2 AkwaTesalonika 1
1
Paulu aa vumenena akwakutawa o mu Tesalonika
1Yatwe twa Paulu, Silasi na Timoti. Twaa ñorera amwe mwakwa kereke thzo mu Tesalonika, amwe mu di kwa Nyambi Tata wetu noku kwa Fumu Yesu Krisitu. 2Thsihemo no thsiyaro ikare nenu ku tunderera kwa Nyambi Tata wetu na Fumu Yesu Krisitu.
Raturo ou a ku keya Yesu
3Twaa roera ku kanderera kwa Nyambi thsikati thsothsihe mukaci kenu amwe mwaenthzetu. Yaa roera ku tendahara kengeyo, inene thsitawo thsenu thsaa thza o kura nene shemwa, karo no thsishimo ethsi mu cishima thsaa thza o kura. 4Mweyo, twaa cishangara keyi yenu mu makereke a Nyambi mukaci ko muooto wenu no thsitawo thsenu mu kunyandithsiwa kwenu no makando yoihe eyi mu cithzua.
5Ou po ombangi ci raturo thza Nyambi thziwawa, mweyo, kenge mwa ku variwa ci mwaa roera mu Kutumina kwa Nyambi, oku mu nyandera. 6Nyambi po muwawa, kenge a ku huthsera makando kowa a mi nyandithsa.
7Kenge a ku yooyerithsa amwe mu na nyandithsiwa natwe kengeyo. Kenge a ku tenda kengeyo Fumu Yesu ou a ku hokoriwa ku tunda ku wiru no tungeru twenthzi totukoro, 8mu mirengi thzo mudiro. Kenge a ku pa humbithso awa a na kana ku dimuka Nyambi no kukana ku hengeka Muthzimbu Ouwa wa Fumu wetu Yesu. 9Kenge a ku piwa humbithso thzo kunongithsiwa diyere, karo kenge a ku tundithsiwa pa meho a Fumu no ku tundithsiwa ku kutethzima kwenthzi kokukoro. 10Mwedyo diyuwa ou a ku keya ku na tambura kutethzima kwanuenthzi owakenu no ku komokiwa kwakwakutawa wahe, namwe kenge mwa kwikara mu kaciko, inene na mu tawa ombangi ou na tu mi tongwera.
11Mweyo, twaa mi rombereranga thsikati thsothsihe. Twaa romba Nyambi wetu ci a mi tende awa na roera mwoyo ou naa mithsera. Kokoro wenthzi a yarithserere eshima yenu yoihe yo ku kwama etenda yoiwa mukaci ko thsitawo thsenu. 12Twaa rombera kengeyo ci nga dithzina dya Fumu wetu Yesu Krisitu di piwe kutethzima mukaci kenu, namwe mu piwe kutethzima mukaci kenthzi. Yoihe eyi yaa twethsa ku tendahara mukaci ko thsihemo thsa Nyambi wetu na Fumu Yesu Krisitu.
Currently Selected:
2 AkwaTesalonika 1: mho
Highlight
Copy
Compare
Share
Want to have your highlights saved across all your devices? Sign up or sign in
©2023 The Seed Company
2 AkwaTesalonika 1
1
Paulu aa vumenena akwakutawa o mu Tesalonika
1Yatwe twa Paulu, Silasi na Timoti. Twaa ñorera amwe mwakwa kereke thzo mu Tesalonika, amwe mu di kwa Nyambi Tata wetu noku kwa Fumu Yesu Krisitu. 2Thsihemo no thsiyaro ikare nenu ku tunderera kwa Nyambi Tata wetu na Fumu Yesu Krisitu.
Raturo ou a ku keya Yesu
3Twaa roera ku kanderera kwa Nyambi thsikati thsothsihe mukaci kenu amwe mwaenthzetu. Yaa roera ku tendahara kengeyo, inene thsitawo thsenu thsaa thza o kura nene shemwa, karo no thsishimo ethsi mu cishima thsaa thza o kura. 4Mweyo, twaa cishangara keyi yenu mu makereke a Nyambi mukaci ko muooto wenu no thsitawo thsenu mu kunyandithsiwa kwenu no makando yoihe eyi mu cithzua.
5Ou po ombangi ci raturo thza Nyambi thziwawa, mweyo, kenge mwa ku variwa ci mwaa roera mu Kutumina kwa Nyambi, oku mu nyandera. 6Nyambi po muwawa, kenge a ku huthsera makando kowa a mi nyandithsa.
7Kenge a ku yooyerithsa amwe mu na nyandithsiwa natwe kengeyo. Kenge a ku tenda kengeyo Fumu Yesu ou a ku hokoriwa ku tunda ku wiru no tungeru twenthzi totukoro, 8mu mirengi thzo mudiro. Kenge a ku pa humbithso awa a na kana ku dimuka Nyambi no kukana ku hengeka Muthzimbu Ouwa wa Fumu wetu Yesu. 9Kenge a ku piwa humbithso thzo kunongithsiwa diyere, karo kenge a ku tundithsiwa pa meho a Fumu no ku tundithsiwa ku kutethzima kwenthzi kokukoro. 10Mwedyo diyuwa ou a ku keya ku na tambura kutethzima kwanuenthzi owakenu no ku komokiwa kwakwakutawa wahe, namwe kenge mwa kwikara mu kaciko, inene na mu tawa ombangi ou na tu mi tongwera.
11Mweyo, twaa mi rombereranga thsikati thsothsihe. Twaa romba Nyambi wetu ci a mi tende awa na roera mwoyo ou naa mithsera. Kokoro wenthzi a yarithserere eshima yenu yoihe yo ku kwama etenda yoiwa mukaci ko thsitawo thsenu. 12Twaa rombera kengeyo ci nga dithzina dya Fumu wetu Yesu Krisitu di piwe kutethzima mukaci kenu, namwe mu piwe kutethzima mukaci kenthzi. Yoihe eyi yaa twethsa ku tendahara mukaci ko thsihemo thsa Nyambi wetu na Fumu Yesu Krisitu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2023 The Seed Company