ཡོ་ཧ་ནན། 21
21
ཡེ་ཤུ་ཉེ་གནས་བདུན་རྩ་རུ་མངོན་པ།
1འོ་དེ་གཤམ་ནས་ཡེ་ཤུ་ཏི་བེར་ཡཱས་མཚོའི་འགྲམ་དུ་ཉེ་གནས་ཀྱ་ལ་ཁོ་རང་ཡང་མངོན་དུ་མཛད་པ་ལགས། ཁོང་པ་ཡིས་རང་ལ་དེ་རེ་བྱས་རེ་མངོན་མཛད་པ་ལགས། 2སི་མོན་པེ་ཏྲོ་དང་། དི་དུ་མོས་སྨྲ་མཁན་ཐོ་མཱ་དང་། ག་ལིལ་ཡུལ་གྱི་ཀ་ནཱ་པ་ན་ཐན་ཨེལ་དང་། ཟེ་བད་དཱིའི་བི་ཛ་གཉིས། དེ་ནས་ཁོང་པ་ཡི་ཉེ་གནས་གཞན་མ་གཉིས་བྱས་རེ་ཁོང་གི་རི་མུ་ལ་འོད་ད་ལགས། 3སི་མོན་པེ་ཏྲོ་ཡིས་ཁོང་ཀྱ་ལ་སྨྲས་བ་ལགས། ང་ཉ་ཟིམ་དུ་འགྲོ་ཡས་ཡིན།
ཁོང་ཀྱ་ཡིས་སྨྲས་བ་ལགས། འེ་ཀྱ་ཁྱོའི་མུ་ལ་འགྲོ་ཡས་ཡིན། དེ་ནས་ཁོང་ཀྱ་སོང་རེ་གྲུ་བཞོན་པ་ལགས། ཡིན་ནའང་འོ་དེ་མཚན་མོ་ཁོང་ཀྱ་ཡིས་ཉ་གཅིག་འང་མ་ཟིམ་པ་ལགས།
4ནམ་ལངས་ཡས་བྱེད་འདིག་གང་ལ། ཡེ་ཤུ་མཚོའི་འགྲམ་དུ་བཞེངས་འོད་ད་ལགས། ཡིན་ནའང་ཉེ་གནས་ཀྱ་ཡིས་ཁོང་པ་ཡེ་ཤུ་རང་ཡིན་གྱིན་གོ་མ་ཤེས་བ་ལགས།
5ཡེ་ཤུ་ཡིས་ཁོང་ཀྱ་ལ་གསུངས་བ་ལགས། བི་ཛ་ཀྱ་བོ། ཁྱེད་ཀྱ་ལ་ཉ་རེས་མེད་དེ།
ཁོང་ཀྱ་ཡིས་མེད་སྨྲས་རེ་སྨྲས་བ་ལགས།
6ཁོང་པ་ཡིས་ཁོང་ཀྱ་ལ་གསུངས་བ་ལགས། ཉ་རས་གོ་གྲུ་གཟིངས་ཀྱི་གཡས་ཕྱོགས་ལ་གཡུག། དེ་ནས་ཁྱེད་ཀྱ་ལ་ཉ་རེས་རྙེད་ཀྱི་ལགས། འོ་བྱས་རེ་ཁོང་ཀྱ་ཡིས་ཉ་རས་གོ་གཡུག་པ་ལགས། དེ་ནས་ཉ་དམི་ཅིག་གི་མང་ང་ཟིམ་ཏེ་ཡར་ལ་འཐེན་མ་ཐུབ་པ་ལགས།
7ཡེ་ཤུ་ཡིས་བྱམས་པ་མཛད་ཀྱིན་ཉེ་གནས་ཀྱིས་པེ་ཏྲོ་ལ་སྨྲས་བ་ལགས། ཁོང་པ་གཙོ་བོ་ལགས། ཁོང་གཙོ་བོ་ལགས་སྨྲས་རེ་གོ་ལུང་མེད་ལ་སི་མོན་པེ་ཏྲོ་ཡིས་རང་གི་ཕྱི་གོས་གོ་བསྒྲིལ་རེ་མཚོའི་ནང་དུ་མཆོངས་པ་ལགས། གི་བྱས་རེ་སྨྲ་ན་ཁོས་གོས་གོ་བུད་དེ་བསྡད་འོད་ད་ལགས། 8ཉེ་གནས་གཞན་མ་ཀྱ་སྐམ་ས་ནས་མི་ཊར་བརྒྱ་ཚོད་བྱས་རེ་ཁོང་ཀྱ་ཡིས་ཉ་ཡིས་ཁངས་ཁ་ཉ་རས་གོ་དྲུད་དེ་གྲུ་ནང་དུ་འོངས་བ་ལགས།
