Pogsiog Nang 6
6
Yauog kelaboag kwaneng pogto tatsiropne sembe nimi saekpare wepsieka
1Wamekti Yesusti yubu ka'ero neleplamek nimi maikno talamek. Maikno talamekti, Yahudi nimi wamek aghana, sin nusamag agha Yunani yubu lerop nimi babe wamekpa, Ibrani yubu lerop nimi babe wamek. Yahudi nimi Yunani yubu lerop nimi wamekne tanekori Yahudi nimi Ibrani yubu lerop nimiag wana mali palilamsiek. Yunani yubu lerop nimi tanekori lelamekti, “Ibrani yubu lerop kelabo yauog taek kelabo babe, Yunani yubu lerop kelabo yauog taek kelabo babe kwaneng tatsinep. Aghana kwaneng toro tenne sop-sop yeplamsiloma kaldam kelabo nu Yunani yubu lerop nimiringe olog nika-nika uro tarelamsilom kom,” alamek.
2Wene aro Yunani yubu lerop nimiri lelamekne sembe, Yesusti wepto pogsiog nimi aobare nang tanekori Yesusti yubu ka'ero neleplamek nimi poloro wimbahiek. Poloro wimbahiekti, yubu ambarelamsiekti, “Nu kwaneng tenaba sembe nimi o'olamsiberi, Allah yubu nimi ambatsin koma libeberi, tenaba sembe ulamebenge nenena mali. 3Ane sembe nangkabo, nimi saekpare wepsululom. Wepsululom nimina, Allah Eldamne Yameri seneragna sunsunum uro wanaag seneraglamangdi, wana maro hekto seneraglamangdi, walia ulamangba, ililamsilom nimi nusamag agha nimi saekpare wepsululom. Wepsimunba, ‘Sol wali, wali uro kwaneng toro tenne kelabo yauog taek kelabo nika-nika uro tarelamsululom,’ aro nimi saekpare tanekoag ambatsiberi wepsukap. Wepsibeba sindi saelbamikti, nimi yeplamsukang. 4Nimi saekpare wepsimunne tanekori nimiri tenaba saelbamikpa, nu Yesusti wepto pogsiog nangdi sop-sop Allahag molona mololameberi, Allah yubu ambatto yeplamsukap,” seek.
5Wene seekpa, nimi wamek nimi tanekori wali seekti, nimi weplamsiek. Weplamsiekpa nimi nhon sina Stefanus webek. Stefanus ponekona, Allah Eldamne Yame Walingeri Stefanus nongag mikipne to'opto paiamogpa, Stefanusti wana to'opto Yesusag sikne aro wana palilamog. Stefanus poneko webekti, nen wepsiek nimina, Filipusap, Prokhorusap, Nikanorap, Timonap, Parmenas apna, Nikolausap wepsiek. Nikolaus poneko as Antiokhia agha Yahudi sisa kom nimi aghana, Yahudi nimi saog uro taogti, Allah omeklamekne saog uro el babe Allah omeklamogne taog. 6Nimi saekpare taneko wepsiekti, Yesusti wepto pogsiog nang tanekoag pail pihiek. Pail pihiekpa, Yesusti wepto pogsiog nang tanekori, “Allahri mikip nembahileba, kwaneng pogto kelabo yauog taek kelabo yeplamsimuna sol wali, wali uro saelbamlulom,” aro sin nongag sae palilamsiekti, Allahag molona molbatsiek.
Wene aro tenaba sembe awe tona sin saekpare nangag pibekti, 7Yesusti wepto pogsiog nangdi Allah yubu ambarelamsiek. Yubu eneko tala-tala nubu talamogpa, Yesusti yubu ka'ero neleplamek nimi as Yerusalem maikno talamek. Memnang Allah sembe palirop nang babe maiknori wana mombolag nenep tangto Yesusti yubu ka'elamekti, elag wana palilamekti, ma'al dalamek.
