Luki 5
5
Yesu i awɔ kalindaŋ jɔnɔ kiri ceeli-la
(Matiyu 4.18–22; Maraka 1.16–20)
1Jibi bɛɛ, ŋì i Yesu tu Genesarɛti baa ki tɔnŋ na, konaŋ kiri i na cuucuu ntiŋ sun, nwɔma arì i Kirinŋ wɔ wulu ki rama. 2Ntiŋ i buŋ fuuli bɛɛ ja baa ki tɔnŋ na. Yɛrinpatiiri po san wuru niŋ buŋ kiri ru, kí i arɔɔ jɔ kiri wu-ri. 3Yesu i de niŋ buŋ ki tenŋ nu, nwɔ̀ wuru Simɔŋ wɔ, ntiŋ tu wú buŋ ki curu ta ju ki ru pyaanniŋ. Niŋ na, ntiŋ i de sɔɔ buŋ ki ru, ntiŋ i konaŋ kiri kali-li.
4Ntiŋ kɔ-i awɔ wulu ki ra waarinŋ wɔ̀ ru, ntiŋ i ǹʼbi Simɔŋ tɛ : « Buŋ ki kpari ta ju ki cuumaŋ ki ru, nʼfa nʼkaashi kiri i áwɔ jɔ kiri bo, á i yɛrinŋ kiri pa. »
5Simɔŋ i ntiŋ nupwulu : « Kalimɔɔ, yibɛɛ cii ki bataa ma-i yɛlinŋ ki ra, yibɛɛ finŋ tɔri kila kì, nka a ábɛɛ ji ǹʼbi kɔɔn, míŋ a jɔ ki bo sɛbɛ ábɔɔ wulu ki sun. » 6Kí jɔ kiri bo-i niŋ ɲaan ki tɛ, kí i yɛrinŋ mwɔɔnna pa, fɔ kɔ́ɔ́ jɔ kiri i gbɛri-ri. 7Kí i arì gbɛ ruti arì kaashi kiri tɛ buŋ ka ki ru, tu kí na ye arì tɛ. Nini i na ye kí tɛ, kí i jɔ kiri cɛɛn po, kí i buŋ fuuli ki faa yɛrinŋ ki ra, fɔ nini i jɛrimaŋ ceeli-li ju ki ru.
8Simɔŋ Pyɛɛri#5.8 Simɔŋ Pyɛɛri : Simɔŋ tɔ ki bɛɛ wuru tu Pyɛɛri, niŋ na, ntiŋ i dɔri-ri tu Simɔŋ Pyɛɛri sɛbɛ. niŋ ja-i waarinŋ wɔ̀ ru, ntiŋ i a fɛɛn Yesu kanŋ fɛ, ntiŋ i ǹʼbi : « Ŋuntiŋ, á á ranari míŋ na, sabu míŋ i bijɛmatɔnŋ i. » 9Simɔŋ Pyɛɛri niŋ bi wuru-i, sabu yɛrinŋ pamaan ki mwɔka jɛ ki kɛmi de wuru ntiŋ fa a kaashi kiri ru. 10Mìŋ ɲaan tenŋ ki tɛ, kɛmi i de Yakuba fa Yuhana nu, nini wɔ̀ri wuru Nsebede danshuru ri i, niŋ fa kí i ji Simɔŋ baara mashi ri i.
Nka Yesu i ǹʼbi Simɔŋ tɛ : « Fa kɛni kì! Ŋì i shi dɔnsaŋ, miŋ a ji Kirinŋ tɛ koŋ ceelitɔnŋ i. » 11Kí na-i so arɔɔ buŋ kiri wu tankpiŋ ki ra waarinŋ wɔ̀ ru, Simɔŋ fa a baara mashi kiri i finŋ bataa tu nmaŋ, kí i ǹʼpa Yesu cɛfan.