9ཁོང་ཀྱ་ས་སྐམ་ས་ལ་སླེབས་ཏེ་འོ་དུ་རུ་སོལ་ལའི་མེའི་ཁར་ལ་ཉ་བཞག་ཞ་དང་གྱང་ག་མཐོང་བ་ལགས།
10ཡེ་ཤུ་ཡིས་ཁོང་ཀྱ་ལ་གསུངས་བ་ལགས། ཁྱེད་ཀྱིས་ད་ལྟ་རང་ཟིམ་ཟ་ཉ་རིང་འགའ་ཁྱེར་ཏེ་ཤོག། 11འོ་བྱས་རེ་སི་མོན་པེ་ཏྲོ་གྲུ་ནང་དུ་སོང་རེ་ཉ་ཆེ་གྱང་དང་ལྔ་བཅུ་ང་གསུམ་ཁངས་ཁ་ཉ་རས་གོ་སྐམ་ས་ལ་དྲུད་དེ་འོངས་བ་ལགས། ཉ་དམི་ཅིག་གི་མང་ང་བྱས་རེའང་ཉ་རས་མ་རལ་བ་ལགས།
12ཡེ་ཤུ་ཡིས་ཁོང་ཀྱ་ལ་གསུངས་བ་ལགས། ད་ཤོག། དེ་ནས་ཞོགས་ཟས་ཟོ། ད་ཉེ་གནས་ཀྱ་ཡིས་གཙོ་བོ་ཡིན་གྱིན་གོ་ངོ་ཤེས་རེ་སུས་འང་ཁོང་པ་སུ་ལེ་སྨྲས་རེ་ཞུ་མ་ཐུབ་པ་ལགས། 13ཡེ་ཤུ་ཕེབས་ཏེ་གྱང་ག་བསྣུམས་ཏེ་ཁོང་ཀྱ་ལ་ཉ་མུ་ལ་སྟེར་པ་ལགས།
14ཡེ་ཤུ་འཆི་བ་ནས་བཞེངས་ཚར་ཏེ་ཉེ་གནས་ཀྱ་མུ་ལ་མཇལ་གྱིན་དེ་ཐེངས་གསུམ་པ་གོ་ལགས།
ཡེ་ཤུ་དང་པེ་ཏྲོ།
15དེ་ནས་ཁོང་ཀྱ་ཡིས་ཞོགས་ཟས་བཟས་ཚར་ཏེ། ཡེ་ཤུ་ཡིས་སི་མོན་པེ་ཏྲོ་ལ་གསུངས་བ་ལགས། ཡོ་ཧ་ནན་གྱི་བི་ཛ་སི་མོན། ཁྱོས་ང་ལ་དེ་ཀྱ་ནས་ལྷག་བརྩེ་བ་བྱེད་འདིག་འོད་དེ།
ཁོས་ཁོང་པ་ལ་ཞུས་བ་ལགས། གཙོ་བོ་ལགས། ངས་ཁྱེད་རང་ལ་བརྩེ་བ་བྱེད་ཀྱིན་གོ་ཁྱེད་རང་མཁྱེན་ད་ལགས།
ཁོང་པ་ཡིས་ཁོ་ལ་གསུངས་བ་ལགས། ངའི་ལུག་ཕྲུག་ཀྱ་ལ་འཚོས།
16ཡང་ཐེངས་གཉིས་བ་ཁོང་པ་ཡིས་ཁོ་ལ་གསུངས་བ་ལགས། ཡོ་ཧ་ནན་གྱི་བི་ཛ་སི་མོན། ཁྱོད་ང་ལ་བརྩེ་བ་བྱེད་འདིག་འོད་དེ།
ཁོས་ཁོང་པ་ལ་གསུངས་བ་ལགས། གཙོ་བོ་ལགས། ང་ཁྱེད་རང་ལ་བརྩེ་བ་བྱེད་འདིག་འོད།
ཁོང་པ་ཡིས་ཁོ་ལ་གསུངས་བ་ལགས། ངའི་ལུག་ཀྱ་ལ་སྐྱོངས།
17ཐེངས་གསུམ་པ་ཁོང་པ་ཡིས་ཁོ་ལ་གསུངས་བ་ལགས། ཡོ་ཧ་ནན་གྱི་བི་ཛ་སི་མོན། ཁྱོད་ང་ལ་བརྩེ་བ་བྱེད་འདིག་འོད་དེ།
