Lukas 18:4-5

Wene kaldam kel enekori, ‘Tam naringe kembamendi, yepto karebatnululam,’ aro molol alamog aghana, tam lelekto kemero kareptopne ponekori yepto karebarelamog kom. Tam karebarelamog kom aghana, el ponekori seneraghogti, ‘Nari Allah sembe log senero kiplamna komdi, nimi sembe teba'en senelamsin. Aghana kaldam kel eneri sop-sop yalamlari, nebel alamnel. Tam ane kemero karebane kom tanena, “Kaldam kel ene sop-sop yingkina yubu nebel alamneleag,” aro el sembe tam kemero karebaneba, nimi enekori elag lunuro tatlul,’ seogti tam karebaog,” aro Yesusti eldi yubu ka'ero neleptop nangag sunumna sunuro ambatsiog.