Stefanus saelbaeka
8Stefanus ponekona, Allahri nimiag wana yororo senehinneap mikipneap elag to'opto palilamogpa, Stefanus ponekori, “Yaghe, Allah mikibari uanepne el pere agha ual,” senenne kekneba nubunge nimi maikno whingag Stefanusti ulamog. 9Stefanusti undo unulamogpa, Yahudi nimi nusamag agha Libertini al dalamek nimi babe wamek. Libertini al dalamek nimiri Allah yubu lero winirop ae nhonag ma'al dalamekti, sina Libertini Allah yubu lero winirop ae engel dalamek. Libertini al dalamek nimina, “ ‘Nu samenag nimi arukna wamubu aghana, sae lobitsiekpa wamap,’ aro urop nimi,” aro engel dalamek. Sin tanekona, mog so'o Kirene nimiap, as Aleksandria nimiap, mog so'o Kilikia nimiap, mog so'o Asia nimiap babe wamek. Libertini nimi tanekori, “Stefanusti Yesus sembe nimiag ambarelamsilul kom,” aro Stefanusap yubu toraptangto lel dalamek. 10Stefanusap yubu lel dalamek aghana, Stefanusag Allah Yameri mikipne paiamog. Mikipne paiamogpa, wana hekto yubu lelamogti, tibin uro ambarelamsiogpa, sindi samoro elag yubu lemnep kom wamog. 11Sindi samoro elag yubu lemnep kom wamogpa, Libertini nimi tanekori haing kunuro nimi orangeag wana tolamsiekti, “Stefanusti ambarelamsilne nu karong. Ane sembe, nimi ambarelamsululom nena, ‘Stefanusti Musa san tiliptop yubu lebori, Allahag babe san tiliptop yubu lebo,’ aro orolena yubu ambarelamsululom,” aro wana toro ambatsiek.
12Wene aro ambatsiekpa, nimi orange tanekori put-put aro wana aluktop yubu ambatsiekpa, nimi maiknori ka'ebaekti, “Stefanusti malia ulamlaba saelbaukap,” aro wanaag yo uahiog. Wanaag yo uahiogti, as Yerusalem wamek nimiap, Yahudi nimi wenehirop nimi nubunangap, Musari yubu amohirop nang tanekoap piekti, Stefanus salel pina Yahudi nimi sembe yubu tam kareptop nimi Mahkamah Agama winip tangtobag payaek. 13Yubu tam kareptop nangag payaekti, Libertini al dalamek nimi tanekori minirop yubu loloro lerop nimi babe pabiek. Libertini nimiri yubu loloro lerop nimiag ambarelamsiekti, “Ambatsululom nena, ‘Stefanus neneri nu haingag wene alamo,’ sululom,” seek.
Wene seekpa, yubu loloro lerop nimi tanekori minirop yubu ambarelamsiekti, “Stefanus neneri sop-sop sinag kweleknag lelamori, ‘Allah Eldamne Mem Ae loba tao,’ seo. Apna Stefanusti lelamori, ‘Musari aruksirop yubu babe loba tao,’ seoba aori ka'ebabo. 14Stefanusti yubu lebonge nu ka'ebabongena, ‘Yesus Nazaretne ponekori Allahri Mem Ae ene kwerekalul. Ae kwerekale tanena, Musari samenag ambatsiogne saelba ul palamapne orog nembaleri, wendogne nhon lag nembalul,’ seo,” aro wene seek.
