Lukas 15
15
Yesusti likiptop yubu pham domba ka'eseptangtop phamag sunumna tol pina ambatsiogha
(Matius 18:12-14)
1Ik nhon sum sin Roma nimi sembe kamna poloro torop nimiap, ora nimi sin sembe nimiri, “Malia maikno ulamang,” senehirop nimiap yaekti, Yesusti ambarelamsiog yubu ka'elamek. 2Yingkina Yesusti yubu ka'elamekti, Farisi nimiap, Musari yubu amohirop nimiapti kembahiekti, parog-parog alamek. Parog-parogha yubu lelamekti, “Nimi eneri nimi malia urop nimi tane, ‘Nangkae,’ aro tolamsildi, kwaneng nhon nikag telamang,” aro parog-parog alamek.
3Parog-parog alamekne sembe Yesusti likiptop yubu sunumna nhon tol pina ambarelamsiogti, 4“A'un nimi nhondinge pham domba teng tombare saog wamseng agha nhon ka'eseptan tanena, a'undi huanep? Pham domba ngainge ponekori pham domba teng wilindiap epto phendeba tarabareap taneko paiag maneng telamikag laplopsileri, ‘Ka'eseptan pham aneko ebanun,’ aro pinepneog wamla te? Sik uro elamlea kekman iplul. 5Pham domba ka'eseptanep pham aneko elamleri, iple tanena, eldamne poneko awiri, sa'oag sa'oro poro agha aeag payalul. 6Poro agha aeag payaleri, eldi elkabo eldi ae peramag nimi yopsileri ambarelamsileri, ‘Pham domba naringe ka'eseptangtopne neneko elamnari imna ane sembe, nu awi senelamukap,’ selul. 7Nari lemnange sembe ambatnuahin. A'undi pham domba iroanepne sembe awi sembanep aghana, nimi ka'eseptangtop nimi iroanepne sembe Allah imag ua urobag aneko imagnangdi awi senelamang. Wana porog nimina, sindi malia seneragto uan koma walingeog ulamnep tanena, malia senenne limnaba wamnep kom nimi taneko sembe imagnangdi awi senelamsinep. Undop nimi teng wilindi epto phendeba tarabare wamnep nimi sembe awi senelamsinep aghana, Allahap imagnangap sin ni awi sirik uahinepne nhon wamla. Nimi nhondi babe mali-malia ulamlea agha, ‘Malia seneragto ulamnange sae limneri, Allahri senenne saelbaneri uanun,’ aro samoro yale nimi eneko sembe awi sirik uahilul,” aro Yesusti parog-parog alamek nimi tanekoag ambatsiog.
Kamna kaptoba wana nhon ka'eseptangtopne sembe ambatsiogha
8Yesusti nen sunumna nhon ambarelamsiogti, “Kelabo nhondinge kamna kaptoba wanange sa'obare wamsinep. Sa'obare wamsinep aghana, nhon ka'eseptaho tanena, kel enekori sa'a agha ualul? Kel enekori ualul nena, whea tiniro tibin nembi agha ae popsengkea po'oro el tolamlea kekman iroalul. 9Elamleri iroale tanena, eldi elkabo, eldi ae peram nimi yopsileri lelamleri, ‘Kamna kaptoba wanange naringe ka'eseptaneonge neneko el tolamnari iroandi, nu awi senelamukap,’ selul. 10Nari lemnange sembe ambatnuahin. Ane saog uro nimi nhon mali-malia ulamlea agha, ‘Malia seneragto ulamnange sae limneri, Allahri senenne saelbaneri uanun,’ aro samoro yale nimi eneko sembe Allah awi sirikti, el arukna imagnang malaikat whingag lolo'obalul,” aro Yesusti ambatsiog.
