सेगुम्पाक 4
4
पात्तुरुस नुङ् युहान्ना माछुम्माबे
1पात्तुरुस नुङ् युहान्ना याॽमिचिनुङ् चेक्मास्याचिनिङ् हाङ्खुबाचि, निङ्वाफुमापाङ् कुखुबा किथिरिक्पाचिगा केप्टेन नुङ् सादुकिचि न्नाबे न्दायाब्या॥ 2ङ्खा सेगुम्पाकचिङा येसु स्यानाभाङ् हिङ्गिलिक लेक्सामा, न्हाङा उङ्बे बिस्वास चोक्खुबाचि चा ङ्खाॽलामाङ् हिङ्गिलिक न्लेङ्मेहा बाङ्हा चेॽया चिन्मास्याचिहा न्निसुचिहोङ् तुक्नुङ् उङ्चि लोक खोता॥ 3न्हाङा ङ्खाचिङा पात्तुरुस नुङ् युहान्ना न्लाबुचिहोङ् सेॽनाम्फोक छेक्पाङ्बे न्छेक्तुचि॥ इजाङ्बाङ्निङ् ङ्खिङ्बेला नाम आयाब्यामासा॥ 4ङ्खाॽनिङ्गो नुसाला खेम्खुबाचि माध्येबे प्याक याॽमिचिङा येसुबे बिस्वास न्जोगु, न्हाङा बिस्वास चोक्खुबा बाबुचि म्बुसाहोङ् फा माहोम्बोक हिङ् न्दासु॥ 5वान्दिभेनिक खाङ्खाङ् हाङ्खुबाचि, याहुदि हाङ्गुम्बाचि नुङ् धार्मासाप्ला चिन्खुबाचि, यारुसालेमबे न्छुप्सा॥ 6न्नाबे मा-हाङ्खुबा हान्नास नुङ् उका उताबाङ् काइयाफा, युहान्ना, आलेक्जेन्डार नुङ् मा-हाङ्खुबागा पाङ्बेॽहा याॽमिचि चा घाक न्छुप्सामासा॥ 7ङ्खाचिङा पात्तुरुस नुङ् युहान्ना माछुम्माबे न्दाचिहोङ् खाॽला न्छिम्दुचि, “न्जिङ्दा हेॽना साक्तिङा नुङ् इसागा उनिङ्बे ना याॽमि नुमेताचुगाना?”
8पाबित्तारा आत्माभाङ् साक्ति तोक्तुहोङ् पात्तुरुसङा ङ्खाचि लुचि, “याॽमिचिगा तायेन्राङ्बा नुङ् हाङ्गुम्बाचि, 9हेन कान्चिङ् एको लाङ्सुरुम्बा याॽमिगा लागि उचुन्ना काम चोगाङ्चुङ्नाङा ना छुम्माबे कायाघा ओमभोङ्, न्हाङा न्ना याॽमि इमिन्होङ् नुयाना बाङ्ना चेॽया न्निङ्दा था तोक्मा मितुक्सुघाभोङ्, 10न्निङ्दा नुङ् इजिरेलबेॽहा घाक याॽमिचिङा खा चेॽया खेप्सानुम, नासारातपेॽना येसु न्निङ्दा कुरुसपे छुसिम्गा, ङ्खाॽनिङ्गो निङ्वाफुमाङा उङ् स्यानाभाङ् हिङ्गिलिक लेङ्मेतुक्सु॥ न्हाङा न्ना येसुगा उनिङ्बेॽमाङ् ना न्निङ्युम्बे येबानेसाना याॽमि नुयाना ओम॥ 11उका उतुम्बे धार्मासाप्लाबे खाॽला छेप्तामा,
‘लुङ्छेङ्बाचिङा काम लान्जोङ्मेन्ना ङ्गायाहोङ् न्लेप्ताहाक्सुना लुङ्खाकमाङ्
सुरगा मुक्खे लुङ्खाक लेक्सा॥’#छेम ११८:२२