15Wene aro orolena yubu lebekne sembe Yahudi nimi sembe yubu tam kareptop nimi Mahkamah Agama winip tangtobag wamek nimi tanekori Stefanusti whingag tilamek. Whingag tilamekpa, kembi agha Stefanusti whing Allah arukna imagne malaikatti whing saog taog.#Keluaran - Lambaeka 34:29-35
Currently Selected:
Pogsiog Nang 6: kklKOS
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
Pogsiog Nang 6
6
Yauog kelaboag kwaneng pogto tatsiropne sembe nimi saekpare wepsieka
1Wamekti Yesusti yubu ka'ero neleplamek nimi maikno talamek. Maikno talamekti, Yahudi nimi wamek aghana, sin nusamag agha Yunani yubu lerop nimi babe wamekpa, Ibrani yubu lerop nimi babe wamek. Yahudi nimi Yunani yubu lerop nimi wamekne tanekori Yahudi nimi Ibrani yubu lerop nimiag wana mali palilamsiek. Yunani yubu lerop nimi tanekori lelamekti, “Ibrani yubu lerop kelabo yauog taek kelabo babe, Yunani yubu lerop kelabo yauog taek kelabo babe kwaneng tatsinep. Aghana kwaneng toro tenne sop-sop yeplamsiloma kaldam kelabo nu Yunani yubu lerop nimiringe olog nika-nika uro tarelamsilom kom,” alamek.
2Wene aro Yunani yubu lerop nimiri lelamekne sembe, Yesusti wepto pogsiog nimi aobare nang tanekori Yesusti yubu ka'ero neleplamek nimi poloro wimbahiek. Poloro wimbahiekti, yubu ambarelamsiekti, “Nu kwaneng tenaba sembe nimi o'olamsiberi, Allah yubu nimi ambatsin koma libeberi, tenaba sembe ulamebenge nenena mali. 3Ane sembe nangkabo, nimi saekpare wepsululom. Wepsululom nimina, Allah Eldamne Yameri seneragna sunsunum uro wanaag seneraglamangdi, wana maro hekto seneraglamangdi, walia ulamangba, ililamsilom nimi nusamag agha nimi saekpare wepsululom. Wepsimunba, ‘Sol wali, wali uro kwaneng toro tenne kelabo yauog taek kelabo nika-nika uro tarelamsululom,’ aro nimi saekpare tanekoag ambatsiberi wepsukap. Wepsibeba sindi saelbamikti, nimi yeplamsukang. 4Nimi saekpare wepsimunne tanekori nimiri tenaba saelbamikpa, nu Yesusti wepto pogsiog nangdi sop-sop Allahag molona mololameberi, Allah yubu ambatto yeplamsukap,” seek.
5Wene seekpa, nimi wamek nimi tanekori wali seekti, nimi weplamsiek. Weplamsiekpa nimi nhon sina Stefanus webek. Stefanus ponekona, Allah Eldamne Yame Walingeri Stefanus nongag mikipne to'opto paiamogpa, Stefanusti wana to'opto Yesusag sikne aro wana palilamog. Stefanus poneko webekti, nen wepsiek nimina, Filipusap, Prokhorusap, Nikanorap, Timonap, Parmenas apna, Nikolausap wepsiek. Nikolaus poneko as Antiokhia agha Yahudi sisa kom nimi aghana, Yahudi nimi saog uro taogti, Allah omeklamekne saog uro el babe Allah omeklamogne taog. 6Nimi saekpare taneko wepsiekti, Yesusti wepto pogsiog nang tanekoag pail pihiek. Pail pihiekpa, Yesusti wepto pogsiog nang tanekori, “Allahri mikip nembahileba, kwaneng pogto kelabo yauog taek kelabo yeplamsimuna sol wali, wali uro saelbamlulom,” aro sin nongag sae palilamsiekti, Allahag molona molbatsiek.
Wene aro tenaba sembe awe tona sin saekpare nangag pibekti, 7Yesusti wepto pogsiog nangdi Allah yubu ambarelamsiek. Yubu eneko tala-tala nubu talamogpa, Yesusti yubu ka'ero neleplamek nimi as Yerusalem maikno talamek. Memnang Allah sembe palirop nang babe maiknori wana mombolag nenep tangto Yesusti yubu ka'elamekti, elag wana palilamekti, ma'al dalamek.
