Mateu 20
20
Vashandi mu munda wo mivhini
1Ngokuti Umambo hwo mu gore hunoezaniswa no mundhu uri mune wo nyumba, uwo wakafumira mangwanani mavishi kootora vashandi vo munda wake wo mivhini. 2Naapo watenderana no vashandi mare#20:2 Ngo ndimi yo Chigiriki inozwi Dhenariyo: chigurwa cho sirivha, chinopochereswa ngo kushanda kwo zuva rimwe. imwe ngo zuva, wakavatuma ku munda wo mivhini. 3Naye wakabudazve kooda kuyita nguva yochitatu, wakavona vamweni vakayima pandau yo musika, vasikashandi. 4Wakati kwavari: Endanyivo mu munda wo mivhini, no icho chinomusisira ndinozomupa. Navo vakaenda. 5Zve wakabuda kooda kuyita nguva yochitandhatu, no yo chipfumbamwe, wakayitazve kudaro. 6Kooda kuyita nguva yo chigumi na imwe wakabuda, wakavona vamweni vakayima, wakati kwavari: Munoima pano ngenyi zuva rese musina chomunoshanda? 7Vakati kwaari: Ngokuti apana mundhu watitora. Wakati kwavari, endanyivo mu munda wo mivhini no icho chinomusisira munozoashira. 8Kwoyita madekoni mambo wo munda wo mivhini wakati kuno mungwariri wake: Danijayi vashandi, uvape musharo, utange ngo uwo wokugumisira mbhera kuguma kuno uwo wokutanga. 9Kwakati no vaviya avo vakatohwa ngo nguva yo chigumi na imwe vakaashira mare imwe. 10Kwakati avo vokutanga voviya vakarangarija kuti vangaengejehwa; navo ngokudaro vakaashira mundhu wese mare imwe. 11Naapo vaashira vakan'un'utira mune wo nyumba, 12vechiti: “Ava vokupejisira vashanda nguva imwe yega, newe wakayita kuti vaezane nesu, isisu takatwara mutwaro no kupisa kwezuva.” 13Asi iye wakapingura, akati kwo umwe wavo, shamwari andizivi kukuitira chakashata. Auzivi kutenderana neni here ngo mare imwe? 14Tora icho chiri chako uende. Ndinoda kumupavo uwu wokupejisira kudari ndiwe. 15Akutendehwi here kwendiri kuti ndiite icho chondinoda ngozviri zvangu? Nokuti jiso rako, rinothima ngokuti inini ndakanaka here? 16#Vonayi kuna: Mat. 19:30; Mar. 10:31; Ruk. 13:30.Ndizvo avo vo sure vanozoyita vo pamberi, no vo pamberi vanozoyita vo sure.
Jesu unovereketazve ngo kufa no kumuka kwake
(Marku 10:32-34; Ruka 18:31-34)
17Apo Jesu echikwira Jerusarema, wakatora vajiji vari gumi na vaviri, vari vega mu njira, naye wakati kwavari: 18“Vonanyi, tinokwira Jerusarema; no Mwana wo Mundhu unozopihwa ku vapristi vakuru no vatari, navo vanozogura kuti aurawe. 19Navo vanozomupira kuno vo majinja kuti aitihwe jee, no kumupshaputa, no kukohomehwa, na ngo zuva rochitatu unozomuka.”
