Pogsiog Nang 16
16
Paulusap Silasap yubu ambatto tongolamdekpa, Timotius sinap nhon ma'ap taek
1Paulus palamogha as Derbea nen as Listra piog. Ae Listra anekoa palamogpa, nimi nhon Yesus yubu ka'ero neleplamog nimi nhon si Timotius wamog. Timotius ilinna Yahudi kel, Yesusag sikne aro wana palilamog kel wamogpa, Timotius ili ponekona Yunaninge wamog. 2Elkabo Yesusag sikne aro seneragtop nimi as Listra wamek nimiap, as Ikonium wamek nimiapti Timotius sembe wali aro lelamek.
3Wene alameka Paulusti ka'ebaogti, “Timotius enero poa nhon pukap,” sembaog aghana, Yahudi nimi as enekoag wamek nimi tanekori, “Timotius ili poneko Yahudi sisa kom nimi wamla,” aro ni el wamek. Timotius ili Yunaninge wamog ane sembe Paulusti, “Timotius kon karebaikpa, nhon pukap,” seogpa Timotius kon karebaek.
4Paulus elkaboap as taneko ni kanero palamekti, Yerusalema Yesusti wepto pogsiog nangap Yerusalem wamek nimi Yesusag seneragtop nimi wenehirop nangapti yubu tam karepto pibekne as taneko ambatto poa tongolamsiekti, “Undo ul palamlulom,” aro ambarelamsiek.#Pogsiog Nang 15:28-29 5Ambatto poa tongolamsiekpa, nimi tanekori Yesusag sikne aro wana palilamekne mikip tahiogpa, Yesusag seneragtop nimi winil dalamek nimi taneko maikno talamek.
Paulusti haing uamna kwelekamna senenag agha Makedonia nimi sembe lenda mabogha
6Paulusap elkaboap palamekpa, Allah Eldamne Yame Walinge nenekori, “Asia so'oag wamang nimiag Yesus yubu ambatsiseng kom,” aro irikahiogpa, ina palamekne mog so'o Frigia Galatia so'oag piek. 7-8Mog so'o Misia simbik palameka, “Mog so'o Bitinia pukap,” aro ulamek aghana, Yesus Eldamne Yame Walinge nenekori, “Bitinia peheng kom,” aro irikahiogpa, Misia so'o phiro as Troas piek. 9Troas piekti, Paulus ae inipnag malamogti, haing uamna kwelekamna senenag agha lenda malamog abeneko pere nimi mog so'o Makedonia nimi nhon sekamogha tiboghaog. Tiboghaogpa Makedoniange ponekori, “Mag alip toman kauro yamendi, nu Makedonia nimi yepsululam,” aro mololamogpa, lenda mabog. 10Paulusti haing uamna kwelekamna senenag agha lenda mabogne sembe nu ambatsiogpa, tam kareplamuburi, “Allahri nunag ambatto, ‘Makedonia nimiag pimundi, yubu walinge Yesus sembe ambarel phululom,’ aro nu yoplamsil,” sembabu. “Allahri nu yoplamsil,” aro seneraglamuburi, “Elem-elem mog so'o Makedonia pukap,” aro togna toglamubu.#16:10 Lukasti mome toro pibogne kembi agha, Paulus elkaboap palamekti, Lukasap sinap ma'ap taekti, as Troas laplobi agha nhon palamek. 11-12Togna togto aburi, Troas laplobi agha kabong mag alip toman piroba lomag agha palamubunge peket uro as sina Samotrake pina mabubu. Mabubua kwelekaogpa, Neapolis ina agha as Filipi pibu. As Filipi as nubunge neneko Makedonia so'oag agha Roma nimiri samenag nimi taneko luknubahiekti, Roma nimiri ul palamekne sunsunum uro saelbamsiek. As Filipi anekoa ik etpare ua ulamubu.