Stefanus saelbaeka
8Stefanus ponekona, Allahri nimiag wana yororo senehinneap mikipneap elag to'opto palilamogpa, Stefanus ponekori, “Yaghe, Allah mikibari uanepne el pere agha ual,” senenne kekneba nubunge nimi maikno whingag Stefanusti ulamog. 9Stefanusti undo unulamogpa, Yahudi nimi nusamag agha Libertini al dalamek nimi babe wamek. Libertini al dalamek nimiri Allah yubu lero winirop ae nhonag ma'al dalamekti, sina Libertini Allah yubu lero winirop ae engel dalamek. Libertini al dalamek nimina, “ ‘Nu samenag nimi arukna wamubu aghana, sae lobitsiekpa wamap,’ aro urop nimi,” aro engel dalamek. Sin tanekona, mog so'o Kirene nimiap, as Aleksandria nimiap, mog so'o Kilikia nimiap, mog so'o Asia nimiap babe wamek. Libertini nimi tanekori, “Stefanusti Yesus sembe nimiag ambarelamsilul kom,” aro Stefanusap yubu toraptangto lel dalamek. 10Stefanusap yubu lel dalamek aghana, Stefanusag Allah Yameri mikipne paiamog. Mikipne paiamogpa, wana hekto yubu lelamogti, tibin uro ambarelamsiogpa, sindi samoro elag yubu lemnep kom wamog. 11Sindi samoro elag yubu lemnep kom wamogpa, Libertini nimi tanekori haing kunuro nimi orangeag wana tolamsiekti, “Stefanusti ambarelamsilne nu karong. Ane sembe, nimi ambarelamsululom nena, ‘Stefanusti Musa san tiliptop yubu lebori, Allahag babe san tiliptop yubu lebo,’ aro orolena yubu ambarelamsululom,” aro wana toro ambatsiek.
12Wene aro ambatsiekpa, nimi orange tanekori put-put aro wana aluktop yubu ambatsiekpa, nimi maiknori ka'ebaekti, “Stefanusti malia ulamlaba saelbaukap,” aro wanaag yo uahiog. Wanaag yo uahiogti, as Yerusalem wamek nimiap, Yahudi nimi wenehirop nimi nubunangap, Musari yubu amohirop nang tanekoap piekti, Stefanus salel pina Yahudi nimi sembe yubu tam kareptop nimi Mahkamah Agama winip tangtobag payaek. 13Yubu tam kareptop nangag payaekti, Libertini al dalamek nimi tanekori minirop yubu loloro lerop nimi babe pabiek. Libertini nimiri yubu loloro lerop nimiag ambarelamsiekti, “Ambatsululom nena, ‘Stefanus neneri nu haingag wene alamo,’ sululom,” seek.
Wene seekpa, yubu loloro lerop nimi tanekori minirop yubu ambarelamsiekti, “Stefanus neneri sop-sop sinag kweleknag lelamori, ‘Allah Eldamne Mem Ae loba tao,’ seo. Apna Stefanusti lelamori, ‘Musari aruksirop yubu babe loba tao,’ seoba aori ka'ebabo. 14Stefanusti yubu lebonge nu ka'ebabongena, ‘Yesus Nazaretne ponekori Allahri Mem Ae ene kwerekalul. Ae kwerekale tanena, Musari samenag ambatsiogne saelba ul palamapne orog nembaleri, wendogne nhon lag nembalul,’ seo,” aro wene seek.
15Wene aro orolena yubu lebekne sembe Yahudi nimi sembe yubu tam kareptop nimi Mahkamah Agama winip tangtobag wamek nimi tanekori Stefanusti whingag tilamek. Whingag tilamekpa, kembi agha Stefanusti whing Allah arukna imagne malaikatti whing saog taog.#Keluaran - Lambaeka 34:29-35
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.