मरकुस 9
9
1येसुजि फेरि हुनुकाके कहलसि, “मुइ तोहराके सदियो कहबहिँ, यहवाँ ठडियलराहमधे कतेक जन परमेस्वरक राज सक्तिमा यवइकि नाहिँ देखइलइ नाहिँ मरतइ।”
येसुजिक भेस बदलाइलि
(मति १७:१-१३; लुका ९:२८-३६)
2इअ बतवा कहलिक छ दिन पाछा, येसुजि पतरुस, याकुब हसे युहन्नाके याको मन्सावानिसे छुटियाके यापनसाङे एगुडा उँच पहाडमा लेले गेलसि। वहवाँ हुनुका मतरे रहलइ। हुनुका हेरते-हेरते येसुजिक रुप बदलेलइ हसे, 3हुनेक लुगवा यतुरा चहकार हसे गोरहर भेलइ कि इअ धरतियामा कुनहुँ फेनि धोके वसने गोरहर बनावे हइने सकसइ। 4तखनहिँ मोसा हसे एलिया यरमरका देखा परलइ हसे येसुजिसाङे बात करे लगलइ। 5तब इअ देखके पतरुस येसुजिके कहलिय, “गुरुजि, हमरा यहवाँ रहेके डउल बडइ। हमरा यहवाँ तिन गो छपरि बनाउ। यपनहुँक तहिँया एगुडा, मोसाक तहिँया एगुडा हसे एलियाक तहिँया फेनि एगुडा!” 6तखनहिँ चेलवाह खाँ-डेरइलेसे, पतरुस कथि कहे परतइ कहके वकर थाह हइने भेलइ। 7तब एगुडा बादरि याके हुनुकाके झापदेलिय हसे बदरियासे यसके कहके एगुडा स्वर यलइ, “इअ मोर सोगावल पुतर हखिय, तोहरा यकर बात सुनिह।”#२ पतरुस १:१७-१८; मति ३:१७; मरकुस १:११; लुका ३:२२ 8इअ सुनके चेलवाह यतेवते हेरलइ हसे येसुजिके मतरे देखलइ। 9वकरपाछा हुनुका पहडवासे तर नभइकि येसुजि यापन चेलवानिके यसके कहलसि, “मुइ मन्सेक पुतर मरके फेरि नाहिँ जियइलइ, तोहरा याजु जथि देखले रहलह, उअ बतवा ककरहुँके फेनि झिन कहिह कहके आग्या देलसि।” 10उहेसे हुनुका उअ बतवा यापन मनवामा रखलइ, बाकि “मरलिसे जियल” कहले कथि हखइ कहके एक-दोसरि जनसाङे बातचित करे लगलइ। 11तब हुनुका येसुजिके यसके कहके पुछलइ, “केहके व्यवस्थाक-गुरुसभ एलियाके ख्रिस्टसे#९:११ ख्रिस्ट: इअ सबद ग्रिक स्रोत भासामा हइने बडइ। पहिला धरतियामा यावे परतइ कहके कहसइ?”#मलाकि ४:५; मति ११:१४ 12तखनहिँ येसुजि हुनुकाके कहलसि, “सदियो, एलिया पहिलाहिँ याके जम्मे चिजुवा ठिकठाक करे परतइ, बाकि कस्के मुइ मन्सेक पुतरके बहुत दुःख भोगे परतइ हसे जम्मे जनसे इन्कार हखे परतइ” कहके धरमसास्तरवामा लिखाइल बडइ? 13बाकि मुइ तोहराके कहबहिँ, “एलिया त यासकल बडिय। वकर बारेमा धरमसास्तरवामा लिखइलि यनुसार मन्सावाह वकरेके जथि करेके मन लगलइ उहे करलइ।”
येसुजि दुस्ट-आत्मा लागल छउडके डउल बनोलसि
(मति १७:१४-२१; लुका ९:३७-४३)
14जब येसुजि यापन तिन जन चेलवानिसाङे फिरके याको चेलवानि लघिना यलसि, तब वहवाँ मन्सेसभक एगुडा जबड भिड रहलइ हसे व्यवस्थाक-गुरुसभ चेलवानिसाङे ठोरा-बोलि करइ देखलसि। 15येसुजिके याइल देखके जम्मे जन यचम्म मनलइ हसे दगुरते जाके हुनेके नमस्कार करलइ। 16तब येसुजि चेलवानिके पुछलसि, “तोहरा कथिक बारेमा हुनुकरसाङे ठोरा-बोलि करइबडह?” 