Paulusti Filipi nimi Allah yubu ambatsiogha
13-14As Filipi wamuburi, Sabat sum taogpa, “Yahudi nimiri mag abolag winil dalamangdi, Allahag molona mololamang to,” aro el phukap sembabu. El phukap sembaburi, leka as Filipi kanero solingkirobag ina siram lambaburi, mag abolag palamububa, kelabo longoro wamekag piburi pukubu. Pukamububa kel nhon si Lidia as Tiatira kel wamog. Wamog kel enekori ag walinge nimi nubunge tupne sembe wirop ag uwong-uwonga likto ulamogti, kel eneko Yahudi kel kom aghana, Allah omektop kel wamog. Elap kelabo tanekoap yubu nikag lero wamubu. Yubu nikag lero wamububa, Lidia kel enekori babe yubu ambatsibunge ka'eamsiog. Paulusti Yesus sembe yubu ambarelamsiog abeneko nu Saelba Uhiropne ponekori kel eneko wana heklamogpa, Paulusti ambatsiog yubu eneko ka'ero saelbaog. 15“Yubu ene sik,” sembaogti saelbamogne sembe kel enekoap eldi aeag wamek nimiap ni maghag pelengkahibu. Maghag pelengkahibuba, Lidia kel enekori nunag ambarelamsiogti, “A'undi na sembe tam karebalomdi, ‘Kel eneri nu Saelba Uhiropneag sikne aro wana palirop nimi wamla,’ senelamnelom tanena, nanap nhon wamukap,” aro yubu mikip uro molbahiogti, nu enero eldi aeag tobongkipsiog.
Paulusap Silasap haing sae kaupto kop aeag tobongkipsieka
16As Filipi wamubuag agha kel nhon el kulomag phia wamog kel wamog. Kel enekona, amik uro yabinepne ililamog kel, ili yabo arukna saog uro wamog. Wamogpa nimiri kel enekoag yalamekpa, kel enekori, “Anag undo uro yabilul,” aro ambarelamsiogpa, el talamekti, kamna ili yabo tarelamsiekpa, ili yabo tup talamek. Ik nhon sum, “Yahudi nimiri mag abolag Allahag molona molorobag pukap,” aro palamububa, 17kel eneko haiptaburi, nu Paulusap amik nelepto ngaeplamog. Ngaeplamogti, “Nimi tane Allah Mikip Phelektopne arukna wamang. Sindi ambarelamsiang yubuna, Allahri a'un taulbahinep ina el nenelamsiang,” aro yubu leple yalamog. 18Undo yubu wene alamogha ane, nu pang-yang ulamububa, yubu wene alamog aneko sae a'ilina maikno talamog. Ik nhon sum, yubu wene alamogha aneko sembe Paulusti wanaag yo uaogpa, samoro kel eneko kembaog. Kembaogti phia kel eneko kulomag wamogha anekoag yubu lelamogti, “Yesus Kristus ponekori siag kekhaekto wamnari lemnuan. Phia kel ene kulomag wamlama ane lambae!” seog.
Wene seogpa, phia kel eneko kulomag wamogha aneko lambaog. 19Phia aneko kel enekoag wamogne neneko lambaogpa, ili yabo tanekori, “Phia aneko el kulomag ulamlari, ‘Undo-undo uro yabilul,’ alamlaba kamna maikno tarelamsiang aneko wene nen saelbaukap kom,” aro Paulusap Silasap sae salero, tam lelekto kemero kareptobag saelba uhirop nangag poa pihiek. 20-21Kel eneko ili yabori tam lelekto kemero kareptobag poa pihiekti, saelba uhirop nangag lolorop yubu ambarelamsiekti, “Sin Yahudi nimi taneri ambarelamsirangne nene, ‘Ulamlulom,’ alamdang aghana, nu mog so'o Roma nimi wamapti, ambarelamsirangne sunsunum uro uanep kom wamap. Nu as Filipi nimi Roma nimi umag wamapne wana mali nenelamsirangba, nimi taneri yanghang alamsiang,” aro lolorop yubu ambatsiek.
22Wene aro ambatsiekpa, nimi maikno tanekori Paulusap Silasap sembe karong alamsiekpa, nimi nubunang tanekori sikinipsabo saeag nembahiekti, “Sikindinge ag enekto amdangne taepto epsimundi, nimi abene kameri opsululom,” aro ambatsiek.