Me nhon ka'eseptaog meag sunumna tol pina ambatsiogha
11Yesusti nen sunumna nhon babe ambarelamsiogti, “Nengabo nhon eldi elmabo phende wamdek. 12Elme nabinge ponekori iliag yubu lelamogti, ‘Nai, andi nanag amik, “Tatkenun,” senelamlamne, wene agha na sembe pogto tatnululam,’ seog. Wene seogpa, ili ponekori elmabo abeneko eldi saeagha wamogne poghatsiog. 13Poghatsiogpa ik etpare uro yabiogpa, wameka elme nabinge ponekori iliri saeagha poghatsiogne taneko nimiag kamna kapto toro aogti, weag urop mog so'oag piog. Piogti awe tomna koma tup taneba poa piogne nenekoag agha eldi, ‘Sa'a-sa'a uanun,’ senenne agha seneragna koma ulamog. 14Eldi, ‘Uanun,’ senenne mo ulamogpa, tup taneba eldi poa piogne neneko orog taogpa, so'o enekoag kwaneng yo nubunge waelbaog. Kwaneng yo waelbaogpa, me aneko saeagha orogti kwaneng yo seklero wamog. 15Kwaneng yo seklero wamogti, el wamog as anekoag agha nimi nhonag pina lelamogti, ‘Andi awe tomneba, olog yepto tatnululam,’ aro molbaog. Awe molbaogpa, nimi enekori, ‘Naringe pham so'oag yae paiamsimendi mo'olamsululam,’ aro ambarog. 16Kwaneng yo seklero wamogti, kwaneng yo lelem, ‘Pham kwaneng taneko agha tehene,’ sembaog. El kwaneng yo seklero ua ulamog aghana, as eneko nimiri babe kwaneng olog tarelamek kom. 17Tarelamek komba, seneraghogti lelamogti, ‘Nari naiag awe tolamang nimi sinna kwaneng maikno uro telamang aghana, na elme agha tane kwaneng yori seklero tebalonga ulamna. 18Na samoro naniag pineri lelamneri, “Nai, nari anag babe, imagne ponekoag babe malia uahino. 19Nai, nari mali uanonge sembe andi nanag, ‘Name,’ anne babe olog sunsunum komdi, na andi arukna tanun,” senun,’ sembaogti 20samoro iliag yalamog.
Wene sembaogti yalamogpa, iliri weag agha tiboghaogti, wanaag yareag sembaog. Yareagti ili poneko merero elme poneko somoro salel tol piogti, togtog aro kipto aog. 21Kipto aogpa, elme ponekori iliag yubu lelamogti, ‘Nai, nari anag babe, imagne ponekoag babe malia uahino. Nai, nari mali uanonge sembe andi nanag, “Name,” anne babe olog sunsunum kom,’ seog.
22Wene seog aghana, ili ponekori eldi arukna taneko yopsiogti lelamogti, ‘Elemag ag walinge tol pina elag enekitlulom. Sae ma'alag tolongoroba tobongkongkia, yanag wangana wangkitlulom. 23Undo unuongkia lepmundi, pham sapi mesa yagne nhon oro yobalulom. Yoro teberi, awi toro wamukap. 24Nari me ane tebalonge saog uro wamori, ka'eseptao aghana, wene lag nenep taldi, nanag samoro kamag tangka yaloa saog ual,’ aro sani yoro tero yenga ulamek.
25Sinna aeag yeng unulamek abeneko, me yandonge aweag wamog. Aweag wamog aneko ae peramag yalamogpa, aeag sepna lilim ka'ebaog. 26Sepna lilim ka'ebaogti, iliri arukna taneko yobogti hailamogti, ‘Sa'a agha aeag ulamang?’ aro haibaog.
27Wene aro haibaogpa, iliri arukna anekori, ‘Andi anipsae samoro aeag yalba, andi nai ponekori, “Pham sapi walinge mesa yagne nhon oro yobalulom. Nari name naikto koma wali uro wamoa samoro yal,” aro ambatsilba ulamang,’ aro arukna anekori me yandonge anekoag ambarog.
28Wene aro ambarogpa, me yandonge poneko wanaag yo uaogpa, aeag wa'alaog komba, ili ponekori lambaogti, ‘Nhon wa'aukap! Nunap nhon awi uro kwaneng tukap,’ aro olnobaog.
29Wene aro olnobaog aghana, elme yandongeri iliag yubu lelamogti, ‘Hengkun-kunne andi aruksirop yubu sop-sop ka'elamnari, andinge awe tolamna aghana, andi na pham kambing ologne babe tatneom kom. Tatnohomba yobahaneba, nangkaboap awi uro tehebe. 30An meri andinge saeagha abeneko kelabo ina yabirop kelaboap yabalamori, tup taneba ni orog nembao aghana, wene el samoro yalba, pham sapi mesa yagne el sembe yobalam,’ seog.
31Elme yandongeri iliag wene seogpa, iliri elme yandonge enekoag, ‘Naba name, anna sop-sop nanap ane ua ulamnam. Nari saeagha wamlange ni andinge babe wamla. 32Aghana wenena, awi toro ulamapne ane sunsunum uro ulamap. Anipsae eneko nimi tebalonge saog uro ka'eseptao agha, kamag tangka yaloa saog ual. Ane sembe sumene sani yoro tero awi uro wamukap,’ seogti iliri elme olnobaog,” aro Yesusti likiptop yubu tol pina ambatsiog.