17तखनहिँ मन्सावाक भिडवासे एक जन कहलिय, “गुरुजि, मुइ यापन बेटवाके यपनहुँक लघिना यनले बडहिँ, केहकेकि दुस्ट-आत्मा लगलेसे उअ फदकहि हइने सकिय। 18जब दुस्ट-आत्मावा यकरेके पकडसिय, उअ वकरेके भुयवामा पटकसिय हसे तखनहिँ उअ मुहवासे थेप-गाज निकडाके दतवा किटकिटोसिय। मुइ यपनहुँक चेलवानिके दुस्ट-आत्मा निकडादेहुँ कहके बिन्ति करलहिँ, बाकि हुनुका निकडोहिँ हइने सकलइ।” 19तब येसुजि हुनुकाके कहलसि, “अरे अविस्वासि पुस्ता, कतेक दिनलइ मुइ तोहारसाङे रहबहिँ हसे तोहराके कखनिलइ सहबहिँ? उअ छउडावाके मोर लघिना यनह।” 20तब हुनुका उअ छउडावाके येसुजि लघिना यनलइ। हुनेके देखतेकि उअ दुस्ट-आत्मावा छउडावाके मुरछा पारके भुयवामा पटकदेलिय हसे उअ मुहवासे थेप-गाज निस्कोते नडभडढनमन करे लगलिय। 21तब येसुजि वकर बाबाके पुछलसि, “कहियासे यकरेके यसनुक भेल बडइ?”
उअ छउडावाक बाबा कहलिय, “छोटहिसे यकरेके यसनुक भेल बडइ।” 22“यकरेके नास करेके तहिँया उअ दुस्ट-आत्मावा घर-घराहे यगिया हसे पनियामा पारके मारे खोजसिय। यगर यपनहुँ किहो करे सकबहुँ जउँ हमराके दाया करके मदत करहुँ।” 23तब येसुजि छउडवाक बाबाके कहलसि, “‘यगर सकबहुँ जउँ’, कहके तुइ केहके कहइ बडहिँ? विस्वास करलाहरक तहिँया जम्मे सम्भव बडइ।” 24इअ सुनके छउडावाक बाबा चिलइते कहलिय, “मुइ विस्वास करसहिँ, याबे मोर कमजोर विस्वासके बरियार बनावेके तहिँया मदत करहुँ।” 25येसुजि मन्सावाक भिडवा यापनवरि यवइकि देखके उअ दुस्ट-आत्मावाके यसके कहके डटलसि, “अरे बागड हसे बहिर पारना आत्मा, इअ छउडावासे निकडके यइबे करहि कहके मुइ आग्या देइ बडहिँ, वकर भितरा फेरि कबहुँ फेनि झिन पेससि।” 26तखनहिँ उअ दुस्ट-आत्मावा चिलइते हसे छउडावाके मुरछा पारके निकडके गेलिय। तब उअ छउडावा मरल नहिँया भेलिय हसे उहेसे वहवाँ भेलि मन्सावाह “इअ त मरलिय” कहके कहे लगलइ। 27बाकि येसुजि छउडावाक हथवा पकडके उठोलसि हसे उअ भकदरे उठलिय। 28जब येसुजि यापन चेलवानिसाङे घरवा भितरा यसकरे गेलसि, तब हुनेक चेलवाह चुपे-चुपे पुछलइ, “हमरा उअ दुस्ट-आत्माके केहके निकडावे हइने सकलहुँ?” 29तब येसुजि चेलवानिके कहलसि, “यसनुक दुस्ट-आत्मा त परथानासे मतरे निकडावे सकेसइ।”
येसुजि यापन मृत्युक बारेमा कहलसि
(मति १७:२२-२३; लुका ९:४३-४५)
30वकरपाछा येसुजि हसे हुनेक चेलवाह उअ ठउरिया छाडके गालिलवरि गेलसि। इअ बतवा ककरहुँके फेनि थाह झिन हखइ कहके हुनेक इछा रहलइ। 31केहकेकि येसुजि यापन चेलवानिके मतरे सिछा देवे खोजइ रहलसि। उहेसे येसुजि हुनुकाके कहलसि, “मुइ मन्सेक पुतरके विस्वासघात करके मन्सावानिक हथवामा सपदेतइ। हुनुका मोरके मारतइ हसे मुइ मरलिक तिन दिन पाछा फेरि जिइ उठबहिँ।” 32बाकि येसुजिक कहलि बतवाक यरथ हुनुका हइने बुझेसकलइ हसे हुनेके पुछेके फेनि याट हइने करलइ।
सबसे महान कुने?