Yesu tuutiŋ bɛɛ kene-i
(Matiyu 8.1–4; Maraka 1.40–45)
12Jibi bɛɛ, ŋì i Yesu tu kili bɛɛ ra Galile sɔɔta ki ru, tuutiŋ bɛɛ i ji niŋ mani nu. Niŋ wɔ tuu ki juu wuru kusɛbɛ. Wú Yesu ja-i waarinŋ wɔ̀ ru, wú i ta a kwushiri ntiŋ fɛ, wú i ntiŋ nafɛ tu : « Ŋuntiŋ, a ǹʼdi ábɛɛ tɛ, ábɛɛ ra so míŋ kene-i, nwɔma ka nɔɔ ka i san míŋ na. »
13Niŋ na, Yesu i a gbɛ bili weŋ ki sun, ntiŋ i ǹʼbi : « Ǹʼdi-i míŋ tɛ, kene. » Mìŋ manaanŋ tenŋ ki ru, tuu ki i san weŋ ki ra.
14Yesu i ǹʼbi furu weŋ ki tɛ : « Fa nʼkene wulu ki bi koŋ tɛ kì, nka ta nʼyɛri ji Kirinŋ tɛ sarakawɔrɔtɔnŋ kiri ŋununtiŋ ki wu. Kirinŋ wɔ cintɔnŋ Musa saraka wɔ̀ wulu bi-i tuu kenemaan ki saraka ki i, ŋi i niŋ san, nwɔma ŋi i ǹʼji konaŋ ki bataa wu tu miŋ kene. »
15Yesu a kaan-a, tu weŋ ki fa a kene wulu ki bi koŋ tɛ kì, niŋ fa a fɔn na, ǹʼbɛɛ wuru bo ta-a ntiŋ tɔ ki sun jibi woo jibi. Koŋ mwɔɔnna wuru na-a ntiŋ tɛ, nwɔma arì i ntiŋ wɔ wulu ki rama. Kiratɔnŋ wɔ̀ri wuru konaŋ ki kanfɛ, nini i ǹʼceeli-li, ntiŋ i arì kene. 16Nka Yesu wuru tu-a, ntiŋ i ta-ri a cinancinŋ jaŋ fan, ntiŋ i ta Kirinŋ nafɛ-ri.
Yesu mwurunku bɛɛ kene-i
(Matiyu 9.1–8; Maraka 2.1–12)
17Jibi bɛɛ, Yesu wuru konaŋ ki kali-la fu bɛɛ ru, Farinsiyɛnŋ kiri fa sariya kalimɔɔ bɛɛ ri i ji nmaŋ. Kí po wuru Galile fa Yude kili kiri bataa ra, niŋ fa Yerusalɛmu. Ŋuntiŋ Kirinŋ wɔ sotinbi ki wuru Yesu gbɛ, ntiŋ i konaŋ kiri kene-ni. 18Ŋì i Yesu tu konaŋ ki kali-la, koŋ bɛɛ ri i na mwurunku bɛɛ wu bilifinŋ nu, kí wuru ǹʼtɛ arì i de arɔɔ kiratɔnŋ ki wu, arì i ta ǹʼbili Yesu fɛ. 19Nka kí demaŋ kila kí i so ntiŋ sun konaŋ ki gbɛ kì. Niŋ na, kí i tunpa fu ki ŋununu#5.19 Niŋ fu ki wuru tanka, niŋ ki ra, kí i so ǹʼŋununu ki warinka-i, kí i arɔɔ kiratɔnŋ ki jɛri niŋ ta ki ra., kí i ǹʼmani ki bɛɛ warinka, kí i mwurunku ki jɛri a bilifinŋ ki ru niŋ ta ki ra Yesu ɲaanfɛ konaŋ ki faninmwuŋ.