ད་ཡེ་ཤུ་ཡིས་པེ་ཏྲོ་ལ་ཐེངས་གསུམ་པ་ཐུག་པའི། ཁྱོས་ང་ལ་བརྩེ་བ་བྱེད་འདིག་འོད་དེ། གསུངས་རེ་འདྲི་བ་མཛད་ཀྱིན་གོ་ལ་ཁོ་སེམས་ཕམ་པ་ལགས།
དེ་ནས་ཁོས་ཁོང་པ་ལ་ཞུས་བ་ལགས། གཙོ་བོ། ཁྱེད་རང་གི་རི་མཁྱེན་ད་ལགས། ངས་ཁྱེད་རང་ལ་བརྩེ་བ་བྱེད་ཀྱིན་གོའང་ཁྱེད་རང་མཁྱེན་ད་ལགས།
ཡེ་ཤུ་ཡིས་ཁོ་ལ་གསུངས་བ་ལགས། ངའི་ལུག་ཀྱ་འཚོས། 18ང་ཁྱོད་ལ་བདེན་པ་བདེན་ཀྱང་སྨྲ་ཡིན། ཁྱོད་གཞོན་པ་འོད་དེ་གང་ལ། ཁྱོད་རང་གི་སྐེད་རགས་རང་རེལ་ལ་ལགས། དེ་ནས་རང་ག་རུ་འཐད་ཀྱིན་གོ་ལ་འགྲོ་བ་ལགས། ཡིན་ནའང་ཁྱོད་ཁ་རྒས་རེ་ཁྱོའི་ལག་པ་བརྐྱངས་རེ་མི་གཞན་མ་ཡིས་ཁྱོའི་སྐེད་རགས་རེལ་གྱི་ལགས། དེ་ནས་ཁྱོའི་མེད་འཐད་ཀྱིན་ས་ཆ་ལ་ཁྱོད་ལ་འཁྲིད་ཀྱི་ལགས། 19པེ་ཏྲོའི་འཆི་བ་སྒོ་ནས་དཀོན་མཆོག་ལ་གཟི་བརྗིད་འོང་གིན་གྱི་སྐོར་ལ་སྟོན་ཡས་ལ་ཁོང་པ་ཡིས་དེ་གསུངས་བ་ལགས། དེ་གསུངས་ཚར་ཏེ་ཁོང་པ་ཡིས་ཁོ་ལ་གསུངས་བ་ལགས། ངའི་གཤམ་པ་ལ་འབྲོངས།
ཡེ་ཤུ་དང་ཁོང་གིས་བྱམས་པ་མཛད་ཀྱིན་ཉེ་གནས་གོ།
20པེ་ཏྲོ་ཡིས་ཁ་སློག་སྟེ་ཡེ་ཤུ་ཡིས་བྱམས་པ་མཛད་ཀྱིན་ཉེ་གནས་གོ་ཁོང་ཀྱ་ཡིས་གཤམ་པ་ལ་འོང་གིན་གོ་མཐོང་བ་ལགས། མཐའ་མའི་ཞལ་ལག་ལ་ཡེ་ཤུའི་འགྲམ་ལ་བསྙེས་རེ་བསྡད་དེ་ཁོང་པ་ལ། གཙོ་བོ། ཁྱེད་རང་ལ་དགྲའི་ལག་པ་ལ་རྩི་བརྒྱབ་ཡས་བྱེད་མཁན་གོ་སུ་ལེ་སྨྲས་རེ་དྲི་མཁན་ཉེ་གནས་གོ་ཁོ་རང་ལགས།
21པེ་ཏྲོ་ཡིས་ཁོ་ལ་མཐོང་རེ་ཡེ་ཤུ་ལ་ཞུས་བ་ལགས། གཙོ་བོ། ཁོ་ལ་གི་གསུངས་ཡས་འོད་དོ།
22ཡེ་ཤུ་ཡིས་ཁོ་ལ་གསུངས་བ་ལགས། ང་མ་ཡོང་ཐུག་པའི་ཁོ་གསོན་པོ་གནས་ཡས་ཀྱི་ངའི་འདོད་པ་ཡིན་ན། ཁྱོད་ལ་འབྲེལ་བ་གི་འོད་དོ། ཁྱོད་ངའི་གཤམ་པ་ལ་འབྲོངས།
