nimi yan sae haing kaubamsiekne loptangto palamog.