(मति १८:१-५; १०:४२; लुका ९:४६-५०)
33वकरपाछा येसुजि हसे हुनेक चेलवाह कफरनहुम सहरवामा यापुगलइ। जब येसुजि घरवा भितरा रहलसि, हुने चेलवानिके यसके पुछलसि, “तोहरा पइडावामा यवइखुनि कथिक बारेमा ठोरा-बोलि करइ रहलह?” 34बाकि हुनुका किहो फेनि उतर हइने देलइ, केहकेकि पइडावामा यवइखुनि हुनुका “हमारमधे सबसे महान कुने हखिय” कहके ठोरा-बोलि करते रहलइ।#लुका २२:२४ 35उहेसे येसुजि बेठलसि हसे बारह जन चेलवानिके बलाके कहलसि, “जुने सबसे महान हखे खोजतइ, उअ सबसे झिनिक भके जम्मे जनक सेवा करे परतइ।”#मति २०:२६-२७; २३:११; मरकुस १०:४३-४४; लुका २२:२६
36वकरपाछा हुने एगुडा छोटे बाचाके हुनुकर यागा यनलसि हसे वकरेके कोरवामा लेके चेलवानिके कहलसि, 37“जुने मोर नाउँमा इअ बचवाके गरहन करतइ, उअ मोरके फेनि गरहन करतइ हसे जुने मोरके गरहन करतइ, उअ मोरके पठोलहरा मोर पिताके फेनि गरहन करबिय।”#मति १०:४०; लुका १०:१६; युहन्ना १३:२० 38तब युहन्ना हुनेके कहलिय, “गुरुजि, हमरा एक जन मन्सेके यपनहुँक नाउँमा दुस्ट-आत्मा निकडोइकि देखलहुँ। हमरा वकरेके रोके खोजलहुँ, केहकेकि उअ हमार दाफाक मन्से हइने रहलिय।” 39बाकि येसुजि कहलसि, “वकरेके झिन रोकिह, केहकेकि जुने मोर नाउँमा यचम्मक काम करसइ उअ मोर विरोधमा हलहालि खराब बात नाहिँ फदकबिय। 40जुने हमार विरोध हइने करसइ, हुनुका हमरे वरिक हखइ।#मति १२:३०; लुका ११:२३ 41मुइ तोहराके सदियो कहबहिँ, यगर कुनहुँ तोहरा ख्रिस्टमा विस्वास करलेसे एक गिलास पानि पिएके देतइ जउँ, उअ सदियो यापन इनाम पउबिय।”#मति १०:४२
पापसे कस्के बचेके?