23འོ་བྱས་རེ་ཉེ་གནས་དེ་ཤི་གི་མ་ལགས་སྨྲས་རེ་སྤུན་ཀྱ་ཡི་ནང་ལ་ཁྱབ་པ་ལགས། ཡིན་ནའང་ཡེ་ཤུ་ཡིས་ཁོ་ཤི་གུ་མ་ལགས་གསུངས་རེ་མ་གསུངས་བ་ལགས། ཡིན་ནའང་ང་མ་ཡོང་ཐུག་པའི་ཁོ་གསོན་པོ་གནས་ཡས་ཀྱི་ངའི་འདོད་པ་ཡིན་ན། ཁྱོད་ལ་འབྲལ་བ་གི་འོད་དོ་གསུངས་རེ་གསུངས་བ་ལགས།
24དོན་དེ་ཀྱ་ལ་དཔང་པོ་བྱེད་ཀྱིན་དང་ཡིག་དེ་ཀྱ་འབྲི་མཁན་ཉེ་གནས་གོ་ཁོ་རང་ལགས། དེ་ནས་ཁོས་དཔང་པོ་བྱས་ཀྱིན་གོ་བདེན་པ་ལགས་སྨྲས་རེ་འེ་ཀྱ་ལ་ཤེས་ཡས་འོད།
25ད་ཡེ་ཤུ་ཡིས་མཛད་ཛ་ཕྱག་ལས་གཞན་མ་དམི་ཅིག་གི་མང་ང་འོད་ད་ལགས། དེ་ནས་ངའི་བསམ་བློ་ལ་དེ་གི་རི་རེ་རེ་བྲིས་ཡས་ཡིན་ན། བྲིས་བྲ་དེབ་ཀྱ་འཇིག་རྟེན་འདི་རུའང་ཤོང་ཡས་མེད་ད་ལགས།།
Currently Selected:
ཡོ་ཧ་ནན། 21: LOY
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
ཡོ་ཧ་ནན། 21
21
ཡེ་ཤུ་ཉེ་གནས་བདུན་རྩ་རུ་མངོན་པ།
1འོ་དེ་གཤམ་ནས་ཡེ་ཤུ་ཏི་བེར་ཡཱས་མཚོའི་འགྲམ་དུ་ཉེ་གནས་ཀྱ་ལ་ཁོ་རང་ཡང་མངོན་དུ་མཛད་པ་ལགས། ཁོང་པ་ཡིས་རང་ལ་དེ་རེ་བྱས་རེ་མངོན་མཛད་པ་ལགས། 2སི་མོན་པེ་ཏྲོ་དང་། དི་དུ་མོས་སྨྲ་མཁན་ཐོ་མཱ་དང་། ག་ལིལ་ཡུལ་གྱི་ཀ་ནཱ་པ་ན་ཐན་ཨེལ་དང་། ཟེ་བད་དཱིའི་བི་ཛ་གཉིས། དེ་ནས་ཁོང་པ་ཡི་ཉེ་གནས་གཞན་མ་གཉིས་བྱས་རེ་ཁོང་གི་རི་མུ་ལ་འོད་ད་ལགས། 3སི་མོན་པེ་ཏྲོ་ཡིས་ཁོང་ཀྱ་ལ་སྨྲས་བ་ལགས། ང་ཉ་ཟིམ་དུ་འགྲོ་ཡས་ཡིན།
ཁོང་ཀྱ་ཡིས་སྨྲས་བ་ལགས། འེ་ཀྱ་ཁྱོའི་མུ་ལ་འགྲོ་ཡས་ཡིན། དེ་ནས་ཁོང་ཀྱ་སོང་རེ་གྲུ་བཞོན་པ་ལགས། ཡིན་ནའང་འོ་དེ་མཚན་མོ་ཁོང་ཀྱ་ཡིས་ཉ་གཅིག་འང་མ་ཟིམ་པ་ལགས།