12“कानिङ् येसुङा से मुक्ति पिॽमायामेहा॥ इजाङ्बाङ्निङ् निङ्वाफुमाङा वालोक्का मो ताम्दाङ्फुमाबे मुक्ति तोक्मागा लागि येसुगा उनिङ् से पियामा, हेकोना ङ्खाॽलाना हेॽनाचा निङ् म्बियामान्हा॥”
13पात्तुरुस नुङ् युहान्ना छेप्राङ्बा याॽमि मेतासान्चिन, ङ्खोङ्चा मेङ्गिसिॽले चेक्ताचिहा न्निसुचिहोङ् माछुम्माबेॽहा घाक याॽमिचि म्माक्साब्या॥ पात्तुरुस नुङ् युहान्ना चा येसुनुङ् वाखुबा ओम्चिभोङ् था न्दोक्तुचि॥ 14ङ्खाॽनिङ्गो ङ्खाचिङा न्ना नुयाना याॽमि चा उङ्चिनुङ् येबाना न्निसुहोङ् ङ्खाचिङा इहाचा कामा ङ्यासानिन॥ 15न्हाङामाङ् ङ्खाचिङा पात्तुरुस नुङ् युहान्ना माछुम्माभाङ् पाखा न्लोन्धाक्सुचिहोङ् खाॽला साल्लाहा न्जोगा, 16“हाकु खा याॽमिचि इ चोगुम्चिम? इजाङ्बाङ्निङ् खाचिङा चोगाचुहा आच्चाम्माहा काम यारुसालेमबे वाखुबा घाक याॽमिचिङा न्निसुक्सु॥ न्हाङा कानिङ् चा खा चेॽया मेन्हाभोङ् कामा ङ्यासिॽवान॥ 17ङ्खाॽनिङ्गो खा चेॽया हेकोहा याॽमिचिगा नाभाकपे न्दासुन्नि॥ न्हाङामाङ् ‘हाकु नाहाङ्तो येसुगा उनिङ्बे इसा चा याॽमिचि न्जिन्दान्चुन्चिन, चिन्दाचुचिगाभोङ् उचुन न्लेङ्मेन्हा’ भोङ् लुम्चिम॥”
18न्हाङा ङ्खाचिङा पात्तुरुस नुङ् युहान्ना ङ्गाचिहोङ् “येसुगा उनिङ्बे चिन्मा, चेक्मा लेप्तिॽयाचुचि, हाकुचा चिन्दाचुचिगाभोङ् उचुन न्लेङ्मेन्हा” भोङ् न्लुचि॥ 19ङ्खाॽनिङ्गो पात्तुरुस नुङ् युहान्नाङा खाॽला पोलोवा पियाचुचि, “न्निङ्दा काइघा चेॽया येम्माहा येम, निङ्वाफुमाङा कायाहा चेॽया येम्माहा येम, निङ्वाफुमागा उयुम्बे हेॽना च्हेन ठिक्ना? न्निङ्दामाङ् मितानुम॥ 20कानिङ् गो निसुम्ङाहा नुङ् खेप्सुम्ङाहा चेॽया मेन्जेक्ले स्वाक वामा ङ्यासिॽवाङान्हा॥” 21ङ्खाचिङा खा चेॽया ङ्खेप्सुहोङ् झान तुक्नुङ् किसिॽमा लाप्साङ् सेगुम्पाकचि न्नाभाङ् न्लोन्धाक्सुचि॥ ङ्खाचिङा पात्तुरुस नुङ् युहान्ना दान्डा पिॽमाना लाम्बु न्दोक्तुनिन, इजाङ्बाङ्निङ् घाक याॽमिचिङा न्नाबे लेक्साहा आच्चाम्माहा काम न्निसुहोङ् निङ्वाफुमा नुनिङ्वा पिसाङ् उका पार्साम्सा न्जोक्मास्या॥ 22ङ्खाॽला नुयाना न्ना याॽमि च्हेन नाखेङ् फिम्बिलिङ् हाक्निङ्चा तोना साया॥
बिस्वासिचिगा पार्थाना
