मरकुस 7
7
रितिथितिक बारेमा
(मति १५:१-९)
1एक दिन यरुसलेम सहरवासे यइलि किहो फरिसियाह हसे व्यवस्थाक-गुरुसभ याके येसुजिक चारिवरि जामा भेलइ। 2तखनहिँ हुनुका येसुजिक कुनहुँ-कुनहुँ चेलवानिके हथवा हइने धोके खाइकि देखलइ। 3(केहकेकि फरिसियाह हसे जम्मे यहुदियाह हथवा हइने धोके जेउना हइने करइ। इअ हुनुकर पुरखावासे याइल चलन रहलइ। 4हुनुका बजरवासे यइलेपर धोके हसे सुद्ध भके मतरे खाइ। यसने हुनुकर लोटा, कचोरा, भडिया-कुडिया धोवेके याको बहुत रितिथितिसभ फेनि रहलइ।) 5उहेसे फरिसियाह हसे व्यवस्थाक-गुरुसभ येसुजिके पुछलइ, “यपनहुँक चेलवाह यापन पुरखावाक चलन यनुसार केहके हइने चलसइ, बरु हथवा हइने धोके खेसइ?” 6तब येसुजि हुनुकाके कहलसि, “यसइया अगमवक्ताक कितबवामा लिखइलि इअ बतवा तोहरा कपटियानिके ठिकसे मिलसइ। केहकेकि उअ यसके लिखले बडिय,
‘इअ मन्सावाह मोरके मुहवासे मतरे यादर करसइ,
बाकि हुनुकर हृदय मोरसे तनाउ बडइ।
7 हुनुका मोरके व्यरथमा उपासना करसइ,
केहकेकि हुनुका मन्सावानिक बनावल नियमसभ सिखोसइ।’ #
यसइया २९:१३
8 “तोहरा परमेस्वरक धारमिक आग्या माने छाडके मन्सावानिक रितिथिति मतरे मनसह।” 9वकरपाछा येसुजि कहलसि, “तोहरा यापन रितिथितिसभ मानेके तहिँया कतुरा चलाखसे परमेस्वरक आग्या इन्कार करसह। 10जसने मोसा कहले बडिय, ‘यापन दाओ-बाबाके यादर करिह’ हसे ‘जुने यापन दाओ-बाबाके सरापतइ वकरेके मारहिँ परतइ।’#प्रस्थान २०:१२; २१:१७; लेवि २०:९; व्यवस्था ५:१६ 11-12बाकि तोहरा यसके सिखोसह, यगर कुनहुँ मन्से यापन दाओ-बाबाके मदत करेके तहिँया जथि देवेके रहलइ, उअ ‘कुरबान’ हखइ, (यरथ परमेस्वरक तहिँया भाखल भेल बडइ) कहके कहबह जउँ, उअ मन्सावा यापन दाओ-बाबाक तहिँया किहो करे नाहिँ परतइ। 13यसने तोहरा यापन चलल याइल रितिथितिसभ पालन करके परमेस्वरक वचनके हेला करसह हसे वसने याको बहुत काम फेनि करसह।”
मन्सेके असुद्ध पारना चिजुसभ
(मति १५:१०-२०)
14वकरपाछा येसुजि फेरि मन्सावानिके यापन लघिना बलोलसि हसे हुनुकाके यसके कहलसि, “तोहरा जम्मे जन मोर बतवा सुनह हसे बुझह। 15बाहरासे मन्सावाक भितरा पेसलि खइना चिजु मन्सावाके असुद्ध नाहिँ बनोतइ, बाकि मन्सावाक भितरासे निकडलि बतवा मतरे मन्सावाके असुद्ध बनोतइ। 16[जाकर कान बडइ, उअ सुनिय।”]#७:१६ इअ पदवा पहिलाक ग्रिकमा हइने रहलइ, बाकि पाछेसे जोडलेसे कतेक लउठा संस्करनमा कोस्ठमा राखल बडइ। 17जब येसुजि मन्सावानिके छाडके घरवा भितरा पेसलसि, तब हुनेक चेलवाह इअ दृस्टान्तक बतवाक यरथ बुझादेहुँ कहके कहलइ। 18तब येसुजि हुनुकाके कहलसि, “कथि यखनिलइ तोहरा हइने बुझले बडह? जथि चिजु बाहरासे मन्सावाक भितरा पेससइ, उअ चिजुवा वकरेके असुद्ध हइने बनोसिय कहके तोहार हइने थाह बडइ? 19केहकेकि उअ चिजुवा मन्सावाक हृदय भितरा हइने पेससइ, बरु पेटवामा जेसइ हसे वहवाँसे फेनि बाहरा निकडके जेसइ।” (इअ कहके येसुजि जम्मे खइना चिजुसभ सुद्ध बडइ कहके कहलसि।) 