लुका 17
17
पापनुङ आम्लाङ
(मत्ति १८:६-७,२१-२२; मरकुस ९:४२)
1येसुडे़ॽ टाङ्बामि चोङ्साजि लुसुजि, “चइबानोॽ याॽमिजि पापबेॽ रेम्एम्मे खागो लेङ्इहा। तर हाइखाजि पाप ले़ःॽमे़ॽखुबाजिडे़ॽ चापहिमा चुप्मिन्डुजे! 2असे़ॽ इक्को ए़डे़म्मा पिच्छा पाप ले़ःॽमेन्डुए, मो पिच्छा पाप ले़ःॽमेॽखुबा पापि याॽमिमि गो बेॽलाबेॽ लघे हिःक्नुङ माहोङ्माबेॽ राप्एम्मा नुबा लिये। 3मोडोगे़ॽ होसियार ले़टानिङे! हे़ने़ए़ निसाडे़ॽ पाप ले़टुहोङ इडोॽ ए़ले़टे लुनुङ खो नुरोॽ लुसे। खोसे़ॽ खोमि पाप मिॽनुङ पाप ले़ःॽमा लेॽनुङ टेआप्होङ खो आम्लाङ पिसानुमे।
4 “हे़ने़ए़ निसाडे़ॽ इक्याकपेॽ एच्चिखेॽ हे़ने़ए़ निवा टुक्मेॽनुङ पाप ले़टु तर खो एच्चि खेॽनोॽ लेन्नुङ आम्लाङ ङाःगुहोङ खो आम्लाङ पिसे।”
5एप्पा चोङ्साजिडे़ॽ परभु लुसुजि, “परभु, कानिङमि बिस्वास बोलियो टोङ्बेॽमाना।” 6येसुडे़ॽ लुसुजि, “हे़निङ्नुङ पारसाइमि इक्को चरिडोॽमारेॽनोॽ बिस्वास टुहोङ, इगो मिच्चुङ डाङ ‘इगोबाङ रोङ्नुङ माहोङ्माबेॽ रिःॽयुसे’ लुसानुम्होङ, मो खसिये।
सेउतेमि योम्बोक
7 “हे़निङे़ॽ हे़निङ्मि सेउते रोपाबाङ योम्बोक ले़ःॽनुङ अथबा सामु कुनुङ खिमबेॽ टेजामासोरोॽ ‘चान्डो आप्नुङ चामा चासे, नासे’ लुन्डानुमे ? 8आक्टोॽको ने़ॽनि, हे़निङे़ॽ इडोॽरेॽ लुन्डानुम होला, ‘हे़न लेङ्इटा चान्डो चामा खेङ ङिनुङ का याक्लो पिमे, मोबा ए़क्साङ हे़ने़ॽसो चोसे!’ 9हे़निङे़ॽ लुडिडोॽ सेउतेडे़ॽ योम्बोक ले़ःॽमाबेॽ इमा हे़निङे़ॽ ओहाक पिन्डानुमे ? 10मोडोक्नोॽ हे़निङ ले़ःॽमा लुबॽआ चोप योम्बोक ले़ःॽसेॽनुङ लुसानुमे, ‘कानिङ्गो निवाहाङ्मि योम्बोक ले़ःॽखुबा सेउतेजिरेॽ ले़न्डिङ्मा, कानिङे़ॽको हे़ने़ॽ ले़ःॽमा लुबॽआ योम्बोकरेॽनोॽ ले़ए़टुङ्मे़’।”
सुक्टुबाङ टुक्मवाडे़ॽ रापॽआ इक्पोङ याॽमिजि
11येसु सामरियानुङ गालिलमि रुम्बाङ यरुसलेम खे़ॽमे़ॽनिङ्सिडा। 12खो इक्को खिम्डेमबेॽ रुक्सिॽपोरोक्माबेॽ सुक्टुबाङडे़ॽ सुक्पॽआ इक्पोङ याॽमिजिनुङ चुबा। 13माहाजिडे़ॽ ओःनोॽ येःप्नुङ वोसाङ लुसुजि, “हे परभु येसु, कानिङ नम्नावा ले़ःॽमायो!” 14येसुडे़ॽ माहाजि लुसुजि, “हे़निङ याडाङ्बाबेॽ#१७:१४ यहुदि नियमबेॽ चाहिँ नुबोक्इटे़ लुनुङ याडाङ्बाडे़ॽ लुयेम्बाङ्रेॽ याॽमिजिडे़ॽ नुबुक्पॽआ मिॽटुजे मोडोगे़ॽ येसुडे़ॽ माहाजि याडाङ्बाबेॽ पाङ्बॽआ ले़टे़ खे़ॽनुङ आम्निटाङ्बा खाङ्जिमुसानिङे।” माहाजि रामबेॽ खे़ॽमारोनोॽ नुबोक्पेसामि। 