23Wene aro ambatsiekpa, kameri maiknoro opsiekti, kop aeag tolongkahiekti, kop ae yae uropne ponekoag, “Lambarikag tina, wali uro yae wamsululam,” aro ambarek.
24Wene aro ambarekpa, kop ae yae ua uropne ponekori sin phende abeneko ae kolo lom nusamag ae lomag nembahiogti, sindi yan kalag a'aruro kauplopsiog. 25Yan kalag a'aruro kauplopsiogpa wamekpa, ae inipna tom nusam taog. Paulusap Silasap abenekori Allahag molona mololamdekti, Allah omektop sepna seplamdekne nimi yogne kop aeag aneko wamek nimiri babe ka'elamsiek. 26Allah omektop sepna seplamdekpa ka'elamekpa, sa'uma nubunge nhon ulamog. Sa'uma ulamogti, ae eneko soro yangkaek kirik maptopne pot-porolamog. Yangan kirik maptopne pot-porolamogpa, ina siram kuptangto palamogpa, kop aeag tobongkamsiek nimi yan sae haing kaubamsiekne loptangto palamog. 27Sa'uma aneko ulamog abeneko kop ae yae ua uropne poneko malamogha pukog. Pukogti kemelamogpa, ina serekna serekahiogne taneko ni kupto wamogha kembaogti, “Nimi ni tobongkahiongne lambang,” aro log sembaog. Log sembaogti, karog kilbaogti, “Ya'ag optanun,” aro ulamog.#16:27 Kop ae yae ua uropne ponekori, “Nimi nari saeag agha lambang ane sembe, saelbamneang nimiri na omneikpa, seklebaneagti na optanun,” aro ulamog. 28“Optanun,” aro ulamogpa, Paulusti yubu nubu uro lelamogti, “Optaheng kom. Nuna ni ae lomag ane wamap,” seog.
29Undo wene seogpa, kop ae yae ua uropne ponekori, “Whea tarel anehut,” aro ilipsabo arukahiogti, ae lom anekoag wa'iogti, pet-pet aro Paulusap Silasap whingag yabu sanukto pulingkiog. 30Yabu sanukto sin whingag pulingkiogti, sekom agha Paulusap Silasap enero poa asag lambahiog. Sinag hailamsiogti, “Nani yabo, malia ulamnange sembe, ‘Allahri lunuro omneleag,’ aro na huaneba taulbanelul?” aro haibahiog.
31Wene aro haibahiogpa, sindi samoro elag lelamdekti, “Nu Saelba Uhiropne Yesus ponekoag sikne aro wana palilapmenba taulbaghelul. Andi babe, ankabo andi aeag wamang nimiri babe elag wana palilapmunba taulbahilul,” aro ambattek.
32Wene aro ambattekti, elap ilipsabo eldi aeag wamek nimiap nu Saelba Uhiropne Yesus sembe yubu ambarelamsirek. 33Ambarelamsirekpa kop ae yae wamogne ponekori inipnag abeneko sin phende opsiek ina taneko mag a'elbahiog. Mag a'elbahiogpa, eldi kelabo meap eldi aeag wamek nimiap maghag pelengkipsirek. 34Maghag pelengkipsirekpa, Paulusap Silasap abeneko enero poa kop ae yae wamogne ponekori aeag poa pihiogti, kwaneng yobatsiogpa teek. Kop ae yae wamogne ponekoap eldi ae lomag wamek nimiapti Allahag wana palilamekne sembe awi uro lolo'oplamog.
35Kweleknag aneko as Filipi aneko nimi saelba uhirop nangdi sikinipsabo poglamsiekti, “Kop aeag nimi yae ua uropne ponekoag pimundi ambarelapmundi, ‘Nimi phende nang abeneko sae lopsululam,’ aro ambatlulom,” aro pogsiek. 36Pogsiekpa piekti ambarekpa, kop ae yae wamogne ponekori nen sap tipto Paulus ambarog. Yubu ambarelamogti, “Nangkabo, nimi saelba uhirop nimi tanekori nanag, ‘Sae lopsimenba lambarukang,’ seangba wali lambarurom,” aro ambatsiog.