23न्नाभाङ् लोन्दाख्याचिहोङ् सोलोक पात्तुरुस नुङ् युहान्ना हेकोहा बिस्वासि काम्निभाकचि ङ्वायानाबे लासारायाचि॥ न्हाङा खाङ्खाङ् हाङ्खुबाचि#४:२३ खाचिमाङ् तायेन्राङ्बा न्साया॥ नुङ् याहुदि हाङ्गुम्बाचिङा ङ्गायाहा घाक चेॽया उङ्चि काम्निभाकचि योक्मेताचुचि॥ 24खा चेॽया ङ्खेप्सुहोङ् उङ्चि घाक एको निङ्वागा न्लेक्साहोङ् खाॽला कासाङ् पार्थाना न्जोगा, “ओ घाक हाक्निङ् साक्तिसालि हाङ्बा निङ्वाफुमा, न्दामाङ् ताम्दाङ्फुमा, ताङ्खेङ्, सामुन्दारा, वालोक नुङ् ङ्खाबेॽहा घाक थोक चोक्खुबागान॥#पारास्थान २०:११; नाहेम्याहा ९:६; छेम १४६:६ 25पाबित्तारा आत्माभाङ् न्दा आनिङ्गा पुर्खा दाउदका उयाभाङ् खाॽला कायामासागा–
‘इजाङ् आका बिरुद्दाबे हेकोहा जातिचिगा उङ्चि लोक खोमेॽना?
न्हाङा इजाङ् चोक्मा मेलेङ्माहा-मेलेङ्माहा काम चोक्माहा तार्तुम्बि न्दोक्स्वाहा?
26निङ्वाफुमा नुङ् उङा आभिसेक चोगुना हाङ् खिरिस्टका बिरुद्दाबे
ताम्दाङ्फुमाबेॽहा हाङ्चि म्बोगा, न्हाङा तायेन्राङ्बाचि एकठोङ्बे न्छुप्सा॥’#छेम २:१-२
27“जेप्पामाङ् ङ्खा चेॽया ना साहारबे पुरा लेक्सामा, इजाङ्बाङ्निङ् न्दा सेगुगाना ङ्गा पाबित्तारा सेवाक येसुगा बिरुद्दाबे हेरोद#४:२७ ना याॽमि येसु वायानिङ् राज्या चोक्खुबा हेरोद हाङ्गा उच्या हेरोद एन्टिपास साया॥, पान्तियास पिलातास, हेकोहा जातिचि नुङ् इजिरेलिचि ना साहारबे न्छुप्सामासा॥#मात्ति २७:१-२; मार्कुस १५:१; लुका २३:१; ७–११; युहान्ना १८:२८-२९ 28ङ्खाचिङा ङ्गा साक्तिभाङ् न्दा ओन्दाङ् मितुक्साघा लोॽवामाङ् घाक काम न्जोगु॥ 29ओ हाङ्बा, हाकु कानिङ् किसिॽमा लाप्खुबाचि पोटि न्निङ्वा पि॥ न्हाङा कानिङ् ङ्गा सेवाकचि ङ्गा चेॽया उचुन चेक्मा यामाना साक्ति पिया, 30तुखाबाङ्चि नुमेॽमागा म्मुक सोसाब्या न्हाङ् ङ्गा पाबित्तारा सेवाक येसुगा उनिङ्बे आच्चाम्माहा चिङ्गो नुङ् काम सोॽमेता॥”
31उङ्चि पार्थाना न्जोगाब्याहोङ् उङ्चि न्छुप्साना ठोङ् लुक्लिबा क्याना लोॽवा योङा॥ न्हाङ् उङ्चि घाक पाबित्तारा आत्मागा साक्तिङा इप्तुचि, न्हाङा निङ्वाफुमागा चेॽया मेङ्गिसिॽले खेम्मेॽमा न्दारोक्तुचि॥
बिस्वासिचि तुखिबे ङ्ङामेॽनिङ् फाॽमाहाचि
