प्रेरित 3
3
पतरुस एक जन लङड मन्सेके डउल बनोलिय
1एक दिन पतरुस हसे युहन्ना दिनाक तिन बजेवरि परथानाक जुनवामा मन्दिरवामा जाइ रहलइ। 2वहवाँ एक जन जनमतिक लङड मन्सेके सबदिन मन्सावाह बोक यानके मन्दिरवाक सुन्दर नाउँक दुवरियामा धदेइ। उअ मन्सावा मन्दिरवामा यइलि-गेलि मन्सावानिसे भिख मङिय। 3जब उअ पतरुस हसे युहन्नाके मन्दिरवामा जाइकि देखलिय, तब उअ हुनुकरसे भिख मङलिय। 4हुनुका वकरेके टक लगाके हेरलइ हसे पतरुस वकरेके कहलिय, “अरे! हमारवरि हेरहि।” 5उहेसे उअ मन्सावा हुनुकरसे किहो पउबहि कहके यसरा करके हुनुकरवरि हेरलिय।
6तब पतरुस वकरेके कहलिय, “सोन हसे चाँनि मोरसाङे हइने बडइ, बाकि मोरसाङे जथि बडइ, उहे मुइ तोरके देबहिँ। नासरतक येसु ख्रिस्टक नाउँमा तुइ उठके बुलहि।” 7तब पतरुस वकर दहिनि हथवा धरके उठोलिय हसे वइघरहिँ वकर टङवा हसे घुठियामा बोल्ह यलइ। 8उअ उफरके यापन टङवामा ठडियाके बुले लगलिय। वकरपाछा उअ बुल्ते, उफरते हसे परमेस्वरक बखान करते हुनुकरसाङे मन्दिरवामा गेलिय। 9जब वहवाँक जम्मे मन्सावाह वकरेके बुलइकि हसे परमेस्वरक बखान करइ देखलइ, 10हुनुका वकरेके मन्दिरवाक सुन्दर कहल दुवरियामा बइठके भिख मङलाहरा कहके चिनलइ हसे उअ मन्सावाके बुलइकि देखके यचम्म मनते छक परलइ।
पतरुस मन्दिरवामा उपदेस देलिय
11जब मन्सावाह उअ डउल भेलि मन्सावाके सोलोमन कहलि ओसरावामा पतरुस हसे युहन्नाक साङे-साङे बुलइकि देखके, हुनुका यचम्म मानके वकर लघिना दगुरते यलइ। 12इअ देखके पतरुस हुनुकाके कहलिय, “अरे इस्राएलक ददेर-भाइसभ, यकर बारेमा यपनहुँसभ केहके छक परल बडहुँ? हसे हमरा यापन सक्ति हसे भक्तिसे यकरेके बुले सकाह बनोले बडहुँ सोचके यपनहुँसभ याँ बउले हमराके केहके हेरइ बडहुँ? 13अब्राहम, इसहाक हसे याकुबक परमेस्वर, हमार पिता पुरखाक परमेस्वर, यापन सेवक येसुजिके महिमित करले बडसि। यपनहुँसभ हुनेके मारे परतइ कहके सपदेलहुँ। पिलातस हुनेके छाड देवेके विचार करले रहलसि, बाकि यपनहुँसभ वकर यागा येसुजिके इन्कार करलहुँ।#प्रस्थान ३:६; यसइया ५२:१३ 14यपनहुँसभ पवितर हसे निरदोस मन्सेके अस्विकार करके, बरु एक जन ज्यानमाराके छाड देवेके माङ करलहुँ।#मति २७:१५-२३; मरकुस १५:६-१४; लुका २३:१३-२३; युहन्ना १९:१२-१५ 15जिवन देलहराके यपनहुँसभ मारलहुँ, बाकि परमेस्वर हुनेके मरलिसे फेनि जिउतोलसि। हमरा इअ बतवाक साछि बडहुँ। 16येसुजिक नाउँमा विस्वास करलेसे यपनहुँसभ देखलि हसे चिनलि इअ मन्सावा बरियार भेल बडिय। येसुजिक नाउँमा विस्वास करलेसे इअ मन्सावा यपनहुँसभक यागा डउल भेल बडिय।