37Wene aro ambatsiogpa, Paulus ponekori saelba uhirop nang sikinipsabo yaek nimi tanekoag, “Nu babe Roma nimi wamnam aghana, tam oroghag agha tam lelekto kemero kareptop nimiri nunag haibahin koma nimi maikno whingag opsiongdi, kop aeag tolongkipsiong. Nimi whingag opsiongdi tolongkipsiong aghana, wene tognoro saog uro, ‘Pururom,’ seang te? Nu tognoro saog uro lambanunam kom. Sindam nimi yaikti, nu enero poa lambitsukang,” seog.#16:37 “Roma nimi wamnam,” seogne ane sin mog so'o sembe lebog kom. Roma nimi pelebahinepne yubu sia lero pibek. Nimi etneri tam wali kemero kareban koma Roma nimi nhon salik-malik uro obik tanena, Roma nimi saelba uhirop nimi nubunangdi obik nimi tanekoag tam ikinne pimnep. 38Paulusti wene aro ambatsiogne sindi yubu poro agha sikini yaboag piekti, yubu tipto ambatsiek. Ambatsiekpa ka'ebaekti, as taneko nimi saelba uhirop nangdi, “Paulusap Silasap, sin babe Roma nimi wamdang aghana, tam lelekto kemban koma sin opsibo,” aro el taekti, log sembaek. 39Log sembaekti, as Filipi saelba uhirop nimi nubunang taneko Paulusap Silasap sin wamdekag piekti, “Wana aingniro lambarukang,” aro yubu wali uro lelamekti, ae kop aeag anekoa enero poa lambahiekti, “Nangkabo, as ane laplobi agha lambarurom,” aro molbahiek.
40Wene aro molbahiekpa, sin phende kop aeag agha lambarekti, kel Lidia kel enekori aeag pirek. Pirekti sikinkabo Yesusag sikne aro wana palirop nimi wana aingnibahirekti, Paulus elkabo abenekoap as Filipi aneko laplobi agha palamek.
Currently Selected:
Pogsiog Nang 16: kklKOS
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
Pogsiog Nang 16
16
Paulusap Silasap yubu ambatto tongolamdekpa, Timotius sinap nhon ma'ap taek
1Paulus palamogha as Derbea nen as Listra piog. Ae Listra anekoa palamogpa, nimi nhon Yesus yubu ka'ero neleplamog nimi nhon si Timotius wamog. Timotius ilinna Yahudi kel, Yesusag sikne aro wana palilamog kel wamogpa, Timotius ili ponekona Yunaninge wamog. 2Elkabo Yesusag sikne aro seneragtop nimi as Listra wamek nimiap, as Ikonium wamek nimiapti Timotius sembe wali aro lelamek.
3Wene alameka Paulusti ka'ebaogti, “Timotius enero poa nhon pukap,” sembaog aghana, Yahudi nimi as enekoag wamek nimi tanekori, “Timotius ili poneko Yahudi sisa kom nimi wamla,” aro ni el wamek. Timotius ili Yunaninge wamog ane sembe Paulusti, “Timotius kon karebaikpa, nhon pukap,” seogpa Timotius kon karebaek.
4Paulus elkaboap as taneko ni kanero palamekti, Yerusalema Yesusti wepto pogsiog nangap Yerusalem wamek nimi Yesusag seneragtop nimi wenehirop nangapti yubu tam karepto pibekne as taneko ambatto poa tongolamsiekti, “Undo ul palamlulom,” aro ambarelamsiek.#Pogsiog Nang 15:28-29 5Ambatto poa tongolamsiekpa, nimi tanekori Yesusag sikne aro wana palilamekne mikip tahiogpa, Yesusag seneragtop nimi winil dalamek nimi taneko maikno talamek.