15माहाजिबेॽ इक्को चाहिँ टाङ्बा नुबोक्पॽआ लेडोक्नुङ वोसाङ निवाहाङ्मि ओहाङ ले़ःॽसाङ येसुबेॽ टेजासा। 16मोबा येसुमि पोम्बेॽ उःक्मानुङ सेवा मुसाङ येसु ओहाक पिसु। मो टेजाघुबा चाहिँ सामरि जातिमा ले़टे़। 17मोबा येसुडे़ॽ लुसु, “इक्पोङ जनानोॽ नुबोगानिङे ने़ॽनेन्डे ? हाइखा नोक्चि जना चाहिँ हाम्बेॽ खडामे ? 18इगो सामरिबाङ हाइखाजि चाहिँ निवाहाङ्मि ओहाक ले़ःॽसिॽ इन्ढोङ्डे मे़लेस्सामे ?” 19मोबा ए़क्साङ येसुडे़ॽ मो सामरि लुसु, “येःपोक्नुङ खडे, हे़ने़ए़ बिस्वासडे़ॽनोॽ हे़न नुबोक्इटे़।”
निवाहाङ्मि राज्य
(मत्ति २४:२३-२८,३७-४१)
20निवाहाङ्मि राज्य इन्डोक्पेॽटे लेङ्इये लुनुङ फरिसिजिडे़ॽ येसु सिप्सुजि। येसुडे़ॽ माहाजि लुसुजि, “निवाहाङ्मि राज्यगो खाङ्मुरो लेन्निबा, 21‘खाक्सानुमे, निवाहाङ्मि राज्य इगोबेॽ टुये’ अथबा ‘मोबेॽ टुये’ लुनुङ असे़ॽसो लुहेसुजिनिबा, इन्ढोङ्होङ निवाहाङ्मि राज्य हे़निङ होङ्सिॽयुनोॽ टुये।”
22मोबा ए़क्साङ येसुडे़ॽ खोम चोङ्साजि इडोॽ लुसुजि, “मोडोक्मा बेलासो लेङ्इये, हे़निङे़ॽ ‘याॽमिमि पसा खोमि राज्यबेॽ इक्याकरेॽ खाङ्डोक्मेन्डि’ लुनुङ लुन्डानुमे, तर खाङ्डोक्टानुम्ने। 23याॽमिजिडे़ॽ लुम्मे ‘खाक्सानुमे, याॽमिमि पसागो इगोबेॽ टुये’ अथबा ‘खाक्सानुमे खोगो मोबेॽ टुये’ लुम्मे, तर मोडोक्पेॽ हे़निङे़ॽ माहाजिमि खा ए़खेम्मे़। 24इन्ढोङ्होङ याॽमिमि पसा लेम्मा यिडे़ॽ नान्द्रुङ्माबेॽ नमसेल्लेॽवा पोक्माबेॽ इक्के़ङ्बाङ हाइकोलामठोक उज्यालो लिडिडोॽ लिये। 25तर इघा चोप लिमा याक्लोनोॽ के़ॽ बेॽलो दुःख आङ्मा खे़ये, मोबा इगो पुस्ताबेॽहा याॽमिजिडे़ॽ का सिॽचाम्मे। 26नोआ निङ ले़ःॽखुबा याॽमिमि पालोबेॽ लिडिडोक्नोॽ का याॽमिमि पसा लेम्माबेॽसो लिये। 27नोआ जहाज होङ्सिॽयु पे़खे़ॽलोठोक याॽमिजि भत्तेरबेॽ चामे, उङ्मेनुङ फुङ्सया ले़ःॽमे़ॽनिङ्सिडामे। मोडोक्पेॽनोॽ वाडुम लेन्नुङ चोप याॽमिजि योङाबेॽ हुम्सिघडामि। 28लोत निङ ले़ःॽखुबा याॽमिमि पालोबेॽसो मोडोक्नोॽ लिबॽआ ले़टे़। याॽमिजि चामे़ॽनिङ्सिडामि, उङ्मे़ॽनिङ्सिडामे, इम्मे़ॽ, इन्जामे़, खिम आङ्मे़ॽनुङ, खेति टिमे़ॽनिङ्सिडामे़। 29लोतडे़ॽ सदोम सहर याःॽयाबॽआ यिडे़ॽनोॽ थाङ्सिरिटुराम मिनुङ गन्धक हेॽनुङ सदोमबेॽहा चोपनोॽ सिसामि। 30याॽमिमि पसा फेरि खाङ्मुमे याकपेॽसो मोडोक्नोॽ लिये।