20Yesu ǹʼja-i tu niŋ koŋ kiri bili afinŋ na kusɛbɛ, ntiŋ i ǹʼbi : « Shuru, mɔɔn bijɛ kiri tu-i nʼtɛ. »
21 Sariya kalimɔɔ kiri fa Farinsiyɛnŋ kiri i ǹʼmiiri-ri arì ciiru tu : « Ka a nkɛnŋ kɔɔn, ntiŋ i Kirinŋ tɔ ki li-ri ka ɲaan ka tɛ? Nkɛnŋ tenŋ so-a koŋ wɔ bijɛ tu-i ntiŋ tɛ Kirinŋ kɔɔtɛ? »
22Nka Yesu i kí ciiru wɔ ki tɔ, ntiŋ tu kí tɛ : « Nfɛnŋ na, ka ɲakilila jɛ ka bishi i ji ábɛɛ ciiru? 23Ŋi i ǹʼbi mwurunku ki tɛ, tu wúwɔ bijɛ kiri tu wú tɛ, walima ŋi i ǹʼbi tu wú jɔrɔkɔ tu, wú i tiri tan, ábɛɛ cirasun tu ǹʼdanwɔ bimaŋ di? 24Nka míŋ a ǹʼji ábɛɛ wu jiŋ, ńʼtu mínwɔ̀ i Koŋ Danshuruu, ńʼtu so míŋ gbɛ pwɔkulinŋ ka sun, ŋí i konaŋ kiri wɔ bijɛ kiri tu kí tɛ. » Niŋ na, ntiŋ i ǹʼbi mwurunku ki tɛ : « Jɔrɔkɔ, ŋi i nʼwɔ bilifinŋ ki shi, ŋi i tiri kulu. »
25Mìŋ manaanŋ tenŋ ki ru, weŋ ki i jɔrɔkɔ koŋ bataa ɲaanna, wú i awɔ bilifinŋ ki shi, wú i tiri kulu. Wú tirira ki, wú i ta Kirinŋ gbɛ fan. 26Niŋ botɔnsun i kí bataa pa, kí i baraka bi-ri Kirinŋ tɛ. Kí kɛnimaan ki i ǹʼbi-ri : « Yibɛɛ botɔnsunbi ri ja-i jiŋ dɛ! »
Yesu Lewi dɔri-i tu ntiŋ ji awɔ kalindaŋ i
(Matiyu 9.9–13; Maraka 2.13–17)
27Niŋ kɔɔtɛ, Yesu i po, ntiŋ i ɲinisarakɔlɔtɔnŋ bɛɛ sɔɔ ja, nwɔ̀ tɔ wuru tu Lewi. Wú sɔɔ wuru ɲinisarakɔlɔtɔnŋ kiri wɔ baara mamaŋ ki ru. Yesu i ǹʼbi wú tɛ : « Ǹʼpa míŋ cɛfan. » 28Lewi i bi bataa tu nmaŋ, wú i jɔrɔkɔ, wú i ǹʼpa Yesu cɛfan.
29Lewi i ta nufinŋ sinaŋ si Yesu tɛ awɔ mani nu. Ɲinisarakɔlɔtɔnŋ mwɔɔnna niŋ fa koŋ tɔri ri wuru niŋ nufinŋ numaŋ ki ru. 30Farinsiyɛnŋ kiri fa sariya kalimɔɔ wɔ̀ri wuru nmaŋ, nini wuru tɔnkunfɛ wulu ki ra, kí i ǹʼbi-ri Yesu wɔ kalindaŋ kiri tɛ tu : « Nfɛnŋ na, ábɛɛ fa ɲinisarakɔlɔtɔnŋ kiri fa bijɛmatɔnŋ kiri nuŋ ki nu-a ámaŋ fan? »
31Yesu i kí rupwulu : « Koŋ kenemaan kiri maku janmatɔnŋ na kì, nwɔ̀ i kiratɔnŋ kiri i, nini maku i ǹʼna. 32Míŋ na koŋ telimaan kiri dɔri tu kí arɔɔ bijɛ kiri tɔnbo kì, duu bijɛmatɔnŋ kiri, nwɔma kí i ntɔri bi arɔɔ bijɛ kiri ra, kí i na Kirinŋ tɛ. »
Sunŋ deka ɲaan ki
(Matiyu 9.14–17; Maraka 2.8–22)