Chikumbiro cho vana va Zebhedhi
(Marku 10:35-45)
20Naapo kwakaviya kwaari mayi wo vana va Zebhedhi, pamwepo no vana vake, akamudira, echikumbira kwaari chiro chakatikuti. 21Naye wakati kwaari: “Chinyi cho munoda?” Wakati kwaari: “Nangayi kuti ava vana vangu vaviri vagare umwe ngo kumuho kwako, no umweni ngo kuboshwe kwako mu Umambo hwako.” 22Asi Jesu wakapingura, akati: “Amuzivi icho chomunokumbira. Munokona here kumwa mukheyo wo ndinozomwa inini?” Vakati, kwaari: “Tinokona.” 23#20:23 Kumwa kumukheyo zvinoti: kutambujika pamwepo na Jesu. Vonayi kuna Zvak. 12:2.Iye wakati kwavari: “Ngo gwinyiso munozomwa mukheyo wangu; asi kugara ngo kumuho kwangu na ngo kuboshwe kwangu andikwopi kwangu akadi kupa, asi ngokwaavo vakanasirihwa ndi Baba wangu.” 24Naapo vari gumi vazwa, vakatsenekera hama mbiri ijo. 25Asi Jesu wakavadanija kwaari, akati: “Munoziva kuti vatongi vo majinja vanotonga panyezuru pavo, no vakuru vavo vanosimba panyezuru pavo. 26Asi akuzoiti kudaro pakati penyu; asi uwo unoda kuti ayite mukuru pakati penyu ngaayite mushandiri wenyu; 27no uwo unoda kuyita wokutanga pakati penyu ngaayite muranda wenyu. 28Kudari ngo Mwana wo Mundhu aazivi kuviya koshandihwa, asi kushandira no kupa kupona kwake kuyita muripo wo vazhinji.”
Kurapwa kwo mapofu maviri
(Marku 10:46-52; Ruka 18:35-43)
29Naapo vachibuda kubva mu Jeriko mbungano huru yakamutevera. 30Vonanyi, mapofu maviri akagara pa njira, apo akazwa kuti Jesu waikhirira, akadanijira, echiti: “Mambo, Mwana wa Dhavhidha, tiyitire nyasha.” 31No mbungano yaiakamisa kuti anyarare. Asi akapinda kudanijisa, echiti: “Mambo, Mwana wa Dhavhidha, tiyitire nyasha.” 32Na Jesu wakayima, wakaadanija, akati: “Munoda kuti ndimuitirenyi?” 33Akati kwaari: “Mambo, kuti majiso edu apembenujwe.” 34Ndizvo Jesu wakaazwira urombo, wakapshasa majiso ao; paripo majiso ao akapembenujwa, nao akamutevera.
Currently Selected:
Mateu 20: CINDAU NT
Highlight
Share
Copy
Want to have your highlights saved across all your devices? Sign up or sign in
Novo Testamento Cindau © Bible Society of Mozambique, 2023.
Mateu 20
20
Vashandi mu munda wo mivhini
1Ngokuti Umambo hwo mu gore hunoezaniswa no mundhu uri mune wo nyumba, uwo wakafumira mangwanani mavishi kootora vashandi vo munda wake wo mivhini. 2Naapo watenderana no vashandi mare#20:2 Ngo ndimi yo Chigiriki inozwi Dhenariyo: chigurwa cho sirivha, chinopochereswa ngo kushanda kwo zuva rimwe. imwe ngo zuva, wakavatuma ku munda wo mivhini. 3Naye wakabudazve kooda kuyita nguva yochitatu, wakavona vamweni vakayima pandau yo musika, vasikashandi. 4Wakati kwavari: Endanyivo mu munda wo mivhini, no icho chinomusisira ndinozomupa. Navo vakaenda. 5Zve wakabuda kooda kuyita nguva yochitandhatu, no yo chipfumbamwe, wakayitazve kudaro. 6Kooda kuyita nguva yo chigumi na imwe wakabuda, wakavona vamweni vakayima, wakati kwavari: Munoima pano ngenyi zuva rese musina chomunoshanda? 7Vakati kwaari: Ngokuti apana mundhu watitora. Wakati kwavari, endanyivo mu munda wo mivhini no icho chinomusisira munozoashira. 8Kwoyita madekoni mambo wo munda wo mivhini wakati kuno mungwariri wake: Danijayi vashandi, uvape musharo, utange ngo uwo wokugumisira mbhera kuguma kuno uwo wokutanga. 9Kwakati no vaviya avo vakatohwa ngo nguva yo chigumi na imwe vakaashira mare imwe. 10Kwakati avo vokutanga voviya vakarangarija kuti vangaengejehwa; navo ngokudaro vakaashira mundhu wese mare imwe. 11Naapo vaashira vakan'un'utira mune wo nyumba, 12vechiti: “Ava vokupejisira vashanda nguva imwe yega, newe wakayita kuti vaezane nesu, isisu takatwara mutwaro no kupisa kwezuva.” 13Asi iye wakapingura, akati kwo umwe wavo, shamwari andizivi kukuitira chakashata. Auzivi kutenderana neni here ngo mare imwe? 14Tora icho chiri chako uende. Ndinoda kumupavo uwu wokupejisira kudari ndiwe. 15Akutendehwi here kwendiri kuti ndiite icho chondinoda ngozviri zvangu? Nokuti jiso rako, rinothima ngokuti inini ndakanaka here? 16#Vonayi kuna: Mat. 19:30; Mar. 10:31; Ruk. 13:30.Ndizvo avo vo sure vanozoyita vo pamberi, no vo pamberi vanozoyita vo sure.