Currently Selected:
Lukas 15: kklKOS
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
Lukas 15
15
Yesusti likiptop yubu pham domba ka'eseptangtop phamag sunumna tol pina ambatsiogha
(Matius 18:12-14)
1Ik nhon sum sin Roma nimi sembe kamna poloro torop nimiap, ora nimi sin sembe nimiri, “Malia maikno ulamang,” senehirop nimiap yaekti, Yesusti ambarelamsiog yubu ka'elamek. 2Yingkina Yesusti yubu ka'elamekti, Farisi nimiap, Musari yubu amohirop nimiapti kembahiekti, parog-parog alamek. Parog-parogha yubu lelamekti, “Nimi eneri nimi malia urop nimi tane, ‘Nangkae,’ aro tolamsildi, kwaneng nhon nikag telamang,” aro parog-parog alamek.
3Parog-parog alamekne sembe Yesusti likiptop yubu sunumna nhon tol pina ambarelamsiogti, 4“A'un nimi nhondinge pham domba teng tombare saog wamseng agha nhon ka'eseptan tanena, a'undi huanep? Pham domba ngainge ponekori pham domba teng wilindiap epto phendeba tarabareap taneko paiag maneng telamikag laplopsileri, ‘Ka'eseptan pham aneko ebanun,’ aro pinepneog wamla te? Sik uro elamlea kekman iplul. 5Pham domba ka'eseptanep pham aneko elamleri, iple tanena, eldamne poneko awiri, sa'oag sa'oro poro agha aeag payalul. 6Poro agha aeag payaleri, eldi elkabo eldi ae peramag nimi yopsileri ambarelamsileri, ‘Pham domba naringe ka'eseptangtopne neneko elamnari imna ane sembe, nu awi senelamukap,’ selul. 7Nari lemnange sembe ambatnuahin. A'undi pham domba iroanepne sembe awi sembanep aghana, nimi ka'eseptangtop nimi iroanepne sembe Allah imag ua urobag aneko imagnangdi awi senelamang. Wana porog nimina, sindi malia seneragto uan koma walingeog ulamnep tanena, malia senenne limnaba wamnep kom nimi taneko sembe imagnangdi awi senelamsinep. Undop nimi teng wilindi epto phendeba tarabare wamnep nimi sembe awi senelamsinep aghana, Allahap imagnangap sin ni awi sirik uahinepne nhon wamla. Nimi nhondi babe mali-malia ulamlea agha, ‘Malia seneragto ulamnange sae limneri, Allahri senenne saelbaneri uanun,’ aro samoro yale nimi eneko sembe awi sirik uahilul,” aro Yesusti parog-parog alamek nimi tanekoag ambatsiog.
Kamna kaptoba wana nhon ka'eseptangtopne sembe ambatsiogha
8Yesusti nen sunumna nhon ambarelamsiogti, “Kelabo nhondinge kamna kaptoba wanange sa'obare wamsinep. Sa'obare wamsinep aghana, nhon ka'eseptaho tanena, kel enekori sa'a agha ualul? Kel enekori ualul nena, whea tiniro tibin nembi agha ae popsengkea po'oro el tolamlea kekman iroalul. 9Elamleri iroale tanena, eldi elkabo, eldi ae peram nimi yopsileri lelamleri, ‘Kamna kaptoba wanange naringe ka'eseptaneonge neneko el tolamnari iroandi, nu awi senelamukap,’ selul. 10Nari lemnange sembe ambatnuahin. Ane saog uro nimi nhon mali-malia ulamlea agha, ‘Malia seneragto ulamnange sae limneri, Allahri senenne saelbaneri uanun,’ aro samoro yale nimi eneko sembe Allah awi sirikti, el arukna imagnang malaikat whingag lolo'obalul,” aro Yesusti ambatsiog.