33Kí tu Yesu tɛ : « Yuhana wɔ kalindaŋ kiri fa Farinsiyɛnŋ kiri wɔ kalindaŋ kiri i sunŋ de-a waaci mwɔɔnna, kí i Kirinŋ nafɛ-ri, nka mɔɔn kiri, nini i nufinŋ nu-ni, kí i arì mwunu-ni. »
34Yesu tu kí tɛ : « Ábɛɛ ra so cɛn tɛ wɔshuru kiri suu-u nufinŋ nu sun, ŋì i kí fa marishinŋ ki tu arìmaŋ fan wa? Míŋ bili niŋ na kì dɛ! 35Nka jibi ri yirira i nmaŋ, marishinŋ ki a na shi san kí ra. Niŋ jibi kiri ra, kí a na sunŋ de-ri. »
36Yesu i ka wulusuntalinŋ ka bi kí tɛ sɛbɛ : « Koŋ juulinŋ ŋunaŋ nagbɛri-ra, ŋi i niŋ da juulinŋ bwuumaan na kì. A niŋ ma, juulinŋ ŋunaŋ ki i li-a, ǹʼbwulu ki fa ǹʼbwuumaan ki dumiŋ a arìmaŋ shi kì. 37Koŋ dunfɛnŋ juuraŋ bo-a foroko bwuumaan ni nu kì. A niŋ ma, dunfɛnŋ juuraŋ ki borama ki a foroko bwuumaan kiri gbɛri, dunfɛnŋ ki i kɔnkɔli, foroko kiri i ji-a li. 38Niŋ na, dunfɛnŋ juuraŋ ki kakan-i foroko ŋunaŋ ni nu. 39Konwɔtiŋ dunfɛnŋ bomaan ki mwunu-i, ntiŋ a ji dunfɛnŋ juuraŋ ki tɛ kili kì, sabu ntiŋ a ǹʼbi tu : ‹ Ǹʼbomaan ki bishi jii nmaŋ kì. › »
Currently Selected:
Luki 5: JOB
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Luki 5
5
Yesu i awɔ kalindaŋ jɔnɔ kiri ceeli-la
(Matiyu 4.18–22; Maraka 1.16–20)
1Jibi bɛɛ, ŋì i Yesu tu Genesarɛti baa ki tɔnŋ na, konaŋ kiri i na cuucuu ntiŋ sun, nwɔma arì i Kirinŋ wɔ wulu ki rama. 2Ntiŋ i buŋ fuuli bɛɛ ja baa ki tɔnŋ na. Yɛrinpatiiri po san wuru niŋ buŋ kiri ru, kí i arɔɔ jɔ kiri wu-ri. 3Yesu i de niŋ buŋ ki tenŋ nu, nwɔ̀ wuru Simɔŋ wɔ, ntiŋ tu wú buŋ ki curu ta ju ki ru pyaanniŋ. Niŋ na, ntiŋ i de sɔɔ buŋ ki ru, ntiŋ i konaŋ kiri kali-li.
4Ntiŋ kɔ-i awɔ wulu ki ra waarinŋ wɔ̀ ru, ntiŋ i ǹʼbi Simɔŋ tɛ : « Buŋ ki kpari ta ju ki cuumaŋ ki ru, nʼfa nʼkaashi kiri i áwɔ jɔ kiri bo, á i yɛrinŋ kiri pa. »
5Simɔŋ i ntiŋ nupwulu : « Kalimɔɔ, yibɛɛ cii ki bataa ma-i yɛlinŋ ki ra, yibɛɛ finŋ tɔri kila kì, nka a ábɛɛ ji ǹʼbi kɔɔn, míŋ a jɔ ki bo sɛbɛ ábɔɔ wulu ki sun. » 6Kí jɔ kiri bo-i niŋ ɲaan ki tɛ, kí i yɛrinŋ mwɔɔnna pa, fɔ kɔ́ɔ́ jɔ kiri i gbɛri-ri. 7Kí i arì gbɛ ruti arì kaashi kiri tɛ buŋ ka ki ru, tu kí na ye arì tɛ. Nini i na ye kí tɛ, kí i jɔ kiri cɛɛn po, kí i buŋ fuuli ki faa yɛrinŋ ki ra, fɔ nini i jɛrimaŋ ceeli-li ju ki ru.