(मति १८:६-९; लुका १७:१-२)
42 “यगर कुनहुँ मोर वपरा भरखे विस्वास करलहराके पाप करे लगोबिय जउँ, वकर घेन्टियामा जाँत झुन्डियाके समुनदरवामा फाँकदेले डउल हतइ। 43यगर तोर हथवा तोरके पाप करे लगोबिय जउँ, वकरेके काटके फाँकदेसि। दु गो हाथ लेके कबहुँ नाहिँ बुतइना नरकक यागिमा परलिसे त बरु एगुडा हाथ नाहिँ भके फेनि परमेस्वरसाङे सबदिन रहना जिवनमा पेसेके डउल हखइ।#मति ५:३० 44(उअ नरकमा नत किरवा मरतइ, न यगिया बुतेतइ।)#९:४४ बहुत अंग्रेजि बाइबलसभ इअ पदवा अनुवाद हइने करलेसे कोस्ठमा राखल बडइ। 45यगर तोर टङवा तोरके पाप करे लगोबिय जउँ वकरेके काटके फाँकदेसि, केहकेकि दु गो टाङ भके नरकमा परलिसे त बरु लङड भके फेनि परमेस्वरसाङे सबदिन रहना जिवनमा पेसेके डउल हखइ। 46(उअ नरकमा नत किरवा मरतइ, न यगिया बुतेतइ।)#९:४६ बहुत अंग्रेजि बाइबलसभ इअ पदवा अनुवाद हइने करलेसे कोस्ठमा राखल बडइ। 47यगर तोर यखिया तोरके पाप करे लगोबिय जउँ वकरेके निकडाके फाँकदेसि, केहकेकि दु गो याखि भके नरकमा परलिसे त बरु एगुडा याखि भके फेनि परमेस्वरक राजमा पेसेके डउल हखइ।#मति ५:२९
48 “उअ नरकमा नत किरवा मरतइ, न यगिया बुतेतइ। #
यसइया ६६:२४
49 “जसने नुनवा भोगवाके सुद्ध पारसिय # ९:४९ भोगवामा नुन: पुरनि नियमक समयमा यहुदियाह भोगवामा नुन छिटइ। , वसने जम्मे मन्सावाह यगियासे खरेतइ। 50नुन त यसल चिजु हखइ, बाकि नुनवाक सवादि जेतइ जउँ कथिसे वकरेके नुनाइ बनावेके त? तोहरा यापन-यापनमा नुन धरिह हसे एक-दोसरि जनसाङे मिलके रहिह।”#मति ५:१३; लुका १४:३४-३५
Currently Selected:
मरकुस 9: CTHR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
मरकुस 9
9
1येसुजि फेरि हुनुकाके कहलसि, “मुइ तोहराके सदियो कहबहिँ, यहवाँ ठडियलराहमधे कतेक जन परमेस्वरक राज सक्तिमा यवइकि नाहिँ देखइलइ नाहिँ मरतइ।”
येसुजिक भेस बदलाइलि
(मति १७:१-१३; लुका ९:२८-३६)
2इअ बतवा कहलिक छ दिन पाछा, येसुजि पतरुस, याकुब हसे युहन्नाके याको मन्सावानिसे छुटियाके यापनसाङे एगुडा उँच पहाडमा लेले गेलसि। वहवाँ हुनुका मतरे रहलइ। हुनुका हेरते-हेरते येसुजिक रुप बदलेलइ हसे, 3हुनेक लुगवा यतुरा चहकार हसे गोरहर भेलइ कि इअ धरतियामा कुनहुँ फेनि धोके वसने गोरहर बनावे हइने सकसइ। 4तखनहिँ मोसा हसे एलिया यरमरका देखा परलइ हसे येसुजिसाङे बात करे लगलइ। 5तब इअ देखके पतरुस येसुजिके कहलिय, “गुरुजि, हमरा यहवाँ रहेके डउल बडइ। हमरा यहवाँ तिन गो छपरि बनाउ। यपनहुँक तहिँया एगुडा, मोसाक तहिँया एगुडा हसे एलियाक तहिँया फेनि एगुडा!” 6तखनहिँ चेलवाह खाँ-डेरइलेसे, पतरुस कथि कहे परतइ कहके वकर थाह हइने भेलइ। 