20वकरपाछा येसुजि कहलसि, “मन्सावाक हृदय भितरासे निकडलि बतवा वकरेके असुद्ध पारसिय। 21-22केहकेकि, खराब विचार, बेसिया, चोरि, हत्या, धुचुड, लोभ, दुस्ट काम, छल, कामुकता, डाह, घिरिना, घमन्डि हसे मुरुखता मन्सावाक हृदयसे निकडोसइ। 23यसनुक जम्मे खराब बातसभ मन्सावाक हृदयसे निकडके वकरेके असुद्ध पारसइ।”
ग्रिक-जाति जनियानिक विस्वास
(मति १५:२१-२८)
24वकरपाछा येसुजि उअ ठउरिया छाडके टुरोस हसे सिदोन सहरवाहवरि गेलसि। इअ बतवा कुनहुँ फेनि थाह झिन पवइ कहके हुने एक जनक घरमा पेसलसि, बाकि मन्सावाह थाह पउबे करलइ। 25तखनहिँ एक जन जनियानि, जाकर बेटियाक दुस्ट-आत्मा लागल रहलइ, उअ येसुजिक बारेमा सुनके वइघरहिँ याके हुनेक पाउ परलिय। 26उअ जनियावा सिरियाक फोनिके छेतरमा जरमल एगुडा ग्रिक जातिक जनियानि रहलिय। उअ यापन बेटियासे दुस्ट-आत्मा निकडादेहुँ कहके येसुजिके बिन्ति करलिय। 27बाकि येसुजि कहलसि, “पहिला हमरा यापन बाल-बचवानिके खियावे परसइ। हुनुकर खइना चिजुवा निछुरके कुकुरानिक यागा फाँकेके डउल हइने हखइ।” 28तब उअ जनिनिया कहलिय, “प्रभुजि, इअ त ठिके हखइ! बाकि कुकुराह फेनि त बाल-बचवानिक खइलि ठउरियासे झरलि खडवासभ खेसइ।” 29इअ सुनके येसुजि वकरेके कहलसि, “तुइ ठिक उतर देलहि, उहेसे याबे सान्तिसे घर जाहि, तोर बेटियासे दुस्ट-आत्मा निकडके गेसकल बडिय!” 30जब उअ फिरके घर गेलिय, यापन बेटियाके डउल भके बिछोनवामा सुतल देखलिय, केहकेकि वकर बेटियासे दुस्ट-आत्मा निकडल रहलिय।
बहिर हसे गेडाह मन्से डउल भेल
31वकरपाछा येसुजि टुरोससे फिरके सिदोन सहर हसे डेकापोलिस छेतर हखते गालिल तलवावरि गेलसि। 32तखनहिँ कतेक जन मन्सेसभ बहिर हसे डउलसे फदके हइने सकलाहर एक जन मन्सेके येसुजि लघिना यनलइ। हुनुका येसुजिसाङे इअ मन्सावा वपरा यापन हथवा राखदेहुँ कहके बिन्ति करलइ। 33उहेसे येसुजि वकरेके भिडवासे इचिका वताहुँ लिगलसि। वकरपाछा, हुने वकर कनवामा यापन यङगुरिया गहदेलसि हसे थुकके वकर जिभिया छुदेलसि। 34वकरपाछा येसुजि स्वरगवरि हेरके नमहर सास लेते कहलसि, “इफ्फाता” यकर यरथ “खोलाहि” हखइ, 35इअ कहतेकि वकर कनवा खुललइ, वकर जिभिया चललइ हसे उअ डउलसे फदके लगलिय। 36तब येसुजि हुनुकाके “इअ बतवा ककरहुँके फेनि झिन कहिह” कहके काडा आग्या देलसि। बाकि जतुरा बहुत हुने मन्सावानिके झिन कहिह कहके आग्या देलसि, हुनुका उअ बतवा झन याको फइलोते गेलइ। 37इअ बतवा सुनलहरा जम्मे जन खाँ यचम्म मानके यसके कहे लगलइ, “येसुजि जम्मे कमवा यसल करले बडसि। हुने बहिराके सुनाह हसे गेडहाके फदकाह बनोससि।”
Currently Selected:
मरकुस 7: CTHR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