32बिस्वास चोक्खुबाचि घाक एको निङ्वागा न्लेक्सामासा, उङ्चिनुङ् वायाहा घाकथोक इसाङा चा “खा आका”, “खा ङ्गा” ङ्गायानिन, उङ्चिगा घाक थोक साङ्गोल साया॥#सेगुम्पाक २:४४-४५ 33ङ्खा सेगुम्पाकचिङा निङ्वाफुमागा साक्तिभाङ् येसु हिङ्गिलिक लेक्साना चेॽयागा गाबाहि म्बिचि, न्हाङा ङ्खाचि घाक उलुङ्मा तुक्तुचिहोङ् निङ्वाफुमाङा प्याक आसिक पिचि॥ 34-35उङ्चि इसा चा इहागा चा खाचो ङ्ङायानिन, इजाङ्बाङ्निङ् इसा इसानुङ् रोपा, लाम्धाङ् वाया ङ्खा इन्चासाङ् सेगुम्पाकचिगाबे याङ् न्दा, न्हाङा खाचोबे ङ्ङायाहा याॽमिचि ङ्हाप्सुबिचि॥ 36-37इमा साइपारास बेॽना लेबि छोङ्गा एको योसेफ बाङ्ना याॽमिङा चा उङ्नुङ् वायाहा लाम्धाङ् इनुचोहोङ् याङ् सेगुम्पाकचिगाबे ता॥ सेगुम्पाकचिङा उका उनिङ् बार्नाबास ङ्युक्सुबिक्सा॥ (न्नागा तुम्बिला “उत्साहा पिखुबा” ओम॥)
Currently Selected:
सेगुम्पाक 4: YAKH
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
सेगुम्पाक 4
4
पात्तुरुस नुङ् युहान्ना माछुम्माबे
1पात्तुरुस नुङ् युहान्ना याॽमिचिनुङ् चेक्मास्याचिनिङ् हाङ्खुबाचि, निङ्वाफुमापाङ् कुखुबा किथिरिक्पाचिगा केप्टेन नुङ् सादुकिचि न्नाबे न्दायाब्या॥ 2ङ्खा सेगुम्पाकचिङा येसु स्यानाभाङ् हिङ्गिलिक लेक्सामा, न्हाङा उङ्बे बिस्वास चोक्खुबाचि चा ङ्खाॽलामाङ् हिङ्गिलिक न्लेङ्मेहा बाङ्हा चेॽया चिन्मास्याचिहा न्निसुचिहोङ् तुक्नुङ् उङ्चि लोक खोता॥ 3न्हाङा ङ्खाचिङा पात्तुरुस नुङ् युहान्ना न्लाबुचिहोङ् सेॽनाम्फोक छेक्पाङ्बे न्छेक्तुचि॥ इजाङ्बाङ्निङ् ङ्खिङ्बेला नाम आयाब्यामासा॥ 4ङ्खाॽनिङ्गो नुसाला खेम्खुबाचि माध्येबे प्याक याॽमिचिङा येसुबे बिस्वास न्जोगु, न्हाङा बिस्वास चोक्खुबा बाबुचि म्बुसाहोङ् फा माहोम्बोक हिङ् न्दासु॥ 5वान्दिभेनिक खाङ्खाङ् हाङ्खुबाचि, याहुदि हाङ्गुम्बाचि नुङ् धार्मासाप्ला चिन्खुबाचि, यारुसालेमबे न्छुप्सा॥ 6न्नाबे मा-हाङ्खुबा हान्नास नुङ् उका उताबाङ् काइयाफा, युहान्ना, आलेक्जेन्डार नुङ् मा-हाङ्खुबागा पाङ्बेॽहा याॽमिचि चा घाक न्छुप्सामासा॥ 7ङ्खाचिङा पात्तुरुस नुङ् युहान्ना माछुम्माबे न्दाचिहोङ् खाॽला न्छिम्दुचि, “न्जिङ्दा हेॽना साक्तिङा नुङ् इसागा उनिङ्बे ना याॽमि नुमेताचुगाना?”