Paulusti haing uamna kwelekamna senenag agha Makedonia nimi sembe lenda mabogha
6Paulusap elkaboap palamekpa, Allah Eldamne Yame Walinge nenekori, “Asia so'oag wamang nimiag Yesus yubu ambatsiseng kom,” aro irikahiogpa, ina palamekne mog so'o Frigia Galatia so'oag piek. 7-8Mog so'o Misia simbik palameka, “Mog so'o Bitinia pukap,” aro ulamek aghana, Yesus Eldamne Yame Walinge nenekori, “Bitinia peheng kom,” aro irikahiogpa, Misia so'o phiro as Troas piek. 9Troas piekti, Paulus ae inipnag malamogti, haing uamna kwelekamna senenag agha lenda malamog abeneko pere nimi mog so'o Makedonia nimi nhon sekamogha tiboghaog. Tiboghaogpa Makedoniange ponekori, “Mag alip toman kauro yamendi, nu Makedonia nimi yepsululam,” aro mololamogpa, lenda mabog. 10Paulusti haing uamna kwelekamna senenag agha lenda mabogne sembe nu ambatsiogpa, tam kareplamuburi, “Allahri nunag ambatto, ‘Makedonia nimiag pimundi, yubu walinge Yesus sembe ambarel phululom,’ aro nu yoplamsil,” sembabu. “Allahri nu yoplamsil,” aro seneraglamuburi, “Elem-elem mog so'o Makedonia pukap,” aro togna toglamubu.#16:10 Lukasti mome toro pibogne kembi agha, Paulus elkaboap palamekti, Lukasap sinap ma'ap taekti, as Troas laplobi agha nhon palamek. 11-12Togna togto aburi, Troas laplobi agha kabong mag alip toman piroba lomag agha palamubunge peket uro as sina Samotrake pina mabubu. Mabubua kwelekaogpa, Neapolis ina agha as Filipi pibu. As Filipi as nubunge neneko Makedonia so'oag agha Roma nimiri samenag nimi taneko luknubahiekti, Roma nimiri ul palamekne sunsunum uro saelbamsiek. As Filipi anekoa ik etpare ua ulamubu.
Paulusti Filipi nimi Allah yubu ambatsiogha
13-14As Filipi wamuburi, Sabat sum taogpa, “Yahudi nimiri mag abolag winil dalamangdi, Allahag molona mololamang to,” aro el phukap sembabu. El phukap sembaburi, leka as Filipi kanero solingkirobag ina siram lambaburi, mag abolag palamububa, kelabo longoro wamekag piburi pukubu. Pukamububa kel nhon si Lidia as Tiatira kel wamog. Wamog kel enekori ag walinge nimi nubunge tupne sembe wirop ag uwong-uwonga likto ulamogti, kel eneko Yahudi kel kom aghana, Allah omektop kel wamog. Elap kelabo tanekoap yubu nikag lero wamubu. Yubu nikag lero wamububa, Lidia kel enekori babe yubu ambatsibunge ka'eamsiog. Paulusti Yesus sembe yubu ambarelamsiog abeneko nu Saelba Uhiropne ponekori kel eneko wana heklamogpa, Paulusti ambatsiog yubu eneko ka'ero saelbaog. 15“Yubu ene sik,” sembaogti saelbamogne sembe kel enekoap eldi aeag wamek nimiap ni maghag pelengkahibu. Maghag pelengkahibuba, Lidia kel enekori nunag ambarelamsiogti, “A'undi na sembe tam karebalomdi, ‘Kel eneri nu Saelba Uhiropneag sikne aro wana palirop nimi wamla,’ senelamnelom tanena, nanap nhon wamukap,” aro yubu mikip uro molbahiogti, nu enero eldi aeag tobongkipsiog.