7तब एगुडा बादरि याके हुनुकाके झापदेलिय हसे बदरियासे यसके कहके एगुडा स्वर यलइ, “इअ मोर सोगावल पुतर हखिय, तोहरा यकर बात सुनिह।”#२ पतरुस १:१७-१८; मति ३:१७; मरकुस १:११; लुका ३:२२ 8इअ सुनके चेलवाह यतेवते हेरलइ हसे येसुजिके मतरे देखलइ। 9वकरपाछा हुनुका पहडवासे तर नभइकि येसुजि यापन चेलवानिके यसके कहलसि, “मुइ मन्सेक पुतर मरके फेरि नाहिँ जियइलइ, तोहरा याजु जथि देखले रहलह, उअ बतवा ककरहुँके फेनि झिन कहिह कहके आग्या देलसि।” 10उहेसे हुनुका उअ बतवा यापन मनवामा रखलइ, बाकि “मरलिसे जियल” कहले कथि हखइ कहके एक-दोसरि जनसाङे बातचित करे लगलइ। 11तब हुनुका येसुजिके यसके कहके पुछलइ, “केहके व्यवस्थाक-गुरुसभ एलियाके ख्रिस्टसे#९:११ ख्रिस्ट: इअ सबद ग्रिक स्रोत भासामा हइने बडइ। पहिला धरतियामा यावे परतइ कहके कहसइ?”#मलाकि ४:५; मति ११:१४ 12तखनहिँ येसुजि हुनुकाके कहलसि, “सदियो, एलिया पहिलाहिँ याके जम्मे चिजुवा ठिकठाक करे परतइ, बाकि कस्के मुइ मन्सेक पुतरके बहुत दुःख भोगे परतइ हसे जम्मे जनसे इन्कार हखे परतइ” कहके धरमसास्तरवामा लिखाइल बडइ? 13बाकि मुइ तोहराके कहबहिँ, “एलिया त यासकल बडिय। वकर बारेमा धरमसास्तरवामा लिखइलि यनुसार मन्सावाह वकरेके जथि करेके मन लगलइ उहे करलइ।”
येसुजि दुस्ट-आत्मा लागल छउडके डउल बनोलसि
(मति १७:१४-२१; लुका ९:३७-४३)
14जब येसुजि यापन तिन जन चेलवानिसाङे फिरके याको चेलवानि लघिना यलसि, तब वहवाँ मन्सेसभक एगुडा जबड भिड रहलइ हसे व्यवस्थाक-गुरुसभ चेलवानिसाङे ठोरा-बोलि करइ देखलसि। 15येसुजिके याइल देखके जम्मे जन यचम्म मनलइ हसे दगुरते जाके हुनेके नमस्कार करलइ। 16तब येसुजि चेलवानिके पुछलसि, “तोहरा कथिक बारेमा हुनुकरसाङे ठोरा-बोलि करइबडह?” 17तखनहिँ मन्सावाक भिडवासे एक जन कहलिय, “गुरुजि, मुइ यापन बेटवाके यपनहुँक लघिना यनले बडहिँ, केहकेकि दुस्ट-आत्मा लगलेसे उअ फदकहि हइने सकिय। 18जब दुस्ट-आत्मावा यकरेके पकडसिय, उअ वकरेके भुयवामा पटकसिय हसे तखनहिँ उअ मुहवासे थेप-गाज निकडाके दतवा किटकिटोसिय। मुइ यपनहुँक चेलवानिके दुस्ट-आत्मा निकडादेहुँ कहके बिन्ति करलहिँ, बाकि हुनुका निकडोहिँ हइने सकलइ।” 19तब येसुजि हुनुकाके कहलसि, “अरे अविस्वासि पुस्ता, कतेक दिनलइ मुइ तोहारसाङे रहबहिँ हसे तोहराके कखनिलइ सहबहिँ? उअ छउडावाके मोर लघिना यनह।” 20तब हुनुका उअ छउडावाके येसुजि लघिना यनलइ। हुनेके देखतेकि उअ दुस्ट-आत्मावा छउडावाके मुरछा पारके भुयवामा पटकदेलिय हसे उअ मुहवासे थेप-गाज निस्कोते नडभडढनमन करे लगलिय। 21तब येसुजि वकर बाबाके पुछलसि, “कहियासे यकरेके यसनुक भेल बडइ?”