8पाबित्तारा आत्माभाङ् साक्ति तोक्तुहोङ् पात्तुरुसङा ङ्खाचि लुचि, “याॽमिचिगा तायेन्राङ्बा नुङ् हाङ्गुम्बाचि, 9हेन कान्चिङ् एको लाङ्सुरुम्बा याॽमिगा लागि उचुन्ना काम चोगाङ्चुङ्नाङा ना छुम्माबे कायाघा ओमभोङ्, न्हाङा न्ना याॽमि इमिन्होङ् नुयाना बाङ्ना चेॽया न्निङ्दा था तोक्मा मितुक्सुघाभोङ्, 10न्निङ्दा नुङ् इजिरेलबेॽहा घाक याॽमिचिङा खा चेॽया खेप्सानुम, नासारातपेॽना येसु न्निङ्दा कुरुसपे छुसिम्गा, ङ्खाॽनिङ्गो निङ्वाफुमाङा उङ् स्यानाभाङ् हिङ्गिलिक लेङ्मेतुक्सु॥ न्हाङा न्ना येसुगा उनिङ्बेॽमाङ् ना न्निङ्युम्बे येबानेसाना याॽमि नुयाना ओम॥ 11उका उतुम्बे धार्मासाप्लाबे खाॽला छेप्तामा,
‘लुङ्छेङ्बाचिङा काम लान्जोङ्मेन्ना ङ्गायाहोङ् न्लेप्ताहाक्सुना लुङ्खाकमाङ्
सुरगा मुक्खे लुङ्खाक लेक्सा॥’#छेम ११८:२२
12“कानिङ् येसुङा से मुक्ति पिॽमायामेहा॥ इजाङ्बाङ्निङ् निङ्वाफुमाङा वालोक्का मो ताम्दाङ्फुमाबे मुक्ति तोक्मागा लागि येसुगा उनिङ् से पियामा, हेकोना ङ्खाॽलाना हेॽनाचा निङ् म्बियामान्हा॥”
13पात्तुरुस नुङ् युहान्ना छेप्राङ्बा याॽमि मेतासान्चिन, ङ्खोङ्चा मेङ्गिसिॽले चेक्ताचिहा न्निसुचिहोङ् माछुम्माबेॽहा घाक याॽमिचि म्माक्साब्या॥ पात्तुरुस नुङ् युहान्ना चा येसुनुङ् वाखुबा ओम्चिभोङ् था न्दोक्तुचि॥ 14ङ्खाॽनिङ्गो ङ्खाचिङा न्ना नुयाना याॽमि चा उङ्चिनुङ् येबाना न्निसुहोङ् ङ्खाचिङा इहाचा कामा ङ्यासानिन॥ 15न्हाङामाङ् ङ्खाचिङा पात्तुरुस नुङ् युहान्ना माछुम्माभाङ् पाखा न्लोन्धाक्सुचिहोङ् खाॽला साल्लाहा न्जोगा, 16“हाकु खा याॽमिचि इ चोगुम्चिम? इजाङ्बाङ्निङ् खाचिङा चोगाचुहा आच्चाम्माहा काम यारुसालेमबे वाखुबा घाक याॽमिचिङा न्निसुक्सु॥ न्हाङा कानिङ् चा खा चेॽया मेन्हाभोङ् कामा ङ्यासिॽवान॥ 17ङ्खाॽनिङ्गो खा चेॽया हेकोहा याॽमिचिगा नाभाकपे न्दासुन्नि॥ न्हाङामाङ् ‘हाकु नाहाङ्तो येसुगा उनिङ्बे इसा चा याॽमिचि न्जिन्दान्चुन्चिन, चिन्दाचुचिगाभोङ् उचुन न्लेङ्मेन्हा’ भोङ् लुम्चिम॥”