Me nhon ka'eseptaog meag sunumna tol pina ambatsiogha
11Yesusti nen sunumna nhon babe ambarelamsiogti, “Nengabo nhon eldi elmabo phende wamdek. 12Elme nabinge ponekori iliag yubu lelamogti, ‘Nai, andi nanag amik, “Tatkenun,” senelamlamne, wene agha na sembe pogto tatnululam,’ seog. Wene seogpa, ili ponekori elmabo abeneko eldi saeagha wamogne poghatsiog. 13Poghatsiogpa ik etpare uro yabiogpa, wameka elme nabinge ponekori iliri saeagha poghatsiogne taneko nimiag kamna kapto toro aogti, weag urop mog so'oag piog. Piogti awe tomna koma tup taneba poa piogne nenekoag agha eldi, ‘Sa'a-sa'a uanun,’ senenne agha seneragna koma ulamog. 14Eldi, ‘Uanun,’ senenne mo ulamogpa, tup taneba eldi poa piogne neneko orog taogpa, so'o enekoag kwaneng yo nubunge waelbaog. Kwaneng yo waelbaogpa, me aneko saeagha orogti kwaneng yo seklero wamog. 15Kwaneng yo seklero wamogti, el wamog as anekoag agha nimi nhonag pina lelamogti, ‘Andi awe tomneba, olog yepto tatnululam,’ aro molbaog. Awe molbaogpa, nimi enekori, ‘Naringe pham so'oag yae paiamsimendi mo'olamsululam,’ aro ambarog. 16Kwaneng yo seklero wamogti, kwaneng yo lelem, ‘Pham kwaneng taneko agha tehene,’ sembaog. El kwaneng yo seklero ua ulamog aghana, as eneko nimiri babe kwaneng olog tarelamek kom. 17Tarelamek komba, seneraghogti lelamogti, ‘Nari naiag awe tolamang nimi sinna kwaneng maikno uro telamang aghana, na elme agha tane kwaneng yori seklero tebalonga ulamna. 18Na samoro naniag pineri lelamneri, “Nai, nari anag babe, imagne ponekoag babe malia uahino. 19Nai, nari mali uanonge sembe andi nanag, ‘Name,’ anne babe olog sunsunum komdi, na andi arukna tanun,” senun,’ sembaogti 20samoro iliag yalamog.
Wene sembaogti yalamogpa, iliri weag agha tiboghaogti, wanaag yareag sembaog. Yareagti ili poneko merero elme poneko somoro salel tol piogti, togtog aro kipto aog. 21Kipto aogpa, elme ponekori iliag yubu lelamogti, ‘Nai, nari anag babe, imagne ponekoag babe malia uahino. Nai, nari mali uanonge sembe andi nanag, “Name,” anne babe olog sunsunum kom,’ seog.
22Wene seog aghana, ili ponekori eldi arukna taneko yopsiogti lelamogti, ‘Elemag ag walinge tol pina elag enekitlulom. Sae ma'alag tolongoroba tobongkongkia, yanag wangana wangkitlulom. 23Undo unuongkia lepmundi, pham sapi mesa yagne nhon oro yobalulom. Yoro teberi, awi toro wamukap. 24Nari me ane tebalonge saog uro wamori, ka'eseptao aghana, wene lag nenep taldi, nanag samoro kamag tangka yaloa saog ual,’ aro sani yoro tero yenga ulamek.
25Sinna aeag yeng unulamek abeneko, me yandonge aweag wamog. Aweag wamog aneko ae peramag yalamogpa, aeag sepna lilim ka'ebaog. 26Sepna lilim ka'ebaogti, iliri arukna taneko yobogti hailamogti, ‘Sa'a agha aeag ulamang?’ aro haibaog.
27Wene aro haibaogpa, iliri arukna anekori, ‘Andi anipsae samoro aeag yalba, andi nai ponekori, “Pham sapi walinge mesa yagne nhon oro yobalulom. Nari name naikto koma wali uro wamoa samoro yal,” aro ambatsilba ulamang,’ aro arukna anekori me yandonge anekoag ambarog.
28Wene aro ambarogpa, me yandonge poneko wanaag yo uaogpa, aeag wa'alaog komba, ili ponekori lambaogti, ‘Nhon wa'aukap! Nunap nhon awi uro kwaneng tukap,’ aro olnobaog.
29Wene aro olnobaog aghana, elme yandongeri iliag yubu lelamogti, ‘Hengkun-kunne andi aruksirop yubu sop-sop ka'elamnari, andinge awe tolamna aghana, andi na pham kambing ologne babe tatneom kom. Tatnohomba yobahaneba, nangkaboap awi uro tehebe. 30An meri andinge saeagha abeneko kelabo ina yabirop kelaboap yabalamori, tup taneba ni orog nembao aghana, wene el samoro yalba, pham sapi mesa yagne el sembe yobalam,’ seog.
31Elme yandongeri iliag wene seogpa, iliri elme yandonge enekoag, ‘Naba name, anna sop-sop nanap ane ua ulamnam. Nari saeagha wamlange ni andinge babe wamla. 32Aghana wenena, awi toro ulamapne ane sunsunum uro ulamap. Anipsae eneko nimi tebalonge saog uro ka'eseptao agha, kamag tangka yaloa saog ual. Ane sembe sumene sani yoro tero awi uro wamukap,’ seogti iliri elme olnobaog,” aro Yesusti likiptop yubu tol pina ambatsiog.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.