8Simɔŋ Pyɛɛri#5.8 Simɔŋ Pyɛɛri : Simɔŋ tɔ ki bɛɛ wuru tu Pyɛɛri, niŋ na, ntiŋ i dɔri-ri tu Simɔŋ Pyɛɛri sɛbɛ. niŋ ja-i waarinŋ wɔ̀ ru, ntiŋ i a fɛɛn Yesu kanŋ fɛ, ntiŋ i ǹʼbi : « Ŋuntiŋ, á á ranari míŋ na, sabu míŋ i bijɛmatɔnŋ i. » 9Simɔŋ Pyɛɛri niŋ bi wuru-i, sabu yɛrinŋ pamaan ki mwɔka jɛ ki kɛmi de wuru ntiŋ fa a kaashi kiri ru. 10Mìŋ ɲaan tenŋ ki tɛ, kɛmi i de Yakuba fa Yuhana nu, nini wɔ̀ri wuru Nsebede danshuru ri i, niŋ fa kí i ji Simɔŋ baara mashi ri i.
Nka Yesu i ǹʼbi Simɔŋ tɛ : « Fa kɛni kì! Ŋì i shi dɔnsaŋ, miŋ a ji Kirinŋ tɛ koŋ ceelitɔnŋ i. » 11Kí na-i so arɔɔ buŋ kiri wu tankpiŋ ki ra waarinŋ wɔ̀ ru, Simɔŋ fa a baara mashi kiri i finŋ bataa tu nmaŋ, kí i ǹʼpa Yesu cɛfan.
Yesu tuutiŋ bɛɛ kene-i
(Matiyu 8.1–4; Maraka 1.40–45)
12Jibi bɛɛ, ŋì i Yesu tu kili bɛɛ ra Galile sɔɔta ki ru, tuutiŋ bɛɛ i ji niŋ mani nu. Niŋ wɔ tuu ki juu wuru kusɛbɛ. Wú Yesu ja-i waarinŋ wɔ̀ ru, wú i ta a kwushiri ntiŋ fɛ, wú i ntiŋ nafɛ tu : « Ŋuntiŋ, a ǹʼdi ábɛɛ tɛ, ábɛɛ ra so míŋ kene-i, nwɔma ka nɔɔ ka i san míŋ na. »
13Niŋ na, Yesu i a gbɛ bili weŋ ki sun, ntiŋ i ǹʼbi : « Ǹʼdi-i míŋ tɛ, kene. » Mìŋ manaanŋ tenŋ ki ru, tuu ki i san weŋ ki ra.
14Yesu i ǹʼbi furu weŋ ki tɛ : « Fa nʼkene wulu ki bi koŋ tɛ kì, nka ta nʼyɛri ji Kirinŋ tɛ sarakawɔrɔtɔnŋ kiri ŋununtiŋ ki wu. Kirinŋ wɔ cintɔnŋ Musa saraka wɔ̀ wulu bi-i tuu kenemaan ki saraka ki i, ŋi i niŋ san, nwɔma ŋi i ǹʼji konaŋ ki bataa wu tu miŋ kene. »
15Yesu a kaan-a, tu weŋ ki fa a kene wulu ki bi koŋ tɛ kì, niŋ fa a fɔn na, ǹʼbɛɛ wuru bo ta-a ntiŋ tɔ ki sun jibi woo jibi. Koŋ mwɔɔnna wuru na-a ntiŋ tɛ, nwɔma arì i ntiŋ wɔ wulu ki rama. Kiratɔnŋ wɔ̀ri wuru konaŋ ki kanfɛ, nini i ǹʼceeli-li, ntiŋ i arì kene. 16Nka Yesu wuru tu-a, ntiŋ i ta-ri a cinancinŋ jaŋ fan, ntiŋ i ta Kirinŋ nafɛ-ri.