Jesu unovereketazve ngo kufa no kumuka kwake
(Marku 10:32-34; Ruka 18:31-34)
17Apo Jesu echikwira Jerusarema, wakatora vajiji vari gumi na vaviri, vari vega mu njira, naye wakati kwavari: 18“Vonanyi, tinokwira Jerusarema; no Mwana wo Mundhu unozopihwa ku vapristi vakuru no vatari, navo vanozogura kuti aurawe. 19Navo vanozomupira kuno vo majinja kuti aitihwe jee, no kumupshaputa, no kukohomehwa, na ngo zuva rochitatu unozomuka.”
Chikumbiro cho vana va Zebhedhi
(Marku 10:35-45)
20Naapo kwakaviya kwaari mayi wo vana va Zebhedhi, pamwepo no vana vake, akamudira, echikumbira kwaari chiro chakatikuti. 21Naye wakati kwaari: “Chinyi cho munoda?” Wakati kwaari: “Nangayi kuti ava vana vangu vaviri vagare umwe ngo kumuho kwako, no umweni ngo kuboshwe kwako mu Umambo hwako.” 22Asi Jesu wakapingura, akati: “Amuzivi icho chomunokumbira. Munokona here kumwa mukheyo wo ndinozomwa inini?” Vakati, kwaari: “Tinokona.” 23#20:23 Kumwa kumukheyo zvinoti: kutambujika pamwepo na Jesu. Vonayi kuna Zvak. 12:2.Iye wakati kwavari: “Ngo gwinyiso munozomwa mukheyo wangu; asi kugara ngo kumuho kwangu na ngo kuboshwe kwangu andikwopi kwangu akadi kupa, asi ngokwaavo vakanasirihwa ndi Baba wangu.” 24Naapo vari gumi vazwa, vakatsenekera hama mbiri ijo. 25Asi Jesu wakavadanija kwaari, akati: “Munoziva kuti vatongi vo majinja vanotonga panyezuru pavo, no vakuru vavo vanosimba panyezuru pavo. 26Asi akuzoiti kudaro pakati penyu; asi uwo unoda kuti ayite mukuru pakati penyu ngaayite mushandiri wenyu; 27no uwo unoda kuyita wokutanga pakati penyu ngaayite muranda wenyu. 28Kudari ngo Mwana wo Mundhu aazivi kuviya koshandihwa, asi kushandira no kupa kupona kwake kuyita muripo wo vazhinji.”
Kurapwa kwo mapofu maviri
(Marku 10:46-52; Ruka 18:35-43)
29Naapo vachibuda kubva mu Jeriko mbungano huru yakamutevera. 30Vonanyi, mapofu maviri akagara pa njira, apo akazwa kuti Jesu waikhirira, akadanijira, echiti: “Mambo, Mwana wa Dhavhidha, tiyitire nyasha.” 31No mbungano yaiakamisa kuti anyarare. Asi akapinda kudanijisa, echiti: “Mambo, Mwana wa Dhavhidha, tiyitire nyasha.” 32Na Jesu wakayima, wakaadanija, akati: “Munoda kuti ndimuitirenyi?” 33Akati kwaari: “Mambo, kuti majiso edu apembenujwe.” 34Ndizvo Jesu wakaazwira urombo, wakapshasa majiso ao; paripo majiso ao akapembenujwa, nao akamutevera.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Novo Testamento Cindau © Bible Society of Mozambique, 2023.