31 “मोडोक्पेॽ खिमसोक्पेॽ टुघुबाजि कोक्नाम लासिॽ खिमहोङ्सिॽयु मे़ङ्खे़ॽमिरो, मोडोक्नोॽ रोपाबेॽ टुघुबाजि खिमबेॽ मे़ङ्खे़ॽमिरो। 32मोडोक्पेॽ लोतमि बनिमा इमाङ पिक्खाडे़ मो खा मिडानुमे#उत्पत्ति १९:२६ । 33टाङ्बामि हिङ्मवा जोगबा ले़ःॽखुबाडे़ॽ हिङ्मवानोॽ मे़चोबेन्डुए, तर टाङ्बामि हिङ्मवा मे़चोघुबाडे़ॽ हिङ्मवा चुप्इन्डुये। 34के़ॽ हे़निङ लुनिम्ने़, मो सेन्डा इक्को रुङ्घाकपेॽ इम्बॽआ निप्पाङ्बेॽ इक्को लाघे़ये, हाइको चाहिँ याःॽयाॽइये। 35फेरि सोरि लघे यिःॽमे़ॽनिङ्सिबा निप्पाङ मेॽनामिॽचिबेॽ इक्को लाघे़ये हाइको चाहिँ याःॽयाॽइये। 36[मोडोक्नोॽ रोपाबेॽ योम्बोक ले़ःॽखुबा निप्पाङ्बेॽ इक्को चाहिँ लाघे़ये हाइको चाहिँ याःॽयाॽइये।”]#१७:३६ बेॽलो गिरिक बाइबलबेॽ इगो पद चुप्निबा
37चोङ्साजिडे़ॽ येसु सिप्सुजि, “इघा खा हाम्बेॽ लिहा परभु ?” येसुडे़ॽ माहाजि लुसुजि, “हाम्बेॽ सिनु टुहा, मोबेॽनोॽ हौराम्बाजि सुम्इम्मे।”
Currently Selected:
लुका 17: YAMP
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
लुका 17
17
पापनुङ आम्लाङ
(मत्ति १८:६-७,२१-२२; मरकुस ९:४२)
1येसुडे़ॽ टाङ्बामि चोङ्साजि लुसुजि, “चइबानोॽ याॽमिजि पापबेॽ रेम्एम्मे खागो लेङ्इहा। तर हाइखाजि पाप ले़ःॽमे़ॽखुबाजिडे़ॽ चापहिमा चुप्मिन्डुजे! 2असे़ॽ इक्को ए़डे़म्मा पिच्छा पाप ले़ःॽमेन्डुए, मो पिच्छा पाप ले़ःॽमेॽखुबा पापि याॽमिमि गो बेॽलाबेॽ लघे हिःक्नुङ माहोङ्माबेॽ राप्एम्मा नुबा लिये। 3मोडोगे़ॽ होसियार ले़टानिङे! हे़ने़ए़ निसाडे़ॽ पाप ले़टुहोङ इडोॽ ए़ले़टे लुनुङ खो नुरोॽ लुसे। खोसे़ॽ खोमि पाप मिॽनुङ पाप ले़ःॽमा लेॽनुङ टेआप्होङ खो आम्लाङ पिसानुमे।
4 “हे़ने़ए़ निसाडे़ॽ इक्याकपेॽ एच्चिखेॽ हे़ने़ए़ निवा टुक्मेॽनुङ पाप ले़टु तर खो एच्चि खेॽनोॽ लेन्नुङ आम्लाङ ङाःगुहोङ खो आम्लाङ पिसे।”
5एप्पा चोङ्साजिडे़ॽ परभु लुसुजि, “परभु, कानिङमि बिस्वास बोलियो टोङ्बेॽमाना।” 6येसुडे़ॽ लुसुजि, “हे़निङ्नुङ पारसाइमि इक्को चरिडोॽमारेॽनोॽ बिस्वास टुहोङ, इगो मिच्चुङ डाङ ‘इगोबाङ रोङ्नुङ माहोङ्माबेॽ रिःॽयुसे’ लुसानुम्होङ, मो खसिये।
सेउतेमि योम्बोक