18न्हाङा ङ्खाचिङा पात्तुरुस नुङ् युहान्ना ङ्गाचिहोङ् “येसुगा उनिङ्बे चिन्मा, चेक्मा लेप्तिॽयाचुचि, हाकुचा चिन्दाचुचिगाभोङ् उचुन न्लेङ्मेन्हा” भोङ् न्लुचि॥ 19ङ्खाॽनिङ्गो पात्तुरुस नुङ् युहान्नाङा खाॽला पोलोवा पियाचुचि, “न्निङ्दा काइघा चेॽया येम्माहा येम, निङ्वाफुमाङा कायाहा चेॽया येम्माहा येम, निङ्वाफुमागा उयुम्बे हेॽना च्हेन ठिक्ना? न्निङ्दामाङ् मितानुम॥ 20कानिङ् गो निसुम्ङाहा नुङ् खेप्सुम्ङाहा चेॽया मेन्जेक्ले स्वाक वामा ङ्यासिॽवाङान्हा॥” 21ङ्खाचिङा खा चेॽया ङ्खेप्सुहोङ् झान तुक्नुङ् किसिॽमा लाप्साङ् सेगुम्पाकचि न्नाभाङ् न्लोन्धाक्सुचि॥ ङ्खाचिङा पात्तुरुस नुङ् युहान्ना दान्डा पिॽमाना लाम्बु न्दोक्तुनिन, इजाङ्बाङ्निङ् घाक याॽमिचिङा न्नाबे लेक्साहा आच्चाम्माहा काम न्निसुहोङ् निङ्वाफुमा नुनिङ्वा पिसाङ् उका पार्साम्सा न्जोक्मास्या॥ 22ङ्खाॽला नुयाना न्ना याॽमि च्हेन नाखेङ् फिम्बिलिङ् हाक्निङ्चा तोना साया॥
बिस्वासिचिगा पार्थाना
23न्नाभाङ् लोन्दाख्याचिहोङ् सोलोक पात्तुरुस नुङ् युहान्ना हेकोहा बिस्वासि काम्निभाकचि ङ्वायानाबे लासारायाचि॥ न्हाङा खाङ्खाङ् हाङ्खुबाचि#४:२३ खाचिमाङ् तायेन्राङ्बा न्साया॥ नुङ् याहुदि हाङ्गुम्बाचिङा ङ्गायाहा घाक चेॽया उङ्चि काम्निभाकचि योक्मेताचुचि॥ 24खा चेॽया ङ्खेप्सुहोङ् उङ्चि घाक एको निङ्वागा न्लेक्साहोङ् खाॽला कासाङ् पार्थाना न्जोगा, “ओ घाक हाक्निङ् साक्तिसालि हाङ्बा निङ्वाफुमा, न्दामाङ् ताम्दाङ्फुमा, ताङ्खेङ्, सामुन्दारा, वालोक नुङ् ङ्खाबेॽहा घाक थोक चोक्खुबागान॥#पारास्थान २०:११; नाहेम्याहा ९:६; छेम १४६:६ 25पाबित्तारा आत्माभाङ् न्दा आनिङ्गा पुर्खा दाउदका उयाभाङ् खाॽला कायामासागा–
‘इजाङ् आका बिरुद्दाबे हेकोहा जातिचिगा उङ्चि लोक खोमेॽना?
न्हाङा इजाङ् चोक्मा मेलेङ्माहा-मेलेङ्माहा काम चोक्माहा तार्तुम्बि न्दोक्स्वाहा?
