Mberaand 16
16
O rimel ole Isma’el
1Saarayi fee o tew Abram jeg’ee o ƥiy o leng. A jeg’a koy o ceefeer o Miimisira o ne’e Agaar. 2Saarayi a laya a Abram ee:
«Feek o Yaal oxe kaa xañaam fa ndim, reti boog o yoon fa Agaar fee o ceefeer es. Xeƈa xam jegit no ten o ƥiy.»
Abram a fi’a ke Saarayi a layuuna. 3Maaga, Saarayi fee o tew Abram a janga a Agaar fee o Miimisira xe refna ref o ceefeer um, a cooxin a Abram fee o kor um a cinj ye da ngenna xa kiid xarɓaxay kam saax laa Kanaan. 4Abram a yoona fa Agaar soo ta rok o fud. Ye Agaar a ga’na yee o fud a saqu, a dalfooxa o ɗeetataa a Saarayi fee o yaal um a ngid a pariƴ. 5Maaga, Saarayi a laya a Abram ee:
«Fat a naxax ake um naxooxel a yen took of. Cooxaaxoong o ceefeer es, o yoon fo ten, too ye ta ga’na yee a roka o fud a refata no ɗeetaxam a ngid a pariƴ. Yaasam o Yaal oxe a hate a ndeer es fa wo.»
6Abram a doona a Saarayi yee:
«Mee ndax o ceefeer of na xa ƥay of a refu. Fi’een boog naa jofooxoonga!»
Maaga, Saarayi a dalfooxa o ref no ñagadilan soo Agaar a ƴuf ndax ta goƭin.
7 Malaaka no Yaal oxe a soƥa a Agaar paam a cur foofi kam a koƥ-a-ƥor alaa, na cur alaa refna paam a ƭat alaa jofna Suur. 8A layaan ee:
«Agaar fee o ceefeer Saarayi, mam inooro fo mam o jofaa?»
Agaar a doonaan ee:
«Saarayi fee o yaal es um ƴufaa!»
9Malaaka fee no Yaal oxe a layaan ee:
«Nomtooxi maa no yaal of, too neewandoox no ɓay um.» 10Malaaka fee no Yaal oxe a layahinaan ee: «Xam mayƭand xa taan of, boo o leng waagkee o lim a den.» 11Malaaka fee no Yaal oxe a ɓaata teen ee: «Me ta refna o fud saqo. Xan o ñoot o ƥiy o ngoor, too fat o ne’in Isma’el, yaam o Yaal oxe a nana#16:11 Isma’el kaa tekit «Roog a nana». xa iin of. 12O ƥiy onqeene xan a nand nen o faam-a-koƥ, waagirkee fo o leng, too o leng waagirkee fo ten. Xan a siiknoor fo fog um fop.»
13Agaar a laamtooxa yee: «Ndax no ndigil kaam ga meeke sax a Roog fee na ga’axam?» A ne’a o Yaal oxe lay’ina fo ten El-Ro’i ee wo refu Roog fee na ga’axam. 14Ten taxu a ngas alaaga a ne’el Laxay-Ro’i, tekitna a ngas ale no xe na ñoowaa too a ga’aa. A ngas alaa oxe refa a ndeer Kades fa Bered.
15Agaar a rimana a Abram o ƥiy o ngoor, soo Abram a ne o ƥiy onqe Isma’el.#Gal 4:22 16Abram a jeg’a xa kiid qarɓeen ɓetuu tadik fo xa kiid ɓetaa fo leng ye Agaar a rimanuuna a Isma’el.
Currently Selected:
Mberaand 16: SRR23
Highlight
Share
Copy
Want to have your highlights saved across all your devices? Sign up or sign in
Copyright © 2015-2023 by Eglise luthérienne du Sénégal
Mberaand 16
16
O rimel ole Isma’el
1Saarayi fee o tew Abram jeg’ee o ƥiy o leng. A jeg’a koy o ceefeer o Miimisira o ne’e Agaar. 2Saarayi a laya a Abram ee:
«Feek o Yaal oxe kaa xañaam fa ndim, reti boog o yoon fa Agaar fee o ceefeer es. Xeƈa xam jegit no ten o ƥiy.»
Abram a fi’a ke Saarayi a layuuna. 3Maaga, Saarayi fee o tew Abram a janga a Agaar fee o Miimisira xe refna ref o ceefeer um, a cooxin a Abram fee o kor um a cinj ye da ngenna xa kiid xarɓaxay kam saax laa Kanaan. 4Abram a yoona fa Agaar soo ta rok o fud. Ye Agaar a ga’na yee o fud a saqu, a dalfooxa o ɗeetataa a Saarayi fee o yaal um a ngid a pariƴ. 5Maaga, Saarayi a laya a Abram ee:
«Fat a naxax ake um naxooxel a yen took of. Cooxaaxoong o ceefeer es, o yoon fo ten, too ye ta ga’na yee a roka o fud a refata no ɗeetaxam a ngid a pariƴ. Yaasam o Yaal oxe a hate a ndeer es fa wo.»
6Abram a doona a Saarayi yee:
«Mee ndax o ceefeer of na xa ƥay of a refu. Fi’een boog naa jofooxoonga!»
Maaga, Saarayi a dalfooxa o ref no ñagadilan soo Agaar a ƴuf ndax ta goƭin.
7 Malaaka no Yaal oxe a soƥa a Agaar paam a cur foofi kam a koƥ-a-ƥor alaa, na cur alaa refna paam a ƭat alaa jofna Suur. 8A layaan ee:
«Agaar fee o ceefeer Saarayi, mam inooro fo mam o jofaa?»
Agaar a doonaan ee:
«Saarayi fee o yaal es um ƴufaa!»
9Malaaka fee no Yaal oxe a layaan ee:
«Nomtooxi maa no yaal of, too neewandoox no ɓay um.» 10Malaaka fee no Yaal oxe a layahinaan ee: «Xam mayƭand xa taan of, boo o leng waagkee o lim a den.» 11Malaaka fee no Yaal oxe a ɓaata teen ee: «Me ta refna o fud saqo. Xan o ñoot o ƥiy o ngoor, too fat o ne’in Isma’el, yaam o Yaal oxe a nana#16:11 Isma’el kaa tekit «Roog a nana». xa iin of. 12O ƥiy onqeene xan a nand nen o faam-a-koƥ, waagirkee fo o leng, too o leng waagirkee fo ten. Xan a siiknoor fo fog um fop.»
13Agaar a laamtooxa yee: «Ndax no ndigil kaam ga meeke sax a Roog fee na ga’axam?» A ne’a o Yaal oxe lay’ina fo ten El-Ro’i ee wo refu Roog fee na ga’axam. 14Ten taxu a ngas alaaga a ne’el Laxay-Ro’i, tekitna a ngas ale no xe na ñoowaa too a ga’aa. A ngas alaa oxe refa a ndeer Kades fa Bered.
15Agaar a rimana a Abram o ƥiy o ngoor, soo Abram a ne o ƥiy onqe Isma’el.#Gal 4:22 16Abram a jeg’a xa kiid qarɓeen ɓetuu tadik fo xa kiid ɓetaa fo leng ye Agaar a rimanuuna a Isma’el.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2015-2023 by Eglise luthérienne du Sénégal