Yesu mwurunku bɛɛ kene-i
(Matiyu 9.1–8; Maraka 2.1–12)
17Jibi bɛɛ, Yesu wuru konaŋ ki kali-la fu bɛɛ ru, Farinsiyɛnŋ kiri fa sariya kalimɔɔ bɛɛ ri i ji nmaŋ. Kí po wuru Galile fa Yude kili kiri bataa ra, niŋ fa Yerusalɛmu. Ŋuntiŋ Kirinŋ wɔ sotinbi ki wuru Yesu gbɛ, ntiŋ i konaŋ kiri kene-ni. 18Ŋì i Yesu tu konaŋ ki kali-la, koŋ bɛɛ ri i na mwurunku bɛɛ wu bilifinŋ nu, kí wuru ǹʼtɛ arì i de arɔɔ kiratɔnŋ ki wu, arì i ta ǹʼbili Yesu fɛ. 19Nka kí demaŋ kila kí i so ntiŋ sun konaŋ ki gbɛ kì. Niŋ na, kí i tunpa fu ki ŋununu#5.19 Niŋ fu ki wuru tanka, niŋ ki ra, kí i so ǹʼŋununu ki warinka-i, kí i arɔɔ kiratɔnŋ ki jɛri niŋ ta ki ra., kí i ǹʼmani ki bɛɛ warinka, kí i mwurunku ki jɛri a bilifinŋ ki ru niŋ ta ki ra Yesu ɲaanfɛ konaŋ ki faninmwuŋ.
20Yesu ǹʼja-i tu niŋ koŋ kiri bili afinŋ na kusɛbɛ, ntiŋ i ǹʼbi : « Shuru, mɔɔn bijɛ kiri tu-i nʼtɛ. »
21 Sariya kalimɔɔ kiri fa Farinsiyɛnŋ kiri i ǹʼmiiri-ri arì ciiru tu : « Ka a nkɛnŋ kɔɔn, ntiŋ i Kirinŋ tɔ ki li-ri ka ɲaan ka tɛ? Nkɛnŋ tenŋ so-a koŋ wɔ bijɛ tu-i ntiŋ tɛ Kirinŋ kɔɔtɛ? »
22Nka Yesu i kí ciiru wɔ ki tɔ, ntiŋ tu kí tɛ : « Nfɛnŋ na, ka ɲakilila jɛ ka bishi i ji ábɛɛ ciiru? 23Ŋi i ǹʼbi mwurunku ki tɛ, tu wúwɔ bijɛ kiri tu wú tɛ, walima ŋi i ǹʼbi tu wú jɔrɔkɔ tu, wú i tiri tan, ábɛɛ cirasun tu ǹʼdanwɔ bimaŋ di? 24Nka míŋ a ǹʼji ábɛɛ wu jiŋ, ńʼtu mínwɔ̀ i Koŋ Danshuruu, ńʼtu so míŋ gbɛ pwɔkulinŋ ka sun, ŋí i konaŋ kiri wɔ bijɛ kiri tu kí tɛ. » Niŋ na, ntiŋ i ǹʼbi mwurunku ki tɛ : « Jɔrɔkɔ, ŋi i nʼwɔ bilifinŋ ki shi, ŋi i tiri kulu. »
25Mìŋ manaanŋ tenŋ ki ru, weŋ ki i jɔrɔkɔ koŋ bataa ɲaanna, wú i awɔ bilifinŋ ki shi, wú i tiri kulu. Wú tirira ki, wú i ta Kirinŋ gbɛ fan. 26Niŋ botɔnsun i kí bataa pa, kí i baraka bi-ri Kirinŋ tɛ. Kí kɛnimaan ki i ǹʼbi-ri : « Yibɛɛ botɔnsunbi ri ja-i jiŋ dɛ! »
Yesu Lewi dɔri-i tu ntiŋ ji awɔ kalindaŋ i
(Matiyu 9.9–13; Maraka 2.13–17)
27Niŋ kɔɔtɛ, Yesu i po, ntiŋ i ɲinisarakɔlɔtɔnŋ bɛɛ sɔɔ ja, nwɔ̀ tɔ wuru tu Lewi. Wú sɔɔ wuru ɲinisarakɔlɔtɔnŋ kiri wɔ baara mamaŋ ki ru. Yesu i ǹʼbi wú tɛ : « Ǹʼpa míŋ cɛfan. » 28Lewi i bi bataa tu nmaŋ, wú i jɔrɔkɔ, wú i ǹʼpa Yesu cɛfan.