26निङ्वाफुमा नुङ् उङा आभिसेक चोगुना हाङ् खिरिस्टका बिरुद्दाबे
ताम्दाङ्फुमाबेॽहा हाङ्चि म्बोगा, न्हाङा तायेन्राङ्बाचि एकठोङ्बे न्छुप्सा॥’#छेम २:१-२
27“जेप्पामाङ् ङ्खा चेॽया ना साहारबे पुरा लेक्सामा, इजाङ्बाङ्निङ् न्दा सेगुगाना ङ्गा पाबित्तारा सेवाक येसुगा बिरुद्दाबे हेरोद#४:२७ ना याॽमि येसु वायानिङ् राज्या चोक्खुबा हेरोद हाङ्गा उच्या हेरोद एन्टिपास साया॥, पान्तियास पिलातास, हेकोहा जातिचि नुङ् इजिरेलिचि ना साहारबे न्छुप्सामासा॥#मात्ति २७:१-२; मार्कुस १५:१; लुका २३:१; ७–११; युहान्ना १८:२८-२९ 28ङ्खाचिङा ङ्गा साक्तिभाङ् न्दा ओन्दाङ् मितुक्साघा लोॽवामाङ् घाक काम न्जोगु॥ 29ओ हाङ्बा, हाकु कानिङ् किसिॽमा लाप्खुबाचि पोटि न्निङ्वा पि॥ न्हाङा कानिङ् ङ्गा सेवाकचि ङ्गा चेॽया उचुन चेक्मा यामाना साक्ति पिया, 30तुखाबाङ्चि नुमेॽमागा म्मुक सोसाब्या न्हाङ् ङ्गा पाबित्तारा सेवाक येसुगा उनिङ्बे आच्चाम्माहा चिङ्गो नुङ् काम सोॽमेता॥”
31उङ्चि पार्थाना न्जोगाब्याहोङ् उङ्चि न्छुप्साना ठोङ् लुक्लिबा क्याना लोॽवा योङा॥ न्हाङ् उङ्चि घाक पाबित्तारा आत्मागा साक्तिङा इप्तुचि, न्हाङा निङ्वाफुमागा चेॽया मेङ्गिसिॽले खेम्मेॽमा न्दारोक्तुचि॥
बिस्वासिचि तुखिबे ङ्ङामेॽनिङ् फाॽमाहाचि
32बिस्वास चोक्खुबाचि घाक एको निङ्वागा न्लेक्सामासा, उङ्चिनुङ् वायाहा घाकथोक इसाङा चा “खा आका”, “खा ङ्गा” ङ्गायानिन, उङ्चिगा घाक थोक साङ्गोल साया॥#सेगुम्पाक २:४४-४५ 33ङ्खा सेगुम्पाकचिङा निङ्वाफुमागा साक्तिभाङ् येसु हिङ्गिलिक लेक्साना चेॽयागा गाबाहि म्बिचि, न्हाङा ङ्खाचि घाक उलुङ्मा तुक्तुचिहोङ् निङ्वाफुमाङा प्याक आसिक पिचि॥ 34-35उङ्चि इसा चा इहागा चा खाचो ङ्ङायानिन, इजाङ्बाङ्निङ् इसा इसानुङ् रोपा, लाम्धाङ् वाया ङ्खा इन्चासाङ् सेगुम्पाकचिगाबे याङ् न्दा, न्हाङा खाचोबे ङ्ङायाहा याॽमिचि ङ्हाप्सुबिचि॥ 36-37इमा साइपारास बेॽना लेबि छोङ्गा एको योसेफ बाङ्ना याॽमिङा चा उङ्नुङ् वायाहा लाम्धाङ् इनुचोहोङ् याङ् सेगुम्पाकचिगाबे ता॥ सेगुम्पाकचिङा उका उनिङ् बार्नाबास ङ्युक्सुबिक्सा॥ (न्नागा तुम्बिला “उत्साहा पिखुबा” ओम॥)
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society