Paulusap Silasap haing sae kaupto kop aeag tobongkipsieka
16As Filipi wamubuag agha kel nhon el kulomag phia wamog kel wamog. Kel enekona, amik uro yabinepne ililamog kel, ili yabo arukna saog uro wamog. Wamogpa nimiri kel enekoag yalamekpa, kel enekori, “Anag undo uro yabilul,” aro ambarelamsiogpa, el talamekti, kamna ili yabo tarelamsiekpa, ili yabo tup talamek. Ik nhon sum, “Yahudi nimiri mag abolag Allahag molona molorobag pukap,” aro palamububa, 17kel eneko haiptaburi, nu Paulusap amik nelepto ngaeplamog. Ngaeplamogti, “Nimi tane Allah Mikip Phelektopne arukna wamang. Sindi ambarelamsiang yubuna, Allahri a'un taulbahinep ina el nenelamsiang,” aro yubu leple yalamog. 18Undo yubu wene alamogha ane, nu pang-yang ulamububa, yubu wene alamog aneko sae a'ilina maikno talamog. Ik nhon sum, yubu wene alamogha aneko sembe Paulusti wanaag yo uaogpa, samoro kel eneko kembaog. Kembaogti phia kel eneko kulomag wamogha anekoag yubu lelamogti, “Yesus Kristus ponekori siag kekhaekto wamnari lemnuan. Phia kel ene kulomag wamlama ane lambae!” seog.
Wene seogpa, phia kel eneko kulomag wamogha aneko lambaog. 19Phia aneko kel enekoag wamogne neneko lambaogpa, ili yabo tanekori, “Phia aneko el kulomag ulamlari, ‘Undo-undo uro yabilul,’ alamlaba kamna maikno tarelamsiang aneko wene nen saelbaukap kom,” aro Paulusap Silasap sae salero, tam lelekto kemero kareptobag saelba uhirop nangag poa pihiek. 20-21Kel eneko ili yabori tam lelekto kemero kareptobag poa pihiekti, saelba uhirop nangag lolorop yubu ambarelamsiekti, “Sin Yahudi nimi taneri ambarelamsirangne nene, ‘Ulamlulom,’ alamdang aghana, nu mog so'o Roma nimi wamapti, ambarelamsirangne sunsunum uro uanep kom wamap. Nu as Filipi nimi Roma nimi umag wamapne wana mali nenelamsirangba, nimi taneri yanghang alamsiang,” aro lolorop yubu ambatsiek.
22Wene aro ambatsiekpa, nimi maikno tanekori Paulusap Silasap sembe karong alamsiekpa, nimi nubunang tanekori sikinipsabo saeag nembahiekti, “Sikindinge ag enekto amdangne taepto epsimundi, nimi abene kameri opsululom,” aro ambatsiek.
23Wene aro ambatsiekpa, kameri maiknoro opsiekti, kop aeag tolongkahiekti, kop ae yae uropne ponekoag, “Lambarikag tina, wali uro yae wamsululam,” aro ambarek.
24Wene aro ambarekpa, kop ae yae ua uropne ponekori sin phende abeneko ae kolo lom nusamag ae lomag nembahiogti, sindi yan kalag a'aruro kauplopsiog. 25Yan kalag a'aruro kauplopsiogpa wamekpa, ae inipna tom nusam taog. Paulusap Silasap abenekori Allahag molona mololamdekti, Allah omektop sepna seplamdekne nimi yogne kop aeag aneko wamek nimiri babe ka'elamsiek. 26Allah omektop sepna seplamdekpa ka'elamekpa, sa'uma nubunge nhon ulamog. Sa'uma ulamogti, ae eneko soro yangkaek kirik maptopne pot-porolamog. Yangan kirik maptopne pot-porolamogpa, ina siram kuptangto palamogpa, kop aeag tobongkamsiek nimi yan sae haing kaubamsiekne loptangto palamog. 27Sa'uma aneko ulamog abeneko kop ae yae ua uropne poneko malamogha pukog. Pukogti kemelamogpa, ina serekna serekahiogne taneko ni kupto wamogha kembaogti, “Nimi ni tobongkahiongne lambang,” aro log sembaog. Log sembaogti, karog kilbaogti, “Ya'ag optanun,” aro ulamog.#16:27 Kop ae yae ua uropne ponekori, “Nimi nari saeag agha lambang ane sembe, saelbamneang nimiri na omneikpa, seklebaneagti na optanun,” aro ulamog. 28“Optanun,” aro ulamogpa, Paulusti yubu nubu uro lelamogti, “Optaheng kom. Nuna ni ae lomag ane wamap,” seog.