29Lewi i ta nufinŋ sinaŋ si Yesu tɛ awɔ mani nu. Ɲinisarakɔlɔtɔnŋ mwɔɔnna niŋ fa koŋ tɔri ri wuru niŋ nufinŋ numaŋ ki ru. 30Farinsiyɛnŋ kiri fa sariya kalimɔɔ wɔ̀ri wuru nmaŋ, nini wuru tɔnkunfɛ wulu ki ra, kí i ǹʼbi-ri Yesu wɔ kalindaŋ kiri tɛ tu : « Nfɛnŋ na, ábɛɛ fa ɲinisarakɔlɔtɔnŋ kiri fa bijɛmatɔnŋ kiri nuŋ ki nu-a ámaŋ fan? »
31Yesu i kí rupwulu : « Koŋ kenemaan kiri maku janmatɔnŋ na kì, nwɔ̀ i kiratɔnŋ kiri i, nini maku i ǹʼna. 32Míŋ na koŋ telimaan kiri dɔri tu kí arɔɔ bijɛ kiri tɔnbo kì, duu bijɛmatɔnŋ kiri, nwɔma kí i ntɔri bi arɔɔ bijɛ kiri ra, kí i na Kirinŋ tɛ. »
Sunŋ deka ɲaan ki
(Matiyu 9.14–17; Maraka 2.8–22)
33Kí tu Yesu tɛ : « Yuhana wɔ kalindaŋ kiri fa Farinsiyɛnŋ kiri wɔ kalindaŋ kiri i sunŋ de-a waaci mwɔɔnna, kí i Kirinŋ nafɛ-ri, nka mɔɔn kiri, nini i nufinŋ nu-ni, kí i arì mwunu-ni. »
34Yesu tu kí tɛ : « Ábɛɛ ra so cɛn tɛ wɔshuru kiri suu-u nufinŋ nu sun, ŋì i kí fa marishinŋ ki tu arìmaŋ fan wa? Míŋ bili niŋ na kì dɛ! 35Nka jibi ri yirira i nmaŋ, marishinŋ ki a na shi san kí ra. Niŋ jibi kiri ra, kí a na sunŋ de-ri. »
36Yesu i ka wulusuntalinŋ ka bi kí tɛ sɛbɛ : « Koŋ juulinŋ ŋunaŋ nagbɛri-ra, ŋi i niŋ da juulinŋ bwuumaan na kì. A niŋ ma, juulinŋ ŋunaŋ ki i li-a, ǹʼbwulu ki fa ǹʼbwuumaan ki dumiŋ a arìmaŋ shi kì. 37Koŋ dunfɛnŋ juuraŋ bo-a foroko bwuumaan ni nu kì. A niŋ ma, dunfɛnŋ juuraŋ ki borama ki a foroko bwuumaan kiri gbɛri, dunfɛnŋ ki i kɔnkɔli, foroko kiri i ji-a li. 38Niŋ na, dunfɛnŋ juuraŋ ki kakan-i foroko ŋunaŋ ni nu. 39Konwɔtiŋ dunfɛnŋ bomaan ki mwunu-i, ntiŋ a ji dunfɛnŋ juuraŋ ki tɛ kili kì, sabu ntiŋ a ǹʼbi tu : ‹ Ǹʼbomaan ki bishi jii nmaŋ kì. › »
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.