17“अरे मोर ददेर-भाइसभ, मोर थाह बडइ, कि यपनहुँ येसुजिके हइने जानके मारलहुँ हसे यपनहुँसभक सासकसभ फेनि वसने करलइ। 18बाकि परमेस्वर यापन अगमवक्तावानिसे फदकलि अगमवाडि यसके पुरा करलसि। हुने ख्रिस्टके दुःख भोगबसि कहके अगमवक्तावानिक मुहवासे बहुत यागा अगमवाडि फदकले रहलसि। 19उहेसे याबे यापन-यापन पाप मानके परमेस्वरक लघिना यउहुँ, तब यपनहुँसभक पाप छमा हतइ, ताकि प्रभुक उपस्थितिसे यपनहुँसभक तहिँया आराम यतइ हसे 20यसने यपनहुँसभके बचावेके तहिँया परमेस्वर यापन छानल ख्रिस्ट येसुजिके पठादेबसि। 21परमेस्वर बहुत यागा यापन पवितर अगमवक्तावानिक मुहवासे कहलि नहिँया जम्मे चिजुवा लउठा बनोइलइ येसुजि स्वरगमा रहे परतइ। 22मोसा फेनि यसके कहले बडिय, ‘परमप्रभु तोहार परमेस्वर मोरके उठोलि नहिँया तोहार ददेर-भाइसे फेनि एक जन अगमवक्ताके उठोबसि हसे तोहरा हुनेक कहलि जम्मे बतवा माने परतइ।#व्यवस्था १८:१५-१६ 23बाकि जुने उअ अगमवक्ताक कहलि बतवा हइने मनसह, उअ परमेस्वरक मन्सावानिसे छुटियतइ हसे नास हतइ।’#व्यवस्था १८:१९
24“समुएल अगमवक्तासे लेके वकरसे पाछा यइलि जम्मे अगमवक्तावाह फेनि इअ दिनवामा घटल घटनाक बारेमा कहले बडइ। 25तोहरा अगमवक्तावानिक हसे परमेस्वर तोहार पुरखावानिसाङे बनोलि वाचाक हकवाल हखह। परमेस्वर हमार पुरखा अब्राहमके यसके कहलसि, ‘तोर सन्तनवानिसे धरतियाक जम्मे मन्सावाह आसिस पउतइ।’#उत्पति १२:३; २२:१८; २६:४ 26यपनहुँसभके यापन-यापन दुस्ट कमवासे फिराके आसिस देवेके तहिँया परमेस्वर यापन सेवक येसुजिके सबसे यागा तोहरा इस्राएलिसभक लघिना पठोलसि।”
Currently Selected:
प्रेरित 3: CTHR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
प्रेरित 3
3
पतरुस एक जन लङड मन्सेके डउल बनोलिय
1एक दिन पतरुस हसे युहन्ना दिनाक तिन बजेवरि परथानाक जुनवामा मन्दिरवामा जाइ रहलइ। 2वहवाँ एक जन जनमतिक लङड मन्सेके सबदिन मन्सावाह बोक यानके मन्दिरवाक सुन्दर नाउँक दुवरियामा धदेइ। उअ मन्सावा मन्दिरवामा यइलि-गेलि मन्सावानिसे भिख मङिय। 3जब उअ पतरुस हसे युहन्नाके मन्दिरवामा जाइकि देखलिय, तब उअ हुनुकरसे भिख मङलिय। 4हुनुका वकरेके टक लगाके हेरलइ हसे पतरुस वकरेके कहलिय, “अरे! हमारवरि हेरहि।” 5उहेसे उअ मन्सावा हुनुकरसे किहो पउबहि कहके यसरा करके हुनुकरवरि हेरलिय।
6तब पतरुस वकरेके कहलिय, “सोन हसे चाँनि मोरसाङे हइने बडइ, बाकि मोरसाङे जथि बडइ, उहे मुइ तोरके देबहिँ। नासरतक येसु ख्रिस्टक नाउँमा तुइ उठके बुलहि।” 7तब पतरुस वकर दहिनि हथवा धरके उठोलिय हसे वइघरहिँ वकर टङवा हसे घुठियामा बोल्ह यलइ। 8उअ उफरके यापन टङवामा ठडियाके बुले लगलिय। वकरपाछा उअ बुल्ते, उफरते हसे परमेस्वरक बखान करते हुनुकरसाङे मन्दिरवामा गेलिय। 9जब वहवाँक जम्मे मन्सावाह वकरेके बुलइकि हसे परमेस्वरक बखान करइ देखलइ, 10हुनुका वकरेके मन्दिरवाक सुन्दर कहल दुवरियामा बइठके भिख मङलाहरा कहके चिनलइ हसे उअ मन्सावाके बुलइकि देखके यचम्म मनते छक परलइ।
पतरुस मन्दिरवामा उपदेस देलिय