7 “हे़निङे़ॽ हे़निङ्मि सेउते रोपाबाङ योम्बोक ले़ःॽनुङ अथबा सामु कुनुङ खिमबेॽ टेजामासोरोॽ ‘चान्डो आप्नुङ चामा चासे, नासे’ लुन्डानुमे ? 8आक्टोॽको ने़ॽनि, हे़निङे़ॽ इडोॽरेॽ लुन्डानुम होला, ‘हे़न लेङ्इटा चान्डो चामा खेङ ङिनुङ का याक्लो पिमे, मोबा ए़क्साङ हे़ने़ॽसो चोसे!’ 9हे़निङे़ॽ लुडिडोॽ सेउतेडे़ॽ योम्बोक ले़ःॽमाबेॽ इमा हे़निङे़ॽ ओहाक पिन्डानुमे ? 10मोडोक्नोॽ हे़निङ ले़ःॽमा लुबॽआ चोप योम्बोक ले़ःॽसेॽनुङ लुसानुमे, ‘कानिङ्गो निवाहाङ्मि योम्बोक ले़ःॽखुबा सेउतेजिरेॽ ले़न्डिङ्मा, कानिङे़ॽको हे़ने़ॽ ले़ःॽमा लुबॽआ योम्बोकरेॽनोॽ ले़ए़टुङ्मे़’।”
सुक्टुबाङ टुक्मवाडे़ॽ रापॽआ इक्पोङ याॽमिजि
11येसु सामरियानुङ गालिलमि रुम्बाङ यरुसलेम खे़ॽमे़ॽनिङ्सिडा। 12खो इक्को खिम्डेमबेॽ रुक्सिॽपोरोक्माबेॽ सुक्टुबाङडे़ॽ सुक्पॽआ इक्पोङ याॽमिजिनुङ चुबा। 13माहाजिडे़ॽ ओःनोॽ येःप्नुङ वोसाङ लुसुजि, “हे परभु येसु, कानिङ नम्नावा ले़ःॽमायो!” 14येसुडे़ॽ माहाजि लुसुजि, “हे़निङ याडाङ्बाबेॽ#१७:१४ यहुदि नियमबेॽ चाहिँ नुबोक्इटे़ लुनुङ याडाङ्बाडे़ॽ लुयेम्बाङ्रेॽ याॽमिजिडे़ॽ नुबुक्पॽआ मिॽटुजे मोडोगे़ॽ येसुडे़ॽ माहाजि याडाङ्बाबेॽ पाङ्बॽआ ले़टे़ खे़ॽनुङ आम्निटाङ्बा खाङ्जिमुसानिङे।” माहाजि रामबेॽ खे़ॽमारोनोॽ नुबोक्पेसामि। 15माहाजिबेॽ इक्को चाहिँ टाङ्बा नुबोक्पॽआ लेडोक्नुङ वोसाङ निवाहाङ्मि ओहाङ ले़ःॽसाङ येसुबेॽ टेजासा। 16मोबा येसुमि पोम्बेॽ उःक्मानुङ सेवा मुसाङ येसु ओहाक पिसु। मो टेजाघुबा चाहिँ सामरि जातिमा ले़टे़। 17मोबा येसुडे़ॽ लुसु, “इक्पोङ जनानोॽ नुबोगानिङे ने़ॽनेन्डे ? हाइखा नोक्चि जना चाहिँ हाम्बेॽ खडामे ? 18इगो सामरिबाङ हाइखाजि चाहिँ निवाहाङ्मि ओहाक ले़ःॽसिॽ इन्ढोङ्डे मे़लेस्सामे ?” 19मोबा ए़क्साङ येसुडे़ॽ मो सामरि लुसु, “येःपोक्नुङ खडे, हे़ने़ए़ बिस्वासडे़ॽनोॽ हे़न नुबोक्इटे़।”
निवाहाङ्मि राज्य
(मत्ति २४:२३-२८,३७-४१)
20निवाहाङ्मि राज्य इन्डोक्पेॽटे लेङ्इये लुनुङ फरिसिजिडे़ॽ येसु सिप्सुजि। येसुडे़ॽ माहाजि लुसुजि, “निवाहाङ्मि राज्यगो खाङ्मुरो लेन्निबा, 21‘खाक्सानुमे, निवाहाङ्मि राज्य इगोबेॽ टुये’ अथबा ‘मोबेॽ टुये’ लुनुङ असे़ॽसो लुहेसुजिनिबा, इन्ढोङ्होङ निवाहाङ्मि राज्य हे़निङ होङ्सिॽयुनोॽ टुये।”