मरकुस 7
7
रितिथितिक बारेमा
(मति १५:१-९)
1एक दिन यरुसलेम सहरवासे यइलि किहो फरिसियाह हसे व्यवस्थाक-गुरुसभ याके येसुजिक चारिवरि जामा भेलइ। 2तखनहिँ हुनुका येसुजिक कुनहुँ-कुनहुँ चेलवानिके हथवा हइने धोके खाइकि देखलइ। 3(केहकेकि फरिसियाह हसे जम्मे यहुदियाह हथवा हइने धोके जेउना हइने करइ। इअ हुनुकर पुरखावासे याइल चलन रहलइ। 4हुनुका बजरवासे यइलेपर धोके हसे सुद्ध भके मतरे खाइ। यसने हुनुकर लोटा, कचोरा, भडिया-कुडिया धोवेके याको बहुत रितिथितिसभ फेनि रहलइ।) 5उहेसे फरिसियाह हसे व्यवस्थाक-गुरुसभ येसुजिके पुछलइ, “यपनहुँक चेलवाह यापन पुरखावाक चलन यनुसार केहके हइने चलसइ, बरु हथवा हइने धोके खेसइ?” 6तब येसुजि हुनुकाके कहलसि, “यसइया अगमवक्ताक कितबवामा लिखइलि इअ बतवा तोहरा कपटियानिके ठिकसे मिलसइ। केहकेकि उअ यसके लिखले बडिय,
‘इअ मन्सावाह मोरके मुहवासे मतरे यादर करसइ,
बाकि हुनुकर हृदय मोरसे तनाउ बडइ।
7 हुनुका मोरके व्यरथमा उपासना करसइ,
केहकेकि हुनुका मन्सावानिक बनावल नियमसभ सिखोसइ।’ #
यसइया २९:१३
8 “तोहरा परमेस्वरक धारमिक आग्या माने छाडके मन्सावानिक रितिथिति मतरे मनसह।” 9वकरपाछा येसुजि कहलसि, “तोहरा यापन रितिथितिसभ मानेके तहिँया कतुरा चलाखसे परमेस्वरक आग्या इन्कार करसह। 10जसने मोसा कहले बडिय, ‘यापन दाओ-बाबाके यादर करिह’ हसे ‘जुने यापन दाओ-बाबाके सरापतइ वकरेके मारहिँ परतइ।’#प्रस्थान २०:१२; २१:१७; लेवि २०:९; व्यवस्था ५:१६ 11-12बाकि तोहरा यसके सिखोसह, यगर कुनहुँ मन्से यापन दाओ-बाबाके मदत करेके तहिँया जथि देवेके रहलइ, उअ ‘कुरबान’ हखइ, (यरथ परमेस्वरक तहिँया भाखल भेल बडइ) कहके कहबह जउँ, उअ मन्सावा यापन दाओ-बाबाक तहिँया किहो करे नाहिँ परतइ। 13यसने तोहरा यापन चलल याइल रितिथितिसभ पालन करके परमेस्वरक वचनके हेला करसह हसे वसने याको बहुत काम फेनि करसह।”
मन्सेके असुद्ध पारना चिजुसभ
(मति १५:१०-२०)
14वकरपाछा येसुजि फेरि मन्सावानिके यापन लघिना बलोलसि हसे हुनुकाके यसके कहलसि, “तोहरा जम्मे जन मोर बतवा सुनह हसे बुझह। 15बाहरासे मन्सावाक भितरा पेसलि खइना चिजु मन्सावाके असुद्ध नाहिँ बनोतइ, बाकि मन्सावाक भितरासे निकडलि बतवा मतरे मन्सावाके असुद्ध बनोतइ। 16[जाकर कान बडइ, उअ सुनिय।”]#७:१६ इअ पदवा पहिलाक ग्रिकमा हइने रहलइ, बाकि पाछेसे जोडलेसे कतेक लउठा संस्करनमा कोस्ठमा राखल बडइ। 17जब येसुजि मन्सावानिके छाडके घरवा भितरा पेसलसि, तब हुनेक चेलवाह इअ दृस्टान्तक बतवाक यरथ बुझादेहुँ कहके कहलइ। 18तब येसुजि हुनुकाके कहलसि, “कथि यखनिलइ तोहरा हइने बुझले बडह? जथि चिजु बाहरासे मन्सावाक भितरा पेससइ, उअ चिजुवा वकरेके असुद्ध हइने बनोसिय कहके तोहार हइने थाह बडइ? 19केहकेकि उअ चिजुवा मन्सावाक हृदय भितरा हइने पेससइ, बरु पेटवामा जेसइ हसे वहवाँसे फेनि बाहरा निकडके जेसइ।” (इअ कहके येसुजि जम्मे खइना चिजुसभ सुद्ध बडइ कहके कहलसि।) 