11जब मन्सावाह उअ डउल भेलि मन्सावाके सोलोमन कहलि ओसरावामा पतरुस हसे युहन्नाक साङे-साङे बुलइकि देखके, हुनुका यचम्म मानके वकर लघिना दगुरते यलइ। 12इअ देखके पतरुस हुनुकाके कहलिय, “अरे इस्राएलक ददेर-भाइसभ, यकर बारेमा यपनहुँसभ केहके छक परल बडहुँ? हसे हमरा यापन सक्ति हसे भक्तिसे यकरेके बुले सकाह बनोले बडहुँ सोचके यपनहुँसभ याँ बउले हमराके केहके हेरइ बडहुँ? 13अब्राहम, इसहाक हसे याकुबक परमेस्वर, हमार पिता पुरखाक परमेस्वर, यापन सेवक येसुजिके महिमित करले बडसि। यपनहुँसभ हुनेके मारे परतइ कहके सपदेलहुँ। पिलातस हुनेके छाड देवेके विचार करले रहलसि, बाकि यपनहुँसभ वकर यागा येसुजिके इन्कार करलहुँ।#प्रस्थान ३:६; यसइया ५२:१३ 14यपनहुँसभ पवितर हसे निरदोस मन्सेके अस्विकार करके, बरु एक जन ज्यानमाराके छाड देवेके माङ करलहुँ।#मति २७:१५-२३; मरकुस १५:६-१४; लुका २३:१३-२३; युहन्ना १९:१२-१५ 15जिवन देलहराके यपनहुँसभ मारलहुँ, बाकि परमेस्वर हुनेके मरलिसे फेनि जिउतोलसि। हमरा इअ बतवाक साछि बडहुँ। 16येसुजिक नाउँमा विस्वास करलेसे यपनहुँसभ देखलि हसे चिनलि इअ मन्सावा बरियार भेल बडिय। येसुजिक नाउँमा विस्वास करलेसे इअ मन्सावा यपनहुँसभक यागा डउल भेल बडिय।
17“अरे मोर ददेर-भाइसभ, मोर थाह बडइ, कि यपनहुँ येसुजिके हइने जानके मारलहुँ हसे यपनहुँसभक सासकसभ फेनि वसने करलइ। 18बाकि परमेस्वर यापन अगमवक्तावानिसे फदकलि अगमवाडि यसके पुरा करलसि। हुने ख्रिस्टके दुःख भोगबसि कहके अगमवक्तावानिक मुहवासे बहुत यागा अगमवाडि फदकले रहलसि। 19उहेसे याबे यापन-यापन पाप मानके परमेस्वरक लघिना यउहुँ, तब यपनहुँसभक पाप छमा हतइ, ताकि प्रभुक उपस्थितिसे यपनहुँसभक तहिँया आराम यतइ हसे 20यसने यपनहुँसभके बचावेके तहिँया परमेस्वर यापन छानल ख्रिस्ट येसुजिके पठादेबसि। 21परमेस्वर बहुत यागा यापन पवितर अगमवक्तावानिक मुहवासे कहलि नहिँया जम्मे चिजुवा लउठा बनोइलइ येसुजि स्वरगमा रहे परतइ। 22मोसा फेनि यसके कहले बडिय, ‘परमप्रभु तोहार परमेस्वर मोरके उठोलि नहिँया तोहार ददेर-भाइसे फेनि एक जन अगमवक्ताके उठोबसि हसे तोहरा हुनेक कहलि जम्मे बतवा माने परतइ।#व्यवस्था १८:१५-१६ 23बाकि जुने उअ अगमवक्ताक कहलि बतवा हइने मनसह, उअ परमेस्वरक मन्सावानिसे छुटियतइ हसे नास हतइ।’#व्यवस्था १८:१९
24“समुएल अगमवक्तासे लेके वकरसे पाछा यइलि जम्मे अगमवक्तावाह फेनि इअ दिनवामा घटल घटनाक बारेमा कहले बडइ। 25तोहरा अगमवक्तावानिक हसे परमेस्वर तोहार पुरखावानिसाङे बनोलि वाचाक हकवाल हखह। परमेस्वर हमार पुरखा अब्राहमके यसके कहलसि, ‘तोर सन्तनवानिसे धरतियाक जम्मे मन्सावाह आसिस पउतइ।’#उत्पति १२:३; २२:१८; २६:४ 26यपनहुँसभके यापन-यापन दुस्ट कमवासे फिराके आसिस देवेके तहिँया परमेस्वर यापन सेवक येसुजिके सबसे यागा तोहरा इस्राएलिसभक लघिना पठोलसि।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society