4ནམ་ལངས་ཡས་བྱེད་འདིག་གང་ལ། ཡེ་ཤུ་མཚོའི་འགྲམ་དུ་བཞེངས་འོད་ད་ལགས། ཡིན་ནའང་ཉེ་གནས་ཀྱ་ཡིས་ཁོང་པ་ཡེ་ཤུ་རང་ཡིན་གྱིན་གོ་མ་ཤེས་བ་ལགས།
5ཡེ་ཤུ་ཡིས་ཁོང་ཀྱ་ལ་གསུངས་བ་ལགས། བི་ཛ་ཀྱ་བོ། ཁྱེད་ཀྱ་ལ་ཉ་རེས་མེད་དེ།
ཁོང་ཀྱ་ཡིས་མེད་སྨྲས་རེ་སྨྲས་བ་ལགས།
6ཁོང་པ་ཡིས་ཁོང་ཀྱ་ལ་གསུངས་བ་ལགས། ཉ་རས་གོ་གྲུ་གཟིངས་ཀྱི་གཡས་ཕྱོགས་ལ་གཡུག། དེ་ནས་ཁྱེད་ཀྱ་ལ་ཉ་རེས་རྙེད་ཀྱི་ལགས། འོ་བྱས་རེ་ཁོང་ཀྱ་ཡིས་ཉ་རས་གོ་གཡུག་པ་ལགས། དེ་ནས་ཉ་དམི་ཅིག་གི་མང་ང་ཟིམ་ཏེ་ཡར་ལ་འཐེན་མ་ཐུབ་པ་ལགས།
7ཡེ་ཤུ་ཡིས་བྱམས་པ་མཛད་ཀྱིན་ཉེ་གནས་ཀྱིས་པེ་ཏྲོ་ལ་སྨྲས་བ་ལགས། ཁོང་པ་གཙོ་བོ་ལགས། ཁོང་གཙོ་བོ་ལགས་སྨྲས་རེ་གོ་ལུང་མེད་ལ་སི་མོན་པེ་ཏྲོ་ཡིས་རང་གི་ཕྱི་གོས་གོ་བསྒྲིལ་རེ་མཚོའི་ནང་དུ་མཆོངས་པ་ལགས། གི་བྱས་རེ་སྨྲ་ན་ཁོས་གོས་གོ་བུད་དེ་བསྡད་འོད་ད་ལགས། 8ཉེ་གནས་གཞན་མ་ཀྱ་སྐམ་ས་ནས་མི་ཊར་བརྒྱ་ཚོད་བྱས་རེ་ཁོང་ཀྱ་ཡིས་ཉ་ཡིས་ཁངས་ཁ་ཉ་རས་གོ་དྲུད་དེ་གྲུ་ནང་དུ་འོངས་བ་ལགས།
9ཁོང་ཀྱ་ས་སྐམ་ས་ལ་སླེབས་ཏེ་འོ་དུ་རུ་སོལ་ལའི་མེའི་ཁར་ལ་ཉ་བཞག་ཞ་དང་གྱང་ག་མཐོང་བ་ལགས།
10ཡེ་ཤུ་ཡིས་ཁོང་ཀྱ་ལ་གསུངས་བ་ལགས། ཁྱེད་ཀྱིས་ད་ལྟ་རང་ཟིམ་ཟ་ཉ་རིང་འགའ་ཁྱེར་ཏེ་ཤོག། 11འོ་བྱས་རེ་སི་མོན་པེ་ཏྲོ་གྲུ་ནང་དུ་སོང་རེ་ཉ་ཆེ་གྱང་དང་ལྔ་བཅུ་ང་གསུམ་ཁངས་ཁ་ཉ་རས་གོ་སྐམ་ས་ལ་དྲུད་དེ་འོངས་བ་ལགས། ཉ་དམི་ཅིག་གི་མང་ང་བྱས་རེའང་ཉ་རས་མ་རལ་བ་ལགས།
12ཡེ་ཤུ་ཡིས་ཁོང་ཀྱ་ལ་གསུངས་བ་ལགས། ད་ཤོག། དེ་ནས་ཞོགས་ཟས་ཟོ། ད་ཉེ་གནས་ཀྱ་ཡིས་གཙོ་བོ་ཡིན་གྱིན་གོ་ངོ་ཤེས་རེ་སུས་འང་ཁོང་པ་སུ་ལེ་སྨྲས་རེ་ཞུ་མ་ཐུབ་པ་ལགས། 13ཡེ་ཤུ་ཕེབས་ཏེ་གྱང་ག་བསྣུམས་ཏེ་ཁོང་ཀྱ་ལ་ཉ་མུ་ལ་སྟེར་པ་ལགས།