उअ छउडावाक बाबा कहलिय, “छोटहिसे यकरेके यसनुक भेल बडइ।” 22“यकरेके नास करेके तहिँया उअ दुस्ट-आत्मावा घर-घराहे यगिया हसे पनियामा पारके मारे खोजसिय। यगर यपनहुँ किहो करे सकबहुँ जउँ हमराके दाया करके मदत करहुँ।” 23तब येसुजि छउडवाक बाबाके कहलसि, “‘यगर सकबहुँ जउँ’, कहके तुइ केहके कहइ बडहिँ? विस्वास करलाहरक तहिँया जम्मे सम्भव बडइ।” 24इअ सुनके छउडावाक बाबा चिलइते कहलिय, “मुइ विस्वास करसहिँ, याबे मोर कमजोर विस्वासके बरियार बनावेके तहिँया मदत करहुँ।” 25येसुजि मन्सावाक भिडवा यापनवरि यवइकि देखके उअ दुस्ट-आत्मावाके यसके कहके डटलसि, “अरे बागड हसे बहिर पारना आत्मा, इअ छउडावासे निकडके यइबे करहि कहके मुइ आग्या देइ बडहिँ, वकर भितरा फेरि कबहुँ फेनि झिन पेससि।” 26तखनहिँ उअ दुस्ट-आत्मावा चिलइते हसे छउडावाके मुरछा पारके निकडके गेलिय। तब उअ छउडावा मरल नहिँया भेलिय हसे उहेसे वहवाँ भेलि मन्सावाह “इअ त मरलिय” कहके कहे लगलइ। 27बाकि येसुजि छउडावाक हथवा पकडके उठोलसि हसे उअ भकदरे उठलिय। 28जब येसुजि यापन चेलवानिसाङे घरवा भितरा यसकरे गेलसि, तब हुनेक चेलवाह चुपे-चुपे पुछलइ, “हमरा उअ दुस्ट-आत्माके केहके निकडावे हइने सकलहुँ?” 29तब येसुजि चेलवानिके कहलसि, “यसनुक दुस्ट-आत्मा त परथानासे मतरे निकडावे सकेसइ।”
येसुजि यापन मृत्युक बारेमा कहलसि
(मति १७:२२-२३; लुका ९:४३-४५)
30वकरपाछा येसुजि हसे हुनेक चेलवाह उअ ठउरिया छाडके गालिलवरि गेलसि। इअ बतवा ककरहुँके फेनि थाह झिन हखइ कहके हुनेक इछा रहलइ। 31केहकेकि येसुजि यापन चेलवानिके मतरे सिछा देवे खोजइ रहलसि। उहेसे येसुजि हुनुकाके कहलसि, “मुइ मन्सेक पुतरके विस्वासघात करके मन्सावानिक हथवामा सपदेतइ। हुनुका मोरके मारतइ हसे मुइ मरलिक तिन दिन पाछा फेरि जिइ उठबहिँ।” 32बाकि येसुजिक कहलि बतवाक यरथ हुनुका हइने बुझेसकलइ हसे हुनेके पुछेके फेनि याट हइने करलइ।
सबसे महान कुने?