20वकरपाछा येसुजि कहलसि, “मन्सावाक हृदय भितरासे निकडलि बतवा वकरेके असुद्ध पारसिय। 21-22केहकेकि, खराब विचार, बेसिया, चोरि, हत्या, धुचुड, लोभ, दुस्ट काम, छल, कामुकता, डाह, घिरिना, घमन्डि हसे मुरुखता मन्सावाक हृदयसे निकडोसइ। 23यसनुक जम्मे खराब बातसभ मन्सावाक हृदयसे निकडके वकरेके असुद्ध पारसइ।”
ग्रिक-जाति जनियानिक विस्वास
(मति १५:२१-२८)
24वकरपाछा येसुजि उअ ठउरिया छाडके टुरोस हसे सिदोन सहरवाहवरि गेलसि। इअ बतवा कुनहुँ फेनि थाह झिन पवइ कहके हुने एक जनक घरमा पेसलसि, बाकि मन्सावाह थाह पउबे करलइ। 25तखनहिँ एक जन जनियानि, जाकर बेटियाक दुस्ट-आत्मा लागल रहलइ, उअ येसुजिक बारेमा सुनके वइघरहिँ याके हुनेक पाउ परलिय। 26उअ जनियावा सिरियाक फोनिके छेतरमा जरमल एगुडा ग्रिक जातिक जनियानि रहलिय। उअ यापन बेटियासे दुस्ट-आत्मा निकडादेहुँ कहके येसुजिके बिन्ति करलिय। 27बाकि येसुजि कहलसि, “पहिला हमरा यापन बाल-बचवानिके खियावे परसइ। हुनुकर खइना चिजुवा निछुरके कुकुरानिक यागा फाँकेके डउल हइने हखइ।” 28तब उअ जनिनिया कहलिय, “प्रभुजि, इअ त ठिके हखइ! बाकि कुकुराह फेनि त बाल-बचवानिक खइलि ठउरियासे झरलि खडवासभ खेसइ।” 29इअ सुनके येसुजि वकरेके कहलसि, “तुइ ठिक उतर देलहि, उहेसे याबे सान्तिसे घर जाहि, तोर बेटियासे दुस्ट-आत्मा निकडके गेसकल बडिय!” 30जब उअ फिरके घर गेलिय, यापन बेटियाके डउल भके बिछोनवामा सुतल देखलिय, केहकेकि वकर बेटियासे दुस्ट-आत्मा निकडल रहलिय।
बहिर हसे गेडाह मन्से डउल भेल
31वकरपाछा येसुजि टुरोससे फिरके सिदोन सहर हसे डेकापोलिस छेतर हखते गालिल तलवावरि गेलसि। 32तखनहिँ कतेक जन मन्सेसभ बहिर हसे डउलसे फदके हइने सकलाहर एक जन मन्सेके येसुजि लघिना यनलइ। हुनुका येसुजिसाङे इअ मन्सावा वपरा यापन हथवा राखदेहुँ कहके बिन्ति करलइ। 33उहेसे येसुजि वकरेके भिडवासे इचिका वताहुँ लिगलसि। वकरपाछा, हुने वकर कनवामा यापन यङगुरिया गहदेलसि हसे थुकके वकर जिभिया छुदेलसि। 34वकरपाछा येसुजि स्वरगवरि हेरके नमहर सास लेते कहलसि, “इफ्फाता” यकर यरथ “खोलाहि” हखइ, 35इअ कहतेकि वकर कनवा खुललइ, वकर जिभिया चललइ हसे उअ डउलसे फदके लगलिय। 36तब येसुजि हुनुकाके “इअ बतवा ककरहुँके फेनि झिन कहिह” कहके काडा आग्या देलसि। बाकि जतुरा बहुत हुने मन्सावानिके झिन कहिह कहके आग्या देलसि, हुनुका उअ बतवा झन याको फइलोते गेलइ। 37इअ बतवा सुनलहरा जम्मे जन खाँ यचम्म मानके यसके कहे लगलइ, “येसुजि जम्मे कमवा यसल करले बडसि। हुने बहिराके सुनाह हसे गेडहाके फदकाह बनोससि।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society