14ཡེ་ཤུ་འཆི་བ་ནས་བཞེངས་ཚར་ཏེ་ཉེ་གནས་ཀྱ་མུ་ལ་མཇལ་གྱིན་དེ་ཐེངས་གསུམ་པ་གོ་ལགས།
ཡེ་ཤུ་དང་པེ་ཏྲོ།
15དེ་ནས་ཁོང་ཀྱ་ཡིས་ཞོགས་ཟས་བཟས་ཚར་ཏེ། ཡེ་ཤུ་ཡིས་སི་མོན་པེ་ཏྲོ་ལ་གསུངས་བ་ལགས། ཡོ་ཧ་ནན་གྱི་བི་ཛ་སི་མོན། ཁྱོས་ང་ལ་དེ་ཀྱ་ནས་ལྷག་བརྩེ་བ་བྱེད་འདིག་འོད་དེ།
ཁོས་ཁོང་པ་ལ་ཞུས་བ་ལགས། གཙོ་བོ་ལགས། ངས་ཁྱེད་རང་ལ་བརྩེ་བ་བྱེད་ཀྱིན་གོ་ཁྱེད་རང་མཁྱེན་ད་ལགས།
ཁོང་པ་ཡིས་ཁོ་ལ་གསུངས་བ་ལགས། ངའི་ལུག་ཕྲུག་ཀྱ་ལ་འཚོས།
16ཡང་ཐེངས་གཉིས་བ་ཁོང་པ་ཡིས་ཁོ་ལ་གསུངས་བ་ལགས། ཡོ་ཧ་ནན་གྱི་བི་ཛ་སི་མོན། ཁྱོད་ང་ལ་བརྩེ་བ་བྱེད་འདིག་འོད་དེ།
ཁོས་ཁོང་པ་ལ་གསུངས་བ་ལགས། གཙོ་བོ་ལགས། ང་ཁྱེད་རང་ལ་བརྩེ་བ་བྱེད་འདིག་འོད།
ཁོང་པ་ཡིས་ཁོ་ལ་གསུངས་བ་ལགས། ངའི་ལུག་ཀྱ་ལ་སྐྱོངས།
17ཐེངས་གསུམ་པ་ཁོང་པ་ཡིས་ཁོ་ལ་གསུངས་བ་ལགས། ཡོ་ཧ་ནན་གྱི་བི་ཛ་སི་མོན། ཁྱོད་ང་ལ་བརྩེ་བ་བྱེད་འདིག་འོད་དེ།
ད་ཡེ་ཤུ་ཡིས་པེ་ཏྲོ་ལ་ཐེངས་གསུམ་པ་ཐུག་པའི། ཁྱོས་ང་ལ་བརྩེ་བ་བྱེད་འདིག་འོད་དེ། གསུངས་རེ་འདྲི་བ་མཛད་ཀྱིན་གོ་ལ་ཁོ་སེམས་ཕམ་པ་ལགས།
དེ་ནས་ཁོས་ཁོང་པ་ལ་ཞུས་བ་ལགས། གཙོ་བོ། ཁྱེད་རང་གི་རི་མཁྱེན་ད་ལགས། ངས་ཁྱེད་རང་ལ་བརྩེ་བ་བྱེད་ཀྱིན་གོའང་ཁྱེད་རང་མཁྱེན་ད་ལགས།
ཡེ་ཤུ་ཡིས་ཁོ་ལ་གསུངས་བ་ལགས། ངའི་ལུག་ཀྱ་འཚོས། 18ང་ཁྱོད་ལ་བདེན་པ་བདེན་ཀྱང་སྨྲ་ཡིན། ཁྱོད་གཞོན་པ་འོད་དེ་གང་ལ། ཁྱོད་རང་གི་སྐེད་རགས་རང་རེལ་ལ་ལགས། དེ་ནས་རང་ག་རུ་འཐད་ཀྱིན་གོ་ལ་འགྲོ་བ་ལགས། ཡིན་ནའང་ཁྱོད་ཁ་རྒས་རེ་ཁྱོའི་ལག་པ་བརྐྱངས་རེ་མི་གཞན་མ་ཡིས་ཁྱོའི་སྐེད་རགས་རེལ་གྱི་ལགས། དེ་ནས་ཁྱོའི་མེད་འཐད་ཀྱིན་ས་ཆ་ལ་ཁྱོད་ལ་འཁྲིད་ཀྱི་ལགས། 19པེ་ཏྲོའི་འཆི་བ་སྒོ་ནས་དཀོན་མཆོག་ལ་གཟི་བརྗིད་འོང་གིན་གྱི་སྐོར་ལ་སྟོན་ཡས་ལ་ཁོང་པ་ཡིས་དེ་གསུངས་བ་ལགས། དེ་གསུངས་ཚར་ཏེ་ཁོང་པ་ཡིས་ཁོ་ལ་གསུངས་བ་ལགས། ངའི་གཤམ་པ་ལ་འབྲོངས།