22मोबा ए़क्साङ येसुडे़ॽ खोम चोङ्साजि इडोॽ लुसुजि, “मोडोक्मा बेलासो लेङ्इये, हे़निङे़ॽ ‘याॽमिमि पसा खोमि राज्यबेॽ इक्याकरेॽ खाङ्डोक्मेन्डि’ लुनुङ लुन्डानुमे, तर खाङ्डोक्टानुम्ने। 23याॽमिजिडे़ॽ लुम्मे ‘खाक्सानुमे, याॽमिमि पसागो इगोबेॽ टुये’ अथबा ‘खाक्सानुमे खोगो मोबेॽ टुये’ लुम्मे, तर मोडोक्पेॽ हे़निङे़ॽ माहाजिमि खा ए़खेम्मे़। 24इन्ढोङ्होङ याॽमिमि पसा लेम्मा यिडे़ॽ नान्द्रुङ्माबेॽ नमसेल्लेॽवा पोक्माबेॽ इक्के़ङ्बाङ हाइकोलामठोक उज्यालो लिडिडोॽ लिये। 25तर इघा चोप लिमा याक्लोनोॽ के़ॽ बेॽलो दुःख आङ्मा खे़ये, मोबा इगो पुस्ताबेॽहा याॽमिजिडे़ॽ का सिॽचाम्मे। 26नोआ निङ ले़ःॽखुबा याॽमिमि पालोबेॽ लिडिडोक्नोॽ का याॽमिमि पसा लेम्माबेॽसो लिये। 27नोआ जहाज होङ्सिॽयु पे़खे़ॽलोठोक याॽमिजि भत्तेरबेॽ चामे, उङ्मेनुङ फुङ्सया ले़ःॽमे़ॽनिङ्सिडामे। मोडोक्पेॽनोॽ वाडुम लेन्नुङ चोप याॽमिजि योङाबेॽ हुम्सिघडामि। 28लोत निङ ले़ःॽखुबा याॽमिमि पालोबेॽसो मोडोक्नोॽ लिबॽआ ले़टे़। याॽमिजि चामे़ॽनिङ्सिडामि, उङ्मे़ॽनिङ्सिडामे, इम्मे़ॽ, इन्जामे़, खिम आङ्मे़ॽनुङ, खेति टिमे़ॽनिङ्सिडामे़। 29लोतडे़ॽ सदोम सहर याःॽयाबॽआ यिडे़ॽनोॽ थाङ्सिरिटुराम मिनुङ गन्धक हेॽनुङ सदोमबेॽहा चोपनोॽ सिसामि। 30याॽमिमि पसा फेरि खाङ्मुमे याकपेॽसो मोडोक्नोॽ लिये।
31 “मोडोक्पेॽ खिमसोक्पेॽ टुघुबाजि कोक्नाम लासिॽ खिमहोङ्सिॽयु मे़ङ्खे़ॽमिरो, मोडोक्नोॽ रोपाबेॽ टुघुबाजि खिमबेॽ मे़ङ्खे़ॽमिरो। 32मोडोक्पेॽ लोतमि बनिमा इमाङ पिक्खाडे़ मो खा मिडानुमे#उत्पत्ति १९:२६ । 33टाङ्बामि हिङ्मवा जोगबा ले़ःॽखुबाडे़ॽ हिङ्मवानोॽ मे़चोबेन्डुए, तर टाङ्बामि हिङ्मवा मे़चोघुबाडे़ॽ हिङ्मवा चुप्इन्डुये। 34के़ॽ हे़निङ लुनिम्ने़, मो सेन्डा इक्को रुङ्घाकपेॽ इम्बॽआ निप्पाङ्बेॽ इक्को लाघे़ये, हाइको चाहिँ याःॽयाॽइये। 35फेरि सोरि लघे यिःॽमे़ॽनिङ्सिबा निप्पाङ मेॽनामिॽचिबेॽ इक्को लाघे़ये हाइको चाहिँ याःॽयाॽइये। 36[मोडोक्नोॽ रोपाबेॽ योम्बोक ले़ःॽखुबा निप्पाङ्बेॽ इक्को चाहिँ लाघे़ये हाइको चाहिँ याःॽयाॽइये।”]#१७:३६ बेॽलो गिरिक बाइबलबेॽ इगो पद चुप्निबा
37चोङ्साजिडे़ॽ येसु सिप्सुजि, “इघा खा हाम्बेॽ लिहा परभु ?” येसुडे़ॽ माहाजि लुसुजि, “हाम्बेॽ सिनु टुहा, मोबेॽनोॽ हौराम्बाजि सुम्इम्मे।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society