Maheveru 5
5
1Mupurisita Shokuru yomuhe aa hanguriwanga mu kaci kanu ci a kwamene Nyambi mu ndau thzo mwinu yo ku pitera kwa Nyambi, kupa nupu neyambero mukaci kevi yo. 2Mupurisita aa twethsa kuwamucima kwakwa kupira odimukero nakwa muyemburuko inene naye munu o kufaratera. 3Pakuninga ci naye munu o ku faratera, aa roera ku pa thsiyambero thsevi yenthzi no ku pa eyambero yevi ya yanu.
4Karo kwithsa o kucihangwera edi direma dyo kwikara mupurisita shokuru, unone aa di wana pohuma ko kwithsiwa kwa Nyambi, eci edi ekarire Aroni. 5Mofoci, no Krisitu naye ka a cithzinekire ci ekare mupurisita shokuru. Unone Nyambi wa mu amberire ci,
“Yowe o mwanange,
Rero ni na piruka Tata woe.”
6Nyambi wa ambire karo kumweya ci,
“Yowe o mupurisita o diyere,
mu shayo thza Melekisedeki.”
7Yesu ou a yoyire pano pa kaye, wekarire munu werombero no ku cidirerera ko ku kuana no mihothzi kwa Nyambi oyu wa twethsire ku mu yoyithsa ku kufa. Nyambi wa mu yuvire, inene shime a cihuthsire kushi. 8Shaanga ci nedi Mwana Nyambi, wa cirongithsire ku yuvera Nyambi mu makando aa ekarire nao. 9Munyima thzo ku tendiwa o kwononoka, wekarire oyu retera kuyoyithsiwa ko diyere wahe awa mu yuvera. 10Nyambi wa mu tendire kwikara mupurisita shokuru mu shayo thza Melekisedeki.
Ekuturura mukaci ko ku thsia thsitawo
11Tu di neyi yoingi yo ku amba keyi, unone ikaru ku i mi tongonwena mukaci kokata wenu mu ku yuvithsithsa. 12Kare mwandire o ku mu di akwakutawa, mwaa roera ci namwe nga mwaa rongithsa anu amweya. Unone kwaa fotahara munu ku na mi rongithsa erongithsa yo matatekero yo maywi a Nyambi. Amwe po mwaa roera mahwe kadi edya yoikoro. 13Inene munu yomuhe o ku yoya mahwe po ka a dimukire thsirongithsa thsowawa, pakuninga ci shimbi ekarera kambu. 14Unone edya yoikoro po yakuru, awa na cifundithsa ku hangura yoiwa kweyi yoimango.
Currently Selected:
Maheveru 5: mho
Highlight
Copy
Compare
Share
Want to have your highlights saved across all your devices? Sign up or sign in
©2023 The Seed Company