ཡེ་ཤུ་དང་ཁོང་གིས་བྱམས་པ་མཛད་ཀྱིན་ཉེ་གནས་གོ།
20པེ་ཏྲོ་ཡིས་ཁ་སློག་སྟེ་ཡེ་ཤུ་ཡིས་བྱམས་པ་མཛད་ཀྱིན་ཉེ་གནས་གོ་ཁོང་ཀྱ་ཡིས་གཤམ་པ་ལ་འོང་གིན་གོ་མཐོང་བ་ལགས། མཐའ་མའི་ཞལ་ལག་ལ་ཡེ་ཤུའི་འགྲམ་ལ་བསྙེས་རེ་བསྡད་དེ་ཁོང་པ་ལ། གཙོ་བོ། ཁྱེད་རང་ལ་དགྲའི་ལག་པ་ལ་རྩི་བརྒྱབ་ཡས་བྱེད་མཁན་གོ་སུ་ལེ་སྨྲས་རེ་དྲི་མཁན་ཉེ་གནས་གོ་ཁོ་རང་ལགས།
21པེ་ཏྲོ་ཡིས་ཁོ་ལ་མཐོང་རེ་ཡེ་ཤུ་ལ་ཞུས་བ་ལགས། གཙོ་བོ། ཁོ་ལ་གི་གསུངས་ཡས་འོད་དོ།
22ཡེ་ཤུ་ཡིས་ཁོ་ལ་གསུངས་བ་ལགས། ང་མ་ཡོང་ཐུག་པའི་ཁོ་གསོན་པོ་གནས་ཡས་ཀྱི་ངའི་འདོད་པ་ཡིན་ན། ཁྱོད་ལ་འབྲེལ་བ་གི་འོད་དོ། ཁྱོད་ངའི་གཤམ་པ་ལ་འབྲོངས།
23འོ་བྱས་རེ་ཉེ་གནས་དེ་ཤི་གི་མ་ལགས་སྨྲས་རེ་སྤུན་ཀྱ་ཡི་ནང་ལ་ཁྱབ་པ་ལགས། ཡིན་ནའང་ཡེ་ཤུ་ཡིས་ཁོ་ཤི་གུ་མ་ལགས་གསུངས་རེ་མ་གསུངས་བ་ལགས། ཡིན་ནའང་ང་མ་ཡོང་ཐུག་པའི་ཁོ་གསོན་པོ་གནས་ཡས་ཀྱི་ངའི་འདོད་པ་ཡིན་ན། ཁྱོད་ལ་འབྲལ་བ་གི་འོད་དོ་གསུངས་རེ་གསུངས་བ་ལགས།
24དོན་དེ་ཀྱ་ལ་དཔང་པོ་བྱེད་ཀྱིན་དང་ཡིག་དེ་ཀྱ་འབྲི་མཁན་ཉེ་གནས་གོ་ཁོ་རང་ལགས། དེ་ནས་ཁོས་དཔང་པོ་བྱས་ཀྱིན་གོ་བདེན་པ་ལགས་སྨྲས་རེ་འེ་ཀྱ་ལ་ཤེས་ཡས་འོད།
25ད་ཡེ་ཤུ་ཡིས་མཛད་ཛ་ཕྱག་ལས་གཞན་མ་དམི་ཅིག་གི་མང་ང་འོད་ད་ལགས། དེ་ནས་ངའི་བསམ་བློ་ལ་དེ་གི་རི་རེ་རེ་བྲིས་ཡས་ཡིན་ན། བྲིས་བྲ་དེབ་ཀྱ་འཇིག་རྟེན་འདི་རུའང་ཤོང་ཡས་མེད་ད་ལགས།།
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society