29Undo wene seogpa, kop ae yae ua uropne ponekori, “Whea tarel anehut,” aro ilipsabo arukahiogti, ae lom anekoag wa'iogti, pet-pet aro Paulusap Silasap whingag yabu sanukto pulingkiog. 30Yabu sanukto sin whingag pulingkiogti, sekom agha Paulusap Silasap enero poa asag lambahiog. Sinag hailamsiogti, “Nani yabo, malia ulamnange sembe, ‘Allahri lunuro omneleag,’ aro na huaneba taulbanelul?” aro haibahiog.
31Wene aro haibahiogpa, sindi samoro elag lelamdekti, “Nu Saelba Uhiropne Yesus ponekoag sikne aro wana palilapmenba taulbaghelul. Andi babe, ankabo andi aeag wamang nimiri babe elag wana palilapmunba taulbahilul,” aro ambattek.
32Wene aro ambattekti, elap ilipsabo eldi aeag wamek nimiap nu Saelba Uhiropne Yesus sembe yubu ambarelamsirek. 33Ambarelamsirekpa kop ae yae wamogne ponekori inipnag abeneko sin phende opsiek ina taneko mag a'elbahiog. Mag a'elbahiogpa, eldi kelabo meap eldi aeag wamek nimiap maghag pelengkipsirek. 34Maghag pelengkipsirekpa, Paulusap Silasap abeneko enero poa kop ae yae wamogne ponekori aeag poa pihiogti, kwaneng yobatsiogpa teek. Kop ae yae wamogne ponekoap eldi ae lomag wamek nimiapti Allahag wana palilamekne sembe awi uro lolo'oplamog.
35Kweleknag aneko as Filipi aneko nimi saelba uhirop nangdi sikinipsabo poglamsiekti, “Kop aeag nimi yae ua uropne ponekoag pimundi ambarelapmundi, ‘Nimi phende nang abeneko sae lopsululam,’ aro ambatlulom,” aro pogsiek. 36Pogsiekpa piekti ambarekpa, kop ae yae wamogne ponekori nen sap tipto Paulus ambarog. Yubu ambarelamogti, “Nangkabo, nimi saelba uhirop nimi tanekori nanag, ‘Sae lopsimenba lambarukang,’ seangba wali lambarurom,” aro ambatsiog.
37Wene aro ambatsiogpa, Paulus ponekori saelba uhirop nang sikinipsabo yaek nimi tanekoag, “Nu babe Roma nimi wamnam aghana, tam oroghag agha tam lelekto kemero kareptop nimiri nunag haibahin koma nimi maikno whingag opsiongdi, kop aeag tolongkipsiong. Nimi whingag opsiongdi tolongkipsiong aghana, wene tognoro saog uro, ‘Pururom,’ seang te? Nu tognoro saog uro lambanunam kom. Sindam nimi yaikti, nu enero poa lambitsukang,” seog.#16:37 “Roma nimi wamnam,” seogne ane sin mog so'o sembe lebog kom. Roma nimi pelebahinepne yubu sia lero pibek. Nimi etneri tam wali kemero kareban koma Roma nimi nhon salik-malik uro obik tanena, Roma nimi saelba uhirop nimi nubunangdi obik nimi tanekoag tam ikinne pimnep. 38Paulusti wene aro ambatsiogne sindi yubu poro agha sikini yaboag piekti, yubu tipto ambatsiek. Ambatsiekpa ka'ebaekti, as taneko nimi saelba uhirop nangdi, “Paulusap Silasap, sin babe Roma nimi wamdang aghana, tam lelekto kemban koma sin opsibo,” aro el taekti, log sembaek. 39Log sembaekti, as Filipi saelba uhirop nimi nubunang taneko Paulusap Silasap sin wamdekag piekti, “Wana aingniro lambarukang,” aro yubu wali uro lelamekti, ae kop aeag anekoa enero poa lambahiekti, “Nangkabo, as ane laplobi agha lambarurom,” aro molbahiek.
40Wene aro molbahiekpa, sin phende kop aeag agha lambarekti, kel Lidia kel enekori aeag pirek. Pirekti sikinkabo Yesusag sikne aro wana palirop nimi wana aingnibahirekti, Paulus elkabo abenekoap as Filipi aneko laplobi agha palamek.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.