(मति १८:१-५; १०:४२; लुका ९:४६-५०)
33वकरपाछा येसुजि हसे हुनेक चेलवाह कफरनहुम सहरवामा यापुगलइ। जब येसुजि घरवा भितरा रहलसि, हुने चेलवानिके यसके पुछलसि, “तोहरा पइडावामा यवइखुनि कथिक बारेमा ठोरा-बोलि करइ रहलह?” 34बाकि हुनुका किहो फेनि उतर हइने देलइ, केहकेकि पइडावामा यवइखुनि हुनुका “हमारमधे सबसे महान कुने हखिय” कहके ठोरा-बोलि करते रहलइ।#लुका २२:२४ 35उहेसे येसुजि बेठलसि हसे बारह जन चेलवानिके बलाके कहलसि, “जुने सबसे महान हखे खोजतइ, उअ सबसे झिनिक भके जम्मे जनक सेवा करे परतइ।”#मति २०:२६-२७; २३:११; मरकुस १०:४३-४४; लुका २२:२६
36वकरपाछा हुने एगुडा छोटे बाचाके हुनुकर यागा यनलसि हसे वकरेके कोरवामा लेके चेलवानिके कहलसि, 37“जुने मोर नाउँमा इअ बचवाके गरहन करतइ, उअ मोरके फेनि गरहन करतइ हसे जुने मोरके गरहन करतइ, उअ मोरके पठोलहरा मोर पिताके फेनि गरहन करबिय।”#मति १०:४०; लुका १०:१६; युहन्ना १३:२० 38तब युहन्ना हुनेके कहलिय, “गुरुजि, हमरा एक जन मन्सेके यपनहुँक नाउँमा दुस्ट-आत्मा निकडोइकि देखलहुँ। हमरा वकरेके रोके खोजलहुँ, केहकेकि उअ हमार दाफाक मन्से हइने रहलिय।” 39बाकि येसुजि कहलसि, “वकरेके झिन रोकिह, केहकेकि जुने मोर नाउँमा यचम्मक काम करसइ उअ मोर विरोधमा हलहालि खराब बात नाहिँ फदकबिय। 40जुने हमार विरोध हइने करसइ, हुनुका हमरे वरिक हखइ।#मति १२:३०; लुका ११:२३ 41मुइ तोहराके सदियो कहबहिँ, यगर कुनहुँ तोहरा ख्रिस्टमा विस्वास करलेसे एक गिलास पानि पिएके देतइ जउँ, उअ सदियो यापन इनाम पउबिय।”#मति १०:४२
पापसे कस्के बचेके?
(मति १८:६-९; लुका १७:१-२)
42 “यगर कुनहुँ मोर वपरा भरखे विस्वास करलहराके पाप करे लगोबिय जउँ, वकर घेन्टियामा जाँत झुन्डियाके समुनदरवामा फाँकदेले डउल हतइ। 43यगर तोर हथवा तोरके पाप करे लगोबिय जउँ, वकरेके काटके फाँकदेसि। दु गो हाथ लेके कबहुँ नाहिँ बुतइना नरकक यागिमा परलिसे त बरु एगुडा हाथ नाहिँ भके फेनि परमेस्वरसाङे सबदिन रहना जिवनमा पेसेके डउल हखइ।#मति ५:३० 44(उअ नरकमा नत किरवा मरतइ, न यगिया बुतेतइ।)#९:४४ बहुत अंग्रेजि बाइबलसभ इअ पदवा अनुवाद हइने करलेसे कोस्ठमा राखल बडइ। 45यगर तोर टङवा तोरके पाप करे लगोबिय जउँ वकरेके काटके फाँकदेसि, केहकेकि दु गो टाङ भके नरकमा परलिसे त बरु लङड भके फेनि परमेस्वरसाङे सबदिन रहना जिवनमा पेसेके डउल हखइ। 46(उअ नरकमा नत किरवा मरतइ, न यगिया बुतेतइ।)#९:४६ बहुत अंग्रेजि बाइबलसभ इअ पदवा अनुवाद हइने करलेसे कोस्ठमा राखल बडइ। 47यगर तोर यखिया तोरके पाप करे लगोबिय जउँ वकरेके निकडाके फाँकदेसि, केहकेकि दु गो याखि भके नरकमा परलिसे त बरु एगुडा याखि भके फेनि परमेस्वरक राजमा पेसेके डउल हखइ।#मति ५:२९
48 “उअ नरकमा नत किरवा मरतइ, न यगिया बुतेतइ। #
यसइया ६६:२४
49 “जसने नुनवा भोगवाके सुद्ध पारसिय # ९:४९ भोगवामा नुन: पुरनि नियमक समयमा यहुदियाह भोगवामा नुन छिटइ। , वसने जम्मे मन्सावाह यगियासे खरेतइ। 50नुन त यसल चिजु हखइ, बाकि नुनवाक सवादि जेतइ जउँ कथिसे वकरेके नुनाइ बनावेके त? तोहरा यापन-यापनमा नुन धरिह हसे एक-दोसरि जनसाङे मिलके रहिह।”#मति ५:१३; लुका १४:३४-३५
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society